Protokoll frå styremøte i Helse Førde HF Tid: 20. juni 2008, kl. 09.00 11.00, 13.00 13.30 Stad: Førde sentralsjukehus, møterom 4 Styremøtet var ope for publikum og presse. Følgjande saker var lagt fram til behandling: OPEN DEL Sak 040/08 V Godkjenning av innkalling og saksliste Sak 041/08 V Godkjenning av protokoll frå styremøte i Helse Førde HF 29.05.2008 Sak 042/08 O Administrerande direktør sin orientering Sak 043/08 V Styrerapportering nr. 5-2008 Sak 044/08 V Beredskap og arbeidsfordeling i fagområdet ortopedi Sak 045/08 V HMS- og sjukefråværsoppfølging Sak 046/08 Eventuelt Deltakarar frå styret: Clara Øberg, styreleiar Reidun K. Halland Knut C. Schønberg Anni Felde Harry Mowatt Randi E. Fagereng, tilsetterepr. Kjell Nygård, tilsetterepr. Lena Thorsnes, tilsetterepr. Elin Lysne, vararepr. tilsette Forfall: Jorunn Ringstad, Helge Bryne, Rune Larsen Frå administrasjonen: Jon Bolstad, administrerande direktør Erlend Eriksen, viseadm. direktør Ørjan Sandvik, økonomidirektør Hans Johan Breidablik, fagdirektør Vidar Vie, informasjonssjef Berit Irene Haarklau, konsulent (ref) Andre til stades: Anne Margrethe Øvsthus, direktør Kirurgisk klinikk Arve Varden, direktør Medisinsk klinikk
2 OPEN DEL Styreleiar Øberg ønska velkommen til dagens styremøte, som var i to deler med omvisning. Det var meldt forfall frå nestleiar Ringstad, er Bryne og Larsen. Elin Lysne var innkalla som vararepresentant tilsette. Klinikkdirektør Øvsthus orienterte om Pasienthotellet og dagkirurgisk senter. Deretter fekk styret, gjester og media omvisning i: Pasienthotellet Dagkirurgiareal Ortopedi AFMR Revma Nevro Styremøte start igjen kl. 13, med sak 045/08 V. SAK 040/08 V Godkjenning av innkalling og saksliste Ingen merknader. Vedtak (samrøystes): Innkalling og saksliste vart godkjent. SAK 041/08 V Godkjenning av protokoll frå styremøte i Helse Førde HF 29.05.2008 Ingen merknader. Vedtak (samrøystes): Protokoll frå styremøte 29.05.2008 vart godkjent og signert av ene.
3 SAK 042/08 O Administrerande direktør sin orientering Kommentarar: Adm. direktør Bolstad orienterte om: 1) Kort status forbetringsprogrammet vårt Helse Førde har fått tildelt kr 550 000 til prosjekt i forbetringsprogrammet. 2) Nokre endringar i samband med omlegging til dagkirurgisk senter og pasienthotell Endingar innan områda fag, pasient, resultat og organisasjon 3) SINTEF-rapport om: Forbruk av sykehustjenester i Helse Førde - rapporten peika m.a. på dagkirurgi og preoperativ liggetid - dagkirurgi som andel av all kirurgi FSS - gjennomsnittleg liggedagar før operasjon ved FSS - gjennomsnittleg liggedagar for dei som overnattar ved FSS tal gjeld opererte pasientar 4) Spørjeundersøking opererte pasientar 5) Adipositas liggetider/ tal SAK 043/08 V Styrerapportering nr. 5-2008 Kommentarar: Styreleiar Øberg orienterte innleiingsvis om konferansen En helsetjeneste for alle? i Oslo 13. juni, der helseminister Brustad hadde eit innlegg om lik tilgang til helsetenester. Styrerapporteringa er utarbeidd med basis i informasjon pr. 31.05.2008. Rapporten fokuserar på ulike indikatorar innafor kvalitet, aktivitet, økonomi og medarbeidarar. Fagdirektør Breidablik orienterte om: Kvalitet og aktivitet i Psykisk helsevern Psykisk helsevern barn og unge, viser gode resultat i høve måltal for ventetider. Psykisk helsevern voksne, viser gode resultat i høve måltal for epikrisetid, korridorpasientar og ventetider. Kvalitet og aktivitet i somatikken Fortsatt for låg måloppnåing innan epikrisetider og ventetider i somatikken. Lågare aktivitet enn kva ein har lagt opp til i budsjettet innanfor somatikken, trass i sterk auke innan poliklinisk aktivitet.
