Skulebruksplan for vidaregåande opplæring i Sogn og Fjordane

Transkript

1 i Saksbehandlar: Tor-Einar Holvik Skinlo Avdeling: Opplæringsavdelinga Sak nr.: 12/ Skulebruksplan for vidaregåande opplæring i Sogn og Fjordane Fylkesrådmannen rår hovudutval for opplæring til å gje slik tilråding: Hovudutvalet rår fylkesutvalet til å gje slik tilråding: Fylkesutvalet rår fylkestinget til å gjere slikt vedtak: 1. Med bakgrunn i venta reduksjon i elevtal og økonomiske rammer vedtek fylkestinget skulebruksplan for vidaregåande opplæring i Sogn og Fjordane (vedlegg 1). 2. Fylkestinget vedtek såleis slik organisering av vidaregåande opplæring i Sogn og Fjordane: a. Årdal vidaregåande skule blir vidareført med fylgjande tilbod: studiespesialisering (vg1, vg2, vg3 og vg3 påbygging til generell studiekompetanse) elektrofag (vg1, vg2 automatisering og vg3 automatiseringsfaget) service og samferdsel (vg1 og vg2 sal, service og tryggleik) teknikk og industriell produksjon (vg1, vg2 kjemiprosess og vg2 industriteknologi) b. Sogndal vidaregåande skule blir vidareført med fylgjande tilbod: studiespesialisering (vg1, vg2 og vg3) bygg- og anleggsteknikk (vg1, vg2 byggteknikk og vg2 klima, energi og miljøteknikk) elektrofag (vg1 og vg2 elenergi) helse- og oppvekstfag (vg1, vg2 helsearbeiderfag og vg2 barne- og ungdomsarbeider) service og samferdsel (vg2 transport og logistikk) teknikk og industriell produksjon (vg1 og vg2 køyretøy) idrettsfag (vg1, vg2 og vg3) c. Dale vidaregåande skule blir vidareført med fylgjande tilbod: studiespesialisering (vg1, vg2, vg3 og vg3 påbygging til generell studiekompetanse ) helse- og oppvekstfag (vg1 og vg2 helsearbeiderfag) teknikk og industriell produksjon (vg1 og vg2 industriteknologi) d. Mo og Jølster vidaregåande skule blir vidareført med fylgjande tilbod: bygg- og anleggsteknikk (vg1, vg2 anleggsteknikk og vg2 byggteknikk) naturbruk (vg1 naturbruk, vg1 naturbruk med hest, vg2 heste- og hovslagarfag, vg2 landbruk og gartnarnæring, vg3 landbruk og vg3 studiespesialisering med naturbruk) skulen endrar namn til Mo vidaregåande skule e. Øyrane vidaregåande skule blir vidareført med fylgjande tilbod: helse- og oppvekstfag (vg1, vg2 helsearbeiderfag, vg2 ambulansefag, vg2 barne- og ungdomsarbeidarfag og vg2 helseservicefag) restaurant- og matfag (vg1 og kokk- og servitørfag) service og samferdsel (vg1, vg2 sal, service og tryggleik og vg2 transport og logistikk)

2 ii teknikk og industriell produksjon (vg1, vg2 køyretøy og vg2 industriteknologi) vg2 bilskade, lakk og karosseri vert nytt tilbod ved skulen om fylkesrådmannen finn løysingar saman med næringslivet/bransjen for den praktiske delen av opplæringa. Om ein ikkje får til slike løysingar blir det ikkje tilbod om vg2 bilskade, lakk og karosseri i eige fylke. f. Hafstad vidaregåande skule blir vidareført med fylgjande tilbod: studiespesialisering (vg1, vg2, vg3 og vg3 påbygging til generell studiekompetanse) medium og kommunikasjon (vg1 og vg2) g. Flora vidaregåande skule blir vidareført med fylgjande tilbod: studiespesialisering (vg1, vg2 og vg3) elektrofag (vg1, vg2 data og elektronikk og vg2 elenergi) helse- og oppvekstfag (vg1 og vg2 helsearbeidarfag) service og samferdsel (vg2 IKT-servicefag) teknikk og industriell produksjon (vg1, vg2 brønnteknikk og vg2 industriteknologi) h. Firda vidaregåande skule blir vidareført med fylgjande tilbod: studiespesialisering (vg1, vg2, vg3 og vg3 påbygging til generell studiekompetanse) musikk, dans og drama (vg1, vg2 musikk, vg2 dans, vg2 drama, vg3 musikk, vg3 dans og vg3 drama) i. Eid vidaregåande skule blir vidareført med fylgjande tilbod: studiespesialisering (vg1, vg2 og vg3) studiespesialisering med formgjeving (vg1, vg2 og vg3) bygg- og anleggsteknikk (vg1 og vg2 byggteknikk) design og handverk (vg1, vg2 interiør og utstillingsdesign og vg2 frisør) elektrofag (vg1, vg2 data og elektronikk, vg2 elenergi og vg3 dataelektronikarfaget) service og samferdsel (vg1, vg2 sal, service og tryggleik og vg2 transport og logistikk) teknikk og industriell produksjon (vg2 industriell møbelproduksjon) j. Måløy vidaregåande skule blir vidareført med fylgjande tilbod: studiespesialisering (vg1, vg2 og vg3) helse- og oppvekstfag (vg1, vg2 helsearbeiderfag og vg2 barne- og ungdomsarbeider) naturbruk (vg1, vg2 akvakultur og vg2 fiske og fangst) restaurant- og matfag (vg1 og kokk- og servitørfag) teknikk og industriell produksjon (vg1, vg2 køyretøy, vg2 industriteknologi, vg2 maritime fag) tekniske allmenne fag (TAF) blir vidareført som skildra i saksutgreiinga 3. Fylkestinget vedtek såleis å legge ned: a. Luster vidaregåande skule b. Høyanger vidaregåande skule c. Stryn vidaregåande skule d. Mo og Jølster vidaregåande skule avdeling Jølster

