SAUDA KOMMUNE Møtebok

Transkript

1 SAUDA KOMMUNE Møtebok SAKSGANG Saksnr. Utvalg Møtedato 014/07 Kommunestyret Arkivkode Sakshandsamar Arkivsak C00 Nils Moldøenn 06/71 Prosjekt Kultur og Fritidspark - Sauda Kultur og Fritidspark Forslag til vedtak: Sauda kommune sluttar seg til tilrådingane i programdokumentet inkludert rådmannen sine vurderingar, og ber om at det vert invitert til arkitektkonkurranse og at det vert arbeidd vidare med finansieringa av prosjektet KOMMUNESTYRET Gruppelederne i Ap, SV, KrF, H og FrP fremmet følgende tilleggsforslag: Det skal engasjeres/ansettes en prosjektleder som skal styre prosjektet så lenge det er behov og så snart det er mulig, helst innen 01. august Finansiering av stillingen tas opp i revidert budsjett. Det skal være høg prioritet på framdrift. Tegninger skal foreligge innen utgangen av Navnekonkurranse lyses ut snarest. Det er ønskelig å unngå riving av boliger. KOM-014/07 VEDTAK: Sauda kommune sluttar seg til tilrådingane i programdokumentet inkludert rådmannen sine vurderingar, og ber om at det vert invitert til arkitektkonkurranse og at det vert arbeidd vidare med finansieringa av prosjektet. Det skal engasjeres/ansettes prosjektleder som skal styre prosjektet så lenge det er behov og så snart det er mulig, helst innen 01. august Finansiering av stillingen tas opp i revidert budsjett. Det skal være høg prioritet på framdrift. Tegninger skal foreligge innen utgangen av Navnekonkurranse lyses ut snarest. Det er ønskelig å unngå riving av boliger. Sauda, Nils Moldøen rådmann

2 Dokumentliste: Nr T Dok.dato Avsendar/Mottakar Tittel 1 U Representanter i arbeidsgruppene 2 U Representanter i arbeidsgruppene Invitasjon til informasjons- og oppstartmøte Sauda Kultur og Fritidspark Ny invitasjon til informasjons- og oppstartsmøte for Sauda Kultur og Fritidspark 3 U Medlemmer i arbeidsgruppen Møte vedrørende Folkets Hus framtid 4 U Medlemmer i arbeidsgruppa Innkalling møte Folkets Hus-gruppa. Oppsummering fellesmøte 5 U Representanter i arbeidsgruppen Oppsummering fra møte Folkets Hus U Arbeidsgruppen for Folkets Hus Søknad, vedlegg, kulturminnefondet Sauda 7 U Norsk Kulturminnefond Bilag til søknad til Kulturminnefondet. Det nye Folkets hus 8 U Rune Håndlykken Godkjenning av oppdrag sopm rådgjevar Sauda Kultur og Fritidspark 9 U Forbundssekretær Morten Berntsen Overføring av reiseutgifter møte Folkets Hus 10 I Norsk Kulturminnefond Kopi av brev til Sauda Fabrikkarbeiderforening vedr. vedtak, tildelinger fra Norsk Kulturminnefond i 6.søknadsrunde 12 U Kulturavdelingen Rogaland fylkeskommune Anmodning om støtte til ny brannteknisk gjennomgang av Folkets Hus 11 I Norsk Kulturminnefond Kopi av brev til Ståle Bjørnsen vedr. vedtak, tildeling fra Norsk Kulturminnefond i 6. søknadsrunde 13 U Medlemmer i prosjektgruppa Prosessen videre. SKFP 14 I Kon-Sul Stadfesting av oppdrag 15 U Kon-Sul Stadfesting av oppdrag 16 U Gruppemedlemmer m.fl. Sauda kultur og fritidspark. Fellesmøte for alle gruppene. 17 U Riksantikvaren v/ Einar Karlsen Folkets Hus Sauda. Branntekniske tiltak ut fra antikvariske verdier 18 U Deltakerne i arbeidsgruppene i Folkemøte om Sauda kultur- og fritidspark SKFP-prosjektet 19 U Innbyggerane i Sauda Sauda kultur- og fritidspark- vegen vidare 20 I Kåre Bjarte Bjelland Prosjektgruppa v/ Leiv Arild Berg Sauda kultur- og fritidspark, programdokument 22 U Frelsesarmèens Eiendommer AS; Rosemary Eunice Søyland; Dag Ole Hjertenes; Vegard Ringhagen; Sauda Turnforening Informasjon om Sauda Kultur- og Fritidspark. 23 I Rosemary E. Søyland Vedr: Sauda kultur- og fritidspark 24 U Rådmannen Prosjekt Kultur og Fritidspark - Sauda Kultur og Fritidspark Sauda nr 1 på fritid! Sauda har hatt ei negativ folketalsutvikling sidan 1990-talet, og har forklart dette med tilbakegangen i industrisysselsettinga, særleg på Smelteverket. Tiltaka for å demma opp mot dette har vore entreprenørskap, skaffa og utvikla nye arbeidsplassar og knoppskyting nær

