Møteinnkalling. Eventuelt forfall skal meldast til telefon Varamedlemmar møter etter nærare avtale. Dagsorden

Transkript

1 Sogn regionråd Møteinnkalling Utval: SOGN REGIONRÅD Møtestad: Fosshaugane Campus, Stadionbygget Sparebank Vest-rommet 3. etg. frå kl 9 og Flostova 1. etg. frå kl 11 Møtedato: Tid: 09:00-15:00 Eventuelt forfall skal meldast til telefon Varamedlemmar møter etter nærare avtale. Dagsorden 0900 Ordførar Jarle Aarvoll ønskjer velkomen til Sogndal Om Fosshaugane Campus ved rådgjevar Torgeir Skålid, Sogn næring 0915 Oppmøte Godkjenning av innkalling og sakliste Godkjenning av protokoll frå møtet Handsaming av saker i Sogn regionråd 1050 Pause 1100 Sogndal lufthamn status og framtid Lufthamnsjef Svein Sanden, Avinor 1130 Sivilforsvaret konseptutgreiing på høyring - status og utfordringar. Distriktssjef Stein Morten Rønningen, Sogn og Fjordane sivilforsvarsdistrikt 1200 Lunsj 1245 Prosjektet «Outdoor Health Network» Forskingsleiar Ivar Petter Grøtte, Vestlandsforsking og rådgjevar Torgeir Skålid, Sogn næring 1315 Ambulansetenesta og etablering av MR-maskina Adm. dir. Jon Bolstad, klinikkdirektør kirurgisk klinikk Helge Robert Midtbø, samhandlingssjef Stig Igland, Helse Førde og Hognestad, Stiftelsen Norsk Luftambulanse 1430 Tenester innan psykisk helse og rus til vaksne med langvarige og samansette behov forstudie og forprosjekt Rådmann Alf Olsen og kommunalsjef for helse og omsorg Arne Johansen, Lærdal kommune 1500 Vel heim!

2 Sakliste Saksnr. Arkivsaksnr. Tittel 3/17 16/ Regionalplan for Sogn regionråd /17 16/ Handlingsplan for Sogn regionråd /17 17/ Arbeidsgrupper i Sogn regionråd 6/17 17/ Årsmelding og rekneskap /17 17/515-3 Orienteringssaker Sogndal, Petter Sortland leiar Karina Nerland dagleg leiar

3 Sogn regionråd Sak 3/17 Saksh.: Karina Nerland Arkiv: 130 Arkivsak: 16/479 Saksnr.: Utval Møtedato 3/17 Sogn regionråd Sak 3/17 Regionalplan for Sogn regionråd Tilråding: Sogn regionråd vedtek regionalplanen for slik han ligg føre. Vedlegg: 1. Regionalplan for Sogn regionråd framlegg 2. Høyringssvara Saksutgreiing: Bakgrunn: Regionalplanen med mål, satsingsområde, strategiar og tiltak er eit verktøy i rådet sitt arbeid med å utvikla regionen. Arbeidet med å rullera planen starta november 2015 med ei evaluering av regionalplanen for Regional analyse frå Telemarksforsking med utviklingstrekk og scenarioer har gitt eit godt kunnskapsgrunnlag til planarbeidet. Planen har vore drøfta i regionrådet, på felles møtedag med formannskapa og eksterne aktørarar og i kommunevise møte. Med bakgrunn i den regionale analysen for Sogn, innspel og drøftingar er det valt ut fire satsingsområde: 1) næringsutvikling, 2) attraktiv buregion, 3) kompetanse og 4) samferdsle. I drøftingane har det vore trekt fram behovet for at regionrådet i sterkare grad enn før prioriterer nokre strategiar og spissar satsingane. Sogn regionråd vedtok i møtet å sende regionalplanen for på høyring. Det er kome høyringssvar frå kommunane Balestrand, Høyanger, Luster, Vik og Årdal, og frå Distriktssenteret, Sogn og Fjordane fylkeskommune, Vestlandforsking og Årdal utvikling. Vurdering: I vurderingane av innspela har administrasjonen vektlagt område som sterkast bidreg til å nå føremålet til Sogn regionråd, område der rådet har virkemiddel og kan påverka, samt at vi bør prioritera nokre satsingar. Nokre av innspela er tekne med i handlingsplanen for 2017, som er eiga sak til dette møte. Side 3 av 9

