ULSTEIN KOMMUNE MØTEPROTOKOLL Utval: Ulstein kommunestyre Møtestad: kommunestyresalen, Ulstein rådhus Dato: 28.03.2019 Tid: 14:00 21:50 Faste medlemmer som møtte: Navn Funksjon Representerer Knut Erik Engh Ordførar FRP Alf Johan Antonsen Medlem FRP Einar Nevstad Medlem FRP Mariette Gjerde Medlem FRP Jon Åge Eidem Medlem FRP Svein Børre Dimmen Medlem FRP Tor Meinseth Medlem H Kari Warholm Medlem H Knut Kleiven Medlem H Egil Ulfstein Medlem H Renathe Rossi-Kaldhol Medlem AP Hanne Notøy Medlem AP Marianne Breivik Medlem AP Ottar Kaldhol Medlem AP Steinar Torvik Varaordførar KRF Trond Berg Medlem KRF Odd Arne Vikebakk Medlem KRF Eldar Knotten Medlem V Hannelore Måseide Medlem V Lisa Mari Breivik Anderson Medlem SP Oddvar Gjerde Medlem SP Morten Feiring Medlem SV Faste medlemmer som ikkje møtte: Navn Funksjon Representerer Heidi Strand MEDL H Magne Grimstad jr. MEDL AP Pål Grødahl MEDL V Varamedlemmer som møtte: Navn Møtte for Representerer Hans Petter Th. Ulstein Heidi Strand H Magne Gurskevik Magne Grimstad jr. AP Einar Magne Skeide Pål Grødahl V Frå administrasjonen møtte: 1
Navn Verner Larsen Arne Runar Vik Anita Sundnes Ingunn Hestnes Cecilie Roppen Sindre Moltu Riisøen Svein Arne Orvik Stilling Elles var dagleg leiar Jostein Støylen i Vest Kontroll til stades. Permisjonar Tor Meinseth fekk permisjon før sakene PS 19/32 37 vart handsama. 2
SAKLISTE Saksnr Tittel Arkivsaknr SPØRJETIME OG OPEN TALARSTOL PS 19/26 GODKJENNING AV INNKALLING OG SAKLISTE PS 19/27 GODKJENNING AV PROTOKOLL FRÅ SISTE MØTE PS 19/28 MELDINGSSAKER DS 19/2 DELEGASJONSSAKER RS 19/5 BESLUTNINGER FRA POLITIDIREKTORATET OM 2019/236 ENDRINGER I LOKAL STRUKTUR FOR MØRE OG ROMSDAL POLITIDISTRIKT RS 19/6 ÅRSMELDING 2018 - FELLESRÅDET FOR ELDRE OG MENNESKE MED NEDSETT FUNKSJONSEVNE 2017/818 RS 19/7 ÅRSMELDING OG REKNESKAP FOR SØRE SUNNMØRE IKT 2017/1392 RS 19/8 UNGDOMMENS MILJØKRAV TIL KOMMUNANE I MØRE 2019/418 OG ROMSDAL RS 19/9 KONTROLLRAPPORT 2018 2019/146 RS 19/10 PROTOKOLL FRÅ KONTROLLUTVALSMØTET 05.03.2019 2019/208 RS 19/11 KLAGE PÅ VEDTAK I ULSTEIN KOMMUNESTYRE: 2019/204 FORSTUDIE REISELIVSPLAN, VIDARE OPPFØLGJING PS 19/29 ENDELEG GODKJENNING - KOMMUNEPLANENS 2015/83 AREALDEL 2019-2031 PS 19/30 ÅRSMELDING FOR 2018 FRÅ KONTROLLUTVALET 2019/208 PS 19/31 BRANNSTASJON - PROSESS FOR REALISERING AV NYTT BYGG 2017/711 PS 19/32 FLØ FISKERIHAMN - VURDERING AV KOMMUNALT KJØP 2019/365 PS 19/33 SAUNESMARKA - VEGLYS OG FORLENGING AV GANG- 2019/130 OG SYKKELVEG PS 19/34 STRATEGI FOR NYSKAPING 2018/1467 PS 19/35 SØKNAD OM NYTT SKJENKELØYVE - KAFFEBAREN 2019/266 ULSTEINVIK AS PS 19/36 SØKNAD OMUTVIDING AV SKJENKELØYVET OG UTVIDA 2017/855 SKJENKETID - QUALITY HOTEL ULSTEIN PS 19/37 GNR. 8, BNR. 152. KLAGE PÅ VEDTAK OM PARKERINGSKRAV, ULSTEINVIK BIBELSENTER 2018/135 Frå kl. 14 til 17 var det stormøte med kommunestyrerepresentantane, leiargruppa i kommunen, hovudtillitsvalde og deltakar frå administrasjonen i satsinga på heiltidskultur. Tema: Heiltidskultur og arbeidsgivarpolitikk. Det ordinære kommunestyremøtet tok til kl. 18. SPØRJETIME Spørsmål frå Odd Arne Vikebakk: Det gjeld oppfølginga av ei sak som vi gjorde samrøystes vedtak i kommunestyret, som handla om prioritering for korleis PP-tenesta skal arbeide for framtida. Og bakgrunnen for denne saka 3
