KOMMUNEPLAN FOR EIDFJORD - AREALDELEN. 2. GANGS HØYRING

Transkript

1 HORDALAND FYLKESKOMMUNE Regionalavdelinga Planseksjonen Arkivsak Arkivnr. 713 Saksh. Sundheim, Liv; Jenssen, Atle; Ekerhovd, Per Morten Saksgang Møtedato Kultur- og ressursutvalet KOMMUNEPLAN FOR EIDFJORD - AREALDELEN. 2. GANGS HØYRING SAMANDRAG Eidfjord kommune har sendt forslag til arealdelen av kommuneplanen med konsekvensutgreiing til 2. gangs høyring. Det er gjort nokre mindre endringar i planen og det er arbeidd vidare med å utvikle styringsreiskap for planlegging, særleg i fjellområda. Fylkeskommunen har tidlegare gjeve fråsegn i saka ved 1. gongs høyring (vedtak i fylkesutvalet ). I det nye høyringsforslaget har kommunen kome fylkeskommunen i møte på fleire punkt, men med unntak for kulturminne. Motsegnene som var knytta til planføresegnene ved 1. gongs høyring er derfor tilrådd oppretthalde, men vil bli trekt dersom føresegnene vert endra. FORSLAG TIL VEDTAK 1 Kultur- og ressursutvalet er nøgd med at Eidfjord kommune ved 2. gongs høyring av kommuneplanens arealdel har kome fylkeskommunen i møte på fleire punkt. 2 Kultur- og ressursutvalet ser positivt på kommunen sitt arbeid med å sette rammer for fritidsbusetnad i fjellområda. Ut frå omsynet til villrein og friluftsliv vert det frårådd fleire hytter på Hjølmosete og Berastøl, som ligg i randområdet til nasjonalparken. 3 Kultur- og ressursutvalet ber om at det vert gjort følgjande endringar i føresegnene: a) For LNF-område der spreidd bygging er tillatt og for byggeområde utan plankrav må det takast inn i føresegnene at søknadspliktige tiltak må sendast til kulturvernemynde for ei vurdering i høve til undersøkingsplikta 9 i Kulturminnelova. b) For byggeområde (eksisterande og nye) og LNF-område der spreidd utbygging er tillatt og som er i konflikt med freda kulturminne, må det takast inn ei generell føresegn om at alle søknadspliktige tiltak nærare enn 100 m til freda kulturminne må godkjennast av kulturvernmyndet.

2 Det er knytt motsegner til a) og b). Motsegnene vert trekt dersom føresegnene vert endra i samsvar med ovanståande. 4 Kultur- og ressursutvalet ber om at følgjande føresegn vert knytt til kommuneplanen: Alle tiltak med nye og varige inngrep i sjøbotn må sendast til kulturvernmyndet for høyring. Alle tiltak som skiplar verneverdige kulturminne, kulturmiljø eller kulturlandskap skal oversendast til kulturvernemynde for høyring, jfr. 25 om meldeplikt i Kulturminneloven 5 Kultur- og ressursutvalet ser positivt på ei vidare utvikling av Hardangervidda Natursenter i Øvre Eidfjord, men vil peike på at konsekvensane av nytt byggjeområde knytta til senteret er mangelfullt utgreidd, bl.a. når det gjeld kulturminneinteressene. Dette må takast opp i vidare detaljplanlegging for området. Nytt byggjeområde og bandlagt kulturminneområde bør haldast åtskild. 6 Hordaland fylkeskommune tek atterhald om utbyggingsområda i planen inntil undersøkingsplikta etter 9 i Kulturminneloven er oppfylt. Paul M. Nilsen Jan Per Styve Vedlegg: - plankart - oversikt over endringar Informasjon også på 2

3 FYLKESRÅDMANNEN, : 1. Bakgrunn Eidfjord kommune har sendt forslag til kommuneplanens arealdel med konsekvensutgreiing til 2. gangs høyring med frist Forslaget er utarbeidd etter gammal plan- og bygningslov (1985). For å nå politisk handsaming i fylkeskommunen er det bedt om utsett frist til 3. juni. Planforslaget omfattar arealdelen, då kommunen har vurdert at det ikkje er behov for rullering av samfunnsdelen som var vedteken Kultur- og ressursutvalet skal gi fråsegn til planforslaget, jmf. gjeldande delegasjonsreglement. Om handsaming i fylkeskommunen Planforslag vert i hovudsak vurdert ut i frå regionale interesser nedfelt i fylkesplanen, fylkesdelplanar og andre relevante fylkespolitiske