FOR TILSETTE I RADØY KOMMUNE. 1
ET - DELEGERING. ET - DELEGERING....2 UTGANGSPUNKT:...3 KAP 1.9. AVGJERDSINSTANS....3 Pkt...3 FOR RADØY KOMMUNE....4 1.1. OMFANG :...4 1.3 FORKORTINGAR :...4 1.4. BUDSJETT - PERSONELL DRIFTSOMSYN : 4 1.5. LØN UNDER SJUKDOM FØDSEL - ADOPSJON: 4 1.6 VERNEPLIKT/ MILITÆRTENESTE/ SIVILTENESTE...4 1.7 KURS I FRITID :...4 1.8 LØNSANSIENNITET...4 1.9 AVGJERDSINSTANS :...4 1.10 FERIEPENGAR :...4 1.11. PENSJONSMEDLEMSKAP :...5 1.12. TOLKING;...5 1.13 UNNATAK...5 2. UTDANNINGSPERMISJON...5 2.1. TIDSROM...5 2.2. LØNA PERMISJON :...5 2.3 ULØNA PERMISJON :...5 2.4 VIKARPLASS M.V :...5 2.5 BINDINGSTID :...5 2.6. EKSAMEN :...5 2.7 KURSAVGIFT :...6 2.8 STIPEND/STØNAD FRÅ ANNA HALD :...6 2.9 INTERN OPPLÆRING AMU :...6 3. VELFERDSPERMISJONAR...6 3.1 UNDERSØKING, BEHANDLING :...6 3.2 ALVORLEG SJUKDOM :...6 3.3 DØDSFALL...6 3.4 GRAVFERD...6 3.5 BARNEHAGE/FØR OG GRUNNSKULE M.M:....6 3.5 BRYLLAUP...6 3.6 HØGTIDSDAGAR :...6 3.7 INTERNASJONALE ARRANGEMENT :...6 3.8 SÆRLEGE VELFERDSGRUNNAR :...6 4. YMSE PERMISJONSRGLAR... 6 4.1 BARN PÅ SKULE :... 6 4.2 EKTEFELLE/SAMBUAR :... 6 4.3-VELFERDSGRUNNAR :... 7 4..4 ANNA STILLING :... 7 4.5 UTVEKSLING :... 7 4.6 INTERNASJONALT ARBEID :... 7 4. 7 HJELPEKORPS :... 7 4. 8 FORSKING :... 7 4. 9 MILITÆRTENESTE :... 7 4.10 FRIÅR :... 7 5. PERMISJON FOR Å UTFØRA TILLITSVERV... 7 5.1 OFFENTLEGE TILLITSVERV :... 7 5.2 NOMINASJON... 7 5.3 TILLITSVERV I ARBEIDSTAKARORGANISASJONANE... 7 5.4 ANDRE TILLITSVERV... 7 6. IVERKSETJING... 7 2
UTGANGSPUNKT: Kap 1.9. Avgjerdsinstans. Avgjerdsinstans i permisjonssaker er rådmann. Rådmann kan delegera avgjerdsretten i permisjonssaker til leiarar på lågare nivå. Det bør leggjast til rette for at avgjerd i permisjonssaker vert teken på lågast forsvarleg nivå. Avgjerd teke etter delegert fullmakt kan fremjast for rådmannen. Rådmannen sin delegasjon av avgjerdsmynde går fram av delegasjonsreglementet. * Generelt er dei fleste permisjonar av kortare lengd ( inntil 3 dagar med løn )delegert til einingsleiarar. Uløna permisjonar kan einingsleiar i hovdusak invilge inntil 14 dagar. * For tida er følgjande delegasjon gjort til einingsleiar i høve til avgjersle etter permisjonsreglement: Kopi av alle avgjerder skal sendast løn og personalarkivet. Rådmann avgjer søknader etterfølgjande punkt: Pkt Kva gjeld 2.1 Tidsrom utdanningspermisjon 2.2 Løna permisjon / stipend 2.4 Vikarplass 2.5 Bindingstid 4.2 Ektefelle/sambuar 4.3 Velferdsgrunnar 4.4 Anna stilling 4.10 Friår 5.3 Tillitsverv i arbeidstakarorganisasjon 5.4 Andre tillitsverv For undervisningspersonalet gjeld framleis ein del overgangsreglar i samband med overfrøing til kommunalt tariffområde. Sjå overgangsreglane for dette. Kap 2. Utdanningspermisjon: 2.3 Uløna permisjon 2.6 Lesedagar 2.6 Eksamensfri 2.7 Kursavgift Kap 3. Velferdspermisjon: 3.1 Undersøking/behandling 3.2 Alvorleg sjukdom 3.3 Dødsfall 3.4 Barnehage/før- og grunnskule med meir 3.5 Bryllaup 3.6 Nasjonal høgtid ikkje norsk 3.7 Internasjonalt arrangement Kap 4. Ymse permisjonsreglar: 4.1 Born på skule 4.5 Utveksling 4.6 Internasjonalt arbeid 4.7 Hjelpekorps 4.8 Militærteneste Kap 5. Permisjon for å utføre tillitsverv: 5.1 Offentleg tillitsverv 5.2 Nominasjon 3
