TRE FJORDAR. Rekeselskap på Nordfjordhytta mai. Sesongavslutning i Ringen 13. juni. Ringen på tur til Ytre Sunnfjord og Sogn i september

Transkript

1 TRE FJORDAR LAGSBLAD FOR: SOGN OG FJORDANELAGET NORDAHL BRUNS GATE 22, 0165 OSLO I OSLO NR ÅRGANG 32 FOTO: Dagfinn Aa Rekeselskap på Nordfjordhytta mai FOTO: Kari Midtgård Råsberg Sesongavslutning i Ringen 13. juni Ringen på tur til Ytre Sunnfjord og Sogn i september

2 Leiaren ein sommar med mykje på plakaten FOTO frå nettet (Volda i bakgr.) Gode medlemmar! Som årsmøtereferatet på sidene 4-6 syner; er laget vårt framleis bra aktivt. Laget ønskjer vel møtt til rekelag på Nordfjordhytta siste helga no i mai, og til hausten har vi planlagt osteselskap på den hytta og smalahoveeting på Pustut (Sunnfjordhytta). Vi har også avtala med Austreim musikklag frå Gloppen at dei kjem alle på den 90. klubbefesten laurdag 4. november. Då har vi også fått historikar og forfattar Jon Tvinnereim, som også har vore rektor ved Høgskulen i Volda og mangt anna, til å kome og halde kåseri/tale på festen. (Sjå biletet). Og vi skal markere at det er 30 år sidan vi slo saman dei tre laga. Fleire opplysingar kjem etter kvart. Ringen har planlagt tur til Ytre Sunnfjord og Ytre Sogn (Førde/Fjaler og Gulen og Solund) fyrste helga i september, 1. 4., sjå side 7 om det. Påmelding hastar! Elles kunngjer vi i denne avisa andre tilskipingar i heimefylket, som Gamalostfestivalen i Vik og Førdefestivalen. Hygg dykk med alt eller noko av dette, og ha ein god sommar! Agnar Kvellestad (leiar) Sesongavslutning i Ringen 13. juni Sogn og Fjordaneringen rundar av vinter- og vårsemesteret med ei triveleg avslutning tysdag 13. juni kl i Halli i Nordahl Bruns gate 22. Det vert litt underhaldning, kaffi og kaker, song, dans og leik av ymse slag og takk for i vår! Også gamle medlemmer og andre lagsfolk er hjarteleg velkomne! 2

3 Rekeselskap på Nordfjordhytta mai (til helga) Vi inviterer til hyttehelg med god mat og drikke og prat. Ta med reker og høveleg drikke til festmåltid laurdagskvelden. Ta også med litt frukostmat til lang, felles frukost søndag. Helsing Astrid Gjørven og Dagfinn Aa Biletet syner god stemning og godt lag rundt rekebordet i fjor. FOTO: Dagfinn Aa Bilete frå Nordfjordhytta? Underteikna er i gong med eit albumprosjekt med foto frå Nordfjordhytta. Prosjektet starta eigentleg til 50-årsjubileet for hytta i 2010, men har lege brakk etter det. No er tiltaket kome vesentleg lenger, hovudsakleg med eigne bilete. Det hadde vore fint å få med bilete som også andre har tatt, og aller helst frå perioden Eg ønskjer difor tilbakemelding frå folk som har bilete frå Nordfjordhytta. Alt er av interesse, og alle typar bilete (papir, lysbilete eller digitalt). Jon Aarekol, spelemann og i si tid rettleiar i Ringen, svir smalahove på Nordfjordhytta i 1994, saman med dottera Kari. Dagfinn Aa Epost: aa12@online.no Mobil: FOTO: Dagfinn Aa BRUK HYTTENE I SOMMAR: Me oppmodar medlemmene til å leige hyttene i sommar, det er svært rimeleg og fin ferie, det! Sjå kontaktlista på baksida av bladet. 3

