KYRKJELEG FELLESRÅD. Dykkar ref: Vår ref: Dato: osl/ august 2018

Transkript

1 KYRKJELEG FELLESRÅD KYRKJEVERJA I KVAM Til medlemene i Kyrkjeleg fellesråd i Kvam Postadresse: Norheimsund kyrkje, Postboks 39, 5601 NORHEIMSUND kyrkjeverje@kvam.kyrkjer.net Telefon: Mob Bankgiro: Org.nr.: Dykkar ref: Vår ref: Dato: osl/ august 2018 Innkalling til møte i Fellesrådet Stad: Øystese bårehus, seremonirom Tid: Onsdag 22. august 2018 kl Sakliste: 23/18 Godkjenning av innkalling, sakliste og møtereferat 24/18 Meldingar 25/18 Bispevisitas vegen vidare 26/18 Tilsetjing av vikar for kyrkjeverja 27/18 Møtekalender hausten 2018 Varamedlemene møter dersom den faste representanten melder forfall. Mogeleg forfall kan meldast til sekretæren i god tid før møtet. VEL M Ø T T! For Fellesrådet: Hans Atle Soldal, leiar Olav Skeie Lid, sekretær

2 Sak 23/18 Godkjenning av innkalling, sakliste og møtereferat Framlegg til vedtak: Sakliste, innkalling til dagens møte, samt møtebok for fellesrådsmøte 23. mai 2018 vert godkjende. Til å skriva under møteboka for førre fellesrådsmøte vert valde: Sak 24/18 Meldingar Framlegg til vedtak: Kyrkjeleg fellesråd i Kvam tek framlagde meldingar til vitande. Bårehuset i Øystese er ferdig. Open dag vert planlagd med det første. Kyrkjeverja har engasjert Daniel Gammelsæter som kateket/trusopplærar i 100% stilling frå 1. august og fram til nyttår. Han og familien er på heimeopphald frå misjonærteneste i Indonesia. Velkomen til han! Kjøleaggregata både i Vikøy bårehus og i Strandebarm bårehus har teke kvelden. I samband med at desse vert erstatta, vert motordelen også plasserte på ny stad, dvs på utsida av bårehusa. Litt ekstra kostnad, men heilt klart betre løysingar enn dagens. Totalt sett vert dette ein heil kostnad, - og det var slett ikkje medrekna. Sånn er livet. Øystese kyrkje er klar for jubileum! Veke 39 vert det feiring heile veka til endes. I forkant har den utrøyttelege dugnadsgjengen i Øystese lova å måla tårnet og vestveggen utvendt. Gode karar! Liv Hildegunn Lygre har sagt opp si stilling som kyrkjetenar i Ålvik. Ho går av ved no ved nyttår. Fellesrådet takkar på det varmaste for godt utført teneste, - og ikkje minst for det ekstra ho yter i arbeidet sitt. Fellesrådet vil få ei sak om evt utlysing av hennar stilling seinare. Strandebarm sokneråd har teke tak i utfordringa med å restaurera orgelet i Strandebarm kyrkje. Kristian Neteland, Olav Tombre og kyrkjeverja har funne saman i ein komite for å få finansieringa i orden. Her trengs det både ekstern og intern kapital og det vil måtta ta litt tid. Flaumljoset ved Strandebarm kyrkje er alt anna enn stabilt, og pærer ryk alt i eitt. Gamle lampar lek som kiper, og no er det bestilt nye. Ljos på kyrkja vil me ha. Prosessen med å byta den gamle fyrkjelen i Norheimsund kyrkje, og ikkje minst byta energikjelde frå elektrisk fyring til varmepumpe, er i siste sving. Det går mot luft-til vatnpumper, i samråd med konsulenthjelp frå BKV. Tre ulike anbod er henta inn lokalt fellesrådet får dette på sitt bord i september. Kostnaden er stor her må me kunna gå til heradet med vår tarv, og finna ei finansiell løysing saman med dei. Kyrkjeverja informerer om ymist anna. Sak 25/18 Bispevisitas vegen vidare Framlegg til vedtak: Kvam kyrkjelege fellesråd tek visitasføredraget frå biskop Halvor til vitande, og vil arbeida vidare med dei utfordringar som er knytte til fellesrådet sitt arbeid.

