STOREBØ

Transkript

1 Nord- og Midhordland jordskifterett Rettsbok Sak: STOREBØ Gnr. 43 i Austevoll kommune Oppstarta: Avslutta:

2 RETTSMØTE Møtedag: Stad: Kommunestyresalen i Kommunehuset i Austevoll. Sak nr.: STOREBØ, gnr. 43. Saka gjeld: Krav om grensegang etter jordskiftelova 88. Rettsleiar: Meddommarar: Protokollførar: Jordskiftedommar Olav Bruflot. Rolf Fagerli, Tumyr, 5307 ASK Anne Lauritsen, Åsebø, 5307 ASK Rettsformann. Saka er kravd av: Odd Jakob Storebø. Til handsaming: Fremming av saka, fastsetting av grenser Partar: Eigar av gnr. 43/16, Odd Jakob Storebø Eigar av gnr. 43/260, Knut Kalvenes Eigar av gnr. 43/260, Astrid Fagerbakke Eigar av gnr. 43/264, Sigvald Johan Gloppen Eigar av gnr. 43/271, Morten Tøkje Meddommarar: Anne Lauritsen, Åsebø Rolf Fagerli, Ask Eigedomane ligg i Austevoll kommune. Til stades: Knut Kalvenes, Astrid Fagerbakke, Odd Jakob Storebø, Morten Tøkje, Sigvald Johan Gloppen. I tillegg møtte avd.ing. Laila Bjørnevoll Kvinge frå jordskifteretten og Tanja L. Skovsgaard frå Kort & Matrikkelstyrelsen ved Miljøministeriet i Danmark. På førespurnad hadde ingen merknader til innkallinga til møtet eller til måten retten var samansett på. Partane har fått tilsendt kopi av hovudreglane om habilitet i domstollova 32, På førespurnad kjende ingen til noko som kunne tilseie at retten var inhabil. Rettsmøtet vart deretter erklært for lovleg satt. Jordskiftemeddommar Rolf Fagerli har tidlegare ikkje gjort teneste som meddommar i jordskifteretten. Han underteikna slik lovnad: Eg forsikrar at eg i denne saka og i alle framtidige saker vil gjere pliktene mine ærleg og STOREBØ, gnr. 43 Nord- og Midhordland jordskifterett 1

3 med truskap. Stad: Austevoll Dato: 13/4-12 Rolf Fagerli -sign Dokument i saka: 1. Krav om sak for jordskifteretten frå Odd Jakob Storebø, datert Vedlegg 1. Kopi av nabovarsel frå gnr. 43 bnr. 271 datert Vedlegg 2. Kart i målestokk 1:500 Vedlegg 3. Teikning av naust for tiltakshavar Morten Tøkje 2. Forkynning av krav om sak for jordskifteretten, datert Brev frå Odd Jakob Storebø til jordskifteretten, datert Vedlegg 1. Kopi av brev frå Austevoll Trelast til Odd Jakob Storebø, datert Vedlegg 2. Kopi av kartskisse m: 1:500 påteikna innmålte grenser, datert Vedlegg 3. Kopi av brev frå Odd Jakob Storebø til Blink Hus, Austevoll Trelast, datert Vedlegg 4. Kopi av e-post frå Odd Storebø til jordskifteretten, datert Brev frå jordskifteretten til Odd Jakob Storebø, datert , med kopi til dei andre partane. 5. Innkalling til teknisk saksførebuande møte den , datert Innkalling til rettsmøte den , datert , herunder oppnemning av meddommarar. 7. Brev frå Morten Tøkje til jordskifteretten, datert Vedlegg 1. Kopi av skylddelingsprotokoll for gnr. 43 bnr. 271, datert Kopi av skylddelingsprotokoll for gnr. 43 bnr. 260, datert Brev frå jordskifteretten til partane datert Vedlegg 1. Kopi av sakskort for sak for Nord- og Midhordland jordskifterett. Vedlegg 2. Kopi av dok. nr. 8. Vedlegg 3. Kopi av påstandskart opptatt , m: 1: Brev frå Knut K. Kalvenes til jordskifteretten, datert Vedlegg 1. Påstandskart opptatt , med påteikning av grense for bnr. 260 mot naboeigedom. 11. Brev frå Sigvald Gloppen til jordskifteretten, datert Vedlegg 1. Kopi av kvittering for betaling for parkeringsplass ved naust frå Sigvald Gloppen og Morten Tøkje. Vedlegg 2. Kopi av faktura for planering av parkeringsplass, datert Lovnad frå jordskiftemeddommar Rolf Fagerli, datert Kopi av utdrag av rettsbok for sak 19/1975 ved Nord- og Midhordland jordskifterett. 14. Påstand frå Odd Jakob Storebø. 15. Påstand frå Morten Tøkje. 16. Kart i m: 1:200, datert Kart i m: 1:100, datert , forslag til makeskifte STOREBØ, gnr. 43 Nord- og Midhordland jordskifterett 2

4 Dokumenta vart gjennomgått i nødvendig grad. Dokument nr. 13 vart lagt fram av jordskifteretten i rettsmøtet etter at det på førespurnad ikkje hadde kome merknader til at dette vart lagt fram, jf. dok. nr. 9. Dokument nr. 16 og 17 vart lagt fram etter at partane var permittert. Rettsformannen orienterte deretter partane kort om jordskifteretten, kva som er tema for rettsmøtet og korleis gjennomføring av rettsmøtet er planlagt. Partane vart orientert om at omtvista grenser vert fastsatt med dom. Grenser som er uklare men ikkje omtvista vert fastsett med rettsfastsettande vedtak. Både rettsfastsettande vedtak og dom kan ankast til lagmannsretten innan ein månad frå forkynning av avgjerdene. Dersom partane kjem fram til minnelege løysingar om eigedomstilhøva, kan partane inngå rettsforlik. Rettsforlik vert rettskraftig ved underskriving. Partane vart formant, avla lovnad og personalia før dei forklara seg. Rekvirenten Odd Jakob Storebø fekk ordet først og greidde ut om saka. Deretter fekk dei andre partane ordet etter tur. Det vart gitt høve til replikk og duplikk. Deretter drog retten ut til eigedomane der rettsmøtet heldt fram med synfaring med dei same tilstade som ved oppstart av møtet. Partane påviste først tilkomsten til nausttomtene gnr. 43 bnr. 271 og bnr. 264 over bnr. 16, herunder etablerte murer, steinkantar og trapper, samt grensemerker i bakkant av nausttomtene mot bnr. 16. Partane påviste også at tilkomst til bnr. 271 og 264 delvis er etablert inne på naboeigedomen bnr Etter noko drøfting vart partane samde om kor felles grensepunkt mellom bnr. 16 og bnr. 260 kan vere ved offentleg veg, rett vest for øyebolt nedsett av Knut Kalvenes. Rettsformannen orienterte partane om at eigar av veggrunnen ikkje er varsla eller innkalla til rettsmøtet. Ei semje mellom frammøtte partar om kor bnr. 16 og bnr. 260 har felles grensepunkt ved vegen, vil difor ikkje vere bindande for eigar av veggrunnen. Partane vart etter noko drøfting samde om at jordskifteretten skal lage til eit framlegg til makeskifte mellom eigedomane bnr. 16 og bnr. 260 for å rette opp i tilhøvet at bnr. 271 og 264 har etablert mur og tilkomst delvis inne på bnr Partane vart orientert om at framlegg vert sendt til partane til uttale, før jordskifteretten eventuelt avseier vedtak om makeskifte som del av denne grensegangssaka. Knut Kalvenes og Astrid Fagerbakke forlét deretter møtet kl På førespurnad hadde dei ikkje merknader til gjennomføringa av møtet. Møtet heldt deretter fram med påvising av nordre kant av tilkomst for bnr. 264 og bnr. 271 på bnr. 16, der det er etablert ein steinkant. Jordskifteretten merket med punkter med spraymaling som markerer den nordre avgrensinga av tilkomsten. Sigvald Johan Gloppen forlét deretter møtet kl Jordskifteretten heldt fram med påvising av grensa mellom bnr. 16 mot bnr Det vart STOREBØ, gnr. 43 Nord- og Midhordland jordskifterett 3

