Innkalling til rådsmøte

Transkript

1 Til ordførarane og rådmennene i kommunane: Fyresdal, Kviteseid, Nissedal, Seljord, Tokke og Vinje. 20. november 2012 Innkalling til rådsmøte Stad: Quality Straand Hotel, Vrådal Dato: Tysdag 27. november 2012 Kl. slett: Vest-Telemarkrådet skal i møtet 27. november handsame ein sak som går på å dokumentere kva funksjonar og nytte aktuelle fylkesvegar i regionen har for samfunnet, og kva for tiltak som må til for å betre desse vegane. Saken inneheld også problemstillingar i høve til dei mindre trafikkerte fylkesvegane vegar som har vanskar med å nå opp i prioriteringane. Vidare ligg det føre eit spanande forslag til kommunikasjonsplan/profilering av Vest-Telemark der Eivind Kaasin og Silje Hegg vil vera tilstades i møtet og orientere nærare om saken. Det vert lagt fram forslag til budsjett for 2013, og med bakgrunn i omorganiseringa av Vest-Telemarkrådet vert det også orientert om endringar i inneverande års budsjett. Vi ynskjer vel møtt i Vrådal 27. november. Venleg helsing Vest-Telemarkrådet Torstein Tveito (sign) Regionordførar Telefon: Fax: Kjell Gunnar Heggenes Regionrådsleiar E-post: vtr@vest-telemark.no Web: Bank: Adresse: Granlivegen 1A Veksthuset 3850 KVITESEID

2 Vest-Telemarkrådet Møte 27. november 2012 Sakliste til rådsmøte 27. november 2012 Sak 55/2012 Referat frå rådsmøte 17. oktober 2012 Sak 56/2012 Orientering om endringar i VTR sitt budsjett som fylgje av omorganisering til 27-selskap Sak 57/2012 Forslag til budsjett Vest-Telemarkrådet Sak 58/2012 Kommunikasjonsplan, profilering av Vest-Telemark Drøftingssak Sak 59/2012 Telemarksvingen prosjektforslag: dokumentasjon og skisse til tiltak Sak 60/2012 Forslag til sakliste Vest-Telemarktinget 11. desember Sak 61/2012 Forslag til møtekalender 2013 Sak 62/2012 Drøftingssaker/orientering - Koordinering av reiselivssatsinga i Vest-Telemark - Synleggjering av næringsverksemder innafor reiseliv - Gjenståande vegparsell aust for Grunge kyrkje - Bulyst, vidare arbeid/finansiering - Organisasjonen Merpoliti, spørsmål om økonomisk støtte

3 Referat frå møte i Vest-Telemarkrådet 17. oktober 2012 Tilstades: Regionordførar Torstein Tveito, Hilde Alice Vågslid, Halvor Homme, Jon Svartdal, Arne Vinje, Erik Skjervagen, Sverre Sæter, Therese Hauger, Hans Kristian Lehmann, Ketil Kiland, Tor Borgenvik, Kjell Gunnar Heggenes Andre tilstades: Torgrim Otterholt, Dag Rorgemoen, Arne Aakre, Terje Weber, Dag Inge Skoland. Fylkesrådmann Evy-Anni Evensen kom tilstades under møtet. Innleiingsvis vart det markert at Vest-Telemark Museum er kåra til "Årets museum" i Styreleiar og dagleg leiar i museet var tilstades og fekk blomar og anerkjennande ord for god innsats. Møteinnkalling og sakliste vart godkjent utan merknader. Sak 48/2012 Referat frå rådsmøte 21. august 2012 Vedtak: Referat frå rådsmøte 21. august vart samrøystes godkjent. Sak 49/2012 Orientering om Norges Blindeforbund Arne Aakre og Terje Weber frå Norges Blindeforbund orienterte nærare om kva det inneber å vera synshemma og kva for utfordringar blinde og svaksynte har i samfunnet. Det vart orientert om kva for instanser som kan hjelpe, og kva rolle kommunane har i dette biletet. Det finst god rehabilitering, men det er fortsatt behov for å gjera dette kjent i kommunane. Det er bygd eit syns- og rehabiliteringssenter i HurdaL, der blinde og synshemma får hjelp til å meistre kvardagen. Vedtak: Vest-Telemarkrådet tek orienteringa til vitande. Sak 50/2012 Brannvernsamarbeidet. Orientering v/styreleiar/brannsjef i Vest-Telemark Brannvesen Status for samarbeidet vart gjeve innleiingsvis av Tore Metveit, dagleg leiar i brannvernsamarbeidet Utdanninga av brannpersonale går sin gang slik at ein våren 2014 vil ha formell godkjenning av dei som ikkje har slik godkjenning i dag. Dette tar tid og har naturlegvis ei betydeleg kostnadsside, men erfaringa med slik opplæring er svært god. Ein arbeider også med å organisere ei gruppe som skal rykke ut i samband med mogleg skogbrann. I tråd med tidlegare vedtak ligg det no føre utgreiing i høve til å utvide brannvernsamarbeidet til også å gjelde beredskap. Det er behov for å arbeide vidare med det framlagte forslaget til avtale, herunder konsekvensane for den enkelte kommune. Vedtak: Vest-Telemarkrådet tek orienteringa til vitande. Endeleg forslag til avtale vert å drøfte i rådmannsutvalet og deretter sendt kvar enkelt kommune til handsaming tidleg i Sak 51/2012 Orienteringssaker. Tilbakemelding frå kommuneregionane i høve til Arbeidsgruppa for E134/Rv36 Tilbakemeldingane frå dei andre kommuneregionane og fylkeskommunen er at ein tilrår å legge ned arbeidsgruppa sidan ein vurderer at funksjonane er overteke av andre samarbeidsorgan. Vedtak: Arbeidsgruppa for E134/Rv 36 vert med dette avslutta og resterande midlar overførast Vest-Telemarkrådet.

