Programmet til Jølster Arbeidarparti byggjer på dei sosialdemokratiske prinsippa om FRIDOM LIKEVERD SOLIDARITET

Transkript

1 Programmet til Jølster Arbeidarparti byggjer på dei sosialdemokratiske prinsippa om FRIDOM LIKEVERD SOLIDARITET Jølster er ein kommune med særs rike tilhøve for oss som innbyggjarar. Det vi har felles er ein vakker natur, eit mangfaldig kulturliv, ei unik geografisk plassering i fylket, gode oppvekstvilkår og mogelegheiter for næringsutvikling. Jølster Arbeidarparti vil ta vare på og vidareutvikle desse verdiane på ein sunn og rettvis måte der alle er med. Jølster Arbeidarparti vil prioritere kommunen sine primærområde helse og omsorg, barnehagar, skule, og kultur. For å få til dette, må vi ha fokus på næringsutvikling og ei forsvarleg utnytting av våre felles ressursar. Samarbeid med nabokommunar, fylket og staten må leggast stor vekt på og utviklast vidare, samstundes som dette ikkje skal gå på kostnad av identitet og tilhøyrsle. Med vennleg helsing Jølster Arbeidarparti Kommunestruktur Ei viktig sak i kommande periode vert kommunestruktur. Det er sterke føringar frå sentralt hald om å slå saman kommunar i heile landet. Jølster er etter måten ein liten kommune med sine vel 3000 innbyggjarar. Likevel har ein makta å byggje ut gode offentlege tenester og Jølstringane er stolte av kommunen sin. Med dette som bakteppe meiner Jølster AP at ein skal ta på alvor dei sterke sentrale føringane og gjere naudsynte utgreiingar om samanslåing av kommunar. Det er viktig å vere med i dei prosessane som no går og vere opne for dei muligheitene som ligg der. Jølster Ap støttar den framforhandla intensjonsavtalen, men vi ønskjer meir utgreiing om dei ulike alternativa, inklusiv eit alternativ der Jølster Kommune held fram som eigen kommune, før vi tek endeleg stilling. Jølster AP går uansett alternativ inn for at saka skal leggast ut til folkeavrøysting. HELSE OG OMSORG Jølster Arbeidarparti sitt mål er at dei som treng omsorg og hjelp, skal få det når dei har behov. Helseog omsorgsarbeidet i Jølster skal ha god kvalitet og nok ressursar. Jølster AP seier nei til konkurranseutsetting av omsorgstenestene. Det offentlege tilbodet skal styrkast og byggjast ut vidare. Barn som blir utsette for omsorgsvikt og overgrep, eller har åtferdsproblem, skal få målretta hjelp til rett tid. Barnevernet må heile tida ha nødvendig kapasitet.

2 Vi har legekontor, tannlege, ambulansebase, helsestasjon, fysioterapi og legevaktsentralen. Dette er viktige tenester som ein må oppretthalde og byggje vidare på. Den heimebaserte omsorga og omsorgssentra er under utbygging. Dette vil samla sett gje ein auka kvalitet og kapasitet i omsorga for dei eldre og sjukaste, samt bidra til gjennomføring av samhandlingsreforma. Neste mål for Jølster AP vil vere å styrke tilbodet for personar med demens. Jølster Arbeidarparti vil: styrkje dagtilbodet for eldre, også med fokus på personar med demens styrkje nattilbodet innan heimebasert omsorg styrkje tilbodet innan psykisk helsevern og rusomsorg styrkje barnevernstenesta ved å arbeide for eit samarbeid med andre kommunar styrkje skulehelsetenesta styrkje ambulansetenesta Miljø og klima Jølster Arbeidarparti er opptekne av utfordringane som klimaendringane fører med seg og ønskjer å forvalte Jølstranaturen på ein klok og bærekraftig måte framover. Jølster Arbeidarparti vil: Støtte bygging av fleire sykkel og gangstiar Jølstravatnet rundt på sykkelsti Jølster frå bre til by på sykkelsti Støtte opp om næringsutvikling i tilknyting til verneområda våre støtte kraftutbygging der fordelane for grunneigarar er høgare enn ulempene med tap av naturverdiar støtte tiltak for lokal mat arbeide for at Jølster Kommune kvalifiserer seg for ordninga Miljøfyrtårn BUSETJING OG NÆRING Jølster er sentralt plassert i fylket. Kommunen må bli betre på marknadsføring av Jølster som ein attraktiv og sentral stad for busetjing og næring. Det er svært viktig at kommunen legg til rette næringsareal og bustadtomter. Der bør vere gode og rimelege bustadtomter både i kommunal og privat regi, også i grendene. Jølster bør etablere eit kommunalt tomteselskap.

