Årsmelding for Sund sokn 2018

Transkript

1 Årsmelding for Sund sokn 2018 Sund kyrkjelyd Redaktør: Olav Martin Vik Grafisk produksjon: Yngvild Mørner Sørheim Foto: Olai Otterå m.fl.

2 Sund sokneråd Guds ord er rikeleg forkynt slik kyrkjelova seier det i 9: Menighetsrådet skal ha sin oppmerksomhet henvendt på alt som kan gjøres for å vekke og nære det kristelige liv i soknet, særlig at Guds ord kan bli rikelig forkynt. Soknerådet har handsama 32 saker. Sakene har m.a. handla om arbeidet, gudstenester, offer, kyrkjevalet i 2019, oppretting av diakoniutval og uttale til høyringar både lokalt og nasjonalt. Gudstenestelivet I 2018 har det vore gudstenester med ulikt innhald, tilpassa dei ulike aktivitetane i kyrkjelyden. Det vert og vist til soknepresten sin årsrapport som gir ei utfyllande framstilling av variasjonane i gudstenestene. Diakoni Kyrkja sitt diakonale arbeid vert frå sentralt kyrkjeleg hald omtala slik: Diakoni er evangeliet i handling. Det dreier seg om nestekjærleik, inkluderande fellesskap, vern om skaparverket og kamp for rettferd. Spennet er stort frå den kvardagslege omsorgen for naboen via arbeid for klima til internasjonalt engasjement for nedkjemping av fattigdom. Døme på diakonalt arbeid i Sund er føremiddagstreffa. Det er frivillige som står for opplegget. Det vert ikkje mindre behov for frivillige i dette arbeidet. Ein arbeider no med å få eit diakoniutval i Sund og etter kvart også ein diakoniplan. Bispedømerådet finansierer 50 % av løna til diakonimedarbeidaren i Sund. Born og unge Det vert vist til årsrapportane frå diakonimedarbeidar og kyrkjelydspedagog som omtalar arbeidet meir detaljert. Det kontinuerlege arbeidet mellom born og unge er oppretthalden i Det har også kome til nye tiltak. Det skjer endringar i behov og det er viktig å kunne justere aktivitetane slik at dei er tilpassa behovet. Trusoppslæringsplanen ligg fast og den regulerer mange aktivitetar. Kyrkjemusikk Kyrkjemusikken høyrer naturleg med i det meste som skjer i kyrkjelyden. Det vert arbeida med å få etablert eit musikkutval, noko som vil vere ein viktig ressurs for kantor. Frå møte i Sund sokneråd/fellesråd. Misjon Misjonsavtalen med Misjonsalliansen har vore gjeldande for Soknerådet ser det som viktig å ha ein misjonsavtale. Fokus i 2018 vore reint drikkvatn i Liberia. Konfirmantane sin innsamlingsaksjon handla og om dette og dei fekk inn nesten kr på aksjonen. Takk til konfirmantane, til foreldra som stilte opp og alle som gav. Frivillige medarbeidarar Det er stadig eit behov for frivillige medarbeidarar til arbeid i kyrkjelyden. Mange stiller opp, men det er behov for fleire, noko soknerådet har hatt som tema i sine møte. Det vert ikkje mindre behov for frivillige etter samanslåing av dei kyrkjelege fellesråda. Frivillige medarbeidarar står også for eit viktig bidrag når det gjeld innsamling av pengar til ulike føremål i kyrkjelyden. Det er viktig å drøfte kva innsamla midlar skal gå til framover. Frivilligfesten samlar mange frivillige der også ordføraren deltek. Oppfølging av frivillige og verdsetting av arbeidet er viktig. Nokre resultat av frivillig arbeid Vårmarknaden i Kausland samla mange menneske og det kom kr Pengane er m.a. brukt til trådlaust nett i Kausland kyrkje. Telavåg kvinne- og familielag stod for rehabilitering av vegene på Telavåg gravplass. Julemessa i Sund kyrkje samla mykje folk og der vart netto overskot kr Innsamla midlar vert sett av til nytt lydanlegg i Sund kyrkje. Konsekvensar av samanslåing av kommunar og fellesråd Soknerådet har drøfta dette og det vert også gjenstand for drøfting utover i Sokna består og arbeidet lokalt må vidareførast og utviklast, lokalt og i eit samspel med andre sokn i den nye kommunen. 2 Årsmelding Sund sokn 2018

