VIKTIG INFORMASJON TIL JORD- OG SKOGBRUKARAR I SURNADAL KOMMUNE OMORGANISERING TIL AVDELING FOR NÆRING, BYGG OG MILJØ

Transkript

1 VIKTIG INFORMASJON TIL JORD- OG SKOGBRUKARAR I SURNADAL KOMMUNE Innhald: Omorganisering Produksjonstilskot Informative nettstader Miljøplan Landbruksfond retningslinjer SMIL-midlar retningslinjer Søknadsfrist 20.januar Søknadsfrist 15.mars Søknadsfrist 15.mars OMORGANISERING TIL AVDELING FOR NÆRING, BYGG OG MILJØ Frå og med vil vi som de kjenner til på Næring og utvikling gå inn i ei ny avdeling, som heiter Næring, bygg og miljø. Frå februar vil vi starte den fysiske flytteprosessen, slik at de etter kvart vil finne oss i lokalitetane til tidlegare teknisk avdeling (i gammelbygget til kommunehuset, i enden mot Landbrukshuset). Ny einingsleiar er Svein Halsetrønning. I praksis vil de ikkje merke så mykje til endringa, vi sit framleis mykjegodt med dei same oppgåvene, men vi har tru på at endringa vil forenkle ein del saksbehandling, til dømes ved bygging, delingssaker og arealbehandlingssaker. PRODUKSJONSTILSKOT, SØKNADSFRIST 20.JANUAR Dersom du har spørsmål, eller ønsker å snakke med Ingebrigt om noko, oppfordrar vi til å vere ute i god tid. Det er ofte lange køar utanfor kontoret her den 19. og 20. januar, og det hadde det vore greitt for alle partar å unngå. Leverer du etter fristen den 20.januar vil du bli trekt kr ,- per dag fram til du leverer. Søknader levert etter 20.februar vil bli avvist. Søknad via internett Vi oppfordrar med dette så mange som råd å byrje å levere søknaden via internett. Dette vil lette arbeidet her på kontoret mykje, og vi kan ha høve til å prioritere andre oppgåver til beste for næringa. Treng du hjelp første gongen er det berre å ta kontakt med Anne eller Ingebrigt. 1

2 Infoskriv frå Næring og utvikling Tips: Sjekk at du har passord i god tid før fristen går ut den Manglar du passord går du inn på Tilskudd Produksjonstilskudd. Her finn du mykje god informasjon om korleis du søkjer. Oppe til høgre i bildet finn du ein link til informasjon om elektroniske tenester. Her finn du enkel informasjon om korleis du får tak i dei passorda du treng. Foto: E.B. Sollid Polden KONTAKT VIA E-POST Vi oppfordrar alle aktive PC-brukarar til å sende oss epostadressa si. Send epostadressa di til: anne.polden@surnadal.kommune.no INFORMATIVE NETTSTADER Statens Landbruksforvaltning: Tilskot, fristar, informasjon, jordleieavtaler, skjema, erstatningar mm KSL Matmerk: Alt du treng av informasjon kring KSL, matkvalitet, mangfald og moglegheiter Innovasjon Norge: Landbrukslån, mat, bioenergi, bygdeutvikling, Inn På Tunet mm 2

3 Gardsplassen.no: Landbruksrelatert stoff om det meste. God portal inn til mange andre informative sider Indre Nordmøre landbrukstenester: Tidlegare Avløysarlaget. Generell info, timelister, etc. Skogbrukets kursinstitutt: Aktiv skogbruk-kurs og anna nyttig info om skogbruk Gardskart: Kart på nett. Viser arealressurser og arealtall for valgt landbr.eigedom Foto: E.B Sollid Polden Miljøplan Trinn 1 av miljøplan gjeld for alle som mottek produksjonstilskot, og er ein føresetnad for å motta fullt produksjonstilskot. Miljøplan trinn 1 er eit av områda vi er pålagde å kontrollere på stikkprøvekontrollar i samband med produksjonstilskot, og manglar her fører til reduksjon i tilskotet. Difor ber vi alle sjekke at dette er noko de har i orden. Informasjon om krav mm finn de på: eller ta kontakt med Mona på kontoret. 3

