Tverrpolitisk Samlingsliste Bygdaliste for Os PRINSIPPROGRAM 2015 2019 OMSORG FOR BYGDO!

Tverrpolitisk Samlingsliste Bygdaliste for Os PRINSIPPROGRAM 2015 2019 OMSORG FOR BYGDO!

10 gode grunnar til å stemma Tverrpolitisk Samlingsliste: Meir pengar inn i skule der framtida vert bygd Sikra eit ope, inkluderande og levande lokaldemokrati Vi vil ha betre styring og auka kontroll over utbygging i kommunen Vi ønskjer eit levande bygdesamfunn som er i pakt med framtida, bygd på identiteten til bygda og innbyggjarane Bevar FJELLHEIM ta vare på signalbygga våre Skrinleggja E-39 over Bjørnafjorden. Indre trasè over Fusa er alternativet Sterkt fokus på Næringsutvikling og Innovasjon, Os treng arbeidsplassar NEI til eigedomskatt Styrkja ernæringstenesta i kommunen for barn, vaksne og eldre La menneske med trong for pleie og omsorg få bu heime lengst mogeleg Du kan lesa meir om kandidatane og programmet vårt på vår nettside: www.os-tvs.no 2

GODT VAL! Nytt kommuneval står for døra. 35 kommunestyremedlemmer skal veljast til å styra Os kommunen dei neste fire åra. Kommunen og lokalpolitikken er til for innbyggjarane, noko som må vera styrande for politisk arbeid i lokalsamfunnet. TvS meiner at nokre av dei viktigaste oppgåvene i lokalpolitikken er: Sikra eit ope og levande lokaldemokrati, der kvar einskild har reell medverknad og kan å ytra seg Sørgja for gode kommunale tenester til ein overkomeleg kostnad. Vi er uroa over veksten i lånegjelda 1. Terje Sperrevik Os Aust Kommunen skal vera ein god arbeidsgjevar som sikrar sine tilsette trygge arbeidsplassar og godt arbeidsmiljø. Tilsette skal ha full ytringsrett innafor ramma av lovpålagd teieplikt Tverrpolitisk Samlingsliste er ei godt forankra bygdeliste i politikken i Os kommune. Bygdelista har røter tilbake til 1971. Samlingslista og Tverrpolitisk parti vart slått saman til Tverrpolitisk Samlingsliste i 2002. Dei siste val periodane har me vore den tredje og fjerde største grupperinga i kommunestyret. Samlingslista hadde ordførarposisjonen i fleire periodar Vi ønskjer vera eit godt, men annleis alternativ, for deg i lokalpolitikken. Kommunevalet meiner vi skal pregast av lokale saker og avgjerast ut frå lokale føresetnader. Personvalet er viktigare enn rikspolitiske skiljeliner. TvS har samla 34 kandidatar, som er uredde, flinke og samfunnsengasjerte personar i ditt nærmiljø. Alle vil vi arbeida for at: Os kommune skal utvikla seg som eit moderne blomstrande bygdesamfunn. Identiteten til bygda og innbyggjarane skal vera berebjelken Lykke til med ditt val. Terje Sperrevik Ordførarkandidat for Tverrpolitisk Samlingsliste www.os-tvs.no 3

Skule og oppvekst Vi vil arbeida for å sikra dei pedagogiske ressursane i barnehagen Vi vil arbeida for to årlege opptak i barnehagane Vi ønskjer at alle som jobbar med barn frå 1-10 år skal få kurs i DUÅ, ( Dei utrulege åra). Dette vil skje i perioden 2015-2019. Dette for at barna skal få dei nødvendige verktøy til å takla kvardagen dei lever i. Vi vil laga arena og rom for foreldrerettleiing innafor DUÅ (Dei utrulege åra) Sikra tilstrekkeleg investeringsmiddel til å få alle skular i Os opp på rett kvalitets- og kapasitetsnivå Gi lærarane og skuleleiarane større moglegheit til fagleg utvikling i form av kurs, etter- og vidare utdanning Krinsskulane skal vidareutviklast til gode læringsarenaer i lokalmiljøet. Vi ser på krinskulane som ein styrke for nærmiljøet og kommunen som heilskap Vi har tru på større fokus på eit godt miljø for samhandling. Det vil skapa ein skulekvardag med fokus på gode relasjonar og eit trygt og godt læringsmiljø Meir ressursar til drift av skulane. Vi ønskjer best mogleg undervisning i klasserommet, fleire lærarar/vaksne og gode læremiddel. Det er innhaldet i skulekvardagen vi vil forsterka Vi ønskjer å leggja til rette for meir satsing på sosial og emosjonell kompetanse i skulen og barnehagen. Læringsprosessar innan samarbeid, ansvar, sjølvkontroll, empati og sjølvhevding ser vi som viktige verktøy for trivsel, tryggleik og læring Tidleg innsats og tilpassa opplæring til alle. Kvar elev skal bli «sett». Utfordring for den einskilde elev på ulike nivå Lærarane må få handlingsrom til å vera den gode lærar for alle elevane Leksehjelp til dei som ønskjer på barneskulen 4 www.os-tvs.no