5 påvist grensekors i tråd med merker innteikna på påstandskartet. Retten tok deretter pause kl til 13.00, da møtet heldt fram i rettslokalet. Tilstades partane Odd Jakob Storebø og Morten Tøkje, avd.ing. Laila Bjørnevoll Kvinge og Tanja L. Skovsgaard. Etter synfaring er det avklart at det framleis er tvist om grensa ut i sjøen mellom bnr. 16 og bnr Partane leverte inn skriftlege påstandar. Påstandane vart opplest. På førespurnad frå rettsformannen hadde partane ikkje spørsmål til påstandane. Dei fekk deretter kome med sluttord i tvist, samt replikk og duplikk. Partane vart orientert om den vidare gangen i saken. Jordskifteretten avseier dom i tvist om eigedomsgrense mellom bnr. 16 og bnr. 271 frå kors i fjell og ut i sjø. Grenser som ikkje er omtvista vert vedtatt med rettsfastsettande vedtak. Dette gjelder eigedomsgrense mellom bnr. 16 mot bnr. 271 og fram til felles grensepunkt mellom bnr. 16, 271 og 264, samt nordre grense for bnr. 264 og 271 sin bruksrett til veg over bnr. 16. Både dom og rettsfastsettande vedtak kan ankast til lagmannsretten innan ein månad frå forkynning Jordskifteretten lager også til framlegg til makeskifte ved areal for tilkomst, samt framlegg til rettsfastsettande vedtak for grense mellom bnr. 16 og bnr Når høyringsfristen for dette er ute, vil jordskifteretten ta avgjerd i denne del av saka. Avgjerd om makeskifte kan ankast til jordskifteoverretten innan ein månad frå forkynning. På førespurnad kom det ingen merknader til gjennomføring av møtet. Forhandlingane vart deretter avslutta og tvisten erklært tatt opp til doms I medhald av jordskiftelova 17 avsa jordskifteretten samrøystes slik DOM i tvist om grense mellom gnr. 43 bnr. 16 og bnr. 271 i Austevoll kommune. Eigedomen gnr. 43 bnr. 271 vart utskild frå bnr. 16 ved skylddelingsforretning den 6. februar Grensa mellom eigedomane vert skildra som følgjande: "Lina tek til med + i fjell i s.v. hjørna av parsellen og går i n.v. retning ut i sjøen. Lina går vidare frå nemnde + i s.o. retning 13,- m til + i fjell. Her bøyer lina n.n.v. og går 11,- m til + i fjell. Lina bøyer so n.v. og går 18,40 m til + i fjell i brotalaget og vidare herifrå i same retning 12,10 til + i fjell ca 2,- m frå sjøen og same retning ut i sjøen." Partane er i tvist om grensa frå det siste grensemerket og vidare ut i sjøen. Partane sine merknader: Odd Jakob Storebø fekk ordet og heldt i hovudsak fram at det er viktig å få fastsett riktig eigedomsgrense mellom bnr. 16 mot bnr STOREBØ, gnr. 43 Nord- og Midhordland jordskifterett 4

6 Han kjenner til korleis grensa er skildra i skylddelinga. Grensa ut i sjøen må fastsettast av jordskifteretten etter midtlinjeprinsippet. Han syner også til avgjerd frå Høgsterett, tvist om eigedomsrett i Spellsundet i Kristiansund. Sjølv om det er bratt ned til sjøen og brådjupt, er det mulig å utnytte eigedomen på land. Det er kanskje meter djup rett utafor land, og ingen marbakke. Det må vere ei avgrensing av korleis naboen kan utnytte eigedomen. Han sette fram slik påstand: Undertegnede meiner at grenselinja i sjø frå punkt 1, kors i fjell skal fastsettes etter vassdragslovens 4. Odd J. Storebø -sign.- Morten Tøkje fekk ordet og heldt i hovudsak fram at grensa mellom bnr. 271 mot bnr. 16 går vidare ut i sjøen i same retning som grensa går på land. Odd Jakob Storebø underskreiv grenseskildringa då morfar til Morten Tøkje kjøpte tomten. Han kjenner også til Spellsunddommen. Han har ingen merknader til oppmålinga som jordskifteretten har gjort av påviste grensemerker. I skylddelingsprotokollen for bnr. 271 vert det skildra eit grensemerke som ikkje vart funnet under synfaringa ved påvising av grensemerker tidlegare i år. Dette grensemerket ligg på linja mellom grensemerka som vart påvist. Han må ha høve til å utnytte tomten også ut i sjø for ikkje å verte innelåst. I offentlege planar har tomten fått fastsett ein utnyttingsgrad på 70 %. Han har ikkje planar om å byggja kai utover i sjøen. Søknad om tiltak stopper ved flomålet. Under flytebryggja er det om lag 6-7 meter djupne. Han sette fram slik påstand: I forhold til grensen mot 43/16 er min påstand etter det som er beskrevet i skyldskifte det vi må forholde oss til. Den beskriver samme retning ut i sjø som eier av 43/16 har signert på. Dette for å kunne nytte tomten som en sjøtomt Storebø Morten Tøkje -sign.- Retten ser saka slik: Saka er kravd som grensegang i h.h.t. jordskiftelova 88 for grense mellom gnr. 43 bnr. 16 mot naboeigedomane gnr. 43 bnr. 260, 264 og 271. Paragraf 88 fastsetter at eigar kan krevje at jordskifteretten i særskild sak skal klarleggje, merkje av og skildre grenser for m.a. grunneigedom. I denne saka har det kome fram at det er tvist om grenseforløp ut i sjøen STOREBØ, gnr. 43 Nord- og Midhordland jordskifterett 5