4 2 Vegkonferansen på Notodden 21. september. Konferansen vart halde i regi av AS Haukelivegen, Kongsbergregionen og Vest-Telemarkrådet og samla om lag 90 personar mellom anna frå politisk hald både lokalt og sentralt. Eit vellukka arangement der ein fekk belyst viktigheiten av E134, framdrifta i høve til dei ulike prosjekta samt informasjon om det vidare arbeidet. Vedtak: Vest-Telemarkrådet tek orienteringa til vitande. Bulyst-prosjektet, status og finansiering. Etter forslag frå Solveig Sundbø Abrahamsen løyvde Hovudutval for Næring i sitt møte september kr ,- til regionens bulyst-prosjekt. Føresetnaden for løyvinga er at prosjektet vert fullfinansiert. Dette inneber ei tilsvarande løyving frå hhv Kommunal- og regionaldepartementet og våre eigne 6 kommunar pluss ei løyving på kr ,- frå Telemark Utviklingsfond. Ein må i det vidare arbeidet få avklaring i høve til fullfinansiering. Vedtak: Vest-Telemarkrådet tek orienteringa til vitande. Felles skjønnsmidlar, Læringsløpet for tilsette i kommunane. I samarbeid har dei 4 regionrådskoordinatorane utarbeidd prosjektspesifikasjon for eit forprosjekt gjerldande læringsløpet for tilsette i kommunane. Resultatmål for forprosjektet er å vidareføre dette i eit mogleg hovudprosjekt der ein vil utvikle standardiserte læringsløp med e-læringskurs for tilsette i kommunesektoren. Kursopplegget skal utviklast i Telemark og prøvast ut i dei ulike kommuneregionane. Fylkesmannen i Telemark har tilgodesett prosjektet med kr ,- i skjønnsmidlar og det vert lagt til grunn at erfaringane vert dokumentert med tanke på å danne underlag for mogleg nasjonal distribusjon. Vedtak: Vest-Telemarkrådet tek orienteringa til vitande. Postomberinga i distrikta, rapport frå kommunane. Det låg føre tilbakemeldingar frå kommunane omkring konsekvensane dei nye retningslinene for plassering av utleveringspostkasser kan kome til å få for postomberinga. Oppteljingane viser at fleire hundre husstandar i Vest-Telemark vil kunne få auka avstand til eiga postkasse som fylgje av dei nye retningslinene. Til dømes vil om lag 100 hustandar i Kviteseid kunne bli berørt. Tilsvarande vil husstandar i Fyresdal og 45 i Tokke. Signala frå sentrale politikarar stadfester at det er grunnlag for regionens bekymring i saken. Vedtak: Vest-Telemarkrådet tek orienteringa til vitande. Sak 52/2012 Oppretting av moglege samarbeidsavtaler mellom Telemark fylkeskommune og dei enkelte kommunane, Orientering ved fylkesrådmann Evy-Anni Evensen Det låg føre kopi av samarbeidsavtale mellom Lyngdal kommune og Vest-Agder fylkeskommune. Avtala er oppretta med utgangspunkt i det regionale planverket og bygger på dialog og samarbeid mellom partane. Det er no spørsmål om det er interesse for å opprette tilsvarande avtaler mellom våre kommunar og Telemark fylkeskommune. Vedtak : Vest-Telemarkrådet ser det framlagte avtavtaleforslaget som interessant og adm utformar eit formelt svar til TFK som blir å maile rundt til ordførarane før oversending TFK.

5 3 Sak 53/2012 Skuletilbodsstrukturen i den vidaregåande skulen, ein sak også om skulestruktur. Fylkesrådmannen orienterte nærare om den komande nedgangen i elevtal, og viste også til ei undersøking gjennomført av Asplan Viak i 2009 gjeldande ressursbruken i VGS. Seljord og Lunde vert vurdert saman med skulane i Grenland, medan Vest-Telemark vidaregåande skule på Dalen ligg fast. Fylkesrådmannen ynskte fokus på best mogleg utdanningstilbod, og viste til at saken med skulestruktur kjem til høyring i januar/februar. Vedtak: Vest-Telemarkrådet tek orienteringa til vitande. Sak 54/2012 Status for dei ulike vegprosjekta i Telemark. Statens vegvesen orienterer. Mari Vårdal, Eli Sæterdal og Kjell Solheim var tilstades i møtet og orienterte nærare om dei ulike vegprosjekta. E134 har 1/3 av totaltrafikken og 1/3 av tungtrafikken mellom aust og vest, noko som klårt viser betydningen av denne vegen. Det er eit etterslep i vegvedlikehaldet i Telemark på mellom 3 og 4 mrd. kroner. Totale kostnader for dei planlagte bompengeprosjekta på E134 er 239 mill kroner. Bomplasseringa er lagt til Heggtveitbakkane med takstar på hhv 20 og 60 kroner for lett /tung bil. Ein har som siktemål å starte utbetringsarbeidet i blir iflg. Kjell Solheim eit"magisk år" då Århus -Gvammen, Damåsen- Saggrenda samt Skjelbredstrand Skyggestein på rv36 skal stå ferdig Utbetring av Fv 355 er i gang på strekningen Fyresdal - Hauggrend (ferdig i 2013 og asfalt i 2014) Vidareføring av Fv 355 over Våmur er ikkje avklart enno, men må inn i Fylkets planlegging Nytt prosjekt Steane -Kilen (6 km) blir no lyst ut. (7,5m vegbreidde) Vedtak: Vest-Telemarkrådet tek orienteringane til vitande.

6 Vest-Telemarkrådet Møte 27. november 2012 Sak 56/2012 Orientering om endringar i årets budsjett som fylgje av omorganisering til 27-selskap. Bakgrunn. I møte i Vest-Telemarktinget 13. desember 2011 vart Vest-Telemarkrådet formalisert som 27-samarbeid i form av eige rettssubjekt. Vedtaket vart gjort etter nærare utgreiingar mellom anna av tilhøvet mellom Vest-Telemarkrådet og Vest-Telemark Næringsutvikling. Med verknad frå 1. oktober i år har Vest-Telemarkrådet ei avtale med Kviteseid kommune om kjøp av tenester innan økonomi og rekneskap basert på kommunale rekneskapsprinsipp. Kviteseid kommune fører såleis rekneskapen for Vest-Telemarkrådet og for prosjekt som Rådet driv. Som fylgje av den nye organiseringa legg vi no fram forslag til endringar i inneverande års budsjett. Forslag til vedtak: Vest-Telemarkrådet godkjenner det framlagte forslaget til endringar i inneverande års budsjett.

7 Vest-Telemarkrådet Endring av budsjett 2012 for Vest-Telemarkrådet Budsjettet for drift av Vest-Telemarkrådet i 2012 vart godkjent på Vest-Telemarktinget 13. desember 2011, saman med vedtektene for samarbeidet i Vest-Telemark. Den budsjetterte ramma knytt til drift i 2012 var sett til totalt Kr Redusert budsjettramme Budsjett for 2012 er avklart mellom TUF og Vest-Telemark-kommunane, og med ei indeksregulering på 0,7% frå ramma i 2011 vert det fastsette budsjettet for regionaparatet i Vest-Telemark sett til: Kr Ramma er redusert i høve til budsjett med kr Finansiering Finansiering av Rådets arbeid er fastsett i avtale mellom Vest-Telemarkkommunane og Telemark Fylkeskommune / Telemark Utviklingsfond og delast etter fyljande fordelingsnøkkel: Totalt budsjett for 2012 kr TUF: kr Kommunane kr Fordeling av postane Vest-Telemarkrådet er i ei omstillingsfase, og samarbeidet med mellom anna VTNU må etablerast innanfor dei nye gjeldande rammene. I 2012 har administrasjonen i VTR vore utvida til to personar, og ei rekke arbeidsoppgåver har vore løyst utanfor opprinneleg budsjett er eit overgangsår med mange endringar, og dette medførar også fylgjande budsjettjusteringar: Oppgåve Opprinneleg Nytt budsjett budsjett Sekretariats- og sakshandsaming til Rådet Kjøp av tenester frå VTNU AS Bygdelivsmeklar Administrasjon av strategisk næringsplan for Vest-telemark Vest-Telemark næringsforum Vest-Telemark konferansen Vest-Telemark Treffet IKT-koordinator Komunikasjonsplan for VT Vest-Telemarkrådet, Granlivegen 1A, 3850 Kviteseid Tlf: , kgh@vest-telemark.no, Org. nr:

8 Vest-Telemarkrådet Møte 27. november 2012 Sak 57/2012 Forslag til budsjett 2013 Vest-Telemarkrådet. Bakgrunn. Med utgangspunkt i ny organisering legg vi fram forslag til budsjett 2013 for Vest- Telemarkrådet. Budsjettet er spesifisert i 7 postar som er gjort nærare greie for i budsjettforslaget, og forslaget viser også dei finansielle kjeldene samt den enkelte kommunes andel. Forslag til vedtak: Vest-Telemarkrådet godkjenner det framlagte forslaget til budsjett 2013 med tanke på endeleg handsaming i Tinget 11. desember.

