Godkjent av årsmøte 03.09.2012 Trer i kraft 03.09.2012 VEDTEKTER FOR LYE SKULEKORPS 1 Organisasjon 1.1 Lye Skulekorps blei stifta den 29.09.1986, og er tilslutta Norges Musikkorps Forbund (NMF) gjennom NMFR (Rogaland). 1.2 Korpset kan stå tilslutta interesseorganisasjonar som fremjar det arbeid og formål som korpset har (til dømes Time Musikkråd o.l.) 1.3 Lye Skulekorps er formelt underlagt Time kulturskule når det gjeld opplæring, og det er kulturskulen som tilset dirigent/instruktør etter innstilling/uttale frå styret i korpset. Dette samarbeidet gjeld så lenge kulturskulen betalar for dirigent/instruktør. 2 Formål 2.1 Lye Skulekorps sitt overordna mål er å skape interesse for, utvikle og ivareta korpsmusikk, i eit sosialt godt og trygt miljø. 2.2 Korpset kan drive med tilleggsaktivitetar som drill, storband, ensemblespill og liknande, når styret etter vurdering finn dette aktuelt. 2.3 Lye Skulekorps skal delta ved, og arrangere konsertar, stemner og andre aktuelle arrangement, og samarbeide med andre korps og musikklivet elles. 2.4 Lye Skulekorps skal informere om korpset sine aktivitetar, fremje forståing for korpsrørsla sin kulturelle, sosiale og oppdragande verdi.
3 Medlemsskap 3.1 Elevar som tilhøyrer Lye skulekrets kan bli tekne opp som medlemmer i Lye Skulekorps av korpset sitt styre. 3.2 Medlemsskap for elevar under 15 år må vera skriftleg godkjent av føresette. Ved innmelding i Lye skulekorps blir ein automatisk medlem i NMF. 3.3 Styremedlemmer må vera medlem i NMF. Faste dirigentar og faste instruktørar skal registrerast i NMF sin database. 3.4 Utøvande medlemmer kan stå som medlem til 30. juni det året dei fyller 19 år. Eldre elevar kan unntaksvis stå som medlemmer (ved søknad til styret), men ikkje delta i konsertar og konkurransar organisert av NMFR. 3.5 Musikkorpsåret følgjer kalenderåret. 3.6 Medlemskontingent blir betalt 1 gong årleg, fortrinnsvis i september. 3.7 Når eit medlem sluttar i korpset, og denne har føresette som sit i styret, skal føresette stå i styrevervet ut valperioden. 4 Plikter 4.1 Korpsmedlemmene må overhalde korpset, NMF og regionen sine vedtekter, reglement og lovlige vedtak. 4.2 Alle nye medlemmer skal levera inn opplysningar om medlemskapen på gjeldande innmeldingsskjema. Ved endring av registrerte opplysningar skal medlemmene snarast gje melding til styret i Lye skulekorps. Dei nemnte opplysningane sender styret vidare på gjeldande skjema/medium for registrering i NMF sin medlemsdatabase. Det blir ikkje gitt løyve til reservasjon mot registrering. 4.3 Medlemmene skal møta på øvingar, konsertar og andre oppdrag til avtalt tid. Fråvær skal varslast til dirigent/leiar i god tid på førehand. 4.4 Instrument, uniform og utstyr skal haldast i god stand. Uforsiktig behandling kan medføre økonomisk ansvar for korpsmedlem/føresette. 4.5 Bruk av korpset sine instrument og utstyr i andre musikkaktivitetar, og/eller til vinning av inntekter, skal godkjennast av styret. 4.6 Medlemmene har plikt til å betale kontingentar og anna økonomisk skuld til fastsette datoar. Ved utmelding skal ubetalt kontingent vera innbetalt før utmelding kan bli godteken. 4.7 Medlemmer og føresette plikter å delta i inntektsbringande arbeid, som styret har avgjort.