3 Utlegginga av næringsareal i Moskog i samarbeid med Førde, er det viktigaste tiltaket for næringsutvikling i kommande periode. Ein må likevel legge til rette for næringsareal elles i kommunen. Den nye kommuneplanen må legge til rette for ei god utvikling både for busetjing og næring. Næringsutvikling må bli eit prioritert område, der aktuelle nyetablerarar og eksisterande bedrifter vert tekne godt i mot og vert hjelpte med råd. Det er viktig at kommunen viser ei positiv haldning her. Kraft og næringsfondet må brukast aktivt for å få til bedriftsutvikling og bustadbygging, og det må arbeidast aktivt for å få tak i meir av dei statlege midlane som eksisterer til slik utvikling. Landbruk er ei viktig næring for å sikre sysselsetjing, busetnad og kulturlandskapet i Jølster, og det er viktig at denne næringa vert gjeven gode og framtidsretta vilkår. Eit godt landbruk gjev ringverknader med arbeidsplassar innan foredling og transport. Jølster Arbeidarparti er opptekne av at ungdommen skal bli verande lengst mogleg i kommunen og at dei kjem attende etter ei eventuell utdanning andre stader. arbeide for etablering av kommunale byggefelt arbeide for tilrettelegging av bustadar for ungdom i etableringsfasen og eldre arbeide for at der er nok rimelege og gode bustadtomter arbeide for at det er tilgjengeleg næringsareal på Moskog, Vassenden og på Skei syte for at næring og kraftfondet vert nytta aktivt for å få bedrifter til å etablere seg, eller ekspandere vere pådrivar for fiber til alle grender stimulere til auka investeringar innan reiseliv, gardsturisme og andre bygdenæringar PERSONALPOLITIKK Jølster kommune er ein stor arbeidsgjevar som skal ha ein god personalpolitikk. Alle tilsette skal oppleve at dei vert verdsett og tekne vare på. Godt utstyr, god opplæring og eit godt arbeidsmiljø er heilt nødvendig for å få positive og motiverte medarbeidarar. Ein vellukka personalpolitikk, gjev godt omdøme for kommunen. arbeide for eit tett og godt samarbeid med dei tilsette sine organisasjonar arbeide for lik handsaming av tilsette i høve til løn, etter- og vidareutdanning, permisjonar og stipend

4 legge til rette for eit godt arbeidsmiljø og trygge arbeidsplassar, også for personar med nedsett funksjons og arbeidsevne legge til rette for arbeidsplassar for innvandrarar sikre rekruttering av fagpersonar gjennom aktiv bruk av lærlingordninga arbeide for at kommunen tilbyr mest mogleg heile stillingar OPPVEKST OG KULTUR Jølster kommune har ein god grunnskule. Jølster Arbeidarparti vil oppretthalde ein god offentleg fellesskule med fagleg kvalitet på Skei og Vassenden, der alle barn får utvikle sine evner. Jølster er ein kulturkommune med eit mangfaldig og spennande kulturliv som i stor grad er bygd opp av frivillige organisasjonar og dyktige eldsjeler. Kulturkommunen skal utviklast vidare både med tanke på å dra aktivitet til Jølster og for å styrkje vår eiga sjølvkjensle. Astruptunet og Eikaasgalleriet må ha godt vedlikehald og rustast opp til å møte krav til slike anlegg. Kulturskulen er ein god arena for aktivitet og utvikling av barn og unge. Idretten er også ein viktig del av kulturen. Eit aktivt idrettsmiljø er positivt for eit godt oppvekst- miljø og omdømebygging. Næranlegg er viktige bidrag til å få gode idrett og fritidsaktivitetar og aktive miljø. Jølster Arbeidarparti ser eit sterkt behov for utviding av hallkapasiteten ved skulane. Slik utviklinga i kommunen er no, peikar Vassendenområdet seg ut for ei slik utbygging. Jølster har gode barnehagar med god dekning med eit godt desentralisert tilbod. Dette vil vi arbeide for å oppretthalde. Det er eit mål at ingen skal gå ut av grunnskulen i Jølster utan grunnleggande kompetanse i lesing, skriving, matematikk og bruk av digitale verktøy. Ungdommen i Jølster treng eit variert tilbod, spesielt aldersgruppa år. Jølster AP vil jobbe for å oppretthalde dagens skulestruktur. støtte det lokale, frivillige kulturlivet oppretthalde og vidareutvikle kulturskulen sikre kvaliteten i skulefritidsordninga ha oppdaterte elektroniske undervisningsmiddel leggje til rette for symjeundervisning for dei yngste heile skuleåret

5 arbeide for oppretting av stilling til kultur og næringsarbeid i kommunen støtte utvikling av halltilbodet i Vassendenområdet REISELIV OG SAMFERDSLE Jølster ligg svært sentralt i fylket og har ein god infrastruktur. Jølster AP meiner likevel det er behov for vidare utbygging og opprusting av både stam-, fylkes, og sykkelvegar i heile kommunen. Jølster Arbeidarparti vil arbeide for eit meir aktivt heilårs reiseliv ved at kommunen i større grad profilerer seg på Jølstravatnet, småvatna, elvane, fjella, breane, fjelldalane og Jølster Skisenter. Den flotte naturen og ei velstelt bygd må vere utgangspunktet for å få fleire turistar til bygda. arbeide for gang- og sykkelveg langs heile E39 i Jølster arbeide for opprusting av E39 gjennom kommunen arbeide for å ruste opp fylkesvegane på Sørsida og i Stardalen og opparbeide gode rasteplassar. Fylkesvegen på sørsida bør bli Nasjonal turistveg (Astrupvegen) vurdere å få til skyssordningar frå og til grendene og sentra på kveldstid og i helgane styrkje turistnæringa ved betre samarbeid med næringslivet og grunneigarar for å bruke meir av naturen på ein aktiv måte støtte arbeidet med veg/tunnell frå Lunde og opp på Tverrfjellet Jølster Arbeidarparti sine viktigaste saker i : Styrke bustadbygginga og etablering av kommunalt tomteselskap Sikre kvaliteten i skule og barnehage Styrkje tilbodet til personar med demens Oppretthalde og styrke næringsutviklinga i kommunen