var at då hadde den vore behandla i kontrollutvalet, og dei kom med tilrådingar på korleis PPtenesta skulle jobbe. Eg synest det er naturleg at det er våre eigne fagfolk, vår fagetat, som kjem med slike tilrådingar og utfordrar oss som politikarar til å meine noko om det. Og då vi gjorde vi også eit slikt vedtak i kommunestyret den 24. mai i fjor: Kommunestyret ber rådmannen avklare grunnlaget eller premissane for det som då var skissert i anbefalinga og kome med si tilråding til levekårsutvalet og kommunestyret innan utgangen av oktober november 2018. Det er tross alt ei lita stund sidan, og det kan vere naturleg å få den saka fram. Så kva tid kan vi rekne med å få den saka til behandling? Svar frå rådmannen: Vi har rapportert, men ved ein liten feil vart det først rapportert til kontrollutvalet, og så vart det rapportert til levekårsutvalet, dei hadde den framme som referatsak i sist møte. Dei gjorde eit vedtak om at dei tok den til vitende og ønska at kommunestyret skulle få ei sak. Og dermed kjem vi med denne som sak til neste kommunestyremøte. Spørsmål frå Odd Arne Vikebakk: Ei sak frå 20. september i fjor: Det var også eit samrøystes oversendingsframlegg som gjekk på å få nokre tankar på korleis vi skulle forholde oss som kommunestyre eller korleis ulike organisasjonar og lag skulle forholde seg til oss og til Ulstein kommune når dei gjennomfører og har jubileum. Fordi vi ynskjer å vere ein god støttespelar til lag og organisasjonar, vi ynskjer å vere ein støttespelar som ulike lag og organisasjonar kan forholde seg til. Så var det slik at kommunestyret ber formannskapet om å fremje ei sak for politisk handsaming der premissar og retningslinjer for tildeling av jubileumstilskot eller støtte vert konkretiserte eller klarlagde. Er denne saka under arbeid? Svar frå rådmannen: Saka er i arbeid. Den har nok kome bak eit par andre saker på kultur, men den er under arbeid, så den kjem fram. OVERSENDINGSFRAMLEGG Oversendingsframlegg frå SV: «Strategiplan for ein regional reiselivsplan» vert sendt tilbake til formannskapet for ny behandling, der spørsmål om konsekvensar av turismesatsingane vert utgreia og der medverknad frå innbyggarane vert vektlagt. Røysting: Oversendingsframlegget fekk 3 røyster og fall. ----------------------------------------------------- Ulsteinvik, 28.3.2019 4
Knut Erik Engh ordførar Svein Arne Orvik møtesekretær Hanne Notøy Hannelore Måseide 5
PS 19/26 GODKJENNING AV INNKALLING OG SAKLISTE Innkallinga og saklista vert godkjent med tillegg av ei ettersendt sak: PS 19/37 Gnr. 8, bnr. 152. Klage på vedtak om parkeringskrav, Ulsteinvik Bibelsenter PS 19/27 GODKJENNING AV PROTOKOLL FRÅ SISTE MØTE Protokollen frå møtet 21.2.2019 vert godkjent. PS 19/28 MELDINGSSAKER Kommunestyret sender sak RS 19/11 Klage på vedtak i Ulstein kommunestyre: Forstudie reiselivsplan, vidare oppfølging tilbake til administrasjonen og ber dei legge fram ei sak til neste kommunestyremøte der vi behandlar klagen. Kommunestyret tek elles meldingane til vitende. Ordføraren bad kommunestyret vurdere habiliteten hans i sak RS 19/11 Klage på vedtak i Ulstein kommunestyre: Forstudie reiselivsplan, vidare oppfølging fordi han er styremedlem i Destinasjon Ålesund og Sunnmøre. Ordføraren gjekk ifrå medan kommunestyret vurderte habiliteten hans. Kommunestyret fann med 24 mot 0 røyster at ordføraren