Årgang 30 Nummer 3 Mars 06 TAVLA Bygdeavis for Kjølsdalen krins Utgjevar: Kjølsdalen Ungdomslag Denne utgåva: Kjølsdalen sanitetsforeining Kjølsdalen Bygdekvinnelag Kjølsdalen Skulemusikk Eid Senterparti Kjølsdalen Sokneråd 17. mai komiteen 2005 Kjølsdalen Handel Reksnes barnehage Kino STORDANS MED VASSENDGUTANE! BRYGGJA GRENDAHUS Laurdag 11.03.06 kl. 2100 0100 Førehandssal av billettar: Statoil, Bryggja Eid servicesenter (Esso), Nordfjordeid Butikken Vår, Kjølsdalen Bill. Kr 250,- Aldersgrense: 15 år Arr: Kjølsdalen skulemusikk FRIST NESTE TAVLE: 1. APRIL Stoff kan sendast til Dianne Eikås, tlf. 57 86 31 71 / 918 41 657 eller e-post: diannjor@online.no KOMMUNEPLANA I EID. Ope møte i Kjølsdalen skule, måndag 20. mars kl. 20.00. Tema: Arealplandelen i kommuneplanen for Eid Stikkord: Utfordringar og ønskje krinsen har i høve utviklinga i åra som kjem. Vi ønskjer å lytte til kva innbyggjarane i Kjølsdalen krins meiner. Arr.: Eid Senterparti 17.MAI KOMITEEN 2005 Det vert med dette kalla inn til møte i Kjølsdalen skule, torsdag 9.mars kl. 20.00. Sakliste: Rekneskap 2005 og fordeling av evt.overskot. 17.maikomité 2006 Eventuelt. Gjer vel og møt opp. Ole Reinhart Bugjerde
TRADISJONSMAT Bygdekvinnelaget i Kjølsdalen ønskjer å setje fokus på tradisjonsmat og vil starte opp med korte kurs som tek for seg ulike typar mat og matrettar. Kursa vert haldne i matsalen / kjøkkenet i Kjølsdalen Samfunnshus ÅRSMØTE I SOKNERÅDET Kjølsdalen sokn held årsmøte etter gudstenesta 26.mars klokka 15.00. Møt fram! For soknerådet, Johanne Thue Gilleshammer sekretær. KLEMPESUPA - 8. mars klokka 17.00 Kursavgift kr 100.- Påmelding snarast!! FLATBRØD OG LEFSER - 24-25 mars. - FLATBRØD fredag 24. mars klokka 17.30. - LEFSE laurdag 25. mars klokka 10.00. Kursavgift kr 300.- Påmelding før 19. mars. Dei som har, tek med takke, rutekjevle, flatbrødbotn og bakstestikke. PÅMELDING TIL HEIDI BERSTAD 57863181 / 41513292 Kjølsdalen Bygdekvinnelag TOLLEKNIVEN Jakob Sande Eg er ikkje redd nokon mann på jorda, og stødt går eg trygg for mitt liv. Eg byggar mi makt på ein kniv i frå Mora, eit vådeleg beist av ein kniv. Skinande blank bak på buksa mi heng han, nyslipt og lett å nå, ferdig til bruk når i naud eg treng han, og det er nok ofte-tidt på. Eg minnast eingong eg kom ut for ein tater, ein halvfull og brautande lurk, som oste av øl som eit rykande krater, og bante og svor som ein turk. Han treiv meg i strupen og skalla og klora, til stiv under greipet eg seig. Men straks eg slapp på han med kniven frå Mora, vart tateren mjuk som ein deig. MORSDAGSKAKELOTTERI Vinnarar: - Kåre Midthjell - Fam. Jørgen Erviksæter - Magnar Gilleshammer - Vebjørn og Ronny Leite - Fam. Olav Leite - Janne Lund - Anita og Bjørn Aardal Vi takkar for støtta! Økonominemnda Kjølsdalen Skulemusikk Og slik gjekk det presten vår og her um dagen, han tok meg i kristeleg tukt. Med augo som sylar han treiv meg i kraven, og vilde meg synda få bukt. Og orda han kom med var steinande sterke, men straks han vart kniven min var, vart presten so smørande blid som ein lerke, og sa eg var spøkje til kar. Gud hjelpe den mann som med meinferd i sinnet, kjem kniven frå Mora for nær, for han skal bli rispa so suligt i skinnet, at merke for livstid han fær. Eg står her eg stend og tarv ikkje fira, um så eg er mindre til kar, for kniven er kvass og sitt laust i slira, og handa som treiv han er snar.