4 RETNINGSLINJER FOR KOMMUNALT LANDBRUKSFOND I SURNADAL Bakgrunn Det er avsett kr ,- til ei kommunal tilskottsordning for landbruket i Surnadal. Prosjekt som ein finn støtte for i vedteke landbruksplan skal prioriterast. Retningslinjene kan reviderast årleg, i samråd med næringa, dersom administrasjon, politikarar eller representantar frå næringa finn det naudsynt. Formannskapet utgjer styret for fondet. Søknadene handsamast administrativt, og refererast i Formannskapet. Vedtak om avslag på søknad om støtte frå fondet blir vurdert som enkeltvedtak etter Forvaltningslova 2, og kan påklagast. Formannskapet er klageinstans. Mål med bruken av dei økonomiske verkemidla Styrke og oppretthalde utvikling og verdiskaping i jordbruk og skogbruk Stimulere til nyetableringar/nye næringar med utgangspunkt i landbruket sine ressursar Motivere ungdom til å satse på eit yrke i landbruket Virkeområde Retningslinjene gjeld for tiltak på landbrukseigedomar i Surnadal kommune. Fellestiltak kan og kome inn under ordninga. Generelle reglar for støtte Søknadsfrist blir sett til 15.mars kvart år Det blir gjeve tilskott til nyinvestering, ikkje til driftskostnadar. Tiltaket skal som hovudregel ikkje vere påbegynt før søknadsåret Fellestiltak vil bli prioritert om tilskotsramma blir for lita Tiltak som bidrar til å minske forureining og fremme gode og langsiktige løysingar 4

5 skal prioriteras Får ein avslag eit år, kan ein søkje på nytt året etter. Det skal leggjast ved prosjektbeskriving, kostnadsoverslag og finansieringsplan ved søknaden. Tips til dette finn ein på kommunen sine heimesider, eller ved å ta kontakt med avdelinga. Tilskotet blir utbetalt etterskotsvis etter tilvising frå Næring, bygg og miljø. Tilskotet blir utbetalt etter rekneskap og rapport. AVGRENSINGAR Tilskotet avgrensast til maksimalt 35% av kostnadsoverslaget Maksimalt tilskot frå landbruksfondet blir avgrensa til ,- per år per driftseining. Fellestiltak kan opne for auka ramme, opp til ,- per deltakande driftseining. Minimum tilskotsbeløp det kan bli søkt om og som kan innvilgast er på kr ,- per Søknad STØTTEFORMÅL Næringsaktivitet og bruk i drift skal prioriterast gjennom tildelinga. Prosjekt som ikkje mottek anna offentleg støtte skal prioriterast. Saker til SMIL og landbruksfondet bør sjåast i samanheng, slik at ein får bruka midlane på best mogleg vis. Eksempel på aktuelle tiltak som kommunen ønskjer å prioritere: Kompetansehevande tiltak: Det kan gjevast tilskot til kompetansehevande tiltak, som gjer bonden meir i stand til å fatte rette avgjersler som bedriftseigar, og andre faglege emne. Det kan og gjevast tilskot til innhenting av rådgjeving og fagleg kompetanse ein manglar sjølv. Det kan gjevast tilskot til enkeltbruk, som til dømes deltakingsavgift på kurs, avløysarutgifter, og til tilrettelegging av fellestiltak. Utmark/beitebruk: Tiltak som fremmer betre utnytting av dei samla ressursane som bruka utgjer, som skog, jord, elv og utmark er prioritert. Herunder både enkelt- og fellestiltak. Grøfting: God grøftetilstand er viktig både for plantevekst og miljø. Her opplever vi eit stort etterslep. Det bør og stimulerast til å grøfte leigejorda. 5

6 Nydyrking: Det kan gjevast tilskot til nydyrking. Skogbruk: Det kan gis støtte til skogsveibygging. Det kan gis støtte til bioenergi gårdsanlegg. Det kan gi støtte til rydding av krattskog som eit ledd i kulturlandskapsskjøtsel. KOSTNADSOVERSLAG OG SLUTTREGNSKAP Satsar per time for arbeid som skal utførast: Eige manuelt arbeid: 225,- Eige arbeid m/motorsag og liknande 300,- Eige arbeid m/traktor m/div utstyr 500,- Spesifiser mva i kostnadsoverslaget. Viktig: Noter kor mange timar du/de arbeider med prosjektet. Timelista skal leggjast ved rekneskapet. Dersom sluttrekneskapet viser at kostnaden blir mindre enn i kostnadsoverslaget blir tilskotet redusert tilsvarande. Viktig med realistiske kostnadsoverslag LOKALE RETNINGSLINJER FOR BRUK AV MIDLAR TIL SPESIELLE MILJØTILTAK I JORDBRUKET (SMIL) Bakgrunn Ordninga med SMIL-midlar er etablert for å fremje kultur- og kulturminneverdiar i jordbruket sitt kulturlandskap og redusere forureining frå jordbruket. Det gjeld tiltak utover det som kan forventast gjennom vanleg jordbruksdrift. Innafor forskrifta skal Surnadal kommune ved avdeling for Næring og utvikling utarbeide strategiar og prioriteringar for korleis midlane skal brukast. Avdelinga skal behandle søknadene etter prioriteringar utarbeidd i samarbeid med landbruksnæringa. Strategien vart diskutert på eit møte med representantar for jordbrukets organisasjonar 21.okt. 2011, og er vedteke av utval for Næring, miljø og teknikk i Surnadal. 6

