DEN NORSKE KYRKJA Fjell kyrkjelege fellesråd Postboks 184 5342 STRAUME Tlf: 55097440 Fjell kommune Postboks 184 5342 STRAUME Straume 12.10.2016 Budsjettsøknad frå Fjell kyrkjelege fellesråd for 2017 Fjell kyrkjelege fellesråd har i møte 21.september 2016 handsama budsjett for 2017, sjå vedlegg. For 2017 ber Fjell kyrkjelege fellesråd om ei kommunal løyving på kr.15 850 000,- til drift av fellesrådet sin aktivitet. Til investeringar ber Fjell kyrkjelege fellesråd om kr 3 200 000,-. Drift Kommunal løyving til drift for 2017 Med deflator på 2,6%, altså auke på 2,6% av 13 947 000,- som er kommunal løyving for 2016, vert kommunal løyving for 2017 kr 14 310 000,- I tillegg kr 1 540 000,- for tre nye stillingar - 100% kyrkjegardsarbeidar - 100% diakon - 70% Skule/kyrkje og skule/barnehage-samarbeid/ungdom Samla kommunal løyving for 2017 vert då på kr. 15 850 000,- Stillingar Lønsområdet er fullbudsjettert, og omfattar 27,65 årsverk. Det er budsjettert med ei lønsauke på 2,7% for 2017. For 2017 ber soknerådet om følgjande nye stillingar: - Kyrkjegardsarbeidar 100 %. - Diakon, 100 % stilling. - Stilling knytt til samarbeid kyrkje/skule og kyrkje/barnehage 50% Stilling knytt til styrking av ungdomsarbeidet 20% 1. Kyrkjegardsarbeidar fast 100% Fjell sokneråd har inngått samarbeidsavtale om eit meir inkluderande arbeidsliv, og har som mål å auke sysselsettinga av personar med nedsett funksjonsevne. I samarbeid med NAV har vi no kontakt med ein person i denne målgruppa som vi ønskjer å kunne tilby ei fast stilling. NAV vil i ein 2-års periode kunne dekkje 60 % av kostnadene dersom vedkommande vert fast tilsett.
Denne stillinga er knytt til kyrkjegardsarbeidet, og har vore det snart 5 år gjennom avtale om lærekandidat, støtte frå NAV og bruka av refusjon fødselspengar, vikarmidlar og midlar til sommarhjelp. Vi vil miste ein heilt nødvendig ressurs dersom vi ikkje kan tilsetje vedkomande vidare. Vi må i realiteten skjere ned på drifta og vedlikehald på kyrkje og kyrkjegard. Driftsseksjonen har og fått auka arbeidsmengde med to nye gravplassar dei siste åra. Kostnad For 100% stilling som fast kyrkjegardsarbeidar ber Fjell kyrkjelege fellesråd om kr 500 000,- for løn og sosiale kostnader. 2. Diakon Fjell kyrkjelege fellesråd har gjennom fleire år peika på behovet for ei ny diakonstilling i Fjell. Kva er diakoni? Diakoni er kyrkja si omsorgsteneste, nestekjærleik i praksis. Diakonien legg vekt på det einskilde mennesket sitt verd, uavhengig av den enkelte sitt livssyn og kuturbakgrunn. I Den norske kyrkja sin diakoniplan vert diakoni definert som følgjer: "Diakoni er kyrkja si omsorgsteneste. Det er evangeliet i handling og vert uttrykt gjennom nestekjærleik, inkluderande fellesskap, vern om skaparverket og kamp for rettferd.» Kva kompetanse har ein diakon? Diakonar har ein treårig bachelorgrad innan helse- sosialfag eller pedagogikk, og master i diakoni. Utdanninga gjev brei kompetanse som gjev godt høve til tverrfagleg samarbeid med ulike instansar innan det offentlege og med frivillige organsiasjonar. Gjennom utdanninga vert det mellom anna lagt vekt på relasjonell kompetanse, og det å ha eit reflektert forhold til konteksten for omsorga som vert gitt. Utdanninga gjev også særskilt kompetanse på korleis ein kan byggje inkluderande fellesskap, og det å rekruttere, lære opp og leggje til rette for frivillige medarbeidarar. Kvifor treng vi ei ny diakonstilling i Fjell? For å kunne ta imot flytningar som kjem til Fjell på ein best mogeleg måte. Ein diakon vil ha særskilt fous på menneske i sårbare situasjonar. Med fleire flyktningar i kommunen vil det vere særleg trong for stillingar som vil ha merksemda si retta mot menneske i vanskelege livssituasjonar og som potensielt vil falle utanfor det etablerte samfunnet. Når fellesrådet ber Fjell kommune løyve pengar til ei kyrkjeleg stilling retta inn mot flyktningearbeidet, er det fordi flykningane ofte kjem frå kulturar der det å tru er ein sentral del av livet. Gjennom å opprette ei diakonal stilling vil ein kunne leggje til rette for at flyktningane møter menneske som deler det å ha ei tru, og som har førestnad for å forstå og anerkjenne trua som ein grunnleggande og meiningsbærande del av livet, og avgjerande for det enkelte mennesket sin livskvalitet.