Tilstrekkeleg ressursar til førebygging av mobbing, og auka den faglege kompetanse for tema Sørgja for at Os Gymnas og Os Vidaregåande skule har gode vilkår for vidareutvikling og vekst Auka ressursar til barnevernet. Eit barn som lir, er eit for mykje Lovpålagte fristar i PPT skal haldast Sikra tilstrekkeleg investeringsmiddel til å få alle skular i Os opp på rett kvalitets- og kapasitetsnivå Arbeida for breibandstilbod i alle krinsar. Dette vil letta innlevering av skuleoppgåver for elevane frå heimen Gang- og sykkelvegar må byggast ut, slik at flest mogeleg kan sykla eller gå til skulen Den kommunale Kulturskulen må vidareutviklast Støtta arbeidet for ei utdanningsmesse i regionen Arbeida for fleire lærlingplassar og arbeidsplassar for ungdom Satsa på ungdommen sin kreativitet, og med økonomiske prosjektmidlar Støtta rusførebyggjande arbeid Setja i gang prosjekt med mål om å auka ungdommen si deltaking i lokaldemokratiet Arbeida for fleire lærlingeplassar og arbeidsplassar for ungdom www.os-tvs.no 5

Bustadbygging og arealforvaltning Arealplanen skal vera styringsreidskap saman med område- og reguleringsplanar Få slutt på rasering av natur og nærmiljø som følgje av planlaus og respektlaus fortetting. Innbyggjarane skal kjenna tryggleik for framtida rundt sine bustader og eigedomar Snarast oppretta eit eige byggjeskikkutval. Gjennomføra retningslinjer for god byggeskikk og estetikk snarast. I samband med kravet om fortetting av bustadområde i Os sentrum, vert eit slikt utval særs nødvendig for å utvikla Osøyro Hovudmåla ved utarbeiding av utbyggingsplanar skal vera å utvikla gode bumiljø og sikra fornuftig balanse mellom krinsar og sentrum Ved ei eventuell fortetting skal ein ta særleg omsyn til det eksisterande bustadmiljøet Innskjerpa oppfølging og kontroll slik at bustadområde får dei kvalitetar som planverk og innbyggjarane forventar Vi vil tidleg involvera innbyggjarane når viktige område- eller reguleringsplanar skal opp til handsaming. Stemmene til alle skal verta høyrte. Vi meiner at alle har viktige bidrag i det offentlege ordskifte. Spesielt viktig er at involveringa kjem i ein tidleg fase og før premissane i saka er laga Vi vil satsa på utvikling av attraktive nærmiljø rundt krinskulane, gjennom utarbeiding av områdeplanar i nært samarbeid med innbyggjarane, grunneigarar og næringsliv Tilrettelegging av rimelige bustader til unge og vanskelegstilte 6 www.os-tvs.no

Utbygging av planlagde bustader på Kuventræ må reduserast kraftig. Bygga skal ikkje skilja seg vesentleg frå eksisterande bustadmiljø i nærområdet. I tillegg må det takast omsyn til sentralidrettsanlegget og vegtilførsel til området Større variasjon i bustadtypane våre, t.d. seniorbustader, bustader for ungdom og bustader for åleinebuande Utbyggjar skal ha eit stort fokus på dei «grøne» og mjuke verdiane i bustadområdet. Her skal dei mjuke trafikantane takast mest omsyn til Plan- og bygningsutvalet skal ha sterkt fokus på reglane for universell utforming, både i nye og gamle bygg. Setja i gang arbeidet med å planleggja områdeplanen frå Landboden til Borgen www.os-tvs.no 7