er gild i saka. Framlegg frå Morten Feiring: RS 19/11 Klage på vedtak i Ulstein kommunestyre: Forstudie reiselivsplan, vidare oppfølging vert behandla som eiga sak i møtet. To alternative framlegg til vedtak: Alternativ 1: Kommunestyret ber om at Flø vert fjerna som turistfyrtårn i «Strategiplan for ein regional reislivsplan» slik det er skissert i PS 19/21 Forstudie reiselivsplan vidare oppfølging. Alternativ 2: «Strategiplan for ein regional reiselivsplan» vert sendt tilbake til formannskapet for ny behandling, der spørsmål om konsekvensar av turismesatsingane vert utgreia og der medverknad frå innbyggarane vert vektlagt. Framlegg frå Steinar Torvik: 6
Kommunestyret sender sak RS 19/11 Klage på vedtak i Ulstein kommunestyre: Forstudie reiselivsplan, vidare oppfølging tilbake til administrasjonen og ber dei legge fram ei sak til neste kommunestyremøte der vi behandlar klagen. --- Ordføraren avviste å sette sak RS 19/11 på sakskartet som politisk sak. Heimelen for det er kommunelova 34: «Folkevalgt organ kan [ ] treffe vedtak i sak som ikke er oppført på saklisten, hvis ikke møteleder eller 1/3 av de møtende medlemmene motsetter seg dette.» Kommunestyret tok framlegget frå Torvik opp til votering. Røysting: Framlegget frå Torvik vart vedteke med 25 mot 0 røyster. DS 19/2 DELEGASJONSSAKER RS 19/5 BESLUTNINGER FRA POLITIDIREKTORATET OM ENDRINGER I LOKAL STRUKTUR FOR MØRE OG ROMSDAL POLITIDISTRIKT RS 19/6 ÅRSMELDING 2018 - FELLESRÅDET FOR ELDRE OG MENNESKE MED NEDSETT FUNKSJONSEVNE RS 19/7 ÅRSMELDING OG REKNESKAP FOR SØRE SUNNMØRE IKT RS 19/8 UNGDOMMENS MILJØKRAV TIL KOMMUNANE I MØRE OG ROMSDAL RS 19/9 KONTROLLRAPPORT 2018 RS 19/10 PROTOKOLL FRÅ KONTROLLUTVALSMØTET 05.03.2019 RS 19/11 KLAGE PÅ VEDTAK I ULSTEIN KOMMUNESTYRE: FORSTUDIE REISELIVSPLAN, VIDARE OPPFØLGJING 7
PS 19/29 ENDELEG GODKJENNING - KOMMUNEPLANENS AREALDEL 2019-2031 Ulstein kommunestyre godkjenner i medhald av plan- og bygningslova 11-15, Kommuneplanens arealdel - Ulstein kommune 2019-2031, slik den ligg føre, med følgande endringar: - Turveg Fjelle Hasundhornet vert bygd som kategori C-sti. - Området T105 Saunes Glopen vert teke ut av planen. Avklaring om arealbruken til gravplass, område G101 og G102 vert oversendt til kommunal- og moderniseringsdepartementet for avgjerd, jf. motsegn frå Møre og Romsdal fylkeskommune, kulturavdelinga. Tilråding frå formannskapet: Ulstein kommunestyre godkjenner i medhald av plan- og bygningslova 11-15, Kommuneplanens arealdel - Ulstein kommune 2019-2031, slik den ligg føre. Avklaring om arealbruken til gravplass, område G101 og G102 vert oversendt til kommunal- og moderniseringsdepartementet for avgjerd, jf. motsegn frå Møre og Romsdal fylkeskommune, kulturavdelinga. Framlegg frå Magne Gurskevik til prøverøysting: Området B4 er eit attraktivt sentrumsnært område. Dette arealet kan ikkje bandleggast i lang tid utan mulegheit for realisering for tiltak som naturleg høyrer til i sentrum. Så snart som råd må dette området takast ut av planen som LNF-føremål. Framlegg frå Senterpartiet: Området T104 på Garnes vert endra frå fritidshus/utleigehytter med byggeplassar til bustad-, naust- og fritidsføremål i samsvar med søknad frå eigar av gnr. 20/5, Ulstein Betongindustri. Framlegg frå Odd Arne Vikebakk: Turveg Fjelle Hasundhornet vert bygd som kategori C-sti. Framlegg frå Høgre: Området T105 Saunes Glopen vert teke ut av planen. Justert tilråding frå formannskapet fremma av ordføraren del 1: Ulstein kommunestyre godkjenner i medhald av plan- og bygningslova 11-15, Kommuneplanens arealdel - Ulstein kommune 2019-2031, slik den ligg føre, med følgande endringar: Justert tilråding frå formannskapet fremma av ordføraren del 2: 8