7 Tvist i grensegangssak vert avgjort med dom i h.h.t. jordskiftelova 17 andre ledd. Jordskifteretten oppfattar at tvisten dreiar seg både om kva retning eigedomsgrensa har i sjøen, og kor langt ut i sjøen eigedomsgrensa går mellom bnr. 16 og bnr Partane har lagt fram sparsamt med bevis for å avklare omtvista grensa frå siste påviste grensekors og vidare ut i sjøen. Framlagt er skildring av omtvista grense i skylddelingsforretning med tilhøyrande grensemerker, påvising av eigedomane i marka og partane sine forklaringar om kva grense som vart etablert då bnr. 271 vart utskild. Odd Jakob Storebø har i sitt innleiingsforedrag også synt til Spellsunddommen frå Kristiansund, Rt Jordskifteretten drøfter først retninga på grensa frå det siste påviste grensemerket og vidare ut i sjøen. Hovudregelen for grenser i sjø mellom eigedomar som ligg langs ei strandlinje, er at grensa føl midtlinjeprinsippet i h.h.t vassdragslova 4, dersom det ikkje føreligg anna særleg heimel. Vassdragslova 4 gjeld for ferskvatn og fastset at midtlinjeprinsippet skal ta til ved låg vasstand. Rettspraksis har lagt til grunn det same prinsippet i sjø, men då frå middel høg flo. Jordskifteretten har i denne saka kome til at grenseskildringa i skylddelingsprotokollen er ein særleg heimel som fastsetter ei anna grenselinje ut i sjø enn midtlinjeprinsippet. Skildringa av den aktuelle del av grensestrekninga tar til ved påvist kors i fjell innmålt som grensekors nr. 2 på påstandskartet. Herifrå er grensa skildra som følgjande: Lina bøyer so n.v. og går 18,40 m til + i fjell i brotalaget og vidare herifrå i same retning 12,10 til + i fjell ca 2,- m frå sjøen og same retning ut i sjøen." Grensa er skildra som "same retning ut i sjøen". Dersom midtlinjeprinsippet hadde vore lagt til grunn for skildringa i skylddelingsprotokollen, skulle grensa vore skildra fram til flomålet, eller fram til sjøen, der grensa bøyer og går vidare ut i sjøen etter midtlinjeprinsippet eller ei anna retning. Jordskifteretten er oppmerksam på at skildringa i skylddelingsprotokollen kan ha vore laga av skylddelingsmenn som ikkje har vore oppmerksam på nyansar i språkbruken om korleis grensa vart skildra fram til flomålet og ut i sjøen. Men jordskifteretten vel å ta skildringa bokstavleg slik retninga vert skildra ut i sjøen. Jordskifteretten oppfattar at "ut i sjøen" i denne samanheng må vere nedafor flomålet. Eigedomsgrensa mellom bnr. 16 og bnr. 271 må difor gå vidare i same retning frå påvist grensekors innteikna på påstandkartet som grensemerke nr. 2 og nr. 1, til middel høg flo, og vidare i same retning ut i sjø så langt ut som eigedomane har eigedomsrett. Jordskifteretten går så over til å drøfte kor langt ut i sjøen eigedomsgrensa går mellom bnr. 16 og bnr Terrenget ved omtvista grensa er slik at fjellet går bratt ned til sjøen og vidare ned i sjøen. Morten Tøkje har opplyst at det er 6-7 meter djupne under flytebryggja si. Odd Jakob Storebø har anslått at det kanskje er meter djup rett utafor land. Partane er samde om STOREBØ, gnr. 43 Nord- og Midhordland jordskifterett 6

8 at det ikkje er mogleg å påvise marebakke. Odd Jakob Storebø har i innleiingsforedraget halde fram at han viser til dom i Høgsterett, Spellsundet i Kristiansund. Morten Tøkje har halde fram at han kjenner til denne avgjerda. Avgjerda frå Høgsterett om Spellsundet i Kristiansund, Rt , gjeld tvist om eigedomsrett til sjøgrunn og kor langt ut i sjøen eigedomsretten strekker seg der det er brådjupt inne ved land. I drøftingane har Høgsterett m.a. sagt i avsnitt 45, at det er ikkje tilstrekkelege "rettskildemessige holdepunkter for på ulovfestet grunnlag å fastsette en generell regel om eiendomsrett i sjøen ved brådyp, som supplerer reglene om marbakke og to meters dyp." Jordskifteretten finn difor at avgjerda i Rt er ei konkret avgjerd i den aktuelle tvisten som Høgsterett handsama. Høgsterett si avgjerd kan ikkje leggjast til grunn som ein generell regel i denne saka for jordskifteretten. Høgsterett skrivar vidare i avsnitt 46: "Eiendomsrett utover det som følger av reglene om marbakke og to meters dyp, vil kunne følge av særskilte rettsgrunnlag for den enkelte eiendom, som alders tids bruk eller lokal sedvanerett. " Jordskifteretten finner at partane i saka på Storebø ikkje har påvist anna særskild rettsgrunnlag, alders tids bruk eller lokal sedvanerett som gjer at ein kan avvike frå hovudregelen om at privat eigedomsrett strekker seg ut i sjø til marbakken, eller to meter djupne ved låg vasstand der det ikkje kan påvisast marbakke. Når det ikkje er påvist marbakke må jordskifteretten difor leggje til grunn at eigedomsgrensa mellom bnr. 16 og bnr. 271 strekker seg ut i sjøen til to meters djup ved middel låg vasstand. Jordskifteretten oppfattar at Morten Tøkje meiner at eigedomsgrensa må gå vidare i bein linje ut i sjøen i same retning som på land, m.a. fordi dette er naudsynt for at nausttomta kan utnyttas til det tomta er meint til. Dette er ei slutning som jordskifteretten ikkje kan slutte seg til. I tillegg til eigedomsretten til sjøgrunnen vil den som har eigedom ned til sjøen, også ha rettar ut i sjøen utafor der det er eigedomsrett. Særleg aktuelt er tilflotsretten, men også retten til å fylle ut i sjøen og andre strandrettar. Dette er rettar som best kan skildrast som fordeler knytt til det å ha eigedom som går ned til sjøen. Jordskifteretten kan imidlertid ikkje ta stilling til grenser for slike rettar utafor der det er eigedomsrett, når partane ikkje har påvist nokon konkret tvist om kor grensa for ein eller fleire av desse rettane går ut i sjøen. Jordskifteretten finn heller ikkje at det er anna rettspraksis som fastset ein generell regel om at der det er brådjupt inne ved land, må eigedomsretten gå eit stykke utover i sjøen uavhengig av regelen om marbakke eller to meter djup ved middel låg vasstand. Jordskifteretten vil innteikna grensa på kart, samt skildre grensa med koordinatar, retning og avstandar i etterfølgjande grenseskildring. Avgjerda vert satt til påanke straks jf. jordskiftelova 62 andre ledd STOREBØ, gnr. 43 Nord- og Midhordland jordskifterett 7

