LOV OG FØRESEGNER. for. Bondeungdomslaget i Kristiansand. Vedteke på omframt årsmøte 18.oktober Oppdatert etter årsmøtet 8. februar 2012.

Transkript

1 LOV OG FØRESEGNER for Bondeungdomslaget i Kristiansand Vedteke på omframt årsmøte 18.oktober Oppdatert etter årsmøtet 8. februar Oppdatert etter årsmøtet 4. februar 2015 INNHALD Lov for Bondeungdomslaget i Kristiansand side 2 Føresegner for BUL-koret (særlag)... 5 Føresegner for Leikarringen (særlag)... 6 Føresegner for Husflids- og studienemnda (nemnd)... 6 Føresegner for Teaternemnda (nemnd)... 7 Føresegner for Valnemnda

2 LOV FOR BONDEUNGDOMSLAGET I KRISTIANSAND 1 FØREMÅL 1. Bondeungdomslaget er eit frilynt lag som skal by ungdommen meiningsfylte og allsidige fritidsaktivitetar. Arbeidet skal vere i samsvar med føremålet og prinsipprogrammet til Noregs Ungdomslag. 2. Laget skal vere aktiv medspelar i utvikling av eit levande og godt nærmiljø for alle aldersgrupper i Kristiansand og omland. 3. Laget skal legge vekt på samarbeid med andre ungdomslag, Vest-Agder Ungdomslag, Noregs Ungdomslag samt andre aktuelle kulturorganisasjonar for å styrkje felles kulturelle og økonomiske føremål. 2 MEDLEMSKAP OG ÅRSKONTINGENT 1. Bondeungdomslaget er medlem i Vest-Agder Ungdomslag og vil arbeide etter lovene og føresegnene til fylkeslaget og til Noregs Ungdomslag. 2. Barn kan bli medlemmer i laget når dei har fylt 4 år, og har betalt barnekontingent. Dei som har fylt 14 år og godkjenner føremålet til Bondeungdomslaget samt har betalt årskontingent, er medlemmer i laget og i Noregs Ungdomslag med fulle rettar og plikter. 3. Årsmøtet i Bondeungdomslaget fastset årskontingenten,. Bondeungdomslaget sender den del av kontingenten som Norges Ungdomslag og Vest-Agder Ungdomslag skal ha. Styret fastset ein frist for innbetaling av årspengar. Medlemmer som ikkje har betalt årspengar til rett tid, vil bli sletta frå lista året etter. 4. Styret i laget har ansvar for medlemsverving. 3 ÅRSMELDING 1. Arbeidet i laget skal fylgje kalenderåret. 2. Bondeungdomslaget sender årsmelding til Vest-Agder UL og Noregs Ungdomslag.*) * )Noregs Ungdomslag lagt til etter ønske frå Vest-Agder UL ÅRSMØTET 1. Årsmøtet er det øvste organ i Bondeungdomslaget. 2. Medlemmer og nemnder kan seinast 1 månad før årsmøtet vende seg til styret med eventuelle saker til årsmøtet. Årsmøtet kan ikkje gjere vedtak i saker som ikkje er oppsett på lovleg utsendt innkalling. 3. Årsmøtet skal vere halde innan 10. februar. Det må vere kunngjort i minst ei avis og på eit lagsmøte minst seks veker før. Frist for innlevering av framlegg til årsmøtet må gå fram av kunngjeringa. 4. Sakslista med årsmøtepapir må vere lagt fram minst 1 veke før årsmøtet. 5. Årsmøtet skal handsame: - Årsmelding frå styret, lagsbruket (og særlag/nemnder der det er aktuelt). - Ettersett rekneskap og budsjett for BUL, samordna med særlag/nemnder - Arbeidsprogram - Årskontingent - Saker som styret legg fram. 2