Avklaring om arealbruken til gravplass, område G101 og G102 vert oversendt til kommunal- og moderniseringsdepartementet for avgjerd, jf. motsegn frå Møre og Romsdal fylkeskommune, kulturavdelinga. Prøverøysting: Det vart prøverøysta over framlegget frå Magne Gurskevik. Framlegget fekk 22 røyster, 3 røysta imot. Framlegget er ikkje vedteke sidan voteringa var ei prøverøysting, og det vart ikkje fremma til ordinær røysting. Røysting: Framlegget frå Senterpartiet fekk 4 røyster og fall. Framlegget frå Odd Arne Vikebakk vart vedteke med 13 mot 12 røyster. Framlegget frå Høgre var vedteke med 15 mot 10 røyster. Den justerte tilrådinga frå formannskapet fremma av ordføraren del 1 vart vedteken med 25 mot 0 røyster. Den justerte tilrådinga frå formannskapet fremma av ordføraren del 2 vart vedteken med 25 mot 0 røyster. PS 19/30 ÅRSMELDING FOR 2018 FRÅ KONTROLLUTVALET Kommunestyret tek årsmeldinga for kontrollutvalet 2018 til vitende. Tilrådinga frå kontrollutvalet vart vedteken med 25 mot 0 røyster. PS 19/31 BRANNSTASJON - PROSESS FOR REALISERING AV NYTT BYGG Kommunestyret ber administrasjonen førebu ei sak om open anbodskonkurranse om etablering av ein ny brannstasjon i Ulsteinvik innanfor geografisk avgrensa område som vist på kartet «Avgrensing, plassering brannstasjon» vedlagt saksframlegget. Anbodsgrunnlag og kriterier for tildeling skal leggast fram for teknisk utval for endeleg godkjenning før anbodet vert utlyst. Dette vedtaket endrar ikkje prioriteringsrekkefølga i budsjett og økonomiplan 2019 2022 der Ulsteinvik barneskule har fyrste prioritet. Tomt 9 (Skollebakken) skal ikkje nyttast til bygging av brannstasjon. 9
Tilråding frå formannskapet: Kommunestyret går inn for at kommunen byggjer ny brannstasjon i Ulsteinvik i eigen regi. Kommunestyret vel tomt nr... som 1. prioritet tomt nr... som 2. prioritet tomt nr... som 3. prioritet Framlegg frå Arbeidarpartiet, Framstegspartiet, Kristeleg Folkeparti, Sosialistisk Venstreparti og Venstre: Kommunestyret ber administrasjonen førebu ei sak om open anbodskonkurranse om etablering av ein ny brannstasjon i Ulsteinvik innanfor geografisk avgrensa område som vist på kartet «Avgrensing, plassering brannstasjon» vedlagt saksframlegget. Anbodsgrunnlag og kriterier for tildeling skal leggast fram for teknisk utval for endeleg godkjenning før anbodet vert utlyst. Dette vedtaket endrar ikkje prioriteringsrekkefølga i budsjett og økonomiplan 2019 2022 der Ulsteinvik barneskule har fyrste prioritet. Tomt 9 (Skollebakken) skal ikkje nyttast til bygging av brannstasjon. Framlegg frå Høgre og Senterpartiet: Kommunestyret går inn for at kommunen byggjer ny brannstasjon i Ulsteinvik i eigen regi. Kommunestyret vel tomt nr 5 som 1. prioritet tomt nr 11 som 2. prioritet Prøverøysting: Framlegget frå Høgre og Senterpartiet fekk 8 røyster, 17 røysta imot. Endeleg røysting: Framlegget frå Høgre og Senterpartiet vart sett opp mot