Os Arbeidarparti engasjert i Os! Program for kommunestyreperioden

Transkript

1 Os Arbeidarparti engasjert i Os! Program for kommunestyreperioden Kjære veljar! Os kommune er ein god kommune å bu i. Kommunen er på mange måtar velstyrt. Men det krevst nye tiltak og ny innsats for å bli endå betre, spesielt på område der vi ikkje er gode nok. Os kommune må bli blant dei beste i landet på dei områda som er viktig for innbyggjarane, og for at alle skal ha det bra. Os Arbeidarparti ber om di støtte i arbeidet for å gjera Os til ein endå betre kommune, der vi legg til grunn Arbeidarpartiet sin visjon om eit samfunn basert på fridom, solidaritet og like moglegheiter for alle. Vi ber om di stemme ved valet 14. september 2015! Os Arbeidarparti byggjer programmet sitt på Arbeidarpartiets idear og visjon og partiet sin lokalpolitiske plattform - Framtidas lokalsamfunn. Gjennom eit levande lokaldemokrati vil Os Arbeidarparti særleg arbeida for følgjande fem viktige saker: 1. Meir kunnskap i skulen ved å satsa særleg på tidleg innsats og nok lærarar med riktig kompetanse. 2. Å rekruttera og utdanna nok tilsette for å dekka dei store behova som kjem i kommunesektoren. 3. Ein aktiv næringspolitikk som sikrar eit konkurransedyktig, framtidsretta og miljøvennleg næringsliv.

2 4. Ei tilpassa og verdig omsorg som inneber at ein kan bu heime lengst mogleg, får heildøgns pleie når ein har behov for det, og der det er tilstrekkeleg mange fagutdanna tilsette. 5. Klimaperspektivet skal vera ein del av all kommunal planlegging. Av alt som er viktig for Os kommune, er skulen, eldreomsorga og arealforvaltninga no det viktigaste! - Er du enig med oss? Barn og ungdom Oppvekst Barn og ungdom skal ha gode og trygge oppvekstvilkår. Barnehagane og skulen si overordna oppgåve er å gi barn og ungdom den kunnskap og ferdigheit dei treng for vidare utdanning og i livet elles. Ein må utdanna heile mennesket. Det skal vera like moglegheiter for alle, uavhengig av bakgrunn. Alle barn skal få utnytta læringspotensialet sitt, uavhengig av fysisk eller psykisk hemming eller lese-, skrive- eller andre lærevanskar. Alle skal vera sikra eit relevant og godt tilbod. Barnevernet må styrkast. Tiltak som hindrar barnefattigdom må prioriterast. Vi seier nei til privatisering som tar pengar bort frå fellesskulen. Både i barnehagane og i skulen er gode og nok lærarar avgjerande. Det skal leggjast til rette for fagleg påfyll og kompetanseheving. Rektorane og lærarane må få tid og tillit til å vera leiarar og lærarar. Vi må av byråkratisera skuledagen. All måling må vera relevant for læringssituasjonen. Barnehagane og skulane i Os skal ha høg fagleg og pedagogisk kvalitet, med velhaldne bygg og trivelege, læringsfremjande miljø. Os folkebibliotek er og skal vera eit viktig tilbod for barn og unge. BARNEHAGANE Os Arbeidarparti vil oppretthalda full barnehagedekning. Kommunale barnehageplassar skal ikkje leggjast ned. Nye barnehagar skal vera i kommunal eige. Det skal vera nok faglærte lærarar med god kompetanse slik at barna si læring og modning blir styrka. Fleire menn må tilsetjast i barnehagane. I staden for kontantstøtte vil vi ha ein aktiv og spennande barnehagekvardag for alle barn. GRUNNSKULEN

