Innhenting av tilbod på analyse- og planarbeid til Interkommunal plan for Fensfjorden

Transkript

1 Arealplan Besøksadresse: Telefon: Telefaks Postadr.: Kvernhusmyrane 20, 5914 Isdalstø E-post: Heimeside: Kartside: Org.nr: Bank: Doffin.no Dykkar ref. Sakshandsamar: Christian Hagerup Reinshol Vår ref. 2010/ /2011 Telefon Arkivkode: Dato: L Innhenting av tilbod på analyse- og planarbeid til Interkommunal plan for Fensfjorden Dykkar firma vert med dette invitert til å gje pristilbod på følgjande arbeid: Utarbeiding av interkommunal plan for Fensfjorden, med status som kommunedelplan. Planen skal utarbeidast etter plan- og bygningslova kapittel 9 og 11. Arbeidet vil blant anna omfatte utarbeiding av plankart med planskildring, analysearbeid, konsekvensutgreiing, ROS-analyse og fastsette samhandlingsreglar mellom ulike forvaltningsnivå for beredskap innanfor planområdet. Føresegner for planen vert utarbeidd av kommunane. Bakgrunn for arbeidet Det vert vist til forslag til planprogram vedteke av styret Fensfjorden er delt mellom kommunane Lindås, Austrheim, Masfjorden og Gulen. Innseglinga er ved Fedje. Forvaltinga av Fensfjorden er såleis også delt mellom to fylke. Det er nødvendig at arealbruken og beredskapen i desse sjøområda vert drøfta mellom desse kommunane og dei to fylka. På bakgrunn av dette vart det hausten 2009 arrangert eit møte der kommunane og aktuelle regionale organ deltok. Ein av konklusjonane frå dette møtet var at dei fem kommunane burde gå saman om å vurdere behovet for ein interkommunal plan for Fensfjorden, der felles utfordringar vert drøfta og utgreidd. Dei fem kommunane gjorde våren 2010 vedtak om at dei vil arbeide for ein interkommunal plan. Målet med planarbeidet er mellom anna å gjere kommunane betre rusta for å møte eventuelle uføresette hendingar og avklare ansvaret til andre styresmakter, samt å avklare viktig sjørelatert arealbruk i Fensfjorden på tvers av kommunegrenser og fylkesgrenser. Planen kan difor få karakter av å vera ein forhandlingsplan mellom kommunane og fylka når det gjeld bruken av planområdet. Utfordringar og problemstillingane i prosjektet omfattar beredskap, ureining, arealbruk, samferdsel, infrastruktur, natur- og landskapsverdiar. Det vert elles vist til utkast til planprogram vedteke av styret for utfyllande detaljar. Kostnadsramme for oppdraget Kostnadsramma for kommunane for dette prosjektet er på totalt kr ,- u/mva. Tilbod skal halde seg innanfor denne kostnadsramma og spesifisere kva som kan leverast innanfor denne ramma.

2 Konkurransen er utlyst i DOFFIN den 24. mai 2011 ( Konkurransen er også annonsert på Lindås kommune si heimeside Konkurransedokumenta er tilgjengeleg på Alle spørsmål knytt til oppdraget skal framsetjast skriftleg, og vil bli svart på gjennom Avsendar vil bli anonymisert. Definering av oppgåva Det vert vist til forslag til planprogram vedteke av styret Planarbeidet vil omfatte utarbeiding av plankart med planskildring og føresegner. Plankartet skal vise ulike arealføremål, til dømes: 1. Arealbruk på land og i sjø a. Industriområde på Mongstad og Sløvåg b. Andre industriområde med tilknyting til sjø c. Kaiområde d. Ventebøyer e. Større reiselivsanlegg f. Akvakultur g. Bruksområde i sjø h. Eventuelle andre større tiltak, som vindkraft, etc. 2. Samferdsel og infrastruktur a. Farleier og ferdselsårer i sjø b. Vegsamband på land og sjø c. Eventuelle oppankringsplassar for skip, riggar, etc. d. Kraftliner og røyrleidningar 3. Natur- og landskapsverdiar a. Sjøfuglreservat b. Viktige område for friluftsliv c. Eventuelle andre sårbare område på land og sjø 4. Beredskapsområde og depot a. Områder som ligg under privat beredskapsansvar b. Depot for beredskapsutstyr som oljevern og liknande c. Fareområde og liknande i sjø og på land (omsynssoner) Plankartet skal i hovudsak konsentrere seg om arealbruk i sjø, og relatert arealbruk på land skal takast med i planen. Det er viktig at løysingar knytt til arealbruk på sjø kjem tydeleg fram i plankartet og er koordinert på ein slik måte at interessekonfliktar vert avklart som følgje av arealdisponeringa. Planskildringa skal blant anna drøfte behovet for og eventuelt setje av lokalitetar for regionale (større) reiselivsanlegg, akvakulturanlegg, næringsareal og vindkraftverk. Elles skal plankart, planskildring og føresegner utarbeidast i medhald av plan- og bygningslova kapittel 11, jf. kapittel 9 som interkommunal plan. Analysearbeidet vil omfatte blant anna konsekvensutgreiing (KU) og risiko- og sårbaranalyse (ROS). Planprogrammet gir ei skildring av tema for KU. ROS-analysen vil i stor grad leggje grunnlaget for å analysere beredskapen i området knytt opp mot arealbruken. Avklaring av ansvarstilhøve mellom dei ulike organa, statlege syresmakter og privat beredskap vil vere ein viktig del av dette arbeidet. Kommunane ynskjer ein felles plattform for korleis ein handterer beredskapsomsyn, og krava som ligg i lovverket og beredskapsplanane. Samhandlingsreglar for offentlege og private beredskapsaktørar sine ansvarstilhøve skal utarbeidast som del av planarbeidet. 2010/ / av 5

