Styresak. Forslag til vedtak: Dato: Frå: Sakshandsamar: Saka gjeld:

Transkript

1 Styresak Går til: Føretak: Dato: Frå: Sakshandsamar: Saka gjeld: Styremedlemmer Helse Fonna HF Administrerande direktør Olav Klausen Årleg melding 2013 for Helse Fonna HF Styresak 4/14 A 2 vedlegg Styremøte Forslag til vedtak: Styret i Helse Fonna HF godkjenner årleg melding

2 Bakgrunn for saka Årleg melding er omtala i punkt 9.5 i styringsdokumentet for 2013 til Helse Fonna HF. Helseføretaka skal sende ei årleg melding til Helse Vest RHF. Fristen for å sende årleg melding er Denne meldinga skal vere eit underlag for Helse Vest RHF si melding til Helse- og sosialdepartementet. Det skal rapporterast på alle krav i styringsdokumentet. I 12 i vedtektene til Helse Fonna HF heiter det: Det skal også fremgå av oversendelsen av årlig melding at brukerutvalg har fått forelagt meldingen før denne sendes Helse Vest RHF, jf. 13. I 13 i vedtektene til Helse Fonna HF heiter det: Årlig melding Styret skal hvert år sende en melding til Helse Vest RHF som omfatter: styrets plandokument for virksomheten styrets rapport for foregående år Plandokumentet skal være av strategisk og overordnet karakter og vise hovedtrekkene i virksomhetens fremtidige drift innenfor de rammebetingelser som er gitt av Helse Vest RHF som eier. Denne delen av plandokumentet vil inngå i Helse Vest RHF sitt plandokument som igjen vil inngå i vurderingsgrunnlaget for behandlingen av de enkelte års statsbudsjett. Plandokumentet skal videre, med utgangspunkt i vurderinger av eksisterende drift, gi beskrivelse av forventede endringer i befolkningens behov for helsetjenester og i den helsefaglige utviklingen på fagområdene, vise behovet for utvikling og endring av tjenestene og driften av virksomheten og styrets vurdering av ressursbruken for de nærmeste årene, med forslag til finansiering. Rapporten om virksomheten fra foregående kalenderår skal vise hvordan pålegg og bestemmelser som er gitt i foretaksmøtet eller satt som vilkår for økonomisk kompensasjon, er fulgt opp. Rapporten skal også vise virksomhetens utvikling i forhold til Helse Fonna HF's plandokument. Årleg melding for Helse Fonna HF er formelt drøfta med dei tillitsvalde Fagforbundet hadde ein protokolltilførsel etter drøfting: Til punkt 3.3. i Årleg melding: Det saknast eit tillegg (ref. brev frå Helse Vest) om at det er eit mål å behalde helsefagarbeidarar i 100 % stillingar. I dag er det ulike tilbod for ferdig utdanna sjukepleiarar i forhold til full fast stilling. Det bør leggjast til rette for at også helsefagarbeidarar kan få tilbod i føretaket etter bestått fagprøve. Årleg melding er lagt fram for Arbeidsmiljøutvalet , som tok saka til orientering. Brukarutvalet i Helse Fonna har handsama årleg melding Innspela frå brukarutvalet er lagt ved saka. Vedlegg Årleg melding 2013 for Helse Fonna HF. Innspel frå brukarutvalet i Helse Fonna. 2

3 Forslag til styret i Helse Vest Årleg melding 2013 for Helse Fonna HF 0

4 Innhald 1 Innleiing Visjon, verksemdsidé og verdigrunnlag Helse Hovudområde for styring og oppfølging i Helsefaglege styringsmål Aktivitet Satsingsområde Utdanning av helsepersonell Forsking og innovasjon Opplæring av pasientar og pårørande Tilleggsskrav til styringsdokument Økonomiske krav og rammevilkår Resultatkrav for Styring og oppfølging Investeringar Låneopptak og driftskreditt Rapporteringskrav økonomi Organisatoriske krav Informasjonsteknologi og digitale tenester (e helse) Tiltak på personalområdet Vurdering av utvida opningstid for planlagd verksemd Intern kontroll og risikostyring og krav til forbetring av det pasientadministrative arbeidet Regjeringa sin eigarpolitikk Utvikling av nødmeldetenesta Barn som tolk Landsverneplan Helse oppfølging av verneklasse Samhandling med Sjukehusapoteka Vest HF Samhandling med Helse Vest IKT og utvikling av IKT/Teknologiområdet Prosjekt og porteføljestyring Andre styringskrav Rapportering til Norsk pasientregister System for innføring av ny teknologi og nye metodar i spesialisthelsetenesta Kjøp av helsetenester Analyse og styringsinformasjon Forvaltning av organisasjonsstruktur Kvalitet i styringsinformasjonssystemet Gjennomføring av KPP pilot Plandokument Utviklingstrendar og rammer Strategiar og planar i helseføretaket

5 1 Innleiing 1.1 Visjon, verksemdsidé og verdigrunnlag Strategidokumentet «Helse 2020» viser kva visjon, verksemdsidé og verdigrunnlag Helse Vest legg til grunn for helsetenestetilbodet til befolkninga i regionen. Helse Fonna HF har med bakgrunn i målformuleringane i «Helse 2020» utarbeidd ein lokal strategiplan for føretaket. Strategiplanen for Helse Fonna beskriv verksemdsidé, prioritering og målformulering, og har vore førande for kva Helse Fonna har prioritert i perioden. Følgjande mål er lagde til grunn for verksemda: o Trygge og nære helsetenester o Heilskapleg behandling og effektiv ressursbruk o Framtidsretta kompetanseorganisasjon Helse Fonna skal gje trygge og nære helsetenester til befolkninga innan dei vanlegaste lidingane. Pasientgrupper og område som har hatt særskild prioritet i perioden : o Psykisk sjuke og rusmiddelavhengige o Spesialisthelsetenester til eldre o Habilitering og rehabilitering o Prehospitale tenester Med grunnlag i visjon, verdiar og mål viser planen følgjande område føretaket bør ha særleg fokus på fram mot år 2020: o Styrkje samarbeidet med primærhelsetenesta o Utvikle vidare samarbeid på tvers av einingar og sjukehus o Arbeide for auka grad av involvering av fagmiljø i avgjersle og utviklings- og endringsprosessar, med særleg fokus på legar o Sikre heilskapleg behandling og føreseielege pasientforløp Desse fokusområda er viktige føresetnader for å lukkast med det vidare forbetringsarbeidet i helseføretaket. Administrasjonen rapporterer regelmessig til styret i Helse Fonna HF om framdrift på planen. Helse Fonna har i 2013 ført vidare forbetringsarbeidet innan klinikk for psykisk helsevern. I prosessen er det lagt vekt på involvering av tilsette i klinikken, primærhelsetenesta, kommunane i nærområdet, samt pasient-/brukarrepresentantar. Resultatet av dette forbetringsarbeidet er nedfelt i ein samla og heilskapleg plan for psykisk helsevern i Helse Fonna. Plan for psykisk helsevern Helse Fonna HF blei vedteken av styret i Helse Fonna HF i november 2012 og legg føringar for korleis føretaket skal vidareutvikle fagleg gode, tilgjengelege, likeverdige og effektive tenester i eit berekraftige fagmiljø. Planen byggjer på nasjonale helsepolitiske mål og føringar, Helse 2020, regional plan for psykisk helse, samt strategiplan Helse Fonna HF Ny strategi for føretaket er godkjend i styremøte Visjonen i den nye strategien, som skal gjelde frå 2014, er: «Vi skal fremme helse og livskvalitet.» Verdiane er: Respekt i møte med pasienten, kvalitet i prosess og resultat og tryggleik for tilgjengelegheit og omsorg. Måla 2