3 iii 4. Hordalandsavtalen og skyssen knytt til denne blir avvikla 5. Endra organisering av vidaregåande opplæring skal gjennomførast frå skuleåret 2014/15, dersom ikkje anna blir vedteke i samband med budsjett og økonomiplan. Unntak frå dette er: a. Omfordeling av bygg- og anleggsteknikk og teknikk og industriell produksjon mellom Eid og Måløy vidaregåande skular, som skal gjennomførast frå skuleåret 2015/16. b. Flytting av bygg- og anleggsteknikk frå Øyrane vidaregåande skule til Mo vidaregåande skule, som skal gjennomførast frå skuleåret 2016/17. c. Avvikling av vg2 idrettsfag ved Flora og Firda vidaregåande skular frå skuleåret 2015/16 og vg3 idrettsfag ved Flora og Firda vidaregåande skular frå skuleåret 2016/ Det er ei målsetjing at oppfyllingsgraden skal vere så høg som mogleg. Det skal vere minimum 8 elevar i kvar gruppe på yrkesfaglege utdanningsprogram og minimum 20 elevar i kvar gruppe på studieførebuande utdanningsprogram frå skuleåret 2014/ Hovudutvalet for opplæring skal framleis vedta det årlege opplæringstilbodet, i samsvar med delegerings- og innstillingsreglementet vedteke av fylkestinget i sak 43/ Fylgjande bygningsmessige endringar skal innarbeidast i budsjett 2014/økonomiplan , jamfør saksutgreiinga: a. Ombygging av areal ved Sogndal vidaregåande skule til helse- og oppvekstfag. b. Ombygging av areal ved Eid vidaregåande skule til studiespesialisering med formgjeving og vg2 frisør. c. Ombygging av areal ved Eid vidaregåande skule til bygg- og anleggsteknikk. d. Ombygging av areal ved Måløy vidaregåande skule til teknikk og industriell produksjon. e. Nybygg på Mo vidaregåande skule til bygg- og anleggsteknikk i kombinasjon med verkstadhall. f. Ombygging av areal ved Flora vidaregåande skule til elektrofag. g. Ombygging av areal ved Øyrane vidaregåande skule til service og samferdsel. h. Nybygg ved Øyrane vidaregåande skule til deler av teknikk og industriell produksjon og vg2 ambulansefag. i. Ombygging av areal ved Øyrane vidaregåande skule til deler av teknikk og industriell produksjon. 9. Fylkesrådmannen får fullmakt til å byrje planlegging av bygningsmessige endringar som fylgje av skulebruksplanen. Fylkesrådmannen skal kome attende til naudsynte løyvingar per 2. tertial Fylkesutvalet får mynde til å selje, avhende eller leige ut fylkeskommunale bygg og eigedomar som vert ledige som fylgje av skulebruksplanen, i tråd med delegerings- og innstillingsreglementet vedteke av fylkestinget i sak 43/ Dei økonomiske konsekvensane av skulebruksplanen skal innarbeidast i budsjett 2014/økonomiplan

4 iv 12. I økonomiplanen for vert det førebels avsett mill. kr til omstillingstiltak for overtalige tilsette i For påfølgjande år vert det førebels avsett mill. kr og mill. kr. Fylkesrådmannen får fullmakt til å tilpasse Skulebruksplan for vidaregåande opplæring i Sogn og Fjordane , jf. punkt 1 over, i samsvar med fylkestinget sitt samla vedtak. ::: Sett inn innstillingen over denne linja... Sett inn saksutredningen under denne linja SAKSFRAMSTILLING

5 v Samandrag I fylkestinget sitt vedtak i sak 5/12 om mål og strategiar for vidaregåande opplæring , «God-betre-best», vart det òg vedteke å setje i gang eit arbeid med ein skulebruksplan. Planen skal vise korleis ein kan organisere vidaregåande opplæring i framtida. Fylkesutvalet har vidare definert kva skulebruksplanen skal omfatte: «Skulebruksplanen skal vise korleis Sogn og Fjordane fylkeskommune, innanfor framtidige økonomiske rammer, kan organisere ei vidaregåande opplæring med høg kvalitet og utnytte bygg og eigedommar mest mogleg kostnadseffektivt. Planen skal leggje eit best mogleg grunnlag for politiske vedtak om framtidig organisering av vidaregåande opplæring» (Sak 48/12 fylkesutvalet ). Formål Framskrivingar syner ein reduksjon i elevtalet i storleiken elevar i perioden fram til 2016, og aukande til elevar i perioden fram til Tiltaka i skulebruksplanen må dimensjonerast i høve ein reduksjon i elevtalet ut frå framskrivingane. Elevtalsreduksjonen påverkar inntektene til fylkeskommunen. Reduksjonen i inntektene kan verte forsterka av at talet åringar aukar for landet elles. Med bakgrunn i dette må skulebruksplanen synleggjere ei økonomisk innsparing i storleiken mill. kr fram til 2016 og mill. kr fram til Status 2012/13 Sogn og Fjordane fylkeskommune har 13 vidaregåande skular med stor variasjon i storleik. 1 Tilbodet er organisert slik at det har stor breidde, og utdanningsprogramma er i hovudsak fordelt på mange og små einingar. Samanlikna med andre fylke har Sogn og Fjordane betydeleg færre elevar per skule. Sogn og Fjordane ligg godt over samanliknbare fylkeskommunar og landsgjennomsnittet når det gjeld samla kostnader for vidaregåande opplæring per elev. Den vidaregåande opplæringa er gjennomgåande kjenneteikna av høg kvalitet og den fylkeskommunale bygningsmassen er stort sett i bra stand. Organiseringa av vidaregåande opplæring Fylkesrådmannen tilrår ein modell for organisering som i størst mogleg grad bidreg til å nå måla for skulebruksplanen. Det er lagt ein struktur med 10 vidaregåande skular, som skal bidra til høg kvalitet på opplæringa, og så langt som mogleg gir eit tilbod nær der elevane bur, og som er innanfor framtidige økonomiske rammer. Planen har perspektiv fram mot 2024 og gir ein føreseieleg situasjon for elevar, tilsette og lokalsamfunn. Omorganiseringa kan i hovudsak gjennomførast frå skuleåret 2014/15. Hovudgrepa i skulebruksplanen er: Utdanningsprogram og programområde blir i stor grad samla på færre skular, og alle dei vidaregåande skulane blir omorganiserte i større eller mindre grad Hordalandsavtalen og skyssen knytt til denne blir avvikla Luster vidaregåande skule blir lagt ned Høyanger vidaregåande skule blir lagt ned Stryn vidaregåande skule blir lagt ned Mo og Jølster vidaregåande skule avdeling Jølster blir lagt ned 1 I tillegg er Sogn jord- og hagebruksskule vidaregåande skule med landslinetilbod i økologisk landbruk.

6 vi Innhald Samandrag... v Innhald... vi 1 Bakgrunn og formål Elevtalsutvikling og økonomiske rammer Meld. St. 20 ( ) På rett vei - Kvalitet og mangfold i fellesskolen Regional planlegging Formål Høyringsinnspel Framlegg til organisering av vidaregåande opplæring Konsekvensar av å vidareføre dagens organisering av vidaregåande opplæring Avvikling av Hordalandsavtalen Om avtalen Skyss Økonomiske konsekvensar Nedlegging av Mo og Jølster vidaregåande skule, avdeling Jølster Nedlegging av Luster vidaregåande skule Nedlegging av Høyanger vidaregåande skule Nedlegging av Stryn vidaregåande skule Organisering av utdanningsprogram og programområde Innleiing Studiespesialisering (ST) Teknikk og industriell produksjon (TIP) Helse- og oppvekstfag (HO) Bygg- og anleggsteknikk (BA) Elektrofag (EL) Service og samferdsel (SS) Restaurant- og matfag (RM) Naturbruk (NA) Design og handverk (DH) - fylkesdekkjande tilbod Medium og kommunikasjon (MK) - fylkesdekkjande tilbod Idrettsfag (ID) Musikk, dans og drama (MD) Påbygging til generell studiekompetanse Omorganisering av dei vidaregåande skulane Innleiing Årdal vidaregåande skule Sogndal vidaregåande skule... 35

