SOLTVEIT,

Nord- og Midhordland jordskifterett Rettsbok Sak: 1200-2011-0023 SOLTVEIT, gnr. 14 Gnr. 14 i Radøy kommune Oppstarta: 06.09.2011 Avslutta: 04.01.2012

SAKSFØREBUANDE MØTE Rettsmøtedag: 06.09.2011. Stad: Kommunestyresalen i Rådhuset i Radøy. Sak nr.: 1200-2011-0023 SOLTVEIT, gnr. 14. Saka gjeld: Krav om grensegang etter jordskiftelova 88. Jordskiftedommar: Olav Bruflot. Protokollførar: Saka er kravd av: Til handsaming: Rettsformann. Jan Ove Næss. 1 Gjennomgang av kravet 2 Vidare framdrift i saka Partar: Eigar av gnr. 14/7, Gerd Målfrid Dalseng, Nedre Valdersneset 47, 5939 SLETTA Eigar av gnr. 14/27, Steinar Valdersnes, Valdersnesvegen 265, 5939 SLETTA Eigar av gnr. 14/70, Jan Ove Næss, Kolstien 3 c, 5097 BERGEN Eigar av gnr. 14/74, Grethe Petra Johansen, Nedre Valdersneset 67, 5939 SLETTA Eigar av gnr. 14/74, Ansgar Johansen, Nedre Valdersneset 67, 5939 SLETTA Eigar av gnr. 14/86, Monica Haug Nilsen, Langarinden 99, 5132 NYBORG Eigar av gnr. 14/86, Grethe Haug Nilsen, Slembevegen 24, 5137 MJØLKERÅEN Eigar av gnr. 14/93, Linda Karin Husebø, Nedre Valdersneset 65, 5939 SLETTA Eigar av gnr. 14/93, Terje Johansen, Nedre Valdersneset 65, 5939 SLETTA Eigar av gnr. 14/114, Normann Johan Valdersnes, Nedre Valdersneset 64, 5939 SLETTA Eigedomane ligg i Radøy kommune. Til stades: Normann Valdersnes, Tore Nilsen m/fullmakt frå Grethe Haug Nilsen og Monica Haug Nilsen, Gerd Dalseng, Bjørnar Dalseng, Eva Næss, Jan Ove Næss, Grethe Johansen, Ansgar Johansen, Linda Husebø, Terje Johansen og Steinar Valdersnes. I tillegg møtte avd.ing. Laila Kvinge frå jordskifteretten. Monica Haug Nilsen og Grethe Haug Nilsen var lovleg innkalla men møtte ikkje. Det kom ingen merknad til innkallinga til møtet. På førespurnad kom det ingen merknader til jordskifteretten sin habilitet. Jordskiftedommaren gjorde greie for at føremålet med munnleg saksførebuing er å avklare partstilhøva og å få oversyn over dei problema som ein ønskjer å få løyst. Dommaren gjorde merksam på at det ikkje blir teke realitetsavgjerder i dette møtet. Partane vart orientert om at når jordskifteretten seinare i saka skal ta avgjerd om grensene, vert grenser der det er tvist fastsett med dom. Grenser som ikkje er omtvista vert fastsett med rettsfastsettande vedtak. Både dom og rettsfastsettande vedtak kan ankes til lagmannsretten. Grensene vert merka i marka, innmålt, skildra med koordinatar, retning og 1200-2011-0023 SOLTVEIT, gnr. 14 Nord- og Midhordland jordskifterett 1

avstandar, samt innteikna på kart. Følgjande dokument vart framlagde: 1. Krav om sak for jordskifteretten fra Jan Ove Næss datert 04/07/11 Vedlegg 1. Orientering om saken Vedlegg 2. Kart Vedlegg 3. Kart over vei/parkering Vedlegg 4. Kart over terrasse/eigedom 14/74 Vedlegg 5. Kart over grense mot veg/eigedom 14/93 Vedlegg 6. Kopi av skylddelingsforretning av 25. april 1959 over gnr. 14 bnr. 70 Vedlegg 7. Kopi av skylddelingsforretning av 31. mai 1969 for gnr. 14 bnr. 85, samanføyd med 14/70 Vedlegg 8. Kopi av skylddelingsforretning av 4. juli 1964 for gnr. 14 bnr. 74 Vedlegg 9. Kopi av skylddelingsforretning av 23. august 1969 for gnr. 14 bnr. 86 Vedlegg 10. Kart i farger 2. Forkynning av krav til partene, datert 11.07.2011. 3. Innkalling til saksførebuande rettsmøte 06.09.2011, datert 11.07.2011. 4. Fullmakt frå Grethe Haug Nilsen og Monica Haug Nilsen til Tore Nilsen, datert 20.07.2011. 5. Fullmakt frå Linda Husebø til Terje Johansen datert 06.09.2011. 6. Kopi av økonomisk kartverk med flyfoto som bakgrunn, M: 1:500 7. Kopi av kartskisse frå jordskiftesak 1270-1962-0003, kartnr. 125085, M: 1:1000. 8. Kopi av skøyte på gnr. 14 bnr. 74 datert 09.07.1964. 9. Kopi av skisse over grensene til gnr. 14 bnr. 74. 10. Kopi av skøyte for gnr. 14 bnr. 86, datert 07.11.1971. 11. Kopi av protokoll frå skylddeling for gnr. 14 bnr. 93, datert 28.09.1971. 12. Kopi av protokoll frå skylddeling for gnr. 14 bnr. 114, datert 17.01.1980, side 1 og 2. 13. Kopi av kjøpekontrakt for gnr. 14 bnr. 70 med overtakingsdato 15.10.1992. Dokumenta vart gjennomgått så langt det var trong for. På førespurnad hadde partane ingen merknader til at jordskifteretten la fram kopi av kartskisse frå jordskiftesak 1270-1962-0003, kartnr. 125085, M: 1:1000. Kopi av protokoll frå jordskiftesak 1270-1962-0003 vert sendt partane saman med referat frå møtet. I tillegg la jordskifteretten fram kopi av økonomisk kartverk med flyfoto over området som bakgrunn. Jordskiftedommaren gjorde merksam på at det er partane sitt ansvar å skaffe fram dokument og andre bevis. Partane la fram diverse dokument jf. dokumentlista nr. 8-13. ----------------------------------------------- Merknader frå partane inne i rettslokalet: Rekvirent Jan Ove Næss gjorde greie for kravet og presiserte at kravet om grensegang har blitt sendt inn for å få gått opp grensene rundt bnr. 70 mot naboeigedomane. Tore Nilsen fekk ordet og heldt i hovudsak fram at dei ønskjer å få formalisert tilhøve om parkeringsplass der bnr. 70 pr. i dag disponerer 12 meter av parkeringsplass og bnr. 86 disponerer 8,7 meter. Dei ønskjer også å få formalisert rett til gangveg over bnr. 70 i 1200-2011-0023 SOLTVEIT, gnr. 14 Nord- og Midhordland jordskifterett 2