6 er dei same som i gjeldane strategi. Visjon, verdiar og mål er felles for alle helseføretaka i Helse Vest. Strategien som er vedteken å gjelde frå 2014, peikar på kva dei overordna måla frå Helse 2020 betyr for Helse Fonna. 1.2 Helse 2020 Gjennom arbeidet med å implementere Plan somatikk har føretaket nytta strategidokumentet Helse Helse 2020 er lagt til grunn som eit førande dokument i alle planprosessar i føretaket, som til dømes i arbeidet med Plan for psykisk helsevern i Helse Fonna HF, og i arbeidet med ny strategi for føretaket. Føretaket har delteke i arbeidet med Plan for kirurgi i Helse Vest, som blei vedteken av styret i Helse Vest RHF i mars Hovudområde for styring og oppfølging i 2013 Samhandlingsreforma Helse Fonna har i 2013 gjennomgått og revidert overordna samarbeidsavtale og elleve tenesteavtalar saman med kommunane i opptaksområdet. I tillegg er det inngått særavtale med tre kommunar om følgjeteneste for gravide, og med seks kommunar om etablering av kommunalt ØH-døgntilbod. Implementering og oppfølging av avtalane er gjort i samsvar med handlingsplanen for samhandlingsområdet. Føretaket og kommunane følgjer vedteken struktur for samarbeid med toppleiarforum, samhandlingsutval, felles FoU-eining for samhandling og faglege nettverk. Brukarmedverknad vert sikra gjennom føretaket sitt brukarutval. Pasienttryggleik Helse Fonna deltek i det regionale og nasjonale arbeidet innanfor pasienttryggleik i alle innsatsområda, og arbeider aktivt med å overføre pasienttryggleikskampanjen til eit linjeleidd program i tråd med regionale og nasjonale føringar. Helse Fonna brukar resultata frå pasientsikkerheitskulturmåling og brukartilfredsundersøking aktivt i føretaket på fleire nivå. Helse Fonna brukar avviksmeldingar, tilsynssaker og NPEsaker til forbetring, gjennom handtering i kvalitetsutvalet og diskusjon i leiargrupper som direktørmøtet og seksjonsleiarforum. Psykisk helsevern og rusproblematikk Klinikk for psykisk helsevern har følgt opp målsetjingane i styringsdokumentet for Det er gjennomført omstilling innan både VOP-, rus- og BUP-felta med siktemål å vri aktivitet frå døgnbaserte tenester til ambulant og poliklinisk verksemd samt førebyggjande arbeid, i tråd med plan for psykisk helsevern for Helse Fonna. Hovudføremålet har vore å styrkje dei polikliniske og ambulante tenestene ved DPS og BUP samt å spisse sjukehusfunksjonane. 3

7 Innan BUP-feltet har ein hatt fokus på å betre den polikliniske behandlingskapasiteten gjennom ulike tiltak. Ved inngangen av året hadde ein meir enn 50 fristbrot per månad. Per september 2013 er det ingen fristbrot innan BUP-feltet. Behandlingskapasiteten er auka gjennom betre pasientflyt og rekruttering av spesialistar. Psykose- og rusbehandling på sjukehusnivå innan VOP er blitt funksjonsfordelt mellom Valen sjukehus og Haugesund sjukehus. Målet har vore å sikre levedyktige fagmiljø og utvikle tenestene til desse pasientgruppene vidare. Det er etablert ein ROP-post ved Haugesund sjukehus, og ein er i prosess på å søkje om godkjenning som utdanningsinstitusjon innan den nye spesialiteten rusmedisin. Vidare har ein saman med somatiske avdelingar i Helse Fonna sett i gang arbeidet med å etablere eit familieambulatorium, der målet er oppfølging og koordinering av helsetenester til barn av rusmiddelavhengige fram til dei er seks år. Det er òg starta opp eit arbeid for å kartleggje og følgje opp pasientar med rusproblem som er innlagde i somatiske avdelingar. Det har vore eit tett samarbeid med Haugaland A- senter som er privat aktør innan rusbehandling. Resultatet av satsinga innan rusfeltet er at utgifter til gjestepasientar innan dette fagfeltet har gått monaleg ned. Klinikken har hatt eit auka fokus på å førebyggje psykiske lidingar gjennom å etablere og vidareutvikle akutt ambulante team ved DPS, samt forskingsprosjekt innan psykosefeltet og førebygging av sjølvmord. Nemnde forskingsprosjekt er eit samarbeid med Helse Stavanger. Psykisk helsevern er innarbeidd i eksisterande samhandlingsavtalar med kommunane. Ved DPS har det vore eit særskilt fokus i høve til å følgje opp intensjonane i samhandlingsreforma gjennom å etablere samhandlingsprosjekt med kommunane. Ventetider og fristbrot Føretaket har i tråd med overordna helsefaglege styringskrav hatt særleg fokus på ventetider, fristbrot og prioritering. Talet på fristbrot for behandla pasientar har svinga mellom to og seks prosent i 2013 og er i november 2013 fire prosent for behandla pasientar. Helse Fonna har hatt stor merksemd på fristbrot gjennom året og sett i verk ulike tiltak som kveldspoliklinikkar, rydding av lister, innkalling av pasientar som står i fare for fristbrot og fokus på ventetid og fristbrot, i dei månadlege rapporteringsmøta på første, andre og tredje leiarnivå. Føretaket har ved regelmessig gjennomgang av ventetider, fristbrot og prioritering aktivt nytta styringsinformasjon i helsefagkuben. Føretaket har òg nytta den informasjonen som har kome frå Helse Vest kvar veke om utviklinga i fristbrot til å setje inn tiltak der problemet er størst. Rutinane som er beskrivne i notat om ventetider, behandla i direktørmøtet 5. november 2012 (sak 74/12), er gjort kjende i organisasjonen og har vore til hjelp i arbeidet med å unngå fristbrot. Føretaket har som mål for 2013 å nå målkrava i styringsdoukumentet. Økonomi Det har i 2013 vore ei positiv resultatutvikling i Helse Fonna. Prognosen for 2013 førespeglar eit resultat på 34 millionar kroner, likt med budsjettet. 4