dokument samt forvaltningsansvaret for kulturminnevernet. Dersom viktige regionale og nasjonale interesser står på spel kan fylkeskommunen fremje motsegn til arealdelen av kommuneplanen. Motsegner vert i første omgang handsama av kommunen og i dei fleste tilfelle løyst på dette stadium. Dersom det vert gitt fagleg tilråding om motsegn på bakgrunn av nasjonale kulturminneinteresser og dette ikkje vert følgt opp av politiske organ i fylkeskommunen, skal fylkeskommunen gje melding om dette til Riksantikvaren som kan fremja motsegn i saka. Planprosess Arbeidet med arealplanen starta i desember 2006 og planprogrammet var vedteke mars Høyringsfråsegn frå fylkeskommunen til planprogrammet var gitt i brev Den vidare prosessen framgår av saksdokument til møte i Eidfjord formannskap , som er tilgjengeleg på men som ikkje følgde med høyringsforslaget. Prosessen har teke lang tid grunna motsegner og innspel planutvalet meinte det skulle arbeidast vidare med. Representant frå fylkesadministrasjonen var til stades på synfaring 20. og 21. august 2008 til Viveli, Berastøldalen, Hadle, Hjølmosete, Sysendalen og Isdalen. Tema for synfaringa var hytter/stølshus i stølssameige i LNF-område, samt utviding og tilrettelegging av alpinanlegget. I desember 2009 var det eit møte mellom Eidfjord kommune, representantar frå planseksjonen og kultur- og idrettsavdelinga i fylkeskommunen, og fylkesmannens miljøvernavdeling. Kommunen orienterte om status for planarbeidet og det vart drøfta spørsmål knytta til nytt høyringsutkast. Høyringsdokumentet manglar oversikt over kva endringar som er gjort i høve til tidlegare høyringsdokument. Saksutgreiinga til kommunestyremøtet , som er tilgjengeleg på gir meir informasjon og er derfor dels nytta som grunnlag for fylkesadministrasjonen si saksutgreiing. Tidlegare merknader og motsegn frå Hordaland fylkeskommune Eit planforslag var på 1. gongs høyring i januar Fylkesutvalet fatta då følgjande vedtak: "1. Eidfjord kommune er ein viktig reiselivskommune med viktige besøksmål langs Rv 7 som har status som nasjonal turistveg. Fylkesutvalet ber om at kommunen ved revisjon av kommuneplanen tar særlege omsyn til landskapet. Fylkesutvalet vil særleg peike på at området ved Vøringsfossen ikkje må skjemmast av utbygging. 2. Fylkesutvalet rår til at øvre grense for bustadfeltet Sjobakkane vert trekt ned til ca. kote Fylkesutvalet rår til at LNF-område for spreidd hyttebygging i Isdalen vert redusert i storleik. 4. Fylkesutvalet ber om at det vert gjort følgjande endringar i føresegnene: a) For LNF-område der spreidd bygging er tillatt og for byggeområde utan plankrav må det takast inn i føresegnene at søknadspliktige tiltak må sendast til kulturvernemynde for ei vurdering i høve til undersøkingsplikta 9 i Kulturminnelova. b) For byggeområde (eksisterande og nye) og LNF-område der spreidd utbygging er tillatt og som er i konflikt med freda kulturminne, må det takast inn ei generell føresegn om at alle søknadspliktige tiltak 3

4 nærare enn 100 m til freda kulturminne må godkjennast av kulturvernmyndet. Det er knytt motsegner til a) og b). Motsegnene vert trekt dersom føresegnene vert endra i samsvar med ovanståande. 5. Fylkesutvalet ber om at følgjande føresegn vert knytt til kommuneplanen. Alle tiltak med nye og varige inngrep i sjøbotn må sendast til kulturvernmyndet for høyring. Alle tiltak som skiplar verneverdige kulturminne, kulturmiljø eller kulturlandskap skal oversendast til kulturvernemynde for høyring, jfr. 25 om meldeplikt i Kulturminneloven 6. Hordaland fylkeskommune tek atterhald om byggjeområde i planen inntil undersøkingsplikta etter 9 i Kulturminneloven er oppfylt. Dette gjeld både land- og sjøområde. 