7 Eksempel på tenkte tiltak: Gardbrukarar i fleire kommunar samordnar seg om å etablere ei lang sykkelrute. Tilskot blir gjeve til registrering, planlegging og lønn til prosjektleiar. Historielaget og gardbrukarar i ei grend planlegg og lagar ein sti som omfattar gamalt vegfar, husmannsplassar, fiskeplass, utsiktspunkt og ei gamal slåtteng. Gamal dyrka mark lengst opp i dalsida held på å gro igjen. Det blir rydda, gjerda og beita med husdyr. Det siste sommarfjøset i bygda står enda, og nytt tak blir lagt. Ein bekk som vart lukka under bakkeplanering på 70-tallet tek ikkje unna flaumvatnet. Det blir lagt nytt og steinsikra ope løp, med ein rensedam i øverenden. Mål med bruken av dei økonomiske verkemidla Kulturlandskapet er ein viktig del av kulturarven vår og representerer store kulturverdiar. Kulturlandskapet er også viktig i forhold til det biologiske mangfaldet, reiselivet, og ikkje minst som ein trivselsfaktor for folk flest. Skjøtsel av kulturlandskapet skal bidra til vern av gamal kulturmark, gamle ferdselsårer, kulturminne, tekniske anlegg og verneverdig bygningsmasse. Behov for midlar Det er eit stort sprik mellom behovet for midlar (omsøkte beløp) og den tilskotsramma som vi får tildelt. Dette medfører ei hard prioritering mellom prosjekta. Surnadal har tidlegare lagt seg på ei tildeling der ein prøver å bidra på dei ulike prosjekta, men med krav til større eigenfinansiering enn det blir søkt om. Ein ser at dei aller fleste prosjekta blir gjennomført, dette kan tolkast dit hen at det kan vere ein god strategi frå kommunen si side, som gjev flest mogleg prosjekt igangsett. Prioriteringar lokalt Kommunen vil ha som hovudmål å ta vare på - det opne kulturlandskapet - kulturminne i form av bygningar, for eksempel seterhus og høyløer. Kommunen vil prioritere Dei prosjekta som er mest unike, og der prosjektet truleg ikkje blir gjennomført utan støtte frå desse midlane 7

8 Fellesprosjekt Tiltak der det er ein heilskapleg plan for eit område Tiltak der dette er til gode for allmennheten. Kulturminne som gamle stiar i samband med tidlegare seterdrift og mjølkerampar som var viktige møteplassar før. Planlegging og tilretteleggingsprosjekt Det kan innvilgast tilskot til prosjekt som leder fram til planer for konkrete tiltak som nevnt nedanfor. Tilskot blir innvilga på grunnlag av godkjent kostnadsoverslag ved planlegging, organisering og prosjektarbeid. Kulturmark/rydding/gjerding Formål: Restaurere og ta vare på gamal kulturmark med tilhøyrande miljøverdiar forma gjennom lang tids bruk til slått og beite. Viktige punkt: Gjengroinga skal ikkje ha kome så langt at arealet har preg av skogsmark Det skal finnast planter som er karakteristiske for kulturmark, og eventuelle kulturminne som fortel om tidlegare bruk Det skal leggast ved plan for både restaureringstiltaket og oppfølgjande skjøtsel av området. Vidare skjøtsel med beiting av husdyr skal prioriterast. Biologisk mangfald Formål: Ta vare på og utvikle variasjonen og mangfaldet av planter og dyr i kulturlandskapet ved hjelp av skjøtseltiltak og tilrettelegging. Viktige punkt: Ta vare på det kulturbetinga mangfaldet av planter og dyr i kulturlandskapet som er utvikla gjennom lang tids slått og beiting. Ta hensyn til ville planter og dyr i kulturlandskapet og bidra til å oppretthalde livskraftige bestander Gjennomføre tiltak som bidrar til gjenoppretting og utvikling av biologisk mangfald 8