4 Protokoll frå årsmøtet i Sogn og Fjordanelaget i Oslo 16. februar 2017 kl i Nordahl Bruns gt. 22, Oslo 10 medlemmer møtte. Sak 1: Opning, godkjenning av innkalling, val av ordstyrar, referent og protokollvitne Agnar Kvellestad ynskte vel møtt. Innkallinga vart samrøystes godkjend. Konstituering: Ordstyrar: Agnar Hegrenes Referent: Jofrid Holter Protokollvitne: Dagfinn Aa og Oddbjørn Havn Vedtak: Alle vart valde ved akklamasjon. Sak 2: Godkjenning av saklista Vedtak: Saklista vart godkjend utan merknader. Sak 3: Årsmelding for 2016 Agnar Kvellestad gjekk gjennom meldinga. Medlemmer: Medlemstalet har gått opp frå 72 til 74 medlemmer. Klubbefesten var vellukka, med underhalding av Gunnar Garfors og musikk av Indre Sunnfjord Spelemannslag. Presse- og PR-nemnda: Lagsavisa Tre Fjordar kom ut med 6 nummer. Ca. 15 personar får avisa i posten, resten får avisa som vedlegg til e-post. Det vart stilt spørsmål om leigerettane til tre studenthyblar. Styret vart bede om å undersøke dette. Det kom òg spørsmål om driftsavtala for Bygdelagshuset. Det vart opplyst at det er skrive ny avtale med Thon om drift av huset. Avtala gjeld for 5 år. Årsmeldinga for Sogn og Fjordaneringen 2016 vart teken til vitande. Vedtak: Årsmeldinga for Sogn og Fjordanelaget vart samrøystes godkjend. 4

5 Sak 4: Rekneskap for 2016 Hilmar Nummedal orienterte om rekneskapen. Revisjonsrapport var lagd ved årsmeldinga. Vedtak: Rekneskapen til Sogn og Fjordanelaget vart samrøystes godkjend. Styret er utan ansvar. Rekneskapen til Sogn og Fjordaneringen vart teken til vitande. Sak 5: Medlemspengar 2018 Styret hadde gjort framlegg om uendra medlemspengar for 2018: kr. 400,- for vaksne, kr. 150,- for ungdom og kr. 0,- for born. Vedtak: Styret sitt framlegg vart samrøystes vedteke. Sak 6: Arbeidsprogram og budsjett for 2017 I 2017 er det 30 år sidan Sogn og Fjordanelaget i Oslo vart skipa. Dette skal markerast på klubbefesten i november, som vert klubbefest nr. 90. Det kom nokre innspel til arbeidsprogrammet: - Vi kan vurdere å arrangere programkveldar. - Vi kan sende ut melding til medlemmene om når det er folk på hyttene. Kanskje andre vil ta turen når dei veit at hyttene er opne. - Hyttestyret skal sende ut informasjon om hyttene og kvar ein kan låne lykel til desse. - Det kan vere gagnleg å sende ut informasjon om aktivitetar på e-post utanom lagsbladet. Vedtak: Styret sitt framlegg til arbeidsprogram og budsjett for 2017 vart samrøystes vedteke. Sak 7: Val Valnemnd: Agnar Hegrenes og Martha Reksten Valnemnda hadde utarbeidd framlegg på tillitsvalde for Desse vart valde ved akklamasjon: Styret Leiar: Agnar Kvellestad (attval, 1 år) Styremedlem: Anny Sollid (attval, 2 år) Styremedlem: Hilmar Nummedal (ikkje på val) Styremedlem: Jofrid Holter (ikkje på val) Styremedlem: Alv Reidar Dale (attval, 2 år) 1. varamedlem: Martha Reksten (attval, 1 år) 2. varamedlem: Agnar Hegrenes (attval, 1 år) 5