7 vii Dale vidaregåande skule Øyrane vidaregåande skule Mo vidaregåande skule Hafstad vidaregåande skule Flora vidaregåande skule Firda vidaregåande skule Eid vidaregåande skule Måløy vidaregåande skule Konsekvensar av skulebruksplanen Konsekvensar for elevane I kva grad vil skulebruksplanen bidra til å nå måla om alle utdanningsprogram og eit breitt spekter av programfag i eige fylke, og om at elevane i størst mogleg grad får oppfylt ynska sine om opplæringstilbod? I kva grad vil skulebruksplanen bidra til å nå målet om høg kvalitet på opplæringa? Konsekvensar for dei tilsette Innleiing Rekrutterings- og stabiliseringsutfordringar Overtal Kostnader Konsekvensar for samfunnet For lokalsamfunna I kva grad bidreg den nye organiseringa til å nå målet om samsvar med samfunnet sitt behov for kompetanse? I kva grad gir skulebruksplanen grunnlag for langsiktig planlegging som fremjar stabilitet, robuste einingar og fagmiljø, og ein føreseieleg situasjon for elevar, tilsette og lokalsamfunnet? I kva grad når skulebruksplanen måla for økonomisk innsparing? Drift av vidaregåande skular Skuleskyss Bygg og eigedomar Kapitalkostnader Samla vurdering av økonomiske konsekvensar Gjennomføring For elevane For dei tilsette Bygningsmessige endringar Vedlegg... 66

8 Figurar og tabellar Tabell A: Plassar på fylkesnivå og regional fordeling Tabell A: Innsparing på drifta av dei vidaregåande skulane Tabell A: Oversikt over endringar i skuleskyss Tabell A: Eingongskostnader bygg og eigedomar Tabell A: Kapitalkostnader viii

9 S i d e 1 1 Bakgrunn og formål 1.1 Elevtalsutvikling og økonomiske rammer Fylkesrådmannen har lagt framskrivingar av talet elevar i vidaregåande opplæring til grunn for si tilråding. Framskrivingane byggjer på Statistisk sentralbyrå sine folketalsframskrivingar og talet elevar melde inn i grunnskulen for kvart årstrinn. Det er alltid uvisse knytt til folketalsframskrivingar, og grunnlaget for framskrivinga er grundig omtala i kapittel 1.4 i høyringsutkastet til skulebruksplan for vidaregåande opplæring i Sogn og Fjordane Framskrivingane av elevtalet blir oppdatert årleg. Organiseringa må tilpassast nye framskrivingar i planperioden. Fylkesrådmannen ventar ein reduksjon i storleiken elevar i perioden fram til 2016, aukande til elevar i perioden fram til 2020/24. Statistisk sentralbyrå sine framskrivingar av tal åringar er lagt til grunn for dei økonomiske føresetnadene. Inntektene til fylkeskommunen i dagens inntektssystem vert påverka av delen innbyggjarar i aldersgruppa år. Tal innbyggjarar i denne aldersgruppa fell i den komande 10-årsperioden. Uavhengig av om ein tek omsyn til at elevtalet for landet er aukande eller ikkje, syner framskrivingane ein markant nedgang i overføringane til Sogn og Fjordane fylkeskommune som følgje av nedgangen i tal ungdomar. I gjeldande økonomiplan er det vedteke eit innsparingskrav for opplæringssektoren frå Dette er delvis realisert ved reduksjon av fem grupper frå skuleåret 2013/14. Årleg innsparingseffekt av dette tiltaket er 7,0 mill. kr. Desse sju millionane kjem i tillegg til forventa inntektsreduksjon som fylgje av elevtalsnedgangen. Samla innsparingsbehov må justerast opp tilsvarande. Det er varsla endringar i inntektssystemet frå Per dags dato er det ikkje kjent kva desse endringane går ut på. Fylkesrådmannen kjenner difor heller ikkje konsekvensane for Sogn og Fjordane. Det er likevel nokså sikkert at den relative nedgangen i dei aktuelle aldersgruppene også vil merkast i eit nytt inntektssystem. Utgangspunktet for skulebruksplanen er dei økonomiske konsekvensane reduksjonen i delen åringar får med dagens inntektssystem. Planutvalet la dette til grunn for arbeidet med skulebruksplanen. Ein annan måte å vurdere dei økonomiske konsekvensane av elevtalsnedgangen på er å ta utgangspunktet i budsjettet til opplæringssektoren. I 2012 hadde opplæringssektoren eit budsjett på 762 mill. kr. Om ein fordeler dette ut på talet brukarar, kostar kvar elev/lærling fylkeskommunen kr. Med ein slik snittkostnad vil 500 færre elevar utgjere 70 mill. kr. Fylkeskommunen har i fleire år brukt mill. kr meir til vidaregåande opplæring enn det inntektssystemet isolert gir fylkeskommunen ut frå talet ungdomar og søkjarar til yrkesfag. Det er grunn til å vente at beløpet vil auke om ein ikkje endrar organiseringa av vidaregåande opplæring. Det er venta ein reduksjon i inntektene til vidaregåande opplæring i storleiken mill. kr. årleg i perioden fram til 2016 og mill. kr. årleg i perioden fram til 2020/24.

10 S i d e Meld. St. 20 ( ) På rett vei - Kvalitet og mangfold i fellesskolen Regjeringa la 15. mars 2013 fram stortingsmeldinga «På rett vei». Meldinga omhandlar heile grunnopplæringa, men har særleg vekt på fag- og yrkesopplæringa. To stikkord for meldinga er relevans og fleksibilitet. Regjeringa føreslår mellom anna ein gjennomgang av dagens yrkesfaglege utdanningsprogram saman med partane i arbeidslivet, større fridom til korleis opplæringa blir organisert og ei opning for meir fagleg fordjuping gjennom valfrie programfag. I meldinga er det forslag om å endre medium og kommunikasjon og studiespesialisering med formgjevingsfag til studieførebuande utdanningsprogram. Desse endringane er det teke omsyn til i fylkesrådmannen si tilråding. Samstundes er det for eit fleirtal av utdanningsprogramma uavklara kva endringar som blir resultatet. Fleire av forslaga i meldinga vil vere utfordrande å løyse innanfor den organiseringa ein har av vidaregåande opplæring i Sogn og Fjordane. Til vanleg vil det gå eitt til to år frå ei melding vert lagt fram for Stortinget og til endringar i lov og forskrift vert gjeldande. Fylkesrådmannen har lagt til grunn at den framtidige organiseringa må vere så robust og fleksibel at den i stor grad kan tilpassast framtidige endringar, anten desse kjem som fylgje av endra elevtal, endra økonomiske føresetnader, eller endringar i lov- og avtaleverk.

11 S i d e Regional planlegging I fylgje plan- og bygningslova skal fylkestinget minst ein gong i valperioden utarbeide og vedta ein regional planstrategi. Dette må skje seinast eitt år etter konstituering. Formålet med planstrategien er å setje fokus på kva planoppgåver det er viktig å arbeide med i fylket i valperioden. Fylkestinget vedtok i sak 55/11, 16. oktober 2011, at det skulle utarbeidast eit planprogram for skulebruksplanen. Fylkesutvalet vedtok planprogram for skulebruksplanen i sak 48/12, 25. april Arbeidet med skulebruksplanen er utført i samsvar med føringane i planprogrammet. Den overordna målsetjinga i regional planstrategi er å auke folketalet til i Fylkesrådmannen meiner det er stor uvisse knytt til i kva grad dei strukturelle endringane vil påverke den samla folketalsutviklinga i Sogn og Fjordane. På sikt kan folketalet i kommunane Høyanger og Stryn utvikle seg negativt som fylgje av skulenedlegginga. Samstundes kan det å oppretthalde og delvis styrke tilbodet i andre område bidra til auka folketalsvekst i desse. Ei vidareføring av dagens skulestruktur med redusert elevtal vil resultere i vesentleg redusert tilbod ved dei største vidaregåande skulane. Fylgjeleg vil truleg ei slik vidareføring få negative konsekvensar for folketalsutviklinga i Sogn og Fjordane. Det er fylkesrådmannen si vurdering at for fylket sett under eitt er det ikkje større målkonfliktar mellom skulebruksplanen og dei andre planane i regional planstrategi. Samstundes blir det viktig å ta omsyn til dei lokale konsekvensane av skulebruksplanen i anna planarbeid.