strandsona samt rett til å legg ut båtfeste med blåse. Normann Valdersnes fekk ordet og heldt i hovudsak fram at han kan påvise tre grensemerker for bnr. 114. Bjørn Dalseng fekk ordet og heldt i hovudsak fram at svigerfar tidlegare eigde bnr. 7 og var den som selde tomta bnr. 74 til Ansgar Johansen. Svigerfar har fortalt at bnr. 74 har rett til gangveg ned til sjøen over areala som vart utskild som bnr. 85, seinare samanføyd med bnr. 70. Eigar av bnr. 7 før svigerfar overtok, Bernhard Valdersnes, far til Steinar Valdersnes, gav grunn til snuplassen som ligg ved bnr. 74. Steinar Valdersnes fekk ordet og heldt i hovudsak fram at bnr. 14 eigde tidlegare der bnr. 27 har eigedom i dag. ------------------------------------------------ Jordskifteretten tok deretter pause kl. 10.10 til kl. 10.40, då retten heldt fram med synfaring på eigedomane. Tilstades ved oppstart av synfaringa var dei same som ved oppstart av rettsmøtet, unntatt Gerd Dalseng, Linda Husebø, Grethe Johansen og Ansgar Johansen. Ansgar Johansen møtte ved påvising av grensene for den øvre delen av tomta bnr. 74. Partane påviste grensemerker dei kjende til og elles det dei ønskja for å rekonstruere grensene mellom bnr. 70 mot naboeigedomane. Partane drøfta seg i mellom og med rettsformannen korleis grenseforløpet kunne vere der det ikkje vart påvist klåre grensemerker. Rettsformannen heldt fram at jordskifteretten vil innmåle og lage til framlegg til rettsfastsettande vedtak om grensene på bakgrunn av partane sine påvisingar. Partane vil få tilsendt framlegg med kart og frist på å kommentere framlegget. Dersom partane ikkje er samd i framlegget eller meinar jordskifteretten har registrert feil ang. partane sine påvisingar og drøftingar, må dei gi merknad innan fristen. Dersom partane er samd i framlegget til rettsfastsettande vedtak, vil jordskifteretten avslutte saka med rettsmøte utan å innkalle partane til sluttingsmøtet. Dersom partane ikkje er samde i framlegget, vil partane få innkalling til rettsmøte for å handsame grensene og slutte saka. Under synfaringa kom det fram at partane ikkje var samde om formalisering av bruksrett for bnr. 86 over bnr. 70 på felles brygge i strandsona herunder rett til båtfeste for bnr. 86 på bnr. 70. Jordskifteretten må handsame dette tilhøve i eiga rettsmøte, dersom partane ikkje vert samde om dette innan utløp av frist for merknader til jordskifteretten sitt framlegg til rettsfastsettande vedtak. Ved avslutting av synfaringa tok partane opp spørsmål om vegrett for bnr. 74 over bnr. 70 kan avløysast eller flyttast inntil grensa for bnr. 93. Dette har ikkje vore tatt opp tidlegare i saka. Partane vart oppfordra til å undersøke om dei kan finne ei minneleg løysing, som kan takas med ved slutting av grensegangssaka og dermed verte tinglese på eigedomane. 1200-2011-0023 SOLTVEIT, gnr. 14 Nord- og Midhordland jordskifterett 3

Partane vart orientert om at avd.ing. Laila Kvinge ved jordskifteretten vil innmåle partane sine påvisingar. Framlegg til rettsfastsettande vedtak vert sendt ut innan om lag ein månad, slik at kart vert sendt saman med framlegget. Utskrift av rettsboka vert send til partane i vanleg brev. Partane vart permittert under synfaringa etter kvart som grensene for deira eigedom var påvist. Tilstades ved avslutting av rettsmøtet var Jan Ove Næss, Eva Næss, Tore Nilsen og Terje Johansen. Saka vert utsett inntil vidare. Retten heva. Radøy, 06.09.2011 Rett utskrift: Olav Bruflot ( s ) 1200-2011-0023 SOLTVEIT, gnr. 14 Nord- og Midhordland jordskifterett 4

RETTSMØTE Rettsmøtedag: 15.12.2011 Stad: Møterom 2. etg, Rådhuset i Radøy. Sak nr.: 1200-2011-0023 SOLTVEIT, gnr. 14 - utsatt frå 06.09.2011. Saka gjeld: Krav om grensegang etter jordskiftelova 88 rundt gnr. 14 bnr. 70 mot naboeigedomane. Jordskiftedommar: Olav Bruflot, som einedommar etter jordskiftelova 9 andre ledd.. Protokollførar: Saka er kravd av: Rettsformann. Jan Ove Næss. Til handsaming: - Tvist om grense mellom gnr. 14 bnr. 70 mot bnr. 114 og bnr. 7. - Rettsfastsettande vedtak for grense mellom gnr. 14 bnr. 70 mot bnr. 7, 27, 74, 86 og 93. Partar: Eigar av gnr. 14/7, Gerd Målfrid Dalseng, Nedre Valdersneset 47, 5939 SLETTA Eigar av gnr. 14/27, Steinar Valdersnes, Valdersnesvegen 265, 5939 SLETTA Eigar av gnr. 14/70, Jan Ove Næss, Kolstien 3 c, 5097 BERGEN Eigar av gnr. 14/74, Grethe Petra Johansen, Nedre Valdersneset 67, 5939 SLETTA Eigar av gnr. 14/74, Ansgar Johansen, Nedre Valdersneset 67, 5939 SLETTA Eigar av gnr. 14/86, Monica Haug Nilsen, Langarinden 99, 5132 NYBORG Eigar av gnr. 14/86, Grethe Haug Nilsen, Slembevegen 24, 5137 MJØLKERÅEN Eigar av gnr. 14/93, Linda Karin Husebø, Nedre Valdersneset 65, 5939 SLETTA Eigar av gnr. 14/93, Terje Johansen, Nedre Valdersneset 65, 5939 SLETTA Eigar av gnr. 14/114, Normann Johan Valdersnes, Nedre Valdersneset 64, 5939 SLETTA Eigedomane ligg i Radøy kommune Til stades: Normann Valdersnes gnr. 14 bnr. 114, Roy Valdersnes (son til Normann Valdersnes) m. fullmakt frå Normann Valdersnes, Jan Ove Næss gnr. 14 bnr. 70, Bjørn Næss (far til Jan Ove Næss), Gerd Dalseng gnr. 14 bnr. 7, Bjørnar Dalseng gnr. 14 bnr. 7. I tillegg møtte avd.ing. Laila Kvinge frå jordskifteretten. Dei andre partane i saka var ikkje innkalla eller tilstade. Rettsfastsettande vedtak vert handsama utan at partane er varsla eller innkalla. På førespurnad kom det ingen merknader til innkallinga til rettsmøtet, rettens samansetting eller habilitet. Følgjande dokument vart framlagde: 1. Krav om sak for jordskifteretten fra Jan Ove Næss datert 04/07/11 1200-2011-0023 SOLTVEIT, gnr. 14 Nord- og Midhordland jordskifterett 5