9 Slutning: 1. Eigedomsgrensa mellom gnr. 43 bnr. 16 og gnr. 43 bnr. 271 tar til i grensekors i fjell innmålt som grensepunkt nr. 1 på påstandskartet, og går vidare mot sjøen i same retning som grensa mellom kors i fjell innmålt som grensepunkt nr. 2 og 1 på påstandskartet, til flomålet og vidare ut i sjøen i same retning til to meters djup ved middel låg vasstand, der grensa endar I medhald av jordskiftelova 17a avsa jordskifteretten samrøystes slikt for RETTSFASTSETTANDE VEDTAK - del av eigedomsgrensa mellom gnr. 43 bnr. 16 mot gnr. 43 bnr. 271 og bnr. 264, - grense for bruksrett til tilkomst for gnr. 43 bnr. 264 og 271 på gnr. 43 bnr. 16. Partane sine merknader: Odd Jakob Storebø fekk ordet og heldt i hovudsak fram at grensa på land mellom bnr. 16 mot naboeigedomane, må fastsettast fram til grensepunkt nr. 3 innteikna på påstandskartet, der bnr. 16, bnr. 271 og bnr. 264 har felles grensepunkt. På denne grensestrekninga går grensa etter dei korsa som partane har påvist i marka. Det er gitt vegrett for både bnr. 264 og bnr. 271 over bnr. 16, fram til nausta. Han har påvist kor Morten Tøkje skal sette opp mur. Dei bør ha ei innkjøring ved nausta. Avgrensing av tilkomsten vert påvist i marka. Morten Tøkje fekk ordet og heldt i hovudsak fram at han overtok sjøtomten for 16 år sidan. Det var allereie den gong plassert fyllmassar på bnr. 16 for å etablere veg fram til nausta. Odd Jakob Storebø vart kontakta for å få påvist nordre kant av tilkomsten. Omlag 8-10 m2 av tilkomsten har vore etablert inne på naboeigedomen bnr Eigedomane bnr. 264, Sigvald Gloppen, har kjøpt seg inn i veganlegget. Bnr. 264 nytter same trappa som bnr Sigvald Johan Gloppen fekk ordet heldt i hovudsak fram at han er samd med eigar av bnr. 271 om felles tilkomst over bnr. 16. Han eig halve trappa mellom nausta. Retten ser saka slik: Eigedomsgrensa mellom bnr. 16 mot bnr. 271, fram til der grensa ender i eit grensepunkt STOREBØ, gnr. 43 Nord- og Midhordland jordskifterett 8

10 som er felles med bnr. 264, er påvist i marka og innteikna på påstandskartet. Jordskifteretten legg dette til grunn. Odd Sigvald Storebø har påvist den nordre grensa for bnr. 264 og bnr. 271 sin bruksrett til tilkomst over bnr. 16, fram til sine nausteigedomar. Dei andre partane har ikkje hatt merknader til dette. Jordskifteretten legg den påviste bruksrettsgrensa til grunn for avgjerda. Jordskifteretten vil innteikna grensene på kart, samt skildre grensene med koordinatar, retning og avstandar i etterfølgjande grenseskildring. Avgjerda vert satt til påanke straks jf. jordskiftelova 62 andre ledd. Slutning: 1. Eigedomsgrensa mellom gnr. 43 bnr. 16 mot gnr. 43 bnr. 271 tar til i grensekors innmålt som grensepunkt nr. 1 på påstandskartet, går i rett linje til påvist grensekors innteikna som grensepunkt nr. 2 på påstandskartet, der grensa bøyer i om lag sørleg retning til påvist grensekors innmålt som grensepunkt nr. 3 på påstandskartet, felles med gnr. 43 bnr Gnr. 43 bnr. 264 og bnr. 271 har rett til tilkomst over gnr. 43 bnr. 16 fram til nausteigedomane, avgrensa i nord av grensa påvist under synfaring GRENSESKILDRING Jordskiftesak nr.: Storebø, gnr. 43. Kommune: 1244 Austevoll Vedteken av: Nord- og Midhordland jordskifterett Koordinatsystem: Euref 89/ WGS 84, UTM sone 32 Retning mellom punkta er rekna ut frå koordinatane til punkta, og er oppgitt i høve til nordretninga på kartet. Sirkelen er delt inn i 400 g (gon). Avstanden mellom grensepunkta er horisontale mål i meter. Grensemerka er boltar/røyr/skiver av aluminium med hovud. Hovudet har påskrift GRENSE og JORDSKIFTERETTEN. Ved måling er det brukt GPS med CPOS (Javad/Topcon), med krav til kvalitet i samsvar med jordskifteretten sine prosedyrar for utføring av RTK måling i områdetype 1 (byområde), som regel sentrale byområde med høg grad av utnytting eller svært høg grunnverdi). Områdetype 1 er relatert til FKB-A i geodatastandarden. Maksimalt tilleten punktdeformasjon i områdetype 1 er 0.10 m. Nødvendig målenøyaktighet (standardavvik) skal normalt vere ½ - 1/3 av tilleten maksimal punktdeformasjon for å halde krava til kvalitet. Grense 1 Eigedomsgrense: STOREBØ, gnr. 43 Nord- og Midhordland jordskifterett 9