3 Milepælar for planarbeidet Milepæl 1: - Samanstilling og synleggjering av eksisterande fylkesplanar, kommuneplanar/- delplanar og reguleringsplanar innanfor planområdet. - Kartlegging av noverande og framtidig ønska arealbruk i planområdet, jf. innspel og planar under utarbeiding innanfor planområdet. - Kartlegging av potensielle kjelder for utslepp til planområdet. - Samanstilling og synleggjering av gjeldande beredskapseiningar og deponi innanfor planområdet. Milepæl 2: - Utarbeiding av utkast til plankart med skildring av arealbruken, beredskap, etc. - Utkast ROS-analyse og KU. - Vurdering av innspel til planarbeidet. - Utkast til samhandlingsreglar for beredskap i planområdet. Milepæl 3: - Endeleg framlegg av plankart med arealbruk i sjø og på land, med planskildring. - Endeleg framlegg KU og ROS-analyse. - Endeleg framlegg til samhandlingsreglar for beredskap i planområdet. Det skal utarbeidast ein framdriftsplan som viser forventa tidsbruk og datoar for når dei forskjellige milepælane vert gjennomført. Det er høve til å kome med alternative forslag til framdrift, om tilbydar meiner det er betre framdriftsalternativ. Sjå elles framdriftsplan i framlegget til planprogram. Justeringar av planframlegget må påreknast undervegs, jf. høyring med merknadar, innspel, etc. Dette gjeld for heile prosessen fram mot milepæl 3. Møter og deltaking Det vert lagt opp til deltaking på minimum følgjande møte: - 2 møte i referansegruppa (haust 2011 og vinter/vår 2012) - 4 undervegsmøte med arbeidsgruppa i samband med dei ulike milepælane - 3 møte med styret - Opptil 2 ekstra undervegsmøte med prosjektadministrasjonen skal leggast inn i tilbodet - 1 folkemøte på kvar side av Fensfjorden (2 møter totalt) Møtestad går på rundgang i deltakarkommunane, og dette må bli teke høgd for i pristilbodet. Det må gå fram av tilbodet kor mange møte ein kan forvente frå tilbydar og kva deltaking denne legg opp til i prosjektet. Framdrift Frist for levering av tilbod: 3 veker (Frist: 27. juni 2011). Frist for levering av rapport: Avtalast etter tildeling. Tidspunkt for deltaking i møte etter nærare avtale. Materiale som skal leverast Alt utarbeidd materiale skal leggjast fram for oppdragsgjevar på digital form: - Tekst på Word-format og ferdig materiale på pdf-format - Bilde og skisser på jpg-format eller som pdf-filer - Samla planframlegg på pdf-format - I tillegg skal det leverast 10 sett papirkopiar av alt ferdig materiale, kart i A2- format. - Alt skriftleg materiale skal vere på nynorsk. - Digitalt plankart skal føreligge i godkjent SOSI-format, versjon / / av 5

