Referat frå styremøte nr. 6, 2013

Transkript

1 Referat frå styremøte nr. 6, 2013 Dato: Tid: Kl Stad: Norsk Maritimt Kompetansesenter, møterom i Ålesund Kunnskapspark sine lokaler Til stades: Frå styret: Styreleiar Bjørn Sandnes, Haram kommune Styremedlem/nestleiar Arnulf Goksøyr, Herøy kommune Styremedlem Kari Grindvik, Skodje kommune Styremedlem Geir Ove Vegsund, Sula kommune Styremedlem Wenche Solheim, Ørsta kommune Styremedlem Anders Riise, Hareid kommune Styremedlem Jarle Bjørn Hanken, Ålesund kommune Frå administrasjonen: Dagleg leiar Jan Kåre Aurdal Rådgivar Vegard Sperre Austnes Andre: Konsulent Jan Petter Eide, Ålesund Kunnskapspark Direktør Per Erik Dalen, Ålesund Kunnskapspark/NCE Maritime Forfall: Ingen Referent: Vegard Sperre Austnes Referatdato:

2 Sak 50/2013: Godkjenning av innkallinga. Saker til eventuelt Innkallinga til møtet vart godkjent. Det var følgjande saker til eventuelt: - Prosjektet «Fire hjørnesteinar» - Orientering om status for arbeidet med «Nytt fengsel på Sunnmøre» - Høyring om ny AMK-struktur i Helse Midt-Norge - Tidspunkt for neste styremøte i Sunnmøre regionråd Sak 51/2013: Godkjenning av referatet frå forrige styremøte Referatet følgjer vedlagt. Sak 52/2013: Vidare strategi m.m. for prosjektet Sunnmøre i framtida Ved styreleiar i Sunnmøre regionråd Bjørn Sandnes, dagleg leiar i Sunnmøre regionråd Jan Kåre Aurdal, direktør ÅKP/NCE Per Erik Dalen og konsulent Jan Petter Eide. Styret vedtok i sak 43/2013 på forrige styremøte å arbeide vidare med strategi og prosjektplan med forslag til tiltak, organisering og finansiering for prosjektet Sunnmøre i framtida. Det planlagte representantskapsmøtet er utsett på grunn av dette strategiarbeidet. Dokument i samband med Sunnmøre i framtida var ettersendt til styret før møtet. Styreleiar Bjørn Sandnes innleia til temaet. Dagleg leiar Jan Kåre Aurdal presenterte strategien for Sunnmøre regionråd (SR) IKS Strategien tek utgangspunkt i formålsparagrarafen i selskapsavtalen for SR, og har tre satsingsområder: 1. Effektiv samhandling kommunale teneste 2. Regional næringsutvikling 3. Fremje felles interesser overfor stat og fylke Adm. direktør Per Erik Dalen i Ålesund Kunnskapspark/NCE viste til at maritim næring er avhengig av politikk. Han stilte spørsmål om kva som er nyttig i SR sitt arbeid i dag. Dalen viste til at den demografiske utviklinga på Sunnmøre er ein trussel når det gjeld rekruttering av kompetent arbeidskraft til maritim næring. Ein har for få folk og problem med å rekruttere. Det er viktig at utlendingar som vert rekruttert tek med seg familien sin, at dei lærer språket og at dei tek del i kulturen. I denne samanhengen bør kommunane og regionen vidareutvikle vertskapsattraktivitet sin. Den maritime næringa på Sunnmøre sine konkurransefortrinn i den globale konkurransen handlar om mellom anna at ein har den beste arbeidskrafta, gode kundar og fråver av vanskeleggjerande hierarki.

3 Dalen viste vidare til at ein bør legge til rette for at Sunnmøre, Romsdal og Nordmøre kan styrke kvarandre i forhold til demografi og næringsutvikling. Fogderia i fylket er ikkje konkurrentar, konkurrentane finn ein i Singepore og Brasil. Dalen sa at Sunnmøre sin posisjon i havrommet er unik, og har store moglegheiter for framtida. Konsulent Jan Petter Eide heldt eit innlegg med tema korleis Sunnmøre regionråd kan delta i forming av dagsorden i arbeidet med å utvikle eit Sunnmøre i framtida. Han stilte spørsmål om kor regionrådet står i dag, kor regionrådet ønskjer å vere og kva tiltak regionrådet ønskjer å setje i gang for å kome dit ein vil. Eide viste til at strategisk leiing handlar om å forstå verksemda sin strategiske posisjon, og på denne bakgrunn gjere strategiske valg og omsette strategi til handling. Arbeidet med strategi skal gjere verksemda i stand til å yte betre. Eide viste til at innovasjon som strategi mellom anna byggjer på organisatoriske koblingar mellom innovasjon, entreprenørskap, relasjonsbygging og timing. På bakgrunn av innlegga til Bjørn Sandnes, Jan Kåre Aurdal, Per Erik Dalen og Jan Petter Eide var det diskusjon i styret. Diskusjonen er i det følgjande oppsummert i tentaive konklusjonar og spørsmål til vidare avklaring: Konklusjonar: Styret i Sunnmøre regionråd vil revidere hovudstrategien for selskapet i samband med at ein planlegg vidare arbeid med Sunnmøre i framtida. Sunnmøre regionråd bør vurdere å ta initiativ til eit forum (eit «Arena Sunnmøre») saman med næringsliv, utdanning og sivilsamfunn der ein kan utvikle samarbeid, samspel og konkurransekraft til det beste for at Sunnmøre skal vere ein attraktiv region i framtida. Spørsmål til avklaring: Korleis sikre at regionrådet bidreg til arbeidet med medlemskommunane sine til dels ulike problemstillingar? Korleis sikre samanheng mellom regionrådet sin strategi og kommunane sine strategiar? Korleis kan regionrådet «tale med ei stemme» på vegne av kommunane? Kva kan kommunane leggje av ressursar i eit forsterka regionsamarbeid? Kva rolle skal regionrådet ha i grensesnittet mot nærings- og handelsforeiningar?

