SIS Samarbeidsforum i Sunnfjord EIN HEILSKAPLEG SKULESTRUKTUR FOR VIDAREGÅANDE SKULE I SUNNFJORD Pressekonferanse i samband med at SIS presenterer ei fråsegn om skulestruktur i Sunnfjord til fylkesordførar Åshild Kjelsnes 1. Februar 2013 kl. 10.00, Storehagen Atrium
Sunnfjord ein bu-, arbeid og skuleregion i vekst o Det er avgjerande at skulestruktur for Sunnfjord speglar dei utfordringar, ressursar og muligheiter som regionen har. o Breidde, kapasitet, relevans og kvalitet i opplæringstilbodet vil vere viktige faktorar både i næringsutvikling og bu-kvalitet. Dette er samstundes med på å stimulere til ytterelager vekst i regionen. o Analysar om folketalsutvikling viser at Sunnfjord vil vere nest høgast av dei 83 regionane i landet i framtida (ved eit framskrivingsalternativ der det ikkje skjer flytting til og frå kvart einskild fylke). o Erfaringa viser at elevane i Sunnfjord søker seg til skular i eigen region. Samla elevtala for Sunnfjord (SIS) viser at dei vil halde seg nokolunde på same nivå dei neste femten åra.
Sikre elevplassar i Sunnfjord o SIS stiller seg svært undrande til Norconsult sitt framlegg om ei underdekking på 200 elevplassar i Sunnfjord, slik det går fram for alle dei tre modellane, høvesvis varierande frå 37% til 39% i 2024. Dette samsvarer svært dårleg både med den relative andelen 15 åringar for regionen, som aukar til 52%, og veksten regionen opplever i dag. o Det er heller ikkje i tråd med premissa for skulebruksplanen, som vektlegg m.a. folketalsutvikling, effektivt bruk av skulebygg og eigedom og at elever i størst mogeleg grad «får oppfylt sine ønskje om opplæringstilbod, at opplæringsbehova samsvarer med samfunnet sine behov, at ein etablerer robuste einingar og fagmiljø, at ein har økonomisk handlingsrom for å møte framtida, og at elevar i størst mogeleg grad kan bu heime. (Rapport Norconsult 2012)
Media og kommunikasjon, design og handverk, og studiespesialiserande med formgjeving o SIS kan ikkje gå med på nedlegging av Mo og Jølster vidaregåande skule, avdeling Jølster. o Det er avgjerande at følgjande fylkesdekkande linjer blir liggande i indre Sunnfjord: o Media og kommunikasjon. Det er her dei store medieverksemdene ligg (NRK, Firda, Nynorsk mediesenter, Førde Multimedia, Mediebruket, Fylkesmagasinet, Mediebruket). o Faga design og handverk og studiespesialiserande er òg viktig for at regionen framleis skal kunne behalde kreative fag og skape tilfredsstillande rekrutteringsgrunnlag både for kulturinstitusjonar som Sogn og Fjordane Teater og Sogn og Fjordane Kunstmuseum og for dei kulturbaserte og kreative næringane elles i regionen.
Sikre breidda i Sunnfjord innan service og samferdsle transport og logistikk o Med utgangspunkt i næringa sitt samla omfang i regionen og lokalt næringsliv sin eigenart i indre og ytre Sunnfjord, er det viktig at eit tilbod om transport og logistikk spissa mot terminalarbeid og logistikk, vert lagt til Flora vidaregåande skule. o Medan same faget, retta mot landevegstransport, vert lagt til Øyrane vidaregande skule.
Sikre tilbod om idrettsfag ved Flora vidaregåande skule o SIS føreset òg at Florø vidaregåande skule må få behalde idrettsfag slik at vi sikrar eit idrettsfagtilbod også i Sunnfjord. o Dette er viktig òg i eit folkehelseperspektiv ettersom fleirtalet av elevane på programområde for idrett er aktive på trenar- og leiarsida i lokalidretten
Fylkesdekkande anleggsmaskinlinje o SIS ser det vidare naturleg at det vert lagt ei fylkesdekkande anleggsmaskinlinje til Sunnfjord. o Studietilbodet må sikrast naturgjevne og best mogeleg øvingsfasilitetar.
Elevane i Sunnfjord skal kunne bu heime o Den modellen som SIS presenterer her, vil òg vere med å stette krav om at flest mogeleg skal kunne bu heime medan dei går på vidaregåande skule. o Dette samsvarer samstundes med premissa i arbeidet med skulestrukturplanen, slik det går fram av Norconsult sin rapport.