Sakshandsamar, innvalstelefon Anniken Friis, 5557 2323 Vår dato 28.02.2012 Dykkar dato 21.09.2011 Vår referanse 2011/12451 561 Dykkar referanse 08/2132 NVE - Norges vassdrags- og energidirektorat Postboks 5091 Majorstua 0301 OSLO Fråsegn til søknad om utbyggingsforslag frå Rullestad og Skromme Energi AS i Etne kommune -------------------------------------------------------------------------------------------------------------- Den naturfaglege dokumentasjonen i konsekvensutgreiinga er etter Fylkesmannens syn tilstrekkeleg til å tilfredsstille krav til kunnskapsgrunnlag, jf 8 i naturmangfaldlova, men den undervurderar negative konsekvensar for nasjonale og regionale verdiar knytt til friluftsliv, reiseliv, naturverdiar og landskap. Fylkesmannen prioriterer å sikre dei nasjonale og regionale verdiane knytt til det større samanhengande naturområdet frå Sørdalen mot Etne- og Saudafjella, og fremjar motsegn mot utbyggingsalternativa sør for Dalelva, Bordalen 1, 2 og 3 og Rullestad 1. Fylkesmannen motsetjer seg ikkje utbygging av Kvernhuselva, Skromme og Rullestad 2 dersom vassdrags- og opplevingsverdiane ved Skromsfossen og Rullestadjuvet vert ivaretekne gjennom konsesjonsvilkåra. Fylkesmannen viser til høyring på konsesjonssøknad med konsekvensutgreiing frå Rullestad og Skromme Energi AS om vasskraftutbygging i Rullestad og Skromme, og til vår uttale av 1. september 2008 til søknad om fritak frå Samla plan. NVE gjennomførte orienteringsmøte om konsesjonssøknaden i Etne rådhus 23. november 2011. På dette møtet vart det og orientert om søknad frå Sunnhordland Kraftlag AS (SKL) om nye kraftliner Tøsse Rullestad, Blåfalli Brandvik og nye transformatorstasjonar i Blåfalli III og Rullestad. Dette er planar som er til høyring parallelt. Fylkesmannen har fått utsett høyringsfrist. Tidlegare handsaming Vassdraga er tidlegare vurdert for kraftutbygging. Handsaming av Sauda-utbygginga førte den gong til at overføringa ved Bordalselva og Sagelva vart teke ut av prosjektet på bakgrunn av høg konfliktgrad. Rullestad og Skromme Energi AS søkte i 2008 om unntak frå Samla Plan. Fylkesmannen rådde frå unntak for Bordalen 1 og Bordalen 2, med spesiell vekt på konflikt med villmarksprega område. I vedtak av 8. oktober 2009 ga Direktoratet for naturforvaltning(dn) Statens hus Kaigaten 9, 5020 Bergen Telefon: 55 57 20 00 Telefaks: 55 57 20 09 Miljøvern- og klimaavdelinga Postboks 7310, 5020 Bergen Telefaks: Org.nr: 974760665 E-post: postmottak@fmho.no Internett: www.fylkesmannen.no/hordaland
unntak for dei aktuelle prosjekta, og opna dermed for å søkje konsesjon. DN presiserte likevel: Et unntak fra Samla plan betyr derfor ikke automatisk at konsesjon vil bli gitt, eller at det ikke kan bli stilt strengere krav til miljøtilpasninger enn det som er forutsatt i prosjektsøknaden. Konsesjonssøknaden skal no vurderast ut frå betra kunnskapsgrunnlag og etter reglene i naturmangfaldlova. Kort om omsøkte alternativ Utbyggjar søkjer primært om løyve til full utbygging etter hovudalternativet, jf. kap. 6.2 i søknaden. Deretter vert det søkt om utbygging etter 6 andre kombinasjonar i prioriteringsrekkefølgje: Prioriterte alternativ Namn Produksjon GWh Alternativ 1 Hovudalternativ 148,8 Alternativ 2 Bordalen 2 125,5 Alternativ 3 Bordalen 3 110,3 Alternativ 4 Rullestad 1 93,1 Alternativ 5 Hovudalternativ utan Rullestad 2 110 Alternativ 6 Hovudalternativ utan Bordalen 