Saman kan vi gjere Meland endå betre

Transkript

1 Saman kan vi gjere Meland endå betre Valprogram Meland Høgre M eland er ein god kommune å bu i, men Høgre veit at saman kan vi gjere Meland endå betre. Vi som er glade i Meland vil ha eit nærmiljø som er trygt og mangfaldig. Ikkje minst er det svært viktig å skapa gode oppvekstvilkår for våre barn og unge. Vi ønskjer eit samfunn med moglegheiter for alle. Lysten til å skapa noko for deg sjølv, familien din og lokalsamfunnet vårt skal ikkje regulerast bort. Innbyggjarane og næringslivet skal bli møtt av ein effektiv kommune, prega av kvalitet i tenestene, god etisk standard og ei positiv haldning. I tillegg til offentleg og privat sektor har også lag og frivillige organisasjonar ei viktig rolle i å byggje trygge og gode lokalsamfunn. Høgre vil sikra dei gode vilkår. Saman kan vi gjere Meland endå betre. Høgre meiner mellom anna at følgjande er viktig: Kunnskap og kvalitet i skulen Høgre sitt mål er at alle elevar skal oppleva ein skule som gir eit best mogleg utgangspunkt i livet. Kvalitet i omsorga Høgre sitt mål er at alle skal få gode omsorgstenester når dei treng det, uavhengig av alder og livssituasjon. Fleire, betre og tryggare vegar og eit klimavenleg transporttilbod Høgre sitt mål er at du skal koma deg raskare fram og trygt heim. Trygge lokalsamfunn Høgre sitt mål er at alle skal bu i eit trygt og triveleg lokalsamfunn der lokale lag og foreiningar medverkar til ulike aktivitetstilbod og gode fellesskap. Meland kommune har fått orden på økonomien etter å ha vore på ROBEK- lista i mange år. Ei framleis god økonomisk styring er avgjerande for å ha økonomisk handlefridom, og dermed gi innbyggjarane gode tenester. Det er eit mål for Høgre å redusera og på sikt avvikla eigedomsskatten på bustader. Meland er ein av dei mest attraktive kommunane i Noreg. I fjor blei Meland kåra til den beste kommunen i landet på næringsetablering. I tillegg er vi også blant dei mest attraktive for busetnad. Ein kommune i vekst gir utfordringar, men også mange moglegheiter. Vi ser moglegheiter framfor problem. Eit moderne og framtidsretta samfunn er tufta på ein positiv kommune som er løysingsorientert i møte med sine innbyggjarar og næringslivet. Kandidatane på Meland Høgre si liste kjenner Meland- samfunnet godt, og er opptatt av å utvikla kommunen vår i positiv retning. Vel så viktige som politiske løysingar er handlekraftige politikarar som kan setje i verk politikken. Slike kandidatar har Meland Høgre. Meland treng Høgre i posisjon fordi vi har dei beste løysingane og kandidatane for å møta Meland si framtid.

2 Meland Høgre har dokumentert at vi kan styra Meland på ein god og stødig måte. Under mottoet Saman kan vi gjere Meland endå betre skal vi gjere vårt beste for å utvikla lokalsamfunnet vidare i positiv retning. Godt val, og nytt stemmeretten din! Med venleg helsing Nils Marton Aadland Ordførar/ordførarkandidat EIN KUNNSKAPSSKULE DER ALLE ELEVAR KAN LUKKAST Våre born og unge fortener ein best mogleg start i livet. Difor er Høgre så opptatt av å skapa ein skule prega av kunnskap og kvalitet. Det er svært gledeleg at kvaliteten i Meland- skulen har hatt ei positiv utvikling dei siste åra, og Meland Høgre vil sikra at denne gode trenden held fram. Ikkje minst er det viktig å gi våre dyktige lærarar høve til fagleg påfyll. Elevane skal møta eit godt og triveleg læringsmiljø i form av kvalifiserte lærarar, oppdaterte læremidlar og eigna bygningar. Vi må også syte for at det er trivsel og disiplin i klasseromma. Forbetra overgangen frå barnehage til skule. Innretta leksehjelpa til dei klassetrinna der trongen er størst. Kartleggje læringsresultat og læringsmiljø for å kunna setja inn ekstra ressursar der dette trengst. Arbeida for at skulane har gode og oppdaterte læremidlar. Leggje til rette for godt samarbeid mellom heim og skule. Arbeida for å styrkje etterutdanninga for lærarar, skuleleiarar og andre tilsette i skulen. Sjå til at det er null- toleranse i høve mobbing. Arbeida for meir fysisk aktivitet i løpet av skuledagen. Styrkja symjeundervisninga. Ha eit tydeleg ordensreglement og gi læraren høve til å hendheve det. Snarast byggje ut Sagstad skule

