RENNESØY SOKNERÅD ÅRSMELDING 2016 1. Soknerådet Merknad: I årsmeldinga ynskjer soknerådet å syna utviklinga frå år til år. Difor står tala for 2015 & 2014 oppførte i parentes viss slikt talmateriale har vore tilgjengeleg. Fylgjande personar har vore faste medlemmer i soknerådet sidan 1. november 2015: Thor Strandenæs, leiar, Therese Sørbø, nestleiar, Håvard Helgøy, Anne Marie Sydnes Helland, Vigdis Rognøy Fossåskaret, Marta Elisabet Åtland Førsvoll og sokneprest Harry Waldeland. I november 2016 vart det halde skriftleg val på leiar og nestleiar i soknerådet. Thor Strandenæs vart då valt som leiar og Therese Sørbø som nestleiar for eit år. Varamedlemer: Bård Ove Pedersen, Anette Helgevold, Åsmund Fløysvik, Erling Haugvaldstad og Inger Johanne Bjerga. 1. varamedlem møter fast i soknerådet. Rennesøy sokneråd har hatt 8 møte og handsama 36 orienteringssaker og 33 vedtakssaker i 2016. Felles utval og komitear: Mandata for dei felles utvala vart revidert i sokneråda og eit nytt mandat vart vedteke for kulturutval for Sørbø kyrkje. Mandata og bemanninga i utvala er lagt ut på Rennesøy kyrkjelege fellesråd sine heimesider (www.rennesoy.kyrkja.no). Det er fylgjande felles utval for kyrkjelydane i Mosterøy og Rennesøy: gudstenesteutval, trusopplæringsutval, diakoniutval med ein under-komité for kaféen i Vikevåg bedehus, redaksjonsutval for kyrkjelydsbladet, misjons- og bibelutval og kulturutval for Sørbø kyrkje. 2. Staben Desse har vore tilsette i begge sokna i 2016: Harry Waldeland sokneprest (100 %), Kjetil Molvik, ungdomsprest (trusopplæring 70 % + 30% prostiprest), Yngve Søyland, kyrkjeverje (100 %), Ole Hodnefjell, kantor (80 %.), Siv Aanestad Haraldsen, kontormedarbeidar 80 %. Ho har òg ansvar for babysang, og samarbeider med ungdomspresten om arbeidet med 4- årsboka og kontakten med barnehagane. 3. Saker soknerådet særleg har arbeidd med: 3.1 Strategidokumentet «Firkløveren». Soknerådet gjennomførte i løpet av våren ein prosess der me arbeidde med strategi og satsingsområda i kyrkjelyden for denne valperioden. Både råd og medarbeidarar var med i dette arbeidet. Resultatet av denne prosessen var dokumentet «Firkløveren», som vart vedteke i soknerådet i mai 2016. «Firkløveren» er lagt ut på Rennesøy kyrkjelege fellesråd 1
sine heimesider (www.rennesoy.kyrkja.no). Det er fire hovudsatsingsområde i dokumentet. Under kvart satsingsområde er det sett opp nokre tiltak som kan bidra til å oppnå dei resultata soknerådet ynskjer. Dei fire hovudsatsingsområda er, som fylgjer: Bidra til å finansiera oppføring av Hausken kyrkjesenter Auka oppslutninga om gudstenestene i kyrkjelyden, spesialt blant barn, unge og barnefamiliar. Auka oppslutninga om dei ulike tiltaka i trusopplæringa. Auka dei diakonale tenestene i kyrkjelyden. 3.2 Hausken kyrkjesenter. Soknerådet har særleg arbeidd for å få realisert oppføringa av Hausken kyrkjesenter. Gjennom ein underskriftskampanje som vart sett i gang under «Rennesøydagen» i september 2016 fekk me 500 underskrifter av vaksne innbyggjarar i kommunen til støtte for senteret. Oppslag og lesarbrev i Bygdebladet var andre tiltak for å få fram støtte og interesse for senteret. Endeleg vart det sendt ein søknad til Rennesøy kommune om midlar til ein arkitektkonkurranse. Gleda var stor då alle partia i kommunestyret før jul vedtok å løyva 200 000 kroner som prosjektmidlar til kyrkjesenter/ livssynssenter. Frå politikarane si side har det vore viktig at kyrkjesenteret skal romma seremonirom, båre-/syningsrom og kjølerom i tillegg til å dekka dei andre behova som kyrkjelydane har for kyrkjestove og lokala til dei mange tiltaka i trusopplæringa. 