Permisjonsreglement for Radøy kommune. 1 Føremål : Målsetjinga for kommunen sin personalpolitikk er å medverka til å skapa ein effektiv, rasjonell og fleksibel organisasjon slik at kommunen kan yta best mogleg service. Permisjonsreglementet skal leggja tilhøva til rette for at arbeidstakar skal ha gode høve til personleg vekst og utvikling. Vidare skal reglementet fremja trivsel, stabilitet. og godt arbeidsmiljø gjennom reglar om velferdspermisjon. 1.1. Omfang : Reglementet gjeld for alle arbeidstakarar som har eit arbeidstilhøve til Radøy kommune. Deltidstilsette får løna permisjon i høve til storleiken av stillinga, jf. punkt 3. Betre permisjonsrettar i lover og sentralt inngåtte avtalar som bind kommunen, går føre reglane i dette reglementet., jf. Aml., HTA og HA. Det kan ikkje utan vidare nyttast fleire paragrafar for same tilfelle og på denne måten forlenge permisjonsrettane. 1,2 Definisjonar : Definisjonane nedanfor er berre meint i relasjon til dette reglementet. Arbeidstakar er ein person som har eit arbeidstilhøve til Radøy kommune. Stabs - /Einingsleiar er øvste leiar av stab / eining eller annan leiar med personalansvar. Eining er institusjonar, skular, barnehagar m. v. som kommunen står som eigar av. I dette reglementet peikar eining også på avdelingar for t.d helse og sosial og andre avdelingar med leiar som har personalansvar. Tillitsvalde er arbeidstakarar tilsett ved eininga som er vald/utpeika av sin organisasjon til å ivareta medlemene sine interesser i høve arbeidsgjevar. Hovudtillitsvald er tillitsvald som er vald/utpeika av sin organisasjon for å koordinera og bistå dei tillitsvalde i deira arbeid, jf. HA 1.3 Forkortingar : I dette reglementet er følgjande forkortingar nytta: - HTA for Hovudtariffavtalen - HA for Hovudavtalen - Aml for Arbeidsmiljølova 1.4. Budsjett - Personell Driftsomsyn : Ved handsaming av permisjonssøknader som ikkje er lov- eller avtalefesta, skal det takast turvande omsyn til budsjettrammer, personen situasjon og driftsomsyn. Det skal gjerast ei konkret vurdering om innvilga permisjon vil vere til fordel eller ulempe for driftsmålsetjinga. Ei slik vurdering kan føre til ulik handsaming av søknader utan at dette er sjølvstendig ankegrunnlag. 1.5. Løn under sjukdom fødsel - adopsjon: Ved sjukdom har arbeidstakar som vert omfatta av HTA l, rett til løn frå første sjukedag og inntil 1 år utan å søkje arbeidsgjevar jf. HTA pkt. 8.2.2.2, dersom vedkomande har teke til i stillinga, jf. HTA. For løn under sjukdom vert det elles vist til HTA pkt 8.2.2. Ved svangerskaps- og adosjonspermisjon gjeld tilsvarande reglar om at løn/feriepengar ikkje vert rekna om etter 3 månader, jf. HTA. 1.6 Verneplikt/ militærteneste/ sivilteneste Ved tvungen verneplikt (militærteneste/sivilteneste) vert det ytt heil eller delvis løn, jf. HTA. 1.7 Kurs i fritid : Ved kurs som arbeidstakar er å pålagt å gjennomføre i fritid, vert det som hovudregel gjeve erstatning i form av avspasering. 1.8 Lønsansiennitet Permisjon med heil eller delvis løn avbryt ikkje opptening av lønsansiennitet. Det same gjeld ved uløna permisjon inntil eit år. Ved uløna permisjon utover 1 år, kjem permisjonstida til frådrag rekna frå første fråværsdag. Uløna utdanningspermisjon vert likevel medrekna med inntil 1 år når utdanninga har verdi for den tilsette sitt arbeid i kommunen. 1.9 Avgjerdsinstans : Avgjerdsinstans i permisjonssaker er rådmann. Rådmannen kan delegera avgjerdsretten i permisjonssaker til leiarar på lågare nivå. Det bør leggjast til rette for at avgjerd i permisjonssaker vert teken på lågast forsvarleg nivå. Avgjerd teke etter delegert fullmakt kan fremjast for rådmannen. 1.10 Feriepengar : Løna permisjon vert rekna med i feriepengegrunnlaget etter gjeldande regelverk. 4