3 Sund sokneblad Sund sokneblad er eit svært viktig organ for formidling av det som skjer i kyrkjelyden. Redaktør er Olai Otterå. I soknebladet kan ein lese om alt det som ei årsmelding ikkje kan liste opp. Bladet kom ut med 6 nummer i Soknerådet sine medlemer Faste medlemer: Brynhild Enerhaug (leiar), Anne Grete Hareide (nestleiar), Jan Tveit, Otto André Vilhelmsen, Wenche Berit Bjorøy, Oddveig Margrethe Skoge, Bente Aase, Tone Hatlelid og sokneprest Kjell-Asle Børnes. Når det skal handsamast fellesrådssaker møter også Jørgen Kausland som er kommunen sin faste representant. Sund kyrkjelege fellesråd Ansvar Fellesrådet sitt ansvar er regulert gjennom kyrkjelova 14. I Sund er fellesrådet lik soknerådet når det gjeld medlemer, med tillegg for kommunal representant. Fellesrådet har handsama 39 saker i Økonomi, rutinar og høyringsuttalar har stått på dagsorden gjennom året. Leiing Det er kyrkjeverja som er øvste administrative leiar for fellesrådet si verksemd. Kyrkjeverja rapporterer til fellesrådet. Det er felles kyrkjeverje i Fjell, Sund og Øygarden. Dagleg leiing for verksemda i Sund er delegert til kontorleiar. Personalet Det er 5,82 årsverk i Sund med tillegg for kyrkjeverje i 30 %. Det har vore inne vikar på gravplassane ved sjukefråvær. I 2018 har assisterande kyrkjeverje i Fjell, Sund og Øygarden vore mykje til stades i Sund. Dette har vore av omsyn til opplæring og oppfølging av rutinar. Kantor Irina Tarasova kom attende frå permisjon. Fram til sommaren var Ann Jorun Hillersøy organist. Vilde Ekerhovd slutta som kyrkjetenar i Sund. Ny kyrkjetenar er Martin Børnes (18). HMT Det er ikkje registrert alvorlege hendingar i verksemda. Det har vore eit til dels prosentvis høgt sjukfråvær også i Nærværsarbeidet har høg prioritet, og sjukemelde vert følgt opp. Det er ein liten stab og sjukefråvær kan vere merkbart i arbeidet. Økonomi Fellesrådet/soknerådet sin økonomi er svært stram og det er fokus på å halde budsjettet. Det er eit mål å få gjort opp gamle lån frå Sund kommune. Rekneskapet er ikkje avslutta når tekstdelen av årsmeldinga er skriven. Rammeløyving frå kommunen og tilskot Sund kommune gav for 2018 ei rammeløyving på kr Bjørgvin bispedøme yter eit vesentleg tilskot til trusopplæringsarbeidet og til diakonimedarbeidarstillinga, budsjettert til kr Dette er dei største inntektskjeldene. Kyrkjene Det er ikkje gjennomført større vedlikehald på kyrkjene i Kausland kyrkje har fått trådlaust nett, ei ytterdør er skifta og det er montert gelender ved hovuddøra. I bårerommet i Kausland måtte aggregatet skiftast. Kausland kyrkjelydshus vart mala. Det er gjennomført brannøvingar i kyrkjene. Tilsette har gjennomført kurs i brannvern. Brannvesenet har gjennomført branntilsyn i Det er registrert nokre systemavvik som må lukkast. Gravplassane Det er ikkje gjort større vedlikehald på gravplassane i Det er behov for å reinske opp internvegar og reparere vannpostar på den gamle gravplassen på Kausland. Det må og gjerast tiltak på den nye gravplassen på Kausland med omsyn til det estetiske (overflata). Det er vanskeleg å få graset til å vekse. I Klokkarvik er det meldt inn til kommunen (revisjon av kommuneplanen) behov for areal for utviding av gravplassen. Veglysa fungerer ikkje på gravplassen i Klokkarvik. Dette er lagt inn på ei vedlikehaldsliste. Telavåg kvinne- og familielag rusta opp vegane på gravplassen i Telavåg. Det er kjøpt Årsmelding Sund sokn