11 Eigedom til venstre: Gnr. 43 bnr. 271 Eigedom til høgre: Gnr. 43 bnr. 16 Punktnr Skildring Retning Avstand X-koordinat Y-koordinat 3 Off. godkj. grensemerke i kors i fjell , ,61 7,64 10,62 2 Off. godkj. grensemerke i kors i fjell , ,88 345,50 26,70 1 Off. godkj. grensemerke i kors i fjell , ,72 og går vidare i same retning til middels høg flo og vidare i same retning ut i sjø til 2 meter djup ved middel låg vasstand, der eigedomsgrensa endar. Grense 2 Bruksrettsgrense: Eigedom til venstre: Gnr. 43 bnr. 16, bruksrett for gnr. 43 bnr. 264 og 271 Eigedom til høgre: Gnr. 43 bnr. 16 Grensa tar til ved grensa mot offentleg veg og går i retninga frå punkt nr. 10 til punkt nr. 11. Punktnr Skildring Retning Avstand X-koordinat Y-koordinat 10 Metallskive i stein , ,50 322,64 11,23 11 Metallskive i fjell , ,97 250,42 6,62 12 Metallskive i fjell , ,26 320,34 2,14 13 Metallskive i fjell , ,23 og vidare i same retning til eigedomsgrensa mellom bnr. 16 og bnr I medhald av jordskiftelova 17a fjerde ledd og 88 femte ledd kjem jordskifteretten med FRAMLEGG til rettsfastsettande vedtak for grense mellom gnr. 43 bnr. 16 mot bnr. 260, og makeskifte mellom gnr. 43 bnr. 16 og bnr Partane har under synfaringa påvist at gnr. 43 bnr. 264 og bnr. 271 har etablert tilkomst med mur og fylling delvis inne på eigedomen gnr. 43 bnr Under synfaringa har partane STOREBØ, gnr. 43 Nord- og Midhordland jordskifterett 10

12 drøfta om det kan vere mogleg å regulere grensa mellom eigedomane bnr. 16 og bnr. 260, slik at dei etablerte tiltaka vert liggande inne på bnr. 16 i tråd med bruksrettar etablert ved skylddeling av eigedomane. Jordskiftelova 88 femte ledd fastset at Ulaglege grenser prøver retten å få regulert ved minneleg makeskifte. Kjem ein ikkje fram til semje, kan jordskifteretten regulere grensene på den måten han meiner er mest tenleg for dei eigedomane det gjeld. Dersom det ikkje er landbrukseigedom på nokon av sidene, kan jordskifteretten berre regulere ulaglege grenser etter krav frå ein part. Partane sine merknader: Odd Jakob Storebø fekk ordet og heldt i hovudsak fram at han kan gå med på eit makebyte med bnr. 260 ved eigedomsgrensa der fylling til tilkomst til bnr. 260 og 271 er etablert på bnr Morten Tøkje fekk ordet og heldt i hovudsak fram at grensa kan justerast og påviste framlegg i marka. Sigvald Johan Gloppen fekk ordet heldt i hovudsak fram at han ønskjer at han leggje til rette for at framtidige eigarar av bnr. 264 kan etablere ny tilkomst over bnr. 16, dersom det vert sprengd ut i bakkant av nausttomta bnr Knut Kalvenes fekk ordet og heldt i hovudsak fram at eigedomen bnr. 260 har greie grenser mot bnr. 16, og vert ikkje berørt av saka mellom bnr. 16, 264 og 271. Under påvising av grenser i marka tidlegare i år påviste han feil plassering av det nordaustre hjørne av bnr. 260 mot bnr. 16 ved offentleg veg. Han syner til innsendt påstandskart der han har korrigert plassering av øyebolt Han kan vurdere å vere med på eit makeskifte med bnr. 16, der bnr. 264 og bnr. 271 har etablert mur og fylling for tilkomst inne på bnr Skifte av areal der han får att like mange m2 som han avstår, kan vere ein mogleg løysing. Han har ikkje planlagt å krevje at mur og fylling vert fjerna frå hans eigedom. Retten ser saka slik: Rekvirenten i saka har opplyst at det er viktig å få avklart tvist om eigedomsgrensa mellom bnr. 16 mot bnr. 271 ut i sjø, samt grensa mellom dei same eigedomane på land. Avklaring av eigedomsgrensa mellom bnr. 16 og bnr. 260 er difor noko perifer i forhold til det rekvirenten har skildra som viktig å få fastsatt. Eigedomene bnr. 260 og bnr. 264 er imidlertid oppgitt som partar i sjølve kravet for jordskifteretten, varsla om saka og innkalla til møtet. Jordskiftelova 88 fjerde ledd fastset at "Kravet om grensegang skal nemne kva for grenser retten skal taka stilling til. Retten kan ikkje gå utanfor dette. Dersom ein part krev utviding av saka, skal retten i vurderinga av kravet mellom anna leggje vekt på omfanget av den kravde utvidinga, samanhangen med resten av kravet og korleis dei øvrige partane stiller seg til utvidinga." STOREBØ, gnr. 43 Nord- og Midhordland jordskifterett 11

13 Jordskifteretten har oppfatta at eigarane av bnr. 260 ikkje ønskjer at muren skal rivast, og kan vere med på eit makeskifte der bnr. 260 får att like mange m2 som dei gir i frå seg. Eigar av bnr. 16 har ikkje sett seg i mot dette. Eigar av bnr. 264 og 271, som har etablert tiltaket på feil eigedom, har ikkje hatt merknader i mot makeskifte i tråd med drøftingane i marka. Gjennomføring av ei grenseregulering mellom bnr. 16 og bnr. 260 vil vere ei utviding av saka i forhold til det som vert skildra i kravet om sak for jordskifteretten. Slik jordskifteretten ser det, vil imidlertid ei slik grenseregulering med arealoverføring mellom eigedomane, vere med på å skape tenlege eigedomstilhøve der det har vore etablert mur og tilkomst inne på bnr Alle eigedomane i saka vil ha større nytte enn kostnader med denne del av saka, jf. jordskiftelova 3 bokstav a. Ei regulering av grensa må bygge på korleis eksisterande grenselinje mellom bnr. 16 og bnr. 260 går i marka. Denne må difor kartleggast så godt som råd, slik at jordskifteretten kan ha kontroll på kor store areal som vert overført mellom eigedomane. Jordskifteretten har på bakgrunn av partane sine påvisingar av eigedomsgrensa ute i marka, innmålt grensa mellom bnr. 16 og bnr Jordskifteretten legg til grunn den minnelege løysinga som vart markert med å risse eit kryss i grusen like vest for nedsett øyebolt ved innkøyringa frå offentleg veg. Grensa er markert med ei bein linje mellom punkt nr. 7, grensekors, og punkt nr. 20 på kartskisse over framlegg til makebyte, dok nr. 17. Denne grensa vert ikkje bindande for andre enn partane i saka, og vert lagt til grunn for ei regulering av grensa mellom bnr. 16 og bnr Framlegg til slutning i rettsfastsettande vedtak føl nedafor. På bakgrunn av partane sine innlegg og framlegg til rettsfastsettande vedtak har jordskifteretten laga til eit framlegg til grenseregulering. Jordskifteretten foreslår at 9,76 m 2 vert overført frå bnr. 260 til bnr. 16, samt 9,68 m 2 vert overført frå bnr. 16 til bnr Framlegget vert skildra på vedlagte kartskisse, dok.nr. 17. Framlegg til ny grenselinje mellom bnr. 16 og bnr. 260 er markert med tjukk stipla strek med sort farge. Knekk punktet merka med punkt nr. 6 på kartet, ligg 4,5 meter frå den enden av muren som ligg nærast nausta. Der den nye grensa ligg langs muren, er grensa foreslått til å ligge om lag 3 cm sør for murkanten. Eigar av vegen som går langs eigedomane har ikkje vore varsla eller innkalla til møtet i saka. Grensepunkt nr. 9 angir difor berre retninga på grensa mellom bnr. 16 og bnr. 260 mot eigedomen under den offentlege vegen. Ved utsending av framlegget vert det fastsett frist på to veker med å kome med eventuelle merknader til framlegget. Dersom det kjem inn merknader om at framlegget må endrast, vert dette sendt til partane til uttale, før jordskifteretten tar avgjerd i saka og slutter saka. Framlegg til slutning i rettsfastsettande vedtak: 1. Grensa mellom gnr. 43 bnr. 16 og bnr. 260 går i rett linje frå grensekors oppgitt som grensemerke nr. 7, i rett linje mot eit punkt angitt som nr. 20 på kartskisse over STOREBØ, gnr. 43 Nord- og Midhordland jordskifterett 12