3 Snarast byggje ut Grasdal skule Starte planlegginga av ny ungdomsskule TIDLEG INNSATS I BARNEHAGEN For barnefamiliar er det svært viktig å ha tilbod om barnehageplass i nærmiljøet. I ein vekstkommune som Meland er det viktig å sikra utbygging av barnehagetilbodet i takt med folkeveksten. Læring og leik i barnehagen dannar grunnlaget for at borna lukkast i skulen. Tidleg innsats er nøkkelen til seinare meistring og auka læringsutbytte for alle elevar. Difor vil Meland Høgre arbeida for framleis full barnehagedekning og kvalitet og tidleg innsats i barnehagane. Stille krav om daglege læringsaktivitetar som utviklar borna både sosialt og fagleg. Oppretthalde full barnehagedekning. Arbeida for at det blir sett av areal til barnehageføremål i nye større bustadfelt. Arbeida for at mest mogleg informasjon om barnehagane er tilgjengeleg, mellom anna gjennom brukarundersøkingar og ein kvalitetsportal. Arbeida for auka fleksibilitet i barnehageopptaket. Gi naudsynt hjelp til born som har språklege utfordringar. Arbeida for å sikra private barnehagar ein sunn og forutsigbar økonomi. Arbeida for at ønska kvalitet i barnehagane blir lokalpolitisk forankra. KVALITET OG VALFRIDOM I HELSETENESTA Helsetenesta i Meland skal vera prega av kvalitet og kompetane. For å lukkast med gode helse- og omsorgstenester må kommunen prioritera både førebyggjande arbeid, god kronikaromsorg, habilitering og rehabilitering. Samstundes må kommunen vera kompetent til å handtere pasientar med komplekse og samansette behov i større grad enn tidlegare. Arbeida for å styrkja det førebyggjande helsearbeidet for barn og unge, gjennom helsestasjons- og skulehelsetenesta, styrkja psykologtilbod og fleire lågterskeltilbod. Arbeida for å styrkja sentrale tenester som fysioterapi og legetenesta. Arbeida for eit godt tilbod innan psykisk helsevern for alle innbyggjarar, inkludert betre tilgjenge, god kompetanse og tidleg innsats. Arbeida for å ivareta utsette grupper ved å auka bustadsosial kompetanse og tiltak som til dømes bustad, oppfølging i bustad, helsetenester og tilrettelagd arbeid. Arbeida for å styrkja pasientane og pårørande si rolle. Arbeida for meir fysisk aktivitet i kvardagen, mellom anna ved å leggje til rette for turstiar og friluftsaktivitetar. Arbeida for auka kompetanse og etablering av tverrfaglege samarbeid og gode fagmiljø. Arbeida for systematisk og forpliktande samarbeid med private og friviljuge organisasjonar og andre i alle delar av dei kommunale helse- og omsorgstenestene.

