Trapkarre. AANGEBIED DEUR DIE Ingenieurstudenteraad. 18 September

Transkript

1 Trapkarre 2010 AANGEBIED DEUR DIE Ingenieurstudenteraad 18 September

2 Reëls & Regulasies 1. VOORWAARDES VIR DEELNAME Spanne moet ʼn inskrywingsvorm inhandig by die ISR kantoor tesame met hul registrasiefooi voor die einde van die derde kwartaal. Die vrywaringsvorm moet deur alle spanlede onderteken word. Op die dag voor die wedren moet spanne hulle trapkarre bring vir inspeksie. Die tyd en plek sal duidelik met die spanne gekommunikeer word. By die inspeksie word kuipe toegeken en trapkarre word ondersoek om seker te maak dat daar aan die spesifikasies voldoen word. Klem sal veral op veiligheid gelê word. Daar word sterk aanbeveel dat spanne vir hulself borge kry en tydens die wedren eenders aangetrek is (bv. T-hemde) om spangees te bevorder asook identifikasie te vergemaklik. Dit is egter glad nie verpligtend nie. Advertensie/borge word, behalwe op die karre self, op die deelnemers se klere asook in die kuipe toegelaat. Elke span word versoek om twee nie-deelnemende persone te verskaf: Een baanbeampte om vir die duur van die wedren toesig langs die baan te hou, skeidsregters te help en ongerymdhede te voorkom en een tydhouer om rondtes te help tel en tyd te hou. 2. SPANNE & INSKRYWINGS 2.1. Departementele inskrywings Daar is vyf departemente waaronder ingenieursstudente kan inskryf. Elke departement het ʼn dosent wat leiding neem asook ʼn verteenwoordiger waarmee alle belangstellendes (wat vir die departement wil jaag / help bou) kan kontak maak. Departementele spanne mag slegs uit dosente en studente van hul eie departement bestaan. Uitsonderings kan gemaak word vir ingenieursstudente/dosente wat die vorige jaar nog ingeskryf was by die betrokke departement.

3 2.2. Koshuis/PSO inskrywings Koshuise word sterk aangemoedig om deel te neem siende dat die kompetisie sterk loop met Nerina wat in 2009 die ander koshuise uitgestof het. Enige belangstellende student kan met sy/haar HK gaan praat oor hoe om betrokke te raak by jou koshuis se Trapkarspan. Koshuise is self verantwoordelik vir die bou van ʼn trapkar en mag eksterne organisasies of departemente nader om hulle te help. Koshuis/PSO spanne mag slegs bestaan uit hul eie inwoners/lede. Uitsonderings kan gemaak word vir inwoners/lede wat die vorige jaar nog ingeskryf was by die koshuis/pso van belang Privaat inskrywings Enige ander organisasies en fakulteite is welkom om in eie reg (onder hul eie naam, onafhanklik van ingenieursdepartemente of koshuise/pso s) in te skryf vir die wedren. Skool spanne of spanne van enige ander tersiêre opvoedkundige instansie kwalifiseer ook vir deelname onder hierdie kategorie Joint Ventures Indien daar nie genoeg belangstelling in ʼn departement/koshuis/pso is om ʼn volledige span in te skryf nie kan twee koshuise/pso s of twee departemente saam werk om een span in te skryf. Die voorwaarde is dat die betrokke departemente/koshuise/pso s nie ʼn tweede span mag inskryf nie.

4 3. TEGNIESE SPESIFIKASIES EN VEREISTES VIR TRAPKAR 3.1. Algemene Voorkoms, Struktuur & Bakwerk Ten minste 3 gewigdraende wiele word per trapkar vereis. (Driewiel karre is toelaatbaar) Bakwerk moet netjies en afgerond vertoon. Dit moet baie duidelik ʼn trapkar en nie ʼn fiets wees nie: Die neus moet volledig met panele bedek wees (nie net ʼn raamwerk nie) behalwe vir die nodige ruimtes vir stuurdoeleindes. ʼn Identifikasie nommer moet duidelik sigbaar wees. Enige staal-graad en aluminium bakwerk word aanbeveel: Hoë-koste materiale byvoorbeeld titanium en composites byvoorbeeld carbon fibre ens. is toelaatbaar, maar die trapkar moet steeds aan die minimum gewig vereiste voldoen. Die identifikasienommer wat later (na inskrywing) aan spanne uitgereik word moet duidelik op al vier kante van die trapkar aangebring word. Indien die onderskeie spanne hul borge op die kar wil vertoon, is hulle welkom. Hulle moet dit net so doen dat dit nie met die sigbaarheid van die nommers inmeng nie Afmetings Maksimum hoogte mm (tussen hoogste deel van sitplek en grond) Maksimum spoorwydte: mm (middel van een band tot by middel van ander band) Algehele maksimum wydte: mm Lengte:...Hou so kort moontlik vir draaie en hobbels! Maksimum wieldeursnee...510mm (Ekwivalent aan 20 -BMX wiele) Minimum neuslengte... Langer as verste punt van voorwiel! *LW karre wat nie aan die vereistes voldoen nie sal gepenaliseer word met baanrondtes, 1 baanrondte per 20mm oortreding.