3 eksisterande. I denne perioden vart visjonen Sauda nr 1 på fritid utvikla der reiselivet vart eit satsingsområde for vekst og utvikling. I dag er problemstillingane langt på veg snudd. Næringslivet er inne i ein eventyrleg høgkonjunktur, der kampen om nye arbeidsplassar er avløyst av kampen om arbeidskrafta. I dag er det vanskeleg å få utført alle oppgåvene fordi det er mangel på folk til å utføra dei. Det som er som før er den negative folketalsutviklinga. Det er ei felles oppfatning i Sauda at skal me vera med i konkurransen om arbeidskrafta i tillegg til å vera attraktive som reisemål, må Sauda leva opp til visjonen Nr 1 på fritid. Det inneber ei strategisk satsing på kultur inkludert gode, moderne møtestader for aktivitet og kreativitet. At innbyggjarane, næringslivet og kommunen står saman om dette, kjem ikkje minst til uttrykk ved dei mange viljeserklæringane som er komne om at dette skal me få realisert! Vurdering: I Økonomiplanen for 2006 gav Sauda kommunestyre rådmannen i oppgåve å utarbeida planar for Sauda kultur- og fritidspark. 7. januar 2007 vart desse planane lagt fram i det som er kalla Programdokumentet. Dette dokumentet er sendt ut til kommunestyrerepresentantane og er ein del av sakspapira til denne saka. Programdokumentet tek opp så og seia alle relevante sider ved prosjektet. I rådmannen sine saksdokument vil me difor berre gå inn på ein del av hovudtema i programdokumentet, samt drøfta nærare problemstillingar knytt til aktivitetane som er tenkt lagt til huset, økonomiske vilkår og konsekvensar, og kommentera ein del spørsmål som ikkje har vore særleg framme i ordskiftet så langt. Forslag til vedtak er meint å peika på vegen vidare for prosjektet. Overordna mål I forslaget til kommuneplan for perioden er følgjande formulering teke inn som eitt av tre overordna mål for Sauda kommune: Skapa eit unikt og utviklande kultur-, idretts og aktivitetstilbod rotfesta i lokal identitet og kulturarv Dette er ei sterkt forpliktande formulering som ikkje berre signaliserer politisk vilje til å realisera visjonen om eit nytt kulturbygg, men som òg har ambisjonar om å fylla bygget og området rundt med aktivitetar prega av kvalitet og mangfald. Ei slik formulering signaliserer ei kultursatsing som står fast uavhengig av konjunkturane i kommuneøkonomien, og som sjølvsagt må forankrast like tungt i det frivillige kulturarbeidet, i næringslivet som i kommunen. Rådmannen meiner det er viktig å ha klart for seg at prosessen med å gjennomføra denne storsatsinga, må ha eit parallelt løp gjennom å utvikla ein kulturplan for Sauda som gjer det mogeleg å realisera dette overordna målet for Sauda. Etter vårt syn er det viktig at ikkje dette arbeidet vert undervurdert. Omfang Programdokumentet inkluderer kunstgrasbana i prosjektet og opererer med 3 byggjesteg. Rådmannen meiner det er unaturleg å trekkja inn kunstgrasbana, sidan dette i utgangspunktet ser ut til å vera fullfinansiert. Rådmannen ønskjer i utgangspunktet å sjå på prosjektet som eitt byggjesteg. Dersom dei økonomiske realitetane skulle tilseia ei oppdeling, er det fullt mogeleg å vurdera ei tenleg