4 inn nytt IKT-system for forvaltning av gravplassane (graver og feste). Det har vore inne personale frå Øygarden og Fjell ved nokre gravferder, på grunn av sjukefråvær og ferie. Gravferder Det er kyrkjelege fellesråd som er gravferdsmyndigheit. Det har vore 31 gravferder i Samanslåing av fellesråda Samanslåing av fellesrådsområda Fjell, Sund og Øygarden involverer kyrkjelege råd og kyrkjestaben. Året 2018 har vore prega av dette arbeidet. Det set representantar frå fellesrådet i den kyrkjelege fellesnemnda, som styrer samanslåingsarbeidet. Arbeidet har gått som planlagt i Soknepresten sin årsrapport Kjell-Asle Børnes Sokneprest TILBAKEBLIKK 2018 Protokollane for 2018 viser varierande gudstenesteframmøte, frå fullsette kyrkjer til dagar med svært god plass i benkeradene. Eit godt eksempel på dette er fullt hus på julaftan, og ca 30 frammøtte til høgtidsgudstenestene 1. og 2. juledag. Tal for gjennomsnittleg gudsteneste-frammøte viser ein nedgang frå 95 (2017) til 93 (2018). Også i 2018 har mange frivillege latt seg involvera i oppgåver i og rundt gudstenestene. Og ein særleg takk sendes herved til våre trufaste kyrkjevertar, kyrkjekaffivertar, tekstlesarar,klokkarar og andre medhjelparar! Samstundes må vi ta inn over oss at det framleis skortar på frivillege i kyrkjelyden vår. Dette har vi minna om i fleire samanhengar, men også i denne årsmeldinga må det takast med om ei oppmuntring til teneste i 2019! Song og musikk er også viktige element for å gjera gudstenesta til det den skal vera, nemleg: «Folket sitt verk». Her har Stjernekoret, Betweenskoret, Sangkompaniet/Prosjekt-koret og div. solistar og musikarar gjort ein flott innsats. Og me ynskjer dei velkomne i gudstenesta også i 2019! Elles har familiegudstenester t.d. med «LysVaken» (1. søndag i advent) vore gode opplevingar både for barn og vaksne. Tilbakemeldingane har vore gode, og den ekte og frimodige gudstenestedeltakinga frå 40 LysVaken-barn viser veg for oss vaksne! Forøvrig må det nemnast at gudstenestelivet også strekkjer seg lenger enn til kyrkjene våre. Prestane vitjar begge sjukeheimane (Sundheimen og Solhaug) kvar månad. Annankvar gong er det nattverdgudsteneste, og annankvar gong ein enklare andakt med salmesang. Og ein stor takk må rettast til Røde Kors besøksteneste for god hjelp ved gudstenestene/samlingane på Sundheimen! Dessutan har vi også dette året hatt eit godt samarbeid med Husmorlaget! Trufaste damer har sørga for flott servering og tilrettelegging på onsdagstreffa første onsdag i månaden på Aktivitetssenteret, der også brukarane frå dagsenteret deltek. Og siste onsdag i månaden har mange frivillege gjort det mogleg å arrangere føremiddagstreff vekselvis i kyrkjekjellaren (Sund kyrkje) og i Kausland kyrkjelydshus, der vi samlast om ymse tema ved inviterte føredragshaldarar. Tusen takk til dykk alle! Den årlege og tradisjonsrike friluftsgudstenesta ved kyrkjesteinane på Tyssøy er også ein viktig del av gudstenestelivet i Sund sokn. Mange fann vegen dit også i 2018, og me gledar oss over godt samarbeid med lokale krefter! Dessutan fekk me høyra flott song og musikk frå Sund blandakor og Sund Brass! Samarbeidet er også godt mht. den årlege gudstenesta i Trellevik-bygnaden, der Folkeakademiet og lokale krefter legg til rette. Så kan vi også gleda oss over godt samarbeid med barnehagane og skulane i kommunen vår! I vekene før 4 Årsmelding Sund sokn 2018