8 IKT Helse Fonna har innført talegjenkjenning innan somatikk med godt resultat. Løysinga er under innføring på patologisk seksjon. Føretaket deltek med ressursinnsats i ulike regionale program og prosjekt, som EPJ Konsolidering, Kule og «Alle møter». I tillegg har Helse Vest RHF bede helseføretaka retta særskild merksemd mot dei tiltaka som helse- og omsorgsministeren har peika på i talen sin til sjukehusa 30. januar Tiltaka, som alle er utforma for å gje pasientane eit betre tilbod, er som følgjer: Lengre opningstid ved sjukehusa Arbeide for ein heiltidskultur og redusert bruk av deltid Betre oppgåvedeling mellom dei som arbeider ved sjukehusa Avvikle systemet med kvotefordeling av legestillingar Fjerne unødig rapportering Raskare diagnostisering ved alvorleg sjukdom Forsking, innovasjon og utprøving av ny teknologi Betre metodar for prioritering i sjukehusa Sterkare samordning på tvers av regionane Betre leiing ved norske sjukehus Helse Fonna har hatt merksemd på tiltaka som helse- og omsorgsministeren peika på i januar 2013, og har mellom anna nytta signala i arbeidet med ny strategi, i gjennomgang av leiarstrukturen og klinikkstrukturen i føretaket, i arbeidet med «Alle møter», betre oppgåvedeling, prioritering og samordning mellom sjukehusa og i regionen. Føretaket har fokus på heiltidskultur for alle medarbeidarar. 3 Helsefaglege styringsmål Særleg fokuserte helsefaglege område i 2013 har vore fristbrot, ventetider/langtidsventande og korridorpasientar. Å redusere ventetider til under 65 dagar i gjennomsnitt for alle pasientar og alle fagområde har vore eit mål over tid. Det skal ikkje vere fristbrot, og heller ikkje korridorpasientar. Andre emne som har hatt ekstra merksemd dette året: o pasientrettar der det mellom anna har vore ekstra påminning om at prioriteringsforskrifta skal følgjast o overordna føringar for normtal for diagnostikk og start av behandling for kreftpasientar o utviklingsarbeid innan psykisk helsevern og tverrfagleg spesialistert behandling av rusmiddelavhengige o arbeid med kvalitetsforbetring og å redusere tal på uønskte hendingar og pasientskadar særleg gjennom aktiv deltaking og oppfølging i pasienttryggleikskampanjen. 5

9 3.1 Aktivitet Mål 2013: Budsjettert aktivitet er i tråd med bestillinga. Helse Fonna HF har innretta aktiviteten i føretaket til bestillinga frå eigar og budsjettert i tråd med styringsdokumentet. Det øyremerkte tilskotet til helse- og rehabiliteringstenester for sjukemelde innanfor prosjektet «Raskare tilbake» kjem i tillegg til, og ikkje i staden for, dei kostnadene som blir finansierte gjennom basisløyvinga. Det er ønskjeleg at føretaka vidarefører etablert aktivitet på 2012-nivå. Ny aktivitet kan etablerast, men må vere innanfor områda tverrfagleg behandling av muskel- og skjelettlidingar, psykiske lidingar / rusbehandling og ortopedisk kirurgi med kort rekonvalesenstid. Økonomisk støtte til prosjektkoordinator blir vidareført. Toppfinansiering av tiltak kan søkjast der ordinær prosjektfinansiering ikkje er tilstrekkeleg. Helse Fonna har for 2013 budsjettert ordninga «Raskare tilbake» (RT) på same nivå som budsjettert i 2012; det vil seie ei forventa inntekt på 10 millionar kroner. Dette målet vart ikkje nådd dei to førre åra, og vil heller ikkje bli nådd i Budsjettert mål er dermed høgare enn bestillinga, som seier «etablert aktivitet på 2012-nivå». Helse Fonna ligg 11 % etter 2012-nivået pr. oktober, med ein reduksjon i inntektene frå 3,683 millionar kroner i 2012 til 3,275 millionar kroner i Dei aller fleste av desse pasientane blir behandla innan frist. Dei kjem ikkje i staden for andre pasientar, men får time innimellom, eller der andre pasientar melder fråfall. Det er RTpasientar innan fleire fagområde, men flest innan ortopedi, rehabilitering / fysikalsk medisin og psykisk helsevern. Det er gjennomført møte med klinikkar og seksjonar der ein meiner at det er potensial for fleire RT-pasientar. Trass i desse møta er ikkje målsetjinga for RT nådd. Det er ikkje etablert eigne RT-kveldspoliklinikkar. Føretaket meiner det er mogleg å organisere tilbod til denne pasientgruppa utan at det går ut over andre pasientar. Avtale med RT-prosjektkoordinator er vidareført for Informasjons- og møteverksemd retta mot avdelingar og einingar vil halde fram. Har avklaringseiningar med adekvat medisinsk kompetanse og tverrfagleg tilnærming, der også kompetanse frå NAV er involvert. Føretaket har fleire tverrfaglege avklaringseiningar, men ingen som er spesielt knytte til «Raskare tilbake». Samarbeider med NAV og kommunehelsetenesta, inkludert fastlegane, om kartlegging av behov som grunnlag for tenestene innanfor Raskare tilbake. Helse Fonna har i 2013 lagt ut på internettsida si oppdatert og lett tilgjengeleg info om RTordninga. Dette er det informert om i Praksisnytt. Det er gjeve info om RT-ordninga i Praksisnytt tre gonger i

10 Styringsparametrar (tal er rapportert til Helse Vest RHF månadleg): Tal på produserte DRG-poeng. Helse Fonna HF har pr. oktober 2013 produsert poeng mot budsjett DRG poeng. Føretaket ligg noko føre budsjett, og det er venta tilsvarande avvik i forhold til budsjettet på DRG-poeng ved slutten av året. Refunderte polikliniske inntekter. Helse Fonna HF har pr. oktober 2013 hatt konsultasjonar innan somatikk (ekskl. raskare tilbake, utlendingar og gjestepasientar) mot planlagt Føretaket har dermed gjennomført 358 fleire konsultasjonar enn planlagt. Det er venta mindre avvik dei siste månadene, og føretaket har som mål å levere i forhold til budsjett på polikliniske konsultasjonar. Helse Fonna har pr. oktober 2013 fått refunderte polikliniske inntekter på 48,029 millionar kroner mot eit budsjett på 45,569 millionar kroner. Det er venta mindre avvik dei siste månadene, og føretaket har som mål å oppnå som eit minimum dei budsjetterte inntektene på 55,501 millionar kroner. 3.2 Satsingsområde Tilgjengelegheit og brukarorientering Mål 2013: Gjennomsnittleg ventetid i spesialisthelsetenesta er under 65 dagar. Helseføretaka legg til grunn notat om ventetider og fristbrot, behandla i direktørmøtet 5. november 2012 (sak 74/12), i arbeidet med desse saksområda. Føretaket har merksemd på ventetid for behandling og rapporterer regelmessig ventetid til styret og eigar. Ventetid er òg tema på månadlege rapporteringsmøte mellom seksjons- og klinikkleiinga, og i rapporteringsmøta mellom klinikkleiinga og administrerande direktør. Notat om ventetider og fristbrot, behandla i direktørmøtet 5. november 2012 (sak 74/12), er gjort kjent i organisasjonen og lagt til grunn i arbeidet med desse saksområda. Klinikk for psykisk helsevern: Rekruttering til ledige stillingar har gjeve resultat i forhold til kortare ventetider og reduksjon i fristbrot. Innan BUP-feltet har utviklinga vore særskilt gledeleg med ingen fristbrot i august og september månad. Trenden ser ut til å halde seg. Endringar i personalsituasjonen kan gje fristbrot framover. Det er sett i verk organisatoriske endringar som vil sikre ei meir stabil behandlardekning og meir effektive pasientforløp. Innan VOP er det sett i verk tiltak for å fjerne fristbrot. Fristbrot her er særleg knytte opp til poliklinikk psykisk utviklingshemma ved sjukehuset i Haugesund. Det er sett i verk tiltak som overføring av personalressursar frå andre einingar samt tilrettelegging for heimekontor. Kirurgisk klinikk: Klinikken har etablert samarbeid mellom sjukehusa i føretaket for betre koordinering av pasientane og utnytting av kapasitet, spesielt innan fagområda generell kirurgi, gynekologi og ortopedi. Det har vore etablert ekstra poliklinikkdagar innan brystdiagnostikk og behandling, generell kirurgi, overvektskirurgi, ortopedi, som ledd i tiltak for å redusere fristbrot og 7