5 3.3. Gewig Die minimum gewig is 27kg onafhanklik van materiale wat gebruik word. Tandem karre is toelaatbaar, minimum gewig vir sodanige kar van 36kg. Spanne wat as gevolg van hul kar se gewig benadeel word (veral spanne wat vir die eerste keer deelneem) kan meeding vir die prys van beste swaargewig kar. ʼn Span kan egter net eenkeer meeding vir hierdie prys. Die opeenvolgende jaar word die span outomaties opgeskyf na die ligter gewigsklas ongeag wat sy gewig is Aandrywing Geen meganiese/elektriese aandrywingsbron buiten pedale toegelaat. Ratte en soortgelyke spoedregulering word wel toegelaat Veiligheidsmeganismes & regulasies Valhelms is verpligtend vir alle deelnemers wanneer hulle die resiesbaan betree. Remme is verpligtend en moet vir die volle duur van die wedren op ten minste twee wiele doeltreffend funksioneer. Ligte en ʼn helderkleurige bakwerk (hoë sigbaarheid) word sterk aanbeveel. Enige uitsteeksels wat ʼn gevaar vir ander deelnemers of toeskouers mag inhou word verbied. ʼn Toeter word sterk aanbeveel. 4. WEDREN REËLS EN REGULASIES Die wegspring is van n stilstaande posisie sonder enige hulp van die kuipe-bemanning. Die hoof wedren is n 3 uur lange aflosresies tussen 5 bestuurders, maar daar sal ook ander items wees wat sal bydrae tot die aanwysing van ʼn algehele wenner. Die drie kuipe-bemanning mag help met die in- en uitklim van die bestuurders, solank die bestuurderwisseling binne die afgemerkte gebied plaasvind. Oortreders sal weereens met baanrondtes gepenaliseer word. Die inspeksie van die trapkarre sal op die dag voor die wedren plaasvind, maar die trapkarre sal voor en na die wedren ook geïnspekteer word.

6 Inskrywingsvorm NAAM VAN SPAN:... SPANVERBAND : DEPARTEMENTEEL KOSHUIS / PSO PRIVAAT SPESIFISEER KOSHUIS / PSO / DEPARTEMENT:... POSISIE NAAM & VAN E-POS ADRES KONTAK NOMMER Trapper 1 Trapper 2 Trapper 3 Trapper 4 Trapper 5 Kuipebemanningslid 1 Kuipebemanningslid 2 Kuipebemanningslid 3 Baanbeampte Tydhouer KAPTEIN:... VIR GEBRUIK OP DAG VAN RESIES: GEWIG VAN TRAPKAR:... AANTAL RONDTES VOLTOOI:... VINNIGSTE RONDTE:... PRYSE / TROFEE(S): ALGEHELE WENNER BESTE IN KATEGORIE VINNIGSTE RONDTE BESTE DAMESPAN BESTE SWAARGEWIG SPAN SPESIALE ERKENNING OPMERKINGS:

7 Vrywaringsvorm Ooreenkoms tot uitsluiting van aanspreeklikheid: Hiermee verklaar ek, die ondergetekende, dat ek aan die trapkarwedren sal deelneem op my eie risiko en dat ek nie die Universiteit van Stellenbosch of die Fakulteit Ingenieurswese of die Ingenieursfakulteit se Studenteraad (ISR) of die organiseerders sal aanspreeklik hou vir enige skade, hetsy aan my persoon of my eiendom, wat mag voortvloei uit my voorgenome deelname aan die geleentheid nie, hetsy toevallig of weens die moontlike nalatigheid van die organiseerders of enigiemand anders nie. Hoewel ek bewus is van die organiseerders se voorneme om alles in hul vermoë te doen om te verseker dat die wedren so veilig as moontlik plaasvind, kan hierdie wete van my op geen wyse geïnterpreteer word sodat dit aanspreeklikheid vir bogenoemde instansies inhou nie. Geteken op: Spanlid #1 (Trapper) Spanlid #6 (Kuipebemanning) Spanlid #2 (Trapper) Spanlid #7 (Kuipebemanning) Spanlid #3 (Trapper) Spanlid #8 (Kuipebemanning) Spanlid #4 (Trapper) Spanlid #9 (Baanbeampte) Spanlid #5 (Trapper) Spanlid #10 (Tydhouer) Verteenwoordiger van die organiseerders (Kantoorgebruik):