BBSI - Fellesadministrasjon Rundskriv nr. 32/2018 Vår referanse: 2018/00431-32 Saksbehandlar: Olav Haga Dato: 29. oktober 2018 Gyldig til: Politiattest ved tilsetjing i barnehage I dette rundskrivet gir vi ei orientering om kravet til politiattest ved tilsetjing, om retningslinjene for korleis politiattesten skal handterast, og om følgjene ved merknader på politiattesten. Kommunen si plikt til å innhenta politiattest ved godkjenning av barnehage ligg utanfor rammene for rundskrivet. Rundskrivet erstattar rundskriv 5/2016. Einaste materielle endringa er pålegg om ei strengare praktisering når det gjeld politiattest frå tilkallingsvikarar. I tillegg er det gjort mindre endringar av redaksjonell art. 1. Kven skal levera politiattest? Alle som skal tilsetjast barnehagen, må leggja fram politiattest. Dette er fastsett i barnehageloven 19. Føremålet er å unngå tilsetjingar som påfører barna fare for overgrep eller skadeleg påverknad. Barnehageloven 19 Politiattest Den som skal ansettes fast eller midlertidig i barnehage skal legge frem politiattest som nevnt i politiregisterloven 39 første ledd. Barnehageeier og kommunen som barnehagemyndighet kan kreve politiattest som nevnt i første ledd for andre personer som regelmessig oppholder seg i barnehagen eller har vesentlig innflytelse på barnehagens drift. Personer som er dømt for seksuelle overgrep mot mindreårige er utelukket fra fast eller midlertidig ansettelse i barnehager. I andre tilfeller må konsekvensene av merknader på politiattesten vurderes i det enkelte tilfellet. Departementet gir nærmere forskrifter om gjennomføring av denne paragrafen. Politiattest skal altså krevjast frå alle som skal tilsetjast i barnehage også dei som blir tilsett i vikariat, same kor kortvarig det er. Kva stilling vedkomande skal ha, er utan betydning så lenge barnehagen blir vedkomande sin arbeidsplass. Av Prop. 120 L (2012-2013) går det fram at også sivilarbeidarar som blir tatt inn i barnehagen, må leggja fram politiattest. 1 Av Ot.prp. nr. 68 (1993-1994) går det fram at det også gjeld personar på sysselsetjingstiltak, men at det derimot er utdanningsinstitusjonane 1 Prop.120 L (2012-2013), punkt 3.2.2, jf. punkt 3.5.2
sitt ansvar å krevja og kontrollera politiattestar for studentar som har praksisperiode i ein barnehage. 2 Kravet om politiattest gjeld heller ikkje utan vidare for andre som regelmessig oppheld seg i barnehagen, men som ikkje kan reknast som tilsette i barnehagen. For at det skal krevjast politiattest av desse, må kommunen som barnehageeigar bestemma det. Pr. dato krev Bergen kommune politiattest frå spesialpedagogar og støttepedagogar, men ikkje av andre som regelmessig oppheld seg i barnehagen. 2. Innhaldet i politiattesten I barnehageloven er det vist til politiregisterloven 39 fyrste ledd når det gjeld innhaldet i politiattesten. Paragrafen omhandlar politiattest for personar skal ha omsorg eller oppgåver knytt til mindreårige. Vandelen til den som skal tilsetjast, skal kontrollerast mot ei heil rekkje paragrafar i straffelova. Kort samanfatta gjeld dette seksual-, valds-, rans- og narkotikabrotsverk. I politiattesten skal det gå fram om vedkomande er dømd eller har vedtatt førelegg etter ein eller fleire av dei paragrafane som er lista opp i politiregisterlova 39 fyrste ledd. I tillegg skal det gå fram om vedkomande på utskrivingstidspunktet av politiattesten er sikta eller tiltalt etter nokon av desse paragrafane. Derimot skal ikkje tidlegare siktingar eller tiltalar gå fram dersom desse vart fråfalne, eller dersom vedkomande ikkje vart dømd. 3. Nærare retningslinjer om framgangsmåte, behandling og teieplikt Forskrift om politiattest i barnehagar omtalar framgangsmåten ved innhenting av politiattest, behandlinga av mottatt politiattest og teieplikta. Vi gjengir nedanfor eit utdrag av forskrifta: 2. Krav om politiattest Kravet om å legge fram politiattest etter barnehageloven 19 første ledd gjelder før personen begynner å arbeide i barnehage. ( ) 3. Krav til attesten Politiattesten skal ikke være eldre enn tre måneder når den leveres til mottaker. 4. Framgangsmåte ved ansettelse Arbeidsgiver skal i utlysningsteksten gjøre søkere oppmerksom på at det vil bli krevd politiattest ved ansettelse, men at denne ikke skal legges ved søknaden. Attest skal kun kreves av den søkeren som får tilbud om stillingen. Det skal i tilbudet tas forbehold om at anmerkninger på politiattesten kan føre til endring i tilbudet om stilling. Politiattest skal foreligge før søkeren ansettes. Det skal framgå av saksdokumentene at søker som ansettes har levert politiattest til arbeidsgiver. 5.Yrkesforbud og egnethet Personer som ikke legger fram politiattest eller legger fram politiattest som viser dom for overtredelse av straffeloven 299, 301, 302, 303, 304, 305, 306, 310 eller 311, eller lov 22. mai 1902 nr. 10 Almindelig borgerlig Straffelov 195, 196, 2 Ot.prp. nr. 68 (1993-1994), kap. 14