12 S i d e Formål Målet med skulebruksplanen er at: det vidaregåande opplæringstilbodet er organisert slik at elevar og lærlingar får ei opplæring med høg kvalitet får tilbod om alle utdanningsprogram og eit breitt spekter av programfag i eige fylke i størst mogleg grad får oppfylt ynska sine om opplæringstilbod. det vidaregåande opplæringstilbodet samsvarar i størst mogleg grad med samfunnet sitt behov for kompetanse på ulike nivå. det er lagt langsiktige planar for opplæringstilbodet for å fremje stabilitet og ein føreseieleg situasjon for elevar, tilsette og lokalsamfunnet. vidaregåande opplæring er organisert på ein måte som fremjar robuste einingar og fagmiljø, slik at ein kan møte endringar i rammer og føresetnader utan å måtte endre strukturar i opplæringstilbodet. vidaregåande opplæring er organisert slik at ein tek omsyn til endra økonomiske føresetnader, inkludert behovet for framtidige satsingar, og endringar som følgje av den demografiske utviklinga. (Fylkesutvalet 48/12) Dersom det i arbeidet med skulebruksplanen skulle vise seg å vere konfliktar mellom to eller fleire av dei ovannemnde måla, må fylkeskommunen gjere prioriteringar innanfor det handlingsrommet fylkeskommunen faktisk har.

13 S i d e 5 2. Høyringsinnspel Det har vore eit stort engasjement frå heile fylket i saka om skulebruksplanen. Fylkesrådmannen arrangerte i høyringsperioden fire informasjonsmøte som samla om lag 700 personar. Det har kome inn 220 høyringsfråsegner, på til saman om lag 800 sider (vedlegg 2). Fylkesrådmannen har gått grundig igjennom innspela, og kommenterer i dette kapittelet særleg dei fråsegnene som har svara på dei særskilde utfordringane nemnde i høyringsbrevet: Nye variantar av modellane, som møter måla for prosessen slik dei er omtala i planen. Kva prioriterer lokalsamfunn, arbeids- og næringsliv i framtidig organisering av vidaregåande opplæring. I prioritert rekkjefylgje, kva utdanningsprogram og programområde etterspør arbeids- og næringsliv. Korleis oppnår ein balanse mellom elevtal og tal elevplassar i ulike deler av fylket? Fylkesrådmannen registrerer at få har fylkesperspektivet i innspela sine. Det er òg få av innspela som tek omsyn til elevtalsnedgangen og dei økonomiske utsiktene til fylkeskommunen. Mange av innspela er knytte til å oppretthalde anten ein skule eller tilbod som eksisterer i dag. 51 av innspela omtalar mellom anna viktigheita av å oppretthalde Dale vidaregåande skule 2, tilsvarande 37 for Høyanger vidaregåande skule 3, 20 for Hordalandsavtalen 4 og 14 for Stryn vidaregåande skule 5. Nokre av innspela har omtala at det er ei skeivfordeling av elevplassar mellom dei geografiske områda i dei ulike modellane. Både i HAFS, Sunnfjord og Sogn har det kome forslag til korleis ein bør auke opp kapasiteten i desse områda. Samstundes har det i liten grad kome konkrete forslag til kvar tilbodet skal tilsvarande dimensjonerast ned. Fylkesrådmannen har prøvd å imøtekomme innspela så langt dette har lete seg gjere. Dette er omtala i kapittel 4.1. Lokalsamfunn, arbeids- og næringsliv har i liten grad prioritert mellom ulike utdanningsprogram/programområde. Dei fleste innspela er knytte til eit framtidig behov i enkeltfag/utdanningsprogram. Der det er forslag til konkrete prioriteringar har fylkesrådmannen omtala desse i gjennomgangen av organiseringa i kapittel 3. Modell indre Sogn Sogn regionråd har føreslått ein modell for opplæringstilbodet ved skulane Luster, Årdal og Sogndal. Modellen er mellom anna støtta av regionrådet, kommunane, dei vidaregåande skulane, ulike tilsetteorganisasjonar og ulike aktørar i grunnopplæringa (fråsegnene 74, 78, 97, 107, 116, 123, 176 og 182). Modellen er i stor grad ei vidareføring av tilbodet i dag. Luster vidaregåande skule blir lagt ned, men bygg og ressursar skal nyttast som del av Sogndal vidaregåande skule. Tilbodet i design og handverk skal flyttast ut av regionen, medan helse- og oppvekstfag blir samla i regionen som tilbod ved Sogndal vidaregåande skule. Det er i all hovudsak samsvar mellom tilrådinga til fylkesrådmannen og framlegget i «modell indre Sogn». Dei største skilnadene er knytte til nokre programområde og utdanningsprogramma restaurant- og matfag og medium og kommunikasjon, som ut frå økonomi og eit fylkesperspektiv er samla andre stader i fylket. Tilsvarande er idrettsfag samla som fylkesdekkjande tilbod i Sogn. 2 Fråsegn 2, 3, 7, 8, 11, 18, 27, 39, 46, 60, 61, 66, 93, 101, 102, 106, 109, 112, 114, 118, 125, 132, 133, 135, 136, 138, 139, 141, 144, 149, 150, 151, 155, 156, 157, 169, 171, 173, 175, 183, 185, 189, 196, 203, 212, 214, 215, 216, 217 og Fråsegn 6, 9, 12, 13, 20, 22, 36, 37, 44, 47, 48, 63, 72, 80, 82, 94, 107, 115, 136, 137, 138, 139, 180/181, 186, 187, 194, 195, 197, 198, 199, 200, 201, 202, 206, 212, 214 og Fråsegn 17, 107, 109, 112, 118, 125, 126, 132, 135, 136, 141, 152, 154, 169, 173, 178, 179, 200, 206 og Fråsegn 40, 75, 98, 100, 120, 127, 138, 139, 142, 159, 160, 174, 177 og 217.