3 6. Årsmøtet konstituerer seg med godkjenning av innkalling og saksliste, val av ordstyrar, 2 referentar og 2 medlemmer til å skrive under møteboka. 7. Årsmøtet vel (sjå organisasjonskart: BUL Kristiansand. Organisering): A. Arbeidsutvalget i Bondeungdomslaget, dvs. leiar, vald for 1 år om gongen og 4 styremedlemmer, valde for 2 år om gongen, slik at 2 står på val kvart år og 1 varamedlem (vald for 1 år). B. Leiarar og styremedlem(mer) i særlaga Leikarringen (1+2+1 varamedlem) og Buldrian (1+1). Leiarane vert valde for 1 år om gongen, styremedlemmene for 2 år og slik at halvparten står på val kvart år. (Varamedlem for 1 år). C. Valnemnd med leiar og 2 medlemmer (alle valde for 1 år) D. 2 revisorar (valde for 1 år). E. Utsendingar til årsmøtet i Vest-Agder Ungdomslag og årsmøtet i Noregs Ungdomslag. Utsendingar kan også veljast på eit medlemsmøte. Utsendingar til ekstraordinært årsmøte i desse organisasjonane kan utnemnast av styret. F. Ein skal halde ekstraordinært årsmøte når eit lovleg innkalla medlemsmøte, styret eller ein tredjedel av medlemmene krev det. Ekstraordinært årsmøte må vere kunngjort i minst ei avis og på eit medlemsmøte minst 14 dagar før. G. For val og røysting gjeld dei same reglane som for årsmøtet i Noregs Ungdomslag. 5 STYRET 1. Styret er sett saman av Arbeidsutvalet og leiarane i særlaga Leikarringen og BULkoret. 2. Styret vel ved behov: Leiar og styremedlem(mer) i Programnemnda (1+1), Bunad/Husflid (1), Teaternemnd (1) og BUL-koret (1+3). 3. Andre medlemmer vert kalla inn når arbeidet krev det, men dei har ikkje stemmerett. 4. Styret har det overordna ansvar for arbeidet i laget/særlaga/nemndene. Styret har ansvaret for at årsmøtet får årsmelding, ettersett rekneskap og budsjett for komande år frå laget. 5. Styret rår over laget sine eigendelar og skal drive laget på ein økonomisk forsvarleg måte i samsvar med arbeidsprogram og budsjett. Det BUL eig og tener skal brukast i samsvar med 1 i denne lova. 6. Styret er vedtaksført når minst halvparten av styremedlemmene er til stades ved røysting. 7. Styret i BUL representerer BUL sine aksjer i Gyldenløvesgt. 11 Eigendom AS. 6 ARBEIDSUTVALET 1. Arbeidsutvalet er sett saman av leiaren i BUL og 4 medlemmer. 2. Arbeidsutvalet vel seg imellom nestleiar, kasserar og sekretær (og andre etter som det er aktuelt). 3. Arbeidsutvalet har ansvaret for den daglege drifta av laget. Arbeidet skal vere i samsvar med lover, føresegner, arbeidsprogram og vedtak frå årsmøtet. 4. Arbeidsutvalet har ansvaret, i samarbeid med Programnemnda, for program på lagsmøta. 5. Arbeidsutvalet skal føre vedtaksprotokoll for møte i styret, arbeidsutval og medlemsmøte. 6. Arbeidsutvalet tek imot innmeldingar til laget. 3

4 7 SÆRLAG 1. Bondeungdomslaget kan ha særlag. Arbeidet i særlaga skal drivast i samsvar med lovene til Bondeungdomslaget. 2. Særlaga skal ha føresegner som må godkjennast i styret i Bondeungdomslaget. 3. Styra i Leikarringen og BULkoret vert valde på årsmøtet i Bondeungdomslaget. Særlagsstyret leier arbeidet i i særlaget og vel sjølv fleire medlemmer ved behov (prosjekt-organisering). 4. Styra i særlaga skal legge fram årsmelding. Budsjett skal samordnast i BUL sitt budsjett. 5. Særlagsstyret skal føre vedtaksprotokoll frå møter i særlaget. 8 NEMNDER 1. Bondeungdomslaget kan ha nemnder. Arbeidet i nemndene skal drivast i samsvar med lovene til Bondeungdomslaget. 2. Nemndene kan ha føresegner som må godkjennast i styret i Bondeungdomslaget. 3. Leiar og evt. medlemmer i styra i nemndene vert vald av styret i Bondeungdomslaget. Nemndene er prosjektorganisert, dvs. dei vel sjølv fleire medlemmer ved behov. 9 REKNESKAP Det skal førast felles rekneskap for BUL med særlag og nemnder. Kasserar i Arbeidsutvalet er ansvarleg for rekneskapen i BUL. Rekneskapsføraren kan vera intern i BUL eller ekstern (innleigd). Ansvarleg for kostnaden (leiar i særlag/nemnd) attesterer rekningar. Det skal vera eigen konto(-gruppe) for kvart særlag/nemnd. 10 BUDSJETT Det skal leggast fram samla budsjett for BUL på årsmøtet. Særlag/nemnder set opp eigne budsjett i samarbeid med styret. Alle særlag/nemnder og aksjene i Gyldenløvesgt. 11 Eigendom AS utgjer BUL sin økonomi. Avvik frå budsjettet skal takast opp med styret. 11 TRYGGING AV EIGA 1. Vert laget lagt ned eller skifter føremål så det ikkje lenger kan vere medlem i Noregs Ungdomslag, skal styret i Vest-Agder Ungdomslag ta vare på eigedom og andre verdiar til laget kjem i gang att, eller til det vert starta opp eit nytt lag som fyller krava til medlemskap i Noregs Ungdomslag. 2. Går det 15 år utan at aktiviteten i laget er starta opp att eller eit nytt godkjent lag i byen vert skipa, skal politisk utval for kultur i Kristiansand kommune overta verdiane. Etter nærare avtale med Vest-Agder Ungdomslag/Noregs Ungdomslag skal verdiane bli brukt til beste for ungdomsarbeidet i byen, i samsvar med 1 i denne lova. 3. Lova i Noregs Ungdomslag gjeld når ein skal avgjere om laget kan reknast for nedlagt eller har endra føremål. 4. Utgiftene til styring av verdiane skal dekkjast av midlane i laget. 4