4 AKTIV ELDREPOLITIKK OG OMSORGSTENESTER Vi lever lenger og mange eldre er i dag ofte friske og vitale, og ønskjer å bu heime i eigen bustad heile livet. Gode førebyggjande tiltak medverkar til at eldre heldt seg friske, fremmer aktiv samfunnsdeltaking og motverkar einsemd og mangel på sosialt nettverk. Sjuke og pleietrengjande eldre skal sikrast rett til kompetent helsehjelp og behandlast med respekt og verdighet. Meland sjukeheim er no bygt ut, og Høgre vil arbeida for at dei som treng sjukeheimsplass skal få det. Leggje vekt på Meland eldresenter som eit viktig sosialt og aktiviserande tilbod i det førebyggjande helsearbeidet, og utvide dette gjennom samarbeid med frivilligsentralen og frivillige organisasjonar. Arbeida for at det blir etablert dagsenter for demente, gjerne i samarbeid med frivillige organisasjonar. Legge til rette for alternative former for senior- og eldrebustader, til dømes bustader der fleire kan bu saman, i tilknyting til andre aktivitetstilbod. Inkludere alderdom i kommuneplanlegginga med tilbod om aktivitet, tilpassa bustader og rehabilitering. Styrkje helsetenestetilbodet til pleie- og omsorgstenesta (heimesjukepleie og sjukeheimen). Utvikla gode system for systematiske kvalitetsmålingar. Arbeida aktivt for arbeidstidsordningar som sikrar kontinuitet i pleie, eit godt arbeidsmiljø og som medverkar til auka heiltidskultur. Vidareføra målsettinga om eit kompetanseløft for tilsette i omsorgssektoren, om høgare kompetanse og færre ufaglærte. Vidareføra satsinga på bygging av omsorgsbustader i offentleg og privat regi. Leggje vekt på den einskilde sin rett til å velje mellom ulike tilbod og bytterett dersom tilbodet ikkje er godt nok. TRYGGE ARBEIDSPLASSAR Meland blei i fjor kåra til Noregs beste kommune på nyetableringar. Trygge arbeidsplassar er ein føresetnad for velferda i samfunnet vårt. Meland kommune skal vere ein «Ja- kommune» og møte nye idear og utfordringar gjennom eit positivt grunnsyn. Eit moderne og framtidsretta samfunn er tufta på ein positiv kommune som er løysingsorientert i møte med sine innbyggjarar og næringslivet. Tryggje arbeidsplassar i kommunen ved å prioritere gode vilkår for vidareutvikling av eksisterande verksemder. Arbeida for at Meland framleis skal vere ein av dei mest attraktive kommunane i Noreg for næringsutvikling. Arbeida for at Meland kommune skal vere ein «ja- kommune» ved så langt som mogleg stille næringsareal til disposisjon for private aktørar.

