Vedtekter for Rosendal Skulekorps.

Vedtekter for Rosendal Skulekorps. Reviderte etter vedtak 29.09.2011

HOVUDINNDELING FOR NYE VEDTEKTER 1 ORGANISASJON 2 FØREMÅL 3 MEDLEMSKAP 4 ÅRSMØTE 5 STYRET 6 MEDLEMSMØTER 7 KOMITEAR 8 UENIGHETER/TVISTER 9 OPPLØYSING 10 VEDTEKTSENDRINGAR 1 ORGANISASJON 1.1 Rosendal Skulekorps er stifta i januar 1961. 1.2 Rosendal Skulekorps er innmeld i Norges Musikkorps Forbund gjennom Hordaland Krets av NMF. 1.3 ORGANISERING AV DEI UTØVANDE MEDLEMENE. Korpset følgjer Norges Musikkorps Forbund sine aldersføresegner. 1.3.1 Medlemer kan stå som medlem til 31. Juli det året dei fyller 19 år. 1.3.2 Korpset sine medlemmer kan verta aspiranter i et amatørkorps frå 1 august det året dei fyller 14 år. Medlemsplikten til skulekorpset skal oppfyllast føre pliktane i amatørkorpset. 1.3.3 Mellom medlemene skal det veljast eit tillitsmannsutval på 2 medlemer for 2 år. Det veljast 1 ny tillitsvalt kvart år. 1 av desse utgjer medlemene sin hovudstillitsvalt. Vedkommande er deira medlem i styret med tale og røysterett. 2 FØREMÅL Rosendal Skulekorps skal gjennom: 2.1. MUSIKK: Ivareta og utvikla korpsmusikk gjennom: 2.1.1 - god opplæring 2.1.2 - motiverande aktivitetar 2.1.3 - god organisering 2.1.4 - musikalske tilleggsaktivitetar, dersom det er interesse for det. 2.2 SOSIAL AKTIVITET:

Gjennom musikalsk aktivitet ivareta og utvikla korps- og organisasjonsarbeidet som sosial aktivitet for barn og ungdom. 2.3 INFORMASJON: Informera om dei aktivitetar som korpset, kretsen og NMF driv. Vidare skal det arbeidast for å skapa forståing for korpset sin kulturelle, sosiale og oppdragande verdi. 2.4 MUSIKKPOLITIKK: 2.4.1 Ivareta korpset sine interesser i det lokale musikk- og kulturliv. 2.4.2 Følgja opp dei overordna musikkpolitiske retningsliner som krets og forbund gjer vedtak om. 2.5 ARRANGEMENT OG OPPGÅVER: 2.5.1 Delta aktivt i konkurransar. 2.5.2 Arrangera og/eller delta på ulike typar arrangement. 2.6 UTVIKLINGSARBEID: 2.6.1 Gje musikantar, instruktørar, dirigentar og tillitsvalde tilbod om opplæring og utvikling gjennom kursaktivitetar. 2.6.2 Utvikla og planleggja musikkfagleg og organisasjonsfagleg opplæring i samarbeid med musikkskule, grunnskule, vidaregåande skule, krets, forbund eller andre organisasjonar. 2.6.3 Når det måtte vera trong for det ta initiativ til organisasjonsmessig utvikling og omstilling samt samarbeid med andre korps og musikklivet ellers. 3 MEDLEMSKAP 3.1 OPPTAK AV MEDLEMER. 3.1.1 Opptak av utøvande medlemer vert gjort etter vedtak i styret til korpset. Medlemskap for personar under 15 år må vera skriftleg godkjent av føresette. 3.1.2 Ved innmelding i Rosendal Skulekorps blir ein automatisk medlem i NMF. Styremedlemma må være medlem i NMF. Faste dirigentar og faste instruktørar skal registrerast i databasen til NMF. 3.1.3 Opptak av medlemer vert gjort etter vedtak i styret til korpset. Foreldre vert automatisk rekna som medlemer. Som ikkje-utøvande medlemer vert rekna foreldre til dei utøvande medlemene, jfr. pkt. 3.1.1, og andre som ønskjer ei aktiv tilknyting til korpset. 3.1.4 Opptak av støttemedlemer vert gjort etter vedtak i styret til korpset. Som støttemedlemer vert rekna dei som ønskjer å støtta korpset økonomisk ved betaling av støttekontingent. 3.2 FØRESETNADER FOR MEDLEMSKAP. 3.2.1 Korpsmedlemene skal retta seg etter og vera lojale mot korpset, kretsen og forbundet sine vedtekter, reglar og lovlege gjorte vedtak. 3.2.2 Medlemene skal møta på øving, konsertar og andre oppdrag til avtala tid. Ved fråver skal dirigent eller instruktør ha melding i god tid på førehand.

