Utval Kommunestyret Møtestad: Teams, overføring via Radio Luster Møtedato: 15.04.2021 MØTEPROTOKOLL Start kl.: 12.00 Slutt kl.: 13:30 Til stades på møtet Medl.: Forfall: Varamedl.: Frå adm. (evt. andre): Ivar Kvalen, SP Marit Aakre Tennø, SP Olav Høyheim Einan, SP Knut Hauge, SP Marianne Bugge, SP Oddmund Løkensgard Hoel, SP Grethe Kristin Leirdal, SP Anja Irene Hilleren-Fåberg, SP Per Steinar Sviggum, SP Jørgen Lomheim Tang, SP Charlotte Alme Bringe, SP Elin Hauge, AP Morten Johan Hovland Vigdal, AP Gunn Beate Thorsnes Lefdal, AP Anette Stegegjerdet Norberg, AP Lars Jørgen Kjærvik, AP Kåre Hønsi, AP Ernst Veum, Frp Geir Arve Sandvik, H Ingar Norberg, H Bård Flattun Lilleeng, H Beate Bondevik Lie, Krf Jon Ove Lomheim, V Ole Martin Bakken, SP Andreas Wollnick Wiese, SP Ann Kristin Sperle, SP Tom Idar Kvam, SP Plansjef Knut Vidar Svanheld i sak 21/21 Rådmann Jarle Skartun, IKT Endre Nordeide. Møtet var kunngjort i lokalavisa, på kommunen si heimeside og facebook. Medlemene hadde ikkje merknad til innkalling og sakliste. Side 1 av 6
SAKLISTE Saksnr. Tittel 19/21 21/1023-1 Godkjenning av møteprotokoll 20/21 21/946-2 Søknad om kommunal medfinansiering driftsbygning Gbnr. 134/3 21/21 20/860-36 Detaljreguleringsplan Bruflat - Grandmo, slutthandsaming 22/21 20/2056-21 Nye Hafslo barnehage Byggjeprosjekt 23/21 21/1024-2 Referatsaker, kommunestyret 15.04.21 Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteket i kommunen, lokalavisa, NRK-Førde og Luster radio.
19/21 Godkjenning av møteprotokoll Det var ikkje merknad til møteprotokollen. Møteprotokoll frå møtet den 18.03.21. Lars Jørgen Kjærvik og Oddmund Hoel vert valde til å skrive under på møteprotokollen. 20/21 Søknad om kommunal medfinansiering driftsbygning Gbnr. 134/3 Formannskapet si tilråding vart samrøystes vedteken. Bente Helene Skildheim Nes og Vidar Nes får innvilga eit rentefritt lån på kr 2 000 000,- til oppføring av ny driftsbygning for mjølkeproduksjon på bruket dei eig og driv på Veitastrond, gbnr. 134/3. Lånet skal vera avdragsfritt første to åra og skal deretter nedbetalast over dei 13 neste åra. Lånet skal sikrast med pant i eigedomen. 21/21 Detaljreguleringsplan Bruflat - Grandmo, slutthandsaming Arbeidarpartiet v/kåre Hønsi sette fram nytt punkt 7.1.1. c: Alle bygg i området skal ha farger gitt av harmoniserande fargepalett bestemt for feltet. Vindskier og glas sine fargar er og gitt av denne paletten. Fagpersonar set opp paletten og denne skal godkjennast av PFU. Framlegget fekk 7 røyster og fall. (AP-gruppa og JOL.) Plan- og forvaltingsutvalet si tilråding vart samrøystes vedteken.
I medhald av 12-12 i plan- og bygningslova, godkjenner Luster kommunestyre reguleringsplan for Bruflat Grandmo med føresegner datert 13.01.2021. Kommunestyret legg til grunn at følgjande endringar er gjort, jf plan og forvaltningsutvalet si tilråding: 1. På sjølve plankartet skal gang- og sykkelveg SGS1 og SGS3 få ei tettare kopling, utan at den kan førast heilt saman. 2. På plankartet skal det visast siktsone/ siktline til alle kryss. 3. I føresegn 5.1.2 skal det inn eit pkt c: «Det skal utarbeidast ei geologisk vurdering av stabilitet i grunn.» 4. Det skal inn ei føresegn som oppmodar om at eksisterande trær på tomt skal visast på situasjonsplan ved byggeløyve, og at desse skal ivaretakast dersom muleg innanfor regulert bustadområde. 5. Reguleringsføresegnene pkt 7.1.1.c vert teke ut or planen. 22/21 Nye Hafslo barnehage Byggjeprosjekt Formannskapet si tilråding: Kommunestyret godkjenner ei kostnadsramme på 50 million kroner til Nye Hafslo barnehage inkl kostnader for tilrettelegging for bruk av det arealet som ikkje vert nytta til barnehage. Kommunestyret legg til grunn at det vert gjort ei revurdering av arealbruken til barnehageformål med mål om at arealeffektiviteten i alternativ A 2 kan betrast med min 10%. Kommunestyret ber om at det vert lagt fram ein samla plan for barnehagen inne og ute, trafikk og parkering, samt utnytting av restareala innomhus før det vert gitt klarsignal for bygging/anbodsutlysing. Senterpartiet v/marit Aakre Tennø sette fram endring/presisering i siste avsnitt i tilrådinga: Kommunestyret ber om at det vert lagt fram ein samla plan for barnehagen. Før det blir gitt klarsignal for bygging/anbodsutlysning må ein i det vidare arbeidet: * sikre ei god løysing for trafikk og parkering. *sikre god planløysing for areal til barnehage både ute og inne *ha ein god plan for restarela innomhus *sikre god dialog med naboar/ grunneigarar i den vidare prosessen Formannskapet si tilråding med endra siste avsnitt vart vedteken mot ei røyst. (JLT)
Kommunestyret godkjenner ei kostnadsramme på 50 million kroner til Nye Hafslo barnehage inkl kostnader for tilrettelegging for bruk av det arealet som ikkje vert nytta til barnehage. Kommunestyret legg til grunn at det vert gjort ei revurdering av arealbruken til barnehageformål med mål om at arealeffektiviteten i alternativ A 2 kan betrast med min 10%. Kommunestyret ber om at det vert lagt fram ein samla plan for barnehagen. Før det blir gitt klarsignal for bygging/anbodsutlysning må ein i det vidare arbeidet: * sikre ei god løysing for trafikk og parkering. *sikre god planløysing for areal til barnehage både ute og inne *ha ein god plan for restarela innomhus *sikre god dialog med naboar/ grunneigarar i den vidare prosessen 23/21 Referatsaker, kommunestyret 15.04.21 Framlagt: Saksprotokoll fsk.sak 48/21, kompensasjonsordning til lokale verksemder i samband med pandemien. referert, ordføraren orienterte om formannskapet si drøfting av saka. Rådmannen orienterte om at den statlege løyvinga er auka med 283.000 som og vert lagt inn i ordninga. Årsrapport 2020. handsaming i Kontrollutvalet 27.04, fsk 19.05 og kst 27.05. referert. Rådmann orienterte kort om rapporten; godt økonomisk resultat, bra måloppnåing, god Koronahandtering, men pandemien har påverka produksjon/framdrift på ein del saker. Informasjon frå ordførar: Sogn Regionråd har møte 21.04.; Regionalplan og innspel til RTP er sentrale saker. Open post: Ernst Veum spurde om status på utbygging av nærings-/industriområdet på Galdetoppen. Han etterlyste ei betre marknadsføring av dei ledige tomtane. Han spurde og om det vert kravd leige for lagring av ved på området. Ordføraren svara at han tek med seg innspelet og viste elles til at det siste dagane hadde vorte meldt interesse frå 2-3 interessentar som kan vere interessert i å etablere seg på området. Gunn Beate Thorsnes Lefdal viste til drøfting i SU for Gaupne barnehage omkring framdriftsplan for utbygging av Gaupne barnehage. Ho viste til det viktige å sikra barn og tilsette ein trygg kvardag i byggeperioden og gode nok trafikale løysingar ved levering og henting. Ho etterlyste og kor lenge det vil ta å få svar frå arbeidstilsynet på bruk av Raud avdeling eit år ekstra. Rådmann svara at tiltaket er under gjennomføring som planlagt, men at han ikkje kjenner den detaljerte framdriftsplanen. Barn og tilsette er sikra via arbeidsmiljø-lova og den må me etterkoma på best mogeleg måte i byggeperioden. Arbeidsmiljøutvalet skal handsama saka om utbygginga og bruk av Raud avdeling på sitt møte 19.05 og saka vert så sendt over til
Arbeidstilsynet for godkjenning. Rådmannen meiner det ligg godt til rette for naudsynte godkjenningar/løyve og at det ikkje vil ta så lang tid før svar ligg føre. Lars Jørgen Kjærvik viste til medverknadsprosessen i kommuneplanen sin samfunnsdel,(kps) og at ein i innspelsrunden samla inn personsensitiv informasjon. Det er strenge krav til korleis slik informasjon vert lagra og dette må kommunen ta på alvor. Han spurde og korleis det er med vidare innspelsrundar. Rådmann lova å ta innspelet til etterretning i høve handtering av personopplysingar. Når det gjeld innspel så er det fleire aktivitetar på gang, m.a. møter med lag og organisasjonar og kommunestyret vil slik det no er planlagt komme tilbake til tema på KPS i juni-møtet. Etter utarbeidd grunnlag for planen vil det og bli ein formell høyringsrunde. Det vart ikkje gjort vedtak i saka.