Vedlegg 1. Orientering om saken Vedlegg 2. Kart Vedlegg 3. Kart over vei/parkering Vedlegg 4. Kart over terrasse/eigedom 14/74 Vedlegg 5. Kart over grense mot veg/eigedom 14/93 Vedlegg 6. Kopi av skylddelingsforretning av 25. april 1959 over gnr. 14 bnr. 70 Vedlegg 7. Kopi av skylddelingsforretning av 31. mai 1969 for gnr. 14 bnr. 85, samanføyd med 14/70 Vedlegg 8. Kopi av skylddelingsforretning av 4. juli 1964 for gnr. 14 bnr. 74 Vedlegg 9. Kopi av skylddelingsforretning av 23. august 1969 for gnr. 14 bnr. 86 Vedlegg 10. Kart i farger 2. Forkynning av krav til partene, datert 11.07.2011. 3. Innkalling til saksførebuande rettsmøte 06.09.2011, datert 11.07.2011. 4. Fullmakt frå Grethe Haug Nilsen og Monica Haug Nilsen til Tore Nilsen, datert 20.07.2011. 5. Fullmakt frå Linda Husebø til Terje Johansen datert 06.09.2011. 6. Kopi av økonomisk kartverk med flyfoto som bakgrunn, M: 1:500 7. Kopi av kartskisse frå jordskiftesak 1270-1962-0003, kartnr. 125085, M: 1:1000. 8. Kopi av skøyte på gnr. 14 bnr. 74 datert 09.07.1964. 9. Kopi av skisse over grensene til gnr. 14 bnr. 74. 10. Kopi av skøyte for gnr. 14 bnr. 86, datert 07.11.1971. 11. Kopi av protokoll frå skylddeling for gnr. 14 bnr. 93, datert 28.09.1971. 12. Kopi av protokoll frå skylddeling for gnr. 14 bnr. 114, datert 17.01.1980, side 1 og 2. 13. Kopi av kjøpekontrakt for gnr. 14 bnr. 70 med overtakingsdato 15.10.1992. 14. Kopi av utskrift av rettsboka frå Ytre Nordhordland jordskifterett i sak 3/1962, slutta 24.04.1963. 15. Forkynning av utkast til rettsfastsettande vedtak. Vedlegg 1. Framlegg til rettsfastsettande vedtak. 16. Brev med merknad frå Normann Valdersnes, mottatt 31.10.2011. Vedlegg 1. Kopi av framlegg til grensekart påteikna påstand om grense. 17. E-post frå Tore Nilsen datert 03.11.2011. 18. E-post frå Jan Ove Næss datert 04.11.2011. 19. Brev frå jordskifteretten til partane i saka, datert 15.11.2011. 20. Innkalling til rettsmøte den 15.12.2011, datert 15.11.2011. 21. Fullmakt frå Normann J. Valdersnes til Roy Valdersnes. 22. Påstand frå gnr. 14 bnr. 70, Jan Ove Næss. 23. Påstand frå gnr. 14 bnr. 114, Norman J. Valdersnes. 24. Påstand frå gnr. 14 bnr. 7, Gerd Dalseng og Bjørnar Dalseng. 25. Grensekart nr. 125164 Dokumenta vart referert så langt det var trong for. Dokument nr. 25 vart lagt fram etter at partane var permitert. ------------------------------------------------ Partane har fått framlegg til rettsfastsettande vedtak forkynt med frist for merknad innan 04.11.2011. Det har innan fristen kome inn merknad til framlegget til grensa mellom bnr. 70 og bnr. 114, jf. dok. nr. 16. Det er ikkje semje om denne grensa. Denne grensa må difor fastsettast med dom i h.h.t jordeskiftelova 17. Grensa mellom bnr. 70 og bnr. 114 tar til i eit felles grensepunkt med bnr. 7. Eigedomen 1200-2011-0023 SOLTVEIT, gnr. 14 Nord- og Midhordland jordskifterett 6

bnr. 7 er difor varsla og innkalla som part til dette rettsmøtet. Det har ikkje kome merknader til dei andre grensene som er skildra i framlegget utsendt frå jordskifteretten. Desse grensene vert difor vedtatt i etterfølgjande rettsfastsettande vedtak i tråd med utsendt framlegg. Under førebuande rettsmøte kom det fram at det ikkje var semje om formalisering av bruksrett til felles bryggje plassert på bnr. 70. Partane har etter dette inngitt merknad om at jordskifteretten ikkje trenger handsame dette tilhøvet, jf. dok nr. 18 og 19. Formalisering av bruksrett til bryggje plassert på bnr. 70 vert difor tatt ut av saka. Under førebuande rettsmøte tok partane opp om vegrett for bnr. 74 over bnr. 70 kan avløysast eller flyttast. Dette vil vere ei utviding av saka i forhold til kravet om grensegang i h.h.t. jordskiftelova 88. Partane har ikkje innan fristen avklart dette med minneleg løysing. Sak 1200-2011-0023 gjeld krav om grensegang i h.h.t jordskiftelova 88 for grenser rundt gnr. 14 bnr. 70 mot naboeigedomane. Saka må avgrensast til dette. Avløysing eller flytting av bruksrett vert difor ikkje del av denne grensegangssaka. ------------------------------ Partane vart formant og avla lovnad før dei fekk ordet til innleiingsforedrag. Rekvirenten fekk ordet først før dei andre partane fekk ordet. Det vart gitt høve til replikk og duplikk. Deretter vart det gjennomført synfaring på eigedomane. Tilstade ved synfaringa var dei same som ved oppstart av møtet, unntatt Gerd Dalseng. Partane påviste det dei ønskja. Det vart ikkje påvist grensekors i omtvista grense. Det vart påvist kors i grense mellom gnr. 14 bnr. 114 mot bnr. 7. Partane påviste moglege grensepunkt som vart rekonstruert under førebuande rettsmøte. Retten tok deretter pause i 15 minuttar slik at partane fekk formulert skriftlige påstandar. Rettsmøtet heldt deretter fram med opplesing av innleverte påstandar. På spørsmål frå rettsformannen ønsket partane ikkje å framføre sluttord i saken. Forhandlingane vart deretter avslutta på staden. Partane vart orientert om at det vert avsagt dom i tvist om grense. Dommen kan ankast til lagmannsretten innan ein månad frå avgjerda vert forkynt. Partane vart orientert om at jordskiftekostnadene vert delt på eigedomane etter nytten av saka. Partane hadde ikkje merknader til dette. På førespurnad hadde ingen partar merknader til gjennomføring av forhandlingane. Retten vart deretter heva og tvisten erklært tatt opp til doms. ---------------------------------------------- Jordskifteretten drøfta saka i einerom og avsa i medhald av jordskiftelova 17 slik einstemmig DOM 1200-2011-0023 SOLTVEIT, gnr. 14 Nord- og Midhordland jordskifterett 7