3.3 Auka oppslutning om gudstenestene. Soknerådet har utfordra gudstenesteutvalet og trusopplæringsutvalet om å samarbeida om tiltak som kan føra til fortsett auke i oppslutninga om gudstenestene 3.4 Årleg konfirmantfest. Soknerådet har kvart år ansvaret for konfirmantfesten der me byr inn konfirmantane og foreldre deira til ei samling etter samtalegudstenesta. Denne samlinga vart halden i Vikevåg bedehus 25. februar og samla 115 deltakarar. 3.5 Årsmøtet vart halde søndag 3. april 2016 i Hausken kyrkje og var felles for Rennesøy og Mosterøy sokn. 3.6 Medarbeidarfesten. Soknerådet og staben arrangerer kvart år ein medarbeidarfest for tilsette og frivillige medarbeidarar i kyrkjelydane. Denne gongen var i alt om lag 30 personar samla i Hausken kyrkje 11. mars 2016. 3.7 Salmekveldar. Organisten vår, Ole Hodnefjell har teke initiativ til og stått i bresjen for å arrangera salmekveldar slik at kyrkjelyden kan bli kjende med innhaldet i Norsk Salmebok 2013. I 2015 hadde han 7 salmekveldar i samarbeid med kyrkjekoret og andre musikarar. Dette haldt han fram med i 2016, og det vart arrangert 5 slike kveldar. Prosjektet «syng salmeboka frå perm til perm» blei avslutta i 2016. 2
3.8 Ungdomstinget. Det var ingen utsending til ungdomstinget for bispedømmet som vart halde i 2016, men dette er eit kontinuerlig tilbod til våre ungdommar i kommunen (ein frå vår kyrkjelyd). 4. Kyrkjelydsarbeid 4.1 Likesom i tidlegare år har me hatt eit stabilt og godt kyrkjelydsarbeid. Dei gudsteneste-ansvarlege i staben har lagt godt til rette for samarbeid om gudstenesta og involvering av frivillige medarbeidarar. Likeeins har Norsk Salmebok 2013 gitt oss mange nye salmar som skapar glede i gudstenestene. Endeleg er dei retningslinene som er utarbeidd for kyrkjevertane lette å fylgja. Folk får god velkomst og ei hyggjeleg sosial samlingsstund i samband med kyrkjekaffien / kyrkjesafta, noko som skapar ei kjensle av fellesskap også i forlenging av sjølve gudstenesta. Til saman har me hatt 34 (36 & 37) gudstenester i året som gjekk. Gjennomsnittleg frammøte var 97(100 & 82). Me har hatt 22 (21 & 21) gudstenester med nattverd, med 49 (60 & 47) nattverd-gjester i snitt. Hausken kyrkje hadde 25 (26 &24) gudstenester og Sørbø kyrkje 9 (10 & 9). Gjennomsnittleg frammøte ved gudstenestene har halde seg stabilt dei to siste åra. Men gjennomsnittleg har det vore færre nattverd-gjester i 2016. Snittet for 2016 ligg såleis nærare snittet for 2014 enn snittet for 2015. Gudstenestene er fordelt på Hausken kyrkje og Sørbø kyrkje, og 17. mai-gudsteneste i Vikevåg bedehus samt ei friluftsgudsteneste i Prestvågen på våren. Gudstenesta i Prestvågen og på julaftan i Hausken kyrkje er eit samarbeid med KFUK/M-speidarane i Rennesøy. Dei har òg hatt ansvaret for julespelet på julaftans gudstenesta i Hausken kyrkje kvart år sidan 1994. Til liks med dei andre faste utvala, er Gudstenesteutvalet felles for begge kyrkjelydane. Det har vore tre møte i 2016. Tema for møta har i hovudsak vore familiegudstenesta og korleis me kan gjera høgmessa meir innbydande og meir integrerande for barn. Eitt av møta var saman med Trusopplæringsutvalet. Første gudstenesta etter sommarferien var i Utstein Kloster. Då arrangerte gudstenesteutvalet tur til Fjøløy med grilling etterpå. Oppslutninga var ikkje så stor, så den erfaringa tilseier at det heller skal satsast på tur etter familiegudsteneste ein av dei første søndagane etter sommarferien. Julaftans- og julegudsteneste held fram med å samla store deler av befolkninga på Rennesøy, noko som mellom anna syner at dei årlege kyrkjelege rituala står sterkt. Det har elles vore eit godt samarbeid med skulane om skulegudstenester for barneskulane og ungdomsskulen. Vidare har det vore regelmessig kontakt med barnehagane i samband med kyrkjelege høgtider. Me har òg sett ei gledeleg auke av dåp samanlikna med åra før. I 2016 fekk me døype 35 (21 & 17) barn. Konfirmantkulla samlar òg mange. Det var 39 (39 & 25) konfirmantar og 6 (11 & 3