Ein diakon kan òg vere ei drivkraft for dialog i lokalsamfunnet i Fjell når det kjem til menneske med ulik tru. Å sikre at ein slik dialog vert etablert vil vere avgjerande for å minimere framandfrykt og for å oppnå forståing og respekt mellom menneske som tilhøyrer ulike trus- og livssyn, og mellom truande og ikkje-truande. Diakonen kan ha ei sentral rolle i ei tilrettelegging av Fjell kommune som ein livssynsopen kommune. For å etablere fleire sosiale møtepunkt i lokalsamfunnet I kommunedelplan for bustadutvikling vedteken av kommunestyret i februar 2014 pkt. 5.2.3 heiter det: «Gode sosiale møteplassar fremjar sosial integrering, trivsel og tilhøyrsle. Å skapa slike treffpunkt, både i sentrumsområda og i omlandet, er særleg viktig i Fjell med tanke på at 60 % av folkesetnaden er innflyttarar.» Flyttemotivasjonsundersøkinga frå 2011 viser at nettopp slike sosiale møteplassar er noko folk i Fjell saknar. Ein diakon vil ha den naudsynte kompetansen til å arbeide med å skape gode arenaer for fellesskap og gjensidig støtte i lokalsamfunnet retta mot ulike målgrupper knytt til alder, interesse- eller problemområde, ulike kulturar med vidare. Diakonen vil ha særleg fokus på å etablere sosiale møtepunkt for menneske i sårbare situasjonar, og som ikkje finn seg til rette i dei etablerte tilboda. Dette er viktig særleg som følgje av framveksten av Sotra kystby på Straume. For i samhandling med helse- og omsorgstenesta i kommunen leggje til rette for at mottakarar av helsetenester får høve til å utøve trua si. I Rundskriv 6/2009 «Rett til egen tros- og livssynsutøvelse» slår departementet fast at «Alle som er avhengige av kommunale helse- og omsorgstjenester skal få tilrettelegging og bistand for å kunne utøve sin tro og sitt livssyn». Det vert halde fram at trus- og livssynsutøving er eit av dei grunnleggjande behova som i medhald av formålsparagrafen i kvalitetsforskrifta skal ivaretakast og respekterast. Den som tek imot helse- og omsorgstenester har med andre ord rett til å utøve trua eller livssynet sitt, åleine og i fellesskap med andre. Innan eldreomsorga i Fjell er ei samhandling godt etablert ved at det regelmessig vert lagt til rette for andaktar på institusjonane. Dette er likevel truleg ikkje tilstrekkeleg til å dekkje den enkelte sitt behov for å få utøve trua si. Heller ikkje for dei som er tenestemottakarar til dømes på grunn av psykisk sjukdom, omsorgssvikt, utviklingshemming eller problem med rus er det lagt godt nok til rette for utøving av tru eller livssynet sitt. Med ei ny diakonstilling kan kyrkja vere ein samarbeidspart for å leggje til rette for ein god praksis for samhandling mellom helse- og omsorgstenesta og trus- og livssynssamfunna, og medverke til at enkeltmenneske ikkje berre får dekt dei fysiske, psykiske, sosiale eller kulturelle behova sine, men også dei åndelege. For å yte helse- og omsorgstenester med utgangspunkt i eit heilskapleg menneskesyn, må også denne dimensjonen av menneske sitt liv ivaretakast. For å rekruttere, lære opp og leggje til rette for frivillige medarbeidarar Eit godt arbeid for å etablere inkluderande fellesskap og omsorg for dei mest sårbare menneska i samfunnet vårt krev omfattande deltaking frå frivillige medarbeidarar. I kyrkja er det mange som kan bidra inn i eit frivillig arbeid, men ein suksessfaktor er ofte at det finst tilsetteressursar som kan engasjere og motivere, administrere og leggje til rette for den