14 S i d e 6 Fylkesrådmannen føreslår i si tilråding programområde i service og samferdsel og teknikk og industriell produksjon på ein skule i indre Sogn, medan dei er lokaliserte både i Årdal og Sogndal i modellen til regionrådet. Fylkesrådmannen legg til grunn eit noko lågare behov for grupper/klassar enn modellen frå regionrådet. Talet grupper må sjåast i lys av fordelinga av dei fylkesdekkjande tilboda, jf. omtale i kapittel 4.1. I fylkesrådmannen sitt framlegg med 51 grupper i regionen i 2016, mot 55 grupper i modellen til regionrådet, er det ikkje elevtalsgrunnlag til å oppretthalde same breidda på utdanningsprogramma service og samferdsel og teknikk og industriell produksjon som det regionrådet legg opp til. Fylkesrådmannen tilrår at medium og kommunikasjon ikkje blir tilbod i regionen ut frå eit fylkesperspektiv, omtala i kapittel For mange av elevane vil studiespesialisering med programfag frå medium og kommunikasjon vere eit godt alternativ. Det er fylkesrådmannen si vurdering at innsparingspotensialet ved «modell indre Sogn» er overvurdert. Ein grovkalkyle indikerer at innsparinga ved modellen er 3-4 mill. kr lægre enn det som går fram av fråsegna. Innsparinga i modellen er i all hovudsak knytt til reduksjon i grupper som fylgje av redusert elevtal i regionen. Samarbeidsforum i Sunnfjord Samarbeidsforum i Sunnfjord (SIS) og kommunane som har vedteke tilsvarande fråsegn, legg vekt på tilbodet i Sunnfjord (fråsegn 110, 111 og 129). SIS strekar under at modell 0 ikkje er berekraftig og tilrår ein kombinasjon av modell 5 og 7. Fylkesrådmannen har i framlegget til skulebruksplan lagt til grunn ei anna fordeling av elevplassane enn i modellane som vart konsekvensutgreidde. Tilbodet i Sunnfjord, HAFS og ytre Sogn blir på 46 prosent av plasstalet, noko som samsvarar godt med elevtalet og det som er spelt inn frå SIS. Medium og kommunikasjon er føreslått som fylkesdekkjande tilbod ved Hafstad vidaregåande skule. Det er fylkesrådmannen si vurdering at ei lokalisering av utdanningsprogrammet saman med studiespesialisering vil gi god utnytting av kompetanse og utstyr. Det er stor grad av samsvar mellom SIS sine ynske for utdanningsprogramma teknikk og industriell produksjon, restaurantog matfag og helse- og oppvekstfag og tilrådinga til fylkesrådmannen. Tilrådinga er òg i samsvar med ynske om transport og logistikk, og sal, service og tryggleik ved Øyrane vidaregåande skule og anleggsteknikk som fylkesdekkjande tilbod på Mo. Fylkesrådmannen tilrår, i motsetnad til SIS, å lokalisere design og handverk og studiespesialisering med formgjevingsfag som fylkesdekkjande tilbod til Eid vidaregåande skule. Dette er gjort ut frå ei vurdering av samla behov i fylket. Fylkesrådmannen har òg lagt vekt på å nytte eksisterande kompetanse, areal, utstyr og samarbeid med eksterne aktørar. Fylkesrådmannen tilrår heller ikkje idrettsfag og transport og logistikk i Florø, ut frå økonomi og eit fylkesperspektiv. HAFS-regionråd Regionrådet og kommunane i HAFS legg vekt på å oppretthalde både Hordalandsavtalen og Dale vidaregåande skule. 6 I fråsegna blir viktigheita av å ha eit vidaregåande tilbod i regionen streka under. Det vil vidare vere uheldig å auke talet elevar som bur på hybel monaleg. Fylkesrådmannen tilrår ei vidareføring av Dale vidaregåande skule. Fylkesrådmannen tilrår òg ei styrking av tilbodet ved skulen ved å tilby påbygging til generell studiekompetanse, noko som truleg vil tiltrekkje seg elevar utanfor regionen. Regionrådet peikar på potensialet som er i nettundervisning. Det er fylkesrådmannen si vurdering at nettundervisning ikkje i vesentleg grad vil påverke organiseringa av vidaregåande opplæring 6 Fråsegn 106, 109, 112, 114, 118 og 125.

15 S i d e 7 (arbeidsdokument 2 til skulebruksplanen). Fylkesrådmannen tilrår ikkje ei oppretting av eit IBtilbod ut frå venta elevgrunnlag og kostnadene ved tilbodet. Dette er nærare omtala i kapittel 3.7 Ut frå kostnadene tilrår òg fylkesrådmannen at Hordalandsavtalen blir avvikla. Dette er nærare omtala i kapittel 3.2. Ein elev som nyttar Hordalandsavtalen vil med skyss i snitt koste om lag kr skuleåret 2013/14. Nordfjordrådet I fråsegna (128) vektlegg Nordfjordrådet kor viktig det er å ha eit desentralisert tilbod med fire vidaregåande skular i Nordfjord. Nordfjordrådet understrekar vidare at det er viktig å ha eit fylkesperspektivet på arbeidet. Dette er noko fylkesrådmannen har lagt vekt på i sitt arbeid. Fylkesrådmannen finn det naudsynt å kommentere eitt av punkta i fråsegna: Det er fråverande i planane å drøfte auka inntektspotensial, dette må setjast på dagsorden. Vi peikar på inntekt potensialet ved å tilby elevplassar til Møre og Romsdal fylkeskommune på elektrofag og industriell møbelproduksjon (Nordfjordeid) og Maritime/Marine fag (Måløy). Fylkesrådmannen har tidlegare greidd ut at det i svært liten grad er mogleg å selje plassar til andre fylkeskommunar (arbeidsdokument 1 til skulebruksplanen). Det er ikkje grunnlag for vidare utgreiing knytt til å kunne auke inntektene til fylkeskommunen. Unntaket er industriell møbelproduksjon der tilbodet, under føresetnad av godkjenning, blir landsdekkjande. Fylkesrådmannen tilrår ei framtidig organisering med ein desentralisert struktur. Samstundes må organisering tilpassast den samla elevtalsnedgangen i fylket og reduserte økonomiske rammer. Som ein konsekvens tilrår fylkesrådmannen nedlegging av Stryn vidaregåande skule. Dette er nærare omtala i kapittel 3.6 Andre innspel Fleire fråsegner, m.a. frå Fjaler og Høyanger kommunar (109 og 115), omhandlar alternative måtar å redusere kostnadene til fylkeskommunen på, enn ved å omorganisere den vidaregåande opplæringa. Nokre av innspela omtalar eit generelt kutt i tildelinga til dei vidaregåande skulane. Ramma til vidaregåande opplæring har blitt redusert dei siste åra. Det er særleg utviklingsmidlar og andre «frie» pottar som ikkje er knytte til drifta av den vidaregåande opplæringa som har blitt reduserte. I tillegg er det vedteke å møte innsparingskrav for sektoren med å redusere opplæringstilbodet med fem grupper frå hausten Det er fylkesrådmannen si vurdering at eit generelt kutt vil råke tilfeldig og bety ein vesentleg kvalitetsreduksjon, noko som er i strid med måla for skulebruksplanen. Det er krav til innhald og timetal i opplæringa gjennom lov og forskrift (læreplanverket) som må fylgjast. Ein generell reduksjon kan heller ikkje gjennomførast som kutt i løn til dei tilsette, jamfør lov- og avtaleverk. Generelle kutt må truleg gjennomførast slik at det vil ha store negative konsekvensar for det fysiske arbeids- og læringsmiljøet. I samband med dette vil fylkesrådmannen minne om at den vidaregåande opplæringa til ei kvar tid er fylgt opp av ulike statlege tilsyn. I nokre fråsegner, m.a. frå næringslivet i Stryn og Hornindal (40), blir det òg føreslått kutt i andre sektorar eller som ei generell innsparing i den fylkeskommunale verksemda. Fylkesrådmannen vurderer slike framlegg til innsparing som utanfor mandatet for skulebruksplanen. Frå 2014 må fylkeskommunen vente strammare økonomiske rammer som fylgje av mellom anna nedgang i elevtal og forventa nedgang i fylkesvegrammene. I tillegg vil auka lånegjeld og dei nedjusterte forventningane i høve lokale inntekter redusere handlefridomen ytterlegare. Kombinert med store utfordringar i sektorar som samferdsle og tannhelse ligg det ikkje til rette for løysingar på dei økonomiske utfordringane utanfor opplæringssektoren.

