GLOPPEN KOMMUNE RÅDET FOR FUNKSJONSHEMMA

Transkript

1 GLOPPEN KOMMUNE RÅDET FOR FUNKSJONSHEMMA MØTEINNKALLING Møtedato: Møtestad: Heradshuset Møtetid: Kl. 10:00 Orienteringssaka om velferdsteknologi vil bli behandla i lag med eldrerådet. Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 9. mars 2015 Ivar Halland leiar Anita Lothe helse- og omsorgssjef

2 SAKLISTE: Sak nr. Sakstittel 001/15 Godkjenning av møtebok, innkalling og sakliste 002/15 Referat og orienteringssaker 003/15 Velferdsteknologi - orientering om arbeidet med dette i Gloppen kommune 004/15 Plan- og tenesteutvikling av kommunale tenester til barn og unge menneske med nedsett funksjonsevne i Gloppen kommune 005/15 Evaluering av dagens ordning - rådet for funksjonshemma i Gloppen kommune

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Rådet for funksjonshemma /15 Avgjerd av: Rådet for funksjonshemma Saksbehandlar: Jan Kåre Fure Arkiv: 033 Objekt: Arkivsaknr.: 15/374-1 Godkjenning av møtebok, innkalling og sakliste Møteboka frå rådet sitt møte den 8. desember 2014 blir lagt fram til godkjenning. Samstundes ber leiaren av rådet om godkjenning av innkallinga og saklista til dette møtet. LEIAREN SI TILRÅDING: 1. Rådet for funksjonshemma godkjenner møteboka frå sitt møte den 8. desember Rådet for funksjonshemma godkjenner innkallinga og saklista til møtet den 16. mars 2015.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Rådet for funksjonshemma /15 Avgjerd av: Rådet for funksjonshemma Saksbehandlar: Anita Lothe Referat og orienteringssaker Arkiv: 033 Objekt: Arkivsaknr.: 15/373 Refererte skriv og meldingar: Nr Dok.ID T Dok.dato Avsendar/Mottakar Tittel 1 15/1196 I Helse Førde Rapport - samhandling om utskriving av pasientar i Sogn og Fjordane Rapporten ligg ved. Orienteringar: Utbygginga av Gloppen ungdomsskule. RÅDMANNEN SI TILRÅDING: Rådmannen legg ikkje fram tilråding i saka.

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet Rådet for funksjonshemma /15 Helse- og omsorgsutvalet Avgjerd av: Helse- og omsorgsutvalet Saksbehandlar: Anita Lothe Objekt: Arkiv: 233 F00 Arkivsaknr.: 14/ Velferdsteknologi - orientering om arbeidet med dette i Gloppen kommune Vedlegg: Dok.nr Tittel på vedlegg Velferdsteknologi - status for velferdsteknologi i kommunane i Sogn og Fjordane Velferdsteknologi - status i kommunane i Sogn og Fjordane, Vestlandsforsking-rapport nr. 11/2014 Bakgrunn for saka: Saka er ei oppfølging av ei tidlegare orienteringssak i helse- og omsorgsutvalet «Framtidas omsorg». Arbeidet med velferdsteknologi i Gloppen kommune er planlagt noko endra, difor denne orienteringa. Generelt kan ein seie at vi arbeider med å utvikle tenestene i helse og omsorg i Gloppen kommune for å møte framtidas utfordringar. Noko av det vi arbeider med og har plan om å arbeide med er: Velferdsteknologi Kvardagsrehabilitering Frisklivssentral Fallførebyggande treningsgrupper Utvikling av korttid- og rehabiliteringsavdeling, med fokus også på øyeblikkeleg hjelp døgntilbod i kommunen. Førebyggande heimebesøk - politisk vedtak om å vurdere metoden Frivillige sin innsats utgjer eit viktig bidrag i Gloppen i dag det er ynskjeleg å vidareutvikle dette. I 2014 fekk Gloppen kommune tildelt fornyingsmidlar frå Fylkesmannen i Sogn og Fjordane til arbeid med velferdsteknologi i Gloppen kommune. Av ulike årsaker hadde ein ikkje den framdrifta i prosjektet som var planlagt. Helse- og omsorgssjefen søkte difor i haust om å få overføre midlane kr til Dette for å få tid til å planlegge og gjennomføre dei aktivitetane som var planlagt. Det vart også gjort nokre endringar i forhold til dei planlagde aktivitetane i søknaden. Søknaden vart innvilga og vi er no i gang med arbeidet i kommunen. I tillegg er også Gloppen kommune med i arbeidsgruppa i det fylkesdekkande prosjektet «Velferdsteknologi for