4 oppdeling seinare. Men på dette tidspunktet kan ikkje me sjå nokon grunn til å operera med fleire byggjesteg. Kva skal bygget innehalda? Rådmannen sluttar seg i hovudsak til vurderingane i programdokumentet over kva funksjonar som bør leggjast til bygget. Me vil likevel trekkja fram eit par spørsmålsstillingar som etter vår meining har vore lite kommentert. Kino Me har ein vakker og stilfull kinosal i rådhuset. Det vil vera ei stor utfordring å kunna nytta denne salen til noko anna enn kino. Å byggja han om til anna bruk vil nok òg føra til sterke protestar. Det vert òg hevda at denne salen er ueigna for digital kino som om få år er ein føresetnad for ein moderne kino. Rådmannen er samd i at det er eit overordna mål å få samla flest mogeleg aktivitetar til det nye bygget. Men me heller likevel til at ny kinosal kanskje er det første større elementet som vert teke ut or romprogrammet om økonomien skulle krevja det. Utebasseng Det er vanskeleg for rådmannen å tenkja seg aktivitetstilbod rotfesta i lokal identitet utan å ha med utebassenget. Det eksisterande utebassenget syng på siste verset. Det er ikkje urealistisk å hevda at det kan måtta stengast på det tidspunktet Kultur- og fritidsparken kan opnast. Etter vårt syn vil utebasseng i ei eller anna form vera eit av hovudelementa i prosjektet. Kafé/Restaurantdrift Slik rådmannen ser det bør det leggjast til rette for restaurantdrift. Slik lokalitetane er bør det etter vårt syn liggja godt til rette for både inne- og uteservering. Dette stiller sjølvsagt krav til utforming av bygget slik at eventuelle konfliktar mellom dei alkoholfrie idretts- og fritidsaktivitetane og restaurantdrifta vert hindra. Det er avgjerande viktig at dette vert løyst på ein god måte i den vidare planlegginga. Folkets Hus Folkets Hus er eigd av Sauda Fabrikkarbeiderforening som har eit prosjekt gåande for å få huset varig verna som kulturminne. Etter rådmannen si vurdering er det ein styrke for vernesaka at kommunen inkluderer Folkets Hus i vårt prosjekt. Lukkast ein i dette arbeidet er 0,5 mill. kr frå Sauda kommune si side ikkje noko stor bør å bera med tanke på resultatet. Lukkast ein ikkje med verneprosjektet, bør tilskotet på nytt drøftast i kommunestyret. Kundetorg For å ha råd til å ta hand om så store investeringar som dette, er det avgjerande viktig å få til ei drift som inneber effektivisering. Det er difor interessant å få vurdert effekten av å leggja kundetorget eller delar av kundetorget til biblioteket. Etter mitt syn må dette takast med i det vidare arbeidet. Torg I programdokumentet er nemninga torg brukt om ein del av uteareala mot coopbygget og Folkets Hus. Me ønskjer å få gjort ei vurdering av om dette arealet skal vera torget i Sauda i framtida, med dei fasilitetane det vil krevja. Namn Sauda kultur- og fritidspark er etter rådmannen si meining, ikkje eit fullgodt namn for ein så sentral institusjon. Det er langt og krevjande å uttala, og om ein kortar det til