3 Bispevisitasen er over, og det er tid for å evaluera. Biskopen sitt visitasforedrag ligg ved. Her peikar han på mange utfordringar, og nokre av desse ligg på fellesrådet sitt bord. Slik kyrkjeverja ser det, kan ein oppsummera fellesrådet sine utfordringar slik: Arbeida vidare med å få innfasa diakoniplan, herunder få tilsett diakon. I dette arbeidet må ein arbeida aktivt langs tre vegar: o Dialog med kommunen o Dialog med bispedømet o Gjevarteneste frå kyrkjeydane Vidare må fellesrådet vurdera om det også er rom for å ekspandera i trusopplæringsarbeidet. I dag er ressursane for små i forhold til den relativt visjonære og ambisiøse trusopplæringsplanen. Dei andre konkrete oppgåvene biskopen peikar på, som å få på plass faste møtepunkt med kommunen, og å utforma eit årshjul saman med skulen i Kvam, vil kyrkjeverja ta hand om. Me bør starta ein samtale om dette, - og den bør starta på møtet i dag. Det litt inkjeseiande framlegget til vedtak i denne saka frå kyrkjeverja si hand i dag, ropar på ei konkretisering. Visitasforedrag ved bispevisitas i Kvam mai og 3. juni 2018 Kjære kyrkjelydar! Strategi handlar om å velja rett veg, og i ein visitas møter biskopen den lokale kyrkja og ein drøftar vegval saman. Då er det litt pinleg at det aller fyrste eg gjorde i visitasen var å ta feil veg. Då eg skulle køyra inn hit på tysdag og kom til Arna der det stod skilt til Voss, tenkte eg: «Eg skal jo ikkje til Voss». Og ikkje før eg nærma meg Nesttun såg eg at eg var på feil veg og forstod at: No må biskopen venda om. Så kom eg litt for seint til morgonbøn i Vikøy. Der får eg høyre sokneprest Roar forkynne med si myndig røyst: «I dag handlar det om å følgja Anden og å velja den rette veg». Men trass i denne litt uheldige inngangen er eg blitt tatt svært godt imot her i Kvam. Det har vore ein flott visitas og Kvam har verkeleg vist seg frå si finaste og varmaste side. Eit høgdepunkt var det då å få lov til å gå i vatnet saman med Lars Arne. Eg har møtt ein stab og fire sokneråd som står på for kyrkja; og vi hadde eit godt møte om strategi på onsdag. Blant dei mange programpostane elles desse dagane vil eg få nemne kyrkjeklubben i Øystese. Likeeins var det interessant å få omvising på Bjølvefossen bruk, og høyra korleis dei brukte verdiar i bedrifta. Eg har hatt eit godt og viktig med kommuneleiinga, fått samtale med lærarar i skulen om samarbeidet kyrkje skule, og på Framnes møtte eg både ein stor flokk av både elevar og lærarar til samtale. Eg har fått halde andakt på Øysteseheimen dagsenter, møtt friviljuge medarbeidarar til kyrkjelydsfest, og fått ei grundig innføring i kystkultur og bygging av brurabåtar med hoggen hals. Eg har fått vitje alle dei fine kyrkjene de har i kommunen, og heile vegen har eg fått rikelig med mat. Så eg reiser heim med større tyngde enn då eg kom. Etter ein visitas skal biskopen summera opp sine inntrykk i eit visitasforedrag. Foredraget er blitt til i samarbeid med kyrkjefagsjef Tore Skjæveland og etter samtale med prost Arild Hellesøy. Diakoniplan Eg vil starta med diakoniplanen, for det er sjeldan å sjå ein så god plan utan at ein har verken ei eiga diakoninemnd eller ein diakon. Planen er svært omfattande og trekker inn også fleire andre aktivitetar enn dei som vi er vante med å kalle diakoni i meir snever forstand. Den er systematisk og oversiktleg, og tanken er at dette skal vere ein laupande plan som vert oppdatert heile tida. Her har de fått ein god reiskap til vidare satsing innan både det diakonale felt og mykje anna som skjer i kyrkjelydane.

4 Dette er eit godt døme på verdien av samarbeid mellom sokna. Her har alle sokneråda tatt eit felles grep, samstundes som dei har sine eigne målsetjingar. Neste steg i dette samarbeidet bør vera å få ei felles diakoninemnd. På mange vis er diakoniplanen ein heilskapsplan, for her er altså det meste i kyrkjelyden sitt arbeid med. Planen viser tiltak ein har og kva ein vil innføra etter kvart som det er ressursar til det. Det ein kan sakna er ein tydelegare prioritering som kan vere til hjelp for soknet i det vidare arbeidet med å omsette ord til handling. Då vert det ein laupande plan som er i aktiv bruk. Diakon Diakoniplanen er omfattande, og det er då naturleg at de ynskjer ein diakon. Det er eit godt ønske, men det krev innsats å få det til. Det er ikkje ledige statlege midlar til diakon, så den mest realistiske måten å få ein diakon på, er i eit samarbeid med kommunen. Då må det skje to ting: For det fyrste må de finna ut kva kommunen ynskjer å få til ut frå planane sine og vise kva ein diakon kan bidra med for å verkeleggjere kommunens sine målsettingar. Både når det gjeld integrering, einsemd og førebyggande helsearbeid vil det vera lett å finna felles interesser. Det er slik dei har fått fleire diakonar i Bergen og Trondheim. Erfaringa viser at diakonar utløyser frivillig engasjement, så her få ein mykje att for innsatsen, og ein kan nå meir av målet med færre ressursar. Dette vil ikkje konkurrera med, men utfylla det flotte arbeidet Grannehjelpa gjer her i Kvam. Gjevarteneste For det andre må de finansiera mykje av stilliga sjølv. Då trengs det gjevarteneste. De har vist at de kan få det til. Tidlegare vart både ungdomsarbeidar og kateket finansiert ved innsamla midlar. Her i Norheimsund har de samla inn pengar og bygd kyrkje på dugnad. I Strandebarm har de samla inn til ei eit flott kyrkjelydshus, for berre å nemna noko av det de har fått til. For å finansiera ei stilling treng ein meir stabil inntekt enn kyrkjeoffer og enkeltgåver kan gje. De treng ei fast gjevarteneste der folk regelmessig gjev ein sum kvar månad. Det er veldig lett med autogiro. Pengane spaserar ut av kontoen utan at dei fleste av oss merkar så mykje til det, men det desse pengane i sin tur skapar vil merkast. Dette bør vera ei felles ordning for alle sokn som fellesrådet administrerer. Gjevarteneste og gåver frå kyrkjelyden sine medlemmar er den normale måten å driva kyrkje på i heile vera. Sjølv om vi skal vera glade for alle offentleg tilskot, og det er vi, må vi skaffa oss fleire midlar så vi har økonomiske musklar til det arbeidet vi vil ha. Og prestane må forkynna fram gjevarglede. Trusopplæring og barne- og ungdomsarbeid Når det gjeld trusopplæring og barne- og ungdomsarbeid er situasjonen ulik i sokna. Der det er lite anna verksemd, vert trusopplæringa desto viktigare. Samstundes må ein satsa på det som fungerer til ei kvar tid og det gjer de. Det er flott å høyra om barnekoret i Ålvik. I Øystese driv organisten to kor og soknerådet støttar ungdomskoret, og søndagsskulen er i ferd med å starta opp igjen. I Strandebarm er det kristen ungdomsklubb på skulen annankvar fredag og Vikøy har småbarnstreff og babysong. Der det er mykje arbeid på bedehuset og lite i regi av kyrkja, slik som i Norheimsund, er situasjonen ein annan. Eg veit det har vore diskutert om ein skal bygga opp eige arbeid parallelt med det som skjer på bedehuset. Eit betre vegval er truleg først å snakka med bedehuset og sjå om ein kan få til eit godt samvirke mellom trusopplæringa og det kontinuerlege arbeidet. Til dømes kan nokre samlingar i det kontinuerlege arbeidet gjerast til tiltak innan trusopplæringa som ein inviterer heile årskullet av døypte til. Rådgjevarane på bispedømekontoret vil gjerne hjelpe dykk til å finne vegen her. Vaksenundervisning Det er ikkje berre dei unge som treng undervisning. Eg gjer dykk ros for at de har andre undervisningssamlingar i dei ulike sokna i tillegg til gudstenesta. Blant anna har Standebarm kultur- og temakveldar, eg vil særleg nemna «Barnetrua på service», og både i Ålvik og Øystese har de kyrkjekveldar der folk kan få lære noko nytt. Skule-kyrkje-samarbeid