12) vigsler i soknet vårt i året som gjekk. Det har vore 17 (17 & 18) gravferder. Kyrkjelyden har hatt 41 (9 & 1) utmeldingar og 2 (0 & 1) innmeldingar i 2016. Auken av utmeldingar skuldast delvis Kyrkjemøtet sitt vedtak om å opna for vigsel av samkjønna par, og delvis at utmeldingsprosessen er blitt enklare. 4.2 Ofring og givarteneste I ofring på gudstenestene har me fått inn 143.669 kr. (144.343 kr. & 125.628 kr.) Av dette var 32.749 kr. (31.525 kr. & 30.749 kr) til eige kyrkjelydsarbeid. Det er godt at offergåvene har halde seg stabile. Men i åra som kjem må det arbeidast med å auka både offergåvene ved gudstenestene og oppslutninga om den frivillige givartenesta viss kyrkjelyden sine behov skal dekkast. Sokneråda har tidlegare fastsett at 6 (+ 3 konfirmasjonsgudstenestane) av dei årlege ofringane i kvar kyrkjelyd skal gå til eige arbeid i kyrkjelydane, i alt 9 (9). Soknerådet er innforstått med at kyrkjelydane må bidra med ein eigenandel til kyrkjesenteret og har vedteke mandat for innsamlingskomitéen. Det er òg fatta vedtak i soknerådet om at fire av dei årlege takkeoffera skal gå til Hausken kyrkjesenter i perioden 2017-2019. Me er glad for at Mosterøy menighetsråd har fatta eit liknande vedtak. Dette vil seia, at medan innsamlinga til Hausken kyrkjesenter skjer, vert ofringar til andre føremål redusert tilsvarande (med 4 offersøndagar for kvar kyrkjelyd årleg, i tida 2017-2019). Ved utgangen av 2016 var det kome inn 56.865 kr. i gåver til Hausken kyrkjesenter. Fasteaksjonen for Kirkens nødhjelp blei gjennomført av konfirmantane, og resultatet blei 29.668 kr. (30.501 kr. & 23.913 kr.). Begge kyrkjelydane har i samarbeid ei givarteneste/gåver der inntektene frå begge kyrkjelydene er øyremerka trusopplæringa. Resultatet for 2016 var 62.405 kr. (89.358 kr. & 54.905 kr.). Inntekta frå denne tenesta treng me i trusopplæringa. Gåveinntektene steig frå 2014 til 2015, men gjekk ned i 2016. Det må altså arbeidast med å rekruttera fleire givarar. 4.3 Trusopplæring Sidan 2013 har me ein felles mentoravtale for trusopplæring med Finnøy. Denne avtalen blei avslutta etter første halvår 2016. I staden har me fått Trusopplæringsutvalet, som er eit fagråd for Ungdomspresten, som leier utvalet og har hovudansvaret for trusopplæringa i soknet. Det er skipa ulike grupper av frivillige som samarbeider med han om konfirmantarbeidet og årlege breiddetiltak. Ungdomspresten har vore på fleire skulebesøk i samband med fase-tiltaka i trusopplæringa. Det har ført til auka oppslutning om einskilde tiltak. 4
Babysongen i Hausken kyrkje er eit tilbod for begge kyrkjelydane og samlar 2-10 born, med eit snitt på 5. Tre av samlingane i 2016 var på sjukeheimen. Foreldra er særs inkluderande og interesserte i å ta vare på kvarandre og på borna. Borna i 5. klasse får nytestamentet på norsk-engelsk i samarbeid med Norsk Gideon og 4- åringane får barnebibel. Den årlige 24 H-festivalen (for 11-åringane) blei gjennomført i Mastrahallen og Mastrahuset (21.-23- mars). I alt var det 90 (142 & 116) born frå begge kyrkjelydane. Det er ein tydeleg tilbakegong frå 2015. «Tårnagentane», (som er eit årleg tiltak for 8-åringane, felles for begge kyrkjelydar) vart arrangert over to dagar 30.