200 andre ledd, 201 første ledd bokstav c, 201a eller 204a, er utelukket fra fast eller midlertidig ansettelse i barnehage. Hvis en politiattest viser andre anmerkninger, må barnehageeier vurdere om anmerkningen gjør personen uegnet til å arbeide i barnehagen. 7. Behandling av politiattest og taushetsplikt Politiattesten skal oppbevares utilgjengelig for uvedkommende. Den skal makuleres straks etter at den har vært brukt til det formålet den er innhentet for, ( ). Den som får kjennskap til opplysninger i en politiattest, skal hindre at uvedkommende får adgang eller kjennskap til opplysningene, ( ). 8. Fornyet vandelskontroll Fornyet vandelskontroll kan foretas i samsvar med politiregisterloven 43. Ut frå dette må følgjande punkt bli standard prosedyre ved kvar utlysing og tilsetjing: Utlysingsteksten Av utlysingsteksten om ledig stilling må det gå fram at tilfredsstillande politiattest er eit av krava for å få stillinga, men at politiattest ikkje skal leggjast ved søknaden. Brevet/meldinga med tilbod om tilsetjing Det er berre den som får tilbod om stillinga, som skal levera politiattest. Den best kvalifiserte søkjaren vil til vanleg få eit brev eller ei melding med tilbod om stillinga, og med ein fastsett svarfrist. Av brevet/meldinga må det gå fram at tilbodet om stillinga gjeld med atterhald om at tilfredsstillande politiattest blir lagt fram. Vi føreslår følgjande formulering: Tilsetjinga føreset at politiattest blir levert så snart som muleg, og at han ikkje inneheld merknader som gjer det nødvendig å trekkja tilbodet om stilling tilbake jf. barnehageloven 19 og Forskrift om politiattest i barnehager. Notat til personalmappa Av 7 i forskrifta går det fram at politiattesten skal makulerast straks han har vore brukt i samband med tilsetjinga. Det ligg personvernomsyn bak dette. Men for arbeidsgjevar er det nødvendig å ha dokumentert at politiattest er etterspurt, kontrollert og funne i orden. Vedlagt ligg eit tekstforslag som kan kopierast over på barnehagen sitt eige brevpapir. Den som blir tilsett, må få kopi av notatet, slik at vedkomande får bekrefta at tilbodet om stilling står ved lag. Vi føreslår følgjande formulering: Politiattest er framvist, kontrollert og funnen tilfredsstillande [Namn] er [dato] tilsett i stilling som [stillingstype] ved [namnet på barnehagen] med atterhald om at det blir framlagt politiattest jf. barnehageloven 19 og Forskrift om politiattest i barnehager.. Politiattest [dateringsdato] med slikt innhald som følgjer av politiregisterloven 39 fyrste ledd, er framlagt [dato]. Han inneheld ikkje opplysningar som gir grunnlag for å trekkja tilsetjingsvedtaket tilbake. [Styrar si underskrift]
4. Konsekvensar dersom det er merknader på politiattesten Etter barnehageloven 19, jf. forskrifta 5 er det forbod mot å tilsetja personar som er dømde for seksuelle overgrep mot mindreårige, dvs. dømde etter ein av dei paragrafane som er lista opp i Forskrift om politiattest i barnehagar 5 fyrste ledd. Mindreårig er i denne samanhengen personar som ikkje er fylt 16 år. Dersom den som har fått tilbod om ei stilling, legg fram politiattest som viser at vedkomande er domfelt for seksuelt overgrep mot mindreårig, må tilbodet om tilsetjing straks trekkjast attende. Dette må gjerast skriftleg i eige brev. For personar som har andre merknader enn dette på politiattesten sin, skal desse takast med i den samla vurderinga av kor skikka eller eigna vedkomande er til stillinga, jf. forskrifta 5 andre ledd. Finn ein opplysningane urovekkande, bør tilbodet om stilling trekkjast attende. 