1.11. Pensjonsmedlemskap : Arbeidstakar som er innvilga permisjon med løn opprettheld sitt pensjonsmedlemskap. Arbeidstakar som er innvilga permisjon utan løn lengre enn 1 månad, skal meldast ut av pensjonsordninga. Arbeidstakar kan likevel få tilbod om å teikna friviljug medlemskap etter reglar som gjeld i pensjonsordninga. Under permisjon for overtakinga av verv som tillitsvald, skal den tilsette ikkje meldast ut av pensjonsordninga, jf. HA Del B 3-6 d. 1.12. Tolking; Tvil om korleis reglementet skal tolkast vert å leggja fram for administrasjonsutvalet til avgjerd. 1.13 Unnatak Administrasjonsutvalet har i einskildsaker høve til å fråvika reglane i permisjonsreglementet dersom spesielle tilhøve gjer dette rimeleg. Administrasjonsutvalet kan delegera til rådmann å ta avgjerd i saker som fråvik reglane i permisjonsreglementet. 2. Utdanningspermisjon Utdanningspermisjon er permisjonar i samband med studium (universitet/høgskule),skulegang, kurs, seminar og liknande. Utdanningspermisjon kan gjevast når etaten/institusjonen/avdelinga har trong for vedlikehald og tilførsel kompetanse. 2.1. Tidsrom Utdanningspermisjon vert som hovudregel gjeve for maksimalt 1 år. Det kan likevel gjevast permisjon for lengre utdanning, - opp til 3 år, dersom tilsette utan høgskuleutdanning ynskjer å heva kompetansen sin gjennom eit studium, og/eller dersom arbeidsstaden har ein klar trong for den kompetansen utdanninga gjev, og det er vanskeleg å rekruttere slik kompetanse eksternt. 2.2. Løna permisjon : Når utdanningspermisjon vert gjeven for å tilføra/halda vedlike kompetanse for arbeidsstaden, kan det gjevast løn eller stipend svarande til maksimalt ei årsløn. Løn eller stipend under utdanning kan berre gjevast når det er økonomisk dekning i budsjettet for utgiftene permisjonen medfører. 2.3 Uløna permisjon : Utdanningspermisjon utan løn kan gjevast til arbeidstakar som har vore tilsett i minst 3 år, og som har trong for eigenutvikling, eller ynskjer utdanning som ledd i ein personleg karriere. Det er ein føresetnad at utviklinga har ei retning som kan koma Radøy kommune som arbeidsgjevar til nytte. 2.4 Vikarplass m.v :. Arbeidsgjevar må leggja vekt på å nytta seg av ulike tiltak ( t.d. vikarplass) gjennom arbeidsformidlinga når desse er tilgjengeleg, som kan bidra til at tilsette lettare ser seg høve til å gjennomføra vidareutdanning. 2.5 Bindingstid : Avtale om løn eller stipend i samband med utdanningspermisjon og fastsetjing av bindingstid, må gjerast skriftleg før permisjonen tek til. Bindingstid skal påleggjast når samla permisjonstid er over 1 månad, og/eller økonomisk stønad frå arbeidsgjevar utgjer meir enn 2 månadsløner. Bindingstida i aktiv teneste skal utgjere minst det dobbelte av studietida, men ikkje lenger enn 2 år, jf. HA del B 7-3. Ved brot i utdanninga skal det ytte betalast attende. Dette gjeld likevel ikkje når årsaka er sjukdom eller tungtvegande sosiale grunnar. 2.6. Eksamen : Eksamensfri vert gjeve for eksamen eventuelt deleksamen ved følgjande skuleslag: Grunnskule, vidaregåande skule, høgskule og universitet. Det vert gjeve løna permisjon for eksamensdagar som fell på arbeidsdagar. For lesedagar vert løna permisjon berre gjeve for lesedagar i samband med eksamen i fag som er relevant for arbeidsstaden. Fridagar utover dette må eventuelt gjevast utan løn. Lesedagar vert definert som dei to siste dagane før ein eksamen. Det vert gjeve eksamensfri med løn for 20 kandidatar og andre som tek fagutdanning med fagbrev. Til eventuell teoriprøve vert det gjeve lesedagar med løn. For eksamen med lesedagar kan det maksimalt gjevast permisjon med løn for 10 arbeidsdagar pr. år. Ved heimeeksamen som varar meir enn ei veke vert det gjeve permisjon med løn tilsvarande 2 lesedagar under føresetnad av at ein har arbeidsdagar måndag fredag i permisjonstidspunktet. 5