1 58,2 Del av linekostnad for tilknyting til hovudnettet er sett til 100 mill kroner for dei to største alternativa. Kostnader for lina er ikkje fordelt for kvart einskilt kraftverk, men lagt til samla utbyggingskostnad (kr/ kwh) for dei ulike alternativa. Estimert pris for utbygging ligg mellom 3,34 kr/kwh (hovudalternativ) og 4,66 kr/kwh (alternativ 6). Søkjar meiner alle alternativa er teknisk og økonomisk forsvarlege. Overordna merknader Fylkesmannen skal sjå til at nasjonale mål for å ta vare på fjellområde, inngrepsfrie naturområde, vassdragsnatur, landskap og friluftsliv vert følgt opp i planlegginga, både hjå kommunar og sektorstyresmakter. Kraftutbygginga vil påverke framtidig utvikling av reiseliv og turisme i området. Omfanget av dette vil avhenge av alternativet som vert godkjent. Merknader til verdsetting og konfliktvurderingar Fylkesmannen har konsentrert merknadene til søkjar si verdsetting og fastsetting av konsekvensar, då dette er relevant for konklusjonane, jf. tabell 0-2 i søknaden. Fylkesmannen har konsentrert seg om driftsfasen. Når det gjeld anleggsfasen legg vi til grunn at NVE pålegg tiltakshavar å nytte teknikkar og måtar som tek omsyn til naturverdiar jf. naturmangfaldlova 11 og 12. Den naturfaglege dokumentasjonen i konsekvensutgreiinga er etter Fylkesmannens syn tilstrekkeleg til å tilfredsstille krav til kunnskapsgrunnlag, jf. 8 i naturmangfaldlova. Verdivurdering i fylkesdelplanen Fylkesmannen legg konklusjonane i fylkesdelplanen for små vasskraftverk i Hordaland til grunn i si vurdering. I planen er det lagt opp til ei samla forvaltning av vassdraga i delområde Matre-Åkrafjorden, eit område som og inkluderar Rullestad og Sørdalen. 2
Planen viser tabellar for verdisetting, jf. kap 3. Verditabellar for sårbart høgfjell (tabell 3-1) og inngrepsfrie naturområde (tabell 3-4) er spesielt relevante. Følgjande har stor verdi: høgfjellsområda og friluftsområda i fjellet, inngrepsfri natur og dei urørde delane av deler av Åkrafjorden. For reiseliv i Sunnhordland og Haugalandet er området omtala med stor verdi og stort potensiale. Åkrafjorden, Langfoss, Eikemodalen og Rullestadjuvet er spesielle trekkplaster. Det er rimeleg at den faglege dokumentasjonen i fylkesdelplanen vert vektlagt. Undervurdering av konfliktnivå for landskap og opplevingsverdi Konklusjonane frå delrapport om naturmiljø og naturmangfald er at omsøkte utbyggingar ikkje fører til store negative konsekvensar. Konfliktgraden er vurdert til liten-middels. Fylkesmannen kan slutte seg til dette. Analysen som er gjort i delrapport friluftsliv, turisme og reiseliv dokumenterer store verdiar, og i tillegg potensiale for stor verdiauke. Også i denne rapporten er konflikt med utbygging sett til liten - middels for hovudalternativet, den same konfliktgrad som for naturmangfaldet. Analyseverktøyet synest å vere brukt svært ulikt for desse to fagområda. Eit anna døme er landskapsvurderingane. I Rullestad 2 er konsekvensane for landskap sett til middels negativ med Skromsfossen som blir langt mindre mektig, eit Rullestadjuv som vil framstå som meir eller mindre tørrlagt og godt synleg inntaksdam. Her burde heile skalaen for konfliktnivå vore nytta. Konklusjonane til utbyggar samsvarar heller ikkje med verdisettinga i fylkesdelplanen. Fylkesmannen meiner såleis at dei fleste av utbyggingsalternativa vil ha stor negativ konsekvens for friluftsliv, reiseliv, turisme