5. Kva med kortvarige tilkallingsvikariat? Kravet om politiattest gjeld også for dei kortvarige tilkallingsvikariata. I den innkjøpskontrakten som er inngått mellom Bergen kommune og vikarbyråa, er det frå kommunen si side sett som vilkår at vikarbyråa skal innhenta og kontrollera politiattest for dei vikarane som blir leigde ut til barnehagane. Barnehagane treng derfor ikkje sjølve kontrollera politiattestar frå vikarar som er leigde inn frå dei vikarbyråa kommunen har innkjøpsavtale med. Det same gjeld for vikarar leigde inn frå Bergen kommune sitt eige HR-bemanning. Men ein del barnehagar har si eiga liste med aktuelle tilkallingsvikarar som vert brukte ved behov. Med desse kan det inngåast ein rammeavtale til erstatning for ordinær arbeidsavtale. Slik rammeavtale skal ikkje inngåast før politiattest er innhenta, kontrollert og funnen tilfredsstillande. Og før rammeavtale er på plass, skal vedkomande ikkje gjevast vikaroppdrag. Av og til melder studentar eller andre seg direkte til barnehagar med interesse for å bli registrerte som tilkallingsvikarar. Desse må bli gjort merksame på kravet om politiattest, og oppmodast om å leggja fram dette før dei kan bli vurderte som aktuelle eller ikkje. Det gjeld også studentar som enkelte tider har praksisperiode i barnehagen, men som andre tider er tilkallingsvikar. Sjølv om barnehagen ikkje har ansvar for å kontrollera politiattest for dei som er i praksis, så har barnehagen slik plikt før same person kan brukast som tilkallingsvikar Nokre ønskjer å inngå rammeavtale som tilkallingsvikar ved fleire barnehagar samstundes. Det kan då oppstå spørsmål om dei må skaffa seg fleire politiattestar; altså ein eigen politiattest for kvar barnehage. Etter Forskrift til politiattest i barnehage 7 skal den mottatte politiattesten makulerast etter å ha blitt kontrollert. For dei som ønskjer å stå som tilkallingsvikar ved fleire barnehagar, er dette lite hensiktsmessig. Derfor kan tilkallingsvikarane få tilbod om å få politiattesten levert tilbake i staden for at han blir makulert. Føremålet med 7 i forskrifta er at å hindra at dei personopplysningane som går fram av politiattesten, ikkje blir oppbevarte og arkiverte ved barnehagen lenger enn behovet tilseier. Og behovet er slutt i det politiattesten er kontrollert. Forskrifta sitt føremål blir like godt ivaretatt ved å levera politiattesten tilbake til den personen som attesten gjeld. Men av andre personvernomsyn må det brukast ein forsvarleg måte å returnera politiattesten på. E-post bør ikkje brukast. Sidan politiattestar nyare enn tre månadar skal godtakast, vil ei slik praktisering gje ein gevinst for tilkallingsvikarar som ønskjer oppdrag ved fleire barnehagar, sidan dei innanfor ein tremånaders-periode slepp å venda seg fleire gonger til politiet for å be om ny politiattest.
6. Kan vi be om ny politiattest for personar som allereie er tilsett? I politiregisterlova 36 går det mellom anna fram at: Vandelskontroll kan bare foretas når den har hjemmel i lov eller i forskrift gitt i medhold av lov. Slik heimel er gitt i Forskrift om politiattest i barnehage 8, der det står at fornying av politiattest kan føretakast, men berre i samsvar med politiregisterloven 43. Av forarbeida til politiregisterlova går det fram at det såkalla politiregisterutvalet ville gi anledning til å be om fornya politiattest kvart tredje år. Men verken Justisdepartementet i Ot.prp. nr. 108 (2008-2009) eller Justiskomiteen i Stortinget i Innst. 139 L (2009-2010) støtta dette, og det vart heller ikkje tatt inn i den endelege lovteksten. Derimot vart det gjennom 43 i politiregisterlova likevel gitt opning til å få utlevert nye opplysningar, men på visse vilkår. Politiregisterlova: 43 - Utlevering av nye eller oppdaterte opplysninger etter at politiattest er utstedt. Brukeren av tidligere utstedt politiattest kan få utlevert nye opplysninger av betydning, dersom vilkårene for utstedelse av politiattest fortsatt er til stede. Det kan ikke utleveres andre opplysninger enn de som fremgår av hjemmelsgrunnlaget for utstedelse av den opprinnelige attesten. Det er brukaren av den opphavleg utskrivne politiattesten altså barnehagestyraren som må be om politiet om å få utlevert nye opplysningar. Og styraren må ha grunn til å tru at opplysningar av betydning for tilsetjingsforholdet finst. Dette er også omtalt av Kunnskapsdepartementet i Prop. 120 L (2012 2013) til forarbeida til politiregisterlova: I forarbeidene til politiregisterloven er det presisert at bestemmelsen omhandler de tilfellene der politiattest tidligere er utstedt, men hvor eksempelvis barnehageeieren i ettertid har fått tilgang til informasjon som gir grunnlag til å tro at det foreligger nye opplysninger av betydning. 3 Trine J. Samuelsberg kommunaldirektør Kari Øvrebø administrasjonssjef Dokumentet er godkjend elektronisk. 3 Prop. 120 L (2012-2013), punkt 3.5.6