framlegget frå Arbeidarpartiet, Framstegspartiet, Kristeleg Folkeparti, Sosialistisk Venstreparti og Venstre. Framlegget frå Arbeidarpartiet, Framstegspartiet, Kristeleg Folkeparti, Sosialistisk Venstreparti og Venstre vart vedteke med 17 mot 8 røyster. PS 19/32 FLØ FISKERIHAMN - VURDERING AV KOMMUNALT KJØP Ulstein kommunestyre kan ikkje sjå at Ulstein kommune har bruk for Flø hamn til eiga verksemd eller at kommunen bør kjøpe den for å leggje til rette for aktivitet. Kommunestyret vil såleis ikkje kjøpe Flø fiskerihamn frå staten. 10
Ulstein kommunestyre vil gjere merksam på at kommunen vil nytte sitt mynde etter plan- og bygningslova til å styre arealbruken i Flø hamn. Dette for å sikre at allmenta skal kunne ha tilgang til og nytte av hamna i framtida. Det er viktig med offentleg eigarskap på avgjerande viktig infrastruktur. Kommunestyret ber om at Staten held fram som eigar av Flø fiskerihamn. Brev med løpenummer 5133/2019 frå Tor Kalland vart ettersendt til kommunestyret før møtet. Tittel «Flø Hamn. Arkivsak 2019/365. Løpenummer 3504/2019. Utvalsaksnummer 19/27. Kommunestyret. Feil i Saksdokument. Innspel til Kommunestyret.» Tilråding frå formannskapet: Ulstein kommunestyre kan ikkje sjå at Ulstein kommune har bruk for Flø hamn til eiga verksemd eller at kommunen bør kjøpe den for å leggje til rette for aktivitet. Kommunestyret vil såleis ikkje kjøpe Flø fiskerihamn frå staten. Ulstein kommunestyre vil gjere merksam på at kommunen vil nytte sitt mynde etter plan- og bygningslova til å styre arealbruken i Flø hamn. Dette for å sikre at allmenta skal kunne ha tilgang til og nytte av hamna i framtida. Framlegg frå Senterpartiet: Ulstein kommunestyre ønskjer at kommunen kjøper Flø fiskerihamn. Kommunestyret ber rådmannen gå i dialog med Kystverket om kjøp/overtaking. Framlegg frå SV tillegg til tilrådinga frå formannskapet: Det er viktig med offentleg eigarskap på avgjerande viktig infrastruktur. Kommunestyret ber om at Staten held fram som eigar av Flø fiskerihamn. Røysting: Framlegget frå Senterpartiet fekk 10 røyster og fall. Tilrådinga frå formannskapet vart vedteken med 15 mot 9 røyster. Framlegget frå SV vart vedteke med 24 mot 0 røyster. PS 19/33 SAUNESMARKA - VEGLYS OG FORLENGING AV GANG- OG SYKKELVEG Ulstein kommunestyre løyver 1,1 mill. kr til forlenging av gang- og sykkelveg langs Storehølvegen og til veglys i Saunesmarka industriområde. Investeringskostnaden vert dekt ved salsinntekter frå tomtesal i Saunesmarka. Resterande midlar vert tilført kapitalfondet. 11
Tilrådinga frå formannskapet vart vedteken med 24 mot 0 røyster. PS 19/34 STRATEGI FOR NYSKAPING Kommunestyret støttar framlegget til strategi som rammeverk og viser elles til innspela frå fellesrådet og ungdomsrådet og ber om at dei vert tekne omsyn til i det vidare arbeidet. Tilrådinga frå formannskapet vart vedteken med 25 mot 0 røyster. PS 19/35 SØKNAD OM NYTT SKJENKELØYVE - KAFFEBAREN ULSTEINVIK AS 1. Med heimel i alkohollova 1-7, 4-3 og alkoholpolitisk handlingsplan for UIstein kommune, vert Kaffebaren Ulsteinvik AS sin søknad om skjenkeløyve delvis imøtekomen. Søknaden om å få skjenke alkoholhaldig drikk gruppe 3 på utandørs skjenkeareal vert avslått, og omsøkt skjenketid vert delvis avslått. 