-31. januar. Laurdagen var alle 22 (19) tårnagentane i Utstein kloster kyrkje. Tårnagentane hadde òg oppgåver i samband med gudstenesta i Hausken kyrkje dagen etter. Her har fleire vaksne tidlegare vore «englevaktar». Opplegget var populært blant borna og me har òg fått gode tilbakemeldingar frå heimane deira. Likesom i 2015 vart «Lys Vaken», (som er eit tilbod til 11-12-åringane i begge kyrkjelydar), arrangert i samarbeid med Rennesøy KFUM-KFUK Speidargruppe på fyrste helg i advent (26-27/11), der ein starta med den årlege lysmessa. I alt var det 11 (33 &15) som deltok. Laurdagen hadde dei program og overnatta i Hausken kyrkje. Søndagen utførte dei oppgåver i samband med gudstenesta same staden. Sidan det var mangel på vaksne nattevaktar, vart det inga overnatting i kyrkja på «Lys Vaken» denne gongen. Det er tydeleg at me må arbeida med å auka oppslutninga om dei store bredde-tiltaka i trusopplæringa. Det gjeld ikkje berre å få med fleire «tårnagentar» men òg fleire deltakarar til «Lys Vaken» og 24 H-festivalen. Dessutan må me mobilisera fleire foreldre og vaksne leiarar til bredde-tiltaka. 4.4 Misjon, bibel og diakoni På oppmoding frå Misjons- og bibelutvalet valde begge sokneråda å halda fram med å støtta NMS sitt arbeid på Madagaskar. Etter mange år med støtte til Shalomi, vedtok ein i denne valperioden prosjektet «kyrkjeleg undervisning, Madagaskar». I høve Det Norske Bibelselskap sitt 200 års jubileum arrangerte Misjons- og bibelutvalet ei bibelutstilling i Hausken kyrkje (16/10 ) og Askje kyrkje (23/10). 22/10 var det halde Bibelmaraton, først i Askje kirke og så i Hausken kyrkje, med om lag 25 personar i kvar kyrkje. Ordførar Dagny Sunnanå Hausken opna samlinga i Askje kyrkje, medan varaordførar Jostein Eiane opna samlinga i Hausken kyrkje. Onsdagskafeen på Vikevåg bedehus er eit viktig diakonalt tiltak som anna kvar veke samlar godt vaksne menneske mellom 20 og 30 kvar gong. Det populære tiltaket hadde 10- årsjubileum i 2016 og fekk helsing og blomster frå Rennesøy kommune ved varaordførar 5
Jostein Eiane på jubileumstilstellinga. Medlemmene i diakoniutvalet går med blomsterhelsing til 80-åringane og soknepresten besøker 90-åringane. 4.5 Anna arbeid Til liks med tidlegare år deltok Rennesøy kyrkjelyd og Mosterøy kyrkjelyd på «Rennesøydagen» laurdag 27. august i Vikevåg sentrum, saman med andre organisasjonar i kommunen. Slik får kyrkja kvart år høve til å vera synleg for innbyggjarane i kommunen. Soknerådet og KFUK-KFUM speidarane hadde stand der ein informerte om og samla underskrifter til støtte for Hausken kyrkjesenter, og delte ut vaflar og lappar til folk som kom innom. Godt arbeid på bedehuset i Vikevåg og på Utstein Pilegrimsgard er positive supplement for folk i kommunen. Sørbø kyrkje har hatt sommarope i to månader. Vi er takksame for at Leif Sørbø har tatt ansvar for dette. Elles har kulturutvalet for Sørbø kyrkje arrangert 5 kveldssamlingar. 3 av dei var Vesper-gudstenester i samarbeid med Utstein Pilegrimsgard. 2 av dei var kulturkveldar, den eine om soga til Sørbø kyrkje, den andre ein middelalderkveld. Rennesøy kommune har hatt betydeleg tilflytting i dei seinare åra. Sjølv om dette har flata noko ut nå, er det ei utfordring for kyrkja å vera slik at både dei som flyttar inn her og dei som har budd her lenge opplever ei open og inkluderande kyrkje. Difor ynskjer me å styrka opplevinga av å høyra til kyrkjefellesskapet, styrka gudstenestelivet, gi gode tilbod til alle barn og unge i kommunen og driva aktiv misjon både ute og heime. Til dette omfattande arbeidet treng me både gode tilsette og frivillige som er positive og villige til å arbeida for Guds rike. Me vil takka alle som gjer ein innsats for kyrkjelyden, som kjem trufast på gudstenestene, ber for kyrkja og gir gåver til arbeidet. Vedtatt i Rennesøy sokneråd 7. mars 2017. For Rennesøy sokneråd Thor Strandenæs, leiar 6