4 Sak 3/17 RUP-gruppa har drøfta forslag til endra plan i møtet 20. mars 2017, og det kom i møtet innspel til planen som er teke inn. Følgjande endringar er tekne inn etter høyringa: I punkt 2 og 3 er teke inn folketal for I punkt 3 om mål er det teke inn «kunne»: Dette tilseier at Sogn bør ha ein arbeidsplassvekst på netto om lag 30 i året, som vil kunne krevje 150 nyskapte arbeidsplassar kvart år. Pkt 4.1 Næringsutvikling: Lønsamt reiseliv heile året: Det er teke med at samhandlinga med dei lokale ressursgruppene (med næringa og Visit Sognefjord) er viktig for å planleggja, utvikla og gjennomføra lokal produktutvikling. Ny overskrift frå Nye og grøne næringar til Grøn næringsutvikling. Avsnittet er knytta til industristrategien for Sogn og Fjordane og fokus på auka bruk av energiressursane lokalt. Det er også vist til at skogbruket har utviklingspotensial. To strategiar er føydd til: Etablera bransjeuavhengige temabaserte møteplassar for auka innovasjon og verdiskaping i regionen. Etablera akkvisisjonsstrategi der regionen har fortrinn og det er naturleg at ein er eller kan bli sterke. Pkt. 4.2 Attraktiv buregion: Identitet og samarbeid: Det er teke med at Sogn regionråd vil delta aktivt for kommuneoverskridande samspel med næringsliv, forskings- og utdanningsmiljø og andre sentrale aktørar, og som medverkar til å styrka næringsutviklinga i regionen. Tilflytting og rekruttering: Det er teke inn at vi i profileringsarbeidet får fram fortrinna dei ulike stadane kan tilby. Pkt 4.3 Kompetanse: To delmål er tekne med: Auka læringsutbytte for alle, gjennom styrka tilpassa opplæring og redusert bruk av spesialundervisning. Sogn skal ha eit attraktivt skule- og utdanningstilbod som styrkar samfunnsutviklinga og sikrar verksemdene sine behov. I avsnittet om Fagkompetanse til verksemdene er det teke inn at Balestrand har Sygna vidaregåande skule og ei grunngjeving av kvifor dei vidaregåande skulane er viktige for utviklinga i regionen. Framlegg til regionalplan for Sogn regionråd følgjer vedlagt. Side 4 av 9

5 Sogn regionråd Sak 4/17 Saksh.: Karina Nerland Arkiv: 130 Arkivsak: 16/479 Saksnr.: Utval Møtedato 4/17 Sogn regionråd Sak 4/17 Handlingsplan for Sogn regionråd 2017 Tilråding: Sogn regionråd vedtek handlingsplanen for 2017 slik han ligg føre. Vedlegg: Handlingsplan for framlegg Saksutgreiing: Satsingsområda i regionalplanen er næringsutvikling, attraktiv buregion, kompetanse og samferdsle. Regionalplanen inneheld delmål og strategiar. Dei er tekne med i handlingsplanen for at dei kan sjåast i samanheng med framlegg til prosjekt/tiltak. Regionalplanen blir rullert kvart 4. år og handlingsplanen vert rullert årleg. Administrasjonen ønskjer å halda fram med dette. Fleire av tiltaka er vidareføring av eksisterande tiltak og nokre prosjekt/tiltak er nye. Fleste tiltaka går over meir enn eitt år og er langsiktige. Det er prøvd å få ei meir spissing i prosjekta i høve til tidlegare plan. Næringsutviklings-/RUP-gruppa drøfta utkast til handlingsplanen i møtet 20. mars. Av nye prosjekt/tiltak som vil bli starta opp i 2017 er: - Utarbeida ein felles strategi for å behalda og få tilført fleire fylkeskommunale og statlege arbeidsplassar. - Regionalt næringssamarbeid som eit fellesprosjekt for nyetableringar og vekst i eksisterande bedrifter innan det grønne skiftet og som vurderer styrka samordning av næringsapparatet i Sogn. - Delta i nettverk på tvers av sektorar som samlar bedrifter og organisasjonar i Sogn for å dela kunnskap, utvikla nye prosjekt og for kommuneoverskridande tiltak. - Delta i samarbeid for å styrka sysselsetjinga blant innvandrarar og flyktningar og for betre inkludering i lokalsamfunnet. Vedlagt følgjer framlegg til handlingsplan for Side 5 av 9