11 ventetid. Det er òg etablert ambuleringsordningar innan ortopedi og auge til Odda for å gje pasientar i føretaket eit betre tilbod. Klinikken har òg vidaretilvist pasientar med behov for behandling av brokk til anna føretak i regionen (Haraldsplass sjukehus) for å hindre fristbrot. Klinikken har etablert fagleg råd, eit forum der alle fagområda er representerte og kan diskutere utfordringar og jobbe tverrfagleg i samband med optimalisering av ressursar og kapasitet. Det er etablert rutinar for hyppig gjennomgang av ventelister og fristbrot. Rydding skjer kontinuerleg. Kirurgisk klinikk har hatt stort fokus på pasientar med lang ventetid (over eitt år). I januar var det registrert 142 pasientar (kirurgi) med over 12 månader ventetid, medan talet i september var 33. Også innan ortopedi har føretaket ein nedgang. Medisinsk klinikk: Gjennomsnittleg ventetid ved fleire av dei medisinske poliklinikkane overstig 65 dagar. Dette gjeld blant anna kardiologisk poliklinikk, medisinsk poliklinikk samt gastroenterologisk poliklinikk. Årsaka er i hovudsak ei auka mengd tilvisingar. Nytilvisingar er høgt prioriterte, ventetida aukar for kontrollar. Ved lungepoliklinikken og nevrologisk poliklinikk er gjennomsnittleg ventetid under 65 dagar. Korrigerande tiltak er sette i verk, som til dømes: o gjennomgang og bruk av rett kompetansemiks o overføring av kontrollar så raskt som mogleg til ansvarleg fastlege o oppgåvefordeling i poliklinikken o oppfølging av legeplanar o større merksemd på vurdering og handsaming av tilvisingar Medisinsk service klinikk: Føretaket har i 2013 hatt særleg merksemd på at mottak og skanning av tilvisingar skjer raskt. Det er sett inn tiltak for å få betre flyt, og for å sikre at personellressurs er i samsvar med arbeidsmengd. Status ved utgangen av året er at alle tilvisingar blir skanna innan 48 timar. Rundskriv frå Helsedirektoratet av 27. juni 2012 om tilvising til radiologiske einingar og vurdering av rett til nødvendig helsehjelp er gjort kjent. Alle medarbeidarar som vurderer elektive tilvisingar, skal ha gjennomgått e-læringskurs i dette emnet og bestått kursprøve. Ved utgangen av oktober har totalt 93 tilsette i føretaket gjennomført e-læringskurset «Prioritering i spesialisthelsetjenesten» og bestått kursprøven. Kurset er obligatorisk for alle legar som vurderer tilvisingar, men ikkje alle har gjennomført. Ein tek sikte på å nå målet om at alle medarbeidarar som vurderer elektive tilvisingar, skal ha gjennomgått e-læringskurset før årsslutt. Klinikk for psykisk helsevern: Dei fleste legar/psykologar i klinikk for psykisk helsevern har teke kurset. Dei som ikkje har gjort dette pr , skal ha gjort det innan Om ikkje, vil dei miste retten til å vurdere tilvisingar. Dei nasjonale prioriteringsrettleiarane vert følgde og distribuerte til særleg ansvarlege for aktuelle fagfelt når det kjem nye. Alle er gjort lett tilgjengelege på Helse Fonna sitt intranett og Helsebiblioteket. I klinikk for psykisk helsevern er det felles vurderingsmøte innan TSB for å bidra til lik vurdering samt felles inntak i BUP. 8

12 Kirurgisk klinikk: Klinikken har månadleg oppfølging med rapport frå læringsportalen med oversikt over gjennomførte og beståtte kursprøvar i «Prioritering i spesialistehelsetjenesten». Det er lokal oppfølging i linja. I nokre seksjonar har alle legar som vurderer tilvisingar, gjennomført og bestått e-læringskurset, medan andre ikkje har klart målet. Kirurgisk klinikk tek sikte på å nå målet innan årsslutt. Medisinsk klinikk: Om lag 40 % av legane som vurderer tilvisingar, har gjennomført kurset. Påminning om krav til gjennomføring av kurs er send ut, og seksjonsleiar følgjer tett opp. Resultat frå pasienterfaringsundersøkingar er offentleggjorde på nettsidene til helseføretaka, og aktivt følgde opp. Resultata frå pasienterfaringsundersøkinga (PasOpp 2012) blei offentleggjorde i november 2013 både på føretaket si intra- og internettside. Resultata er gjennomgått i direktørmøtet og lagde fram for styret i Helse Fonna HF Pasientar som skal igjennom omfattande utgreiing og behandling i spesialisthelsetenesta, har fått utarbeidd behandlingsplan. Planen skal dokumenterast i journal og beskrive planlagt pasientforløp med tentative tidspunkt for dei ulike delane av forløpet. Planen skal vere eit arbeidsdokument for pasientar og behandlarar, og skal bli revidert ved behov. Retningslinjer som beskrivne, bl.a. om dokumentasjon av plan for kreftutgreiing i skriv frå Helse Vest (behandla i direktørmøtet 5. november 2012), er distribuerte til klinikkane for oppfølging. Ved tilfeldige kontrollar kan det ikkje dokumenterast at det ligg føre journalnotat om vurdering av tilvising med klar plan for vidare pasientforløp inkl. tidspunkt for framdrift for alle pasientar. Klinikk for psykisk helsevern: Det er varierande bruk av behandlingsplanar i klinikk for psykisk helsevern. For å sikre at det vert utarbeidd eigen behandlingsplan vil ein setje i verk informasjonsarbeid retta mot alle behandlarar, med oppfølging av linjeleiing. Eigne malar i DIPS er under utarbeiding. Det vert lagt opp til eiga rapportering. I overordna handlingsplan for akutt-kjeda er det lagt opp til at alle pasientar skal ha behandlingsplan som skisserer utgreiing og behandling. Kirurgisk klinikk: Det er utarbeidd gode sjukepleie-behandlingsplanar som pasienten får. Evaluering av behandlingsplan i pasientforløpet er eit forbetringsområde, særleg i det tverrfaglege arbeidet. Pasientar med kreftdiagnose er gjennom kreftkoordinator sikra planar for behandlingsforløp. Dette gjeld krefttypar som mage-tarm-kreft, brystkreft, øyre-nase-hals-kreft og gynekologiske krefttilfelle. Medisinsk klinikk: Klinikken har utarbeidd plan for pasientar med mistanke om kreft (lungekreft /maligne blodsjukdommar) i høve innlegging/røntgenundersøking med eventuell biopsi og bronkoskopi. For pasientar som ikkje har maligne sjukdommar, men har behov for ei meir omfattande utgreiing, vert det utarbeidd plan ved poliklinikk, då det som regel krev involvering og samarbeid med andre klinikkar. Tidsperspektivet blir meir tentativt for denne 9