2.7 Kursavgift : Kursavgift i samband med fritidskurs kan etter søknad på førehand, dekkjast heilt eller delvis, når utdanninga er av verdi for kommunen. 2.8 Stipend/stønad frå anna hald : Søkjar plikter å opplyse arbeidsgjevar dersom dei får stipend eller stønad frå anna hald for å ta utdanning/kurs. 2.9 Intern opplæring AMU : Opplæringstiltak i regi av kommunen er ein del av tenesta og er løna. Same gjeld opplæring for verneombod og medlemmer av AMU. 3. Velferdspermisjonar Permisjonsrettar etter dette kapitel kjem i tillegg til eventuelle rettar etter lov og sentrale avtalar. Permisjonar med løn etter reglane i punkt 3.1 til 3.8, kan maksimalt gjevast for i alt 10 arbeidsdagar i løpet av eit kalenderår. Deltidstilsette vert gjeven løna permisjon i høve til storleiken av stillinga slik at arbeidstakar i t.d. 50 % stilling vil kunna innvilgast permisjon i inntil 5 arbeidsdagar per år.opplista eksempel er uttømmande vedk kva som er innanfor retningsliner for permisjon med løn. 3.1 Undersøking, behandling : Undersøking og behandling hjå lege, tannlege, fysioterapeut, psykolog og andre private gjeremål må så langt som mogeleg leggjast til fritida med mindre årsaka til undersøkinga/behandlinga ligg i tilhøve på arbeidsplassen. 3.2 Alvorleg sjukdom : Ved alvorleg sjukdom i næraste familie (ektefelle/sambuar, slekt opp- og nedstigande eller sidelina så nær som søsken med evt ektefelle/ sambuar, fosterborn/forledre) eller andre som står arbeidstakaren nær, inntil 5 dagar. Rett til permisjon når barn eller barnepassar er sjuk, jf. Aml 33 A og H TA pkt. 8.6 gjeld i tillegg til denne føresegna. 3.3 Dødsfall Ved dødsfall i næraste familie (ektefelle/sambuar, slekt opp- og nedstigande eller sidelina så nær som søsken med evt ektefelle/ sambuar, fosterborn/forledre) eller andre som står arbeidstakaren nær : inntil 3 dagar. 3.4 Gravferd Ved dødsfall i næraste familie (ektefelle/sambuar, slekt opp- og nedstigande eller sidelina så nær som søsken med evt ektefelle/ sambuar, fosterborn/forledre) eller andre som står arbeidstakaren nær : inntil 3 dagar, eventuelt med tillegg av turvande reisedagar. 3.5 Barnehage/før og grunnskule m.m:. Under føresetnad av at begge foreldra er i arbeid vert det gjeve permisjon slik: a. for første tilvenjing av barn i barnehage: inntil 2 dagar. b. for oppstart i førskule: 1 dag c. for oppstart i grunnskule og skulefritidsordning : 1 dag til saman. 3.5 Bryllaup For eige bryllaup: 1 dag. 3.6 Høgtidsdagar : For feiring av religiøse og nasjonale høgtidsdagar som ikkje er offisielle etter norsk kalender: 1 dag. 3.7 Internasjonale arrangement : For deltaking i internasjonale kulturarrangement, landskampar o.l.: inntil 5 dagar. Finale i Noregsmeisterskap: inntil 2 dagar. Ordninga gjeld og for leiarar. Med Noregsmeisterskap meiner ein meisterskap for eliteutøvarar i sin sjanger. 3.8 Særlege velferdsgrunnar : Til særlege velferdsføremål kan det. etter ei konkret vurdering gjevast permisjon med løn i inntil 2 dagar, eventuelt i tillegg til reglane i 3.1 til 3.7. 3.9 Flytting / husbygging. For flytting / istandsetjing av eige husvære vert det gjeve inntil 2 dagar permisjon utan løn. 4. Ymse permisjonsrglar 4.1 Barn på skule : Når arbeidstakar har barn i førskulealder eller i grunnskulen, kan det gjevast permisjon utan løn i inntil 1 år., 4.2 Ektefelle/sambuar : Dersom ektefelle/sambuar tek på seg mellombels tenesteoppdrag/utdanning som medfører flytting, kan det gjevast permisjon utan løn i inntil lår. Vert han 6