i tvist om grense mellom gnr. 14 bnr. 70 mot gnr. 14 bnr. 114 og bnr. 7, alle eigedomane i Radøy kommune. Eigedomen gnr. 14 bnr. 70 vart utskild frå bnr. 14 i den 25. april 1959 jf. skyldelingsprotokoll framlagt som dok. nr. 1 vedlegg 6. Den 31. mai 1969 vart bnr. 85 utskild frå bnr. 7, og deretter samanføyd med bnr. 70. Den del av bnr. 70 som har felles grense med bnr. 114, høyrde opphavleg til bnr. 85. Eigedomen er i dag ein fritidseigedom. Eigedomen gnr. 14 bnr. 114 vart utskild frå bnr. 7 den 17. januar 1980, jf. protokoll frå skylddeling framlagt som dok. nr. 12. Eigedomen er ein nausttomt. Omtvista grense mellom gnr. 14 bnr. 70 mot bnr. 114 tar til i felles grensepunkt mellom bnr. 7, 70 og 114. Det har ikkje vore avklara mellom partane at det er semje om dette punktet. Eigedomen bnr. 7 er difor part i denne tvisten. Omtvista grense er merka med punkt nr. 8, 9 og 10 på kart vedlagt framlegg til rettsfastsettande vedtak, framlagt som dok 15 vedlegg 1. Partane sine merknader: Jan Ove Næss fekk ordet og heldt i hovudsak fram at han kjenner ikkje til nøyaktig plassering av eigedomsgrensene og ønskjer difor å få desse klarlagt. Då dei kjøpte eigedomen opplyste seljar at ein spiss av brygga var plassert inn på naboeigedomen. Påstand: Vedrørende grensemerking mot 114/70 ved kjøp av 14/70, ble jeg gjort oppmerksom på at spissen på bryggen lå på 114/70 sin eiendom. Denne grensen kunne sees ved mur under bryggen. Ber om at jordskifteretten tar utgangspunkt i dette ved avgjørelse av grensemerking, all den tid gammel grensemerking ikke finnes. Jan Ove Næss -sign.- Norman Valdersnes v/roy Valdersnes fekk ordet og heldt i hovudsak fram at dei har grave i marka for å finne grensemerker mellom bnr. 114 og bnr. 70 utan å finne noko. Han tviler på at dei kan finne att so gamle merker. Dei er ikkje samde med framlegg til rettsfastsettande vedtak for denne grensa, fordi grensa skal vere ei bein linje på land og ut i sjøen, utan knekkpunkt. Naboen sin bryggje kan ligge slik den er etablert, men dei ønskjer å få fastsatt ei riktig grense for eigedomane. Dei har ikkje anna å gå ut i frå enn kart og dei framlagte papira. Påstand: 1200-2011-0023 SOLTVEIT, gnr. 14 Nord- og Midhordland jordskifterett 8

Eg påstår grenser som vist med rød strek på innsendt kart i brev om merknad i sak 1200-2011-0023. Da det ikke lar seg påvise merker i marka mener eg at utsegn fra Bernhard Valdersnes (som skilte ut 14/114) opplyst av Bjørnar Dalseng i rettsmøte 15/12-11. Grensa går på skrå ut i sjø fra punkt 10. Dersom denne hadde tatt ny retning fra punkt 9 mener eg dette hadde vert opplyst i kart og skylddelingspapir. N Valdersnes -sign.- Bjørnar Dalseng fekk ordet og heldt i hovudsak fram at han veit kor deira grense går men kan ikkje påvise korset som er felles med bnr. 114 og bnr. 70. Han var her då svigerfar Bernhard Valdersnes selde bnr. 85, og reagerte på at det var satt eit kors i fjell omlag der punkt nr. 10 er skildra på kartet vedlagt framlegg til rettsfastsettande vedtak Årsaka til at han reagerte var at ei bein linje frå vegen og via korset ville avskjere bakfeste for båten som låg fortøyd på bnr. 7. Svigerfar forklarte då at grenselinja mellom bnr. 7 og bnr. 85, no bnr. 70, knekte i omtalte kors og gjekk i bein linje på skrå bak bakfeste for båten. Då han og kona overtok bnr. 7, delte dei i frå og overskøyta ei nausttomt til Norman Valdersnes. Denne tomta fekk bnr. 114. I grensa mellom bnr. 7 og bnr. 70 har det tidlegare vore eit gjerde. Rester av dette gjerdet kan sees i marka, og går ned til grensepunktet som er felles for bnr. 7, 70 og 114. Dette felles grensepunktet må ligge der jordskifteretten har rekonstruert punktet under saksførebuande rettsmøte, merka med nr. 10 på kartet, med 0,5 til 1 meter feilmargin. Påstand: Vi meiner at grensepunktet mellom dei tre eigedomane 14/7 14/70 og 14/114 ligg i punktet som er merka 10 på vedlegg 1 Framlegg til fastsetjing av vedtak. Valdersneset den 15. desember 2011 Gerd Dalseng -sign.- Bjørnar Dalseng -sign.- (eigar 14/7) (eigar 14/7) Retten ser saka slik: I samband med førebuinga av grensegangssaka har det vore avdekka at partane ikkje er samde om eigedomsgrensa mellom gnr. 14 bnr. 70 mot gnr. 14 bnr. 114. Denne grensa tar til i grensepunkt som også er felles med gnr. 14 bnr. 7. Det er heller ikkje semje om kvar desse tre eigedomane har felles grensepunkt. Alle tre eigedomane er difor part i tvisten. Jan Ove Næss har i sin skriftlege påstand omtalt naboeigedomen gnr. 14 bnr. 114 som 114/70. Jordskifteretten er etter partane sine forklaringar, framlagte bevis og påvisingar i marka, ikkje i tvil om at dette er ein skrivefeil. Det riktige skal vere gnr. 14 bnr. 114. 1200-2011-0023 SOLTVEIT, gnr. 14 Nord- og Midhordland jordskifterett 9