5 jul hadde diakon, prest og organist gleda av å møta alle barnehagane til enkle gudstenester/adventssamlingar, og før påske hadde vi påskesamlingar i kyrkja med barn frå Klokkarvik barnehage. Responsen har vore svært god! Og det har den også vore etter dei tradisjonelle skulegudstenestene like før juleferien! Positive elevar og lærarar har møtt fram og delteke med lystenning, tekstlesing, song og musikk. Og underteikna vil nytta høve til å retta ein stor takk til alle for godt samarbeid og flott deltaking! Vi gler oss til neste gong. 3. søndag i advent song vi jula inn. Barnekora, Prosjektkoret og tekstlesar Karen Boga gjorde ein flott innsats, og vi gledar oss over at mange fann vegen til Kausland kyrkje denne kvelden! Kjekt var det også at mange la vegen innom kyrkjelydshuset etterpå til gløgg og pepperkaker m.m. Oppslutninga om julaftangudstenestene er framleis svært god! Også denne julekvelden vart kyrkjene våre fulle, og vi kunne gleda oss over vakker song og musikk ved Irina Tarasova, Vivian Steinsland, Roy Vorland, Sternekoret/Betweenskoret og Aslaug Ottestad. Derimot var det glissent i benkeradene på 1. og 2. juledag. Vi veit at mange er bortreiste i jula. Men målet må allikevel vera at fleire og fleire held julehøgtid i kyrkjene også på høgtidsdagane! I Sund sokn viser den kyrkjelege årsstatistikken for 2018, følgjande (Tal frå 2017 i parentes): Gudstenesteframmøte på søn- og heilagdagar, i gjennomsnitt: 93 (95) Konfirmerte: 73 (55) Vigsler: 9 (9) Døypte: 43 (61) Gravferder: 31 (35) Innmelde: 6 (0) Utmelde: 16 (4) Nattverddeltaking i gjennomsnitt på søndag og heilagdagar: 24 (26) KOMMENTAR Som alltid svingar tala litt opp og ned frå år til år. Antal døypte og konfirmerte har nok ein del å gjere med varierande størrelse på årskulla, men tal for dåp viser altså ein klar nedgang! Når det gjeld gudstenesteframmøtet (i gjennomsnitt) viser tala altså ein liten nedgang med omsyn til dei forordna gudstenestene. Slik har det vore dei siste åra, og dette kan bety at Sund er i ferd med å bli ein typisk folkekyrkje-kyrkjelyd som t.d. fyller kyrkjerommet på julaftan, men «ligg i dvale» 1. og 2. juledag. Elles er tala for nattverddeltaking nokså stabile. Men vi skulle sjølvsagt ynskja at dei var mykje høgare! Dessutan er det viktig å løfta fram samanhengen mellom trusopplæring og gudsteneste! Og vi må aldri gløyma at frivillege er ein svært viktig ressurs også for gudstenestelivet! Årsmelding Sund sokn

6 Kyrkjelydspedagogen sin årsrapport Dag Reidmar Pettersen Kyrkjelydspedagog Trusopplæringsplanen til kyrkjelyden i Sund Trusopplæringsplanen til Sund kyrkjelyd er godkjent av både Sund sokneråd og biskopen i Bjørgvin og er ein heilskapleg plan for opplæring av barn og unge i alderen 0 18 år til eit kristent trusliv. Som visjon for dette arbeidet har vi vald «Rusta til ferda» etter 1. Kor. 16,6, der Paulus bed kyrkjelyden i Korint om å utrusta han til den vidare ferda hans «kvar ho så går». Dåp I 2018 vart 43 born døypte i kyrkjelyden vår, fødde på nytt til frelse. Utdeling av 4 års-bok I februar fekk vi høve til å dele ut 4 års-bøker til mange frammøtte barn i Kausland kyrkje. I «Bibelboka mi» er det både bibelforteljingar, bøner og songar med fine illustrasjonar for dei minste. Ranselbøn Laurdag den 11. august hadde vi Ranselbøn i Kausland kyrkje! Ranselbøn er for dei som skal byrja i første klasse på skulen. Gjennom positive aktivitetar, ein spennande forteljing frå Bibelen, songar, skodespel og deltaking på gudsteneste er tematikken venskap, å inkludere og tilgjeving. Barna fekk høyre at Jesus er glad i oss og vil vere saman med oss sjølv om vi ikkje alltid får til å vere gode. Ranselbøn består av to samlingar éi ettermiddags samling og éi gudsteneste saman med resten av kyrkjelyden. 