Nærmiljø Vi ønskjer eit levande bygdesamfunn som er i pakt med framtida, bygd på identiteten til innbyggjarane Vi vil ha levande krinsar i heile kommunen. Satsing på krinskulane ser vi som nødvendig for å oppnå dette Vedlikehalda og utvikla nærmiljøanlegg, med vekt på leikeareal for barn og ungdom Arbeida for alternative rusfrie fritidstilbod for unge, og driva førebyggjande arbeid Støtta arbeid mot rus og vald Støtta natteravnane sitt arbeid Ha ei prioritert og dermed forutsigbar liste for etablering av gang- og sykkelvegar Veglys og tryggare skuleveg for alle Setja vilkår om trygge vegar i alle nye reguleringsplanar Støtta eit aktivt nærmiljø som dreg generasjonane saman i eit godt lokalsamfunn 8 www.os-tvs.no

Natur og miljø Vi skal visa respekt for vår historie og verna om vår kulturhistoriske identitet. Denne verdien frå fortida må vi ta med oss inn i framtida. Fjord, fjell, naturlandskap, dialekt, Oselvar, rosemåling, bunadsaum og signalbygg er døme på slike verdiar Ta vare på og utvikla strandbeltet, kystlinja, fjell og villmarksområde, og sikra allmenn tilgang. Naturen i kommunen er til glede og oppleving. Vi skal bruka desse rikdomane med varsemd, så dei ikkje vert øydelagde Rydda og utvikla turstiar. Sikra parkeringsplassar knytt til turområda. Dette i nært samarbeid med grunneigarar og friviljuge organisasjonar Os kommune skal vera ein grøn energikommune. Driva aktiv energisparing og vera ein pådrivar for å redusera CO2- utslepp. Kommunen skal ta i bruk el-bilar/hybridbilar Støtta opp om det fleirkulturelle mangfaldet i bygda Ta vare på og rusta opp natur- og vassvegen «Krabbedalselva» frå Osøyro til og med Banktjørna. Opna vassvegen for vandrande fisk, rydda terreng og sikra folk tilgang til elvebredder og tjørn med godt tilrettelagde stiar, fiske- og rasteplasser. Sikra den viktige natur- og kulturverdien for framtidsretta god estetikk og utvikling I reelle konfliktar mellom naturvern og næringsinteresser, må næringsinteressene bevise at tiltaket ikkje er til skade for mangfaldet Arbeida for gode bussruter i heile kommunen Sikra vidareutvikling av jakt- og sportsfiske www.os-tvs.no 9

Kultur og idrett Støtta aktivt opp om det gode arbeidet lag og organisasjonar i Os gjer Vi ønskjer oss fleire kulturløyper. I denne planperioden ser vi for oss ei løype frå Oselvarverkstaden, Oselvarnaustet og tunet på Lyngheim. Lyssettja gangvegen frå tunet på Lyngheim til Solstrand Utvikla vidare sentralidrettsanlegget på Kuventræ Etablera rundløype med lys rundt Ulvenvatnet Starta bygging av idrettsanlegg/aktivitetssenter på Søfteland Framleis støtte til Oselvarverkstaden Ivareta den lokale kulturarven i Os. Bevar Fjellheim Ferdigstilla kulturminneplan for Os kommune Vi vil støtta dei mange lag og organisasjonar som skapar eit rikt kulturliv i kommunen. Organisasjonslivet er ein av dei viktigaste berebjelkane i samfunnet i Os. Det bind innbyggjarane saman og skapar aktivitetar på tvers av alder og grupper 10 www.os-tvs.no

Kommunesamanslåing Os kommune med sterk vekst og på veg mot 20.000 innbyggjarar, på eit lite geografisk areal, er ein grei kommune der vi kan yta gode og effektive kommunale tenester til innbyggjarane. Vi ønskjer derfor primært å stå aleine som eigen kommune Alternativt kan samarbeidsstrukturar med kommunane rundt Bjørnefjorden utgreiast Samanslåing med Bergen kommune er IKKJE aktuelt www.os-tvs.no 11