Jordskifteretten må leggje til grunn skildringa av grensa som vart etablert ved skylddelingsforretninga for gnr. 14 bnr. 85. Eigedomsgrensa mellom bnr. 70 mot bnr. 114 vart etablert den 31. mai 1969 då bnr. 85 vart utskild frå bnr. 7 og grensa vart skildra i h.h.t. skylddelingsprotokoll framlagt som dok. nr. 1 vedlegg 7. Dette var i første omgang ei grense mellom bnr. 7 og bnr. 85. Då bnr. 85 vart samanføyd med bnr. 70, vart dette ei grense mellom bnr. 7 mot bnr. 70. Først i 1980 vart nausttomta bnr. 114 utskild frå bnr. 7. Grensene for bnr. 114 vart skildra i protokoll frå skylddelinga, framlagt som dok. nr. 12. Då bnr. 114 vart utskild vart det imidlertid ikkje etablert nokon ny grense mot naboeigedomen bnr. 70. Grensa for bnr. 114 mot bnr. 70 var den same som tidlegare var mellom bnr. 70 mot bnr. 7, og før det igjen mellom bnr. 85 mot bnr. 7. I skylddelingsprotokollen for bnr. 85 vert omtvista grense mellom bnr. 70 og bnr. 114 skildra som siste del av grenseline nr. 1. Linje nr. 1 vert skildra som følgjande: Linje 1 går ut fra nedsatt merkestein i vegkant av bygdevegen, i parsellens sørvestre hjørne, og går i østlig retning 61 meter til nedsatt merkestein, bøyer herfra i nordøstlig retning 8 meter til (kors) i berg ved sjøen. Den innleverte kopien av skylddelingsprotokollen er uklar når det gjeld kva type grensemerke som vert skildra i berg ved sjøen. Partane har i rettsmøte oppgitt at dette må vere eit grensekors. Jordskifteretten legg dette til grunn. Den del av grenseskildringa som er fastsett til til nedsatt merkestein, bøyer herfra i nordøstlig retning 8 meter til (kors) i berg ved sjøen, gjeld den same grensestrekninga som i dag er omtvista mellom bnr. 70 og bnr. 114. Ingen av grensemerka er påvist i marka. Ved sjøen er det utsprengd noko fjell samt etablert steinfylling. Ved grensesteinen er det etablert mykje krattvegetasjon samt strømstolpe med forankringsstag. Partane har påvist at gamalt gjerde mellom bnr. 7 mot bnr. 70 går i om lag bein linje ned til punktet som er merka med nr. 10 i framlegg til rettsfastsettande vedtak. Dette viser at felles grensepunkt mellom bnr. 7, 70 og 114 kan ligge om lag der punktet er skildra i framlegget til rettsfastsettande vedtak. Det er imidlertid ikkje heilt klart om dette grensepunktet eigentleg ligg noko nærare sjøen. Ved forsøk på rekonstruksjon av grensene har partane påvist grenseforløp for nausttomta bnr. 114 mot naboeigedomane etter skildringa i skylddelingsprotokollen frå 1980. Grenselinje nr. 1 vert skildra som følgjande i skylddelingsprotokollen: Line 1 tek til ved kross i berg ved sjøen i parsellens nordaustre hjørne i grenselinja mot gnr. 14 bnr. 85, og går etter stranda i søraustleg retning, 19 meter til kross i berg ved sjøen. Det sistnemnde korset er påvist i marka og ligg i grensa mellom bnr. 114 mot bnr. 7. Ved å nytte måleband i retning nordvestover langs stranda har det blitt rekonstruert eit punkt som ligg 19 meter frå påvist grensekors, om lag der det skal vere eit grensekors mellom bnr. 114 og bnr. 70. Dette er merka med punkt nr. 9 i framlegg til rettsfastsettande vedtak. Her er det imidlertid etablert ein steinfylling som gjør at det ikkje har blitt påvist noko grensemerke. Grensa vidare rundt bnr. 114 mot naboeigedoane er skildra som følgjande: Line 2 går frå sistnemnde kross i vestleg retning 8 m til kross i berg oppå bråtalaget. Line 3 går frå denne kross i nordvestleg retning, 9½ m til kross i berg ved grenselina mot bnr. 85. Line 4 går frå 1200-2011-0023 SOLTVEIT, gnr. 14 Nord- og Midhordland jordskifterett 10

sistnemnde kross etter grenselina mot bnr. 85, 11½ m tilbake til utgangspunktet. I framlagt kopi av grenseskildringa for bnr. 114 er deler av teksten svakt markert, slik at det er uklart om det riktig at det vert skildra 8 meter i grenselinje nr. 2. Det er ikkje påvist andre grensemerker enn grensekorset nemnd ovafor. Partane har påvist kvar denne grensa kan gå i marka. Når ein samanliknar grenseskildringa frå 1969 med grenseskildringa frå 1980 for den omtvista grensa mellom bnr. 70 mot bnr. 114, finn jordskifteretten to avvik. I 1969 vart det skildra at grensa går frå merkestein, der grensa bøyer i nordaustleg retning og går 8 meter til kors i berg ved sjøen. I 1980 vert det skildra at omtvista grense går frå kors og etter grenselinja mot bnr. 85 11½ meter tilbake til utgangspunktet, kors i berg ved sjøen. Avstanden som er målt i 1980 er oppgitt til å vere målt med stramt måleband etter terrenget. Det er ikkje oppgitt korleis avstanden vart målt i 1969. Bernhard Valdersnes er oppgitt som frammøtt både i 1969 og i 1980. Han eigde bnr. 7 i 1969 og var seljar av bnr. 7 i 1980. Dette betyr at då nausttomta bnr. 114 vart utskild frå bnr. 7 i 1980, brukte dei eit anna grensemerke i knekkpunktet som i dag er felles for bnr. 7, 70 og 114, enn merkesteinen som var satt opp i 1969. Det er også oppgitt to ulike avstandar mellom knekkpunktet og kors i berg ved sjøen. Avviket mellom 11½ og 8 meter er 3,5 meter. Dette er monaleg meir enn det som kan forklarast med høgdeforskjellen mellom punkta. Det er ikkje avklart om dei ulike avstandane som er oppgitt, h.h.v. 8 meter og 11½ meter, skyldast at knekk punktet vart plassert på ulike stader, eller om det er kors i berg ved sjøen som er plassert på ulike stader i 1969 og 1980. Jordskifteretten har etter dette kome til at knekkpunktet som er felles grensepunkt mellom bnr. 7, 70 og 114, og som har vore rekonstruert som punkt nr. 10 i framlegg til rettsfastsettande vedtak, er sannsynleg plassering av dette grensepunktet. Jordskifteretten legg m.a. vekt på påviste rester av gamalt gjerde som syner at grensepunktet mest truleg ligg om lag i tråd med framlegget. Jordskifteretten har vidare kome til at grensepunktet ved sjøen mellom bnr. 70 og bnr. 114 må ligge om lag der punkt nr. 9 er rekonstruert i framlegg til rettsfastsettande vedtak. Dette vil samsvare med skildring frå 1980 då bnr. 114 vart utskild frå bnr. 7. Jordskifteretten har kome til at det er sannsynleg at dette grensemerket ligg på ei bein linje frå knekkpunktet felles mellom bnr. 7, 70 og 114, via kors i berg ved sjøen som skildra i 1969 ved frådeling av bnr. 85. Jordskifteretten går så over til å drøfte korleis grensa skal fastsettast vidare i retning mot sjø og ut i sjø. Jordskifteretten har kome til at grensa mellom bnr. 7 og bnr. 85 i 1969 vart fastsett til å gå frå knekkpunktet i grensa, i rett linje via grensepunkt markert med nr. 9 i framlegg til rettsfastsettande vedtak, vidare i same retning fram til middel høg vasstand, der grensa bøyer og går vidare ut i sjø etter midtlinjeprinsippet, analogt med hovudregelen i vassdragslova 4. 1200-2011-0023 SOLTVEIT, gnr. 14 Nord- og Midhordland jordskifterett 11