6 Sogn regionråd Sak 5/17 Saksh.: Karina Nerland Arkiv: 036 &85 Arkivsak: 17/1053 Saksnr.: Utval Møtedato 5/17 Sogn regionråd Sak 5/17 Arbeidsgrupper i Sogn regionråd Tilråding: Sogn regionråd vedtek følgjande arbeidsgrupper: Representantar i arbeidsgruppene vert: ---- Vedlegg: Retningslinjer for arbeidsgrupper i Sogn regionråd Saksutgreiing: Sogn regionråd har etablert arbeidsgrupper. Arbeidsgruppene tek initiativ til tiltak og prosjekt som stør opp om og utviklar regionen, gjev tilråding til regionrådet og påverkar avgjerdstakar i retning av avgjerder for å betre tilbodet i regionen. Gruppene har ikkje vedtaksmynde og alle saker skal vera vedtekne i rådet før iverksetjing. Sidan 2013 har Sogn regionråd hatt tre arbeidsgrupper: helsegruppe, næringsutvikling-/rupgruppe og samferdslegruppe. Arbeidsgruppene har vore samanfallande med satsingsområda i planen. I møtet i næringsutviklings-/rup-gruppa 20. mars kom det innspel om å vidareføra dei tre gruppene som er i dag, men endra namnet frå næringsutviklings/rup-gruppe til næringsgruppe. Rådet bør ta stilling til kva arbeidsgrupper som er aktuelle og velje deltakarar til gruppene. Det har vore vanleg at rådet vel leiar i gruppene, sjølv om dette etter vedtektene 1 kan gjerast av gruppa sjølv. Side 6 av 9

7 Sak 5/17 Vedlegg Retningslinjer for arbeidsgrupper Vedtekne i Sogn regionråd Val og samansetnad Sogn regionråd vel arbeidsgrupper blant medlemane i rådet. Leiar av arbeidsgruppa kan bli vald av regionrådet eller av arbeidsgruppa. Mynde Arbeidsgruppene gjev tilråding til regionrådet innanfor sine saksområde. Arbeidsgruppene har ikkje vedtaksmynde. Arbeidsgruppene orienterer regionrådet om status for arbeidet og planane vidare. Mandat Arbeidsgruppene skal innanfor sine saksområde - ta initiativ til tiltak og prosjekt som stør opp om og utviklar tenesta i regionen - førebu saker og gje tilråding til regionrådet - påverka avgjerdstakarar i retning av avgjerder for å betra tilbodet i regionen - gje fråsegn Alle saker skal vera forankra og vedtekne i regionrådet før iverksetjing. Hastesaker skal avklarast på epost til ordførarane med kopi til rådmennene. Medlemane må få tilstrekkeleg frist til å svara. Dersom ein eller fleire av ordførarane har merknader til saka, har arbeidsgruppa ikkje høve til å iverksetja saka. Arbeidsgruppa har høve til å leggja saka fram i neste regionrådsmøte. Økonomi Arbeidsgrupper som har behov for eigne midlar for å utføra oppgåvene, kan få tilført midlar frå regionrådet for ei avgrensa periode og til definerte føremål. Sekretariat Dagleg leiar deltek i møta og er sekretær for arbeidsgruppene. Det skal førast referat frå møta. Dersom medlemane i arbeidsgruppa har ulike standpunkt i møtet skal dette gå fram av referatet. Side 7 av 9