4 Krav til tilbodet Tilbodet skal innehalde: - Spesifisert overslag over tidsbruk knytt til dei ulike milepælane i framdriftsplanen. - Spesifisert overslag over tidsbruk knytt til møte. - Honorarramme med oppgåve over medarbeidarar i prosjektet og deira timesatsar. Det skal gå fram at oppgjevne timesatsar også vert gjort gjeldande ved eventuelle avtalte tilleggsarbeid på prosjektet. - Alle eigne utgifter som reiseutgifter og kopieringsutgifter skal prissetjast som ein del av honorarramma. - Kortfatta firmapresentasjon, CV og oversikt over referanseprosjekt, eventuelt underleverandørar med CV og referansar. - Oversikt over kven som skal delta frå tilbydar på prosjektet, kven som er prosjektleiar og CV og referansar for desse. Det må gå fram av tilbodet kven som skal ha nøkkelfunksjon i prosjektet. - Oversikt over firmaet sin kapasitet og evne til å levere i perioden juli 2011 juni Tilbodet skal skildre kva ytingar føretaket kan levere i samband med prosesstyring, dialog med prosjektdeltakarar og i samband med dei ulike milepælane innanfor honorarramma for prosjektet. - Materiale som skal presenterast i møte skal ligge føre minimum 1 veke før møtet for kvalitetssikring i prosjektadministrasjonen. Føresetnader Kostnader Kostnader som ikkje er innkalkulert i andre postar skal takast med som eigen post i tilbodet. Kopieringsutgifter utover det som er skildra i leveransen, men som vert rekvirert av oppdragsgjevar, vert betalt etter rekning. Tilleggsarbeid Eventuelle tilleggsarbeid vert ikkje honorert utan at det ligg føre skriftleg avtale om dette. Utført arbeid utan slik avtale vert ikkje akseptert som tilleggsarbeid. Møter/synfaringar Tilbodet skal inkludere minimum 13 møte i forskjellege organ. Kommunen skriv referat frå møta og sender desse snarast til møtedeltakarane og andre. Konsulenten skal gje fast pris for møte og reiser. Kommunane tek seg av innkalling til møte. Fakturering Faktura skal sendast for kvar månad og omfatta alle kostnader så langt. Saman med alle fakturaer skal det leggast ved statusrapport som viser framdrift og tidlegare utbetalingar. Kontrakt Konsulenten skal presentere framlegg til kontrakt i word-format etter Norsk Standard NS 8402, for godkjenning av kommunen. Skriftleg kontrakt i 2 eksemplar skal sendast til Lindås kommune for underskriving etter godkjenning. Eitt eksemplar vil etter godkjenning verta returnert i underskriven stand. Tidsfristar Prosjektet skal gjennomførast etter eit detaljert arbeidsprogram og tidsplan for oppdraget. Konsulenten må presisere korleis tilbodet vert oppfatta. Kontrakten skal innehalde dagmulkt. 2010/ / av 5

5 Skatt, mva og HMT Norske leverandørar skal framleggje skatteattest for skatt og meirverdiavgift, utstedt av kemner/kommunekasserar/skattefogden der leverandøren har sitt hovudkontor. Skatteattesten skal ikkje vere eldre enn 6 månader frå utløp av tilbodsfristen. Leverandørar som skal utføre arbeid i Noreg må oppfylle dei krav som vert sett til helse, miljø og tryggleik som til ei kvar tid er fastsett av norske styresmakter. Attesten må ikkje vere eldre enn 6 månader. HMT-eigenerklæring er gyldig dokumentasjon. Vurderingskriterium for engasjement av føretak Ved vurdering av innkomne tilbod vil det bli lagt vekt på: - Kompetanse (40 %) - Yting og leveranse innanfor honorarramma (40 %) - Kapasitet og leveringstryggleik (20 %) Det vil bli lagt vekt på kva deltaking føretaket kan levere gjennom planprosessen, og leveranse innanfor ramma på kr ,-. Følgjande underkriterium vil verte vektlagt i vurderinga av tilbodet: Referanseprosjekt, erfaring med ny plan- og bygningslov (2008), kompetanse hjå firma og prosjektdeltakarar, tal på møte og prosjektdeltakarar, talet leverte arbeidstimar i prosjektet, leveranse av analysearbeid og samhandlingsreglar, kapasitet, framdriftsplan og leveringstryggleik. Tilbod må vere kome fram innan 27. juni 2011 kl til: Lindås kommune v/ Areal- og miljø, Kvernhusmyrane 20, 5914 Isdalstø. Tilbodet skal leverast i lukka konvolutt, og konvolutten må merkast tydeleg med: Tilbod på planarbeid Interkommunal plan for Fensfjorden. Ta gjerne kontakt med underteikna og prosjektleiar dersom de har spørsmål: rådgjevar Christian Reinshol epost: christian.reinshol@lindas.kommune.no og prosjektleiar Vigleik Stusdal, epost: vigleik.stusdal@lindas.kommune.no. All kontakt må skje skriftleg per e-post. Det vert ikkje tilgjenge til å oververe tilbodsopninga. Svar om tildelt oppdrag vil bli sendt til alle deltakarar. Vedståingsfrist er 90 dagar frå tilbodsfristen er ute. Med helsing Vigleik Stusdal Prosjektleiar Christian Hagerup Reinshol rådgjevar Vedlegg 1: Framlegg til planprogram for Interkommunal plan for Fensfjorden 2010/ / av 5