Grenser ut i sjø føl normalt hovudreglane om midtlinjeprinsippet tilsvarande som er fastsett i vassdragslova 4. Dersom ei grense vert etablert slik at grensa avviker frå det normale, må dette ha støtte i ei klår avtale eller byggje på føresetnader som har vore kjend for begge partar. Bevisbyrden for at ei grense går annleis enn etter hovudregelen kvilar på den som gjør kravet gjeldande, i dette tilfelle Norman Valdersnes. Jordskifteretten syner til drøftingane om dette i avgjerd frå Høgsterett inntatt i Rt-1979 s. 1099. Då grensa mellom bnr. 7 og 85 vart fastsett i 1969, vart det ikkje skildra noko i skylddelingsprotokollen om korleis eigedomsgrensa skulle gå frå siste kors i berg ved sjøen, og vidare ut i sjø. Eigar av bnr. 114 har halde fram at grensa for bnr. 114 går i rett linje frå knekkpunktet felles for bnr. 7, 70 og 114, via grensekors i berg ved sjøen og vidare i same retning ut i sjø. Dette har blitt stadfesta av noverande eigar av bnr. 7, som i denne samanheng har kome med vitneutsegn om korleis tidlegare eigar av bnr. 7, Bernhard Valdersnes, meinte grensa var fastsett mellom bnr. 7 og 85 ned mot sjøen. Plasseringa av bryggja på bnr. 70 tyder imidlertid på at grensa går ut i sjø etter midtlinjeprinsippet. Dersom grensa mellom bnr. 70 og 114 går i rett linje ut i sjø etter påstanden frå eigar av bnr. 114, vil det vesentlege av arealet på sjøsida av bnr. 70 si bryggje ligge på bnr. 114. Forklaringane frå partane syner at dei kjenner til at deler av bnr. 70 si bryggja er etablert inne på bnr. 7 eller 114. Dersom denne bryggja kom i konflikt med bakfeste for båten som låg på bnr. 7 eller 114, burde dette vore omtalt mellom partane då bryggja vart etablert. Det har ikkje kome fram av partane sine forklaringar at dette har vore tilfelle. Jordskifteretten har difor under tvil kome fram til at grensa frå middel høg vasstand må følgje hovudregelen for grenser ut i sjø, og går ut i sjø etter midtlinjeprinsippet så langt ut som eigedomane har eigedomsrett. Dette gjeld frå der middel høg vasstand var i 1969 då grensa vart etablert. Det går fram av partane sine påvisingar at det har vore sprengd ut og fylt ut noko fjell i strandsona. Jordskifteretten må difor rekonstruere kor grensa mellom bnr. 7 og 85, no bnr. 114 og 70, møtte middel høg vasstand i 1969. Det vert lagt til grunn at det er fylt noko stein ut i sjøen ved kaien. Jordskifteretten har kome til at der den beine grenselinja mellom bnr. 70 mot bnr. 114 treffer bryggekanten på bnr. 70 sine brygge, kan svare til der middel høg flo var i 1969. Frå dette punktet går eigedomsgrensa mellom bnr. 70 og 114 ut i sjø etter midtlinjeprinsippet slik landet låg i 1969. Jordskifteretten finn at det må fastsettast ei rett midtlinje ut i sjø som byggjer på eit middel av strandlinja slik strandlinja var i 1969. Ei gjennomsnittleg midtlinje vert fastsett slik at den går i ei bein linje ut i sjø i retning mot eit punkt som ligg ein meter aust for det nordaustre hjørne av bnr. 70 si flytebryggje som er innteikna på kartet vedlagt framlegg til rettsfastsettande vedtak. Dette vert i retning 27,57 gon. Grensa vert skildra med koordinatar, retningar og avstandar som grense nr. 9 i etterfølgjande grenseskildring. Slutning: - Eigedomsgrensa mellom gnr. 14 bnr. 70 og gnr. 14 bnr. 114 tar til i felles grensepunkt mellom gnr. 14 bnr. 7, 70 og 114, oppgitt som punkt nr. 10 i framlegg 1200-2011-0023 SOLTVEIT, gnr. 14 Nord- og Midhordland jordskifterett 12

til rettsfastsettande vedtak, og går i rett linje til grensepunkt oppgitt som nr. 9 i framlegg til rettsfastsettande vedtak, vidare i same retning til grensa treffer eksisterande trebryggje som høyrar til bnr. 70. Her bøyer grensa og går i rett linje utover mot sjø og ut i sjø i retning 27,57 gon så langt ut som eigedomane har eigedomsrett. - Avgjerda kan ankast til lagmannsretten innan ein månad frå forkynning. ------------------------------------------- I medhald av jordskiftelova 17a avsa jordskifteretten einstemmig slikt RETTSFASTSETTANDE VEDTAK for grense mellom gnr. 14 bnr. 70 mot bnr. 7, 27, 74, 86 og 93, alle eigedomane i Radøy kommune. Jordskifteretten har på bakgrunn av partane sine påvisingar i saksførebuande rettsmøte laga til framlegg til regulerande vedtak. Dette har partane fått forkynt med frist for uttale. Det har ikkje kome inn merknad til grense mellom bnr. 70 mot 7, 27, 74, 86 og 93, unntatt felles grensepunkt mellom bnr. 70, 7 og 114. Grensene det ikkje har kome merknadar til vert fastsett i tråd med utsendt framlegg til vedtak. Grensene er merka, innmålt, innteikna på kart og vert skildra i etterfølgjande grenseskildring. Retten ser saka slik: 1. Grense mellom gnr. 14 bnr. 70 og gnr. 14 bnr. 86: Slutning: Grensa tar til i felles grensepunkt mellom gnr. 14 bnr. 27, 70 og 86 ved vegkant der gnr. 14 bnr. 27 eig grunnen under vegen, punkt nr. 1 på kartet, og går fire meter om lag i retning nordaust til sørvestre kant av mur, og vidare 17 cm til nordaustre kant av mur der linja endar ved punkt nr. 2. 2. Grense mellom gnr. 14 bnr. 70 og gnr. 14 bnr. 27. Slutning: Grensa tar til i felles grensepunkt mellom gnr. 14 bnr. 27, 70 og 86 ved vegkant der gnr. 14 bnr. 27 eig grunnen under vegen, punkt nr. 1 på kartet, går vidare 11,73 meter om lag i retning søraust til punkt nr. 19, der grensa vinklar om lag i retning nordaust 4,00 meter til portstolpe og vidare om lag 4 meter terrengmålt til umerka punkt i retning mot punkt nr. 17, der grensa enda i felles umerka grensepunkt mellom bnr. 27, 70 og 74. 3. Grense mellom gnr. 14 bnr. 70 og gnr. 14 bnr. 86. 1200-2011-0023 SOLTVEIT, gnr. 14 Nord- og Midhordland jordskifterett 13