14 framlegg til makebyte. Framlegg til slutning om grenseregulering: 1. Grensa mellom gnr. 43 bnr. 16 og bnr. 260 vert regulert slik at den nye grensa tar til i grensa mot bnr. 264 ved grensepunkt. nr. 4, går i rett linje til grensepunkt nr. 6, der grensa bøyer i austsøraustleg retning i rett linje mot punkt nr. 9. Grensa endar ved grensa mot offentleg veg JORDSKIFTEKOSTNADER Jordskifteretten deler kostnadene mellom eigedomane etter nytta av saka, når saka vert avslutta. Nedafor føl difor framlegg til delinga. Jordskiftekostnader og gebyr skal dekkast av partane i samsvar med jordskiftelova 74. Rettsmøteutgifter er kostnader knytt til vederlag til meddommarar samt godtgjering for reise og kost. På denne bakgrunnen blir kostnadene slik: Registreringsgebyr kr 4300,- Partsgebyr 1548 x 4 kr 6192,- Grenselengdegebyr kr 1720,- Grensemerke stk á 75,- Rettsmøteutgifter kr kr,-,- Sum kr,- Kostnadene skal delast mellom partane etter den nytten eigedomane har hatt av saka jf. jordskiftelova 76. I denne saka fordeler nytten seg på følgjande tilhøve: - Tvist mellom bnr. 16 og bnr. 271 om grense ut i sjøen - Grense mellom bnr. 16 mot bnr. 271 på land - Den nordre bruksrettsgrensa for tilkomst for bnr. 264 og 271 over bnr Makeskifte mellom bnr. 16 og bnr. 260, herunder avklaring av eksisterande grense mellom desse eigedomane. Jordskifteretten har etter skjønn kome til at nytten av saka fordeler seg om lag likt mellom dei fire tilhøva som skildra ovafor, med 25 % av kostnadene delt på kvart tilhøve. I tvisten og grensa elles mellom bnr. 16 og bnr. 271 har desse to eigedomane lik nytte av saka. Eigedomane bnr. 16, bnr. 264 og bnr. 271 har lik nytte av fastsetting av den nordre grensa for bruksretten. Makeskifte mellom bnr. 16 og bnr. 260 er det berre bruksrettshavarane bnr. 264 og 271 som har nytte av. Dette gir slik deling av kostnadene: STOREBØ, gnr. 43 Nord- og Midhordland jordskifterett 13

15 Gnr./bnr. Eigar Andel av kostnadene i prosent skal betale kr har betalt kr 43/16 Odd Jakob Storebø 33,3 4300,- 43/260 Knut K. Kalvenes m.fl. 0 43/264 Sigvald Johan Gloppen 20,8 43/271 Morten Tøkje 45,8 SUM: 99,9 skyldar kr Beløpa vert fordelt på eigedomane når saka vert avslutta Det som står att i saka er å sende framlegg til rettsfastsettande vedtak og makebyte på høyring til partane, og deretter ta avgjerd om dette. Når saka vert avslutta vert saka tinglese på eigedomane Den 2. mai 2012 vart rettsboka lesen. Retten heva, saka utsett Askøy Rolf Fagerli ( s ) Olav Bruflot ( s ) Anne Lauritsen ( s ) STOREBØ, gnr. 43 Nord- og Midhordland jordskifterett 14

16 RETTSMØTE Møtedag: Stad: Askøy Bibliotek i Askøy. Sak nr.: STOREBØ, gnr utsatt frå Saka gjeld: Krav om grensegang etter jordskiftelova 88. Rettsleiar: Meddommarar: Protokollførar: Jordskiftedommar Olav Bruflot. Rolf Fagerli, Tumyr, 5307 ASK Anne Lauritsen, Åsebø, 5307 ASK Rettsformann. Saka er kravd av: Odd Jakob Storebø. Til handsaming: 1 Rettsfastsettande vedtak. 2 Regulerande vedtak for makeskifte 3 Fordeling av kostnader. Partar: Eigar av gnr. 43/16, Odd Jakob Storebø Eigar av gnr. 43/260, Knut Kalvenes Eigar av gnr. 43/260, Astrid Fagerbakke Eigar av gnr. 43/264, Sigvald Johan Gloppen Eigar av gnr. 43/271, Morten Tøkje Eigedomane ligg i Austevoll kommune. Partane var verken innkalla eller tilstade. På spørsmål frå jordskiftedommaren hadde ingen merknader til innkallinga til møtet eller til måten retten var samansett på. Ingen kjende til noko som kunne tilseie at retten var inhabil. Følgjande dokument vart framlagde: 18. Forkynning datert av rettsbok med dom, rettsfastsettande vedtak, framlegg til rettsfastsettande vedtak og grenseregulering. 19. Jordskiftekart for avslutta sak datert Dokumenta vart gjennomgått i nødvendig grad I medhald av jordskiftelova 17a avsa jordskifteretten samrøystes slikt RETTSFASTSETTANDE VEDTAK STOREBØ, gnr. 43 Nord- og Midhordland jordskifterett 15