6 Hyttestyret Agnar Hegrenes (attval, 2 år) Dagfinn Aa (attval, 2 år) Andor Gjelsvik (ikkje på val) Oddvar Bjordal (ikkje på val) Jostein Bareksten (ikkje på val) PR- og pressenemnda Alv Reidar Dale (ikkje på val) Ragnvald Halset (attval, 2 år) Elin Lovise Folven Gjengedal (attval, 2 år) Revisorar Arne Kvamme (attval, 1 år) og Ola Raftevold (attval, 1 år) Valnemnd Agnar Hegrenes og Martha Reksten Representasjon Utsendingar til årsmøtet i BLS: Agnar Kvellestad, Alv Reidar Dale og Martha Reksten Varafolk: 1. Agnar Hegrenes Utsendingar til årsmøtet i Det Norske Teatret: Anny Sollid og Jofrid Holter. Vara: Agnar Hegrenes Utsending til landsmøtet i NU: Styret fekk fullmakt til å avgjere om laget skal ha ein utsending og ev. finne ein person. Godkjenning av styret i Sogn og Fjordaneringen: Desse vart valde på årsmøtet i ringen 24. januar 2017: Leiar: Finn Stafsnes (1 år) Kasserar : Axel Bugge (ikkje på val) Styremedlem: Solveig Næss (attval, 2 år) Styremedlem: Torgunn Kvamme (ny, 2 år) Styremedlem: Ingeborg Fagnastøl (attval, 1 år) Varamedlem: Marit Haug Loen (1 år) Varamedlem: Olav Kvam (1 år) Valnemnd: Randi Solheim (2 år) og Anny Sollid (ikkje på val) Jofrid Holter Referent 6 Oddgeir Havn Protokollvitne Dagfinn Aa Protokollvitne

7 Ringen på tur til Ytre Sunnfjord og Sogn i september Sogn og Fjordaneringen, leikarringen vår, har det med å ta seg ut, både når dei dansar framsyning i bunad og stas slik som på 17. mai i Bærum, og når dei dreg på tur. I fjor var dei i veg til Færøyane, ei stor oppleving av ein tur. FOTO: Kari Midtgård Råsberg I år går turen også i vesterveg, til meir heimlege trakter i Ytre Sunnfjord og Ytre Sogn. Fyrst til Førde fredag 1. september, via Valdres og Filefjell. Andre dagen til Jakob Sande sin barndomsheim, Klokkargarden i Dale i Fjaler, før ferda går vidare sør til Eivindvik i Gulen, der Gulatinget, eldste tingstaden i landet, stod. Sundag 3. september blir det dagstur til Solund og heilt ut til Utvær og fyret der (foto). Det er så langt vest du kan koma her i landet! Solund er eit makelaust øyrike med over 1700 små og store øyar, holmar og skjer og om lag 900 busette i kommunen. Om kvelden køyrer bussen, med Hogne Tellnes som trygg sjåfør, inn til Dragsvik i Balestrand, ei perle av ein plass det også, der siste natt blir. Og måndag 4. september går turen tilbake til Oslo om Vik og Voss, Hardangerbrua, Hardangervidda og Golsfjellet før bussbyte på Fagernes. Det er klart at alt dette, ei langhelg med tre overnattingar og mange postar og avstikkarar under vegs, kostar, nærare bestemt 7100 pro pers (+ ev. enkeltromstillegg på 1135 kr). Men om veret vil og han Hogne trør til, vert det verdt det! Det er sett eit deltakartal på 18 og hastar med påmeldinga, innan måndag 12. juni 2017 til Solveig Næss, solnae@online.no Bli med på årets Vestlandstur! 7

8 Rørosleken 2017 TEKST OG FOTO: Alv Reidar Dale Dei siste fem åra er det han Svein Aasen som eine og åleine har tromma saman og organisert fellesturen til Rørosleken den fyrste helga i mai, i år No var me om lag 35 med i bussen, som Hogne Tellnes like trufast, stødig og humoristisk køyrer kvart år. Og baki bussen har me eige spelemannslag, det såkalla «Baksetelaget», i år forsterka med sjølvaste Odd Sylvarnes Lund på munnharpe Nytt i år var at me stogga og slo lens ved den store sølvelgen midt oppi Østerdalen. Ikkje berre Svein vart liten attmed skogens konge. Men på dansegolvet var han konge. Der gjorde fleire frå folkedansmiljøet i Bygdelagshuset seg gjeldande, også nokre frå Sogn og Fjordaneringen. Det var kveldsdans allereie fredagskvelden då me kom fram. Og dagdans i det grelt grøne Sangerhuset i Bergmannsgata både laurdag og sundag. Og så den store, tradisjonsrike leikfesten laurdags kvelden, med dei fleste i bunad, middag med to omberingar, alle slag dansar og gedigent kakebord og kaffi utpå kvelden. 8