2. Konsekvensutgreiing I fylkesrådmannen si saksutgreiing ved 1. gongs høyring var konsekvensutgreiinga vurdert slik: Spørsmålet er om relevante tema i planen er teke med i konsekvensutgreiinga og om konsekvensutgreiinga elles fyller krava i reglane for konsekvensutgreiing. Sett på bakgrunn i at det i dag er uklåre kriterier for vurdering av konsekvensutgreiing i kommuneplanar vil eg vurdere opplegg og oppbygging av konsekvensutgreiinga i forslaget til kommuneplan for Eidfjord som stort sett akseptabel, men likevel mangelfull når det gjeld synleggjering av moglege verknader av ny arealbruk. Det er kommunen sitt ansvar å drøfte og få fram kulturminneinteressene i planområdet. Eg kan ikkje sjå at dette er gjort i tilstrekkeleg grad og meiner at det bør arbeidast vidare med dette tema i konsekvensutgreiinga før den kan godkjennast. Etter forskrift om konsekvensutgreiing (KU) etter plan- og bygningslova skal nye areal til utbyggingsføremål konsekvensutgreiast i kommuneplan. I det kortfatta og generelle kapittelet om konsekvensutgreiing er det m.a. vist til at rådmannen har gjort ei konsekvensvurdering på tema som får verknad på arealbruken. Det er vist til at det er nytta skjema for konfliktvurdering i ein skala frå 0-10 for natur, kultur og samfunn, konflikt/verknad for miljøkvalitetar i ein skal frå -5 til 5 og konflikt/verknad for utvikling av lokalsamfunnet i ein skala frå -5 til 5. Vurderingane er ikkje vist i det tilsendte høyringsdokumentet, men det er vist til at det er teke inn ei oppsummering under kvart tema. For fylkeskommunen som høyringsinstans er det lite tilfredsstillande at det i høyringa ikkje vert lagt fram dokumentasjon på dei vurderingane som er gjort i konsekvensutgreiinga. Om Hardangervidda natursenter. I det nye høyringsforslaget er det teke inn som nytt formål eit byggjeområde til almennyttig formål i tilknyting til Hardangervidda natursenter. Dette var ikkje med ved 1. gongs høyring. Arealet er i dag LNF-område og vert nytta til landbruk som beite. Hardangervidda natursenter er eit viktig tiltak for Hordaland sin reiselivsprofil og ei vidare utvikling av opplevingskvaliteten her er positivt. Som føreliggjande dokumentasjon for det nye byggeområdet er vist til landbruksplan for Hardanger, arealdelen av kommuneplan og rapport om biologisk mangfald, utan at det i konsekvensutgreiinga kjem fram korleis desse dokumenta er nytta i vurderinga av det aktuelle området. Som konsekvens er oppgjeve følgjande: Bruk av område til landbruk. Areal for utviding/fornying av aktivitet ved senteret, med følgjande tilråding: Arealet omregulerast til næringsområde. Det framgår ikkje av plandokumentet kva som er lagt til grunn for tilrådinga. Dette er mangelfullt. Kulturminne i konsekvensutgreiinga Hordaland fylkeskommune har tidlegare bede Eidfjord kommune om å utgreie konsekvens på verneverdige kulturmiljø i og i nærleiken av planlagte tiltak i kommuneplanen. Kulturminne er no nemnt i konsekvensutgreiinga, både i høve til stølsområda og i høve til nye bustadsområde. Vi saknar likevel ein meir grundig gjennomgang av kulturminna og eventuelle konsekvensar som utbygging vil ha for desse. Konsekvensutgreiinga burde hatt eit eige avsnitt der kulturminna i kommunen vart omhandla. Eidfjord kommune har mange og viktige kulturminne, som bør takast vare på og omsyn til. Ei bevisstgjering av 4