13 pasientgruppa. Mange pasientar med potensialt alvorlege tilstandar, vert tilviste til SUS eller HUS for vidare vurdering og utgreiing til behandling. Transplantasjonspasientar blir tilvist til OUS. Det er sett i verk tiltak for å gjere informasjonen til pasientar og pårørande om fritt sjukehusval god og forståeleg. På Helse Fonna si nettside, er det lagt godt synleg lenke til der det er lett å finne fram til kor lange ventetider det er ved dei einskilde sjukehusa i Noreg, og informasjon om korleis ein skal gå fram for å nytte tilbodet. Skriftleg informasjon til den enkelte pasient blir gjeve i svarbrev etter vurdering av tilvising. I tillegg vil Helse Fonna ha blikk på dette når Helsedirektoratet sender ut forslaga sine til brevmalar og ber om høyringssvar hausten Vi vil også følgje opp «Alle møter»- prosjektet sin ambisjon om å betre og forenkle språket i brevmalane i Helse Vest. Brukarane er involverte i planlegging og gjennomføring av pasienttryggleikskampanjen. Brukarmedverking er sikra ved det regionale samarbeidet i pasienttryggleiksprogrammet. Føretaket har informert og fått innspel frå eigne brukarrepresentantar i føretaket sitt kvalitetsutval. Dessutan er det blitt informert om pasienttryggleikskampanjen i føretaket sitt brukarutval. Elektronisk verktøy 1 for undersøking av pasienterfaringar på lokalt nivå er teke i bruk. Føretaket gjennomfører ikkje regelmessige eigne brukarundersøkingar, men deltek i nasjonale undersøkingar som til dømes «PasOpp». Veileder om kommunikasjon via tolk 2 blir nytta som ledd i arbeidet med å sikre likeverdige og forsvarlege helsetenester til innvandrarar, asylsøkjarar og flyktningar. Informasjon om rettleiaren er tidlegare gjort kjend i organisasjonen, mellom anna på Helse Fonna sitt intranett. Rettleiaren er likevel ikkje godt nok kjend i føretaket. Enkelte einingar opplyser at dei nyttar denne rettleiaren, medan andre nyttar andre rettleiarar, gjerne frå tolkeleverandøren. «Veileder om kommunikasjon via tolk» er på nytt publisert på Helse Fonna sitt intranett og send ut i organisasjonen saman med informasjon om korleis han skal nyttast. Styringsparametrar (RHF nyttar helseføretaka, Helsedirektoratet og NPR som datakjelder): Gjennomsnittleg ventetid for behandla pasientar i spesialisthelsetenesta (mål: under 65 dagar). Gjennomsnittleg ventetid for alle pasientar alle fagområde og alle omsorgsnivå der helsehjelpa har starta i perioden, var i oktober dagar, som er to dagar kortare enn same tidspunkt i Lengst ventetid var det ved utgangen av september med 81 dagar, kortast i juli med 62. I fire av ti månader i 2013 har gjennomsnittleg ventetid vore på måltal 65 dagar eller under 65 dagar. 1 Elektronisk verktøy er utvikla i regi av Kvalitetssatsinga i Helse Vest i samarbeid med Kunnskapssenteret. 2 Sjå også e-læringskurset «Kommunikasjon via tolk i helsetjenesten» i Helse Vest sin Læringsportal. 10

14 Ventetida har for pasientar med rett til prioritert helsehjelp variert mellom 51 (juli) og 65 (april) dagar elles er kurva her også temmeleg flat totalt sett gjennom året fram til og med oktober, då gjennomsnittleg ventetid er 61 dagar. For pasientar med rett til helsehjelp varierer ventetida mellom 75 (januar) og 113 (september). Ved utgangen av oktober er gjennomsnittleg ventetid 95 dagar. Klinikk for psykisk helsevern: Snitt ventetid for behandla pasientar i klinikk for psykisk helsevern er under 65 dagar. Ved utgangen av oktober er gjennomsnittleg ventetid 51 dagar ( BUP: 57, VOP: 50 og TSB: 43). Kirurgisk klinikk: Snitt ventetid for pasientar i kirurgisk klinikk der helsehjelp er starta i perioden, var for oktober 77 dagar. Satsing på langtidsventande har auka snitt ventetid for kirurgiske pasientar dette året. Ventetida for pasientar med rett til prioritert helsehjelp med behandlingsstart i perioden er 65 dagar; 110 dagar for pasientar med rett til helsehjelp. Endra bruk av sekretærressursar etter implementering av talegjenkjenning har gjort klinikken i stand til å jobbe meir systematisk med fristbrot og ventetid ved gjennomgang av rapportar i DIPS kvar veke. Pasientforløp for kirurgi mot sjukleg overvekt er endra, dette har vore med på å redusere fare for fristbrot. Medisinsk klinikk: Gjennomsnittleg ventetid ved fleire av dei medisinske poliklinikkane overstig 65 dagar. Dette gjeld blant anna kardiologisk poliklinikk, medisinsk poliklinikk samt gastroenterologisk poliklinikk. Dette skriv seg i hovudsak frå ein vesentleg auke i mengd tilvisingar. Nye tilvisingar er prioriterte høgt, og derfor aukar ventetidene for kontrollar. Ved lungepoliklinikk, poliklinikk Odda og nevrologisk poliklinikk er gjennomsnittleg ventetid under 65 dagar. Medisinsk service klinikk: Kapasitet innan radiologi, patologi og laboratoriemedisin vert følgd tett for å sikre at det ikkje oppstår flaskehalsar. Føretaket har låge ventetider og svartider samanlikna med andre føretak, unnatak er mammografi, der ventetida er lang. Avtalen om direkte tilvising frå føretaket sine poliklinikkar til privat røntgeninstitutt vert nytta fullt ut og har avlasta føretaket sine radiologar. Ventetidene for MR og CT er betydeleg reduserte dei siste to åra på grunn av denne avtalen. Prosentdel ventetider som er oppdaterte siste fire veker på nettsida fritt sjukehusval (mål: 100 %). For første tertial 2013 var alle ventetidene for psykisk helsevern i Helse Fonna oppdaterte, og 99,5 % var oppdaterte for somatikken. I andre tertial er alle ventetidene oppdatert for alle fagfelt. Ventetider innan radiologi frå alle tre sjukehusa blir rapportert månadleg til nettsida for fritt sjukehusval. Prosentdel fristbrot for rettspasientar (mål: 0 %). Talet på fristbrot for behandla pasientar har svinga mellom to og seks prosent i 2013, og er i november 2013 fire prosent. Det er betring frå tidlegare år og meir stabilt enn før men likevel eit stykke att før målet om ingen fristbrot er nådd. Notat om ventetider og fristbrot, behandla i direktørmøtet 5. november 2012 (sak 74/12), er lagt til grunn i arbeidet med desse saksområda. 11