Slutning: Grensa tar til i grensepunkt nr. 2 ved nordaustre kant av mur, og går langs murkanten i retning søraust til grensepunkt 0,5 meter forbi gjerde tilhøyrande bnr. 86, der grensa endar. 4. Grense mellom gnr. 14 bnr. 70 og gnr. 14 bnr. 86. Slutning: Grense tar til i grensepunkt nr. 3 og går i bein linje om lag i retning nordaust til punkt nr. 4 som ligg 0,5 meter frå knekkpunkt i bnr. 86 sitt gjerde, vidare i rett linje til punkt nr. 5 som ligg 0,5 meter ut frå knekkpunkt på bnr. 86 si trapp, vidare i rett linje til punkt nr. 6, gamal kors i fjell, vidare i rett linje til punkt 7, gamal kors i fjell, og vidare i same retning ut i sjøen så langt ut som eigedomen eig grunnen. 5. Grense mellom gnr. 14 bnr. 70 og gnr. 14 bnr. 74. Slutning: Grensa tar til i felles grensepunkt mellom gnr. 14 bnr. 27, 70 og 74 ved vegkant, påvist av partane i førebuande rettsmøte, og går vidare om lag i retning nordaust etter grenseskildringa i skylddelinga for bnr. 74 frå 4. juli 1964. Ved punkt nr. 14 er det påvist både pel nedsett i marka av eigar av bnr. 74 og mogleg grensestein i marka noko nordvest for pelen. I framlegget er det lagt til grunn pel ved punkt nr. 14. Grensa går vidare til merke nr. 15. Her er det påvist gamal gjerdestolpe og to moglege kors i fjell. I framlegget er det lagt til grunn mogleg grensekors som ligg lengst mot søraust. Grensa går vidare i bein linje til merke nr. 16 ved rester av gamal gjerdestolpe, vidare i bein linje om lag i retning nordvest til punkt nr. 17 ved foten av murhjørne, vidare om lag 8 meter terrengmålt til umerka punkt i retning mot punkt nr. 18, der grensa endar i felles grensepunkt mellom bnr. 27, 70 og 74. 6. Grense mellom gnr. 14 bnr. 70 og gnr. 14 bnr. 27 Slutning: Grensa tar til i umerka grensepunkt felles for gnr. 14 bnr. 27, 70 og 74 påvist av partane ved vegkant, punkt nr. 13, og går langs vegkant i søraustleg retning til felles umerka grensepunkt mellom gnr. 14 bnr. 27, 70 og 93 påvist av partane ved vegkant, punkt nr. 12. 7. Grense mellom gnr. 14 bnr. 70 og gnr. 14 bnr. 93 Slutning: 1200-2011-0023 SOLTVEIT, gnr. 14 Nord- og Midhordland jordskifterett 14

Grensa tar til i felles umerka grensepunkt mellom gnr. 14 bnr. 27, 70 og 93 påvist av partane ved vegkant, punkt nr. 12, og går etter grenseskildringa i skylddelinga for bnr. 93, 22,5 meter terrengmålt til punkt nr. 11 i retning mot punkt nr. 10. 8. Grense mellom gnr. 14 bnr. 70 og gnr. 14 bnr. 7 Slutning: Grensa tar til i punkt nr. 11 felles for gnr. 14 bnr. 7, 70 og 93, og går i bein linje til grensepunkt nr. 10 som påvist av partane, felles for gnr. 14 bnr. 7, 70 og 114. --------------------------------------------------------- 1 Grenseskildring Jordskiftesak nr.: 1200-2011 -0023 Soltveit, gnr. 14. Kommune: 1260 Radøy Vedteken av: Nord- og Midhordland jordskifterett Koordinatsystem: Euref 89/ WGS 84, UTM sone 32 Retning mellom punkta er rekna ut frå koordinatane til punkta, og er oppgitt i høve til nordretning på kartet. Sirkelen er delt inn i 400 g (gon). Avstanden mellom grensepunkta er horisontale mål i meter. Ved måling er det brukt GPS med CPOS (Javad/Topcon), med krav til kvalitet i samsvar med jordskifteretten sine prosedyrar for utføring av RTK måling i områdetype 1 (byområde), som regel sentrale byområde med høg grad av utnytting eller svært høg grunnverdi). Områdetype 1 er relatert til FKB-A i geodatastandarden. Maksimalt tillate punktdeformasjon i områdetype 1 er 0.10 m. Naudsynt målenøyaktigheit (standardavvik) skal normalt vere ½ - 1/3 av tillaten maksimal punktdeformasjon for å halde krava til kvalitet. Grense 1 Eigedom til venstre: Gnr. 14 bnr. 70 Eigedom til høgre: Gnr. 14 bnr. 86 Punktnr Skildring Retning Avstand X-koordinat Y-koordinat 2 Umerka grensepunkt i ytterkant mur 6737167,10 283685,63 280,18 0,05 23 Grensepunkt, skive i mur 6737167,09 283685,58 257,87 4,13 1 Grensepunkt, skive i veg 6737164,55 283682,32 1200-2011-0023 SOLTVEIT, gnr. 14 Nord- og Midhordland jordskifterett 15

Grense 2 Eigedom til venstre: Gnr. 14 bnr. 70 Eigedom til høgre: Gnr. 14 bnr. 27 Punktnr Skildring Retning Avstand X-koordinat Y-koordinat 1 Grensepunkt, skive i veg 6737164,55 283682,32 159,23 11,68 19 Grensepunkt, skive i veg 6737155,19 283689,30 47,65 3,98 18 Off. godkj. grensemerke i jord 6737158,11 283692,01 og vidare i retning 45,79 gon om lag 4 meter til umerka punkt der grensa endar. Grense 3 Eigedom til venstre: Gnr. 14 bnr. 86 Eigedom til høgre: Gnr. 14 bnr. 70 Punktnr Skildring Retning Avstand X-koordinat Y-koordinat 2 Umerka grensepunkt i ytterkant mur 6737167,10 283685,63 159,71 9,15 Off. godkj. grensemerke i jord ved fot av 3 6737159,73 283691,04 mur Grense 4 Eigedom til venstre: Gnr. 14 bnr. 86 Eigedom til høgre: Gnr. 14 bnr. 70 Punktnr Skildring Retning Avstand X-koordinat Y-koordinat Off. godkj. grensemerke i jord ved fot av 3 6737159,73 283691,04 mur 45,45 12,59 4 Off. godkj. grensemerke i jord 6737169,24 283699,29 50,95 11,57 5 Off. godkj. grensemerke i fjell 6737177,30 283707,59 32,84 4,48 6 Off. godkj. grensemerke i kors i fjell 6737181,20 283709,80 1200-2011-0023 SOLTVEIT, gnr. 14 Nord- og Midhordland jordskifterett 16