3 Vi vil oppretthalda og vidareutvikla ein skulestruktur som gir alle barn best mogleg læringsmiljø og kort skuleveg. Talet på elevar i klassane må tilpassast ei godt tilrettelagt undervisning til kvar elev. 1. og 2.-klassar med meir enn 18 elevar, skal ha to lærarar. Rektorane må få eit større handlingsrom Lærarane må få ei systematisk etter- og vidareutdanning. Unødvendig rapportering må fjernast for å frigi tid for lærarane til pedagogisk arbeid. Avviksrapportering skal gjennomførast og rapportane må synleggjerast for politikarane som har ansvar for fagområdet. Vi vil oppretthalda meistringsteamet i ungdomskulen. Elevar som har problem med lesing, skriving og rekning, må få rask oppfølging. Ventetida i PP-tenesta må reduserast, og det må garanterast hjelp innan dei fristar som er fastsett i lova. Mobbing i skulemiljøet må hindrast, bl.a. ved å ansvarleggjera vaksenpersonar og innføra sanksjonar mot skular som ikkje løyser mobbesakene. Vi vil å leggja meir fysisk aktivitet inn i timeplanen for å betra elevane si læringsevne og for å skapa gode vanar hos elevane. Alle elevar som ønskjer det, uavhengig av klassetrinn, skal få leksehjelp. Vi vil sikra skulane tilfredsstillande økonomi, bl.a. til oppdatert undervisningsmateriell og elektronisk utstyr til klasseromma. Vi vil ha søskenmoderasjon i SFO og mellom barnehage og SFO. Alle skular skal ha godkjent inneklima. Vi vil ikkje leggja ned Hegglandsdalen skule før ny skule står klar. UNGDOMSARBEID Os Arbeidarparti vil skapa gode dialogkanalar for barn og unge slik at folkevalde veit kva dei unge ønskjer. Vi vil støtta eldsjeler som bidrar til eit godt miljø for barn og unge. Vi vil medverka til gode tilbod i krinsane, og gode transporttilbod til og frå Osøyro. Det bør koma musikk- og fotballbingar i alle krinsane. Vi vil støtta opp om førebyggjande arbeid for unge, f.eks. MOT, natteramnane m.m. Vi vil etablera ein stad der ein kan få råd og rettleiing når livet kjennest vanskeleg. Vi vil leggja kvardagen betre til rette for studentar som bur i Os. Det må vera nok leseplassar og godt transporttilbod til universitet og høgskule. Kultur, idrett og frivillig arbeid Ei aktiv og deltakande befolkning er grunnlaget for eit godt folkestyre, eit levande lokaldemokrati og god helse. Frivillig arbeid, bl.a. frivilligheitssentralen, skaper møteplassar for folk frå alle lag av samfunnet, og bør styrkast både for yngre og eldre. Lokalt kulturliv, lokale idrettslag og organisasjonar bidrar til integrering og utjamning av sosiale forskjellar.