9 Vest-Telemarkrådet Budsjett 2013 for drift av Vest-Telemarkrådet Oppgåve Budsjett 1 Sekretariat og sakshandsaming for Rådet Etablererkontoret Prosjektadminstrasjon Regionale fora og utval Kommunikasjonsplan med bygdelivsvertskap IKT- koordinator Konferansar og tiltak Total driftsramme Postane i budsjettet 1 Sekretariat og sakshandsaming for Rådet omfattar kostnader til drift av rådet, løn til regionrådsleiar og ytterlegare sakshandsamingskapasitet. Dei seinare åra har arbeidet knytt til rådet auka i omfang. Dette gjeld talet på saker og sakshandsaminga av desse, samarbeid med kommunane, dei øvrige regionane, fylkeskommune og statlege etatar. Ein ser at arbeidet med å representere regionen i ulike samanhangar og er viktig for å gje Vest-Telemark påverknad på utviklinga. 2 Etablererkontoret er ein førstelineteneste retta mot etablering av nye veksemder i Vest-Telemark. Tenesten er eit samarbeid mellom Vest-Telemarkkommunane, NAV og Innovasjon Norge. Totalt budsjett for etablererkontoret er på ,- kr, der Nav bidreg med ,- og Innovasjon Norge med ,- kr. Vest-Telemark Næringsutvikling AS (VTNU) har ansvaret for etablererkontoret i Vest- Telemark. Kostnadane på ,- vert overført som tilskot til VTNU i sin heilskap. 3 Prosjektadministrasjon er knytt til arbeidet med Strategisk Næringsplan for Vest-Telemark (SNP), Prosjektutvikling for VT-regionen og Infrastrukturutvikling. Kostnadane dekker løn til tilsette, prosjekttilsette/mellombels tilsette og kjøp av tenester. 4 Regionale fora og utval tek sikte på å løyse faste oppgåver ved organisering og bevertning av viktige møtearenaer. I dag er ei rekke grupper samla i kraft av oppgåver knytt til SNP, og andre er oppretta som gode samarbeidsfora. For å sikre at ein kan halde fram med desse viktige arenaene tar VTR høgde for å organisere desse med avsett budsjettpost. Ein nemner fylgjande grupper: Næringskollegiet (Næringssjefane i kommunane, VTNU og VTNF) Reiselivsansvarlege (tilsette i kommunane med ansvar for reiselivsarbeid) TellUS-forum (organiserast gjennom dei reiselivsansvarlege?) Web-samarbeid / regional deltaking i webforum Det er truleg at ein ser trong til å oppretthalde eller opprette andre faste møtefora, og budsjettposten skal bidra til å løyse desse. Midlane kan dekke løn til tilsette i VTR, innleigde tenester for organisering, tilskot til felles reiselivskoordinator, bevertning på møte ol. Ein ynskjer å stø opp om felles reiselivssatsing, og administrasjonen i VTR foreslår tilskot til ei felles satsing medan den nasjonale og Fylkeskommunale organiseringa pågår. Vest-Telemarkrådet, Granlivegen 1A, 3850 Kviteseid Tlf: , kgh@vest-telemark.no, Org. nr:

10 5 Kommunikasjonsplan med bygdelivsvertskap er ei samla satsing for å styrke felles identitet og samkjensle og samstundes aktivt rette seg mot personar som ynskjer å etablere seg eller er etablert i Vest-Telemark. Kommunikasjonsplanen skisserer målretta tiltak for å være aktiv på digital kommunikasjon. Samstundes inneber dette vertskap for tilflyttarar og ivaretek nokre av dei viktigaste funksjonane til bygdelivsmeklaren. Midlane skal dekke løn til webredaktør eller tilskot til teneste frå ekstern leverandør. I dag er det VTNU som har webredaktør og bygdelivsmeklar-tenesten for Vest- Telemark. 6 IKT-koordinator er ei teneste som inngår i den nye IKT-strategien for Vest-Telemark. Oppgåvene skal løysast innanfor rådets budsjett, men omfang og arbeidsoppgåver for administrasjonen i VTR er ikkje fastsett. Ein ser for seg at 2013 vert eit år med etablering av dei nye arbeidsoppgåvene, og at midlane frå budsjettet skal dekke løn til tilsette, prosjekttilsette/mellombels tilsette og kjøp av tenester. 7 Konferansar og tiltak skal dekke tilskot til gjennomføring av arrangement som VTR fastsett. Det er tidligare gitt tilskot til VTNF med kr , Vest-Telemarkkonferansen med kr , og Vest- Telemarktreffet med kr Oppsett og postering Postane er sett opp etter endra organisering med tanke på å løyse oppgåvene i arbeidsprogrammet for Ein har også konferert med økonomisjef i Kviteseid kommune. Overgang til nytt rekneskapssystem Rekneskapstenestene er tidlegare kjøpt av Vest-Telemark Økonomi og Rekeneskap AS. Overgang til kommunalt rekneskap er innførd etter tilråding frå Telemark Kommunerevisjon og er sett i verk frå og med 1. oktober FINANSIERING kr TUF: kr Prosentvis fordeling mellom kommunane: kr Fast fordeling mellom kommunane: kr Fordeling av kommunal andel Fast fordeling %- vis innbygg. %- andel Totalt for 2013 Fyresdal kr ,36 % kr kr Nissedal kr ,05 % kr kr Kviteseid kr ,52 % kr kr Seljord kr ,84 % kr kr Tokke kr ,13 % kr kr Vinje kr ,10 % kr kr Vest- Telemark kr ,00 % kr kr Vest-Telemarkrådet, Granlivegen 1A, 3850 Kviteseid Tlf: , kgh@vest-telemark.no, Org. nr:

11 Vest-Telemarkrådet Møte 27. november 2012 Sak 58/2012 Kommunikasjonsplan, profilering av Vest-Telemark. Orientering v/eivind Kaasin/Silje Hegg. Bakgrunn. I 2006 vedtok Vest-Telemarktinget det 3-årige rekrutteringsprosjektet Vi snur vinden fleire folk til Vest-Telemark. På bakgrunn av erfaringane frå dette og andre rekrutterings- og bygdeutviklingsprosjekt vart arbeidet vidareført gjennom prosjektet Bulyst gje det vidare. Siktemålet har vore å få fram ein region som er attraktiv å bu i og flytte til, utvikle trygge bærekraftige bustadsmiljø og gjennom dette oppnå folkeauke. Ein har mellom anna hatt stor fokus på vertskapsfunksjonen i regionen og koordinatorfunksjonen har fungert som fyrsteledd i kontakten med moglege tilflyttarar. Dette har skjedd gjennom å vera synleg i media, på internett, i politiske møte, og ikkje minst delta i nye møteplassar som facebook, twitter og andre. Prosjektet har hatt fokus på å involvere og engasjere, dele og gje vidare. Av andre tiltak i dette arbeidet kan nemnast: Vest-Telemarkkonferansen, Yrkesmessa på Dalen, Vest-Telemarktreffet og Lanparty/datavake, Liv i Vinje, Heim til Fyresdal osb. Som ei vidareføring av dette viktige arbeidet, har vi i sak 57/2012 Forslag til budsjett 2013 Vest-Telemarkrådet, foreslege posten Bygdelivsmekling gjennom ny kommunikasjonsplan/vertskapsplan med eit beløp på kr ,-. Til grunn for budsjettposten ligg eit notat utarbeidd av Eivind Kaasin og Silje Hegg: Kommunikasjonsplan synleggjering og profilering av Vest-Telemark. Kommunikasjonsplanen inneheld tankar omkring kommunikasjon og profilering av regionen og vidare utvikling av denne, og svarar såleis på 2 av målsetjingane i Vest-Telemarkrådets arbeidsprogram: - Oppretthalde og auke folketalet og busetnaden i heile Vest-Telemark (attraksjonskraft, bulyst, attraktiv arbeidsmarknad, rekruttering av arbeidskraft) - Sterk regional samkjensle og styrka Vest-Telemarkidentitet. ( kulturtiltak, marknadsføringstiltak, elektronisk kommunikasjon og informasjonsflyt) Element som felles grafisk profil og etablert nettportal er viktige element som alt er etablert, men notatet peikar på fylgjande utfordringar for regionen vår : - mykje lokalt engasjement, men liten eller manglande regional merksemd og glød - svak folketalsutvikling - regionen er for lite synleg - uutnytta potensiale i den sterke Vest-Telemarkkulturen. Det ligg utfordringar i å nå dei rette målgruppene, få fram rett bodskap, kommunikasjon som utløyser handling, å få folk til å engasjere seg og å få til ein levande og engasjert kommunikasjon.

12 2 Planen peikar på overordna strategiar og arbeidsmetodar i profileringa av regionen og av konkrete tiltak er nemnt: - nettportalen - sosiale medier - nyhendebrev - andre tiltak Notatet skisserer mål, retningsliner, strategi og tiltak/oppgåver for dei 4 nemnde tiltaka og peikar på viktige suksessfaktorar for å nå målsetjingane. Det har tidlegare ikkje vore økonomisk rom for eit løft på kommunikasjonssida. At Portalen er oppe og står men ikkje oppe og går er truleg ein treffande beskrivelse av situasjonen og ei omprioritering innafor dei budsjettmessige rammene er derfor høgst aktuelt. Det er nærliggjande at midlar som tidlegare har gått til bygdeutvikling/bygdelivsmeklar no vert nytta til administrasjon av portalen og såleis ivareta den regionale vertskapsrolla, bidra til å rekruttere tilflyttarar og ikkje minst synleggjera Vest-Telemark. Ein viser elles til sak 57/2012 Forslag til budsjett 2013 Vest-Telemarkrådet. Forslag til vedtak: Vest-Telemarkrådet tek orienteringa til vitande.

13 KOMMUNIKASJONSPLAN SYNLEGGJERING OG PROFILERING AV VEST-TELEMARK Utarbeidd av Vest-Telemark Næringsutvikling v/ Eivind Kaasin og Silje Hegg 1

14 INNHALDSLISTE OM PLANEN... 3 DEFINISJONAR... 3 BAKGRUNN... 3 SITUASJONEN I DAG... 3 UTFORDRINGAR... 4 KOMMUNIKASJONS- OG PROFILERINGSARBEIDET... 5 MÅL... 5 MÅLGRUPPER... 6 STRATEGI... 6 TILTAK... 6 NETTPORTALEN 7 SOSIALE MEDIER NYHENDEBREV SUKSESSFAKTORAR KOMPETANSEKRAV ANSVAR OG OPPFØLGING

15 OM PLANEN Me vil i denne planen trekke opp ein del tankar, og gje retning til ein del av det arbeidet som vert gjort i dag knytt til kommunikasjon og profilering av regionen, og legge ein plan for utvikling av dette. Planen vil ta for seg korleis Vest-Telemark står fram som region. Korleis kan ein syne fram aktiviteten og pulsen i Vest-Telemark på best mogleg måte, og nå måla om styrka Vest- Telemarkidentitet og auka tilflytting og arbeidsplassar? Planen vil skissere opp korleis stoda er i dag, og kva for mål, strategiar og tiltak ein har for arbeidet vidare. DEFINISJONAR Mål Med dette meinast ein tilstand, eit resultat eller eit mål ein ynskjer å nå. Dette bør vere målbare resultat eller mål. Det er viktig at måla på kvart enkelt arbeidsområde spring ut i frå dei overordna måla. Strategiar Overordna metodar, arbeidsmåtar som ein skal ta i bruk. Tiltak Konkrete aktivitetar som skal oppfylle måla. Ved å utføre tiltaka vil ein oppnå måla, eller resultata. Det er viktig at dette er konkrete oppgåver, og ikkje generelle føringar. Utfordringar Utviklingstrekk, moglegheiter, truslar m.m. som ein bør vera merksam på. BAKGRUNN Om kommunikasjon i dag Kommunikasjon, informasjon og historiefortelling står sentralt i samfunnet i dag. Dagens informasjonskvardag har vorte meir digital, og folk er tilgjengelege på nett store delar av døgnet. Alt skjer raskt, og vert fort gløymt. Ein må følgje med. Folk søker informasjon på nett, eller i sosiale medier. Informasjonssystema er heile tida i endring og ein må halde seg oppdatert og sjølv oppdatere. I dag kan ein i stor grad styre informasjonsflyt og kommunikasjon på eigenhand gjennom eigne kommunikasjonskanalar, mot eigne målgrupper som ynskjer informasjon. Variasjonane i moglege kommunikasjonskanalar er òg mykje større i dag enn tidlegare. Ein kan altså styre både form og innhald meir sjølv. Informasjon- og kommunikasjonsteknologien er heile tida i utvikling, og det er viktig at ein tek høgde for at ting kan endre seg raskt, og at ein difor må ha ein organisasjonsstruktur som er fleksibel og med allsidig kompetanse. SITUASJONEN I DAG Vest-Telemark som region Totalt har regionen om lag innbyggarar, og omfattar dei seks kommunane Vinje, Tokke, Fyresdal, Kviteseid, Seljord og Nissedal. Desse kommunane er saman organisert i regionrådet 3