9 Kulturminne og kulturmiljø Formål: Ta vare på spor etter menneske sin aktivitet i kulturlandskapet gjennom alle tider, herunder stader det knytar seg historiske hendingar, tru eller tradisjon til. Kulturmiljø: (eksempel): Gardstun, seter, gravfelt, naust og sjøhus Kulturminne: (eksempel): Bygningar, buplassar, hustufter, gravsteiner, rydningsrøyser, vegar og vegfar, fangst og fiskeinnretningar, tjære- og kullmiler Freda kulturminne: Alle kultuminne frå før 1537, alle bygningar frå før 1650 og alle samiske kulturminne eldre enn 100 år er automatisk freda. Aktuelle tiltak: Synleggjering gjennom rydding, slått eller beiting Istandsetjing, restaurering og skilting. Ved freda kultuminne må dette skje i samråd med regional kulturminneforvaltning. Det kan og vurderast å gje tilskot til prosjekt der bilete eller anna dokumentasjon kan syne korleis kulturminnet har sett ut. Det er viktig å ta vare på så mykje som råd er av kulturminnets heilskap, eigenart og opprinnelege element. Bruk helst tradisjonelle og stedeigne materiale. Freda og verneverdige bygningar Formål: Restaurering og vedlikehald av freda eller verneverdig bygning i jordbrukets kulturlandskap Freda bygning: Bygningar frå før 1650 er automatisk freda. Nyare bygningar kan vere freda ved vedtak etter kulturminneloven. Verneverdig bygning: Bygning som ikkje er freda, men som på grunn av sin eigenart eller som del av eit kulturmiljø utgjer eit viktig innslag i kulturlandskapet, og som det er viktig å ta vare på. Vi vil prioritere tiltak for å ta vare på bygningane det hastar mest med. Dette er ofte bygningar i utmarka, og ofte er det relativt små kostnader med å ta vare på desse kulturminna. Freda og/eller verneverdige bygningar, som for eksempel stabbur, vil vi òg kunne prioritere. Søknader på freda/verneverdige bygningar blir om nødvendig sendt til fylkeskonservatoren for fagleg vurdering og prioritering. Bygningar der ein tek vare på det opphavlege blir prioritert, og ikkje modernisering av eldre bygningar. Når det gjeld søknader som går på restaurering av våningshus kan kommunen ikkje prioritere slike prosjekt. Årsaka er at det er svært knapt med midlar tilgjengelege og i slike saker er det ofte store kostnader med kvar bygning. Dersom slike prosjekt skal få støtte vil 9

10 mykje av den disponible summen gå med. Ofte har bygningar i gardstunet mest interesse for eigaren / familien og slike tiltak blir ofte gjennomført sjølv om det ikkje blir løyvd midlar frå denne ordninga. Miljøtiltak Formål: Fremme tiltak som bidreg til å hindre eller redusere forureining eller risikoen for forureining frå jordbruket. Tiltak: (eksempel):avskjeringsgrøfter, for å avskjere overflate- og grunnvatnstrøm frå utmark mot innmark, inntaks- og nedløpskummer for å samle overflatevatn frå open grøft eller terreng ned til eit lukka løp, oppdimensjonering av lukka løp, for å sikre at det lukka løpet tek unna flomvatn, erosjonssikring av opne løp, økologiske rensedammar (fangdammar), for å halde attende jordpartiklar og næringsstoff frå dyrka mark. Søknaden Generelt: Søknadsfrist for midlane blir 15.mars kvart år. Det skal søkjast på eige skjema utarbeidd av Statens landbruksforvaltning, som du finn på kommunen sine heimesider, eller ved å kontakte kommunen. Gardbrukarar må ha Miljøplan trinn 2 for å søkje om tilskot. Elles kan alle som er registrert i Einingsregisteret søkje, når det er gjort avtale med grunneigar på førehand om gjennomføring av prosjekt/tiltak. Dersom eit tiltak mottek støtte gjennom landbruksfondet i kommunen, kan det ikkje motta SMIL-midlar. Dersom dei økonomiske rammene tillet det, kan satsane for tilskott aukast opp til grensene som er sett i forskrift om tilskott til spesielle miljøtiltak i jordbruket Når det blir nødvendig å prioritere mellom tiltak, vil fellestiltak der medlemmene har tilknyting til landbruket bli prioritert (grunneigarlag før idrettslag o.l.) 1

11 Tilskotssatsar Sentral forskrift max sats lokal strategi max sats Tilskot til planlegging og tilretteleggingsprosjekt Kulturlandskapstiltak og forureiningstiltak 100 % 70 % Planlegging og tilretteleggingsprosjekt Gamal kulturmark, rydding, gjerding 70 % 50%, eller max 1000,-/daa for rydding av beite Kulturminne og kulturmiljø 50 % Freda og verneverdige bygningar Miljøtiltak 35 % 35% på hydrotekniske, 70 % på økologiske rensetiltak Særskilte tiltak for å ivareta biologisk manfold 100 % Biologisk mangfald 50 % Kostnadsoverslag og sluttrekneskap Satsar for arbeid som skal utførast: Eige manuelt arbeid: 225,- Eige arbeid m/motorsag og liknande 300,- Eige arbeid m/traktor m/div utstyr 500,- Spesifiser mva i kostnadsoverslaget. Viktig: Noter kor mange timar du/de arbeider med prosjektet. Timelista skal leggjast ved rekneskapet. Dersom sluttrekneskapet viser at kostnaden blir mindre enn i kostnadsoverslaget blir tilskotet redusert tilsvarande. Det er derfor viktig med realistiske kostnadsoverslag! 1