SKODJE KOMMUNE Møteprotokoll Utval: FORMANNSKAPET Møtestad: Rådhuset Møtedato: 06.11.2012 Tid: 17.00 Desse møtte: Terje Vadset, ordførar Lidvar Giskeødegård Torunn Mølsæter Rolf Stavset, vararepresentant for Kari Grindvik Bjørn André Stavset Linda Stavset, vararepresentant for Modolf Hareide Gunnar Hauge, vararepresentant for Knut Strand 7 voterande. Tilstades var òg rådmann, økonomisjef, og konsulent Knut Berg. Sistnemnde førde møteboka.. Ingen hadde merknader til innkalling eller sakliste. Økonomisjefen orienterte om perioderapporten for september 2012. SAKLISTE Sak nr. Arkivsak 96/12 12/713 GODKJENNING AV PROTOKOLL FRÅ MØTE 30.10.2012 97/12 12/710 EKOMMUNE SUNNMØRE - OPPRETTING AV INTERKOMMUNALT SAMARBEID OM IKT-TENESTER 98/12 11/911 ETABLERING AV SAMARBEIDSUTVAL VED PRESTEMARKA BU- OG DAGTILBOD 99/12 08/687 BUSETTING AV FLYKTNINGAR 100/12 12/665 BUSTADFELT SAGATUN - TEKNISKE ANLEGG
Sak 96/12 GODKJENNING AV PROTOKOLL FRÅ MØTE 30.10.2012 Rådmannen hadde slik merknad til sak 93/12 Budsjettrevisjon nr. 2 2012 i møteprotokollen for formannskapet 30.10.2012: Overskrifta VEDTAK vert endra til INNSTILLING. Saka skal til kommunestyret 13.11.2012. VEDTAK: Protokollen frå møte 30.10.2012 vert samrøystes godkjent med endringane over Retta protokoll skal leggjast fram i neste møte. Sak 97/12 EKOMMUNE SUNNMØRE - OPPRETTING AV INTERKOMMUNALT SAMARBEID OM IKT-TENESTER Samrøystes vedtak i samsvar med rådmannens innstilling. 1. Skodje kommune vedtek den tilrådde organiseringa av ekommune Sunnmøre og tek vedteken IKT-strategi for ekommune Sunnmøre for 2013-16 til orientering. Skodje kommune godkjenner vedtekter for ekommune Sunnmøre, heimla i Kommunelova 27. 2. Skodje kommune godkjenner framlegg til samarbeidsavtale for IKT-drift, heimla i kommunelova 28b. Skodje kommune ber om ei evaluering etter første driftsår. Evalueringa skal sjå om intensjonen i avtalen er innfridd. Sak 98/12 ETABLERING AV SAMARBEIDSUTVAL VED PRESTEMARKA BU- OG DAGTILBOD Samrøystes vedtak i samsvar med rådmannens innstilling. Ordføraren tek del som politisk representant i samarbeidsutvalet. (pkt. 3) 1. Det vert oppretta eit eige samarbeidsutval for Prestemarka bu- og dagtilbod med verknad frå 01.01.13. 2
2. Utvalet skal bestå av to representantar for dei tilsette, to for pårørande/hjelpeverge, og tre representantar for kommunen. Den eine av representantane for kommunen skal vere einingsleiar, og ein representant skal vere oppnemnd av kommunestyret. Brukarrepresentantane skal ikkje vere til stades når saker som er omfatta av teieplikt etter lover eller forskrifter, blir behandla i samarbeidsutvalet. 3. Skodje kommunestyre oppnemner ordføraren som politisk representant i samarbeidsutvalet. 4. Samarbeidsutvalet har rett til å uttale seg i alle saker som gjeld tilbodet i eininga Prestemarka bu- og dagtilbod. 5. Samarbeidsutvalet skal ha minst to møte i året. Einingsleiar har ansvar for å kalle inn, og fører også referat. Sak 99/12 BUSETTING AV FLYKTNINGAR Rolf Stavset sette fram slikt framlegg til innstilling: Skodje kommune seier ja til å ta i mot inntil 15 flyktningar i 2013. Terje Vadset sette fram slikt framlegg til innstilling: Skodje kommunestyre ber administrasjonen greie ut om kommunen kan starte med mottak av flyktningar frå og med 2014. Det vart røysta over framlegget frå Rolf Stavset. Framlegget fekk 1 røyst. Det var røysta over rådmannens framlegg og framlegget til Terje Vadset. Rådmannens framlegg til insstilling fekk 0 røyster. Framlegget frå Terje Vadset fekk 7 røyster. Skodje kommunestyre ber administrasjonen greie ut om kommunen kan starte med mottak av flyktningar frå og med 2014. Sak 100/12 BUSTADFELT SAGATUN - TEKNISKE ANLEGG Formannskapet vedtok at Rolf Stavset og Bjørn-André Stavset er inhabile i handsaminga av saka. Rolf Stavset og Bjørn-André Stavset gjekk frå. 3
5 voterande. Samrøystes vedtak i samsvar med rådmannens innstilling. VEDTAK: Formannskapet har vurdert planane for kommunaltekniske anlegg i utbygginga av Sagatun bustadfelt på Stette og gjer vedtak om kommunal overtaking på følgjande vilkår: Skodje kommune tek over vegar og snuplassar slik teikning nr 1208-C1 syner, veg nr. 1 frå pel 0 til pel 205 med snuplass, veg nr. 2 frå pel 0 til pel 165 med snuplass, veg nr. 3 frå pel 0 til pel 45 og veg nr. 4 frå pel 0 til pel 140. Gangveg 1 skal vere min 3 m vegbreidd. Vegane skal byggast slik teikning nr. 1208-F1 og F2 syner. Asfaltering skal skje etter nærmare avtale med Skodje kommune teknisk avdeling. Vegane vert ikkje overtekne av Skodje kommune før dei er asfalterte. Veggrunn skal skøytast vederlagsfritt over til kommuna. Veggrunnen skal verer til topp skjering eller fot fylling, min 1,5 m frå vegskulder. Gatelys skal byggjast slik teikning nr. 1208-C1 syner. Type lys. LED veglysarmturar. I tillegg 2 stk gatelys langs gangveg 1. Gatelysa skal utbyggjast etter kravspesifikasjonar som Ålesund kommune nyttar, sjå vedlegg. Skodje kommune overtek ikkje desse vegane: Gangsti 2, 3 og 4 samt leikeplassar og leik/fritid og P. plassar langs veg 2. Skodje kommune tek over vass, kloakk og overvassleidningar slik tegning nr. 1208-GH1 syner. Skodje kommune tek over leidningane fram til og med stakekummar, stikkleidningane frå kummane og inn på tomtene er ikkje eit kommunalt ansvar, maks 1,5 m utanfor vegskulder. Stikkleidningane til tomt 4-2 og 6-3 frå SP8 og SP1 vert ikkje overtekne til kommunal ansvar. Legging av rør skal utførast slik tegning nr. 1208-H1 syner, ikkje kablar i same grøft. Brannhydrant: Montering anvisning av hydrant manglar, dette må leggjast fram. Det skal vere sluse før hydrant. Hydrant skal ikkje kome nærmare vegskulder enn 3,0 m (dette grunna vinter vedlikehald). Alle kummar vass, kloakk og overvatn (sandfang) samt avgreiningar/stikkleidningar til tomtene for vatn/kloakk og overvatn skal innmålast med koordinater. Kart og koordinatliste skal overleverast teknisk avdeling før overtaking. Liste over avgreiningar, kummar, stoppekraner m.m. skal klart gå fram av innmålingane. Alle leidningar/kummar som ligg over private tomter eller privat grunn skal det leggjast fram tinglyste rettar på at Skodje kommune v/teknisk avdeling kan ha desse leidningane liggjande og eventuelt framtidig vedlikehald. Dersom det ikkje er slike avtaler er det heller ikkje ei kommunal leidning. Skodje kommune v/teknisk avdeling skal ha melding seinast ein dag før tildekking av leidningar som: vass, kloakk og overvassleidningar og oppbygging av vegar. Før Skodje kommune overtek vegar samt kommunaltekniske anlegg på Sagatun bustadfelt skal alt arbeid vere utført/ferdigstilt. Det vere seg vegar, snuplassar, asfaltering, gatelys, vass, kloakk samt overvassleidningar. Innmåling av leidningane samt overskøyting av veggrunn m.m. skal vere gjennomført. Skodje kommune brøyter ikkje vegane vederlagsfritt før dette pkt er oppfylt. 4
Bygging av vegar og leidningsanlegg er søknadspliktige etter plan og bygningslova 93 pkt a. Etter same lov 93 b skal også vere ein ansvarleg prosjekterande som er godkjent av kommuna. I den grad det er noko frådragsberettiga inngåande avgift å gjere krav på som utbyggjar ikkje krev, kan kommuna krevje dette. M Ø T E T S L U T T Terje Vadset ordførar (sign.) Lidvar Giskeødegård Rolf Stavset Bjørn André Stavset Linda Stavset Gunnar Hauge Torunn Mølsæter 5