15 Klinikk for psykisk helsevern: Rekruttering inn i ledige stillingar har gjeve resultat i forhold til kortare ventetider og reduksjon i fristbrot. Innan BUP-feltet har utviklinga vore særskilt gledeleg med ingen fristbrot i august og september månad. Trenden ser ut til å halde seg. Endringar i personalsituasjonen kan gje fristbrot framover. Det er sett i verk organisatoriske endringar som vil sikre ei meir stabil behandlardekning og meir effektive pasientforløp. Innan VOP er det sett i verk tiltak for å fjerne fristbrot. Fristbrot her er særleg knytte opp til poliklinikk psykisk utviklingshemma ved sjukehuset i Haugesund. Det er sett i verk tiltak som overføring av personalressursar frå andre einingar samt tilrettelegging for heimekontor. Kirurgisk klinikk: Målsetjinga om ingen fristbrot er nådd innan fagområda øyre-nase-hals, auge- og kvinnesjukdommar. Rutinar for hyppig gjennomgang av ventelister og fristbrot er etablert. Det er sett i gang arbeid med kapasitetsutnytting mellom sjukehusa i føretaket, som for eksempel å overføre behandling av åreknutar til Odda sjukehus. Det har vore spesielle utfordringar med fristbrot innan generell kirurgi og urologi. Etter at den private avtalen med Curato blei sagt opp av Helse Vest i fjor, har talet på tilvisingar innan fagområdet bryst- og endokrinkirurgi blitt tredobla til føretaket. Det har vore ei utfordring med det radiologiske tilbodet, og nokre pasientar har fått fristbrot. Hausten 2013 er talet på fristbrot redusert. Urologiske pasientar opplevde brot på behandlingsfrist i sommar. Ein gjennomgang av prioriteringsrettleiar og ekstra innsats på poliklinikk og operasjonsstove har fjerna fristbrot. Ortopedisk seksjon har jobba med rett praksis for handsaming av tilvisingar, det har gjeve resultat i talet på fristbrot i Haugesund. Ved kirurgisk seksjon på Stord har vi no sett i gang med same tiltak. Medisinsk klinikk: Klinikken har høg grad av måloppnåing. Dette har vore eit systematisk arbeid sidan 2008, og ei rekkje tiltak er sette i verk. Leiarar i alle ledd følgjer tett opp utviklinga. Det er berre innan den nyetablerte smertepoliklinikken i Odda, samt ved nevrofysiologisk laboratorium, at det er reelle fristbrot. Innan dei andre fagseksjonane har ein no berre einskilde fristbrot, og oftast skuldast dette feilføring eller uventa fråvær. Tiltak det har vore arbeidd systematisk med dei siste åra: Vurdering av tilvisingar o Overlege vurderer nytilvisingar fortløpande i DIPS o Overlege får øyremerkt tid i programmet ved poliklinikken, for å vurdere tilvisingar o Lister over dei som har mange tilvisingar liggjande ubehandla, blir kvar veke gjennomgått og følgde opp o Kontinuerleg fokus på ryddige ventelister og retting av desse Tilstrekkelege legeressursar o Føreseielege årsplanar for alle legar o Samarbeid over sjukehusegrensene utnytta totalkapasitet innan dei ulike fagområda o Gjennomgang og rekruttering innan utsette fagområde o Effektivisere legevisitten og frigjere ressursar til poliklinikk o Kritisk vurdering av kva for kontrollar som kan takast av primærlegane Større kapasitet til nytilviste o Gjennomgang av prioriteringsrettleiar og samkøyring o Kveldspoliklinikk o Omstilling Odda for å sikre meir ressursar til smertepoliklinikk 12

16 o Evaluering av avtale med SUS med omsyn til nevrofysiologiske tenester Rutinar og regelverk er kjende for alle aktuelle tilsette o Systematisk opplæring til merkantilt personell og legar o Gjennomgang av ventelister kvar veke / dagleg God kjennskap til og bruk av rapportar i DIPS o Kvalitetssikring av nye rutinar o Særskild overvaking av ventelister i innføringsperioden o Tema på månadlege rapporteringsmøte med klinikkdirektør Brukarerfaringar for inneliggjande pasientar som får behandling i somatiske sjukehus. Føretaket har som tidlegare år vidareformidla spørjeskjema til brukarundersøking (PasOpp) frå Nasjonalt kunnskapssenter. Hausten 2013 vart resultat frå 2012 publiserte. Resultatet viser at pasientar i føretaket har høg tillit til pleiepersonalet og legane sin faglege dyktigheit, og at dei opplever at personalet har vist omsorg for dei. Gjennom strategidokumentet i føretaket har verdiar som respekt i møte med pasient og fagleg kvalitet vore framheva. Satsing på fagleg kvalitet gjennom tverrfaglege fagdagar er eit av tiltaka klinikkane har gjennomført. Gjennomgang av uønskte hendingar og tilsynssaker er òg eit verkemiddel for å auke kvaliteten på tenesta. Pasientane er mindre nøgde med standard på bygg og utstyr, reinhald og mat i Helse Fonna enn snittet for Noreg. Samarbeidet mellom sjukehus, fastlege og kommune kan bli betre, meiner eit fleirtal av dei spurde brukarane. Innføring av PLO-meldingar i vil truleg gjere kommunikasjon mellom føretak og kommunar enklare. Mange brukarar er godt nøgde med informasjonen dei får inne på sjukehusa, men etterlyser betre informasjon før heimreise. Det gjeld spesielt informasjon om kva plager dei kan vente etter utskriving, og kva dei sjølv kan gjere ved tilbakefall. Her har føretaket eit forbetringspotensial som det må jobbast med i tida framover. Brukarerfaringar svangerskap/føde/barsel. Fødeseksjonen ved Haugesund sjukehus gjennomfører i oktober 2013 ei brukarundersøking som ein del av resertifiseringa av «Mor-barn-vennleg sjukehus». I 2013 har fødeseksjonen i Haugesund redusert visittida for besøkjande til barselskvinner. Dette gjeld ikkje for fedrar, som har fått utvida besøksrett. Det er eit mål for seksjonen at foreldre skal bli kjende med det nye barnet i eit rolegare miljø. Brukarundersøkinga i oktober vil vonleg syne om målsetjinga er nådd Kvalitetsforbetring Mål 2012: Delta i kvalitetssatsinga i Helse Vest, og bidra med fagkompetanse og personellressursar i regionale prosjekt for å betre pasienttryggleik og kvalitet i helsetenestene. Helse Fonna deltek i kvalitetssatsinga i Helse Vest. På førespurnad utnemner Helse Fonna deltakarar til dei ulike prosjekta innan kvalitetssatsinga i Helse Vest. Føretaket er også representert i kvalitetsforum og styringsgruppe, og deltek på den årlege kvalitetskonferansen. 13