4 Natur og idrettsanlegg skal vera tilgjengelege også for dei med redusert funksjonsevne. Det skal finnast eit godt og variert fritids- og kulturtilbod til ein fornuftig kostnad. Ein aktiv alderdom er eit godt helsetiltak. Os folkebibliotek er eit svært godt senter for formidling av kunnskap og kultur, for alle aldersgrupper. Dette inspirerer til vidare satsing Os Arbeidarparti vil vera ei god støtte for eit variert lokalt kulturliv, idrett og anna fysisk aktivitet og arbeidet i frivillige organisasjonar. Fjellheim har stor arkitektonisk, historisk og kulturell verdi for Os. Bygget må kunne nyttast til kultur, idrett eller andre nyttige formål og må ikkje seljast. Os Arbeidarpart vil medverka til å gjera Oseana til ein endå meir folkeleg suksess. Vi vil vidareutvikla kulturskulen slik alle som vil gå der, får plass og til gunstigast mogleg pris. Søskenmoderasjon må kunna vurderast. Frivillige lag og organisasjonar må få gratis bruk av kommunale bygg og anlegg. Vi vil støtta gode, nye prosjekt økonomisk eller ved at kommunen er med og deler på risikoen, f.eks. Osfest, Lyngheim, Moldegård Ryttarsportklubb og Lysefjorden ride- og kjøreklubb. Det skal utarbeidast politikk for det frivillige arbeidet i Os kommune. Vi vil bidra til at det blir tatt vare på lokale handverkstradisjonar, til dømes Oselvarbygging, bunadsaum og rosemåling. Vi vil ha tilstrekkeleg vedlikehald av alle idrettsanlegg, slik at vi tek vare på verdiane. Vi støttar utviklinga av Kuventræ som sentralidrettsanlegg og vil utvikla dette etter behov. Vi vil arbeida for førebuing av ny idrettsbane og fleirbrukshall på Søfteland. Vi vil vidareutvikla idretts- og kulturtilbod til grupper med særlege behov. Vi vil i samarbeid med frivillige støtta idretts- og kulturtilbod til dei eldre. Vi vil bidra til lett tilkomst, bl.a. parkering, til dei mange friluftsområda i kommunen. Vi må vurdera oppkjøp i marknaden av eigedommar som vil ha ein stor nytte for publikum, særleg i strandsona. I samarbeid med grunneigarar, Os Turlag og andre interesserte, vil vi bidra til etablering og vedlikehald av turstiar, lysløyper, opplevingsturstiar og sykkelstiar. Vi må få lysløype rundt Ulvenvatnet. I samarbeid med grunneigaren, ønskjer vi at det skal utviklast eit historisk senter i tilknytning til Lysekloster, med museum og plass for framvisning av historiske spel og konsertar. Fleirkultur Os kommune skal ta imot så mange flyktningar, med vedtak om opphald i Noreg, som kommunes storleik tilseier. Vi skal, i samarbeid med andre offentlege etatar og næringslivet, medverka til at alle som kjem hit vert raskt integrerte. Religion og livssyn spelar ei viktig rolle i det norske samfunnet, både for fellesskapet og for enkeltmennesket. Vi ønskjer å sikra likebehandling av trus- og livssynsamfunn i Os.