4 Økonomidirektør Sandvik orienterte om: Økonomi i mai Perioderesultatet viser eit negativt avvik på 3,1 mill kr (mot 6 mill førre månad). Avviket oppstår slik: Mindre inntekter -2,1 mill kr Høgare kostnader -1,2 mill kr Reduserte finanskostnader +0,2 mill kr Netto meirforbruk -3,1 mill kr Inntektssida viser ein svikt på gjestepasientar på 1,1 mill kr grunna aktivitetssvikt. Varekost har i mai ei overskriding på om lag 0,5 mill kr. Det er innsparing på avskrivingar og andre driftskostnader. Økonomi hittil i år Etter fem månaders drift framkjem eit netto meirforbruk på 8,4 mill kr. Avviket oppstår slik: Større inntekter + 2,0 mill kr Høgare kostnader - 11,4 mill kr Reduserte finanskostnader + 1,0 mill kr Netto meirforbruk - 8,4 mill kr Risiko - Klinikkane (31 mill kr) - Kjøp av helsetenester (10 mill kr) - Lønsoppgjeret (10-15 mill kr) - Sum risiko inntil 56 mill kr Tiltak Ein har oppnådd 85 % måloppnåelse på tiltaka så langt. Hovudtyngda av effekten av tiltaka kjem til hausten. Likviditet Frå juli månad må føretaket utvide trekkramma frå 340 til 380 mill kr Medarbeidarar Framleis høgt sjukefråvær. Årsverksutviklinga er i stor grad i samsvar med planen. Styret drøfta saka. Styremedlem Mowatt hadde spørsmål om Helse Førde har avviksrapportering på uønska hendingar og forhold. Adm. direktør Bolstad svara at styret får orientering i eit seinare møte. Styremedlem Felde hadde spørsmål om Helse Førde har motteke svar frå eigar ang. fedmekirurgi. Adm. direktør Bolstad svara at Helse Førde sitt styrevedtak blir behandla i styret i Helse Vest RHF.
5 Framlegg til vedtak: Styrerapport nr. 5 for 2008 vert teken til orientering. Votering: Samrøystes vedteke. Vedtak: Styrerapport nr. 5 for 2008 vert teken til orientering. SAK 044/08 V Beredskap og arbeidsdeling i fagområdet ortopedi Kommentarar: Plan for ortopediske tenester i Helse Førde (styresak 027/07 V) vart vedteken i styremøte 27. april 2007. Denne planen slår fast at det skal vere ortopedi på tre stader i Helse Førde, Nordfjord sjukehus, Lærdal sjukehus og Førde sentralsjukehus. I styresak 038/08 V, Rapportering 1. tertial 2008, var eit av tiltaka å kartlegge dagens beredskapsordningar og sjå på alternative modellar som både kan sikre tryggleik for innbyggjarane og ei god ressursforvaltning. For å få ei oversikt over ulike potensiale ved ei vidare arbeidsdeling mellom seksjonar og lokalitetar har ein kartlagt dagens situasjon, og særleg sett nærare på fagområdet ortopedi. Framlegget skal sikre fagleg god utdanning av ortopediske LIS-legar i Helse Førde. Styret drøfta saka. Framlegg til vedtak: 1. Plan for ortopediske tenester i Helse Førde ligg fast med akuttberedskap innan ortopedi ved alle sjukehusa i Helse Førde. 2. Traumebehandling/ØH som krev operasjonsteam skal samlast ved FSS, evt. HUS ved større skader, jfr. retningslinjer for traumehandtering. 3. Det vert gjennomført ei arbeidsdeling mellom dei tre sjukehusa innan ortopedi med slik prioritet: a. Lærdal sjukehus skal utvikle seg vidare på hovudområdet/subspesialitet innan diagnostikk og behandling knytt til sjukdommar og skadar i kneledd. b. Nordfjord sjukehus skal utvikle seg på hovudområdet/subspesialitet knytt til scopisk kirurgi.