Reiseliv og turisme Utvikla og marknadsføra bygda som turiststad og leggja til rette for eit reiseliv basert på gode naturopplevingar Vi treng turistinformasjon i Os. Gjerne i samarbeid med nabokommunar i Bjørnefjorden eller privat offentleg samarbeid. Utvikla ein god nettportal til hjelp for turistar som planlegg å vitja Os eller er komen her God skilting med informasjon om kulturminne og turvegar i Os kommune Vidareutvikla Lyngheim som tur- og rekreasjonsområde Campingplass i Os Os bør satsa på kystturisme. Dette kan utviklas med såkalt «enkel» overnatting. BOF (Bergen og omegn friluftsråd) er naturleg partnar. Til dømes kan det nye sjøsportsenteret for personar med nedsett funksjonsevne på Ramsholmen, utviklast vidare for dette Når E-39 til Bergen er ferdig, bør det etablerast ein «Truck Stop» som tilbyr servicefasiliteter til trafikantane. Kanskje kan det kombinerast med ein bubilcamp 12 www.os-tvs.no

Kommunikasjonar Skrinleggja E-39 over Bjørnafjorden. Indre trasè over Samnanger og Fusa er alternativet vårt Hatvikvegen må byggjast ut før ein eventuelt startar med utbygging på Bjåneshalvøya. Rekkjefølgjekravet må oppretthaldast Vi vil arbeida aktivt for at fylkesvegen gjennom Lyseklosterdalen blir utvida frå eitt til to kjørefelt slik at to bilar kan passera Riks- og fylkesvegar må prioriterast i ein god prosess i kommunen. Deretter må ein følgja dette opp mot fylke og stat Innbyggjarane og næringslivet treng god infrastruktur Ein treng ei god trafikkløysing for avvikling av trafikken i Os sentrum. Ved utvikling av området omkring Landboden, må ein finna ei tunnelløysing under skuleområdet til Giskavollen. Dette for å sikra gode grøne lunger og dei mjuke trafikantane Arbeida for å sikra Rødsliane mot ras Sikra god standard på kommunale- og fylkeskommunale vegar i kommunen Etablera ein ringveg vest Hildershamn Drange Ferdigstilla gang- og sykkelveg frå krysset Hatvikvegen/ Hegglandsdalsvegen til Valla bru i perioden 2015-2019 Ferdigstilla gang- og sykkelveg frå «Lidl-lageret» til Irgenskrysset i perioden 2015-2019 Arbeida for å ferdigstilla gang- og sykkelveg frå Sperrevik til Sørstraumen i Lysefjorden Sikra hurtigbåt til nabokommunane www.os-tvs.no 13

Helse og sosial Byggja eldrebustader og bufellesskap i tråd med behovet, gjerne knytt til Sjukeheimen og Luranetunet (omsorgs- og seniorbustader) Fysioterapitilbodet i Os kommune må aukast, ikkje minst med fleire private driftsavtalar i kommunen Oppretthalda det gode samarbeidet med lag og organisasjonar. Dette for å ha eit meiningsfullt tilbod på Luranetunet og Sjukeheimen Arbeida for å få på plass ein avtale mellom Os kommune og Haraldsplass Diakonale Sjukehus (HDS) om mobil røntgenbuss til sjukeheim og helsestasjon Vekk med «plastmaten» på sjukeheimen. Vi ønskjer å inngå avtale med storkjøkken i Helse Bergen, Kysthospitalet i Hagavik eller opna nytt storkjøkken for bebuarar på Luranetunet og Sjukeheimen Styrkja ernæringstenesta i kommunen for barn, vaksne og eldre Avlastningsplassar for at eldre må aukast 14 www.os-tvs.no

Vi vil leggja til rette for at eldre og uføre kan bu heime så lenge dei ønskjer og er i stand til det. Oppretthalda tryggleiksjukepleiar tenesta Vi ønskjer å finna areal til, og få kunnskap om korleis det kan etablerast ein demenslandsby i kommunen. Vi vil jobba for å få til eit godt kommunalt tilbod, evt. eit interkommunalt samarbeid på dette området Vi skal vera aktive talspersonar for interessene til eldrerådet og rådet for funksjonshemma. Begge råda må trekkjast meir med i den kommunale styringa Oppretthalda tidleg innsats i rusomsorga. Tverrfagleg innsats nødvendig både på individ nivå og på generelt førebyggingsarbeid Sjå til at vi har tilstrekkeleg fastlegar. Vurdera auke i talet på driftsavtalar med legar i kommunen Vi vil leggja til rette for at eldre og uføre kan bu heime så lenge dei ønskjer og er i stand til det Oppretthalda tryggleiksjukepleiar tenesta www.os-tvs.no 15