16 Vest-Telemarkrådet. Regionen har elles ei felles lokalavis, Vest-Telemark Blad som omfattar alle kommunane. Saman med regionrådet er avisa eit viktig element i å samle regionen. Vest-Telemark er sett saman av mange små stader, og noko av det karakteristiske ved regionen er alle dei små bygdene og grendene; grovt reikna 70 stk. Rundt om i regionen har ein sterke lokale identitetar, med rike og levande tradisjonar innan mat, kunst, kultur og handverk. Ein har også mange enkeltpersonar, prosjekt og institusjonar som saman målber og formidlar desse tradisjonane vidare i dag. Ein har også ein sterk språkkultur med ulike dialektar som folk nyttar og er stolte av. Telemark som region og omgrep er vel etablert. Det er ei merkevare og eit omgrep som mange kjenner til og har assosiasjonar til på ulikt vis. Slik sett har ein eit godt utgangspunkt for formidling. Arbeidet som er gjort Profileringa og marknadsføringa av Vest-Telemark som region er, og har vore, delt ut over mange ulike prosjekt og tiltak på fleire ulike måtar. Vandreregionen og Bygdelivsmeklaren er og har vore prosjekt gjennom regionrådet. Saman skal prosjekta og tiltaka, på ulikt vis, vera med på å nå målsetningane til rådet og regionen som i korte trekk handlar om meir tilflytting, sterkare identitet, utvikling og god infrastruktur. Kvart enkelt prosjekt har i stor grad hatt eit profilerings- og kommunikasjonsansvar på vegne av seg sjølv. Viktige element i kommunikasjonen som allereie er etablert er: Etableringa og bruken av ein felles grafisk profil Etableringa av nettportalen Vest-Telemark.no Både Vest-Telemark.no, Vest-Telemarkrådet, Vest-Telemark Næringsutvikling og Vandreregionen nyttar same ikon/logo. Dette har vore med på å knyte prosjekta og regionen saman. Samtidig kan det gjere det meir vanskeleg å skilje dei ulike organisasjonane og prosjekta frå kvarandre. Etableringa av Vest-Telemarkportalen har vore viktig. Her ynskjer ein å sjå kommunikasjonen om og frå regionen i ein heilskap. Arbeidet som er lagt ned her er godt, men grunna manglande ressursar og uklar prioritering, er ikkje arbeidet med portalen kome heilt i mål. UTFORDRINGAR Utfordringar for regionen Mykje lokalt engasjement, men liten eller manglande regional merksemd og glød. Dårleg folketalsutvikling. Regionen er lite synleg? Utnytte potensialet som ligg i den sterke Vest-Telemarkkulturen. Utfordringar for kommunikasjonen Nå fram til dei rette målgruppene, med rett bodskap. At kommunikasjonen utløyser handling dra på arrangement, flytte heim etc. Få folk til å engasjere seg og delta. Å vera levande og engasjert i kommunikasjonen. 4

17 KOMMUNIKASJONS- OG PROFILERINGSARBEIDET I Vest-Telemarkrådet sin overordna visjon heiter det; Vest-Telemark ein levande region. Korleis vert ein oppfatta som levande, og kven ser at det er ein levande region? Kven formidlar livet og det levande? Dette er spørsmål me skal forsøke å svare på i denne delen. MÅL Måla i denne planen er knytt til måla i strategisk næringsplan for Vest-Telemark og arbeidsprogrammet og visjonen til Vest-Telemarkrådet. Dei to fyrste hovudmåla i desse planane er: Sterk regional samkjensle og styrka Vest-Telemarkidentitet Oppretthalde og auke folketalet og busetnaden i heile Vest-Telemark. I lys av dette kan ein spesifisere dei overordna måla for arbeidet med følgjande: Folk er stolte av regionen. At folk er nyfikne på regionen og det som skjer. Eit styrka Vest-Telemarkfellesskap tommelen opp for naboen. Folk er kjend med aktiviteten og tilboda i regionen. Auka engasjementet i og for regionen. Tettare kontakt og jamn dialog med målgruppene. Folk flyttar til regionen. Folk besøker regionen. Folk blir verande i regionen. Regionen er synleg. Effektar på kortsikt Auka lesartal på heimesider, og følgjarar og aktivitet på sosiale medier. Auka blest, og engasjement i og for regionen. Tettare kontakt og dialog med målgruppene. Regionen er meir synleg. Effektar på lengre sikt Tilflytting Nye arbeidsplassar Eit sterkt fellesskap i Vest-Telemark Det er viktig å ha med seg at informasjons- og kommunikasjonsarbeidet i seg sjølv ikkje er nok til å utløyse desse effektane, men at dette er eitt av fleire element som saman skal skape endring. 5

18 MÅLGRUPPER Kven vil vi nå? TYPE ALDER INTERESSEFELT STRATEGI EFFEKT Moglege tilflyttarar Jobb, bustad, arrangement, historie, kultur Heimatt-flyttarar Jobb, bustad, kultur, arrangement, historie, kultur, nytt frå regionen og heimstaden Fastbuande Vesttelar Arrangement, nytt i regionen og om heimstaden, historie, kultur Folk med tilknyting til regionen. (slekt, vener etc.) Kultur, historie, og arrangement Vera inkluderande, inviterande og open. Bygge på stadkjendsle, synleggjere på kjende saker og personar. Bygge på stadkjendsle, synleggjere gode intitiativ, personar og prosjekt. Vera inkluderande, inviterande og open. Tilflytting, at folk blir nyfikne på regionen. Tilflytting, folk er stolte av staden og regionen Folk er stolte av staden og regionen, blilyst Besøk. Desse målgruppene har ulike kanalar, og nokre kanalar vil vera meir aktuelle enn andre. Dersom ein skal nå alle desse målgruppene må ein ta i bruk fleire kanalar, med ulikt innhald, og tilpasse kommunikasjonen i dei ulike kanalane til målgruppene. STRATEGI Overordna strategiar og arbeidsmetodar i profileringa av regionen. Synleggjere Marknadsføre Profilere Skryte Dele Inspirere Forankre Involvere Samarbeide Engasjere Være oppdatert på aktivitet og utvikling TILTAK Nettportalen - Sosiale medier Nyhendebrev 6

