Nissedal kommune Rådmann

Transkript

1 Nissedal kommune Rådmann Vår ref. Sakshandsamar: Arkivkode: Dato: 2017/502-1 Jarle Bruun Olsen, Permisjonsreglement Framlegg Vedteke av kommunestyret i sak 10/12, rullert dd.mm.åå i sak xx/17 1 OMFANG 1.1 Reglementet gjeld alle tilsette i Nissedal kommune som er omfatta av Hovudtariffavtalen (HTA) kap Reglane i reglementet gjeld så lenge dei ikkje strir mot lov, tariffavtalar eller andre vedtekter som er bindande for kommunen. 1.3 Deltidstilsette vert innvilga eventuell løna permisjon i høve til stillinga sin storleik. Permisjon utan løn vert innvilga etter same reglar som for heiltidstilsette. 2 LØN OG LØNSANSIENNITET VED PERMISJONAR 2.1 Med løn er å forstå stillinga si regulativløn inkl. eventuelle faste tillegg, men utan variable tillegg. Ved sjukdom/svangerskap og tvungen verneplikt/sivilteneste gjeld spesielle reglar i Folketrygdloven og HTA. 2.2 Lønsansiennitet ved permisjonar er regulert i HTA kap FERIEPENGAR Ved løna permisjonar etter dette reglementet vert permisjonstida rekna med i grunnlaget for feriepengar. 4 PENSJONSMEDLEMSKAP 4.1 Permisjon med løn får ingen verknad på pensjonsmedlemskapen. 4.2 Ved permisjon utan løn for lengre tid enn 1 månad, skal arbeidstakaren meldast ut av pensjonsordninga. Arbeidstakaren kan teikne friviljug medlemsskap i samsvar med reglane i KLP/SPK.

2 5 SAKSHANDSAMING 5.1 Send søknad om permisjon tenesteveg gjennom næraste overordna. 5.2 Svar på permisjonssøknad (ev. førebels svar som seier når endeleg svar kan ventast), skal bli sendt innan 2 veker etter at søknaden er motteke. 5.3 Det er høve til å klage på vedtak etter permisjonssøknad etter dette reglementet. Klagefristen er tre veker rekna frå mottaking av vedtaket. Klaga skal sendast til den som har avgjort søknaden. Dersom vedtaket vert oppretthalde, skal dette grunngivast før det vert oversendt administrasjonsutvalet til endeleg avgjerd. 6 VELFERDSPERMISJONAR MED LØN Velferdspermisjonar med løn kan bli gitt for inntil 12 arbeidsdagar eller inntil 24 arbeidsdagar med halv løn gjennom eit kalenderår, av dei ulike grunnane som kjem fram i denne paragrafen. NB! For deltidstilsette sjå pkt 1.3. Ved behov for hyppige permisjonar på mindre enn heil dag, kan fråværet reknast i timar. 6.1 Ved alvorleg sjukdom i næraste familie (som næraste familie reknas: ektefelle/sambuar, søsken, barn, foreldre, besteforeldre. I tillegg reknas og ektefelle/sambuar til søsken/barn/foreldre/besteforeldre til den tilsette, som næraste familie). For andre som har stått arbeidstakar nær, må søknaden grunngjevast særskild eller andre som står arbeidstakaren nær): - Inntil 5 dagar. For rett til permisjon ved sjukdom hos barn eller barnepassar, gjeld spesielle reglar i Arbeidsmiljøloven (AML) og HTA. For pleie av nære pårørande i heimen i terminalfase gjeld AML sine reglar. 6.2 For å gi nødvendig omsorg til foreldre, ektefelle, sambuar eller registrert partnar (AML ledd): - Inntil 2 dagar. 6.3 Ved dødsfall i næraste familie og andre som har stått arbeidstakaren nær (jf 6.1.): - Inntil 3 dagar, ev. med tillegg av naudsynte reisedagar, inntil 2 dagar. (Det skal særskilte grunnar til at arbeidstakar ikkje skal få fri utan løn/uttak av ferie for å delta i gravferd til andre enn dei som fell inn under definisjonen i pkt. 6.1). 6.4 For tilvenjing av barn i barnehage: - Naudsynt fri pr. dag i inntil 3 dagar dersom andre familiemedlemer ikkje kan vere til stades (for ektefellar til saman inntil 3 dagar). For å følgje barn til første skuledag: - Naudsynt fri i inntil 1 dag. Side 2 av 6