og landskap. Inngrep og eigenverdi av urørt natur Også arealinngrepa knytt til kraftutbygginga er undervurdert som konflikt i søknaden, til dømes dei mange inntaksområda som representerer dammar på 3 til 5 m høgde, med vatnspegl på opp til 500 m 2, tippområde opp til 75 000 m 3, nedgrave røyrgater og vegar i fleire kilometers lengde. Summen av desse arealinngrepa blir svært høg dersom alle utbyggingsprosjekta vert realisert. Konsesjonssøknaden undervurderer sumeffekten av desse inngrepa. Fleire område vert i konsekvensutgreiinga vurdert å ha liten verdi for friluftsliv og reiseliv fordi dei ikkje er tilgjengelege eller vert nytta av turfolk i dag. Eigenverdi av urørt natur, inkludert vassdragsnaturen, er ikkje vektlagt. Dette kjem spesielt til syne i Bordalen, som er karakterisert ved sitt tronge og dramatiske landskap. Som urørt naturområde representerer dalen ein eigenverdi både no og for framtidige generasjonar. Samstundes har dalen potensiale for framtidig småskala reiselivsutvikling. Verdsettinga og konflikt med landskap, friluftsliv og opplevingsverdi i Bordalen er etter vår vurdering undervurdert i konsekvensutgreiinga. Usikkert beslutningsgrunnlag om samfunnsmessige konsekvensar Grunneigarane bak utbygginga har arbeidd med ein avtale for bruk av inntekter frå fallrettane til fordel for einskildbruk og lokalsamfunnet. Planane om å danne eit lokalt utviklingsselskap 3
for næringsutvikling kan ha eit potensiale i seg, men er vanskeleg å vektlegge, slik det er presentert i søknaden. I følgje konsekvensutgreiinga, vil omsøkte utbygging kunne generere tilleggsinntekter til landbruket. Konklusjonane er basert på svak dokumentasjon. Vegar som vert bygd i samband med kraftutbygging må ha standard som skogvegar i tråd med landbruksvegforskrifta dersom dei skal nyttast. Kommunen må avklare tilhøvet til overordna skogplan. Når det gjeld bruk av tippområde som framtidig dyrkingsareal er det uklårt om dette er økonomisk lønsamt, då ein truleg må importere dyrkingsjord frå andre stader. Konklusjonane som gjeld konsekvensar for befolkningsutvikling og lokalt næringsliv er basert på føresetnader som er vanskeleg å kvalitetssikra. Fylkesmannen meiner at dei samfunnsmessige konsekvensane er dårleg utgreidd, og at det eventuelt bør setjast krav om tilleggsutgreiingar. Med den kunnskap som så langt ligg føre vurderer fylkesmannen konsekvensane for samfunnsmessige tilhøve for ubetydeleg (0). Vurdering av samla verknad Naturmangfaldlova set krav om å vurdere samla belastning på naturmangfaldet jf. 10. Søkjar har ikkje lagt fram dokumentasjon som viser samla verknader, og NVE har overlete til høyringsinstansane å kommentere dette. For å vurdere landskapsverdiane bør eksisterande inngrep, konsesjonsgitte tiltak og anna omsøkt utbygging i området takast med. I følgje fylkesdelplanen har delområde Matre - Åkrafjorden eit stort potensiale for småkraft, med 78 moglege småkraftanlegg med til saman140 GWh ny kraft, jf. fig. 5-14 (2002). I følgje saksutgreiinga frå fylkesrådmannen ligg det pr juni 2011 føre søknad om utbygging av i alt 11 kraftverk i Etne kommune, med samla produksjon på ca.132 GWh. Det er gitt 9 konsesjonar med samla produksjon på ca 22 GWh. I saksutgreiing frå Etne kommune er potensialet for kraftutbygging omtala: Med om lag 115 GWh på Håfoss/Rullestad/Skromme og 70-80 GWh i elvekraftverk lenger ute i fjorden, har produksjonen