Næringsliv Os kommune skal vera ein næringsvenleg kommune. Vi vil gjera det enklare å skapa nye arbeidsplassar i kommunen Ein må ta nedgangen i talet på bedrifter og arbeidsplassar i Os kommune langt meir på alvor. Tiltak må setjast inn, slik som; Lokalt selskap for næringsutvikling må etablerast. Selskapet må ha fagleg tyngde og autonom organisering og drift til å utgjera nødvendig kapasitet og tyngde for god og langsiktig næringsutvikling i kommunen. Interkommunalt samarbeid er aktuelt Ny Strategisk Næringsplan for Os og felles Næringspolitisk plan for Bjørnafjordsregionen må på plass. Ressursar og økonomi for god gjennomføring av planverket må sikrast. Utvikla Osøyro til eit moderne og attraktivt regionsentrum for Bjørnafjordsområdet. Herunder aktivt utvikla betre kommunikasjon og infrastruktur til nabokommunane. Dette er ein føresetnad for Osøyro som godt regionsenter Vi ønskjer å leggja godt til rette for gründerverksemd Leggja til rette for alternative driftsformer i jordbruket. Arbeida for breibandsdekning i heile kommunen Dei nye næringsområda i Endalausmarka må særleg leggjast til rette for å tiltrekkja seg kompetansebedrifter Leggja til rette for Høgskuledrift i Endelausemarka Vi vil auka fokuset på næringsutvikling i Os kommune, ikkje berre i Endalausmarka, men i heile kommunen. Ein må sjå på korleis ein er organisert. Business Region Bergen er ikkje rette fora aleine, men godt samarbeid er eit mål NEI til søndagsopne butikkar 16 www.os-tvs.no

Kommunal verksemd Kontroll med den kommunale pengebruken. Visa varsemd ved opptak av nye lån. Lånegjelda aukar urovekkjande Os kommune skal fortsatt vera ein god arbeidsgjevar og tenesteytar. Med ein god personalpolitikk der kompetanse, service og arbeidsglede er sentrale omgrep i eit stimulerande miljø NEI til innføring av eigedomskatt Vi vil involvera innbyggjarane når viktige saker skal opp til handsaming. Stemmene til alle skal verta høyrte, både igjennom folkemøte og media. Vi meiner at alle har viktige bidrag i det offentlege ordskifte. Spesielt viktig er at involveringa kjem i ein tidleg fase og før premissane i saka er laga Vi vil arbeida for eit godt og tillitsfullt forhold mellom kommunen og innbyggarane Kommunen skal vera særs god på informasjon. All informasjon frå kommunen skal vera lettlest og forståeleg Auka støtta til Frivilligsentralen Ta i bruk offentleg privat samarbeid der det er tenleg Vi meiner at «outsourcing» av kommunale oppgåver er uheldig Kommunen skal vera pådrivar for å utvikla Osøyro til eit berekraftig regionsenter for heile Bjørnafjordområdet Redusera pengebruken på eksterne konsulentar til eit minimum Kommunen skal utarbeida framlegg til rullering av overordna arealplan kvart 4. år og utvikla gode kommunedelplaner for alle utbyggingsområder Oppdatera eldre og uklåre reguleringsplaner www.os-tvs.no 17

Vera tru mot dei planar som blir utarbeidd Kommunen skal vera ein effektiv organisasjon og heile tida arbeida for å verta meir effektiv Sal av kommunal eigedom, skal først skje etter grundige vurderingar, kor det mellom anna skal endeleg avklarast kommunen sitt behov og mogelegheiter for eigedomane, som t.d. Fjellheim, «Gamle brannstasjonen» og «Os Barnehagen» i Stegen Beredskap Sikra god beredskap i kommunen på tvers av naudetatane. Tett dialog og med fokus på god samhandling mellom brann og redning, helse og lensmannsdistriktet i kommunen Setja i gang eit SLT- prøveprosjekt etter modell frå Kriminalitetsførebyggjande råd. SLT (Samordna lokale tiltak) kan vera eit verkemiddel i det førebyggjande sporet Evaluera politirådfunksjonen i kommunen. Viktig med god og tett dialog med det lokale lensmannsdistriktet, særleg viktig i samband med nærpolitireforma Kyrkja andre tru-og livsynsretningar Kyrkja er ein viktig kulturberar i Os kommune. Vi er merksam på at kyrkja vart gjort meir sjølvstendig i 2006, men lova legg framleis det økonomiske ansvaret for drifta til kommunane. Vi ønskjer å ha eit rett nivå på tildelingar av økonomiske midlar til kyrkja og andre tru- og livssynsretningar Arbeida for ei 50% diakonstilling til kyrkja i Os. Vi ser kyrkja som ein viktig medspelar i eit inkluderande fellesskap, kor det førebyggjande arbeidet er viktig både for kommunen, men og for den einskilde som vert råka 18 www.os-tvs.no