16 S i d e 8 Det har kome fleire innspel der lokalt næringsliv ynske å bidra inn mot den vidaregåande opplæringa. Mellom anna har næringslivet i Stryn og Hornindal har gått saman om å finansiere ei prosjektstilling som skal jobbe for eit tett og godt samarbeid mellom dei vidaregåande skulane i regionen og næringslivet (fråsegn 40). Næringslivet i HAFS tilbyr eit etableringstilskot til eit samarbeidsprosjekt mellom UWC i Flekke og Dale vidaregåande skule (høyringsfråsegn 39). Fylkesrådmannen ser særs positivt på desse innspela og vil gå i dialog med aktuelle partar etter at skulebruksplanen er politisk handsama. Mange fråsegner (28, 33, 42, 79, 81, 85, 86, 88, 89, 90, 92 og 124) omtalar kor viktig det er at framtidig organisering av vidaregåande opplæring gir eit tilbod som er langsiktig, robust og føreseieleg. Dette er viktige mål for skulebruksplanen, og som fylkesrådmannen har teke omsyn til i sitt arbeid. Fleire innspel, m.a. 92, 108 og 128, omtalar òg kor viktig det er å få ei avgjerd i saka i juni 2013.

17 S i d e 9 3. Framlegg til organisering av vidaregåande opplæring Fylkesrådmannen tilrår ein modell for organisering som i størst mogleg grad bidreg til å nå måla for skulebruksplanen, jf. kapittel 1. Modellen skil seg delvis frå dei åtte modellane som vart konsekvensutgreidde og sende på høyring. Framlegget inneheld element frå fleire av modellane, samstundes som fylkesrådmannen har gjort justeringar ut frå innspel i høyringa. Skulebruksplanen viser korleis ein bør organisere vidaregåande opplæring i framtida, dvs. kva utdanningsprogram og programområde som bør vere på dei enkelte vidaregåande skulane. Det er ikkje talet grupper i eit programområde/utdanningsprogram som skal vurderast i skulebruksplanen. Opplæringstilbodet må framleis lysast ut og justerast årleg som fylgje av endra behov i arbeidslivet og endra elevsøking. Myndet til å vedta saka om opplæringstilbodet er delegert til hovudutval for opplæring (fylkestingsvedtak i sak 43/12). Arbeidet med skulebruksplanen har vore utfordrande for store deler av fylkeskommunen. Særleg uvissa knytt til kva som kan skje med eigen arbeidsplass er vanskeleg for mange tilsette. Erfaringar frå omorganiseringar i andre verksemder tilseier at avklaringar om framtida ikkje må ta lang tid. Dette blir òg streka under av fleire av arbeidstakarorganisasjonane i deira høyringsfråsegner (fråsegnene 92, 108 og 128). For å halde høg kvalitet på opplæringa og for ta i vare dei tilsette, ser fylkesrådmannen ser det som særs viktig å få ei rask avklaring av korleis den vidaregåande opplæringa i fylket skal vere organisert i framtida. Hovudgrepa i skulebruksplanen er: Utdanningsprogram og programområde blir i stor grad samla på færre skular, og alle dei vidaregåande skulane blir omorganiserte i større eller mindre grad Hordalandsavtalen og skyssen knytt til denne blir avvikla Luster vidaregåande skule blir lagt ned Høyanger vidaregåande skule blir lagt ned Stryn vidaregåande skule blir lagt ned Mo og Jølster vidaregåande skule avdeling Jølster blir lagt ned For fylkesrådmannen er framlegget om å leggje ned Høyanger og Stryn vidaregåande skular særleg krevjande. Innsparinga på reduserte kostnader til bygg, energi, støttefunksjonar, leiing, m.m. ved å leggje ned desse skulane er om lag 14,5 mill. kr, om ein ikkje reknar med kostnadene knytte til utdanningsprogramma/gruppene. Kostnadane knytte til utdanningsprogramma/gruppene utgjer den største innsparinga i skulebruksplanen, 70,6 mill. kr i Om ein vel å oppretthalde desse to skulane med ein samla auke i gruppetalet, vil dette redusere innsparinga ytterlegare, med om lag 1,4 mill. kr per gruppe. Dei to skulane har i dag 26 grupper. Truleg vil ein måtte auke gruppetalet med minst 10 grupper for å oppretthalde desse to skulane. Innsparinga blir då redusert med 14,5 mill. kr på skulestrukturen og 14 mill. kr på talet grupper, samla 28,5 mill. kr. I kapittel gjer fylkesrådmannen greie for kva vurderingar som er gjort for kvart av punkta i skulebruksplanen.

18 S i d e Konsekvensar av å vidareføre dagens organisering av vidaregåande opplæring Fylkesrådmannen vil streke under at organiseringa av den vidaregåande opplæringa må endrast. Det vil få store konsekvensar om talet grupper ikkje blir redusert i samsvar med elevtalsnedgangen for å oppretthalde talet skular ein har i dag. Det er krav til innhald og timetal i opplæringa gjennom lov og forskrift (læreplanverket) som må fylgjast. Fylkesrådmannen legg til grunn at den økonomiske ramma til vidaregåande opplæring ikkje aukar. Kostnadene ved høgare tal grupper enn det som ligg i tilrådinga til fylkesrådmannen må difor i vesentleg grad finansierast gjennom reduksjon på andre deler av skuledrifta. Det kan til dømes vere innanfor støttefunksjonar som arbeidslivskontakt, miljøkoordinator, reinhald, vedlikehald og energi. Ein reduksjon i ressursen til arbeidslivskontakt vil få konsekvensar for skulane si samhandling med arbeids- og næringsliv, og truleg for kvaliteten på opplæringa til elevane på yrkesfaga. Ein reduksjon i ressursen til miljøkoordinatorane vil få negative konsekvensar for skulane si oppfylging av enkelte elevgrupper, m.a. elevane som bur på hybel. Store reduksjonar i løyvingane til m.a. reinhald og vedlikehald vil fort få negative konsekvensar for det fysiske arbeids- og læringsmiljøet. Det er òg avgrensa kor store slike kutt kan vere utan at drifta ikkje lenger er i samsvar med lov og forskrift. Fylkesrådmannen vil vurdere om det er mogleg å oppnå ytterlegare innsparingar som fylgje av effektiviseringstiltak. Vurderingane må byggje på endeleg vedtak i saka. Samstundes meiner fylkesrådmannen at slik effektivisering ikkje i særleg grad kan bidra til oppretthalde talet grupper utover det som ligg i tilrådinga. Kvar gruppe som kjem i tillegg til tilrådinga har ein snittkostnad på om lag 1,4 mill. kr. I tillegg til dei økonomiske konsekvensane av å auke talet grupper vil det òg føre til lågare oppfyllingsgrad. Fylkesrådmannen vil rå frå ei organisering som fører til særs få elevar i kvar gruppe. I tillegg til dårleg ressursutnytting får dette òg konsekvensar for læringsmiljøet og kvaliteten på opplæringa. Det bør vere ei målsetjing at oppfyllingsgraden skal vere så høg som mogleg. Fylkesrådmannen rår til at det skal vere minimum 8 elevar i gruppene på yrkesfaglege utdanningsprogram, og tilsvarande minimum 20 elevar i gruppene på studieførebuande utdanningsprogram frå skuleåret 2014/15. Dersom talet skular skal vidareførast med dei utdanningsprogramma dei har i dag må tilbodet ved dei skulane som har fleire grupper per utdanningsprogram/programområde (modell 0 i høyringsutkastet til skulebruksplanen) reduserast. Det betyr at skulane i vekstområda Førde, Flora og Sogndal må kutte relativt kraftig i tilbodet. Elevar frå desse stadane, og andre stadar med fleire elevar enn elevplassar, må reise til skular som har færre elevar i nærområdet enn elevplassar. Ein konsekvens av dette er at færre elevar får eit tilbod i nærleiken, enn med framlegget til ny organisering. Ei vidareføring av dagens struktur vil i liten grad vere føreseieleg, fleksibel eller robust. Å tilpasse opplæringstilbodet til endra økonomiske føresetnader, endra elevsøking eller endringar i lov og forskrift vil bli særs krevjande. Fylkeskommunen vil få store årlege utfordringar med oppløysing av fagmiljø og overtal av tilsette. Fylkesrådmannen vil med bakgrunn i dette på det sterkaste rå frå ei slik løysing.

