Periferifestivalen og Bergen Næringsråd presenterer konferansen Periferien som rom for nyskaping 27. og 28. august 2009 I havgapet sørvest på Sotra ligg Glesvær, det perifere sentrum for Periferifestivalen. I samarbeid med Bergen Næringsråd og Vest Næringsråd inviterer festivalen til ein konferanse der fokus blir satt på periferien som arena for nyskaping. Bygda, havet og naustmiljøet gjev stemning og atmosfære der havsus møter skaparvilje. Konferansen går over to dagar: Torsdag 27. august samlast leiane forskarar frå fem ulike miljø som har fokus på tema, og ynskjer å diskutere og dele sine funn og kunnskap. Og du er hjerteleg velkommen til å ta del i kunnskapsdelinga. Fredag 28. august gjev forskarane oss eit innblikk i konturane av suksessfaktorane for nyskaping i handlingsrommet sentrum-periferi. Vi tar teorien inn i praksis med eksemplar på at det er rom og muligheit, på stader ein aldri skulle tru at noko kunne skje. Vi still spørsmålet: kan ein perifer posisjon vere eit komparativt fortrinn? Sjølve konferansen vert avslutta fredag ettermiddag men det gjer ikkje opplevingane. Dei som ynskjer er hjarteleg velkommen til å bli med vidare inn i kvelden med båttur, middag og Periferifestival.
Periferien som rom for nyskaping Nyskaping skjer i periferien! Microsoft forvandla Silicon Valley frå ein tom og livlaus utkant til eit potent sentrum, slik det også hende i Nokia i Finland. Samhandling mellom aktørar i kultur- og næringsliv har i den siste tida sett Voss på kartet som senter for ekstremsport og opplevingsturisme. Med denne konferansen vil vi setje fokus på fortrinn og ulemper som aktørar frå kultur- og næringsliv opplever lokalt og nasjonalt i samband med å få til nyskaping i periferien. Det som er sentrum for nokon, kan vere periferi for andre. Medan Sotra er periferi for Bergen, er Bergen periferi for Oslo, som igjen er periferi for Berlin. Under denne konferansen byrjar vi med å samle eit stort nettverk av forskarar og aktørar som ser på nyskaping i handlingsrommet sentrumperiferi. Vi ventar at konferansen kan vere med på å skape forståing kring dette handlingsrommet, og bevisstgjering om moglegheitene i det. Vi spør: Korleis kan sentrum dra nytte av periferi, og omvendt, slik at dei opplevast som betre stader å leve i? Er potensialet i møtet mellom periferi og sentrum nytta godt nok? Korleis kan sentrum fornye seg ved å sjå på seg sjølv som ein periferi? Konferansen inviterer ulike aktørar desse to dagane til å sjå på konkrete dømer på korleis dette vert gjort. Designet vi håpar å sjå konturane av i denne konferansen skal såleis kunne utviklast vidare og nyttast som eit verktøy for nytenking, presentasjon og marknadsføring i sentrum og periferien.
Periferikonferansen fredag 28. august 1130 Avgang buss frå Bergen til Sotra Lunsj og opplevingar på Golta Transplant internasjonal design frå periferien Øko-Sol-Hus framtidas berekraftige hus Hyllest til periferien om bord på MS Glesnes Kirsti Hjemdal Mathiesen: På leit etter ein design for periferiens komparative fortrinn Diskusjon: Periferiens komparative fortrinn en realitet eller utopi? Kuratorgruppa Pikene på broen Solveig Øvstebø: Kunsthallen - frå perifer institusjon til premissleverandør Etter ein dag med givande innlegg, ny inspirasjon og gode diskusjonar fortset ettermiddagen og kvelden på Glesvær med herleg lakseburgar med mangochutney til middag. Etterpå startar Periferifestivalen, og konsertar med band som Odd Nordstoga, Farmers Market, Katzenjammer, Plokabjørn og Kleineheine, Oddvar Torsheim m/ Birger Meland.
Periferikonferansen torsdag 27. august 10.00 Velkommen 10.10-11.35 Seksjon/paneldebatt 1: Arkitektur i periferien Innledning v. Siri Skjold Lexau Øko-Sol-Hus v. Hubert Becher og Torgeir Skorgen Bergen Arkitekthøyskole Diskusjon 11.35-12.30: Lunsj 12.35 14.20 Seksjon/paneldebatt 2: Grenser og regioner Innledning om grenseregioner v. Sissel Lægreid og Torgeir Skorgen Kuratorgruppen Pikene på broen Overgangs/Grense-Kaffi Sted, region og identitet: Torunn Selberg Diskusjon/debatt 14.20-14.40: Kaffi 14.45-14.55 Seksjon/paneldebatt 3: Glokalisering: periferien som komparativt fortrinn Region og regionalisering: Randi Barndon Kirsti Hjemdal Mathiesen: Mellomromkompetanse Diskusjon: På leit etter ein design Innledning og debattledelse: Knut Ove Arntzen 16:30 19:00 Middag og båttur
Praktisk informasjon Transport: Det vil gå buss frå Bergen Sentrum til Sotra kl 1130 på fredag. På heimturen har du fleire muligheiter; det vil bli satt opp ein buss som returnerer ca ved midnatt frå Glesvær, Tide set opp ekstra busser i tillegg til dei vanlige rutene frå Glesvær. Pris: Fredag: kr 2100 (inkl. konferanse fredag, lunsj, middag, transport og festivalpass til Periferifestivalen) Torsdag: kr 1500 (inkl. konferanse torsdag, lunsj, middag) Begge dagar: kr 3000 (inkl, konferanse, lunsj, middag begge dagar, transport til og frå Glesvær på fredag og festivalpass til Periferifestivalen fredag) Påmelding: For meir informasjon og påmelding til konferansen: http://www.bergen-chamber.no/?page=5&news=1493 For meir informasjon kontakt Cecilie Beate Wilson Ramstad, Bergen Næringsråd t: 55 553906 Bodil Kjelstrup, Periferifestivalen m: 92235420 e: bodil.kjelstrup@perierifestivalen.no