5 12 RØYSTERETT Alle medlemmer over 14 år som har betalt årspengar for siste år og har vore medlemmer i laget i ein månad har røysterett i lagssaker. 13 RUSGIFTER Alle arrangement i Bondeungdomslaget skal vere rusfrie. 14 YMSE Lov og føresegner for Noregs Ungdomslag som handlar om tilhøva i ungdomslaga eller organisasjonen generelt, gjeld og for Bondeungdomslaget. 15 LOVENDRING 1. Framlegg om lovendring må vere kunngjort minst 14 dagar før årsmøtet. Årsmøtet kan vedta ei lovendring med 2/3 fleirtal. 2. Endringar av lovene må godkjennast av Vest-Agder Ungdomslag. Lovene vart godkjende av Vest-Agder Ungdomslag FØRESEGNER FOR BONDEUNGDOMSLAGET I KRISTIANSAND Føresegnene er endra av styret i BUL, tilpassa endringar i Lov i ekstra årsmøte 18. oktober Endringar etter vedtak på årsmøtet 8. februar 2012: BUL-koret tillagd, Enghaug-hytta fjerna. FØRESEGNER FOR BUL-koret (særlag) Styret i BUL-koret har leiar og 3 styremedlemmer, 1 medlem frå kvar stemmegruppe. Leiaren vert vald for 1 år, medlemmene for 2 år. Desse vert valde på årsmøtet i BUL. 2 styremedlemmer går ut første året, (ved loddtrekning første året), slik at ikkje alle styremedlemmene er på val same året. Det vert vald 1 varamedlem for 1 år. Referat frå styremøta skal sendast til styret i hovedlaget. Leiar vert kalla inn til styremøte i hovudlaget når det er aktuelle saker. Styret i BULkoret kjem med innstilling til tilsetting av dirigent. Hovedstyret tilset for 1 år om gongen. Dirigenten kan kallast inn til styremøta. Styret har m.a. desse oppgåvene: - saman med dirigenten fastsette repertoar, som i hovudsak bør vera norske og nordiske songar. - Søke samarbeid med tilsvarande kor og organisasjonar. - Halda seg oppdatert om offentleg støtte som det kan søkast om. - I samarbeid med kasseraren i hovudlaget, utarbeide forslag til budsjett, som skal leggjast fram for hovudlagsstyret. 1 kormedlem skal utpekast til å halde orden på notearkivet. Øvingskontingent kan betalast i 2 terminar (haust/vår). 5

