Borgund 100 år folkehøgskole Livsverkstad mellom hav og fjell
Program for jubileumsåret 2014 I 1914 vart Borgund folkehøgskole etablert i Nørvasundet som Møre Ungdomsskule. I 2014 feirar vi 100 år med rivende utvikling. Skulen er flytta til Hatleholen, i dag er skuleanlegget renovert og utbygd til ein stor folkehøgskole med spesielt gode idretts- og konferansehallar. I 1949 gjekk skuleturen til Trondheim, i 2014 reiser alle til Israel og reisemålsgrupper dreg ut i heile verda, sjølv New Zealand er ikkje for langt borte. I 1914 ville dei lage ein kristen skule som gav unge ei retning for livet. Borg anno 2014 er i same spor skuleåret ved reiseskulen i Ålesund skal vere ei reise for livet. Vi ønskjer foreldre til elevar, tidlegare elevar, sunnmøringar og verdsborgarar, nye og gamle Borgvener velkomen til å bli kjent med 100 åringen gjennom denne jubileumshausten. Set av tid til nokre jubileumshendingar og velkomen til Jubileumsåret 2014!
Elevstemnet Laurdag 14. juni søndag 15. juni. Invitasjonar utsendt og påmelding til skulen. Elevstemnet er årvisst. Jubileumsmarkeringa vår startar denne helga. Det er høve til å kombinere elevstemnet med deltaking i jubileumskoret. Jubileumskor Fredag 13 juni kl 19.00-22.00. Laurdag 14 juni kl 10.00-13.00 Fredag 26. september kl 19.00-22.00 Deltaking ved jubileumsfest laurdag 27. september kl 17.00 og jubileumskonsert søndag 28. september kl 17.00. Påmelding til skulen. Bli med på jubileumskoret som skal delta i jubileumshelga! Vi ønskjer oss eit kor på omkring 40 songarar som skal delta ved jubileumsfesten og jubileumskonserten i september. Dirigent er Ragnhild Eide Akslen. Ho dirigerer Ålesund kammerkor, har songutdanning frå Bergen og København og er lærar for den nye Vokal New Orleans New York som startar opp til hausten. Det blir nyskrive musikk til jubileumskoret. Koret er for alle tidlegare Borgelevar! Midtsommerkonsert med Sunnivakoret Søndag 22. juni kl 16.00. Per Oddvar Hildre (PROTS) er tidlegare Borgelev og no også lærar ved Borgund folkehøgskole. Han held kortkurs for oss i samarbeid med Sunnivakoret. Resultatet får vi del i gjennom konsert ved Borg denne søndagen. Sunnivakoret kjem direkte frå festspela i Bergen og i konserten medvirkar Birgitte Grytten Velsvik, solist, Per A. Skorgen piano, Svein Hunnes, bass, Miki Campins, perkusjon. Meir informasjon og plakat på skulen sine heimesider.
Denne augustveka kan du få oppleve nokre av dei finaste turane på Sunnmøre med lokalkjende medvandrarar. Mange foreldre til tidlegare elevar har ønska å bli med på noko av alt elevane får oppleve gjennom eit skuleår på Borg. Dette er sjansen! Du kan velje å bli med på alle turane eller bli med på enkeltturar. Vi har sett saman eit program som vi trur skal bli like interessant for sunnmøringar som for tilreisande.
Åkernesremna Torsdag 7. august kl 7.55 19.10. Påmelding til skulen. Kr 550,- inkl transport. Åkernesremna er sprekka som utvidar seg i ein berghammar over Storfjorden. Eit filmselskap er i skrivande stund i gang med den filmen om katastrofa som kan hende når fjellhammaren losnar og utløyser tsunami i fjordarmane innover mot Geiranger og utover til Borg. Vi får bli med til remna saman med Helge Åkernes, Lars Johan Klokk, kjentmann Magne Åkernes og geolog Ingrid Skrede. Fredag 8. august er open til å utforske Ålesund og øyane på eiga hand. Skageflå Laurdag 9. august kl 07.30 22.30. Påmelding til skulen. Kr 865 inkl transport og buffét. Denne turen går med buss frå Borg, med båt frå Geiranger til Skagehola før vi tek til vandring opp mot Skageflå, over Homlongsætra og attende til Geiranger der ein kan velje vandring i gata, besøk på Fjordsenteret, bading på Hotel Union før vi avsluttar med middagsbuffé på Hotell Union og retur til Borg. Skageflå vart kjend då kongeparet inviterte konglege frå heile Europa til lunsj på tunet her då dei feira sølvbryllaupet i 1993. Utsikta her er eit ikonisk bilete frå Geirangerfjorden. Turen blir leia av Helge Åkernes og Lars Johan Klokk. Jønshornet 1419 moh. Søndag 10. august kl 09.00 kl 19.00. Påmelding til skulen. Kr 350,- Jønshornet eller Ramoen som fjellet ofte kallast frå gamalt av, er ei perle i Sunnmørsalpane. Fjellet er godt synleg frå Borg som den skarpaste tinden vi ser rett over fjorden, og har vore eit kjært turmål for Borgelevar i mange år. Med si utrulege utsikt til alle kantar over både fjell og hav, får du her ei spektakulær, men likevel heilt overkommeleg oppstigning. Vi sender ut turskildringar med pakkeliste til dei som melder seg på eller ber om det. Påmelding kan skje på eige skjema på heimesidene våre eller pr telefon. Dei som vel å bli med på alle tre turane blir rekna som kortkursdeltakarar ved Borgund folkehøgskole og får 15% rabatt på enkeltprisane. Vi har noko kapasitet til overnatting på skulen. Alle turane er sett opp med avreise og tilbakekomst til Borg
Helga 27.-28. september inviterer vi til hovudmarkering av Borgund folkehøgskole 100 år! Jubileumsfesten Laurdag 27. september kl 17.00. Påmelding til skulen. Festtale ved Bjarne Kvam, jubileumskor og musikkinnslag. 100-årsglimt og god mat. Jubileumskonsert Søndag 28. september kl 17.00. Åpent arrangement fleire detaljar kjem på heimesida. Ei musikalsk feiring av folkehøgskulen vår i tonar og ord. Odd Johan Overøye, Ragnhild Eide Akslen, Jubileumskor og mange fleire tek del i denne konserten.
Jubileumsseminar Fredag 14. november kl 10.00-15.00. Påmelding til skulen. Kr 200 inkl lunsj. Tema Demokratibygging og verdibygging Vi har fått med oss professor Frank Aarebrot og reder Per Sævik til å gi oss ein eineståande seminardag på Borg. Dette er dagen vi vil fylle festsalen med interesserte som vil reflektere saman med oss om kva slags verdibygging vi har stått for på Sunnmøre, i folkelege rørsler og i folkehøgskular, enten det gjeld demokratiutvikling eller næringslivsutvikling. Kva er det viktige i arven vår som vi skal utvikle vidare for framtida? Norske bedrifter som engasjerer seg i utlandet får merke fruktene av eit godt omdøme; kva består dette omdømet av? Jubileumsbok Jubileumsboka vår Borgund folkehøgskole 100 år livsverkstad mellom hav og fjell, er ei flott bildebok med historiefortelling og historier, bildefortellingar og statistikk. Den er obligatorisk i bokhylla til alle Borgvener. Du får den tilsendt ved å kontakte skulen pr tlf eller bestillingsskjema på heimesida. Kr 300 + porto. Jubileumsfond Vi inviterer Borgvener til å stille kapital til rådvelde for skulen ei periode. Skulen er godt utbygd no og har stort lån. Om vi låner kapital av skulevener til ei avtalt lav rente, vil det ta bort noko av risikoen vi ber på om det skulle kome ein renteoppgang. Innskote beløp blir sikra med pant. Vi inviterer Borgvener til å vurdere og be over om dette er noko de kan bli med på for ei periode. Ta kontakt med skulen. Jubileumsgåve Til slutt Jubileumsåret er høvet til å gi ei jubileumsgåve til skulen. Vi står i eit stort og viktig kristent ungdomsarbeid, like viktig i 2014 som det var i 1914. Ver med å bere dette arbeidet vidare støtt skulen din. Gåvekonto 8220 02 20788, merk innbetalinga Jubileumsgåve.
Eg ser på året som ein ekstra sterk årring i ei trestamme. Den står der og verner kjernen i livstreet mitt. 4 τ Herre, lat meg kjenna dine vegar. Lær meg dine stigar! - Salme 25 Kontakt: Heimeside: www.borgfhs.no Email: admin@borgund.fhs.no Sentralbord: 70177600