17 Føretaket deltek i dei regionale samarbeidsfora innanfor kvalitetssatsinga innan: o Læring frå uønskte hendingar o Kvalitetsmåling o Leiing av endring og kvalitetsforbetring o Faglege revisjonar mellom helseføretaka i Helse Vest o KULE I tillegg har Helse Fonna følgjande godkjende regionale såkornprosjekt: o Legemiddelgjennomgang på sjukehus eit tiltak for fallførebygging o Pasientinstruksjonsfilm ØNH-kirurgi o Kompetanseheving og samarbeidsutvikling i startsfasen av smertepoliklinikk ved Odda sjukehus o «Eg har ADHD eg, og det e' heilt greit» Helse Fonna har ei pådrivarrolle i fallførebygging, og er i implementeringsfasen med å etablere struktur og rutinar for dette på alle sjukehusa i føretaket. Arbeidet med forbetring av utgreiing og behandling av hjerneslag er etablert som eit eige prosjekt i Helse Fonna, eit prosjekt som vann den interne kvalitetsprisen i Prosjektgruppa som er oppretta, er breitt samansett og deltek i den nasjonale pasienttryggleikskampanjen. Bidra til at kunnskap frå prosjekta blir overført til ulike einingar i helseføretaket, og at kunnskap frå prosjekta blir implementert i drifta av helseføretaket. Kirurgisk klinikk har delteke i ei evaluering knytt til bruk av «Trygg kirurgi», og klinikken har nytta resultata til forbetringsarbeidet. Bruk av sjekklister er implementert i heile klinikken og gjennomgår fortløpande evaluering og utvikling. «Fallprosjektet» er godt etablert ved Haugesund sjukehus. For å sikre ei brei implementering er det oppretta nettverk ved alle sjukehusa. Arbeidet blir målt på ulike parametrar slik at ein kan evaluere og justere undervegs. Arbeidet med hjerneslag er organisert som eit forbetringsprosjekt med ei overordna styringsgruppe og arbeidsgrupper ved Haugesund sjukehus, Stord sjukehus og Odda sjukehus. Sentrale personar frå prosjektet er med i den nasjonale pasienttryggleikskampanjen. Screening av underernærte pasientar er ein del av kvalitetssatsinga i Helse Vest, verktøyet er implementert i føretaket. Helseføretaka har utarbeidd planar for implementering av sterke anbefalingar i relevante nasjonale faglege retningslinjer. Helse Fonna har ikkje utarbeidd overordna planar for sterke anbefalingar i relevante faglege retningslinjer. Sterke anbefalingar i relevante nasjonale faglege retningslinjer blir følgde opp klinikkvis innan tilhøyrande fagområde. Det er god kvalitet i rapporteringa frå psykisk helsevern og tverrfagleg spesialisert rusbehandling til Norsk pasientregister. Det er gjennomført ei samling med alle vurderingseiningane innan TSB. Der blei internrevisjonsrapporten frå Helse Vest gjennomgått, og ein tok merknadane til etterretning. Kvalitet på rapportering blir med jamne mellomrom teke opp som tema på TSB-møta. 14

18 Kontorleiarane i klinikken gjev opplæring i DIPS, slik at behandlarane legg inn / registrerer data korrekt. Tertiale NPR-tilbakemeldingar gjer det mogleg å rette opp feil og manglar i løpet av året. Desse bidreg også til å ha auka fokus på kvar ein ikkje er god nok når det gjeld registrering. Dette vert òg brukt til å gje tilbakemelding/opplæring til behandlarane. 100 % av epikrisane er sende ut innan sju dagar. Helse Fonna har ikkje nådd målet om at alle epikrisar skal vere sende innan sju dagar etter utskrivingsdato. Ved utgangen av oktober 2013 var 82 prosent av alle epikrisar sende innan sju dagar innan psykisk helsevern, og 80 prosent innan dei somatiske klinikkane. Føretaket innførte hausten 2012 og våren 2013 talegjenkjenning i dei somatiske klinikkane. Implementeringa viser ei positiv utvikling i epikristetid. I januar var epikrisetida 74 prosent, og 80 prosent i oktober Klinikk for psykisk helsevern: Klinikk for psykisk helsevern hadde i oktober ei epikrisetid på 82 prosent. Fleire seksjonar har nådd måltalet på 100 prosent. Merkantilt personell i dei ulike seksjonane tek dagleg ut restanselister og sender påminning til ansvarleg for epikrise. Ein har vore tilbakehalden med å innvilge avspasering/permisjon/ferie før alle epikrisar er skrivne. Kirurgisk klinikk: Frå innføringa av talegjenkjenning i februar og fram til august blei resultata forbetra med 15 prosent, då var epikrisetida på 84 prosent. Resultata for hausten 2013 viser ein nedgang, årsaka kan vere nytilsetjingar og ein del vikarbruk. Klinikken prioriterer talegjenkjenningskurs for nytilsette, men i ein periode før dette er gjennomført, kan epikrisetida påverkast. Nokre seksjonar har oppnådd gode resultat og har god erfaring med rapportkontrollar og oppfølging av legar, som til dømes auge-seksjonar som har 100 prosent epikrisetid. Kontrasignering av epikrisar har vore ein flaskehals. Tiltak er sette i verk for å betre rutinar med kontrasignering og kontinuerleg journalføring. Epikrisetida blir følgd opp månadleg i linja. Medisinsk klinikk: Etter innføringa av talegjenkjenning har medisinsk klinikk fleire seksjonar som jamleg har ei epikrisetid på over 95 prosent. Epikrisetida blir følgd tett opp i linja ved bruk av rapportar på talegjenkjenning, dokument som ikkje er behandla og epikrisetider ut mot den einskilde lege. Ingen korridorpasientar. Talet for korridorpasientar har betra seg monaleg frå vinteren I februar var delen på korridorpasientar 5,5 prosent, talet var i oktober 2013 på 1,4 prosent. Tal på korridorpasientar er høgare om vinteren enn om sommaren, men føretaket har òg sett i verk ei rekkje tiltak for å redusere talet på korridorpasientar. Dei klinikkvise tiltaka blir omtala nedanfor. Dei overordna rutinane ved overbelegg er gjennomgått våren Kirurgisk klinikk: Som følgje av dei overordna rutinane ved overbelegg har føretaket no ei leiarstyrt fordeling av overbelegg på tvers av seksjonar og klinikkar. Etter innføringa av nye rutinar viser talet på korridorpasientar ein nedgang i klinikken, men òg ein trend på at overbelegget er jamnare 15