i Åkrafjorden potensiale til å doblast i høve til dei 190 GWh SKL har løyve på i dag, inkl. Eikemooverføringa. Alt i alt snakkar vi då om rundt 20 kraftprosjekt /elvestrengar i fjorden. Frå før har vi rundt 200 GWh i Litledalen, pluss nokre småanlegg. Total ligg summen då rundt 600 GWh. Fleire utbyggingar kan nemnast når samla verknad i delområdet skal vurderast: Bergstø kraftverk (utbygd), Vassvikedalen kraftverk og Eikemooverføringa (konsesjon gitt),e134 og andre utbyggingar i Rullestadområdet), Håfoss, Tøsse og Eikemo kraftverk (alle omsøkt), Fjæra setjefiskanlegg (reguleringsplan, ligg i Miljøverndepartementet), omsøkt 66 kv kraftline Tøsse - Rullestad med ny Rullestad trafostasjon (omsøkt) og fleire mindre kraftverk med konsesjonsfritak (ulik status). Utbyggingane representerer både kvar for seg og samla reduserte landskaps- og opplevingsverdiar langs fjorden og i hovuddalføret frå Fjæra. Området sør for Sørdalen mot Etne- og Saudafjella er enno lite påverka av store arealinngrep. Ut frå prinsippet om samla belastning legg Fylkesmannen vekt på å unngå utbygging som opnar det inngrepsfrie området i og rundt Bordalen, då dette representere eit større samanhengjande naturområde med nasjonale og regionale verdiar. 4
Vektlegging av fjellområde og inngrepsfri natur Tal frå DN viser at energisektoren i perioden 2003-2008 sto for det største bortfallet av INON-område i landet med om lag 40 %, inkludert villmarksområde. DN reknar med at energiutbygging også i åra framover vil vere den viktigaste årsak til tap av inngrepsfrie. Det er eit nasjonalt mål å ta vare på urørt natur. Dette går fram i regjeringa sine nasjonale forventningar til kommunane ved planlegging etter plan- og bygningslova. Nasjonale føringar på planfeltet bør og gjelde for energisektoren, ikkje minst på bakgrunn av den negative utviklinga når det gjeld desse naturkvalitetane. Tap av inngrepsfri natur gjennom kraftutbygging vart særleg vektlagt av Fylkesmannen i spørsmålet om fritak frå Samla Plan. Konsesjonssøknaden stadfester at omfanget av tap er omfattande, spesielt gjeld dette utbygginga av Bordalselva og dei andre vassdraga mot sør. Bordalen 1 fører til netto INON-tap på 7,2 km 2 inngrepsfri natur, i alle soner. Bordalen 2 gir netto tap på 4,7 km 2, Bordalen 3 gir netto tap på 2,1 km 2 og Rullestad 1 gir netto tap på 1,0 km 2( sone 1og 2). I tillegg gir Kvernhuselva kraftverk eit mindre netto INON-tap ( 0,2 km 2). Landskapsrapporten har oversyn over bortfall av område i Hordaland og Rogaland frå 2003 til 2008, sjå tab 4-2. I Hordaland har 4,5 % av INON-arealet gått tapt i perioden, i alt 302,2 km 2. Følgjande nye utbyggsprosjekt bør vere med i vurderingane av samla belastning: Gjennomføring av Eikemooverføringa deler opp INON-sone 2, redusere området med 15, 7 km 2. I alt vil 38 % av sona på 50 km 2 falle vekk. Bygging av Bergstø kraftverk har ført til INON-tap på 2,1 km² innafor Folgefonna nasjonalpark. Av desse er 0,5 km 2 villmarksprega område omklassifisert til INON-sone 1. Også bygging av Vassvikelva kraftverk vil føre til tap av INON-areal i sone 1 og 2. Fylkesmannen viser til OEDs retningsliner for småkraftverk som beslutningsgrunnlag for konsesjonssaker og korleis tilhøvet til villmarksområde og samanhengande inngrepsfridom skal vektleggjast. Dette er vidareutvikla i fylkesdelplanen, der ein har verdivurdert høgfjellområda med kunnskap og