17 for grense mellom gnr. 43 bnr. 16 mot gnr. 43 bnr. 260 og bnr. 264 i Austevoll kommune. Partane har fått tilsendt framlegg til rettsfastsettande vedtak til uttale. Det har ikkje kome inn merknader til framlegget. Partane sine merknader: Jordskifteretten syner til referat inntatt i framlegg til rettsfastsettande vedtak og makeskifte. Retten ser saka slik: Rekvirenten i saka har opplyst at det er viktig å få avklart tvist om eigedomsgrensa mellom bnr. 16 mot bnr. 271 ut i sjø, samt grensa mellom dei same eigedomane på land. Avklaring av eigedomsgrensa mellom bnr. 16 og bnr. 260 er difor noko perifer i forhold til det rekvirenten har skildra som viktig å få fastsatt. Eigedomene bnr. 260 og bnr. 264 er imidlertid oppgitt som partar i sjølve kravet for jordskifteretten, varsla om saka og innkalla til møtet den Jordskiftelova 88 fjerde ledd fastset at "Kravet om grensegang skal nemne kva for grenser retten skal taka stilling til. Retten kan ikkje gå utanfor dette. Dersom ein part krev utviding av saka, skal retten i vurderinga av kravet mellom anna leggje vekt på omfanget av den kravde utvidinga, samanhangen med resten av kravet og korleis dei øvrige partane stiller seg til utvidinga." Jordskifteretten har oppfatta at eigarane av bnr. 260 ikkje ønskjer at muren skal rivast, og kan vere med på eit makeskifte der bnr. 260 får att like mange m2 som dei gir i frå seg. Eigar av bnr. 16 har ikkje sett seg i mot dette. Eigar av bnr. 264 og 271, som har etablert tiltaket på feil eigedom, har ikkje hatt merknader i mot makeskifte i tråd med drøftingane i marka. Ei regulering av grensa må bygge på korleis eksisterande grenselinje mellom bnr. 16 og bnr. 260 går i marka. Denne må difor kartleggast så godt som råd, slik at jordskifteretten kan ha kontroll på kor store areal som vert overført mellom eigedomane. Jordskifteretten har på bakgrunn av partane sine påvisingar av eigedomsgrensa ute i marka, innmålt grensa mellom bnr. 16 og bnr Jordskifteretten legg til grunn den minnelege løysinga som vart markert med å risse eit kryss i grusen like vest for nedsett øyebolt ved innkøyringa frå offentleg veg. Grensa er markert med ei bein linje mellom punkt nr. 7, grensekors, og punkt nr. 20 på kartskisse over framlegg til makebyte, dok nr. 17. Denne grensa vert ikkje bindande for andre enn partane i saka, og vert lagt til grunn for ei regulering av grensa mellom bnr. 16 og bnr Slutning: 1. Grensa mellom gnr. 43 bnr. 16 og bnr. 260 går frå grensekors oppgitt som grensemerke nr. 7, i rett linje mot eit punkt angitt som nr. 20 på kartskisse over framlegg til makebyte. 2. Grensa mellom gnr. 43 bnr. 16 og bnr. 264 går frå grensekors oppgitt som STOREBØ, gnr. 43 Nord- og Midhordland jordskifterett 16

18 grensemerke nr. 7, i rett linje til grensepunkt nr I medhald av jordskiftelova 17a avsa jordskifteretten samrøystes slikt REGULERANDE VEDTAK for makeskifte mellom gnr. 43 bnr. 16 og gnr. 43 bnr. 260 i Austevoll kommune. Partane har under synfaringa den påvist at gnr. 43 bnr. 264 og bnr. 271 har etablert tilkomst med mur og fylling delvis inne på eigedomen gnr. 43 bnr Under synfaringa har partane drøfta om det kan vere mogleg å regulere grensa mellom eigedomane bnr. 16 og bnr. 260, slik at dei etablerte tiltaka vert liggande inne på bnr. 16 i tråd med bruksrettar etablert ved skylddeling av eigedomane. Jordskiftelova 88 femte ledd fastset at Ulaglege grenser prøver retten å få regulert ved minneleg makeskifte. Kjem ein ikkje fram til semje, kan jordskifteretten regulere grensene på den måten han meiner er mest tenleg for dei eigedomane det gjeld. Dersom det ikkje er landbrukseigedom på nokon av sidene, kan jordskifteretten berre regulere ulaglege grenser etter krav frå ein part. Partane har fått tilsendt framlegg til makeskifte til uttale. Det har ikkje kome inn merknader til framlegget. Partane sine merknader: Jordskifteretten viser til partane sine merknader inntatt i framlegg til rettsfastsettande vedtak og makeskifte. Retten ser saka slik: På bakgrunn av partane sine innlegg og framlegg til rettsfastsettande vedtak har jordskifteretten laga til eit framlegg til grenseregulering. Jordskifteretten har foreslått at 9,76 m 2 vert overført frå bnr. 260 til bnr. 16, samt 9,68 m 2 vert overført frå bnr. 16 til bnr Framlegget er skildra på kartskisse framlagt som dok nr. 17. Gjennomføring av grenseregulering mellom bnr. 16 og bnr. 260 er ei utviding av saka i forhold til det som vert skildra i kravet om sak for jordskifteretten. Slik jordskifteretten ser det, vil imidlertid ei slik grenseregulering med arealoverføring mellom eigedomane, vere med på å skape tenlege eigedomstilhøve der det har vore etablert mur og tilkomst inne på bnr Alle eigedomane i saka vil ha større nytte enn kostnader med denne del av saka, jf. jordskiftelova 3 bokstav a. Eigar av vegen som går langs eigedomane, har ikkje vore varsla om saka eller innkalla til rettsmøte. Grensepunkt nr. 9 angir difor berre retninga på grensa mellom bnr. 16 og bnr. 260 mot eigedomen under den offentlege vegen. Eigedomane gnr. 43 bnr. 264 og bnr. 271 sine bruksrettar til tilkomst over gnr. 43 bnr STOREBØ, gnr. 43 Nord- og Midhordland jordskifterett 17