2. Rådmannen tilrår at skjenkeløyvet vert gjeve på følgjande vilkår: Styrar er Tarjei Wingsternes og stadfortredar er Lidar Wingsternes. Skjenkeløyvet vert gjeve for: a) Alkoholgruppe 1- høgst 4,7 % alkohol b) Alkoholgruppe 2- over 4,7 og høgst 22% alkohol c) Alkoholgruppe 3- over 22% og høgst 60% alkohol Det vert ikkje gjeve løyve til å skjenke alkoholgruppe 3 på utandørs skjenkeareal. Skjenketida vert med heimel i alkoholpolitisk handlingsplan fastsett slik: a) For alkoholgruppe 1 og 2: kl. 11.00-01.00 mandag- torsdag og søndag kl. 11.00-02.00 fredag og laurdag b) Alkoholgruppe 3: kl. 13.00-24.00 alle dagar c) Utandørs skjenkeareal: kl. 11.00-24.00 alle dagar. Det er generell utvida innendørs skjenketid til kl. 02.00 for romjula (2. juledag 1. nyttårsdag) og påskeveka (frå måndag etter palmesøndag til 2. påskedag). Konsum av utskjenka alkoholhaldig drikke skal opphøyre seinast 30 minutt etter at skjenketida er gått ut, og all alkohol skal være rydda vekk innan same tid. 12
Øvrige vilkår for løyvet: 1. Utandørs skjenkeareal skal vere tydeleg definert og fysisk avgrensa. 2. Skjenkestaden skal delta på første moglege kurs i ansvarleg vertsskap, dette gjeld minimum for styrar og avløysar. Ved skifte av styrar og avløysar gjeld same vilkåret. 3. Internkontrollrutiner skal innleverast til kommunen seinast 1 mnd. etter kommunestyret sitt vedtak. 4. Dersom politiet krev ordensvakter vert dette stilt som vilkår for løyvet. 5. Løyvet gjeld fram til 30. september året etter at nytt kommunestyre tiltrer, jamfør alkohollova 1-6 første ledd, det vil seie fram til 30. september 2020. Løyvet kan likevel bli inndrege ved brot på vilkåra for løyvet, jamfør alkohollova 1-8, og Alkoholpolitisk handlingsplan 2016-2020 for Ulstein kommune. Tilrådinga frå levekårsutvalet vart vedteken med 24 mot 0 røyster. PS 19/36 SØKNAD OMUTVIDING AV SKJENKELØYVET OG UTVIDA SKJENKETID - QUALITY HOTEL ULSTEIN 1. Med heimel i alkohollova 4-4 2. ledd jf. alkoholpolitisk handlingsplan for Ulstein kommune punkt 4.2 vert Quality Hotel Ulstein sin søknad om å få skjenke alkoholhaldig drikk, gruppe 3, på utandørs skjenkeareal avslått 2. Med heimel i alkohollova 4-4 2. ledd jf. punkt 4.2 i alkoholpolitisk handlingsplan for Ulstein kommune punkt vert Quality Hotel Ulstein sin søknad om å få utvida skjenketid for alkoholhaldig drikk gruppe 1,2 og 3 til kl. 02.00 alle dagar avslått. Tilrådinga frå levekårsutvalet vart vedteken med 24 mot 0 røyster. PS 19/37 GNR. 8, BNR. 152. KLAGE PÅ VEDTAK OM PARKERINGSKRAV, ULSTEINVIK BIBELSENTER Ulstein kommunestyre viser til at gnr. 8, bnr. 152 har 9 parkeringsplassar tilgjengeleg. Desse vil normalt vere tilgjengelege når der er aktivitet i forsamlingssalen til Ulsteinvik Bibelsenter. Kommunestyret meiner at parkeringsbehova til dei frivillige lag, organisasjonar og kyrkjesamfunn må nærare vurderast som del av arbeidet med områdeplan for Ulsteinvik sentrum. Det må i den prosessen leggjast vekt på at bruken av p-plassar for denne typen bygg 13