friluftslivsverdiar og større samanhengande inngrepsfrie naturområde (kap 3). Fylkesmannen legg til grunn at desse faglege verdivurderingane vert nytta og vektlagt av NVE i samband med konsesjonshandsaminga. Saman med arealet på Folgefonna er dette det einaste attverande område med villmarkspreg i regionen. Området har stor regionalt verdi for friluftsliv. Frå Sørdalen går det fleire innfallsporter i fjellet, som har mange ruter og turlagshytter. Sikring av det inngrepsfrie naturområdet i Etne- og Saudafjella bør vege tungt ved vurdering av nye inngrep i området. Vassdragsnatur og minstevassføring som avbøtande tiltak Langfoss er den mektige og mest kjente fossen i regionen, men også Sagfossen, Håfoss, Skromsfossen og andre mindre fossefall er viktige for oppleving av vassdragnaturen i området. Sagfossen framstår som eit viktig identitetsgivande landemerke ved Rullestadvatnet. Utbyggar legg til grunn at foreslått minstevassføring for høvesvis sommar og vinter er tilstrekkeleg som avbøtande tiltak for dokumenterte ulemper, sjå foreslått minstevassføring i kap. 14 i søknaden. Ut frå søknaden er det er vanskeleg å gjere seg opp til klårt bilde av 5
forskjellen mellom dagens situasjon og foreslått minstevassføring. Slik Fylkesmannen ser det er utbygginga i Bordalen konfliktfylt på grunn av redusert vassføring i Bordalselva ned til samløp med Dalelva, og inngrep i Sagelvas frie fall ned til Rullestadvatnet. Også redusert fossefall i Skromsfossen og fråvær av synleg vatn gjennom Rullestadjuvet er konfliktfylt. Eventuell utbygging må vere basert på betre utgreiingar, med alternative forslag til manøvreringsreglement. Dette er nødvendig for at endringar i vassføring ikkje fører til for store negative konsekvensane av for landskaps- og opplevingsverdi. Reiseliv og turisme Eit spørsmål er korleis utbygging vil verke inn på det opplevingsproduktet som reiselivsnæringa og turismen er tufta på. Det er viktig at eventuell utbygging ikkje vert så omfattande at den øydelegg dei sentrale opplevingsprodukta knytt til naturgrunnlaget, vassdraga og landskapet. Rullestadjuvet, jettegrytelandskapet, vassdraga og fosselandskapet ligg i botn som det viktigaste grunnlaget for framtidig utvikling av denne næringa. Det er løyvd både statlege og lokale midlar til å utvikle reiselivsprodukt i Rullestadområdet. I Verdiskapningsprogrammet, eit samarbeid mellom Miljøverndepartementet og Kommunalog regionaldepartementet, er det løyvd fleire hundre tusen kroner til informasjon og merking av stiar, og rasteplass langs postvegen og ved jettegrytene. Kulturminneverdiane i området er omtala av fylkeskommunen og andre høyringspartar. Ei vassdragsutbygging må i ettertid ikkje svekke grunnlaget for dei investeringane som er gjort. Potensialet for utvikling av reiseliv og opplevingsturisme i framtida vil vere avhengig av at sentrale natur- og kulturverdiar vert hegna om. Utbyggingspris Fylkesmannen legg til grunn at alle alternativa vil liggje innafor ein økonomisk akseptable ramme, slik det og går fram av søknaden. Merknad til utbyggingsprosjekta Bordalen 1, 2, 3 og Rullestad 1 Alle alternativa vil føre til redusert vassføringa i den spektakulære Bordalselva, men i ulik lengde av dalføret og med tilleggsinntak i andre elver som drenerar mot Bordalselva/Dalselva eller Rullestadvatnet. For Bordalen 1 vil inntaket ved stien/brua mellom Bordalstølen og Mjølkestølen bli spesielt