8 Sogndal kommune Sak 6/17 Sogn regionråd Saksh.: Karina Nerland Arkiv: 210 &14 Arkivsak: 17/1103 Saksnr.: Utval Møtedato 6/17 Sogn regionråd Sak 6/17 Årsmelding og rekneskap 2016 Tilråding: Sogn regionråd vedtek årsmelding og rekneskap for 2016 slik dei ligg føre. Vedlegg: Årsmelding og rekneskap for 2016 Saksutgreiing: Årsmelding og rekneskap for 2016 er lagt ved. Rekneskapen for Sogn regionråd er revidert som ein del av rekneskapen for Sogndal kommune. Side 8 av 9

9 Sak 7/17 Saksh.: Karina Nerland Arkiv: 062 Arkivsak: 17/515 Saksnr.: Utval Møtedato 7/17 Sogn regionråd Sak 7/17 Orienteringssaker Orienteringar og drøftingar 1. Leiar 2. Innspel frå medlemane 3. Arbeidsgruppene 4. Rådmannsgruppa 5. Administrasjonen 6. Sivilforsvaret konseptutgreiing på høyring - status og utfordringar ved distriktssjef Stein Morten Rønningen, Sogn og Fjordane sivilforsvarsdistrikt 7. Sogndal lufthamn status og framtid ved lufthamnsjef Svein Sanden, Avinor 8. Prosjektet «Outdoor Health Network» ved forskingsleiar Ivar Petter Grøtte, Vestlandsforsking og rådgjevar Torgeir Skålid, Sogn næring 9. Ambulansetenesta og etablering av MR-maskina ved adm. dir. Jon Bolstad, klinikkdirektør kirurgisk klinikk Helge Robert Midtbø, samhandlingssjef Stig Igland, Helse Førde og Hognestad, Stiftelsen Norsk Luftambulanse 10. Tenester innan psykisk helse og rus til vaksne med langvarige og samansette behov forstudie og forprosjekt ved rådmann Alf Olsen og kommunalsjef for helse og omsorg Arne Johansen, Lærdal kommune Skriv og meldingar 1. Ønske om deltaking i prosjektarbeid frå Helse Førde Innsyns- og klagerett over eigedomsskatt på kraftanlegg til Finansdepartementet, Forslag til endringar i vassressurslova og jordlova til Olje- og energidepartementet, Fråsegn til Meld. St. 11 ( ) Utvikling og endring til Mat- og landbruksdepartementet, Side 9 av 9

10

11

12 Finansdepartementet Sakshandsamar: Karina Nerland Tlf: Vår ref. 17/770-4 Dykkar ref. 16/2723 SL IBG/KR Dato Innsyns-, klage- og søksmålsrett for kommunane i skattesaker om verdsetjing av kraftanlegg - høyringssvar Sogn regionråd viser til Finansdepartementet sitt høyringsbrev av 8. desember 2016 med høyringsfrist 8. mars Sogn regionråd er samansett av kommunane Aurland, Balestrand, Høyanger, Leikanger, Luster, Lærdal, Sogndal, Vik og Årdal. Finansdepartementet føreslår i høyringsdokumentet at kommunane skal ha rett til innsyn i dokument som gjeld verdsetjing av kraftanlegg og at ein skal ha mogelegheit til å klage på verdien som er fastsett. Departementet føreslår i tillegg enkelte endringar i dei gjeldande reglane om kommunen sin mogelegheit til å gå til søksmål om fastsetjinga av formuesskattegrunnlaget for kraftanlegg. Etter gjeldande rett skal kommunen nytte den verdien (taksten) som eit kraftanlegg fekk ved fastsetjing av formue- og inntektsskatt i året før skatteåret, som grunnlag for utskriving av eigedomsskatt på anlegget. Det er verdsetjinga av anlegget etter reglane i skattelova som avgjer kva som er eigedomsskattegrunnlaget. Verdsetjingsreglane i skattelova og bruken av desse har dermed direkte betyding for kor store kommunen sine inntekter frå eigedomsskatten vert. Sogn regionråd vil påpeike at eigedomsskatten er ei rein kommunal skatteordning og det er kommunane som er skattekreditor for eigedomsskatten. Inntekter frå eigedomsskatt på kraftanlegg har stor økonomisk verknad for kommunane. Ved handsaming av ny skatteforvaltningslov den 28. april 2016 i Innst. 231 L ( ), jf. Prop. 38 L ( ), vedtok Stortinget følgjande anmodningsvedtak nr. 631: «Stortinget ber regjeringen komme tilbake til Stortinget med forslag om innsynsrett og klageadgang for kommunene ved fastsettelse av eiendomsskattegrunnlaget for kraftanlegg.» Sogn regionråd er kjend med at Landssamanslutninga av Vasskraftkommunar(LVK) planlegg å gi høyringsuttale i saka. Sogn regionråd støttar uttalen til LVK og vil presisere følgjande: 1. Finansdepartementet sitt forslag framstår utan grunngjeving når det ikkje er gjennomgått omsynet som Stortinget sitt fleirtal viser til i sitt anmodningsvedtak nr Kommunane må ved innsynsrett gjevast mogelegheit til å kunne utføre ein reel kontroll av eigedomsskattegrunnlaget. Opplysningar om grunnrenteskatten, naturressursskatten og inntektsskatten må og vere omfatta av innsynsretten når opplysningar har betyding for eigedomsskatten. 3. Klageretten over eigedomsskatteverdsetjinga må også gjelde frådraget for grunnrenteinntekt. 4. Kommunane må også få klagerett for fastsetjinga av naturressursskatten sidan kommunane er mottakar av naturressursskatten. Det er ingen grunn til at klageretten skal avgrensast til eigedomsskatten. 5. Klagefristen må utvidast frå 3 månader til 6 månader. Postboks 153 Telefon: E-post : postmottak@sogndal.kommune.no 6851 Sogndal Telefaks: Internett:

