2011 2015 Ei samla bygd Sogndal Arbeidarparti sitt kommuneprogram
Den norske samfunnsmodellen er unik. Han skil oss frå dei fleste andre land. I Noreg er me med i eit solidarisk spleiselag som sikrar alle velferd, omsorg, helse og utdanning. Sogndal Arbeidarparti vil saman med innbyggjarane i kommunen gjere Sogndal til ein kommune det er godt å bu i. Oppvekst og utdanning Sogndal skal vere ein god kommune å vekse opp i. Me vil arbeide for at alle som ynskjer det, skal få barnehageplass. Me vil ha ein inkluderande skule der alle har like høve til ei god utdanning. Arbeide for å styrkje Sogndal som skulestad og kompetansesenter. Sogndal vidaregåande skule skal ha eitt breitt tilbod, med flest mogleg programområde. Me skal vere ein attraktiv vertskommune legge til rette for gode butilhøve og vidareføre helsestasjon for ungdom og vaksne. Arbeide for å fremje samhandling mellom studentar, elevar og lokalsamfunnet. Vidareføre leksehjelptilbodet i grunnskulen. Barnehageplass til alle som ynskjer det, med fleire opptak gjennom året. Vidareføre leiaropplæringa for skuleog barnehageleiarar. Arbeide for 3 heile stillingar i kvar avdeling i barnehagane. Leik, fysisk aktivitet og kultur skal prege skulefritidsordninga. Helse, sosial og omsorg Alle, same kor sterke me er, kjem ein eller annan gong til det punktet der me kan trenge hjelp. Me får born. Me vert sjuke. Me vert gamle. Då skal samfunnet stille opp. Eit sterkt fellesskap gjev det enkelte mennesket meir fridom, fordi det skaper tryggleik når me treng det. Me vil ha gode velferdsordningar som skal setje folk i stand til å klare seg sjølv, og gje omsorg og hjelp til dei som ikkje klarar seg på eiga hand. Me skal arbeide for vidare utbygging av pleie og omsorgstenestene i kommunen for å sikre framtidige behov Me vil arbeide for å etablere eit lokalmedisinsk senter i kommunen, slik at folk får gode tenester nært der dei bur. Sogndal er, og skal fortsetje å vere, ein av dei fremste kommunane i landet på fysisk aktivitet og folkehelse
Arbeid og aktiv næringspolitikk For Arbeidarpartiet har eit meiningsfylt arbeid til alle alltid vore jobb nr 1. Me vil legge til rette for verdiskaping og nye arbeidsplassar gjennom å: Arbeide aktivt for etablering av nye private og offentlege arbeidsplassar. Rekruttere og behalde kompetente medarbeidarar i kommunen. Arbeide for å sikre eit breiband med tilfredsstillande kapasitet. Vidareutvikle industrifeltet på Kaupanger. Syte for å ha kommunale næringsareal for sal i alle delar av kommunen. Arbeide for utvikling av heilårsturisme. Saman med næringsliv og andre, utvikle Fjærland som innfallsport til Jostedalsbreen nasjonalpark. Arbeide for miljøtenking i alle område av kommunen, i samråd med klima- og energiplan. Arbeide for kommunesamanslåing med Leikanger. Sogndal som regionsenter Me vil: Leggje til rette for pendlar- / langtidsparkering. Arbeide for ein sentrumskjerne med eit mangfald av servicetilbod. Leggje til rette for mjuke trafikantar i sentrum. Vurdere bruken av Billagstomta, tette sentrum mellom Fjøra og Campus. Tilretteleggje arenaer for ungdommens eigen kulturutøving. Arbeide for eit betre kollektivtilbod.
