Fellesnemndsmøte Norddal og Stordal kommunar 13. mars 2018 Stad: Rådhuset i Valldal Tid: 13:00-16:30 Til stades: Eva Hove, leiar, Arne Sandnes, Viktor Valdal, Bjørn Ove Olsen, Kjersti R. Hjelle, John Helge Larsen Forfall: Laila Olsen, Olav Løvoll Vara: Anders Jørgen Gjerde, Terje Linge Frå administrasjonen: Rådmann Karl André Birkhol Rådmann Anne Berit Løset Prosjektleiar Hilde Dyrkorn som også var sekretær på møtet Ingen hadde merknader til innkalling og sakliste. Orienteringssaker: 1. Innbyggjarinvolvering v/rådmann i Vannylven Andreas Christian Nørve 2. Diverse orienteringar v/leiar Eva Hove - Arbeid med tanke på å avklare framtidige interkommunale samarbeid Orientering frå prosektleiar: Digitaliseringsstrategi - plan for gjennomføring Kulturbyggingsfond - oppretting av styringsgruppe Mandat arbeidsgruppene - igangsetting av vidare arbeid Sakliste: 17/18 Godkjenning av protokoll frå møta 13.02 og 28.02.2018 Protokollane frå møta 13.02 og 28.02.2018 vert godkjente.
Protokollane frå møta 13.02 og 28.02.2018 vert godkjente. 18/18 Referatsaker - Forskrift om samanslåing av Norddal og Stordal kommunar til Fjord kommune er fastsett - Tilbod om kjøp av skuleplassar Fjord kommune Referatsakene vert tatt til vitande. Referatsakene vert tatt til vitande. 19/18 Godtgjerslereglement revidering av vedteke reglement, og omgjering av tidlegare vedtak - utsett sak 1. Fellesnemnda gjer om inkje vedtak av 19.12.17 sak 06 om inntil ei dagslønn per månad for hovudverneomboda i prosjektperioden, og godtgjersle for arbeid i prosjektperioden vert i høve vedteke godtgjerslereglement. 2. Fellesnemnda understrekar at det vert gitt møtegodtgjersle der det ikkje vert sett inn vikar. 3. Fellesnemnda vedtekt at medlemmar i fellesnemnda eller politiske arbeidsgrupper som ikkje krev tapt arbeidsforteneste, kan søkje om eit maksbeløp for ulegitimert tap av arbeidsforteneste på inntil kr 1600 per dag. 4. Fellesnemnda sine vedtak om godtgjersle gjeld frå november 2017 og til prosektet vert avslutta. Ein viser og til punkt i Hovedavtalen del B 3-4, 4.ledd «Rett til fri frå ordinært arbeidtillitsvalte sin rett til tenestefri for å utføre sine oppgåver»
1. Fellesnemnda gjer om inkje vedtak av 19.12.17 sak 06 om inntil ei dagslønn per månad for hovudverneomboda i prosjektperioden, og godtgjersle for arbeid i prosjektperioden vert i høve vedteke godtgjerslereglement. 2. Fellesnemnda understrekar at det vert gitt møtegodtgjersle der det ikkje vert sett inn vikar. 3. Fellesnemnda vedtekt at medlemmar i fellesnemnda eller politiske arbeidsgrupper som ikkje krev tapt arbeidsforteneste, kan søkje om eit maksbeløp for ulegitimert tap av arbeidsforteneste på inntil kr 1600 per dag. 4. Fellesnemnda sine vedtak om godtgjersle gjeld frå november 2017 og til prosektet vert avslutta. Ein viser og til punkt i Hovedavtalen del B 3-4, 4.ledd «Rett til fri frå ordinært arbeidtillitsvalte sin rett til tenestefri for å utføre sine oppgåver» 20/18 Fellesnemnda sin uttale til årsbudsjett og økonomiplan etter Inndelingsloven 26 3. ledd Fellesnemnda sender uttalen om budsjett og økonomiplan 2018-2020 for Norddal og Stordal kommunar til Fylkesmannen jfr.inndelingslova 26 3.ledd. 1. Fellesnemnda har ikkje handsama budsjettet 2018 frå kommunane før dei vart vedtekne i dei respektive kommunestyra, og tek difor budsjetta for 2018 til vitande. 2. Fellesnemnda opplever begge budsjett som gjennomarbeidde, der realismekravet i Kommunelova er oppfylt. Nemnda forventar at neste budsjettprosess vert lagt opp slik at budsjetta vert å handsame i fellesnemnda før den politiske handsaminga i dei respektive kommunane vert sluttført. 3. Det skal vere ei stor grad av samhandling mellom administrasjonane i utarbeiding av budsjettet for 2019 og framover, der det er stor fokus på effektivisering og om mogleg samkøyring av ressursar. Fellesnemnda sender uttalen om budsjett og økonomiplan 2018-2020 for Norddal og Stordal kommunar til Fylkesmannen jfr.inndelingslova 26 3.ledd. 1. Fellesnemnda har ikkje handsama budsjettet 2018 frå kommunane før dei vart vedtekne i dei respektive kommunestyra, og tek difor budsjetta for 2018 til vitande.
2. Fellesnemnda opplever begge budsjett som gjennomarbeidde, der realismekravet i Kommunelova er oppfylt. Nemnda forventar at neste budsjettprosess vert lagt opp slik at budsjetta vert å handsame i fellesnemnda før den politiske handsaminga i dei respektive kommunane vert sluttført. 3. Det skal vere ei stor grad av samhandling mellom administrasjonane i utarbeiding av budsjettet for 2019 og framover, der det er stor fokus på effektivisering og om mogleg samkøyring av ressursar. 21/18 Uttale frå fellesnemnda Fjord kommune til grensejustering i Norddal kommune Fellesnemnda sluttar seg til vedlagte høyringsfråsegn vedr. omsøkt grensejustering av bygdene Eidsdal og Norddal i Norddal kommune. Siste setning i uttalen vert endra til: Det vil vere eit utfall som vil verte oppfatta svært negativt og vanskeleg å godta. Røysting: Samrøystes i samsvar med innstillinga og den endringa som vart gjort i møtet. Fellesnemnda sluttar seg til vedlagte høyringsfråsegn vedr. omsøkt grensejustering av bygdene Eidsdal og Norddal i Norddal kommune med den endringa som vart gjort i møtet. 22/18 Tilsetting av administrasjonssjef i Fjord kommune Ikkje offentleg, off.lova 25, Partsamansett utval si tilråding: 1. Karl Andre Birkhol vert tilbydd stillinga som administrasjonssjef i Fjord kommune. Tilsetjingsvilkår og andre tilhøve må avklarast så snart som råd herunder også dato for å starte i stillinga. 2. Dersom Karl Andre Birkhol ikkje takkar ja til stillinga, må saka på nytt vurderast av fellesnemnda. Det vart fremma slikt tillegg til pkt. 1: Leiar og nestleiar i fellesnemnda får fullmakt til å framforhandle og signere ein avtale. Røysting: Samrøystes i samsvar med innstillinga og tilleggsframlegget i pkt. 1.
1. Karl Andre Birkhol vert tilbydd stillinga som administrasjonssjef i Fjord kommune. Tilsetjingsvilkår og andre tilhøve må avklarast så snart som råd herunder også dato for å starte i stillinga. Leiar og nestleiar i fellesnemnda får fullmakt til å framforhandle og signere ein avtale. 2. Dersom Karl Andre Birkhol ikkje takkar ja til stillinga, må saka på nytt vurderast av fellesnemnda. Eva Hove leiar Hilde Dyrkorn prosjektleiar