4 Skal regionrådet sin strategi «femne over alt» eller spissast i ei retning? Alternative spor kan vere kommunal produksjon vs. samfunnsutvikling. Jf. dei tre punkta i strategien til SR: Bør punkt 2 i strategien benemnast som «regional samfunnsutvikling» snarare enn «regional næringsutvikling»? Korleis kan Sunnmøre regionråd utvikle betre kommunikasjon mot sentrale styresmakter for å styrke rammevilkåra for kommunar, næringsliv, utdanning og sivilsamfunn på Sunnmøre? Bør Sunnmøre regionråd søkje forpliktande samarbeid med regionråda i Romsdal og på Nordmøre, eventuelt også i Nordfjord? Kven frå næringsliv, utdanning og sivilsamfunn bør inviterast til å delta i forumet saman med Sunnmøre regionråd? Kor finn ein drivkreftene i sunnmørssamfunnet med «brennande hjarte og skylappar»? Korleis kan ein finansiere og gjennomføre spesifikke rekrutteringskampanjar for å sikre (rett type) kompetanse til Sunnmøre? Vedtak: Styreleiar Bjørn Sandnes, dagleg leiar Jan Kåre Aurdal, rådgivar Vegard Sperre Austnes og konsulent Jan Petter Eide arbeidar vidare i forhold til nemnte konklusjonar og spørsmål til avklaring. Resultata av arbeidet skal leggjast fram til drøfting på neste styremøte Sak 53/2013: Bytte av representant frå Sunnmøre regionråd i forhandlingsutvalet for Samarbeidsavtalen ved avtalerevisjonen hausten 2013 Ved dagleg leiar i Sunnmøre regionråd Jan Kåre Aurdal Ottar Grimstad (kommuneoverlege i Hareid kommune) ønskjer at Arne Gottberg (kommuneoverlege i Volda kommune) skal ta over rolla han har som representant i forhandlingsutvalet for samhandlingsavtalane. Arne Gotteberg er villig til dette. Grimstad vart (saman med kommuneadvokat i Ålesund kommune Olav Aarø) valt til representant på styremøte nr , sak 29/2013. Vedtak: Arne Gotteberg vert valt til representant i forhandlingsutvalet (for Samarbeidsavtalen ved avtalerevisjon hausten 2013) i staden for Ottar Grimstad.

5 Sak 54/2013: Oppnemning av representantar til kommunal referansegruppe Ved dagleg leiar i Sunnmøre regionråd Jan Kåre Aurdal Helse Møre og Romsdal (HMR) HF har bedt Sunnmøre regionråd oppnemne 6 representantar og 6 vararepresentantar til kommunal referansegruppe for det pågåande arbeidet med utviklingsplan for HMR HF. Sjå vedlagt brev frå Strategi og utviklingssjef i HMR, Espen Remme, samt vedlagt oversikt over representantar utnemnt frå regionråda i Vedtak: Styret oppnemner følgjande representantar og vararepresentantar til kommunal referansegruppe for det pågåande arbeidet med utviklingsplan for HMR HF: 1. Bjørn Sandnes (representant) Arnulf Goksøyr (vara) 2. Knut Støbakk (representant) Anders Riise (vara) 3. Arild Iversen (representant) Rune Hovde (vara) 4. Liv Stette (representant) Jarle Bjørn Hanken (vara) 5. Kjartan Lied (representant) Anna Lisa Drabløs (vara) 6. Ottar Grimstad (representant) Inger Lise Kaldhol (vara) Sak 55/2013: Eventuelt 55.1 Prosjektet «Fire hjørnesteinar» Vedtak: Administrasjonen i Sunnmøre regionråd avklarar status for dette prosjektet til neste styremøte Orientering om framdrifta i arbeidet med «Nytt fengsel på Sunnmøre» Dagleg leiar i Sunnmøre regionråd Jan Kåre Aurdal orienterte om framdrifta i arbeidet med denne saka Høyring om ny AMK-struktur i Helse Midt-Norge Vedtak: Styret ber samhandlingsgruppa i regionrådet utarbeide framlegg til ein felles høyringsuttale frå regionrådet som medlemskommunane kan vurdere å slutte seg til Tidspunkt for neste styremøte i Sunnmøre regionråd Vedtak: Neste styremøte i Sunnmøre regionråd vert kl