19 NETTPORTALEN Vest-Telemarkportalen vart lansert i ny drakt i 2011, og har sidan vore ei samleside for aktivitetar i regionen. Gjennom portalen har ein samla fleire regionale prosjekt og organisasjonar inn under same paraply. Portalen er sentral for korleis regionen står fram og har potensiale til å bli eit sterkt knutepunkt og ein viktig kommunikasjonskanal for regionen ut mot fleire målgrupper. Gjennom ei styrking av arbeidet med Vest-Telemark.no vil ein kunne få inntrykk av livet og pulsen i regionen, og portalen kan vera ein arena for formidling av dei gode historiene, og synleggjering av aktivitet. Inndeling av portalen Hovudside Denne sida skal synleggjere aktivitet, og samle informasjon om og frå Vest-Telemark. Sida skal være aktuell for alle, og bør rette seg mot alle målgruppene som er sett i planen. Aktørsider Vest-Telemarkrådet, VTNU m. fl. Desse sidene er retta mot målgrupper som allereie er knytt til regionen, og med eit spesielt engasjement og interesse for regional utvikling og samarbeid. Eller med konkrete planar for etablering osv. Telejobb Telejobb er eit prosjekt som er eigd av Vest-Telemark Næringsforum (VTNF). Telejobb flytta i 2011 heimesida si inn under vest-telemark.no. VTNF har aldri kome heilt i mål med ambisjonane for heimesida, og ein bør vurdere dette arbeidet på ny. Det er nærliggande å tenkje at eit oversyn over bedrifter og ledige jobbar i regionen bør vera ein integrert del av portalen, og ikkje eit prosjekt for seg sjølv. Dette er eit viktig arbeid, og ei viktig teneste å ha. Bygdelivsmeklaren og regional vertskapsrolle Ein viktig funksjon knytt til Bygdelivsmeklaren har vore å rekruttere tilflyttarar, og meklaren har hatt ei regional vertskapsrolle. Arbeidet med å skaffe tilflyttarar til regionen bør i sterkare grad sjåast i samanheng med utviklinga av Vest-Telemarkportalen. Samstundes er det viktig at ein framleis har klare retningsliner for oppfølging når interesserte melder seg. Forankring og samarbeidspartnarar Det er viktig at ein samarbeider med dei ulike kommunane, Vest-Telemark Blad, Vest-Telemark Museum og andre relevante innhaldsleverandørar. Ein må arbeide for å skape ein delingskultur knytt til innhald, kompetanse og system. Origo felles arrangementskalender Vest-Telemark Næringsutvikling (VTNU) har leia arbeidet med å etablere ein felles arrangementskalender for regionen og kvar enkelt kommune. Felleskalenderen koplar alle kommunekalenderane saman, og distribuerer informasjonen vidare til reiselivsider, infoboksar og aviser i Telemark. Dette er ein svært god og viktig reiskap og eit prosjekt det er viktig å halde fram med. 7

20 NETTPORTALEN FORSLAG TIL FREKVENS Hovudmål: Vest-Telemark.no er den viktigaste kjelda til informasjon om regionen. Vest-Telemark.no verkar samlande og oppbyggande for regionen. Delmål Heilskapleg og ryddig samling av informasjon om regionen Portalen syner aktivitet og engasjementet i og for regionen Vest-telemark.no er kjent blant vest-telar og utflutte vest-telar. 250 unike besøk dagleg på heimesidene Retningsliner Portalen skal: Innehalde stoff frå alle delar av Vest-Telemark, og balansere mengda stoff frå ulike delar av regionen. Synleggjere mangfaldet i Vest-Telemarkkulturen, og det som skjer i regionen. Vera på nynorsk, og halde eit god språkleg nivå. Synleggjere ulike stemmer, knytt til alder, bakgrunn og stad. Strategi Samarbeid med relevante aktørar om innhald og system. Innhald og nytt frå heile Vest-Telemark. God internkommunikasjon, og gode publiseringsplanar. Vera merksam på andre aktørar og grenseoppgangen mot dei, som t.d. VTB Tiltak - redaksjonelt Viktig og relevant nytt om og frå regionen Eigne aktuelle saker, samt vidaresending til andre aktuelle saker frå andre kjelder. Dagleg / ved høve Arrangementskalender / Origo Arbeide for bruk av kalenderen hjå arrangørar og publikum. Integrasjon med andre kalendersystem. Kringkaste / bleste kalenderen. Synleggjere arrangement. Forsøke å få eit utdrag av kalenderen på VTB sine heimesider, og andre relevante stader. Systemutvikling (teknisk forbetring) Kontinuerleg Komplett oversikt over aktuelle verksemder / ledige jobbar i regionen Halde oversikta over verksemder oppdatert, i samarbeid med Vest-Telemark Næringsforum. Synleggjere ledige stillingar i regionen til ei kvar tid. Kontinuerleg Komplett oversikt over ledige bustadar og tomter i regionen Presentere bustader, og kor ein finn ledige bustader og tomter Kontinuerleg Presentere stader / stadnamn osv. Presentasjon av alle bygdene i Vest-Telemark Presentasjon av ulike stadsnamn i regionen. Ei bygd annakvar veke Vest-Telemarkbloggen ulike personar skriv blogginnlegg Fritt val av tema knytt til regionen. Ta kontakt med personar med ulike interesser, uliks ståstad og alder (6 personar) Samarbeid med VTB / TA / Varden om publisering av innlegg. Eit blogginnlegg annakvar veke. 8

21 Presentere matkultur / tradisjonsmat Synleggjere lokal matproduksjon, produkt, og utsal m.m. Presentere oppskrifter m.m Samarbeid med inkubator / Høgskulen i Telemark / andre relevante organisasjonar og personar. Intervju med ulike personar knytt til mat i Vest-Telemark. Ei sak annakvar veke. Presentere dialekt og språk Samarbeid med ulike ressurspersonar, mållag, historielag m.m. Presentere dialekt, ord og uttrykk Skriftleg, samt ein enkel videopresentasjon av personar som forklarar uttrykk. Kvar veke Presentere prosjekt / institusjonar / arrangement Oversikt og presentasjon av t.d, større idrettsarrangement (årlege), kunstgalleri m.m. Løfte fram organisasjonar / arrangement ved aktuelle høve. Ei ny sak annakvar veke. Presentere kunstnarar / kulturpersonlegdomar / gründerar / eldsjeler Etablere eit kunstnarregister over aktuelle kunstnarar Presentasjonar / intervju m.m Presentere musikk, kunst, verksemder m.m. Ei ny sak annakvar veke. Presentere kulturminner / handverk / tradisjonskunst / byggeskikk Bakgrunn, historikk, foto og intervju I samarbeid med Vest-Telemark Museum, og andre ressurspersonar / organisasjonar. Ein gong i månaden Presentere vandrevegar / turtips I samarbeid med VandreTelemark / Vandreregionen Presentere destinasjonar og organisasjonar Turtips både sommar og vinter Annakvar veke Tiltak teknisk Halde portalen i teknisk stand, og bidra til å vidareutvikle den. Visuelt og teknisk. Google-optimalisering Integrasjon med sosiale medier Kontinuerleg Tiltak - marknadsføring Marknadsføring av portalen Annonser i sosiale medier, Vest-Telemark Blad og andre relevante stader. Plakat / flygeblad Anna relevant og aktuell marknadsføring Etter behov Tiltak som krev ekstern finansiering Etablering av heimesider for bygder under Vest-Telemarkportalen Hjelp til å opprette heimesider, overføre gamal informasjon etc. Opplæring og enkel support. Marknadsføre tilbodet til aktuelle bygder Kritiske punkt Ressurskrevjande / finansiering. Balansegangen mot Vest-Telemark Blad. God internkommunikasjon. Uregelmessig publisering grunna andre oppgåver i organisasjonen. 9