13 2 6. I klagesaker må kommunane få varsel og gjeve høve til å gi uttale. 7. Kommunane må få varsel ved søksmål frå den skattepliktige. 8. Fristberekninga for søksmål må presiserast av departementet. Sogn regionråd registrerer at kommunane ikkje er på departementet si liste over høyringsinstansar. Sogn regionråd finn dette merkeleg sidan inntekter frå eigedomsskatt på kraftanlegg har vesentleg innverknad for kommuneøkonomien. Årsaka til at kommunane ikkje er sett på lista over høyringsinstansar reknar Sogn regionråd med skuldast ein intern feil i departementet. Eigedomsskatten er som nemnd ei rein kommunal skatteordning der kommunane er skattekreditor. Sogn regionråd vil også påpeike at naturressursskatten og er ein rein kommunal skatteordning med kommunane som skattekreditor. Naturressursskatten er meint å sikre kommunane stabile inntekter frå kraftanlegga, og desse inntektene har også stor innverknad for dei kommunane som mottek slik skatt. Kommunane må difor få innsyn- og klagerett for naturressursskatten, slik at kommunane kan føre kontroll med naturressursskattegrunnlaga og inntektene frå naturressursskatten. Til slutt vil Sogn regionråd påpeike at ein er uroa over ressurssituasjonen ved Sentralskattekontoret. Bakgrunn for vår uro er erfaring ein av våre medlemskommunar, Lærdal kommune, har med lang sakshandsamingstid i samband med deira skattesak. Med helsing Petter Sortland leiar i Sogn regionråd Brevet er elektronisk godkjent og er utan underskrift