synleg. Oppleving av urørt natur vert redusert, og avbøtande tiltak med minstevassføring er ikkje tilstrekkeleg for å redusere negativ effekt av utbygginga. Sagelva representerer eit verdifullt fosselandskap som bør forvaltast i eit langsiktig perspektiv. Bordalen 3: Det er dårleg opplyst om inntaket midt i den mest ville delen av gjelet vil føre til store arealinngrep. Bygging av Rullestad 1 vil medføre 200 m ny veg opp til ny overføringstunell og tippområde aust for Dalelva. Alle alternativa vil føre til arealinngrep, som veg, kraftstasjon, tippområde og inntakspunkt ved Rullestadvatnet. Dette vil verke inn på opplevingsverdien langs vatnet, der det er lagt til rette for turgåing, fiske og andre former for friluftsutøving. Rullestad 2 6
Skromsfossen vil etter utbygging ha tekniske inngrep og vere eit redusert skode samanlikna med dagens situasjon. Utbygging vil føre til at den mest spektakulære delen av Rullestadjuvet i praksis vil vere tørrlagt. Landskapsrommet har høg verdi. Opplevingsverdien blir sterkt redusert. Utbygging vil redusere grunnlaget for pågåande og framtidige reiselivs- og opplevingsprodukt knytt til Rullestadområdet. Konfliktnivået er etter vår vurdering høgt for lokalt og regionalt reiseliv. Det bør setjast krav om utgreiing av fleire alternativ, som inntak nedafor Skromsfossen og ulike nivå på minstevassføring. Skromme Opplevinga knytt til heile Sørdalen, frå fjord til fjell vil bli redusert med kraftutbyggingsprosjekta. Opplevingsverdi og heilskapen i landskapet langs gamle E134 og postvegen er inntrykkssterk, og vil verte påverka på uønska måte for tilreisande. Kvernhuselva Utbygging vil råke lokalt og regionalt friluftsliv då inngrepa vil bli godt synlege. Frå før er landskapsrommet ved Rullestadvatnet påverka av mange inngrep. I vurdering av samla belastning må ein ta med planlagt ny 66 kv kraftline frå Fjæra og trafostasjon som blir liggjande i same landskapsrom som kraftstasjonen. Når dette prosjektet blir presentert som del av ein stor pakke er det vanskeleg å vektlegge dei lokale og regionale verdiane i Kvernhuselva. Konklusjonar Konsekvensutgreiinga undervurderer negative verknader for sentrale naturverdiar, landskap, friluftsliv og urørt natur. Dei samfunnsmessige verknadene av utbygginga er dårleg utgreidd. Søknaden dokumenterer ikkje at fordelen med tiltaket er større enn ulempene, og fylkesmannen meiner at det difor ikkje er grunnlag for å gi konsesjon til hovudalternativet og fleire av dei omsøkte alternativa, jf. Vassressurslova 25. Fjellområdet og store samanhengjande naturområde i Etne- og Saudafjella mot Sørdalen har regionale og nasjonale verdiar for friluftsliv og naturoppleving og må skjermast mot større, irreversible inngrep. Fylkesmannen fremjar motsegn mot utbyggingsalternativa sør for Dalelva, dvs Bordalen 1, Bordalen 2, Bordalen 3 og Rullestad 1. Fylkesmannen vil ikkje motsette seg utbygging Kvernhuselva, Skromme og Rullestad 2 etter alternativ 6 dersom landskaps- og opplevingsverdiane ved Skromsfossen og Rullestadjuvet vert tilstrekkeleg ivareteke gjennom konsesjonsvilkåra. Med helsing Terje Aasen e.f. fylkesmiljøvernsjef Kjell Kvingedal seksjonssjef Brevet er godkjent elektronisk og har derfor inga underskrift. 7
Kopi: Etne kommune Hordaland fylkeskommune Direktoratet for naturforvaltning Miljøverndepartementet Olje- og energidepartementet Forum for natur og friluftsliv i Hordaland 8