3.2.3 Instrument, uniformer og anna utstyr skal haldast i god stand. Skade som følgje av uforsiktig behandling fører til økonomisk ansvar for vedkomande eller føresett. 3.2.4 Deltaking i andre korps eller bruk av korpset sine eigedeler i andre aktivitetar, skal godkjennast av styret. 3.2.5 Alle medlemer skal levera inn medlemsopplysningar på gjeldande innmeldingskjema. Ved endring av registrete opplysninger skal medlemene snarest mulig gi melding til korpsets styre. Nevnte opplysninger gis vidare på gjeldane skjema/medium for registrering i NMF s medlemsdatabase. Det gis ikke adgang til reservasjon mot registrering. 3.3 RAPPORTERINGSPLIKT/KONTINGENT. 3.3.1 Korpset sitt aktivitetsår med registrering av utøvande og ikkje-utøvande medlemer, rapportering til krets og forbund og innbetaling av kontingent følgjer kalenderåret. 3.3.2 Kontingenten for dei utøvande medlemene vert å betala i 2 terminar: 1. termin innan 1. februar og 2. termin innan 1. oktober. 3.3.3. Korpset skal kvart år sende årsrapport og medlemsopplysningar til NMF på avtalt skjema/medium til ein kvar tid fastsett frist. Det vert ikkje gjeve høve til å reservera seg mot registrering. 3.3.4 Andre økonomiske plikter vert å betala til fastsett tid. 3.3.5 Kontingentane vert fastsett kvart år av styret. 3.3.6 Rosendal Skulekorps skal betale kontingent til NMF innan 1 februar. Kontigenten skal reknes etter korpsets medlemstal pr. 31. Desember. 3.3.7 Kontingent for støttemedlemer vert å betala etter nærare vedtak i styret. 3.4 UTMELDING 3.4.1 Medlemer som ønskjer å melda seg ut må gje melding om dette til styret. 3.4.2 Medlemer bør ikkje slutta i driftsåret. Betalt kontingent vert ikkje refundert. 3.4.3 Medlemer meldes ut av NMF ved utmelding fra korpset. 3.5 SUSPENSJON OG EKSKLUSJON 3.5.1 Medlemer som ikkje rettar seg etter godkjente vedtekter, reglar og vedtak eller er til skade for eller skapar vanskar for korpset sine aktivitetar, kan styret suspendera for eit avgrensa tidsrom. 3.5.2 I grovara tilfelle kan årsmøte vedta eksklusjon. 3.5.3 Den/dei det gjeld skal ha skriftleg melding om det vedtak som er gjort vedrørande suspensjon eller eksklusjon. Meldinga skal innehalda ei grunngjeving for vedtaket og opplysningar om anke- og klagefristar. Vidare skal det opp-lysast om kven anken eller klagen skal sendast til. 3.5.4 Rosendal Skulekorps sine suspensjons og eksklusjonsvedtak kan ankaes inn for kretsstyret. 4 ÅRSMØTE 4.1 STATUS