14 Olje- og energidepartementet Sakshandsamar: Karina Nerland Tlf: Vår ref. 17/477-3 Dykkar ref. 16/3693 Dato Forslag til endringar i vassressurslova og jordlova - høyringssvar Sogn regionråd viser til Olje- og energidepartementet sitt høyringsbrev av 2. desember 2016 med høyringsfrist 10. februar Sogn regionråd er samarbeidsorgan for kommunane Aurland, Balestrand, Høyanger, Leikanger, Luster, Lærdal, Sogndal, Vik og Årdal. Olje- og energidepartementet føreslår endringar på 4 område. Det er: 1. Å lovfeste eit særskild vern av laks ved tiltak i vassdrag. 2. Å utvide reguleringa av grunnvatn, ved å ha tilsvarande retningslinjer for grunnvatn som for vassdrag når det gjeld konsesjonsplikt, aktsemdsplikt og forvaltaransvar. 3. Å endre retningslinjene om retting til også å inkludere myndigheitene sin rett til å pålegge retting når det vert konstatert forhold som er i strid med lova eller vedtak i medhald av lova. 4. Å gi kommunane mynde til å fatte vedtak om konsesjon til vasskraftverk med inntil 1 MW installert effekt. I jordlova føreslår Olje- og energidepartementet ei betre samordning av jordlova, vassressurslova og energilova når det gjeld energitiltak. Sogn regionråd si fråsegn gjeld departementet sitt forslag om endringar i vassressurslova som gir kommunane mynde til å fatte vedtak om konsesjon til vasskraftverk med inntil 1 MW installert effekt. Sogn regionråd støttar at slik mynde vert flytta til kommunalt nivå, og meiner at dette vil styrke lokaldemokratiet. Med helsing Petter Sortland leiar i Sogn regionråd Brevet er elektronisk godkjent og er utan underskrift Postboks 153 Telefon: E-post : postmottak@sogndal.kommune.no 6851 Sogndal Telefaks: Internett:

15 Sakshandsamar: Karina Nerland Tlf: Vår ref. 17/997-2 Dato Landbruks- og matdepartementet Fråsegn til regjeringa si landbruksmelding Sogn regionråd er samarbeidsorgan for kommunane Aurland, Balestrand, Høyanger, Leikanger, Luster, Lærdal, Sogndal, Vik og Årdal, og har følgjande fråsegn til Meld. St. 11 ( ): Stortinget sa i 2014 at auka matproduksjon og auka sjølvforsyning er hovudmåla for norsk jordbruk. Det betyr at vi må ha eit landbruk over heile landet som tek i bruk alle ressursar, både natur og menneske, slik at vi kan nå Stortinget sitt mål. Landbruket skal produsere effektivt, men det må ikkje gå ut over dei hovudmåla for landbruket som eit fleirtal på Stortinget har bestemt. Regjeringa si jordbruksmelding som no vert handsama, svarar ikkje på korleis dei vil nå Stortinget sine fire overordna mål for norsk landbrukspolitikk, som er matsikkerheit, landbruk over heile landet, auka verdiskaping og eit berekraftig landbruk. Regjeringa løfter derimot opp kostnadseffektiv matproduksjon som eit nytt hovudmål i meldinga. Dersom retninga for norsk landbruk skal vere stordrift og større gardsbruk, vil det slå veldig uheldig ut for vår region. Maten må bli produsert der jorda er. Vi må ha marknadsordningar som sikrar at bøndene har tryggleik for å få levert dei produkta dei produserer, og at dei får lik pris uavhengig av avstand til næraste foredlingsanlegg. Sogn regionråd vil at Stortinget sine fire overordna mål for norsk landbruk skal liggja fast avvisa eit nytt hovudmål om kostnadseffektiv matproduksjon, då det vil overstyra Stortinget sine vedtekne mål for norsk landbruk ha ein landbrukspolitikk som tek i vare kulturlandskap, busetnad og verdiskaping i distrikta at marknadsordningane vert førde vidare for å sikra landbruk over heile landet at det vert lagt til rette for eit mangfaldig landbruk som tek i bruk jorda over heile landet for å auka matproduksjonen på norske ressursar oppmoda Stortinget om å gå bort frå ei føreslått forenkling som inneber at refusjon av ferie/fritid blir avvikla at ein også skal behalde ordninga med tidlegpensjon som gjer det mogleg for yngre krefter å ta over drifta når bonden fyller 62 år Sogn regionråd ber Stortinget følgje opp dei viktige måla Stortinget allereie har sett seg når dei skal handsama «Meld. St. 11 (2016/17) Endring og utvikling En fremtidsrettet jordbruksproduksjon». Med helsing Petter Sortland leiar i Sogn regionråd Brevet er elektronisk godkjent og er utan underskrift Postboks 153 Telefon: E-post : postmottak@sogndal.kommune.no 6851 Sogndal Telefaks: Internett: