Møtestad: Sognefjord Hotell Møtedato: 15.12.2009 Tid: 09.00 MØTEPROTOKOLL Formannskapet SAKLISTE: Sak nr. Arkivsak nr. Tittel 138/09 09/49 Eigedomsskatt - 2010 139/09 09/661 Sluttrekneskap fleirbrukshall og del av fellesareal Saften AS 140/09 09/617 Reguleringsplan for bustadfeltet Sanden - utlegging til offentleg ettersyn 141/09 09/508 Oppmodning om busetting av flyktningar i 2010 142/09 09/652 Innføring av elektronisk møteavvikling 143/09 09/646 Honorar eigedomsskattenemnd 144/09 07/607 Geitadalsvegen - ferdigstilling 145/09 09/18 Rullering av kommunal plan for idrett og fysisk aktivitet 2008 2020. 146/09 09/352 Endring av reguleringsplan for Riverdalen - utlegging til offentleg ettersyn 147/09 09/625 Løyve til tiltak- Austaberg 148/09 09/671 Orienteringar
Eigedomsskatt -2010 Framlegg frå Jarle Andersen til nytt kulepunkt fem: I medhald av eigedomsskattelova 7, bokstav c, vert det gitt fritak i 5 år for nybygg som vert nytta til bustad. Framlegg frå Birte Fossheim til endring i tredje setning i kulepunkt tre: Satsen for bustader vert sett til 2,5 promille. Framlegget frå Birte Fossheim vart vedteke med 3 mot 2 røyster. Framlegget frå Jarle Andersen fall med 3 mot 2 røyster. Vedtak: Tilrådinga vart vedteken med endringsframlegget frå Birte Fossheim. Formannskapet sitt VEDTAK lyder etter dette slik, 3 mot 2 røyster: Med heimel i eigedomsskattelova 2 og 3 vert det skrive ut eigedomsskatt i Leikanger kommune. I medhald av eigedomsskattelova 3 og 4 vidarefører kommunen utskriving av eigedomsskatt i område som heilt eller delvis er utbygde på byvis eller der slik utbygging er i gang. Eigedomsskatt på verk og bruk vert vidareført for heile kommunen. Leikanger kommune vedtek å vidareføre eigedomsskatt i området Sogndal grense i aust til krysset rv 55 / Valbrekkevegen i vest. Grensa mot sør fylgjer kommunegrensa i sjøen og i nord yttergrensa for fast busetnad. Grensa vert vist på vedlagde kart. I medhald av lov om eigedomskatt 3, vert eigedomsskatt for verk og bruk vidareført for heile kommune. I samsvar med 11 vert eigedomsskatten fastsett til 7 promille. I medhald av 12 a, vert det fastsett ulik promille for bustaddelen i eigedomar med sjølvstendige bustaddelar. Satsen for bustader vert sett til 2,5 promille. Det vert teke atterhald om at promillen kan bli justert våren 2010.
Det vert gitt fritak etter 7, bokstav a, til fylgjande eigedomar: Leikanger Bedehus Leikvang, Leikanger ungdomshus Lagshytta til Leikanger Skyttarlag Kyrkjelydshuset Lokala til Leikanger MC-klubb Fritaket gjeld for fram til kommunestyret fastset noko anna. Tidlegare vedtak om fritak etter 7, bokstav c, vert ikkje vidareført. Ved taksering og utskriving av eigedomsskatt nyttar kommunen tidligare vedtekne skattevedtekter. 139/09 Sluttrekneskap fleirbrukshall og del av fellesareal Saften AS Jon Rødsætre, Asplan Viak, orienterte. Leikanger kommunestyre vedtek at meirkostnader utover bokførte og omsøkte inntekter i tidlegare finansieringsplan, kr 8 000 000, blir finanisert slik: Overføring frå drift, refundert meirverdiavgift kr 4 500 000 Bruk av kraftfond kr 2 500 000 Låneopptak, eksternt lån kr 1 300 000 Sum kr 8 300 000 Rådmannen får fullmakt til å gjennomføre låneopptak og godkjenne lånevilkåra.
Kommunestyret føreset at det blir gjennomført forhandlingar med øvrige eigarar av bygget vedk fordeling av byggekostnader knytt til tekniske rom, endra spennkonstruksjon halldekke, varmepumpe og treningsrom. 140/09 Reguleringsplan for bustadfeltet Sanden - utlegging til offentleg ettersyn I samsvar med 12-10 og 11 i Plan- og bygningslova vert privat framlegg til reguleringsplan av 20.11.09 for bustadfeltet Sanden sendt på høyring og lagt ut til offentleg ettersyn. 141/09 Oppmodning om busetting av flyktningar i 2010
Leikanger kommune vedtek å ta imot inntil 5 flyktningar for busetjing i 2010. Mellom desse bør det vera ein familie, evt. ei gruppe ungdom med tanke på etablering av eit bufellesskap. Ein føresetnad for å kunne ta imot fleire flyktningar er at kommunen kan skaffa til vege høvelege bustader. 142/09 Innføring av elektronisk møteavvikling Leikanger kommune vedtek at det blir innført elektronisk møteavvikling frå januar 2010. 1. Ordninga blir i fyrste omgang innført som ei prøveordning. Kommunestyret føreset at ordninga blir evaluert etter 1 års prøvetid. 2. Medlemmene av kommunestyret får godtgjort kr 2 500,- pr. år for bruk av eigne private pc-ar. 3. Kommunen stiller pc til disposisjon for dei som ikkje kan nytte eigen maskinvare. 143/09
Honorar eigedomsskattenemnd Medlemer i skattetakstnemnda får i tillegg til godtgjersle for tapt arbeidsforteneste, utbetalt kr. 200,- pr time. 144/09 Geitadalsvegen - ferdigstilling Ordførar Olav Lunden ba om å verta friteken i handsaminga av saka på grunn av eigarskap i vegen. Formannskapet godkjende dette. Varaordførar Jarle Andersen tok over møteleiinga. Møtet var sett med fire medlemmer. Framlegg frå Astri Taklo til nytt første avnitt: Leikanger formannskap finn ikkje å kunne akseptera at øverste delen av vegen er bygd innanfor reglane for enkle traktorvegar. Formannskapet finn likevel under sterk tvil ikkje å forfølgja saka vidare. Vedtak: Tilrådinga vart samrøystes vedteken med endringsframlegget frå Astri Taklo. Formannskapet sitt VEDTAK lyder etter dette slik, samr.: Leikanger formannskap finn, under sterk tvil, å kunne akseptera at øverste delen av vegen er bygd innanfor reglane for enkle traktorvegar. Det er ved avgjerda lagt særleg vekt på at kommunen sin sakshandsamar har hatt ein tett dialog med vegstyret i byggetida.
145/09 Rullering av kommunal plan for idrett og fysisk aktivitet 2008-2020 Leikanger formannskap godkjenner endringane i handlingsprogrammet til kommunal plan for idrett og fysisk aktiviet 2008 2020 slik det går fram av oversikta for utbyggingsprosjekta med endringar for 2010 og 2011. 146/09 Endring av reguleringsplan for Riverdalen - utlegging til offentleg ettersyn Formannskapet sitt VEDTAK lyder etter dette slik, samr.: I samsvar med 12-10 og 11 i Plan- og bygningslova vert privat framlegg til reguleringsendring av 03.11.09 for Riverdalen sendt på høyring og lagt ut til offentleg ettersyn. 147/09 Løyve til tiltak- Austaberg Formannskapet sitt VEDTAK lyder etter dette slik, samr.:
Leikanger formannskap gir løyve til bygging på bustadtomta i samsvar med situasjonsplan av 04.12.09. 148/09 Orienteringssaker: 1. Ordførar la fram møteplan for formannskap og kommunestyre for heile 2010