NÆRINGS- OG MILJØTILTAK I SKOGBRUKET (NMSK) STRATEGI FOR KLEPP KOMMUNE Foto: Hilde Kristin Honnemyr

Transkript

1 NÆRINGS- OG MILJØTILTAK I SKOGBRUKET (NMSK) STRATEGI FOR KLEPP KOMMUNE Foto: Hilde Kristin Honnemyr

2 Innleiing Tilskot til nærings- og miljøtiltak i skogbruket (NMSK) er ein del av kommunen sin landbruksplan. Kommunen får tildelt ei årleg disposisjonsramme frå Fylkesmannen til gjennomføring av tiltak som planting og ungskogpleie. Tilskotet er statlege midlar som blir overført til kommunane. Kommunane forvaltar tildelte midlar ut frå sine lokale utfordringar og prioriteringar. Særtrekk ved skog og kulturlandskapet i kommunen Klepp kommune har ikkje særleg mykje skogbruksverksemd, men det er nokre plantefelt. Ei auka satsing på skog er og eit bidrag til eit betre miljø i global samanheng. Slik tilhøva er på Jæren, vil det kunne oppstå interessekonfliktar mellom det å ta vare på det tradisjonelle kulturlandskapet, der eit ope landskap er viktig, og det å driva aktivt skogbruk. Leplanting er eit miljøtiltak som betrar mikroklimaet, og det påverkar kulturlandskapet. Dersom ein skal ta vare på det gamle kulturlandskapet på Jæren, bør ein vere svært varsam med omsyn til leplanting. Ein bør vere særleg varsam med planting vest for Nordsjøvegen, med tanke på utsyn til havet. Sentrale forskrifter, planar, strategiar, registreringar mv. Forskrift om tilskudd til nærings- og miljøtiltak i skogbruket Forskrift om tilskudd til skogbruksplanlegging med miljøregistrering Regionalplan for landbruk i Rogaland (2011) Kommuneplan for Klepp kommune ( ) Fylkesdelplan for energi og klima, 2010 Naturbasen

3 Tiltak det kan vere aktuelt å støtte Rekkefølgja av punkta nedfor er ikkje utrykk for prioritering mellom tiltakstypar: ungskogpleie miljøretta tiltak og nyplanting i skogbruket, områdetiltak, planlegging av fellestiltak, informasjon, registrering Presiseringar Støttenivået er rettleiande. Til særs gode prosjekt kan det ytast eit høgare tilskot. Prosjekt som er mindre viktige, eller som også får midlar gjennom andre kanalar, kan bli avslegne, eller få eit lågare tilskot. Skogbruk Dersom det er mange søknader, har fornying av hogstflater prioritet. Det vert ikkje gjeve tilskot til skogplanting på dyrka mark. Tilskot til skogstiltak bør sjåast i samanheng med ønske om å styrka det biologiske mangfaldet og oppretthalde skogsarealet i kommunen. Tilskot vert utbetalt etter dokumenterte kostnader. For eigeninnsats må det førast detaljert timeliste. Eigeninnsats blir verdsett med dei satsane som er synt i tabell 2. Ved nytte av andre reiskap, blir satsane til Norsk landbruksrådgivning nytta. Etter avtale kan det og nyttast akkordsatsar med pris pr plante ved plantearbeid, eller pris pr dekar ved rydding. Til dette har Fylkesmannen utarbeidd tilrådde maks prisar for ulike plante- og skogskulturarbeid. Prioritering og støttenivå Skogsatsing bør sjåast i samanheng med kravet i skoglova om planting innan tre år etter hogst, dersom arealet ikkje blir omdisponert til anna bruk. Tilskot vil vera eit middel til å oppretthalde det vesle skogsarealet som er i Klepp kommune. Frå sentralt hald blir det ført ein offensiv politikk med satsing på skog. Fokuset på skog i klimasamanheng, med vekt på trea sin evne til å binde CO 2 er viktig. Både skoglov og naturmangfaldslov set strenge krav til utøving av skogbruk og planting. Ein reknar ikkje med at skogsarealet vil auke vesentleg i kommunen. Først og fremst vil skogsatsinga vere tilplanting av hogstflater eller utskifting av krattskog og ungskogpleie i plantefelt.

4 Tiltaksgruppe Prosjekttype Rettleiande del av tildelte midlar Normalt øvre tilskotsnivå Planleggings- og tilretteleggingstiltak 60 % Skogbruk Ungskogpleie 100 % 60 % Planting 60 % Tabell 1 I særskilte situasjonar kan det gis inntil 100 % tilskot. For planlegging av tiltak som grunneigar ikkje får personleg nytte av, vil ein normalt dekke ein større del av kostnaden. Saksbehandling Søknad Søknad skal leverast på eige skjema (SLF-909 ) Søknaden skal innehalde følgjande vedlegg: Kart over eigedomen, med innteikna plassering av tiltak Beskriving av prosjektet Spesifisert kostnadsoverslag (materialkostnader, innleidd arbeid, eige arbeid mv.) Satsar for eige arbeid: Person i arbeid 300 kr/time Person + motorsag 350 kr/time Person + ryddesag 350 kr/time Tabell 2

5 Fristar/behandling Søknadane blir behandla fortløpande. Frist for gjennomføring av tiltak blir normalt sett til 3 år. Fristen kan utsetjast med inntil 2 år. Dette må søkjast om særskilt. Tilskot blir ikkje løyvd til prosjekt som er påbegynt før søknad om NMSK-midler er endeleg behandla. Utbetaling/ferdigstilling Utbetaling av tilskot kan skje når prosjektet er ferdigstilt, i følgje godkjent plan, og rekneskap og miljøplan trinn 2 er lagt fram og godkjent. Synfaring skal haldast. Generelt Retningslinjene er ein del av landbruksplanen og blir politisk behandla og vedteken. Landbrukskontoret gjer enkeltvedtak i kvar søknad. Vedtaket kan påklagast etter forvaltningslova. Andre ordningar det kan vere aktuelt å søkje tilskot til/gjennom Skogfond Spesielle miljøtiltak i landbruket (SMIL)