5 Arbeida for endå raskare sakshandsaming ved å modernisere/digitalisere kommune sine sakshandsamingssystem. Sørgje for at arealplanlegginga i kommunen tar omsyn til trongen for bustad- og næringsareal i nærleiken til offentleg transport. Arbeida for å realisere «Områdeplanen for Frekhaug senter» for å styrkje Frekhaug senter som eit moderne og funksjonelt senter for handel, tenesteyting og kultur. Arbeida for å styrkje Rossland/Vikebø som senter for den nordlege delen av kommunen. Setje av areal til næringsklynger. Innføre næringslivets dag i kommunen. Etablere «Raskt tilbake» program for unge uføre. Arbeida for at kommunen og næringslivet etablerer fleire språkpraksisplassar for å sikre at våre nye landsmenn- og kvinner blir integrert i det norske samfunnet på ein god måte. Gjennomføre ein moglegheitsstudie, som tar sikte på å peike ut kommunen sine satsingsområde fram mot RASKARE UTBYGGING AV VEG OG INFRASTRUKTUR Infrastruktur er eit viktig verkemiddel for å sikre vekst og velferd for framtidige generasjonar. I dag har vi for dårlege og utrygge vegar i Meland. Difor vil Høgre arbeida målretta for raskare utbygging av vegar for å sørgje for at folk kjem seg hurtig og trygt fram, enten det er til arbeid, skule, barnehage eller fritidsaktivitetar. I tillegg må vi halda fram arbeidet med å sikra alle husstandar og næringsverksemder eit godt og tenleg mobilnett/breiband. Arbeida for å realisera ny og trygg veg frå Fløksand til Vikebø. Arbeida for å realisera ny og trygg veg frå Fossekrysset til Moldekleiv. Arbeida for å realisera ny og trygg veg frå Frekhaug senter til Meland Aktiv. Arbeida for å realisera gang- og sykkelveg frå Dalstø til Holme, inklusiv undergang på Holme. Arbeida for å sikra trafikkfarlege punkt. Arbeida for å rusta opp kommunale vegar. Arbeida for å realisera E39 Nyborgtunnelen i valperioden. Arbeida for å realisera Tverrsambandet mellom Askøy, Meland og Radøy. Arbeida for å sikra alle husstandar og næringsverksemder eit godt og tenleg mobilnett/breiband. UTBYGGING AV EIT EFFEKTIVT OG KLIMAVENLEG TRANSPORTTILBOD Meland Høgre er opptatt av å leggje til rette for at reisande kan gjere miljøvenlege val og nytta eit effektivt transporttilbod. Transportsektoren er ei stor utsleppskjelde, og ved å leggje til rette for eit effektivt og klimavenleg transporttilbod vil dei reisande koma raskt fram på ein klimavenleg måte. Arbeida for å betra kollektivtilbodet internt i Meland og til nabokommunane, og prioritera hyppigare avgangar og tilgjenge i kollektivtrafikken.

6 Arbeida for å auka rutefrekvensen på snøggbåten mellom Nordhordland og Bergen, og leggje til rette for klimavenlege snøggbåtar. Arbeida for å opprette korresponderande busstilbod til snøggbåten sine ruter på Frekhaug. Arbeida for ny kollektivterminal på Flatøy, inklusiv større parkeringsanlegg for innfartsparkering. Arbeida for å auka bruken av el- bilar ved å leggje til rette for etablering av fleire ladestasjonar. Arbeida for auka bruk av sykkel som transportmiddel gjennom å sikra eit heilskapleg sykkelvegnett med vinterbrøyting og god sykkelparkering. Arbeida for at fleire barn og vaksne går eller syklar til barnehage, skule og arbeidsplass. Arbeida for betre busstilbod mellom Meland og Knarvik- Alver. MELAND EIT TRYGT OG TRIVELEG LOKALSAMFUNN Høgre sitt mål er at alle skal bu i eit trygt og triveleg lokalsamfunn der lokale lag og foreiningar medverkar til ulike aktivitetstilbod, gode opplevingar og fellesskap. Det er spesielt viktig å sikra gode oppvekstvilkår for barn og unge. Difor vil Høgre særleg støtta idretts, kultur og fritidstilbod som er retta mot denne aldersgruppa, mellom anna ved å dobla kulturmidlane frå dagens nivå. Meland har ei rekkje eldsjeler som gjer ein formidabel innsats for svært mange menneske i lokalsamfunnet. Høgre vil gi desse best mogleg vilkår for å vidareføra dette verdfulle arbeidet. Arbeida for å auke kulturmidlane frå dagens nivå til lag og organisasjonar som gir tilbod til barn og unge. Legge til rette for arenaer for uorganiserte unge. Arbeida for å styrkje tverrfagleg samarbeid kring oppvekstviklår for barn. Arbeide for å etablere møtestader/aktivitetstilbod for unge, basert på ungdommen sine eigne ønskje - gjerne i samarbeid med frivilligsentralen. Arbeida for å auka driftsstøtta til idrettslaga. Arbeida for å styrkje kulturskuletilbodet. Arbeida for realisere ny symjehall. Innføre nulltoleranse overfor mobbing og hærverk. Arbeida for å førebyggje rusmisbruk. Arbeida for eit synleg politi. EIN MODERNE OG SERVICEINNSTILT KOMMUNE Kommunen er innbyggjarane sin organisasjon. Meland Høgre vil arbeida for at dei kommunale tenestene er av høg kvalitet, god etisk standard og service med ei imøtekomande haldning til innbyggjarar og næringsliv. For å sikre dette er det naudsynt å vurdere dagens kommunestruktur. Arbeida for å sikra god infrastruktur gjennom utbygging og eit godt og kostnadseffektivt vedlikehald.