ÅRSMELDING 2005 KJØLSDALEN SANITETSFOREINING Kjølsdalen Sanitetsforeining har i 2005 hatt eit aktivt arbeidsår. Også i år har nærmiljøet vore det viktigaste arbeidsområdet og mottoet har vore å vise omtanke i nærmiljøet. Sanitetsforeininga har hatt 3 styremøte, 2 medlemsmøte og fleire arbeidsmøte. Vi hadde 42 hovudmedlemar og 12 familiemedlemar. Medlemstalet er om lag som i 2004. I styret har vore fylgjande; Jorunn Breiteig leiar, Oddrun Erviksæter nestleiar Styremedlemar: Astri Elvebakke, Bjørg Erviksæter, Janne Midthjell, Liv Eikås og Mari Berstad Hageland. Varamedlemar: Audhild Humborstad, Hanna Leite og Dianne Eikaas Kasserar: Astri Elvebakke Sanitetsforeininga arrangerte basar på Mega i februar, der vi fekk eit godt resultat. I månadsskifte april/mai arrangerte sanitetsforeininga tur til Hamburg. Det var ein 5 dagars tur der vi reiste med buss til Oslo, og tok båt til Hirtshals i Danmark. Derfrå køyrde vi gjennom Danmark til Hamburg, der vi var i 2 netter. Vi budde på Hotel Graf Molkte. I Hamburg var vi på sightseeing, handletur og på besøk i sjømannskyrkja der vi fekk orientering om arbeidet. Vi overrakte sanitetsfane og rosemala fat. Heimatt reiste vi med Kielferga frå Kiel til Oslo. 33 var med på turen. Fleire av deltakarane kom frå andre bygder/kommunar. Turen var lagt opp i samarbeid bussjåfør Inge Mykland og Dagfinn Krossen i Hansereiser. Onsdagsturar i skog og mark har vi arrangert også i år. Vi hadde 19 turar frå slutten av mai til byrjinga av september. Vi hadde 16 turar på onsdagane og 3 helgeturar. Vi fekk 4 000 frå fylkeskommunen til helseførebyggande arbeid. Det brukte vi til innkjøp av utstyr og krydring av turane. I juli var vi på dagstur til Flofjellet. Vi leigde buss som køyrde oss til Vollset på Hellesylt. På Flofjellet fekk vi servert betasuppe. Dette var ein passe slakk tur med mange spennande kulturinnslag på den sermerkte vegen over fjellet. 31. juli starta 41 på turen til Hornelen. Vi fekk sommarens finaste dag og dette var ein kanontur. I august var vi på helgatur til Aurlandsdalen der vi leige rom på Østerbø Fjellstove. Vi samkøyrde til/frå Aurlandsdalen. 16 var med på turen. Vi la bak oss 2 lange dagsetapper. Flott ver denne helga og. Det er noko vi ser, at slike helgeturar krev litt og her har vi hatt litt å trene oss opp til på førehand! Oppslutninga om turane har vore langt bedre i år enn siste åra. Vi har prøvd å variert turane meir og vi hatt overraskingar. Det vart arrangert mimrekveld med premieutdeling i Kirsebærhagen. I turnemnda har Kirsten Kjøllesdal, Hanna Leite, Liv Eikås, Kåre Midthjell, Audhild Humborstad og Jorunn Breiteig vore med. Eldrekomiteen har skipa til Eldretreff i Kirsebærhagen. På disse treffa er det alltid opplesing, allsong, loddsal og mykje god mat. Tilbakemeldingane syner at dei eldre set pris på desse samankomstane. Kjølsdalen Sanitetsforeining fekk tilskot frå Solfondet til ein pensjonisttur. Turen gjekk til Sunnmøre, med første stopp på Sæbø med middag på hotellet. Den største opplevinga på turen var kaffistopp på Hotell Union, Øye. Der fekk vi servert varm eplekake og is. Og så ei fantastisk omvisning på heile eventyrhotellet, der mange kongelege og kjendisar har budd fram gjennom tida. Pensjonistane er ein sanglad gjeng og Arne Owesen sytte for tonar til songane. Turen gjekk vidare gjennom Norangsdalen, med eit kort stopp i Hellesylt med omvisning på museet, før vi sette nasa heimatt over Hornindal. I 2005 vart julebordet lagt til Fjordly. Vi vart ynskt velkomne til lune og vakre pynta stover og matsal. Etter ord for dagen, tenning av lys og vakker song vart vi servert nydeleg julemat med karamellpudding til dessert. Det var ein hyggjeleg fest med mykje song, anna underhaldning og mange gode kaker og kaffi. Arne Owesen gledde oss også denne dagen med sine trekkspeltonar. Eldrekomiteen: Astri Elvebakke, Mari Hageland Berstad, Liv Eikås og Margun Ervik.