frivillige innsatsen. Ein diakon har gjennom utdanninga si god føresetnad for å rekruttere og leggje til rette for eit konstruktivt og godt samarbeid med frivillige medarbeidarar. Ei diakonstilling vil kunne motivere mange menneske til eit engasjement for sine medmenneske, og gje ringverknader langt ut over det eit enkeltmenneske kan utrette åleine. Kostnad For 100% diakonstilling ber Fjell sokneråd om kr 640 000,-. 3. Skule/kyrkje, skule/barnehagesamarbeid og ungdomsarbeid Fjell kyrkjelege fellesråd har i ei årrekke hatt eit svært godt samarbeid med Fjell kommune når det gjeld arbeid retta mot skular og barnehagar. Vi har eit fast utval som møtes jamleg, SKU, for å planlegge samarbeidet for kvart år. Vi har tilbod til alle skular om opplegg for 1.klasse om sorg, 3.klasse og 5.klasse om å bli kjend med si lokale kyrkje og vandring gjennom Bibelen. Vi har tilbod om skulegudstenester og barnehagegudstenester til alle. Dette er ei eit rikt samarbeid, som vi har svært stor glede av. Dette arbeidet har vore fordelt på stillingar, men vi ønskjer å satse meir på dette arbeidet og plassere ansvaret i ei fast 50% stilling. Sjølvsagt med krav om pedagogisk kompetanse for den som vert tilsett. Med den alderssamansetjinga vi har i Fjell kommune i dag, med ein stor andel unge, så har kyrkja i Fjell mange ungdomar i vårt ungdomsarbeid og ikkje minst konfirmantarbeid. Det er store ungdomskull å arbeide opp mot. Dette er vi glad for, og dei siste åra har vi arbeidd systematisk og målrettar for å ha gode tilbod for ungdom. T.d. ungdomslørdagar, TenSing, leiartrening, leirar, Godheitsfestival, konsertar, Ung Messe, Tweensarbeid, Landroklubben m.m. For å styrke og sikre dette viktige arbeidet, ønskjer vi å auke satsinga med 20%. Kostnad For 70% stilling innan skule/kyrkje og skule/barnehagesamarbeid og ungdomsarbeid ber Fjell kyrkjelege fellesråd om kr 640 000,-. Investeringar Fjell kyrkjelege fellesråd handsama Økonomiplan 2017-2020 i møte 25.mai 2016. Sjå vedlegg. For 2017 ber Fjell kyrkjelege fellesråd om kr.3 200 000,- til følgjande investeringar: 1. Klokketårnet Landro kyrkje Kostnad:kr. 1 300 000,- Fjell kyrkjelege fellesråd dekker sjølv fullføring av forprosjekt, offentleg anbodsrunde og nu klokkemekanikk av eigne midlar, sett av i finansieringsfond Klokketårn Landro Dersom dette er innafor ramene for tildeling av rentekompensasjon, søker kyrkjeverja i samarbeid med Fjell kommune om rentekompensasjon. 2. Skifte av stolar Foldnes kyrkje (økonomiplan 2015-2018 og 2016-2019) Dessverre viser det seg at mange av stolane i Foldnes kyrkje er i ferd med å gå opp i liminga. Stolane er utan hell prøvd reparert, og som ei følgje av dette må dei skiftast ut. Dette kan gjerast i to omgangar ved at ein først skiftar ut stolane i kyrkjerommet, som rommar 350 stolar, og seinare stolane i kyrkjelydsalen, som rommar 200 stolar.