5 Helse og omsorg Ein viktig nøkkel til god helse er førebygging og tidleg innsats. Det meste av alt førebyggande arbeid skjer utanfor helsesektoren. Samarbeid og langsiktig arbeid på tvers av sektorane er avgjerande for gode resultat. Os Arbeidarparti vil auka innsatsen på førebygging i tråd med samhandlingsreforma. Brukarane sine behov må stå i sentrum for planlegging og organisering av tenestene. Os Arbeidarparti vil arbeida for at seniorar og andre som treng omsorg, deira pårørande og tilsette i sektoren, skal oppleva at alt blir gjort som sikrar den einskilde god livskvalitet og den omsorga ein føler behov for, basert på ei fagleg og individuell vurdering. Samhandlingsreforma har gitt kommunane nye utfordringar. Dette må takast omsyn til ved tilsetting av nye medarbeidarar. Vi kan ikkje berre få «nye hender». Vi må også leggja vekt på opplæring og kompetanse. Talet på eldre aukar. Dette inneber andre krav til eldreomsorga. Eldreomsorg er ei kommunal kjerneoppgåve som ikkje skal konkurranseutsetjast. Os Arbeidarparti støttar omsorgsmeldinga som vart laga for kommunen i Det skal stillast strenge faglege krav til helse og omsorgstenestene. Den einskilde skal få god omsorg som vedkomande sjølv planlegg i samarbeid med fagpersonell. HELSE Det skal vera lett å koma til og lett å byta fastlege. Helsestasjon og helsesøsterteneste med nok og god fagleg bemanning, skal vera lett tilgjengeleg for småbarnsfamiliar og for elevar både i grunnskulen og i vidaregåande skule. Vi vil ha fleire og betre tilbod innan fysioterapi. Rask og god rehabilitering aukar livskvaliteten. Vi vil vidareføra trivselsreiser til varmare strøk for alle grupper som kan ha nytte av dette. Vi vil tilretteleggja bustader for unge vaksne med særlege behov. Vi vil få utgreidd spørsmålet om lokalsjukehus i Os, lokalisert til Kysthospitalet, for å tilby tenester til Os og delar av Bjørnefjordregionen og Fana. ELDREOMSORG Å bu heime så lenge det er fagleg forsvarleg, skal vera eit reelt alternativ for alle. Tilsyn evt. ringetilsyn, er viktig. Talet på plassar for avlasting skal aukast slik at alle som treng dette, bl.a. av omsyn til pårørande sine behov, skal bli ivaretekne på ein fagleg god måte. Tiltak for demente må aukast etter behov og med fagleg kompetanse. Demente treng eit betre kvardagstilbod. Vi må vera spesielt merksame på unge demente. Det må byggjast omsorgsbustader og seniorbustader sentralt plassert i forhold til Lurane. Bustadene skal organiserast slik at det er faglege behov som avgjer kven som bur der, og at alle har råd til å bu der.