3 6.5 For eige bryllaup: - 1 dag dersom bryllaupet står på ein dag med ordinært arbeid/vakt. Dette gjeld og deltidstilsette. Ved konfirmasjon og barnedåp av eigne barn: - 1 dag dersom feiringa fell på ein dag med ordinært arbeid/vakt. Dette gjeld og deltidstilsette. 6.6 For deltaking i større idrettsarrangement (OL, VM, EM), landskampar og liknande: - Inntil 5 dagar. For deltaking i finale i Noregsmeisterskap: Inntil 2 dagar. Ordninga gjeld aktive idrettsutøvarar og leiarar. Føresetnaden er at dei ikkje får utbetalt tapt arbeidsforteneste. 6.7 For feiring av religiøse og nasjonale høgtidsdagar som ikkje er offisielle etter norsk kalender: - Inntil 2 dagar. 6.8 Vanleg undersøking og behandling hjå lege, tannlege, fysioterapeut, kiropraktor, psykolog, manuell terapeut m.m. skal så langt det er råd bli lagt til fritida. Når det er godtgjort at dette ikkje er mogleg, kan det etter avtale for heiltidstilsette bli gitt permisjon med løn. For deltidstilsette kan det etter avtale givast naudsynt permisjon med løn for spesialistundersøking. 7 VELFERDSPERMISJONAR UTAN LØN 7.1 For følgje av barn, som hovudregel inntil 12 år, til barnekontroll ved helsestasjon, lege eller tannlege vert det gitt naudsynt fri utan løn, eller den tilsette kan levere eigenmelding for sjukt barn etter reglane for dette. For følgje av barn til sjukehus, spesialist og liknande kan den tilsette krevje refusjon frå NAV utover grensa for eigenmeldingar for sjuke barn. 7.2 Ved ynskje om ferie ut over rettar etter ferielova: - inntil 10 dagar pr. år under føresetnad av at det kan skaffast kvalifisert vikar og at søknaden er sendt næraste overordna seinast to månader før ferieavviklinga. NB! For deltidstilsette sjå pkt Ved avtale om dugnads-/arbeidsinnsats for humanitære eller ideelle organisasjonar/lag - inntil 5 dagar pr. år Side 3 av 6

4 7.4 Det kan i særlege tilfelle bli gitt velferdspermisjon utan løn grunngitt i reglementet 6 dersom ein tilsett har behov for fleire enn 12 (24) dagar totalt, eller fleire enn talet på dagar som er maksimum for kvar permisjonsgrunn. I nokre tilfelle gir lovverket grenser for retten til permisjon, som til dømes at tilsette har rett til inntil 10 dagar permisjon totalt etter 6.2 (AML ledd). NB! For deltidstilsette sjå pkt PERMISJON FOR Å UTFØRE TILLITSVERV/OFFENTLEG OMBOD 8.1 Med offentlege tillitsverv forstår ein ombod som er oppretta ved lov eller med heimel i lov (t.d. medlem av kommunestyre eller fylkesting), samt domsmenn, skjønnsmenn og rettsvitne. Arbeidstakarar blir gitt permisjon med løn inntil 10 dagar pr. år, for å utføre offentlege tillitsverv, når tillitsvervet ikkje kan bli utført utanom arbeidstida. Permisjon utover denne grensa vert gitt som permisjon utan løn. Dersom tillitsvervet medfører særskilt godtgjersle, kan kommunen gjere frådrag for dette beløpet. Det skal likevel ikkje gjerast frådrag for møtegodtgjersle og diettgodtgjersle. Arbeidstakar som blir vald som stortingsrepresentant, ordførar eller anna tillitsverv på heiltid, får permisjon utan løn for valperioden. 8.2 Arbeidstakar som blir vald som utsending til nominasjonsmøte ved stortingsval, fylkestingsval eller kommuneval blir innvilga permisjon med løn. 8.3 Arbeidstakar som blir vald/tilsett i tillitsverv i sentrale eller distrikts-/fylkesorgan eller blir tilsett som funksjonær i arbeidstakarorganisasjonen sin, blir gitt permisjon utan løn i inntil 4 år. 8.4 Arbeidstakar med tillitsverv i dei funksjonshemma sine interesseorganisasjonar kan bli innvilga permisjon med løn for å ta del i forbundet sine styrande organ. Dette kan og omfatte kurs når kurset har mykje å seie for vedkomande sitt arbeid med å fremje dei funksjonshemma sine interesser (alt innafor totalramma på 10 dagar pr. år). 8.5 For utføringa av tillitsverv i humanitære, religiøse eller andre organisasjonar, kan det etter konkret vurdering bli innvilga permisjon utan løn. 9 PERMISJONAR FOR TILLITSVALDE MED HEIMEL I HOVUDAVTALEN 9.1 Permisjon for å utøve funksjon som tillitsvald er regulert i Hovudavtalen (HA). Reglane i HA er overordna dette permisjonsreglementet. 9.2 Arbeidstakar som er vald til fastløna tillitsvald etter HA, vert innvilga permisjon utan løn inntil 2 år om gongen. 9.3 For deltaking i møte, konferansar og liknande som ligg utanfor reglane i HA, kan det bli gitt permisjon utan løn. Side 4 av 6