19 fordelt. Målsetjinga om ingen korridorpasientar er ikkje nådd. Klinikken har sett i gang eit arbeid med å redusere liggetid gjennom to planlagde prosjekt: innlegging same dag som operasjon og raskare operasjonar av akutte øyeblikkeleg hjelp-pasientar. Ein del av årsaka til overbelegg har periodevis vore utskrivingsklare pasientar til kommunar. Samhandling med kommunane gjennom rett bruk av avtaleverket vil vere prioritert i tida framover. Vonleg vil varsling og kommunikasjon med kommunane betrast gjennom bruk av PLO-meldingar. Klinikken har vore pilot for bruk av PLO-meldingar til Karmøy og Tysvær kommune. Hausten 2013 og 2014 vil implementeringa halde fram til alle kommunar og alle sengepostar i kirurgisk klinikk. Det er forventa ein reduksjon i talet på korridorpasientar som følgje av PLO-meldingar. Medisinsk klinikk: Medisinsk klinikk har hatt ei positiv utvikling gjennom året. I tillegg til overordna rutinar sette klinikken våren 2013 i verk tre ulike delprosjekt for å redusere talet på korridorpasientar. Tiltaka var blant anna: o Styrkje legekompetanse i akuttmottak o Reindyrke observasjonspost til ordinære øyeblikkeleg hjelp-pasientar og oppretting av medisinsk dagbehandlingseining o Styrkje geriatrisk kompetanse i akuttmottak direkte pasientflyt til akuttgeriatrisk post, samt hindre innlegging ved ambulant geriatrisk team Nye medisinske pasientar skal som følgje av dette undersøkjast både av erfaren lege og turnuskandidat ved innlegging i akuttmottak. Ein medisinsk lege har fått ansvar for observasjonseininga og dagbehandlingseininga på dagtid. Faglege revisjonar og benchmarking mellom einingar og over føretaksgrenser blir brukt som metode for å utvikle fag og organisasjon. Helse Fonna deltek i regionale faglege revisjonar, og har meldt inn fagrevisorkandidat til revisjon av diagnostikk og behandling av hjerneslag, som er det prioriterte området i Rapporterer data til, og bruker data frå alle nasjonale medisinske kvalitetsregister som er forankra i eige og i andre helseføretak. Helseføretaka skal delta i etableringa av løysingar som gjer det mogleg med elektronisk kommunikasjon mellom eigne avdelingar og dei nasjonale medisinske kvalitetsregistera. Helse Fonna rapporterer til nasjonale kvalitetsregister, men har ikkje overordna og komplett oversikt over kor godt dette blir gjennomført for alle registera, då det har vore tradisjon for at kommunikasjonen har gått direkte mellom nasjonale systemeigarar og fagpersonar. Føretaket følgjer opp utviklinga av elektroniske løysingar og er innstilte på å bidra ved etterspurnad og implementere i tråd med utvikling. Sikre at data i medisinske kvalitetsregister blir nytta i tråd med formålet og nytta til å forbetre kvaliteten på pasientbehandlinga. Kvalitetsregistera blir brukte internt i seksjonar/fagområde til kontinuerleg kvalitetsforbetring. Kvalitetsutvalet har sett fokus på registera som kjelder til forbetringsarbeid gjennom å invitere kontaktpersonar til møte i utvalet for å leggje fram resultat, og minne linjeleiarar på om å nytte registera i kontinuerleg forbetringsarbeid. 16

20 Styringsparametrar (Helse Vest RHF nyttar Helsedirektoratet og NPR som datakjelder): 30-dagars overleving etter innlegging for lårhalsbrot (datakjelde: Helsedirektoratet) BH. I Helse Fonna er 30-dagars overleving etter innlegging for lårhalsbrot 92,5 prosent. I føretaket blei 87,5 prosent av lårhalsbrota opererte innan 48 timar (tal for 2. kvartal 2013). Føretaket vil jobbe for at talet nærmar seg 100 %. Tiltak for forbetring i 2013 har vore oppretting av ekstrateam 3 dagar i veka. Klinikken er òg involvert i pasientsikkerheitsarbeid gjennom deltaking i fallprosjekt som førebygging av fall blant eldre. Gjennom fagleg råd i klinikken har prioritering av lårhalsbrotpasientar vore teke opp vil nyttast til særleg gjennomgang av bruk av operasjonsstovene for å kunne operere pasientane omgåande. 30-dagars overleving etter innlegging for hjarteinfarkt (datakjelde: Helsedirektoratet). Helse Fonna har ei 30-dagars overleving etter innlegging for hjarteinfarkt på 90,3 prosent (2012). Medisinsk klinikk har sett i verk tiltak til forbetring, som til dømes gjennomgang av pasientflyt, prosedyrar og rutinar, implementering av ny kunnskap, utvikling av kompetanse og tydeleggjering av ansvarsdeling. 30-dagars overleving etter innlegging for hjerneslag (datakjelde: Helsedirektoratet). Tala for Helse Fonna var for 2012: Haugesund sjukehus: 86,4 %, Odda sjukehus 86,2 %, Stord sjukehus 85,3 %. Snitt Fonna: 85,96 (2010 = 84, = 85,7). I 2013 er det gjennomført eit kvalitetsforbetringsprosjekt der ein har implementert heile hjerneslagspakken ved alle sjukehusa. Tilsyn frå Fylkesmannen i oktober 2013 gav ingen avvik eller merknad ved Haugesund eller Stord sjukehus. 30-dagars risikojustert totaloverleving (datakjelde: Helsedirektoratet). Dei siste tala er frå 2012 (frå Kunnskapssenteret sin rapport frå november 2013): Estimert, risikojustert sannsynlegheit for overleving 30 dagar etter sjukehusinnlegging, uansett årsak, var 94,9 prosent. Landsgjennomsnittet var 94,7 prosent. Ein må vere varsam med å bruke tala til samanlikningar mellom føretak og sjukehus, då ulikskapane i overlevingssannsynlegheit er avhengig av fleire faktorar enn kvaliteten på den medisinske behandlinga. Eksempel på slike faktorar er pasientsamansetnad, funksjonsdeling, inntakspraksis, kodepraksis og datakvalitet. Tala kan dessutan ikkje samanliknast med rapportar frå tidlegare år sidan metoden for utrekning då var annleis. Prosentdel epikrisar som er sende ut innan sju dagar (mål: 100 %) (datakjelde NPR). Medisinsk klinikk hadde ei måloppnåing på 83 prosent, kirurgisk klinikk på 75 prosent og klinikk for psykisk helsevern på 82 prosent i oktober Prosentdel korridorpasientar ved somatiske sjukehus (mål: 0 %) (datakjelde: Helsedirektoratet). Helse Fonna hadde i oktober ei måloppnåing på 2,9 prosent i kirurgisk klinikk, og 0,4 prosent i medisinsk klinikk. 17