6 c. Førde sentralsjukehus skal ha hovudområdet akuttfunksjon. Førde sentralsjukehus er akuttsjukehus slik Plan for ortopediske tenester slår fast. Førde sentralsjukehus har ansvar for andre fagområde som ikkje er lagt til NSH og LSH. 4. Økonomi og produksjon ved ortopedisk avdeling skal følgjast særskilt opp i 2.halvår, slik at også grunnlaget for stabil produksjon og ein god arbeidsdeling ligg fast inn i 2009. Ein syner også til dei økonomiske verknadane som var føresett i ortopediplanen og ber om at dette vert følgt opp gjennom dette arbeidet. Endringsframlegg frå /tilsetterepresentant Fagereng: Nytt punkt 2: Det må utarbeidast fleire modellar til utdanning av legespesialistar innan fagområdet ortopedi i Helse Førde HF, som oppfyller krava frå Spesialistkomiteen for ortopedi. Votering: Adm. direktør sitt framlegg punkt 1 vart samrøystes vedteke. Adm. direktør sitt framlegg punkt 2, 3 og 4 fekk 7 røyster (Øberg, Halland, Schønberg, Felde, Mowatt, Thorsnes, Lysne), og vart dermed vedteke. 2 røysta mot (Fagereng, Nygård). Vedtak: 1. Plan for ortopediske tenester i Helse Førde ligg fast med akuttberedskap innan ortopedi ved alle sjukehusa i Helse Førde. 2. Traumebehandling/ØH som krev operasjonsteam skal samlast ved FSS, evt. HUS ved større skader, jfr. retningslinjer for traumehandtering. 3. Det vert gjennomført ei arbeidsdeling mellom dei tre sjukehusa innan ortopedi med slik prioritet: a. Lærdal sjukehus skal utvikle seg vidare på hovudområdet/subspesialitet innan diagnostikk og behandling knytt til sjukdommar og skadar i kneledd. b. Nordfjord sjukehus skal utvikle seg på hovudområdet/subspesialitet knytt til scopisk kirurgi. c. Førde sentralsjukehus skal ha hovudområdet akuttfunksjon. Førde sentralsjukehus er akuttsjukehus slik Plan for ortopediske tenester slår fast. Førde sentralsjukehus har ansvar for andre fagområde som ikkje er lagt til NSH og LSH. 4. Økonomi og produksjon ved ortopedisk avdeling skal følgjast særskilt opp i 2.halvår, slik at også grunnlaget for stabil produksjon og ein god arbeidsdeling ligg fast inn i 2009. Ein syner også til dei økonomiske verknadane som var føresett i ortopediplanen og ber om at dette vert følgt opp gjennom dette arbeidet.
7 SAK 045/08 V HMS- og sjukefråværsoppfølging Kommentarar: Pr 27. mai 2008 var akkumulert sjukefråvær i Helse Førde på 10,1 %. Samtidig er det ei vedteke målsetjing i bestillingsdokumentet frå Helse Vest at sjukefråværet i 2008 skal vere på 4,5 %. Med m.a. dette som bakgrunn vil ein i denne saka gje ein status på HMS- arbeidet og sjukefråværsutviklinga i Helse Førde. Styret drøfta saka. Styremedlem Schønberg etterspør eit prosjekt, for å teste ut 6-timars dagen. Styremedlem Mowatt etterspør metodikk, for å kartlegge om sjukefråvær er arbeidsrelatert eller privatrelatert. Framlegg til vedtak: 1. Styret i Helse Førde HF tek saka til orientering. Votering: Samrøystes vedteke. Vedtak: 1. Styret i Helse Førde HF tek saka til orientering. Sak 046/08 Eventuelt
8 Skriv og meldingar Følgjande skriv og meldingar var sendt ut til styret: Brev frå Helse Vest vedr. Prosjektmidlar til kvalitetsutvikling tildeling 2008, datert 03.06.2008 Brev frå Sogn og Fjordane FrP vedr. akuttberedskap innanfor ortopedi ved lokalsjukehusa Brev frå Nordfjordrådet vedr. Akuttfunksjonen ved lokalsjukehuset i Nordfjord, datert 04.06.2008 Fråsegn frå Lærdal kommunestyre i møte 05.06.2008 Brev frå Selje kommune vedr. Sentralisering av den ortopediske akuttberedskapen, datert 04.06.2008 Brev til styret i Helse Førde frå overlegar ved Nordfjord sjukehus vedr. ortopedisk akuttvirksomhet, datert 13.06.2008 Følgjande skriv og meldingar var delt ut i møte: Fråsegn frå Årdal kommunestyre i møte 19. juni 2008 Fråsegn frå Sogn Regionråd om ortopedisk døgnberedskap, datert 17.06.2008 Brev frå Selje kommune vedr. Krav om oppretthalding av ambulansestasjon i Selje kommune, datert 10.06.2008
9 Ref. Berit Irene Haarklau Førde, 20. juni 2008 Arkivsaksnr. 2008/1415 Clara Øberg styreleiar Jorunn Ringstad nestleiar (sett) Reidun K. Halland Knut C. Schønberg Helge Bryne (sett) Anni Felde Harry Mowatt Randi E. Fagereng / tilsetterepr. Kjell Nygård / tilsetterepr. Lena Thorsnes / tilsetterepr. Elin Lysne vararepr. tilsette