Årsmøtet er Rosendal Skulekorps sitt høgaste organ. 4.2 ÅRSMØTEPERIODE - INNKALLING - SAKER TIL ÅRSMØTE. 4.2.1 Korpset sitt ordinære årsmøte skal haldast kvart år og innan 15. Februar. 4.2.2 Det kan kallast inn til ekstraordinært årsmøte dersom styret eller 1/3 av medlemene med forslag- og stemmerett i ordinært årsmøte krev det. 4.2.3 Til ordinært årsmøte skal innkalling sendast 4 veker i førevegen. Innkalling til ekstraordinært årsmøte skal gjerast 2 veker i førevegen. 4.2.4 Styret si årsmelding med revidert rekneskap og andre saker til årsmøtet skal sendast ut eller legjast ut på internett seinast 2 veker i førevegen. 4.2.5 Medlemer som ønskjer å ta saker opp på årsmøtet, må fremja desse gjennom styret. Slike saker må vera komne til styret seinast 4 veker i førevegen. 4.2.6 Saker som er komne inn til rett tid, har styret plikt til å leggja fram for årsmøtet. 4.3 REPRESENTASJON - RETTAR - PLIKTER 4.3.1 På årsmøtet deltek korpset sine medlemer og gjester som styret har bede inn. 4.3.2 Følgjande har tale, forslag- og stemmerett: - medlemer som er fyllt 12 år og som fyller krava til medlemskap. - For medlemer som ikkje er fyllt 12 år kan ein føresett møte med tale, forslag og stemmerett. - styret sine medlemer har ikkje stemmerett ved godkjenning av årsmelding og rekneskap. 4.3.3 Medlemer som ikkje har fyllt 12 år har talerett og rett til å setja fram forslag. 4.3.4 Representantar frå Krets og Forbund har talerett. 4.3.5 Årsmøtet kan gjera vedtak om å gje talerett til kven det måtte vera. 4.3.6 Dersom vedtektene ikkje seier noko anna, er eit vedtak gyldig når meir enn halvdelen av dei røysteføre på årsmøtet har røysta for. 4.3.7 Årsmøtet er vedtaksført med dei medlemer som møter. 4.4 ÅRSMØTET SIN DAGSORDEN Årsmøtet skal ta opp følgjande saker: 4.4.1 Konstituering: a) Opning. b) Namneopprop. b) Godkjenning av innkalling. c) Godkjenning av sakliste. d) Val av møteleiing. e) Val av referent. f) Val av 2 personar til å skriva under protokollen. 4.4.2 Godkjenning av årsmelding. 4.4.3 Godkjenning av revidert rekneskap saman med revisjonsmelding. 4.4.4 Saker lagde fram av styret. 4.4.5 Saker lagde fram av medlemene. 4.4.6 Budsjett. 4.4.7 Val av leiar for eitt år. 4.4.8 Val av 2 styremedlemer for to år. Det skal vere i alt 4 styremedlem. 4.4.9 Val av 3 varamedlemer for eitt år.

4.4.10 Val av 2 revisorar for eitt år. 4.4.11 Val av 2 medlemer til valkomite for eitt år. Dei vel sjølve leiar. Dei som kan veljast til verv er dei medlemene som har rett til å møta på årsmøtet og som har sagt frå om at dei tek mot verv. Dei som vert valde må vera fyllt 12 år når dei tek til i vervet. Vedkomande må ha gyldig medlemskap i korpset og NMF og må ha sagt seg villig til å ta på seg vervet. Dersom nokon krev det, skal val føregå skriftleg. 5 STYRET 5.1 SAMANSETJING OG KONSTITUERING 5.1.1 Styret er sett saman av leiar og 4 styremedlemer valde av årsmøtet, og hovudtillitsvalt i korpset. 5.1.2 Når styret konstituerer seg skal det mellom styremedlemene veljast: a) Nestleiar. b) Sekretær. c) Kasserar. d) Styremedlem. 5.2 FULLMAKTER 5.2.1 Styret leiar korpset i samsvar med vedtektene og etter dei vedtak årsmøtet har gjort. 5.2.2 Leiar for styret eller den som styret gjev fullmakt bind korpset. 5.2.3 Styret har fullmakt til å nemna opp dei medlemer som det er trong for i ulike nemder og understyre etter godkjent organisasjonsplan. 5.2.4 Styret har fullmakt til å nemna opp dei prosjektgrupper det til ei kvar tid er trong for. Styret kan delegera slike fullmakter til faste nemder eller understyre. 5.2.5 Styret har fullmakt til å nemna opp representantar og utsendingar til ulike årsmøte/samlingar i organisasjonar m.m. som korpset vert innbodne til og det er naturleg å la seg representera i. 5.3 INNKALLING TIL STYREMØTE - AVGJERDER 5.3.1 Styret sine møte følgjer oppsett møteplan. 5.3.2 Leiar eller minst 3 av styremedlemene kan be om innkalling til ekstraordinære styremøte. 5.3.3 Dei utøvande medlemene sin hovudtillitsvald møter på styremøta med tale- og røysterett. 5.3.4 Styret kan ta avgjer i saker når minst 4 av styret sine faste medlemer er tilstades, deriblant leiar evt. nestleiar. Ved likt røystetal har leiar/evt. nestleiar dobbeltstemme. 5.3.5 Alle styrevedtak skal førast i eigen protokoll. 5.3.6 Dei utøvande medlemene skal ha informasjon om dei vedtak som er gjort. 5.4 ÅRSAVSLUTNING Styret skal for kvar årsmøteperiode laga årsmelding og slutta av rekneskapen. I tillegg skal styret setja opp budsjett for neste årsmøteperiode.