6 FØRESEGNER FOR LEIKARRINGEN (særlag) 1. Styret i Leikarringen har leiar og 2 styremedlemmer. Desse blir valde på årsmøtet i BUL. Leiaren blir vald særskilt for 1 år om gongen, styremedlemmene for 2 år. Av styremedlemmene går 1 ut kvart år, første gong ved loddtrekning. Det blir og vald 1 varamedlem for 1 år. 2. Styret i Leikarringen vel leikleiar(ar) for 1 år om gongen. Leikleiar(ar) blir kalla inn til styremøter når ein tek opp leiksaker. 3. Styret i Leikarringen skal særleg leggje vekt på desse oppgåvene: - Arbeide aktivt for å gje folkedansen rom på tilskipingar i laget. - Skipe til folkedanskurs. - Sende utsendingar til fagseminar. - Få fram leikleiarar og spelemenn ved å tilby kurs. Sørgje for at kursdeltakarar blir aktive med i laget som leikleiar/spelemenn. - Stå i nær kontakt med nabolag for å samordne fellestiltak. - Spreie informasjon om leikarbeidet utanfor laget og gje tilbod om opplæring til skular og andre institusjonar. - Skape interesse hos born og ungdom for aktivitetar som står på arbeidsprogrammet til Noregs Ungdomslag, og gje opplæring i desse aktivitetane. - La borna sjølve organisere framsyningar og tilskipingar. - La den eldste gruppa av borna velje tillitsfolk som kan bli kalla inn til styremøte. - Få foreldre med på spesielle arbeidsoppgåver og tilskipingar når det er behov. Foreldre vel 2 representantar frå foreldra som kan kallast inn til styremøte. - Halde kontakten med leiknemnda i fylkeslaget og folkedansrådet i NU. 4. Leikleiar sine oppgåver: - Kalle inn alle instruktørane som har folkedanskurs til fagmøte, minst ein gong i halvåret. - Samordne program for kurs, gjennomgå dansar og songleikar. - Sørgje for at instruktørar som har vore på kurs deler dette med andre. - Ha ansvar for oppvisning saman med instruktøren for kurset. FØRESEGNER FOR HUSFLIDS- OG STUDIENEMNDA (nemnd) 1. Til å ivareta Husflids- og studienemnda vel styret i BUL 1 medlem, vald for 1 år. Ved behov vel styret fleire medlemmer, vald for 1 valår. Nemnda er rådgjevande for styret i alle saker som gjeld husflids- og studiearbeid. 2. Nemnda skal særleg legge vekt på desse oppgåvene: - Sørgje for at medlemmene får eit allsidig og godt studietilbod, og elles gje studietilbod til lokalsamfunnet. - Hjelpe til å gjennomføre tiltak som det blir satsa på frå sentralt hald. - Sørgje for at det blir ei samordna og effektiv opplæring av tillitsvalde i alle greiner av lagsarbeidet. - Sørgje for at det blir sendt folk til fylkeskurs og landskurs. - Sjå til at ein utnyttar stønader som laget og kursdeltakarane har krav på. - Hjelpe til med å få studietiltak i gang og hjelpe til seinare om det er behov for det. - Sende inn søknader om tilskot, ferdigmeldingar og rapportar om studiearbeidet til rett tid. 3. Vidare skal nemnda legge vekt på: - Samle opplysningar om bunader som opphaveleg er frå landsdelen. - Spreie opplysning om bunadane og få flest mogeleg til å bruke dei. 6

7 - Opplyse om retningslinjer for bruk av bunad. 4. Nemnda har ansvar for vedlikehald og utleige av bunadane i laget. FØRESEGNER FOR TEATERNEMNDA (nemnd) 1. Til å ivareta Teaternemnda vel styret i BUL 1 medlem (teaterleiar), vald for 1 år. Ved behov vel styret fleire medlemmer, vald for 1 valår. 2. Teaternemnda er rådgjevande for styret i BUL i alle teatersaker. 3. Teaternemnda skal særleg leggje vekt på desse oppgåvene: - Arbeide for å auke interessa for teaterarbeid, og aktivisere medlemmene. - Halde seg orientert om teaterstykke og anna litteratur som gjeld teaterarbeid. - Fremje bruk av dialekt i teaterarbeid. - Ha nært samarbeid med teaterrådet i NU og fylkesteaternemnda. - Ha nært samarbeid med studieleiaren/studienemnda i laget for å legge opp teater- og dramaarbeidet som studietiltak. - Få til samarbeid med skule og barnelag på staden om kurs og anna teaterverksemd. - Samarbeide med fylkesnemnda for å få råd og hjelp frå Riksteateret o.l. - Få til samarbeid med lokale teatergrupper. - Sende melding om teaterarbeidet til fylkesnemnda. FØRESEGNER FOR VALNEMNDA 1. Valnemnda blir vald på årsmøtet. Nemnda har 3 medlemmer. Årsmøtet vel leiar og medlemmer for 1 år. 2. Nemnda skal: - Gjere framlegg om tillitsfolk til styret, særlag og andre nemnder som blir valde på årsmøtet. - Hjelpe styret til å finne kandidatar til tillitsfolk etter behov. 3. Styret skal levere nemnda ein oversikt over dei tillitsfolka som er på val. Denne oversikten skal vere klar i september kvart år. 7