5 SKFP vert det ikkje stort betre. Det er òg diskutabelt om park er ei særleg presis nemning. Slik me ser det er kulturhus ein meir treffande karakteristikk enn park. Namnet på huset er ikkje eit hovudspørsmål, men kan vera ein viktig detalj. Me bør finna ein god måte å koma fram til eit godt og funksjonelt namn. Tomta Det er og har vore ein føresetnad at dette prosjektet skal realiserast som ei ombygging og utviding av Saudahallen. I programdokumentet og i dei presentasjonane som er gjort i lokalsamfunnet, er det grøntareala mot elva som er peika på som dei kanskje mest aktuelle areala. Rådmannen ser at dette fort kan verta problematisk. For det første vil det redusera park-elementet i prosjektet monaleg store grøntareal forsvinn. Dinest er dette ei flaumelv som truleg fører til bygningstekniske avgrensingar. Rådmannen meiner difor det er nødvendig å inkludera dei 4 husa i Skulegata (frå Frelsesarmeen og nordover) samt Turnhallen som ein del av eit mogleg byggeareal (sjå vedlagt situasjonskart som viser grensene for byggearealet). Kva dette vil kosta er uklart. Grunneigarane er informert i eige brev om at dette arealet er nemnd i saka. Finansiering Skal ei slik storsatsing realiserast må me få til eit spleiselag. I det legg me at prosjektet må vera finansiert med midlar både frå næringslivet, staten og kommunen. Det er å merkja seg at programdokumentet gjev eit grovt overslag der marginane ikkje er dokumenterte i sakspapira. Det er først etter arkitektkonkurranse og påfølgjande prosjektering at me kan gje eit rimeleg godt bileta av kva me får for pengane. Samstundes vil storleiken på næringslivet sitt bidrag verka direkte inn på potensialet Sjølv med eit spleiselag, vil kommunen måtta ta hovudansvaret for prosjektet, og det er difor viktig å få vurdert konsekvensane satsinga vil få for drifta i kommunen. Følgjande kan vera eitt scenario: Gåver: 20 mill. kr Spelemidlar: 20 mill. kr Kommunen 60 mill. kr Mva-kompensasjon 25 mill. kr Sum 125 mill. kr. Dersom kommunen så nyttar 20 mill. frå fondsmidlar og låner 40 mill. kr, vil det auka dei årlege utgiftene våre med om lag 5 mill. i starten (serielån 30 år med 6% rente). Dette kjem i tillegg til dei om lag 5 mill. kr som går til finansiering av Torsvegen og Fløgstad skule. 10 mill. i auka årlege driftskostnader vil få konsekvensar for korleis me prioriterer, og vil krevja ein tydeleg vilje både blant politikarar og i samfunnet elles, til å nekta seg andre godar fordi det er nettopp Kultur- og fritidspark me satsar på i Sauda. Det er altså ikkje noko forsøk på å presentera ein finansieringsplan, men gje ein del tal som grunnlag for refleksjon rundt handlingsrommet til kommunestyret. Det er viktig at både innbyggjarar og politikarar tek inn over seg at prioritering av Kultur- og fritidsparken, betyr nedprioritering av andre saker, og me må innretta forventningane våre deretter. Det er likevel ingen veg utanom at næringslivet tek eit stort ansvar for prosjektet. Tiltrua til analysen om at Kultur- og fritidsparken er eit avgjerande element i kampen om arbeidskrafta, må visast i talet på investerte millionar frå det lokale næringslivet. Etter rådmannen si vurdering burde det vera eit realistisk mål å få næringslivet i Sauda til å bidra med 25 millionar kroner.

6 Drift av bygget Det er vanskeleg i dag å vera konkret om drifta av eit slikt bygg. Men det er ein klår føresetnad for prosjektet at det skal utformast slik at effektiviteten er høg og at dei som skal arbeida i bygget får eit større spekter av oppgåver enn i dag. Det vil innebera at det vert lagt ein heil ny mannskapskabal som er tilpassa bygget ikkje korleis oppgåvene vert skjøtta i dag. Når alle aktivitetar vert samla her vil det føra til lågare kostnader til husleige og stram andre stader, t.d. ungdomskaféen. Framdrift Ønskjer kommunestyret å gå vidare med prosjektet no, er det rådmannen si vurdering at tida er inne for å invitera til arkitektkonkurranse. Bakgrunnen for oppdraget vil vera programdokumentet og vedtak/sakspapira frå kommunestyret. Arbeidet med konkurransen er i gang, og utlysing bør kunna gå ut før 1. mai Parallelt med arkitektkonkurransen må det arbeidast vidare med forpliktande avtalar med enkeltverksemder og næringslivet generelt med tanke på å få realisert den finansieringa som trengst. På vilkår av at me lukkast med dette, er rådmannen innstilt på å leggja saka fram for kommunestyret til realitetshandsaming i Bygging kan såleis skje i Lukkast me ikkje i første omgang å få forsvarlege finansieringsavtalar på plass innan desse fristane, er rådmannen innstilt på å la kommunestyret drøfta og ta stilling til ei revurdering av prosjektet, eventuelt rundar med nye prosessar. Å realisera visjonen om Sauda kultur- og fritidspark vil krevja mykje av alle i Sauda. Utan at heile lokalsamfunnet legg skuldra til og finn måtar å bidra på, vil me ikkje lukkast. Det vil krevja dristige politikarar, det krev innbyggjarar som aksepterer at dette skal prioriterast, og det krev eit næringsliv som viser at dei trur på sine eigne analyser om at ei slik satsing er ein føresetnad for å kunna ta opp kampen om arbeidskrafta i åra framfor oss. Denne felles forståinga må resultera i millioninvesteringar, om me skal lukkast. Vedlegg: Dok.dato Tittel Dok.ID situasjonskart.pdf Programdokument, Sauda kultur- og fritidspark Situasjonskart for området.