Til nye stolar i Foldnes kyrkje ber Fjell sokneråd om kr 1 000 000,- i 2016. Kostnad: Kr. 1 000 000,- 3. Komplett lyd- og lysanlegg Fjell kyrkje Fjell kyrkjelege fellesråd har sjølv finansiert lydanlegget i Fjell kyrkje, gjennom ein storstilt frivillig innsats frå kyrkjelydsmedlemer og bruk av udisponerte midlar. No manglar det kr 150 000,- for å fullføre prosjektet. Kostnad kr 150 000,- 4. Lydanlegg Landro kyrkje Landro kyrkje har eit gamalt lydanlegg, som er mindre eigna til sang- og musikk. Fjell kyrkjelege fellesråd ønskjer å setje i gang arbeid med å fornye lydanlegget, slik at det kan vere tenleg til konsertar- og kyrkjemusikalsk verksemd. Kostnad kr 300 000,- 5. Ny bil gravplass Det er behov for å skifte ut gamal bil og kjøpe ny bil til gravplassane. Kostnad kr 450 000,- Fast årleg investeringsramme Ei fast årleg løyving til investeringsformål kunne vere eit alternativ, som kunne forenkle planlegging av investeringar. Til samanlikning løyver Askøy kommune kr 4 mill årleg til Askøy kyrkjelege fellesråd sine investeringar. Ei slik investeringsramme ville gjere det mogeleg å planlegge og gjennomføre større investeringar og vedlikehald av kyrkjene og gravplassane i kommunen. Venleg helsing Dag-Olav Bjorøy (sign) Soknerådsleiar Borghild Hustad Berge Fungerande kyrkjeverje
Økonomiplan for Fjell kyrkjelege fellesråd 2017-2020 Oversikt over prioriterte tiltak 2017 Prioritet Tenesteområde Kostnad Klokketårnet Landro 1 Kyrkjer 1 300 000,- Skifte av stolar Foldnes kyrkje 2 Kyrkjer 1 000 000,- Kostnad kr 1 000 000,- Fullføre komplett lyd- og lysanlegg Fjell kyrkje 3 Kyrkjer 150 000,- Kostnad kr 150 000,- Lydanlegg Landro kyrkje 4 Kyrkjer 300 000,- Ny gravplass Landro 2017-2020 1 Gravplassar Ny bil gravplassar 2 Gravplassar 450 000,- Merknader til 2017: Klokketårnet Landro kyrkje Fjell kyrkjelege fellesråd dekker sjølv fullføring av forprosjekt, offentleg anbodsrunde og ny klokkemekanikk av eigne midlar, sett av i finansieringsfond Klokketårn Landro.Dersom dette er innafor ramene for tildeling av rentekompensasjon, søker kyrkjeverja i samarbeid med Fjell kommune om rentekompensasjon. Skifte av stolar Foldnes kyrkje (økonomiplan 2015-2018 og 2016-2019) Det er søkt om og innvilga rentekompensasjon til dette prosjektet. Stipulert pris 400 stolar a kr 2500,- Komplett lyd- og lysanlegg Fjell kyrkje Fjell kyrkjelege fellesråd har sjølv finansiert lydanlegget i Fjell kyrkje, gjennom ein storstilt frivillig innsats frå kyrkjelydsmedlemer og bruk av udisponerte midlar. No manglar det kr 150 000,- for å fullføre prosjektet. Lydanlegg Landro kyrkje