Levande lokalsamfunn Me vil utvikle gode bustadområde i alle delar av kommunen gjennom å: Samarbeide med grendalag for å sikre leikeplassar og friområde. Leggje til rette for nybygg av gjestehamner i Sogndal sentrum, Amlabukti og Mundal. Arbeide for trygge skulevegar og gatelys i alle grender. Arbeide for opprusting av badeplassar med aktivitetar, offentlege rekreasjonsstader med sitjeplassar og eldstadar. Arbeide for å utvide tilbodet ved symjehallen i Sogndal med badeanlegg med sklie for heilårsbruk. Arbeide for å halde symjebassenget ved Fjærland skule ope. Satsing på sykkel- og gangvegar, tilgjenge for alle. Bustad Ein god bustad er eit naudsynt grunnlag for eit godt, fritt og trygt liv. Me vil: Legge til rette for at det til ei kvar tid er ledige tomtar i alle delar av kommunen Arbeide for varierte butilhøve til menneskjer med særskilde behov Sikre universell utforming i nye bustadområde Kommunen skal spele ei aktiv rolle i bustadpolitikken
Kultur og fritid Kor vellukka eit samfunn er kan ikkje berre målast i materielle gode. Å høyre til små og store fellesskap er viktig for å kunne leve det gode liv. Engasjement i frivillige aktivitetar innan idrett og kultur styrkjer dette fellesskapet. Me vil arbeide for å leggje forholda betre til rette for den frivillige innsatsen. Kunst og kultur aukar livskvaliteten og gjev oss identitet. Alle skal ha høve til å ta del i kunst- og kulturopplevingar, uavhengig av inntekt og kor dei bur. Me vil: Sikre kulturhuset i kommunalt eige, og fylle det med kultur mellom anna gjennom å flytte kulturskulen inn i Kulturhuset og sikre eit eigna utstillingslokale. Gjere friluftstilbodet synleg for alle i kommunen. Arbeide for at friområda og friluftsområda skal haldast ved like. Fullføre Fjordstien frå nes til nes og leggje til rette for rekreasjon langs fjorden. Bidra til breidde i kulturtilbodet for barn og unge som til dømes Kulturspiren, Ungdomsrøra og Veka. Styrkje det fleirkulturelle tilbodet. Medverke til at Fjellsportfestivalen blir ein leiande og levedyktig knutepunktfestival. Arbeide for fleire produksjonar i Sogndal kulturhus - konsertar, teaterframsyningar, dans/ballett og gje rom for anna nyskapande kunst. Arbeide for å få på plass eit tenleg lokale for presentasjon av kunst. I samarbeid med mellom anna Frivilligheitssentralen leggje forholda til rette for frivillig innsats. Aktivt integrere tilflyttarar og nye landsmenn gjennom kultur.
Dette satsar Sogndal AP på: Arbeidsplassar - dagens og framtidas Regionsenterutvikling - med eit attraktivt sentrum Bustadar - til alle Etablere god velferd - heile livet Ikkje meir ufrivillig deltid Det gode liv - i alle delar av kommunen
Valliste Nr. Namn Fødselsår Poststad 1. Jarle Aarvoll 1958 Sogndal 2. Eline Orheim 1973 Fjærland 3. Arvid Stenehjem 1959 Sogndal 4. Astrid Hove 1967 Sogndal 5. Endre Timberlid 1957 Kaupanger 6. Liv Anny Bruhaug 1969 Sogndal 7. Kjetil Kvåle 1963 Sogndal 8. Britt Skjæret 1959 Sogndal 9. Tore Engesæter 1975 Slinde 10. Hege Orrestad 1972 Sogndal 11. Kåre Stokkenens 1965 Sogndal 12. Merethe Marvik 1974 Sogndal 13. Per Kinden 1953 Sogndal 14. Gunn Irene Solbakken 1958 Kaupanger 15. Bjørn Lærum 1977 Sogndal 16. Gerd Signe Grinde Håre 1949 Sogndal 17. Svein Johan Solnes 1959 Sogndal 18. Katrine Lærum 1974 Sogndal 19. Geir Volle 1961 Kaupanger 20. Gerd Anny Veberg 1952 Sogndal 21. Bjørn Skjeldestad 1958 Sogndal 22. Norunn Hollekve 1947 Sogndal 23. Svein Høylo 1948 Fjærland 24. Ellen Tove Lindblom 1944 Sogndal 25. Jermund Fimreite 1950 Slinde
Sogndal Arbeiderparti Ønskjer du kontakt med oss? www.arbeiderpartiet.no www.mittarbeiderparti.no www.grasrotpartiet.no Sogndal Arbeiderparti tlf. 91576880