Støtta ein eventuell søknad om kommunal garanti til nytt kyrkjelydsbygg, etappe 3 Vi ønskjer ei kort orientering i kommunestyret om kyrkjelydsarbeidet. Gjerne i samband med årsmeldinga frå kyrkjelyden. Årsmeldinga må formidlast til alle medlemmar av kommunestyret Kyrkja kan vera ein leverandør av gode idéar og innspel i samband med areal- og reguleringsplanar Arbeida for eit livsnøytralt seremonirom i Os Eksterne verksemder Sjå til at Kysthospitalet i Hagavik har gode vilkår for vidareutvikling Støtta opp om Forsvaret sine aktivitetar på Ulven og i Bjørnefjorden Samarbeid med nabokommunar om ny hamn i Bjørnafjordsregionen Integrering Integreringsplan må evaluerast og justerast. Innflytting kan i periodar skapa ulike utfordringar for kommunen, til dømes egna bustader og nok arbeidsplasser. Vi har tru på eit privat offentleg samarbeid på dette området Flyktningar som kjem til Os, skal føla seg velkomne. Vi ønskjer styrkja innvandrarane sine mogelegheiter for deltaking og integrering i Os samfunnet. Ikkje minst utvikla sine kvalifikasjonar til beste for lokalsamfunnet og eigen familie www.os-tvs.no 19

Kandidatar Tverrpolitisk Samlingsliste Os 2. Torunn Øvredal Hegglandsdalen 3. Ole Vidar Moberg Os Vest 4. Astrid Leikvoll Os Nord 5. Rune Fimreite Os Vest 6. Olaug Tvedt Keys Hagavik 7. Øyvind Skorpen Søfteland 8. Inger Berit Bøyum Os sentrum 9. Jan Helge Corneliussen Os Nord 10. Ole Johan Samdal Lysefjorden 11. Kinga Berg Os Aust 12. Edel Marie Hagen Rotnes, Os sentrum 13. Asbjørn Mjånes Os Aust 20 www.os-tvs.no

14. Bjørn Andre Michelsen, Os Vest 15. Karin Bøyum 16. Asbjørn Langeland Nore Neset Søfteland 17. Solfrid Norunn Skorpen, Os Aust 18. Helge Laastad Lysefjorden 19. Ellen Merethe Lyssand, Os Nord 20. Kjell Rosvold Os Vest 21. Johannes Taule Hagavik 22. Einar Øvreberg Søfteland 23. Eva Saltskår Jentoft Os Vest 24. Tor Helge Eiken Os Vest

25. Annfrid Sperrevik Os Aust 26. Ingeleif Sørstrønen Strøno 27. Terese Foss Os Aust 28. Leonard C. Corneliussen, Os Nord 29. Lilliand Lyssand Honningsvåg, Os Aust 30. Henrik Johan Lassen Os Vest 31. Monika Dworak Lysefjorden 32. Øystein Nordvik Lysefjorden 33. Sigrid Tvedt Os Aust 34. Eirik Neverdal Os Aust 22 www.os-tvs.no

Tverrpolitisk Samlingsliste kjenner dei politiske og administrative systema i kommunen. Vi ønskjer å stå ved roret for å arbeida for alle innbyggjarane sine interesser på tvers av politiske skiljeliner. Dette partiprogrammet vil vi bruka som kompass i vårt arbeid. I tida som har gått, har vi vore eit tydeleg opposisjonsparti til det sitjande regimet, særleg i arealsaker, saker som gjeld utbygging og nærmiljø, samt skule- og oppvekstsaker. Vi ønskjer eit levande demokrati kor innbyggjarane har reell påverknad. Vi er førebudde på å lage gode kompromiss med andre politiske lister og parti om vi kjem i posisjon. Lukke til med ditt val. www.os-tvs.no 23

Du kan lesa meir om kandidatane og programmet vårt på vår nettside: www.os-tvs.no