5 verdien til kulturminna, til dømes gjennom ein kommunedelplan for kulturminne, vil gjere det lettare å unngå konflikt mellom kulturminne og utbyggingstiltak. Det er positivt at vernestatus til Kjeåsen er trekt fram som eige punkt i konsekvensutgreiinga (nr. 13). Garden Kjeåsen og det tilhøyrande kulturlandskapet er verdifullt i seg sjølv og som turistattraksjon. I denne samanheng vil vi igjen få minne om at Eidfjord kommune har mange viktige og sentralt plasserte kulturminne som òg kunne vorte nytta i turistsamanheng. 3. Nytt planforslag Det er 18 tema som er med i planforslaget. Endringar etter 1. gongs høyring er oppsummert i oversikten i vedlegg. Oppfølging av fylkeskommunen sitt vedtak ved 2. gongs høyring Vedtak i fylkesutvalet ved 1. gongs høyring "1. Eidfjord kommune er ein viktig reiselivskommune med viktige besøksmål langs Rv 7 som har status som nasjonal turistveg. Fylkesutvalet ber om at kommunen ved revisjon av kommuneplanen tar særlege omsyn til landskapet. Fylkesutvalet vil særleg peike på at området ved Vøringsfossen ikkje må skjemmast av utbygging. 2. Fylkesutvalet rår til at øvre grense for bustadfeltet Sjobakkane vert trekt ned til ca. kote Fylkesutvalet rår til at LNF-område for spreidd hyttebygging i Isdalen vert redusert i storleik. 4. Fylkesutvalet ber om at det vert gjort følgjande endringar i føresegnene: a) For LNF-område der spreidd bygging er tillatt og for byggeområde utan plankrav må det takast inn i føresegnene at søknadspliktige tiltak må sendast til kulturvernemynde for ei vurdering i høve til undersøkingsplikta 9 i Kulturminnelova. b) For byggeområde (eksisterande og nye) og LNF-område der spreidd utbygging er tillatt og som er i konflikt med freda kulturminne, må det takast inn ei generell føresegn om at alle søknadspliktige tiltak nærare enn 100 m til freda kulturminne må godkjennast av kulturvernmyndet. Det er knytt motsegner til a) og b). Motsegnene vert trekt dersom føresegnene vert endra i samsvar med ovanståande. 5. Fylkesutvalet ber om at følgjande føresegn vert knytt til kommuneplanen. Alle tiltak med nye og varige inngrep i sjøbotn må sendast til kulturvernmyndet for høyring. Alle tiltak som skiplar verneverdige kulturminne, kulturmiljø eller kulturlandskap skal oversendast til kulturvernemynde for høyring, jfr. 25 om meldeplikt i Kulturminneloven Kommentar ved 2. gongs høyring Det er sette rammer for arealstorleik for reguleringsplanar som har lågare arealgrense enn 100 m2 og for planar som frå før ikkje har grense for bebygd areal. Det er også utforma føresegner for grøntområde, løypenett, garasjar, farge og takmateriale. Tatt til følgje i reguleringsplan.. Tatt til følgje. Området ikkje lenger vist på kartet som LNF-område for spreidd hyttebygging,. I staden markert på kartet med romartal III, i tekstdel omtalt med same tal einingar (3) som ved 1. høyring. Ikkje tatt til følgje. Nye motsegner, men desse vil bli trekt dersom dei vert endra. Ikkje tatt til følgje. 6. Hordaland fylkeskommune tek atterhald om byggjeområde i planen inntil undersøkingsplikta etter 9 i Kulturminneloven er oppfylt. Dette gjeld både land- og sjøområde. 5

6 Kommentar: Fritidsbusetnad. Ved 1. gongs høyring var det knytt merknader til arealbruken i Sysendalen (jmf. pkt 1 i vedtaket), som i kraft av den nasjonale turistvegen og nærleiken til Vøringsfossen er eit utstillingsvindauge for Hordaland. I tillegg var det peika på at området er særleg viktig for friluftsliv og at det har høge landskapskvalitetar. I saksutgreiinga var det tilrådd å utforma føresegner for avgrensing av hyttestorleiken i Sysendalen og at desse vert førande også for reguleringsplanane. For å redusere landskapsinngrep var det tilrådd ei øvre arealgrense for hytter på 120 m2. I planføresegnene til det nye høyringsforslaget har kommunen utforma rammer for byggeområde for fritidshus i Sysendalen. Det er opplista 16 byggeområde der det er reguleringsplan og det er skilt mellom område utan veg til hyttene, område der køyreløyve kan opna for transport til hyttene, område der det kan vere heilårsveg til hyttene, byggeområde med BYA 150 m2 og mønehøgde opp til 4, 5 m samt byggeområde med BYA 150 m2 og mønehøgde opp til 5,5 m. Føresegnene seier at det i eksisterande byggeområde i reguleringsplan, når tomtetilhøva tilseier at