Sanitetsforeininga var saman med andre lag og organisasjonen i krinsen, med på å skipe til ei markering av at det er 100 år sidan unionsoppløysinga. Det var bla. tog, utstilling av gamle ting, festsamvær i skulen med servering av gamaldags kost, samt konsert. Dette var ei svært vellukka markering. I sanitetens veke serverte vi lunsj på Kjølsdalen skule og Reksnes barnehage. Vi hadde grove rundstykke, sunt pålegg, frukt og grønsaker. Dette er eit svært populært tiltak som vi har hatt i ei årrekkje. Julemessa arrangerte vi for 10. år på rad i Kjølsdalen samfunnshus laurdag den 26. november. Dugande kvinner hadde baka knapt 1000 lefser/fiskelefser i Kirsebærhagen. Sanitetsforeininga selde på messa desse pluss aniskringler, natronkaker og anna julebakst. Dessutan hadde vi loddsal med mange fine gevinstar. Vi hadde og tombola. I matsalen hadde vi kafeteria, der vi selde middag og kaffimat. I tillegg hadde vi utstillarar av husflid/handverk, samt diverse julemat. Særleg siste to åra har vi sett at det er ein nedgang av antall besøkjande på messa. Dette merkast spesielt for utstillarane, der mange har lite sal på sine produkt. Det vart gjort ein stor dugnadsinnsats av sanitetsmedlemar og andre medhjelparar for å arrangere julemessa. Det økonomiske resultatet vart bra sjølv om det ikkje var så mange besøkande. I november arrangerte vi 6 timars førstehjelpskurs i samarbeid med Eid Rødekors. 10 personar deltok. Kurslokalet var i Kirsebærhagen. I september var innsamlingsaksjon i alle Nordfjordkommunane til sjukehuset. Sanitetsforeininga i Kjølsdalen organiserte innsamlingsaksjonen i vår krins. Representantar frå foreininga har og deltatt på møter til aksjonsnemnda for sjukehuset. Av inntekter til drift av laget hadde vi medlemskontingent, sal av fastelavensris, maiblomar og ymse loddsal. Turen til Hamburg gjekk med overskot. I 2005 overførte vi kr 30 000,- til stiftinga Kirsebærhagen. Økonomien i sanitetsforeininga er god. Til jul gav vi blomster til sjukehuset, eldretunet og sjukeheimen. I tillegg har vi gitt blomster til eldre medlemar i høve fødselsdagar frå 75 år og kvart 5. år oppover. Kjølsdalen sanitetsforeining gav kr 5000,- til MR maskin på Nordfjord sjukehus, og kr 1 000,- til flaumofra i Asia. Vi har kjøpt inn 8 bord i Kirsebærhagen. Foreininga hadde 3 representantar på krinsmøte i Bryggja. Vi var og representert på Regionmøte på Nordfjordeid. Denne samlinga vart arrangert av fylkesstyret. Kjølsdalen sanitetsforeining nyttar Kirsebærhagen til møtelokale. Vi stiller opp med dugnadsinnsats i høve utleige av rom/leiligheter + anna forfallande arbeid. Det var arrangert dugnad ved fleire høver. Kjølsdalen Sanitetsforeining takkar alle som på ulike måtar har støtta oss i arbeidet i 2005! Jorunn Breiteig leiar MARKERING AV BARNEHAGEDAGEN 2006 på Butikken Vår i Kjølsdalen Tysdag 21. mars klokka 11.00. Det blir kunst og fotoutstilling, basar til inntekt for fadderbarnet vårt, underhaldning, kaffi og kaker. Reksnes Barnehage
STYRET FOR KJØLSDALEN SANITETSFOREINING 2006 Leiar: Oddrun Erviksæter Nestleiar: Liv Eikås nestleiar (ny) Kasserar: Astri Elvebakke Styremedlemar: Bjørg Erviksæter, Janne Midthjell, Mari Berstad Hageland og Jorunn Breiteig (ny). Varamedlemar: Dianne Eikaas, Hanna Leite og Marta Hopland (ny) TØMMERVOGN Det er planar om kjøp av tømmervogn. Ønske du å vere med, kontakt Kjell Arne Heggeheim tlf. 57 86 26 01. BASAR Kjølsdalen sanitetsforeining sit på Mega og skriv lodd i veke 13, dvs frå den 27. mars til den 1. april. Styret
B Porto Onsdag 15. mars 18.00 Olsenbanden Jr. - på Cirkus Alle 20.00 Just like heaven 11 år Onsdag 29. mars 18.00 Lady og landstyreren Alle 20.00 Stolthet og fordom 11 år Utgjevar: Kjølsdalen Ungdomslag 6776 Kjølsdalen