6-åringane fekk ei fin bok om Sakkeus på gudstenesta. Bibelutdeling til 10-åringane I gudstenesta i Kausland kyrkje sundag 28. oktober delte diakonen ut ei flott bibelforteljing-bok til ein fin gjeng 10-åringar. Boka har med storparten av bibeltekstane, med gode illustrasjonar og små kommentarar. LysVaken Laurdag 1. desember kom 40 sprudlande elleve-åringar til Sund kyrkje for å vere med på Lys Vaken. Lys Vaken dreier seg om å overnatte i kyrkja natt til første sundag i advent kyrkja sitt nyttår. Gjennom bibel-forteljing, stasjonsvandring og lys-tenning var tema for Lys Vaken nettopp lys og det å vere vakne: Gud søv aldri, men er alltid vaken og passer på oss. Så kan vi som fellesskap òg prøve å vere vakne overfor kvarandre sjå, kvarandre og ta vare på kvarandre. 11-åringane fekk øve på ulike oppgåver til gudstenesta neste morgon avslutninga og høgdepunktet på Lys Vaken. Det blei eit spennande og kjekt døgn i kyrkja både for tweens og vaksne! Konfirmasjon Konfirmant-året er det mest omfangsrike tiltaket i trusopplæringsplanen vår, og munnar ut i konfirmasjon på våren det året ungdomane fyller 15 år. Gjennom regelmessige samlingar får konfirmantane møta den kristne trua i form av undervisning og deltaking på gudstenester. Vi har også ei rekkje andre spennande og gøye samlingar som t.d. Bibel&Pizza, media-seminar, taco-night og innsamlingsaksjon. Det som for mange konfirmantar står som høgdepunktet, er helga vi reiser på leir saman i januar! Konfirmantane får ikkje berre møte den kristne trua gjennom å passivt lytta til undervisning dei deltek sjølv, til dømes ved å samle inn pengar til kyrkjelyden sitt misjonsprosjekt i Afrika. I 2018 vart heile 73 ungdomar konfirmerte i kyrkjelyden vår! BOOST 1 Kvinner og menn i Bibelen I haust har vi for fyrste gongen gjennomført trusopplæringstiltak for 17-åringane i kyrkjelyden! På BOOST 1 Kvinner og menn i Bibelen har 11 ungdom i alderen år samlast og laga middag og ete saman, hatt det sosialt og gøy og fått eit møte med fire kvinner og fire menn frå Bibelen; Peter, dronning Ester, kong David, Lea, Mefibosjet, Maria, Saulus/Paulus og kvinna ved brønnen. Stemninga har vore svært god på samlingane og vi fortsetter med samlingar for 15+ også i vårsemesteret Årsmelding Sund sokn 2018

7 Diakonimedarbeidaren sin årsrapport Hildegunn Børnes Myklebust Diakonimedarbeidar Myldredag Myldredagen i Sund og Kausland held fram som før; Vi opplever eit godt, uformelt og inkluderande fellesskap for alle generasjonar rundt middag, song, Bibelforteljing og kreative aktivitetar. Den enkelte er viktig og medverkande til eit byggjande fellesskap. Betweensklubb Fleire trufaste frivillige er med og driv Betweensklubben som møtes ein tysdag i månaden i Kyrkjekjellaren. Biljard, bordtennis, andakt, kveldsmat, leik, t-skjorte-maling er noko av det vi har hatt på programmet. Over 30 born har vore innom i året som gjekk. Søndagsskule Parallelt med ein del gudstenester har vi søndagsskule som er ein viktig arena for fellesskap og trus-formidling for borna. Vi brukar opplegget Sprell levande Lovsongskveldar med kveldsmat Song og musikkglede for både born og vaksne har prega disse fire lovsongskveldane vi har hatt. Fellesskap med Gud og menneske i kyrkjerommet og etterpå rundt kveldsmaten. Stjerne- og Betweenskoret har vore med med nydeleg flott song. I april ga Jarle Waldemar oss inspirasjon gjennom nye songar, andakt og sal av bøker. PDU (Prostidiakoniutvalet) Saman med resten av prostiet arrangerte diakonane «Temakveld om sorg» i Foldnes kyrkje i november. Det vart og invitert til sorggrupper i forlenginga av dette. Vinteren 2018 var det i gang ei sorggruppe i prostiet. Diakoniutval/Diakoniplan Soknerådet vedtok i november å få i gang eit diakoniutval som kan jobbe med ein diakoniplan for kyrkjelyden samt støtte diakoniarbeider og det diakonale arbeidet og vera rådgivar for soknerådet innanfor diakoni. Dette vert eit fokusområde i det nye året. Strikke kafé Tysdagar, parallelt