18,81 17,21 7 Off. godkj. grensemerke i kors i fjell 6737197,66 283714,81 Grensa går vidare i same retning ut i sjøen så langt ut som eigedomen eig grunnen. Grense 5 Eigedom til venstre: Gnr. 14 bnr. 74 Eigedom til høgre: Gnr. 14 bnr. 70 Punktnr Skildring Retning Avstand X-koordinat Y-koordinat 13 Grensemerke, senka i vegkant 6737126,61 283723,81 47,43 16,44 14 Off. godkj. grensemerke i jord 6737138,69 283734,96 16,64 24,68 15 Off. godkj. grensemerke i fjell 6737162,53 283741,33 272,57 20,05 Off. godkj. grensemerke i fjell ved rest av 16 6737154,16 283723,12 jernstolpe 332,54 26,57 Off. godkj. grensemerke i jord ved 17 6737167,16 283699,94 hjørne/fot av mur 245,79 12,03 Off. godkj. grensemerke i jord, ved 18 6737158,11 283692,01 søraustre side av portstolpe vidare i retning 245,79 gon om lag 8 meter terrengmålt til umerka grensepunkt der grensa endar. Grense 6 Eigedom til venstre: Gnr. 14 bnr. 70 Eigedom til høgre: Gnr. 14 bnr. 27 Punktnr Skildring Retning Avstand X-koordinat Y-koordinat 13 Grensemerke senka i vegkant 6737126,61 283723,81 147,92 24,90 12 Grensemerke senka i vegkant 6737109,59 283741,98 Grense 7 1200-2011-0023 SOLTVEIT, gnr. 14 Nord- og Midhordland jordskifterett 17

Eigedom til venstre: Gnr. 14 bnr. 70 Eigedom til høgre: Gnr. 14 bnr. 93 Punktnr Skildring Retning Avstand X-koordinat Y-koordinat 12 Grensemerke senka i vegkant 6737109,59 283741,98 46,07 19,80 22 Off. godkj. grensemerke i stein 6737124,43 283755,09 46,24 1,57 11 Umerka grensepunkt 6737125,60 283756,13 Grense 8 Eigedom til venstre: Gnr. 14 bnr. 70 Eigedom til høgre: Gnr. 14 bnr. 7 Punktnr Skildring Retning Avstand X-koordinat Y-koordinat 11 Umerka grensepunkt 6737125,60 283756,13 46,09 36,22 10 Off. godkj. grensemerke i fjell 6737152,73 283780,12 Grense 9 Eigedom til venstre: Gnr. 14 bnr. 70 Eigedom til høgre: Gnr. 14 bnr. 114 Punktnr Skildring Retning Avstand X-koordinat Y-koordinat 10 Off. godkj. grensemerke i fjell 6737152,73 283780,12 394,32 11,37 9 Off. godkj. grensemerke i jord 6737164,05 283779,11 393,66 4,90 24 Grensepunkt, messingbolt i kant av kai 6737168,93 283778,62 Frå punkt 24 går grensa vidare i retning 27,57 gon ut i sjø så langt ut som eigedomane eig grunnen. ------------------------------------------------------------------------- Ymse avgjerder Jordskiftekostnader Jordskiftekostnader og gebyr skal dekkast av partane i samsvar med jordskiftelova 74. Det har ikkje kome til kostnader knytt til gjennomføring av rettsmøte. 1200-2011-0023 SOLTVEIT, gnr. 14 Nord- og Midhordland jordskifterett 18

På denne bakgrunnen blir kostnadene slik: Registreringsgebyr kr 4300,- Partsgebyr 1548 x 7 kr 10836,- Grenselengdegebyr kr 1720,- Grensemerke 21 stk á 75,- kr 1575,- Sum kr 18.431,- Kostnadene er etter retten sitt skjønn fordelt mellom partane etter den nytten eigedomane har hatt av grensegangen, jf. jordskiftelova 76. Jordskifteretten har i samband med dette lagt til grunn at nytten fordeler seg likt med grenselengda som har vore gått opp for kvar eigedom. Unntatt frå dette er grenselinje langs veg og snuplass, der det etter jordskifteretten sitt skjønn er bnr. 70 som i hovudsak har nytten av å få klarlagt grenselinja. Oppgått grenselengde på land er til saman om lag 273,9 meter. Av dette er 59,2 meter mot bnr. 86, 44,7 meter mot bnr. 27, 95,4 meter mot bnr. 74, 21,3 meter mot bnr. 93, 36,2 meter mot bnr. 7 og 17,1 meter mot bnr. 114. Dette gir slik fordeling av kostnadene: Gnr./bnr. Eigar Andel av kostnadene i prosent skal betale kr har betalt kr skyldar kr 14/7 Gerd Målfrid Dalseng 6,6 % 1216,- 1216,- 14/27 Steinar Valdersnes 0 0 0 14/70 Jan Ove Næss 58,2 % 10727,- 4300,- 6427,- 14/74 Grethe P. Johansen m.fl. 17,4 % 3207,- 3207,- 14/86 Monica Haug Nilsen m.fl. 10,8 % 1991,- 1991,- 14/93 Terje Johansen m.fl. 3,9 % 719,- 719,- 14/114 Normann J. Valdersnes 3,1 % 571,- 571,- SUM 100 18.431,- 4.300,- 14.131,- Dei pålagte beløpene forfaller til betaling 15 dager frå forkynningsdatoen. Der det er fleire eigarar av ein eigedom, svarer eigarane solidarisk for pålagte beløp. Avslutting av saka Saka vert avslutta i dette møtet. Forkynning og høve for anke Forkynning skjer etter reglane for postforkynning. Frist for anke er ein månad frå forkynning. Reglane om anke følgjar vedlagt forkynninga. Iverksetting Saka trer i kraft når den er rettskraftig. Saka er rettskraftig når ankefristen er ute. Dersom 1200-2011-0023 SOLTVEIT, gnr. 14 Nord- og Midhordland jordskifterett 19

saka vert anka, vert saka rettskraftig når ankesaka ikkje lenger kan ankast. Matrikkelføring Jordskifteretten vil sette fram krav om matrikkelføring av saka når saka er rettskraftig. Tinglysing Saka vert tinglese på følgjande eigedomar i Radøy kommune: Gnr. 14 bnr. 7, 27, 70, 74, 86, 93 og 114. Den 04.01.2012 vart rettsboka lesen. Retten heva, saka slutta Rett utskrift: Olav Bruflot Jordskiftedommar ( s ) 1200-2011-0023 SOLTVEIT, gnr. 14 Nord- og Midhordland jordskifterett 20