19 S i d e 11 Fylkesrådmannen rår til: Endra organisering av vidaregåande opplæring Det er ei målsetjing at oppfyllingsgraden skal vere så høg som mogleg Det skal vere minimum 8 elevar i kvar gruppe på yrkesfaglege utdanningsprogram Det skal vere minimum 20 elevar i kvar gruppe på studieførebuande utdanningsprogram Sjå tilråding til vedtak punkt 1, 2 og 6.

20 S i d e Avvikling av Hordalandsavtalen Om avtalen Avtalen mellom Sogn og Fjordane og Hordland fylkeskommunar gjeld for ungdom frå kommunane Aurland, Gulen og Solund. Avtalen gir ungdom frå Gudvangen høve til å søkje vidaregåande opplæring på Voss, og ungdom frå Gulen og Solund høve til å søkje skuleplass ved Austrheim vidaregåande skule. Avtalen kom i stand for at desse elevane skal kunne dagpendle mellom skulen og heimstaden. Dagpendling er ikkje mogleg til tilbod i Sogn og Fjordane. Det er ein føresetnad for kjøp av skuleplass at eleven dagpendlar mellom heimstaden og lærestaden. Dei siste åra har om lag 50 elevar kvart år nytta seg av Hordalandsavtalen. Til skuleåret 2013/14 er det ein nedgang i søkinga gjennom Hordalandsavtalen. Det er i alt 34 søkjarar, 17 av desse til vg1. Elevtalsutviklinga for Solund og Gulen syner at det samla elevgrunnlaget vert redusert med om lag 20 elevar fram til Skuleåret 2012/13 nytta 42 av 106 elevar frå Gulen, 4 av 32 elevar frå Solund og 4 av 5 elevar frå Gudvangen seg av avtalen. Ein stor del av elevane som ikkje nyttar seg av avtalen søkjer seg til programområde som Austrheim og Voss vidaregåande skular ikkje har tilbod om. Mange av høyringsfråsegnene omtalar viktigheita av å oppretthalde Hordalandsavtalen Skyss Skulerute med båt frå Solund/Gulen til Mjømna/Mastrevik Skuleskyssen er organisert slik at det går ein båt frå Eivindvik går innom Stevnebø, Vassøy, Nordøyane og Sørøyane mot førehandstinging på veg mot Mjømna og vidare til Mastrevik. På Mjømna er det korrespondanse med båt som kjem frå Hardbakke via Nåra. På ettermiddagen er det tilsvarande korrespondansar på returen. Etter at båten frå Solund har transportert elevar til Mjømna om morgonen vert grunnskuleelevane henta på Nåra på veg tilbake til Hardbakke. På ettermiddagen startar båten med grunnskuleskyss frå Hardbakke, før den går vidare til Mjømna og hentar elevane som kjem med båt frå Mastrevik. Skuleskyssen vert i nokon grad nytta av jobbpendlarar som er busette i Solund og som arbeider skift/turnus i Gulen. Det er òg nokre passasjerar frå Gulen som pendlar til Solund. I snitt er det under 1 passasjer ekstra på kvar tur over Sognesjøen. Fylkesrådmannen vurderer difor konsekvensane for andre grupper til å vere små. Innsparing ved avvikling av skyssen: Ruteproduksjon som kan kuttast i skuleruta mellom Solund og Mjømna avgrensar seg til km. For at innbyggjarane i dette området i Gulen skal få eit tilbod i samsvar med Fylkestingsvedtaket i sak 11/10, vil truleg kutta som kan gjerast avgrense seg til rutene mellom Mastrevik og Mjømna, km. Reduksjon dersom Hordalandsavtalen vert avvikla: Solund Mjømna km Gulen Mastrevik km Samla reduksjon km Innsparinga knytt til redusert ruteproduksjon vil vere avhengig av fleire forhold, og den endelege innsparinga vil først bli klarlagt etter at det framtidige rutetilbodet er vedteke. Anslaget over kva 7 Fråsegn 17, 107, 109, 112, 118, 125, 126, 132, 135, 136, 141, 152, 154, 169, 173, 178, 179, 200, 206 og 215.

21 S i d e 13 innsparingar som kan leggjast til grunn, gir ikkje føringar for eventuelle drøftingar med operatørar av båtrutene. Rutekuttet på km på båtskyss vil gi ei innsparing på om lag 2,75 mill. kr. per år. I tillegg kan skyss på landevegen reduserast med 0,8 mill. kr. Under føresetnad av at fylkeskommunen ikkje vedtek andre større endringar i skyssen kan kutta gjennomførast frå og med 3. avtaleår, dvs. frå og med 1. mai Kan ein snu skyssen? Avstanden frå Hardbakke til Dale er om lag 54 km. Med fart tilsvarande skyssen mellom Hardbakke og Mastrevik vil reisetida bli om lag 80 min. Dersom ruta skal starte på Nåra vert avstanden 63 km og reisetida på om lag 95 min. Frå Eivindvik via Hardbakke til Dale er avstanden over 80 km og reisetida langt over 90 min, som er lengste tilrådelege reisetid Økonomiske konsekvensar Ved avvikling av Hordalandsavtalen vil alle søkjarane få tilbod ved skular i eige fylke. Innsparing ved redusert kjøp av plassar i Hordaland fylkeskommune vil for 2012/13 vere 3,58 mill. kr. Reduksjon i skyss gir eit innsparingspotensiale på 3,55 mill. kr. Samla gir dette eit innsparingspotensiale på om lag 7,1 mill.kr. Samstundes er framtidige kostnader ved Hordalandsavtalen usikre. Fylkestinget i Hordaland vedtok i sak 1/13, 12. mars 2013: Vurdering Kostnaden ved avtalen er høg. Det er relativt få elevar som vert råka av denne endringa, vurdert mot andre strukturelle endringar som vil gje tilsvarande innsparing. Kostnaden per elev vert urimeleg høg. Fylkesrådmannen ser at dette får uheldige konsekvensar for lokalsamfunnsutviklinga og for den einskilde elev som får lang reiseveg til den vidaregåande opplæringa. Fylkesrådmannen rår til: Hordalandsavtalen vert avvikla. Sjå tilråding til vedtak punkt 4.