7 Arbeida for auka kvalitet gjennom brukarundersøkingar og samanlikningar med andre kommunar Arbeida for at det blir innført klare resultatmål som sikrar ei god og rask sakshandsaming. Gå i forhandlingar med aktuelle nabokommunar for å byggje ein ny kommune. Dette for å gi innbyggjarane og næringslivet gode tenester også i framtida og styrkje lokaldemokratiet. Tenestetilbodet skal vere der folk bur. Meland Høgre ser det som mest naturleg å byggje ein ny kommune saman med Lindås og Radøy. EIT GODT OG BEREKRAFTIG MILJØ Eit reint og godt miljø medverkar til å gjera Meland til ein triveleg stad å leva i. I Meland har vi mange naturperler, og her er eit rikt dyre- og planteliv. Det er vår plikt å forvalte dette på ein måte som gjer at både noverande og komande generasjonar kan nyta og nytta naturen til eit rikt friluftsliv, både på land og sjø. Arbeida for å redusere trongen for bilkøyring ved å leggje til rette for arbeidsplassar og tenestetilbod lokalt. Arbeida for å realisera kommunen sin klimaplan. Stille miljøkrav til bustader/næringsbygg, mellom anna ved bruk av miljøvenlege energiløysingar for nye bustadfelt. Arbeida for eit betre kollektivtilbod og leggje til rette for fleire gang- og sykkelvegar. Arbeida for at det blir sett av areal til friområde/turstiar i nærleiken av større bustadfelt. Arbeida for ein miljøvenleg kommunal bilpark. Arbeida for å halde oppe eit ope kulturlandskap, mellom anna ved å leggja tilhøva til rette for eit levande landbruk. PRIVAT EIGEDOMSRETT OG AREALBRUK For Høgre er respekten for den private eigedomsretten viktig. Utøvinga av eigedomsretten blir utsett for ei rekkje restriksjonar frå det offentlege, noko som i mange høve blir opplevd som negativt. Den store innflyttinga til Meland stiller oss overfor nokre utfordringar som kommunen må ta omsyn til i samband med arealplanlegginga. Meland må ikkje bli ein drabantby, men ivareta sin eigenart. Ha ei smidig og liberal haldning til rehabilitering og oppgradering av bygg og anlegg i strandsona. Arbeida for at innbyggjarane kan nytte nærleiken til sjø for båtliv og friluftsaktivitetar. Arbeida for å sikre viktige naturområde for framtida. Arbeida for at utbygging av større byggjefelt er i eit tempo og omfang som sikrar at skular, barnehagar og andre tenester/ infrastruktur har tilstrekkeleg kapasitet. Det inneber at årleg folkeauke ikkje bør overstiga 2,5 prosent. Arbeida for å unngå ekspropriasjon der det ikkje er heilt naudsynt ut frå tungtvegande omsyn.

8 Arbeida for at det blir lagt til rette for spreidd bustadbygging der dette er naturleg. Høgre sin føremålsparagraf: Høgre vil føra ein konservativ framstegspolitikk bygd på det kristne kulturgrunnlaget, rettsstaten og folkestyret, for å fremja personleg fridom og sosialt ansvar, medråderett og eigedomsrett, og eit forpliktande nasjonalt og internasjonalt samarbeid.