22 SOSIALE MEDIER Det er allereie etablert profil på Facebook, Twitter og Instagram for Vest-Telemark.no. Svært mange er aktive i sosiale medier, og her er det viktig å vera aktiv og til stades. SOSIALE MEDIER Mål: Auka dialog og kontakt med følgjarar Vest-Telemark er ein synleg og aktiv aktør 2000 følgjarar på Facebook. 400 følgjarar på Twitter 200 følgarar på instagram Oppgåver Drifte profilane til Vest-Telemark.no Dagleg løfte fram og like dei som er gode på nett og sosiale medier. Følgje og like prosjekt, institusjonar og bedrifter på sosiale medier. Involvere brukarane i konkurransar, spørsmål etc. Vera aktiv og engasjerande. Halde seg oppdatert på utviklinga innan sosiale medier. NYHENDEBREV Ikkje alle er tilgjengelege eller held seg oppdatert gjennom sosiale medier. Det er difor viktig at ein tek omsyn til dette, og kjem i hug å informere og oppdatere også denne gruppa. NYHENDEBREV Mål Målretta kommunikasjon til enkeltpersonar, bedrifter, og organisasjonar. Folk som ikkje er på sosiale medier er oppdatert på aktiviteten i Vest- Telemark. Oppgåver Utsending av nyhendebrev annakvar veke Etablere lister over kontaktinformasjon, og rutiner for oppdatering av kontaktinformasjon. Halde kontaktlistene oppdatert SUKSESSFAKTORAR Kva er viktig for at ein når måla? Engasjement både politisk og administrativt. Vilje til satsing og ynskje om utvikling. Trua på Vest-Telemark som region. Rett kompetanse / rette folk i jobben. Rett tiltak God intern kommunikasjon og felles forståing. Godt arbeid i dei andre prosjekta i organisasjonen. Godt samarbeid med andre aktørar som Vest-Telemark Blad, dei ulike kommunane osv. Engasjement på lokalt plan. 10

23 KOMPETANSEKRAV Kva for kompetanse trengst? Journalistikk. Lokal og regional kunnskap. Kommunikasjons- og informasjonsfagleg kompetanse. Kompetanse på marknadsføring. Kompetanse på språk. ANSVAR OG OPPFØLGING Vest-Telemarkrådet er eigar og ansvarleg for portalen. Vest-Telemark Næringsutvikling driftar portalen i tråd med denne planen. Redaktøransvaret for vil liggje hjå den som vert ansvarleg for portalen og / eller regionrådsleiar. 11

24 Vest-Telemarkrådet Møte 27. november 2012 Sak 59/2012 Telemarksvingen prosjektforslag: Dokumentasjon og skisse til tiltak. Bakgrunn. Fylkeskommunen har ansvaret for fylkesvegane i Telemark, og står såleis også for prioriteringa av fylkesvegmidlane. I samband med den siste rulleringa av Fylkesvegplanen var alle kommunane/regionane invitert til å delta i prosessen omkring prioritering av desse. Etter intern semje vedtok fylkeskommunen mellom anna å prioritere Fv 355 Tjønnefoss- Krossli, Fv 38 Vrådal Dalen Åmot og Fv 37 Åmot Rauland som dei viktigaste fylkesvegane i vår region. Desse vegane, saman med strekningen Tjønnefoss - Vrådal på Rv 41, utgjer det vi kallar Telemarksvingen. Saken. Det ligg i denne saken føre eit forslag frå Børge Skårdal i VTNU om å gjere eit arbeid med å dokumentere kva funksjonar og nytte dei aktuelle fylkesvegane har for samfunnet, og gjere greie for aktuelle fysiske tiltak for å få betre og sikrare vegar. Tanken er at denne dokumentasjonen skal gje grunnlag felles prioritering i høve til Telemark fylkeskommune i prosessen med rullering av handlingsplanen for perioden Det blir peika på at det er naudsynt med politisk støtte og involvering for å nå fram, og at det sjølsagt er konkurranse om fylkesvegmidlane. Dokumentasjon. Skårdal ser for seg at noko av den naudsynte dokumentasjon korkje kan skaffast frå fylkeskommunen eller vegvesenet, og at det derfor kan vera aktuelt å engasjere annan fagkompetanse i tillegg. Aktuelle samarbeidsparter er: Statens Vegvesen, Telemark fylkeskommune, Vest- Telemarkrådet, Vest-Telemark Næringsforum og Vest-Telemark Næringsutvikling. På bakgrunn av dokumentasjonen vil ein kunne utarbeide konkrete forslag til til tiltak med konstnadsanslag og prioriteringar. Økonomisk ramme. Skårdal foreslår å sette ei øvre ramme på kr ,- til dette dokumentasjonsarbeidet finansiert gjennom tidlegare løyvde prosjektmidlar, og ber om tilslutning til dette frå Vest- Telemarkrådet.

25 2 Prioriteringa av Telemarksvingen dreg også med seg ei ny problemstilling: Standarden på dei øvrige fylkesvegane i regionen korleis handtere desse i høve til Telemarksvingen? Problemstillinga må sjåast i samband med forvaltningsreformen og overføring av auka ansvar til fylkeskommunane der Staten ikkje tok ansvar i høve til å overlevere dei nye fylkesvegane i god stand. Eit massivt etterslep over lang tid i Staten sitt eige har lagt eit dårleg grunnlag for fylkeskommunen når det gjeld å få telemarksvegane opp på normal standard. Telemark fylkeskommune har jamvel mått gå til låneopptak for å få utført naudsynt sikringsarbeid i tunellar. Etterslep og manglande midlar skaper eit dilemma i høve til korleis midlane skal prioriterast, og kompliserer tilhøvet mellom dei høgast prioriterte vegane (Telemarksvingen) og dei mindre trafikkerte fylkesvegane. Det er såleis naturleg å spørje seg om dei dårlegaste (og kanskje minst trafikkerte) vegane nokon gong vil nå opp i prioriteringane? Finst det nokon løysing som ivaretek begge delar? Svaret er nok at utan å få tilført meir midlar lar ikkje dette seg løyse. Ein mogleg strategi kan vera å få utført dokumentasjonsarbeid også i høve til dei øvrige fylkesvegane, og at denne dokumentasjonen (og den klåre forsøminga frå Staten), gjev eit sakleg grunnlag for tilføring av ekstraordinære løyvingar. (Det blir også vist til vedlagte høyringsuttale av 14. oktober 2009) Forslag til vedtak: Vest-Telemarkrådet sluttar seg til vurderingane som er gjort i vedlagte notat og gjev klårsignal til å gjennomføre det skisserte arbeidet innafor ei ramme på kr ,- av dei tidlegare løyvde midlane. Ein ber også om ei kartlegging av dei øvrige fylkesvegane i regionen som grunnlag for å få tilført ekstra statlege midlar for å gjenopprette ein viss minstestandard på dei dårlegaste vegane.