- Beskrivelse Budsjett 2017 1000 Fellesrådet 1.30100 FAST LØN 12 264 000 1.30101 FASTE TILEGG 249 000 1.30102 LØNSAVSETTJING 389 000 1.30200 VIKARLØN 87 000 1.30300 LØN EKSTAHJELP 100 000 1.30801 GODTGJERSLE FOLKEVALGTE 74 000 1.30900 AFP-PREMIE KLP 194 000 1.30901 PENSJON KLP 1 281 353 1.30903 KOLL. ULYKKESFORSIKRING 10 000 1.30904 KOLL. GRUPPELIVSFORSIKRING 26 000 1.30990 ARBEIDSGJEVARAVGIFT 1 880 619 1.31000 KONTORMATERIELL 63 000 1.31100 FORBRUKSMATERIELL 145 500 1.31101 UNDERVISNINGSMATERIELL 145 000 1.31201 VELFERDSTILTAK 40 000 1.31202 ARBEIDSTØY 17 000 1.31203 REINHALDSUTGIFTER 520 000 1.31205 BEVERTNING 105 000 1.31206 BLOMSTER 24 000 1.31207 MATVARER 105 000 1.31209 AKTIVITETS OG SAMHANDLINGSGRUPPE 10 000 1.31300 PORTO, BANK, TELEFONI OG DATA 156 000 1.31302 GEBYR 26 000 1.31400 STILLINGSANNONSER 35 000 1.31402 TRYKKING 152 000 1.31403 ANNONSER, REKLAME OG INFORMASJON 17 000 1.31500 OPPLÆRING/KURS 215 000 1.31501 OPPLÆRING/KURS FOLKEVALDE 10 000 1.31502 OPPLÆRING/KURS FRIVILLIGE 12 000 1.31550 REISEUTGIFTER - KURS (IKKE OPPGÅVEPLIKTIG 70 000 1.31600 OPPG.PL.REISEUTGIFTER 114 000 1.31601 FAST BILGODTGJERSLE 127 000 1.31650 ANDRE OPPG.PL.GODTGJERSLE 42 000 1.31652 SMUSSTILLEGG 13 000 1.31700 DRIFT AV EIGNE TRANSPORTMIDDEL 45 000 1.31701 KJØP AV TRANSPORTTENESTER 161 000 1.31703 REF. REISEUTGIFTER 4 000 1.31800 ENERGI 423 000
- Beskrivelse - Sum Budsjett 2017 1.31850 FORSIKRING 241 000 1.31900 HUSLEIGE 884 000 1.31950 KONTIGENT/LISENSAR 393 500 1.31952 KOMMUNALE GEBYRER 193 000 1.32000 INVENTAR/UTSTYR 295 000 1.32004 BØKER O.A. TIL BIBILOTEK 4 000 1.32300 PLANLAGT VEDLIKEHALD 572 000 1.32301 UFØRESETT VEDLIKEHALD 128 468 1.32302 VEDLIKEHALD UTEAREAL 15 000 1.32400 SERVICE/DRIFTSAVTALE/REPARASJON 160 000 1.32601 KJØP AV RENSERITENESTER 7 000 1.32700 KONSULENTTENESTER 145 000 1.33800 INTERNE OVERFØRINGAR 134 000 1.34290 MVA PÅ KJØP I DRIFTSREKNESK. 844 000 1.34700 TILSKOTT/GÅVER TIL ANDRE 60 000 1.35001 RENTER 8317.50.95848 KLP - 1 MILL (8000) 15 000 1.35002 RENTER 6516.81.71166 NORDEA - 2 MILL (800 48 000 1.35003 RENTER 8317.50.30886 KLP - 3 MILL (8010-8 50 000 1.35005 RENTER 6516.81.80475 NORDEA 3 MILL (8015/ 85 000 1.35100 AVDRAG 8317.50.95848 KLP - 1 MILL (8000) 100 000 1.35101 AVDRAG 6516.81.71166 NORDEA - 2 MILL (800 100 000 1.35102 AVDRAG 8317.50.30886 KLP - 3 MILL (8010-8 115 000 1.35103 AVDRAG 6516.81.80475 NORDEA - 3 MILL (801 150 000 1.35900 AVSKRIVNINGAR 1 561 000 utgifter 25 651 440 1.36000 BRUKARBET. V/KYRKJELEGE TENESTER -77 000 1.36101 KONFIRMANT BETALING -526 000 1.36102 KONTIGENT KYRKJEBLAD -110 000 1.36104 DELTAKERBETALING -40 000 1.36200 ANNA SALG AV VARER OG TENESTER -8 000 1.36301 FESTEAVGIFTER -480 000 1.36302 UTLEIGE LOKALER -170 000 1.36500 ANNONSER I KYRKJEBLAD -30 000 1.37000 REFUSJON STATEN -673 000 1.37100 SJUKELØNSREFUSJON -35 000 1.37290 MVA. KOMP. DRIFT -844 000 1.37300 REFUSJON FRÅ KOMMUNEN -501 000 1.37701 REFUSJON FRÅ ANDRE -834 440 1.37702 REFUSJON FRÅ SARTOR -501 000 1.37800 INTERNE OVERFØRINGAR -137 000
- Beskrivelse - Sum - - Netto Budsjett 2017 1.38001 ANDRE STATLEGE OVERFØRINGAR -1 637 000 1.38301 RAMMEOVERFØRING FRÅ KOMMUNEN -15 850 000 1.38600 OFFER TIL EIGNE FØREMÅL -16 000 1.38700 TILSKOT/GÅVER FRÅ ANDRE -910 000 1.39000 RENTER AV BANKINNSKOT -300 000 1.39500 BRUK AV BUNDNE FOND -411 000 1.39900 MOTPOST AVSKRIVINGAR -1 561 000 inntekter -25 651 440 0