5 10 OMSORGSPERMISJONAR / REDUSERT ARBEIDSTID / VERNEPLIKT 10.1 Ved permisjon ved sjukdom, svangerskap, adopsjon, amming, omsorg for barn og tvungen verneplikt/sivilarbeidarteneste gjeld reglane i AML, HA og HTA Arbeidstakarar vert etter søknad gitt permisjon utan løn i inntil 3 år for å ha omsorg for barn. Grensa på tre år gjeld likevel slik at ein har krav på eitt år permisjon utan løn for kvart barn. Permisjon etter dette punktet gjeld ikkje dersom ordning for delvis permisjon er nytta. Dersom delvis permisjon er nytta, skal den perioden som går utover det tidsrom den tilsette har rett til permisjon med full løn eller permisjon med 80% løn, gå til frådrag i dei 3 åra foreldra kan ta uløna permisjon. Retten til uløna omsorgspermisjon må nyttast før barnet/barna fyller 12 år Redusert arbeidstid i følgje AML 10-2 (4): Arbeidstakar som har fylt 62 år eller som av helsemessige, sosiale eller andre vektige velferdsgrunnar har behov for å få redusert arbeidstida si, har rett til dette dersom arbeidsreduksjonen kan gjennomførast utan særleg ulempe for verksemda. Reduksjon i arbeidstida kan givast for inntil to år om gongen. 11 UTDANNINGSPERMISJON 11.1 Rett til utdanningspermisjon og eventuell rett til løn under utdanning, er regulert i AML og HTA kap Heil eller delvis løn kan bli innvilga dersom utdanninga er ein del av kommunen sine opplæringstiltak. Det skal fastsetjast bindingstid for tilsette som tek i mot løn under utdanning Deltaking på kurs som er pålagt av arbeidsgivar og som er ein del av kommunen sine opplæringstiltak, er arbeidstid og skal ikkje handsamast som permisjon. Dersom deltidstilsette blir pålagde å delta på kurs på fridagane sine, skal kursdeltakinga kompenserast med løn eller fritid Permisjon i samband med å ta eksamen er regulert i HTA kap Det er ein føresetnad at arbeidstakaren ville hatt ordinært arbeid dei 2 dagane rett før eksamen og at faget har verdi for kommunen. 12 PERMISJON FOR OVERGANG TIL ANNA STILLING 12.1 Som hovudregel vert det ikkje gitt permisjon ved overgang til ny fast stilling i eller utanfor kommunen. Dersom arbeidstakar har vore tilsett i Nissedal kommune i 5 år, kan det bli gitt permisjon utan løn i inntil 1 år. Slik permisjon kan berre bli gitt dersom det kan gjennomførast utan særlege ulemper for Nissedal kommune og vikarspørsmålet kan løysast på tilfredsstillande vis. Side 5 av 6

6 12.2 Permisjon kan vurderast dersom det gjeld eit vikariat/engasjement som kan gi fagleg nytte for den tilsette og kommunen. For slik permisjon utanfor kommunen, må arbeidstakar ha vore tilsett i 5 år. Permisjonen kan berre bli gitt dersom det ikkje medfører særlege ulemper for Nissedal kommune og vikarspørsmålet kan løysast på tilfredsstillande vis. 13 YMSE PERMISJONSREGLAR 13.1 Det kan bli innvilga permisjon utan løn i inntil 2 år for arbeidstakarar som skal arbeide i hjelpetiltak i utviklingsland. Arbeidstakar som er ektefelle/sambuar til ein som skal gjere slikt arbeid, kan også givast permisjon Arbeidstakarar som er knytt til hjelpekorps, vert gitt permisjon med løn i samband med utrykking for å hjelpe naudlidande Søknad om permisjon av andre grunnar enn gitt i dette reglementet, skal avgjerast av ADMU. Grunnar som kan knytast til avtale om inkluderande arbeidsliv skal vektleggast. 14 RULLERING AV REGLEMENTET 14.1 Permisjonsreglementet vert lagt fram for kommunestyret for rullering minst ein gong i kvar kommunestyreperiode. AMU og ADMU har rett til å uttale seg i samband med rulleringa. Side 6 av 6