26

27

28

29

30

31

32 Telemark fylkeskommune Fylkeshuset 3706 Skien 14. oktober 2009 Høyringsuttale, forslag til handlingsprogram fylkesvegar i Telemark. Vi viser til brev av 20. august 2009 gjeldande forslag til handlingsprogram for fylkesvegane i Telemark. Av brevet går det fram at fylkeskommunen i samband med forvaltningsreformen skal overta 780 km av dagens øvrige riksvegnett i tillegg til dei eksisterande fylkesvegane. Som grunnlag for høyringa har Statens vegvesen utarbeidd forslag til handlingsprogram for eksisterande og nye fylkesvegar, og det ligg også føre eit utfordringsnotat gjeldande dei nye fylkesvegane. Tildelingane til drift og vedlikehald har i ei årrekkje lege langt under det aktuelle behovet slik at det i dag er eit akkumulert forfall på så vel nye som eksisterande fylkesvegar. Statens vegvesen peikar i tillegg på at dei økonomiske rammene ikkje ein gong er store nok til å bremse opp forfallet på desse vegane. Vest-Telemarkrådet har i møte 15. september 2009 drøfta den bekymringsfulle situasjonen omkring fylkesvegane. Rådet ser ut frå den aktuelle situasjonen ingen grunn til å gå nærare inn på dei enkelte prioriteringane, men vil streke under at det ikkje berre må vera årsdøgntrafikk og folketal som skal ligge til grunn for prioriteringane. Det er også av stor betydning å ha gode vegsamband mellom dei ulike kommunesentra i regionen slik at ein kan vidareutvikle Vest-Telemark som felles bu- og arbeidsmarknadsregion. Vest-Telemarkrådet gjorde fylgjande vedtak: Med utgangspunkt i forslaga til handlingsprogram for hhv. eksisterande og nye fylkesvegar vil Vest-Telemarkrådet ta initiativ ovanfor Telemark fylkeskommune og dei andre kommuneregionane i Telemark for å få auka rammer til drift og vedlikehald av fylkesvegane i Telemark. Rådet ynskjer at det blir halde eit innleiande møte mellom fylkeskommunen og dei 4 regionråda med tanke på tilslutning og nærare opplegg for ein prosess der målet er snarast å ta att etterslepet i vedlikehald og sikre tilstrekkelege økonomiske rammer i åra som kjem. På bakgrunn av vedtaket ber vi no Telemark fylkeskommune ta initiativ til eit innleiande møte med dei 4 regionråda i Telemark. Venleg helsing Vest-Telemarkrådet Olav Urbø (sign) Regionordførar Kjell Gunnar Heggenes Regionrådsleiar Kopi: Grenlandssamarbeidet, Kongsbergregionen, Midt-Telemarkrådet Telefon: Fax: E-post: vtr@vest-telemark.no Web: Bank: Adresse: Granlivegen 1A Veksthuset 3850 KVITESEID

33 Vest-Telemarkrådet Møte 27. november 2012 Sak 60/2012 Forslag til sakliste Vest-Telemarktinget 11. desember 2012 Forslag til sakliste Vest-Telemarktinget 11. desember ligg som vedlegg til saken. I tillegg til handsaming av budsjettsakene er det også sett opp sak om rapportering i høve til arbeidsprogrammet I møtet i Tinget 19. juni i år vart det rapportert på tradisjonelt vis med oppdatering av status for dei ulike tiltaka. I freistnad på å gje rapporteringa ei ny form gjer vi denne gongen framlegg om å rapportere noko meir inngåande i høve til ein eller 2 aktuelle saker for å få desse betre belyst og vonleg skape auka engasjement. I utgangspunktet foreslår vi at ein tildømes tar for seg saken omkring kommunikasjonsplan/profilering av Vest-Telemark og ber Eivind Kaasin og Silje Hegg om å stå for denne orienteringa. Ei aktuell sak er naturlegvis også lyntog-saken, der Arne Vinje vil kunne orientere Tinget om ei positiv utvikling i arbeidet med høgfartsbane, mellom anna etableringa av eit lyntogforum.

34 Vest-Telemarkrådet Møte 27. november 2012 Sak 60 Forslag til sakliste Vest-Telemarktinget 11. desember /2012 Opprop 14/2012 Godkjenning av innkalling og sakliste 15/2012 Val av 1 person til å skrive under protokollen i lag med regionordførar 16/2012 Forslag til budsjett 2013 Vest-Telemarkrådet 17/2012 Rapportering i høve til arbeidsprogram

35 Arbeidsprogram for Vest-Telemarkrådet VISJON: VEST-TELEMARK - EIN LEVANDE REGION Vest-Telemark skal vera ein levande region der opparbeidd identitet og kultur vert vidareført saman med innovasjon og nyskaping. Gjennom samhandling over kommunegrenser skal vi gjere regionen attraktiv for busetnad, arbeid og oppleving. Mål 1 Oppretthalde og auke folketalet og busetnaden i heile Vest-Telemark Tiltak: Auke dei unge si sjølvkjensle og tilknyting til distriktet, og stimulere til entreprenørskap Vidareføre arbeidet med utvikling av regionens attraksjonskraft og bulyst. Vidareutvikle Vest-Telemark som ein attraktiv arbeidsmarknadsregion. Stimulere til rekruttering av arbeidskraft Nytte samhandlingsreformen til å få best mogleg helsetilbod i regionen Etablere eit Vest-Telemark Ungdomsråd Mål 2 Sterk regional samkjensle og styrka Vest-Telemarkidentitet Tiltak: Stø opp om kulturtiltak som fremjar kjennskap, identitet og samhandling Vidareutvikle samhandling kring marknadsføringstiltak som fremjar kjennskap til regionens kultur og identitet. Legge til rette for godt regionalt samarbeid, herunder elektronisk kommunikasjon og informasjonsflyt Stimulere til utvikling av nye offensive informasjonsformer tilpassa prioriterte målgrupper. Mål 3 Vidareutvikling og nyetablering av verksemder i Vest-Telemark Tiltak: Vidareutvikle samhandling kring marknadsføringstiltak som fremjar kjennskap til regionens kultur og identitet. Leggje til rette for næringsutvikling med grunnlag i lokale ressursar Gjennomføre strategisk næringsplan og landbruksplanen for regionen Auke tilgangen på risikokapital og offentlege verkemiddel til regionen Styrke og utvikle nærings- og rådgjevingsapparatet i Vest-Telemark Tilrettelegging og utvikling av samhandlingstiltak og næringsklynger, med formål å styrke eksisterande næringsliv og stimulere til knoppskyting, nyetablering og innovasjon. Oppretthalde og utvikle kompetansemiljø i regionen. Mål 4 Sikre god infrastruktur i og gjennom Vest-Telemark Tiltak: Vidareutvikle felles strategiar for vegutbygging og skape alliansar for desse. Synleggjere regionens transport- og infrastrukturbehov gjennom faktaoppbygging og formidling. Arbeide for høgfartsbane over Haukeli Utvikling av regionens breibandsstruktur og mobilsamband.

36 Vest-Telemarkrådet Møte 27. november 2012 Sak 61/2012 Forslag til møtekalender 2013 for Vest-Telemarkrådet + arbeidsutvalet Tysdag 8. januar Arbeidsutvalet Tysdag 22. januar Rådsmøte Torsdag 7. februar Møte i Tinget /Vest-Telemarkkonferansen Quality Straand Hotel Tysdag 5. mars Arbeidsutvalet Tysdag 19. mars Rådsmøte Tysdag 7. mai Arbeidsutvalet Tysdag 21. mai Rådsmøte Tysdag 18. juni Møte i Tinget Tysdag 13. august Tysdag 27. august Arbeidsutvalet Rådsmøte Tysdag 1. oktober Tysdag 15. oktober Arbeidsutvalet Rådsmøte Tysdag 12. november Arbeidsutvalet Tysdag 26. november Rådsmøte Tysdag 10. desember Møte i Tinget