9 Dugnad 20. mai på Pustut Laurdag 20. mai blei det minidugnad på Pustut med to frammøtte, men vi to som kom, sette spor etter oss : Berit rydda og vaska alle skuffer og skap på kjøkkenet, og fikk unna alt med utgått dato (men ho sparde medhjelparen, så..) Andor tok turen over åsen til naboen, der det låg to nye hoggestabbar som vi skulle få. Med list og lempe og litt rå makt blei dei bukserte og rulla heilt fram til vedskjulet. Bileta viser at det var nokre stødige stubbar vi fekk, som også var gode å sitje på. FOTO: Berit Gauksrud og Andor Gjelsvik Innimellom fleire andre gjeremål tok vi oss også tid til å nyte finvêret i solveggen med suppe, kaffi og kaker. Vonar andre også finn vegen til Pustut når det høver. Andor Gjelsvik Dei to flittigaste brukarane av Sunnfjordhytta, Berit Gauksrud og Andor Gjelsvik tek seg ein vel fortent kvil på dei nye hoggestabbane ved vedahuset. 9

10 Me tek med nokre kunngjeringar som ikkje gjeld våre eigne arr., men nærskylde tilskipingar. Det fyrste er gammalostfestivalen i Vik i Sogn no i pinsa. Dei brukar å by på mager, men kraftig kost berre spør han Jens, som sjølv er hovdingen i Gamalostlaget Sjå meir på BÅE BILETI: Alv Reidar Dale Og her driv han Ragnar Hove og ystar gamalost på gamlemåten, med gamlelensmannen og ordførar hv. Erling Stadheim som tilsynsmann kan det bli betre? 10

11 Norsk og Førdefestivalen nordisk på Den internasjonale folkemusikk- og folkedansfestivalen i Førde har «Klangen av Norden og lyden av verda» på programmet i år, dagane juli. Spennande. Og noko av det norske står vår eiga Sigrid Moldestad for, med soga om og musikken etter og til Samuline Seljeseth 10 år etter ho heidra dei meir ukjende spelekvinnene det fanst fleire av i Nordfjord. FOTO: Kil Bakken Oppfylgjarprogrammet «Samuline frå fela flyg din song» har slepp laurdag 8. juli kl. 17. Og mykje anna song og musikk og dans, sosialt liv og myldrande miljø er råd å få med seg i Førde fyrste helga i juli. Sjå berre Forfattarkveld 18. juni Somt anna som skal skje... Me nemner at som før om åra skipar Oslo mållag og Maridalen menighet til kulturkveld i Maridalen kirke, i år søndag 18. juni kl. 19. Årets forfattar er Åsta Holth, Finnskogens diktar, ei forvitneleg dame! Det blir både føredrag, og konsert med Kjetil Skaslien o.fl. i to bolkar, kåseri og kaffi og kaker på kyrkjebakken. Kostar 200 kroner for ein lødig kulturkveld. Laget sine tilskipingar finn du òg på nettsidene våre. Med atterhald om endringar. Til hausten er dei fyrste tilskipingane: Sogn og Fjordaneringen startar opp med øvingane sine i slutten av august. Det blir Kulturnatt i Oslo fredag 15. sept. Den deltek BLS og laget på. Osteselskap på Nordfjordhytta ei helg uti september. Smalahovegilde på Sunnfjordhytta midt i oktober. Lagsavisa Tre Fjordar fristar mm. Frist for stoff til neste avis er 21. august. Send stoff til bladet i vanleg Word. Bilete; helst digitale (som.jpg). Send til a.r.e.dale@uniforum.uio.no 11

12 Adressering A STYRET Leiar: Agnar Kvellestad agnar.kvellestad krøllalfa nmbu.no (p) Kasserar: Hilmar Nummedal (p) hilmar krøllalfa getmail.no PRESSE & PR Leiar: Alv Reidar Dale a.r.e.dale krøllalfa uniforum.uio.no (p) (a) HYTTESTYRET Leiar: Agnar Hegrenes agnar.hegrenes krøllalfa nibio.no Kontakt Sunnfjordhytta: Andor Gjelsvik (p) (a) andorgj krøllalfa frisurf.no Kontakt Nordfjordhytta: Dagfinn Aa aa12 krøllalfa online.no SOGN OG FJORDANDERINGEN Nestleiar: Finn Stafsnes Fi-stafs krøllalfa online.no Sendar: SOGN OG FJORDANELAGET I OSLO Nordahl Brunsgate Oslo