med øving for Stjerne- og Betweenskoret, har nokre frivillige i regi av Soknerådet starta strikke-kafé i Sund kyrke. Her serverer ein kaffi og kaker. Ein får sosialt fellesskap samtidig som ein kan strikke til julemessa, eller seg sjølv! Bønestøtte Vi har hatt bønestøtte frå Sartorta gruppa for det meste barne og ungdomsarbeidet vi held på med. Tusen takk til dei og alle andre som ber for arbeidet! Frivilligfest 2018 Denne festen er for å takka den enkelte frivillige for innsatsen dei gjer for kyrkjelyden. Edvard Hoem var kåsør. Han tok oss tilbake i tid og rom då han fortalde frå dei historieskildrande bøkene sine. Vi, 70 alt i alt, laut oss riva med og vi opplevde som om han skildra vår eiga historie og slekt. Det var song av Merete og Jan Terje Haukeland. Og ordførar Kari-Anne Landro kom med ei helsing. Smågrupper Kyrkja har tre smågrupper som er i gong og som møtes ein til to gonger i månaden. Her kan ein byggje fellesskap, dele tankar, be og lese Bibelen saman. Stig Magne Heitmann frå organisasjonen Åpne Dører hadde informasjon og tale for oss på eit ope møte i februar, med oppmoding om bøn for dei forfølgde. Årsmelding Sund sokn

8 Kantor sin årsrapport Irina Tarasova Kantor Konsertar i kyrkjene Det har vore 8 kulturarrangement dette året: Sund kyrkje: Kor-konsert med Osternes mannskor, Sund blandakor og Sangkompaniet Sund kyrkje: Orgelkonsert med Guy Poupart Sund kyrkje: Babettes gjestebod. Førestilling ved Hordaland Teater Sund kyrkje: Klassisk konsert «Når Grieg og Brahms møtes». Medverkande: Liubov Kuziukova (fiolin), Liudmila Savchenko (piano), Pavel Girunyan (klarinett), Irina Tarasova (piano), Bjørn Magne Hansen (sokneprest i Solund), leiing Sund kyrkje: Julekonsert med Veslemøy Fluge Berg (song), Anita Heggholmen (song) og Roy Vorland (song) Sund kyrkje: Julekonsert med Sund blandakor, Sund Brass og Sund Trekkspillklubb Sund kyrkje: Julekonsert med Bergen Domkor Sund kyrkje: «Vi syng jula inn» med kora Stjerne, Betweens og Sangkompaniet Korarbeidet I Stjernekoret er det 29 born frå 4 år til og med 3. klasse. Åsgeir Litlere er dirigent og leiar. Koret samarbeidar tett med Betweenskoret der det er 12 born frå 4. klasse og oppover. Borghild Hustad Berge er dirigent. Båe kora har sunge i familiegudstenester, lovsongskveld og Sundheimen, julemessa og «Vi syng jula inn». Sangkompaniet Sangkompaniet har ikkje hatt aktivitetar heile året, men har øvd til nokre prosjekt: Korkonsert med Osternes mannskor, Sund blandakor og Sangkompaniet (Sund kyrkje) Vi syng jula inn (Kausland kyrkje) Gudstenester med musikkinnslag Me har hatt musikkinnslag i gudstenester med følgjande deltakarar: Kor: Stjernekoret, Betweenskoret, Sangkompaniet og Sund Blandakor. Songarar: Vivian Steinsland, Roy Vorland, Borghild Hustad Berge, Arianah Viken, Tove Solvang og Ronnie Johansen. Musikarar: Sund Brass, Aslaug Ottestad (kornett), Dag Reidmar Pettersen (bass-gitar), Martin Børnes (slagverk) og Pavel Girunyan (klarinett). Statistikkar for Sund Sokn: Nokre nøkkeltal Døypte Totalt frammøte på gudstenester Til nattverd Konfirmantar Registrerte frivillige Offer totalt Givarteneste* Andre innsamlingar* Innmelde 6 0 Utmelde 16 4 *) Det kan utifrå statistikken sjå ut som om givartenesta har hatt ei ganske negativ utvikling frå 2017 til Tala viser ein nedgang på kr ,- Dette er ikkje ein reell nedgang i gåveinntekter, men ei endra føring av gåver i rekneskapen. Det som no er ført på givarteneste, er dei pengane som kjem inn frå faste givarar månadleg. Dei andre gåvene som er kome inn gjennom året, vert ført på andre innsamlingar. Samla sett er gåveinntektene auka frå kr i 2017 til kr i Årsmelding Sund sokn 2018