22 S i d e Nedlegging av Mo og Jølster vidaregåande skule, avdeling Jølster Mo og Jølster vidaregåande skule er ein av dei minste skulane i fylket. Avdeling Jølster har om lag 120 elevar. Avdelinga har i dag tilbod i design og handverk, medium og kommunikasjon og studiespesialisering med formgjevingsfag. Skulen og avdelinga er nærare skildra i vedlegg 3 (faktaark). Kvaliteten på opplæringa ved skulen er høg. Avdeling Jølster har ein eit godt fagmiljø på tvers av utdanningsprogramma. Fleire av høyringsfråsegnene, mellom frå Samarbeidsforum i Sunnfjord (fråsegn 129), omtalar mellom anna viktigheita av å vidareføre utdanningsprogramma ved avdeling Jølster på ein av dei vidaregåande skulane i Førde. Elevane Skulen ligg på Vassenden, om lag 20 min køyring frå Førde. Skulen rekrutterer i hovudsak elevar frå Sunnfjord. Under 10 % prosent av elevane i Jølster kommune søkjer seg til skulen. Over 60 % av elevane frå kommunen søkjer seg til Hafstad og Øyrane vidaregåande skular. Ein relativt stor del av elevane på skulen bur på hybel. Nær alle elevane nyttar skuleskyss. For elevane som ynske å gå på medium og kommunikasjon, som blir vidareført ved Hafstad vidaregåande skule, vil nedlegging av skulen ha små konsekvensar. Dei tilsette Nær 80 % av dei tilsette ved Mo og Jølster vidaregåande skule bur i Førde eller Jølster kommune. For tilsette som får tilbod om arbeid i Førde har nedlegginga små konsekvensar. Det er uråd på noverande tidspunkt å vite omfanget av talet på tilsette som vert overtalige. Dette er nærare omtala i kapittel 4.2 Lokalsamfunnet Fylkesrådmannen vurderer konsekvensane for lokalsamfunnet som små. Tre vidaregåande skular, med samla stor breidde på tilbodet, ligg i same bu- og arbeidsmarknadsområde. Skulen har tilbod i utdanningsprogram der generelt få elevar går ut i lære. Skuleåret 2011/12 var det ingen elevar som tok til i lære etter avslutta vg2. Ei nedlegging av skulen får truleg små konsekvensar for rekruttering av fagarbeidarar til arbeids- og næringsliv. Skulebygga Fylkeskommunen nyttar eige areal til avdeling Jølster. Det gamle skulebygget frå 1954 har eit vesentleg behov for teknisk oppgradering. Fylkeskommunen kan leige ut eller selje bygga. Dette er nærare omtala i kapittel 5. Vurdering Oppfyllingsgraden ved skulen har fleire år vore blant dei lægste i fylket, og er 81 % skuleåret 2012/13. Det er kostbart å oppretthalde ein skulestruktur med særs små einingar og ei fordeling av utdanningsprogramma på mange skular. Det er òg utfordrande å drive vidaregåande skular med avdelingar som ikkje er samlokaliserte. Dei yrkesfaglege utdanningsprogramma ved skulen rekrutterer i særs liten grad til lærefaga. Behovet for å samle desse tilboda på færre skular er nærare omtala i kapittel 3.7. Med bakgrunn i elevtalsreduksjonen og framtidige økonomiske rammer rår fylkesrådmannen til å leggje ned Mo og Jølster vidaregåande skule, avdeling Jølster. Fylkesrådmannen rår til: Mo og Jølster vidaregåande skule, avdeling Jølster blir lagt ned

23 S i d e 15 Skulen endrar namn til Mo vidaregåande skule Sjå tilråding til vedtak punkt 2 og 3.

24 S i d e Nedlegging av Luster vidaregåande skule Luster vidaregåande skule er den minste skulen i fylket, med om lag 120 elevar. Skulen har i dag tilbod i design og handverk, helse- og oppvekstfag, restaurant- og matfag og påbygging til generell studiekompetanse. Skulen er nærare skildra i vedlegg 4 (faktaark). Kvaliteten på opplæringa ved skulen er høg. Fleire av høyringsfråsegnene, mellom anna frå Sogn regionråd, omtalar viktigheita av å vidareføre utdanningsprogramma restaurant og matfag og helse- og oppvekstfag ved Sogndal vidaregåande skule. Samstundes ynske dei at skulebygget i Luster skal nyttast til opplæringa. Elevane Skulen ligg på Hafslo, om lag 15 min køyring frå Sogndal. Skulen rekrutterer i hovudsak elevar frå indre Sogn. Mellom % prosent av elevane i Luster kommune søkjer seg til skulen. Over 80 % av elevane frå kommunen søkjer seg til Sogndal vidaregåande skule. 22 av 38 hybelbuarar skuleåret 2012/13 bur på hybel i Sogndal og nyttar skuleskyss. For elevane som ynske å gå helse- og oppvekstfag, som blir vidareført tilrådd ved Sogndal vidaregåande skule, vil nedlegging av skulen ha små konsekvensar. Dei tilsette Om lag 40 % av dei tilsette pendlar til skulen frå andre deler av bu- og arbeidsmarknadsregionen enn Luster kommune. For tilsette som får tilbod om arbeid på Sogndal vidaregåande skule har nedlegginga små konsekvensar. Det er uråd på noverande tidspunkt å vite omfanget av talet på tilsette som vert overtalige. Dette er nærare omtala i kapittel 4.2 Lokalsamfunnet Fylkesrådmannen vurderer konsekvensane for lokalsamfunnet som små. Den største vidaregåande skulen i fylket med stor breidde på tilbodet ligg i same bu- og arbeidsmarknadsområde. Skulen har tilbod i utdanningsprogram der generelt få elevar går ut i lære. Skuleåret 2011/12 var det åtte elevar som tok til i lære etter avslutta vg2. Ei nedlegging av skulen får truleg små konsekvensar for rekruttering av fagarbeidarar til arbeids- og næringsliv. Skulebygget Fylkeskommunen nyttar både leigeareal og eige areal til Luster vidaregåande skule. Leigeavtalen har varigheit til Det fylkeskommunale bygget har noko behov for oppgradering den komande tiårsperioden. Fylkeskommunen kan leige ut eller selje bygget. Dette er nærare omtala i kapittel 5. Økonomi Det er kostbart å oppretthalde ein skulestruktur med særs små einingar med få elevar. Kostnaden vert ytterlegare høgare når oppfyllingsgraden i etablerte grupper er låg. Luster vidaregåande skule hadde eit budsjett skuleåret 2012/13 på om lag 16,5 mill. kr. 8 Skulen rekrutterer elevar i hovudsak frå indre Sogn. Elevtalsnedgangen i regionen er større enn elevtalet ved Luster vidaregåande skule. Innsparinga på skuledrifta ved nedlegging av Luster vidaregåande skule blir slik rekna om lag 16,5 mill. kr. Det blir ingen netto endring i skysskostnadane. 8 I budsjettet er ikkje kostnader til felles driftsteneste i indre Sogn teke med. Desse kostnadane kan ikkje enkelt delast på dei enkelte skulane.