6 Det skal tilsetjast fleire medarbeidarar. Dette gir betre pleie, stimulering og næringsopptak, meir aktivitet og ein kvardag prega av gode opplevingar. Måltida, særleg middag, skal få auka merksemd, både som sosial arena og for å gi nok næring, både for heimebuande og alle på sjukeheim eller i omsorgsbustad. Fellesfunksjonar som frisør, kroppspleie, småbutikk, fysisk aktivitet, turar og kulturtilbod bør etablerast i større omfang på Lurane. Vi støttar det gode arbeidet frivillige legg ned i eldreomsorga på Luranetunet. Vi vil planleggja gode løysingar for ombygging av Luranetunet og den gamle sjukeheimen. Vi vil spørja kva dei eldre vil leggja vekt på i eldreomsorga. HEIMESJUKEPLEIE Heimesjukepleie skal tilretteleggjast ut frå situasjonen til den enkelte og i samarbeid med pårørande. Det skal vera godt og trygt å bu heime. Aktiv ernæringsomsorg er viktig. Middagsmåltidet må oppgraderast, også sosialt. Vi vil at det skal bli sett av tid til å sitja med dei som har dårleg ernæringsstatus. Fastlegane bør i større grad ta heimebesøk til dei som ikkje kjem seg ut av huset sjølv. Vi vil vidareutvikla funksjonen som tryggleikssjukepleiar. REHABILITERING Os Arbeidarparti støttar arbeidet med heimrehabilitering (Prosjekt kvardagsrehabilitering). Vi vil arbeida for å få ein ekstra fysioterapeutstilling som kan reisa heim til brukarane. PSYKISK UTVIKLINGSHEMMA Os Arbeidarparti vil vidareutvikla meiningsfulle tilbod på dagtid og fritid, basert på individuelle behov. Vidareutvikling av kompetansen hos tilsette er viktig Vi må lytta til føresette. PSYKIATRI Os Arbeidarparti vil følgja opp arbeidet innan psykiatri i samsvar med samhandlingsreforma. Vi vil styrka samarbeidet på tvers i kommunen med å laga gode rammer for den enkelte som treng hjelp. Samarbeid med føresette er viktig. Vi vil ikkje selja den gamle barnehagetomta. Stegen bufellesskap kan ha behov for utviding. Kompetansen må styrkast der det trengst. RUS Os Arbeidarparti vil leggja vekt på lavterskeltilbod og rehabilitering, og natt-tilbod i staden for hospits. Vi må ha ein tverrfagleg innsats for å gi eit individuelt tilpassa tilbod for eit rusfritt tilvere

7 Førebygging i skulen i samarbeid med politiet og andre fagfolk, frivillige lag og organisasjonar og føresette, er viktig. Arealforvaltning, samferdsel, infrastruktur, klima og miljø Det er ein sterk tendens til folkeflytting til dei største byområda. Os blir i framtida i endå større grad eit pressområde. Os Arbeidarparti vil bidra til ei god utviklinga for alle som bur her, og alle som ønskjer å flytta hit. Kommunen må ikkje bli større enn det som er naturleg, med ein god balanse mellom busetnad, ulike typar bustader, nærings- og serviceareal, jordbruk, kulturlandskap og friluftsområde. Dette krev god planlegging og ein god og realistisk arealplan. Os Arbeidarparti vil bidra til gode planprosessar der alle som vil, får vera med. Når planane er vedtekne, skal dei følgjast. Det skal vera spesielt gode grunnar for dispensasjonar. Planlegging av Osøyro og område i nærleiken av ny E39 må prioriterast. Omsynet til klima, natur og miljø må vera ein del av all kommunal planlegging og i utføringa av kommunale tenester. Dei tilsette i kommunen skal ha god kunnskap om klima og miljø. Os Arbeidarparti vil medverka til at naturen og kulturlandskapet i Os blir tatt betre vare på, med mindre ureining og konsekvensar for alle som ikkje ryddar opp etter seg. Vi vil verna drivverdig dyrka jord og gi bøndene i Os gode og langsiktige vilkår. Vi vil arbeida for ei klok og berekraftig utvikling av Bjånesområdet. Vi vil laga plan for å leia trafikken på Hatvikvegen utanom sentrum. Saman med grunneigarane og Os Turlag vil vi tilretteleggja for meir og betre bruk av friluftsareal. Vi vil praktisera ei klok strandsoneforvaltning, utbygging der dette er planlagt, og elles tilgang for alle. Vi vil ha fleire båtutsettingsrampar og småbåthamnar, gjerne i regi av båtklubbar. Vi vil kjøpa eigedomar som no eller i framtida kan bli attraktive som friluftsområde for publikum, og utvikla desse, åleine eller i samarbeid med andre. Vi vil planleggja ein strandveg frå Hatvik til Lysefjorden. Arbeidet med ny E39 Os Bergen må bli ferdig så snart som praktisk mogleg. Det må bli bompengefritak for busette og næringslivet i områda Søfteland Kalandseidet og Nordvik. Vi vil arbeida for at ny E39 frå sør får ei god og miljøvennleg tilknyting til Os. Vi vil ha veg Drange Hildershavn og ny veg Søfteland Endelausmarka. Vi vil ha betre kollektivtransport, både internt i kommunen og til nabokommunane, bl.a. er det ønskjeleg med fleire ekspressruter og ringbuss. Vi vil etablera pendlarparkeringsplassar på sentrale stader nær busslinjene. Vi vil følgja opp og vidareutvikla trafikksikringsplanen og byggja meir gang- og sykkelvegar.