Årsmelding, avslutta og revidert rekneskap og budsjett skal leggjast fram for årsmøtet til godkjenning. 5.5 PERSONALANSVAR 5.5.1 Styret har fulllmakt til å gjera avtalar med dirigentar og instruktørar. 5.5.2 Styret har fullmakt til å gjera avtale med Kvinnherad Musikkskule om kjøp av undervisningstimar. 5.5.3 Dei same avtalar som styret har fullmakt til å inngå, har også styret fullmakt til å sei opp. 5.5.4 Styret har ansvar for å hente inn politiattest på dem som har tillits- eller ansvarsforhold overfor mindreårige eller utviklingshemma. 5.6 BEREDSKAPSPLAN FOR KORPS. 5.6.1 Styret pliktar å forholde seg til beredskapsplan for korps når korpset dreg på tur eller deltek i arrangementar. 6 MEDLEMSMØTE I årsmøteperioden er medlemsmøta organ for kontakt, informasjon og drøftingar. Det vert kalla inn til slike møte når styret, faste nemder og understyrer eller medlemene finn trong for det. 7 KOMITEAR 7.1 REVISJON 7.1.1 Revisorane skal gjennomgå reknskapet for kvar årsmøteperiode og leggje fram beretningen for årsmøte. 7.2 VALKOMITEEN Valkomiteen er sett saman av 2 personar og er ansvarleg overfor årsmøtet. Komiteen har til oppgåve å finna fram til valføre personar til dei ulike verv, slik det går fram under 4.4. Komiteen si innstilling vert lagt fram på årsmøtet. 8 UENIGHETER/TVISTER 8.1 Uenigheter/tvister om vedtektenes forståelse forelegges kretsstyret med forbundstyret som ankeinstans. 9 OPPLØYSING OG UTMELDING AV NORGES MUSIKKORPS FORBUND 9.1 Oppløysing av Rosendal Skulekorps kan berre gjerast av to etterfølgjande ordinære årsmøte. Vedtaka krev 2/3 fleirtal frå dei frammøtte røysteføre i det lovleg sette årsmøtet. 9.2 Ved oppløysing skal korpset sine økonomiske midlar setjast inn på sperra renteberande konto i bank. Tilsynet med kontoen vert overlate til kretsen inntil

nytt korps er stifta. Denne regelen gjeld ikkje ved samanslåing med andre korps. 9.3 Det siste ordinære årsmøtet nemnt i 9.1 kan gjera vedtak om at korpset sine økonomiske midlar og anna eigedom skal overførast til eit anna korps, musikkskulen eller andre musikkføremål, dersom nytt korps ikkje er stifta innan 5 år. 9.4 Ved utmelding av krets og forbund må vedtak om dette gjerast på to etterfølgjande årsmøte med minst 1 - ein - månads mellomrom. Før eit slikt utneldingsvedtak er gyldig, må det mellom dei frammøtte røysteføre ved begge årsmøta vera 2/3 fleirtal for utmelding. Utmeldinga må skje skriftlig og sendes NMF via kretsen seinast 15.november for at utmeldinga skal vera gyldig frå 1 januar neste år. Ved utmelding tapes all rett til NMF s ytelser, tilbud og verdiar. 10 VEDTEKTSENDRING Endring av desse vedtektene kan berre gjerast i det ordinære årsmøtet. Eit gyldig vedtak om vedtektsendring krev 2/3 fleirtal mellom dei røysteføre i årsmøtet. - Desse vedtektene tek til å gjelda frå 25.10.1990. - Vedtektene er ajorført etter endring på årsmøtet 27.09.2001 - Vedtektene er endra på årsmøte 29.09.2011, endringane trer i kraft 22.09.2011.