4.8 Medlemmer som ikkje retter seg etter gyldige regler og vedtekter, eller er til skade for korpset sine aktivitetar/formål kan bli suspendert av styret for eit bestemt tidsrom. I grovare tilfelle kan årsmøtet vedta eksklusjon. Desse saker kan bli anka inn for kretsstyret for endeleg avgjerd. 4.9 Lye Skulekorps skal kvart år sende årsrapport og medlemsopplysningar til NMF på avtalt skjema/medium til fastsett frist. Det blir ikkje gitt løyve til reservasjon mot registrering. 4.10 Lye Skulekorps skal betale kontingent til NMF innan 1. februar. Kontingenten blir rekna etter korpset sine registrerte medlemstal pr. 31. desember. 4.11 Medlemmer som ynskjer å melde seg ut må gje melding om dette til musikkorpset sitt styre. Medlemmer blir meldt ut av NMF ved utmelding frå korpset. Betalt kontingent blir ikkje refundert ved utmelding. 5 Årsmøte 5.1 Årsmøtet er korpset si høgaste myndigheit og skal haldast innan utgangen av februar månad kvart år. Det kan kallast inn til ekstraordinært årsmøte viss styret eller 1/3 av medlemmene krev det. 5.2 Innkalling skal sendast ut minimum fem veker før ordinært årsmøte og to veker før ekstraordinært årsmøte. 5.3 Styret si årsmelding og revidert rekneskap, samt saker til handsaming på årsmøtet, skal sendast ut til medlemmene seinast sju dagar før årsmøtet. 5.4 Saker som medlemmene ynskjer handsama på årsmøtet, må vera styret ved leiar i hende seinast 21 dagar før årsmøtet. Styret pliktar å leggje fram på årsmøtet saker som har kome inn i rett tid. 5.5 Fylgjande har tale-, forslags- og røysterett: Medlemmer som har fylt tolv år. For medlemmer under tolv år kan ein føresett møte med tale- forslags- og røysterett. Styret sine medlemmer i alle saker, dog ikkje røysterett under handsaming av årsmelding og rekneskap. Viss det ikkje er andre til stades utanom styret, kan årsmelding og rekneskap godkjennast av styret. Fylgjande har tale- og forslagsrett: Medlemmer som ikkje har fylt tolv år Fylgjande har talerett: Representantar frå NMF Årsmøtet kan gje talerett til dei som det måtte ynskje.
5.6 Vedtak krev absolutt fleirtal for å vera gyldig (dvs over halvparten av røystene). 5.7 Årsmøte skal handsama fylgjande saker: Godkjenning av innkalling Godkjenning av dagsorden/sakliste Val av møteleiar Val av sekretær Val av to til å underteikne protokollen Godkjenning av årsmelding Godkjenning av revidert rekneskap Saker fremja til årsmøtet Kontingent-fastsetjing Val av styreleiar for eitt år Val av styremedlemmer (som er på val) for to år og varamedlemmer for eitt år Val av revisor for eitt år Val av tre representantar til valkomiteen for eitt år. Styret skal leggje fram forslag på medlemmer i valkomiteen. Vala føregår skriftleg viss nokon krev dette. Dei som blir valt må vera minimum tolv år når dei tek til, ha gyldig medlemskap i NMF og ha sagt seg villig til å ta imot verv. 6 Styret 6.1 Styret i Lye Skulekorps består av leiar og minimum fire styremedlemmer. Fylgjande verv skal fyllast: Leiar, nestleiar, kasserar og sekretær. Styret konstituerer seg sjølv. Varamedlemmene møter på styremøter utan røysterett, og bør bli tildelt oppgåver/ansvarsområder. 6.2 Styret er avgjerdsdyktig når minst 4 medlemmer er til stades, og ved lik avstemming har styret sin leiar dobbelrøyst. 6.3 Styret har fullmakt til å setje ned utval og komitéar etter behov. 6.4 Styret skal leie Lye Skulekorps etter dei vedtak årsmøtet har fatta, og sjå til at alle styresaker/vedtak blir protokollført, og at nødvendig informasjon når ut til medlemmene. 6.5 Styret skal saman med dirigent/musikalsk utval setje opp aktivitetsplan for korpsåret, samt budsjettere og halde økonomien i orden. 6.6 Styret skal utarbeide årsmelding og rekneskap som skal leggjast fram på årsmøtet for godkjenning. 6.7 Tillitsvalte i Lye Skulekorps, samt dirigent, kan bli kalla inn ved behov med tale- og forslagsrett, men utan røysterett.
6.8 Styret er ansvarleg for å hente inn politiattest på dei som har tillits- eller ansvarsforhold overfor mindreårige eller utviklingshemma. 6.9 Styret plikter å rette seg etter beredskapsplan for korps når Lye Skulekorps drar på turar og deltek på arrangement. 7 Oppløysning og utmelding av NMF 7.1 Oppløysing av Lye Skulekorps kan berre gjerast av to påfølgjande ordinære årsmøter. Vedtaket krev 2/3 fleirtal. 7.2 Ved ei eventuell oppløysing, blir Lye Skulekorps sine eigedelar overførte til FAU (Foreldrerådets arbeidsutval) ved Lye skule. Disse skal medverke til at det blir danna nytt korps i distriktet. Viss det ikkje blir danna nytt korps innan fem år, skal eigedelar og midlar nyttast til å fremje musikkinteressen på Lye. 8 Vedtektsendring 8.1 Vedtektsendring kan berre gjerast på ordinært årsmøte med 2/3 fleirtal. 8.2 Ved vedtektsendring skal det presiserast når vedtektsendringa trer i kraft. 8.3 Usemje og tvistar om kva vedtektene tyder blir lagde fram for region- /kretsstyret med forbundsstyret som ankeinstans.