5 Eg hadde eit godt møte med lærarar der vi snakka om samarbeidet mellom skulen og kyrkja. Det fungerer godt og fekk ros frå fleire. Samarbeidet blir enno betre om de kan koma saman og laga eit felles årshjul der dei ulike tiltaka for dei forskjellige klassetrinna kan leggast inn. Det vil eg be dykk om å ta initiativ til. Kyrkjemusikk De er heldig som gode kantorar og gode vikarar. Her under visitasen har eg fått oppleva korleis kyrkjemusikk og kor løfter oss. De skriv at de ikkje har eigen kyrkjemusikkplan, men det er nemnt som ein del av strategien i diakoniplanen. Det er eit godt grep som synleggjer at kyrkjemusikken ikkje er ein lausrive sektor, men ein verdfull del av kyrkja sitt liv og lovprising av Gud. Det er flott at de har eit godt samarbeid med kor og musikkliv. Det er viktig for å trekka folk til kyrkja og gudstenesta. Gudstenesteliv Gudstenesta, det jamne vanlege gudstenestelivet, er pulsslaget i kyrkja. Her kan ein samlast på søndag slik kristne alltid har gjort for å tilbe Gud, få næring for trua og for å møta kvarandre. Det er ikkje nok å ha høyrt evangeliet ein gong, vi treng stadig å høyra aktuell og livsnær forkynning om at frelsa i Jesus Kristus gjeld oss slik livet er i dag. Det får de i kyrkjene her. Og vi treng fellesskapet, vi treng å kjenna at vi høyrer til. I nokre av kyrkjene kan gudstenesteframmøtet vere heller labert dersom det ikkje skjer noko særskilt som t.d. dåp eller besøk av eit kor eller andre inviterte gjestar. Her veit eg at de arbeidar for å legga til rette for at fleire kan kjenna seg heime i gudstenesta. Dette handlar om å tenka kreativt om gudstenestelivet som kyrkjelydsbygging, så folk får oppleva gudstenester som er både jordnære og himmelnære. La meg og få minne om at de av og til må ta steget over til nabokyrkja når det ikkje er gudsteneste i dykkar eiga kyrkje. Til kommunen Til slutt vil eg takka kommunen ved ordførar Jostein Ljones for eit godt møte, og for velvilje og syn for at kyrkja høyrer med når ein skal bygga eit godt lokalsamfunn. Eg vil utfordra kommunen til å la dette gode forholdet bli synleg gjennom faste, formaliserte møtepunkt i budsjettprosessen. Eg vonar at den gode samtalen kan halda fram, og også føre til ein diakonstilling som vil verte eit godt bidrag til å møte kommunen sine utfordringar. Takk Så vil eg takka for ein god visitas med mange gode opplevingar. Takk til prestane, sokneråda, staben og kyrkjeverja for god tilrettelegging. Takk til alle som har vore med å gjera dette til ein fest med musikk, mat og mjølkekaker. Takk for ei opplysande og oversikteleg visitasmeldinga og gode planar. Takk også til prosten som har vore med å legga til rette og planlegge denne visitasen. Han er òg biskopens utstrekte arm til Kvam når eg ikkje er her. Visitasen handlar om å velja rett veg vidare, difor har eg nokre utfordringar til dykk, som sumerar opp denne visitasen. Om eit år vil eg ha ei melding om korleis det har gått med desse utfordringane: Gå til gudsteneste regelmessig - fordi det er der de høyrer til, og det er der de får mat for trua. Og gå også i ei anna kyrkje når det ikkje er gudsteneste i dykkar eiga kyrkje. Start arbeidet for å få ein diakon ved å få i gang ei målretta fast gjevarteneste. Og prestane må forkynna fram gjevargleda. Gjer prioriteringar av tiltaka i diakoniplanen, og sjå til at den blir laupande oppdatert. Gå vidare med ein dialog med bedehuset om trusopplæringa i Norheimsund. Lag eit årshjul for samarbeid med skulen. Med desse utfordringane takkar eg for meg og reiser frå Kvam med mange flotte inntrykk frå desse dagane! Eg ynskjer Guds velsigning over kyrkjelydane og over alle som bur her. Bjørgvin bispestol, 3. juni 2018 Halvor Nordhaug

6 Sak 26/18 Tilsetjing av vikar for kyrkjeverja for året 2019 Møtet vert lukka, og sakspapir utdelte i møtet. Lovheimel for lukkinga er kyrkjelova, med forskrift «Regler om formene for menighetsrådets og kirkelig fellesråds virksomhet», paragraf 3. Sak 27/18 Møtekalender hausten 2018 Framlegg til vedtak: Fellesrådet vil møtast fylgjande datoar hausten 2018: Onsdag 22. august Onsdag 26. september (budsjett, avgifter, økonomisk tertialrapport) Onsdag 28. november (val av leiar, handsaming av heradet sitt budsjettframlegg mm)