hovudsakleg føregår til tider då der elles er god parkeringskapasitet i Ulsteinvik sentrum. Teknisk utval har lagt ned byggje- og deleforbod for denne eigedommen. Dermed har den ei uviss framtid i forhold til bruk, og dette må vektleggjast i vurderinga av parkeringskrav og - behov. Med bakgrunn i dette finn kommunestyret grunnlag for å ta klagen langt på veg til følgje. Kommunestyret gjev dermed mellombels dispensasjon frå parkeringskravet, jf. 19-3 i plan- og bygningslova. Parkeringsspørsmålet vert å ta opp igjen til ny vurdering etter at det er gjort vedtak om ny områdeplan for Ulsteinvik sentrum der m.a. reglane for parkering skal gåast igjennom og byggje- og deleforbodet får si avklaring. Sjølv om det vert gjeve mellombels dispensasjon for parkeringskrava, vurderer kommunestyret saka slik at omsynet bak parkeringsreglementet ikkje vert sett vesentleg til side, jf. også at parkeringsspørsmålet for eigedommen må takast opp igjen på eit seinare tidspunkt. Kommunestyret meiner at fordelane med å gje mellombels dispensasjon er større enn ulempene etter ei samla vurdering. Tilråding frå teknisk utval: Teknisk utval finn at spørsmålet om frikjøp av parkeringsplassar til UBS Eigedom AS har såpass stor prinsipiell interesse for lokalsamfunnet at kommunestyret bør handsame klagen på vedtaket teknisk utval gjorde i sak 19/11 den 07.02.2019. Klagen vert difor sendt til handsaming hjå kommunestyret som tek over teknisk utval si rolle som underinstans i klagesaka, jf. forvaltningslova kap. IV og reglement for delegering i Ulstein kommune. Utvalet gjev denne tilrådinga: Ulstein kommunestyre viser til at gnr. 8, bnr. 152 har 9 parkeringsplassar tilgjengeleg. Desse vil normalt vere tilgjengelege når der er aktivitet i forsamlingssalen til Ulsteinvik Bibelsenter. Kommunestyret meiner at parkeringsbehova til dei frivillige lag, organisasjonar og kyrkjesamfunn må nærare vurderast som del av arbeidet med områdeplan for Ulsteinvik sentrum. Det må i den prosessen leggjast vekt på at bruken av p-plassar for denne typen bygg hovudsakleg føregår til tider då der elles er god parkeringskapasitet i Ulsteinvik sentrum. Teknisk utval har lagt ned byggje- og deleforbod for denne eigedommen. Dermed har den ei uviss framtid i forhold til bruk, og dette må vektleggjast i vurderinga av parkeringskrav og - behov. Med bakgrunn i dette finn kommunestyret grunnlag for å ta klagen langt på veg til følgje. Teknisk utval gjev dermed mellombels dispensasjon frå parkeringskravet, jf. 19-3 i plan- og bygningslova. Parkeringsspørsmålet vert å ta opp igjen til ny vurdering etter at det er gjort vedtak om ny områdeplan for Ulsteinvik sentrum der m.a. reglane for parkering skal gåast igjennom og byggje- og deleforbodet får si avklaring. Sjølv om det vert gjeve mellombels dispensasjon for parkeringskrava, vurderer kommunestyret saka slik at omsynet bak parkeringsreglementet ikkje vert sett vesentleg til side, jf. også at parkeringsspørsmålet for eigedommen må takast opp igjen på eit seinare tidspunkt. Kommunestyret meiner at fordelane med å gje mellombels dispensasjon er større enn ulempene etter ei samla vurdering. --- 14
Arne Runar Vik opplyste før voteringa at - «kap. IV» i innleiinga frå tilrådinga frå teknisk utval skal vere «kapittel 6». - «Teknisk utval gjev dermed» i tilrådinga bør rettast til «Kommunestyret gjev dermed» Røysting: Tilrådinga frå teknisk utval vart vedteken med 24 mot 0 røyster. -----------o---------- Lenke vert sendt til: 1 Kommunestyret 2 Rådmannen 3 Assisterande rådmann 4 Kommunalsjefane 5 Mellomleiarane 6 Servicetorget 7 Kommunerevisoren 8 Vest Kontroll v/jostein Støylen 9 Kontrollutvalet med vara Ulstein kommune 30.3.2019 Svein Arne Orvik 15