19 fram til eigne eigedomar, skal etter makeskiftet kunne nyttast innafor området som vert avgrensa i sør av den nye eigedomsgrensa mellom bnr. 16 og bnr. 260, samt avgrensa i nord av bruksrettsgrense fastsatt i rettsfastsettande vedtak. Slutning: 1. Grensa mellom gnr. 43 bnr. 16 og bnr. 260 vert regulert slik at den nye grensa tar til i grensa mot bnr. 264 ved grensepunkt. nr. 4, går i rett linje til grensepunkt nr. 6, der grensa bøyer i austsøraustleg retning i rett linje mot punkt nr. 9. Grensa endar ved grensa mot offentleg veg. 2. Gnr. 43 bnr. 264 og bnr. 271 har rett til tilkomst over bnr. 16 frå offentleg veg og fram til eigne eigedomar, avgrensa i sør av den nye eigedomsgrensa skildra i slutning i rettsfastsettande vedtak på side 9 i rettsboka Grenseskildring Jordskiftesak nr.: Storebø, gnr. 43. Kommune: Vedteken av: 1244 Austevoll Nord- og Midhordland jordskifterett Koordinatsystem: Euref 89/ WGS 84, UTM sone 32 Retning mellom punkta er rekna ut frå koordinatane til punkta, og er oppgitt i høve til nordretninga på kartet. Sirkelen er delt inn i 400 g (gon). Avstanden mellom grensepunkta er horisontale mål i meter. Grensemerka er boltar/røyr/metallskivar av aluminium. Ved måling er det brukt GPS med CPOS (Javad/Topcon), med krav til kvalitet i samsvar med jordskifteretten sine prosedyrer for utføring av RTK måling i områdetype 1 (byområde), som regel sentrale byområde med høg grad av utnytting eller svært høg grunnverdi). Områdetype 1 er relatert til FKB-A i geodatastandarden. Maksimalt tilleten punktdeformasjon i områdetype 1 er 0.10 m. Nødvendig målenøyaktighet (standardavvik) skal normalt vere ½ - 1/3 av tilleten maksimal punktdeformasjon for å halde krava til kvalitet. Grensene er viste på jordskiftekart datert med kartarkivnr.: Kartet er på 1 blad i A 3 Målestokk: 1: 200 Grense 3 Eigedomsgrense: Eigedom til venstre: Gnr. 43 bnr. 16. Eigedom til høgre: Gnr. 43 bnr STOREBØ, gnr. 43 Nord- og Midhordland jordskifterett 18

20 Punktnr Skildring Retning Avstand X-koordinat Y-koordinat 4 Off. godkj. grensemerke i fjell , ,55 74,84 9,38 6 Off. godkj. grensemerke i utside mur , ,21 127,73 5,48 Grensa går vidare frå grensepunkt nr. 6 i retning mot grensepunkt nr. 9 Off. godkj. Grensemerke i utside mur , ,19 og vidare i same retning inntil grensa mot offentleg veg. Grense 4 Eigedomsgrense: Eigedom til venstre: Gnr. 43 bnr. 16. Eigedom til høgre: Gnr. 43 bnr Punktnr Skildring Retning Avstand X-koordinat Y-koordinat 3 Off. godkj. grensemerke i kors i fjell , ,61 218,52 3,68 4 Off. godkj. grensemerke i fjell (på line mellom pkt 3 og innmålt kors i fjell punkt nr. 7) , ,55 der grensa endar. 2 Ymse avgjerder 2.1 Jordskiftekostnader Jordskiftekostnader og gebyr skal dekkast av partane i samsvar med jordskiftelova 74. Rettsmøteutgifter er kostnader knytt til vederlag til meddommarar samt godtgjering for reise og kost STOREBØ, gnr. 43 Nord- og Midhordland jordskifterett 19

21 På denne bakgrunnen blir kostnadene slik: Registreringsgebyr kr 4300,- Partsgebyr 1548 x 4 kr 6192,- Grenselengdegebyr kr 1720,- Grensemerke 10 stk á 75,- Rettsmøteutgifter kr kr 750,- 6989,- Sum kr ,- Kostnadene skal delast mellom partane etter den nytten eigedomane har hatt av saka jf. jordskiftelova 76. I denne saka fordeler nytten seg på følgjande tilhøve: - Tvist mellom bnr. 16 og bnr. 271 om grense ut i sjøen - Grense mellom bnr. 16 mot bnr. 271 på land - Den nordre bruksrettsgrensa for tilkomst for bnr. 264 og 271 over bnr Makeskifte mellom bnr. 16 og bnr. 260, herunder avklaring av eksisterande grense mellom eigedomane. Jordskifteretten har etter skjønn kome til at nytten av saka fordeler seg om lag likt mellom dei fire tilhøva som skildra ovafor, med 25 % av kostnadene delt på kvart tilhøve. I tvisten og grensa elles mellom bnr. 16 og bnr. 271 har desse to eigedomane lik nytte av saka. Eigedomane bnr. 16, bnr. 264 og bnr. 271 har lik nytte av fastsetting av den nordre grensa for bruksretten. Makeskifte mellom bnr. 16 og bnr. 260 er det berre bruksrettshavarane bnr. 264 og 271 som har nytte av. Dette gir slik deling av kostnadene: Gnr./bnr. Eigar Andel av kostnadene i prosent skal betale kr har betalt kr skyldar kr 43/16 Odd Jakob Storebø 33, ,- 4300, ,- 43/260 Knut K. Kalvenes m.fl /264 Sigvald Johan Gloppen 20, , ,- 43/271 Morten Tøkje 45, , ,- SUM: 99, , , ,- Dei pålagde beløpa forfell til betaling 15 dagar frå forkynningsdatoen. Der det er fleire eigarar av eigedomen, svarar eigarane solidarisk for pålagte beløp. Pengar til gode blir utbetalte samstundes med forkynninga av saka. 2.2 Avslutting av saka Saka vert avslutta i dette møtet. 2.3 Forkynning og høve for anke Forkynning skjer etter reglane for postforkynning. Fristen for anke er ein månad frå forkynning. Reglane om anke er lagt ved forkynninga STOREBØ, gnr. 43 Nord- og Midhordland jordskifterett 20

22 2.4 Iverksetjing Saka trer i kraft når den er rettskraftig. Saka er rettskraftig når ankefristen er ute. Dersom saka blir anka, blir saka rettskraftig når ankesaka ikkje lenger kan ankast. 2.5 Matrikkelføring Jordskifteretten vil setje fram krav om matrikkelføring av saka når saka er rettskraftig. 2.6 Tinglysing Saka vil bli tinglyst på følgjande eigedomar i Austevoll kommune: 43 bnr. 16, 260, 264 og 271. På spørsmål kom det ingen merknader til forhandlingane. Retten heva, saka slutta Askøy, Rolf Fagerli ( s ) Olav Bruflot ( s ) Anne Lauritsen ( s ) Rett utskrift: STOREBØ, gnr. 43 Nord- og Midhordland jordskifterett 21