det er forsvarleg, kan tillatast fritidshus med bebygd areal på opp til 100 m2. Dette gjeld for reguleringsplanar som har lågare arealgrense enn 100 m2 og for planar som frå før ikkje har grense for bebygd areal. Det er også utforma føresegner for grøntområde, løypenett, garasjar, farge og takmateriale. Alle dei 16 opplista områda har arealgrense 150 m2. Grensa på 100 m2 gjeld altså berre reguleringsplanar som tidlegare ikkje har arealgrenser og eller der eksisterande grense er 100m2. Kommunen har altså dels tatt til følgje innspela frå fylkeskommunen når det gjeld å sette rammer for fritidsbusetnaden i Sysendalen, sjølv om arealgrensene ikkje vert gjeldande for dei fleste regulerte områda i Sysendalen. Det er positivt at kommunen har differensiert når det gjeld vegframføring til hyttefelt. I fylkesutvalet sitt vedtak ved 1. gongs høyring vart det særleg peikt på at området ved Vøringsfossen ikkje må skjemmast av utbygging. Området er eit utstillingsvindauge for heile regionen og viktig i reiselivssamanheng. Det var ønskjeleg om planforslaget hadde meir merksemd på området si framtidige utvikling og potensiale. Det ville vere ønskjeleg var ønskjeleg om planen hadde sterkare fokus på dette viktige området. Bustadområde. Hordaland fylkeskommune hadde merknad til bustadfeltet i Sjobakkane på Hereid ved første gongs høyring, og har også hatt motsegn til reguleringsplan for området. Planen er endra slik Hordaland fylkeskommune bad om, og reguleringsplan er vedtatt. Stølsområde. Både frå Eidfjord kommune og Hordaland fylkeskommune si side har det vore stor merksemd knytta til spreidd utbygging av fritidshus i stølsområde. Frå fylkeskommunen si side var det i saksutgreiinga ved 1. gongs høyring peika på konflikt med kulturminne, landskap og friluftsliv på Vivelid, Berastøl Hjølmosete og Hadle, og det var vist til det pågåande arbeidet med fylkesdelplan for Hardangervidda. Kommunen har gripe fatt i problemstillingar knytta til bygging i stølsområda og det er lagt ned eit stort arbeid i utforming av føresegner som styringsverktøy. Etter 1. gongs høyring er det gjort ei meir utfyllande konsekvensutgreiing for nokre av stølsområda der det var føreslått nye einingar. (Isdalen, Hjølmosete, Hadle, Berastøl, Øyna og Hansalia). Nokre av områda for LNF-spreidd utbygging i fjellet er tatt ut av plankartet og erstatta med romartal, og informasjon om talet på eksisterande og nye hytter er gitt i tekstdelen. Kommunen må forvisse seg om at dette er juridisk korrekt. 6

7 I nytt høyringsforslag er det ikkje tilrådd bygd hytter på Hadle av omsyn til villreinen og området i Isdalen er tatt ut av kartet. Hjølmosete og Berastøl er ikkje lenger vist som LNF-område for spreidd hyttebygging, men markert på kartet med høvesvis romartal IV og V. På Hjølmosete er det i tekstdelen vist 5 nye hytter og på Berastøl 7. På Viveli er det ikkje planar om nye hytter bortsett frå 1 ny hytte på Øyna, aust for Viveli. Her vil ein måtte ta omsyn til kulturminna på staden, og Hordaland fylkeskommune vil be kommunen om at byggesaka vert oversendt for gjennomsyn. På Hjølmosete og Berastøl er talet på nye hytter oppretthalde sjølv om områda er tatt ut av plankartet. Områda ligg nær nasjonalparken, har store friluftslivskvalitetar og er villreinområde. Det vert frårådd nye hytter på Hjølmosete og Berastøl. Almennyttig formål Hardangervidda Natursenter har kome med innspel om behov for areal til utviding av aktivitet/tilbod i tilknyting til sentret og det er avsett eit nytt byggeområde som almennyttig formål (A). Arealet er i dag LNF-område. Sjå elles kommentar til området under pkt. 2. konsekvensutgreiing. Kulturminne På kulturminnefagleg grunnlag var det to konkrete motsegnspunkt til føresegnene. Eg kan ikkje sjå at det er gjort endringar ved 2. gongs