eller ho pålagt slik teneste, kan permisjon gjevast for inntil 2 år. 4.3-Velferdsgrunnar : Ved tungtvegande helsemessige, sosiale eller andre vektige velferdsgrunnar kan det etter ei konkret vurdering, gjevast permisjon utan løn i inntil 1 år. 4..4 Anna stilling : Arbeidstakar kan gjevast permisjon utan løn i inntil 3 år frå si stilling ved overgang til anna stilling innan kommunen. Ved tilsetjing i stilling/engasjement hjå annan arbeidsgjevar, kan arbeidstakar som har arbeidd minst 5 år i kommunen gjevast permisjon utan løn i inntil 1 år når arbeidet har fagleg verdi for vedkomande sitt arbeid i kommunen. 4.5 Utveksling : Det kan inngåast avtale om utveksling av arbeidstakarar innan kommunen eller mellom kommunen og andre i inntil 2 år. 4.6 Internasjonalt arbeid : Det kan gjevast permisjon utan løn i inntil 3 år til arbeidstakar som skal ta del i internasjonalt arbeid (NORAD, FN, EØS/EU o.l.). Tilsvarande permisjon kan gjevast til ektefelle/sambuar, jf. pkt. 4.2. 4. 7 Hjelpekorps : Tilsette som er knytt til hjelpekorps kan gjevast permisjon med løn i samband med utrykking til redningsaksjonar. Ved deltaking i kurs skipa av hjelpekorps kan det gjevast permisjon med løn inntil 3 dagar pr. år. 4. 8 Forsking : Arbeidstakar kan gjevast permisjon utan løn i inntil 4 år for å arbeida med forsking eller utviklingsarbeid innan sitt fagområde. Arbeidet skal helst skje i tilknyting til ein forskingsinstitusjon. 4. 9 Militærteneste : Det vert synt til lov av 29. mars 1940 om "Forbod mot at arbeidstager blir berøvet sin stilling på grunn av innkalling til militærtjeneste m. v. " og Hovudtariffavtalen. 4.10 Friår : Arbeidstakar med til saman 5 års samanhengande teneste i kommunen kan gjevast permisjon utan løn i inntil i 1 år. Ny permisjon utan løn kan gjevast etter nye 5 år i løna arbeidstilhøve. 5. Permisjon for å utføra tillitsverv 5.1 Offentlege tillitsverv : Med offentlege tillitsverv er meint ombod som er oppretta ved lov eller med heimel i lov, og som ein ikkje kan nekta a ta imot med mindre det ligg føre særlege fritaksgrunnar. Slike om bod kan vere kommunestyremedlem, domsmann, lagrettemann m. v. I dette reglementet reknar vi og tillitsverv i Kommunenes Sentralforbund i same kategori. For å utføre offentlege tillitsverv kan det gjevast permisjon med løn i inntil 10 arbeidsdagar pr år. Dersom tillitsvervet har ordningar som syter for å dekke tapt arbeidsforteneste ( t.d. domsmenn) så skal det gjevast permisjon utan løn. Det er ein føresetnad at tillitsvervet ikkje kan utførast utanom arbeidstida. Turvande fridagar utover dette må gjevast som uløna permisjon. Arbeidstakar som vert vald til stortingsrepresentant, ordførar eller anna offentleg tillitsverv på heiltid får permisjon utan løn for valperioden. For offentleg tillitsverv på deltid vert det gjeve permisjon med høvesvis redusert løn. 5.2 Nominasjon Arbeidstakar som vert valt til utsending til nominasjonsmøte ved stortingsval, fylkestingsval eller kommuneval, vert gjeven permisjon med løn. 5.3 Tillitsverv i arbeidstakarorganisasjonane. Når det gjeld permisjon i samband med tillitsverv i arbeidstakarorganisasjonane, viser ein til Hovudavtalen. 5.4 Andre tillitsverv Arbeidstakar med tillitsverv i dei funksjonshemma sine interesseorganisasjonar kan gjevast permisjon etter reglane i punkt 5. Etter ei konkret vurdering kan det gjevast permisjon med eller utan løn for utføring av andre tillitsverv. 6. Iverksetjing Dette reglementet avløyser tidlegare permisjonsreglement og vert sett i verk frå 01.01.2006 Vedteke i Radøy kommunestyre 08/09 2005 7