8 Vi vil stilla krav til ferdigstilling av fellestenester, infrastruktur og grøntareal i alle nye felt som blir bygde ut. Vi vil ha betre vedlikehald av kommunale vegar. Vi vil ha kø-fri -system for betaling på ferjene, slik at trafikkproblema på Halhjemsvegen blir redusert. Vi vil sikra at alle i Os har eit godt og tenleg tilbod til vatn, avlaup, straum og breidband. Vi vil vidareutvikla systema for kjeldesortering. Det må koma fleire returpunkt. Vi vil oppretta viltnemnd. Vi vil arbeida for å få tilbake villaksen i Oselvvassdraget til naturlig omfang og å bekjempa førekomsten av oppdrettslaks og lakselus i Osvassdraget og Lønningdalsvassdraget. Vi vil utrydda gjedda i Osvassdraget. Bustader Os Arbeidarparti vil arbeida for bustader i ulike storleikar og prisklassar, slik at alle skal finna ein bustad dei trivst med. Vi tenkjer særleg på førstegonsetablerarar, bustadalternativ for unge, seniorbustadar og bustader for folk med særlege behov. Os kommune skal vera ein aktiv og operativ aktør i bustadmarknaden. Det må sikrast nok tomter. Vi vil leggja om drifta for Os Bygg og Eigedom AS for å realisera ein sosial bustadpolitikk. For å sikra gunstige prisar skal Os kommune kjøpa og utvikla tomteland i eigen regi, eller i samarbeid med bustadbyggjelag og andre. Os kommune skal vera positive og behandla raskt alle søknader om bustadutvikling innanfor område som i planverket er sette av til slike formål. Os kommune skal setja krav til at det i planane for nye bustadområder er detaljerte planar for leikeplassar, fortau, gang- og sykkelvegar, parkering, høgdeavgrensingar osv. Os kommune skal auka kontrollen av regelverket for bygging av bustad og utvikling av buområde. Regelbrot skal få konsekvensar. Sentrumsutvikling Os Arbeidarparti støttar arbeidet med «Livet på Øyro» Vi treng eit vitalt og livskraftig sentrum, både av praktiske og identitetsmessige grunnar. Det må leggjast til rette for ein god balanse mellom handels-, opplevings- og parkeringstilbod for både publikum og næringsliv. Eit attraktivt sentrum er eit felles ansvar for næringsliv, publikum og kommunen. Her må alle ta sin del av ansvaret. Serverings- og skjenkeløyve skal vera lette å få og lette å mista. Det må byggjast fleire bustader i sentrumsområdet for alle aldersgrupper, med nødvendig leikeareal, og parkeringsanlegg under grusbanen ved Os ungdomsskule. Vi vil få planlagt tunnel mellom Landboden og fylkesveg 552 ved Næringsparken. Det skal utgreiast om det kan byggjast eit næringsareal over fylkesvegen ved Næringsparken. Lokal sentrumsutvikling i krinsane må stimulerast, gjerne i nærleiken av butikk og pendlarparkering.

9 Næringsliv Næringslivet i Os skal oppleva Os kommune som sin næraste og beste medspelar. Os Arbeidarparti ønskjer fleire og varierte arbeidsplassar i kommunen. Vi vil vera aktive i arbeidet i for lokal nyskaping, etablering av nye og varierte arbeidsplassar i kommunen, og mindre utpendling. Os Arbeidarparti vil bidra til at bedrifter som alt finst i Os, vert trygge arbeidsplassar og at det blir tilrettelagt for vidare utvikling. Vi vil hjelpa alle med gode idear, etableringsrådgiving og offentlege ordningar for etablerarar. Vi vil arbeida for at statlege og fylkeskommunale verksemder blir etablerte i Os, til dømes fleire vidaregåande skular, høgskular og ny statleg verksemd. I arealplanen skal det leggjast til rette for eit variert, godt og rikeleg tilbod på tomter til bedrifter som ønskjer å etablera seg i Os. Vi vil sikra ei god utvikling av Endelausmarka (Lyseparken) og tilstøytande område, med balanse mellom næring, bustad og rekreasjon. Vi vil bidra til ny organisering av næringsarbeidet i kommunen. I samarbeid med alle involverte vil vi utvikla Os som turistmål med planar for utviding av overnattingskapasitet, serveringskapasitet og opplevingskapasitet både ute og inne, for alle årstider, og leggja til rette for bubilar, campingvogner, campingplass og tømestasjonar. Vi vil stoppa sal av Fjellheim, Mobergslio, Brannstasjonen og Os barnehage til det er endeleg avklara om eigedomane har verdi for fellesskapet i framtida. Arbeidsliv Vi vil sikra at Os kommune tek ansvar for å oppretta fleire lærlingeplassar. Vi vil praktisere Arbeidmiljølova sine bestemmelsar angåande midlertidig tilsetjing, slik som den var før sitjande regjering endra den. Kommunereform Os Arbeidarparti vil arbeida for at Os framleis skal vera ein eigen sjølvstendig kommune.