høyring og motsegnene vert difor tilrådd vidareført. Dei vert trekt dersom føresegnene vert endra i samsvar med innstillinga. Under føresegnene punkt 1.1 står at Det vert sett krav om reguleringsplan, jf. kap. 12 i ny lov om planlegging og byggesaksbehandling før utbygging i alle område avsett til byggjeføremål. Slik sett vert omsynet til kulturminna tatt vare på, men det saknast likevel ei presisering i høve til kulturminna. I Eidfjord kommune er det mange viktige førhistoriske og historiske kulturminne å ta omsyn til. I føresegnene og retningslinene for kommunedelplan for Eidfjord er ikkje kulturminne nemnt som eit eige punkt, men er tatt med i avsnitta Lokalisering under planføresegnene punkt 2 og 3. Kulturminne bør nemnast som eit eige punkt under føresegnene for byggjeområde. Kulturminneloven 9 gjeld for alle typar byggjeområde. Det bør presiserast i føresegnene at tiltak innanfor eksisterande byggjeområde utan plankrav skal sendast Kultur- og idrettsavdelinga i Hordaland fylkeskommune for uttale, slik at saka vert undersøkt i høve til Kulturminneloven. Når det gjeld verneverdige kulturminne og kulturmiljø, bør dei juridisk bindande føresegnene stilla krav om dokumentasjon på at desse ikkje vert skipla ved nye tiltak. Det er viktig at nye byggjeområde ikkje vert planlagt slik at dei delvis overlappar med bandlagte verneområde. I Øvre Eidfjord bør til dømes ikkje nytt byggjeområde (A) ved Hardangervidda Natursenter inkludere delar av verneområdet rundt bygdeborgen Steinberg. Hordaland fylkeskommune bad ved førre høyringsrunde for kommuneplan for Eidfjord kommune om at det vart utarbeidd ein kommunedelplan for kulturminne. Dette er ikkje gjort, og vi vil gjenta oppmodinga om at ein slik kommunedelplan for kulturminne vert laga. Byggjeområde og kulturminne Fleire byggjeområde har potensial for funn av automatisk freda kulturminne. Det er ikkje mogleg på dette plannivået å gjera ei fullstendig vurdering av konflikt med automatisk freda kulturminne innanfor desse områda. Fylkeskommunen må difor ta atterhald om arealbruken i kommuneplanen i høve til hittil ukjende automatisk freda kulturminne inntil undersøkingsplikta etter 9 i Kulturminneloven er oppfylt. Trongen for fleire undersøkingar vil bli vurdert når det vert igangsett detaljplanleggjing av byggjeområda. 7

8 4. Oppsummering Ved 2. gongs høyring er det små endringar frå forrige høyring. Det er føreslått eitt nytt område ved Hardangervidda Natursenter i Øvre Eidfjord. Det er og avsett eit utvida område for industri (massetak) i Simadalen. Etter plan- og bygningslova og forskrift om konsekvensutgreiing skal ny arealbruk i kommuneplanens arealdel konsekvensutgreiast. Kva vurderingar som er gjort i konsekvensutgreiinga kjem ikkje klårt fram av høyringsdokumentet. Ved 1. gongs høyring var utfordringane frå regional ståstad vurdert til å vere særleg knytta til følgjande tema: Hyttebygging i Sysendalen, hyttebygging i stølsområda og kulturminne. Også reiselivsnæringa og energi var mellom dei tema der det vart signalisert ønske om meir fokus. Eidfjord kommune har kome fylkeskommunen i møte på fleire punkt og har vist vilje til å utforme styringsreiskap for utbygging i fjellområda og for utforming av bygg og landskap. Eidfjord er ein viktig reiselivskommune med viktige besøksmål og eg vil, som ved forrige høyring, understreke at det er naudsynt med fokus på landskap i planlegginga. Når det gjeld området ved Vøringsfossen er det ein føresetnad for fylkeskommunen sin medverknad i tilrettelegging i området at landskapet vert teke vare på. Motsegner ved 1. gongs høyring om føresegner knytt til kulturminne er så vidt eg kan sjå ikkje tatt til følgje i det nye planforslaget. Motsegnene vert difor halde ved lag, men vert trekt dersom føresegnene vert endra. 8