6 kommunane i Sogn og Fjordane». Vi har delt våre erfaringar frå det arbeidet vi har gjort så langt i prosjektet med fleire kommunar som har etterspurt dette. Prosjektet velferdsteknologi i Sogn og Fjordane arrangerer samling for alle kommunane i Sogn og Fjordane. Vi har rekruttert ein medarbeidar internt i kommunen til å arbeide med dette i ei deltidsstilling. Vedkommande skal drive prosjektet i lag med helse- og omsorgssjef og andre einingsleiarar og tilsette. Aktivitetane som er planlagde er: Utarbeide oversikt over aktuelle hjelpemidler/utstyr og teknologiske løysingar som er aktuelt å prøve ut Vi har utarbeidd ei oversikt over ulike hjelpemiddel/utstyr og teknologiske løysingar som ein bør vurdere hjå den enkelte pasient. Ulike hjelpemiddel kan forenkle kvardagen, bidra til ein meir aktiv kvardag og auke tryggleiken for den enkelte. Noko av utstyret og hjelpemidla kan søkast om via hjelpemiddelsentralen. Søknader til hjelpemiddelsentralen må begrunnast ut i frå funksjonssvikt i forhold til daglege aktivitetar. Noko utstyr og hjelpemiddel må kjøpast privat. Dette er til dels diagnose-avhengig. Opparbeide kompetanse på velferdsteknologi blant kommunen sine tilsette Vi er i gong med arbeidet med å utarbeide eit undervisningsopplegg om velferdsteknologi. Dette er tenkt å skulle gje ei generell forståing av kva velferdsteknologi er. I tillegg vil ein ha fokus på ein del hjelpemidler og teknologiske løysingar som kan takast i bruk i pasientens heim i dag, utan behov for store omleggingar. Kjennskap til desse blant dei tilsette er viktig for å motivere pasientane til å ta dei ulike løysingane i bruk. Ved å ta i bruk hjelpemiddel og teknologiske løysingar tidleg kan ein forebygge ytterlegare hjelpebehov og skape trygge og sjølvstendige pasientar. Det kan også bidra til å utsette eit framtidig hjelpebehov. Kanskje kan tryggings-besøk kan i nokre tilfelle erstattast av hjelpemiddel. Det handlar om tidleg innsats og forebyggande tenkning både blant dei tilsette og pasientane. Nettbrett i heimetenestene Vi er i gang med arbeidet med å ta i bruk nettbrett i heimetenestene. Dette gjev tilgang på pasient-journal når ein er ute hos pasient og kan bidra til å sikre kvaliteten på tenestene og effektivisere arbeidet. Vi vil arbeide vidare for at dette vert tatt i bruk og nytta som planlagt. Opplyse om og presentere hjelpemiddel og teknologiske løysingar som er tilgjengelege i kommunen for innbyggjarar og brukarar Vi vil arbeide med å få på plass ein demonstrasjonsarena i kommunen. Vi vil invitere med NAV og private bedrifter i dette arbeidet. Vi planlegg folkemøte for å opplyse om velferdsteknologi, kvardagsrehabilitering og tenking om tidleg intervensjon. Her vil vi også invitere med ulike leverandørar, politikarar, legar, fysioterapeutar, ergoterapeutar og andre som er viktige i dette arbeidet. I tillegg skal vi informere om velferdsteknologi på ulike tilstellingar og i ulike lag og organisasjonar i kommunen. Utprøving av medisinerings-dosettar Vi har kjøpt inn nokre medisin-dosettar som kan bidra til at pasientane vert meir sjølvstendige i fht å administrere eigen medisin. Den gjev påminning om å ta medisinen og kan varsle

7 dersom medisinen ikkje vert tatt ut av dosetten. Vi skal prøve ut desse i prosjekt-perioden for å få erfaringar med denne typen hjelpemiddel. Arbeide for å få kjøpt inn ein Motiview - trimsykkel med tilhøyrande film på Oreteigen Motiview er eit motivasjonsverktøy som stimulerer eldre og andre til økt fysisk aktivitet. Ved hjelp av levande bilde og lyd kan pasientane reise på sykkeltur i kjende omgjevnader. Denne aktiviteten kan gje helsegevinstar som betre mobilitet, auka matlyst, betre søvn, trivsel m.m. Det er gode erfaringar frå andre kommunar med dette rundt om i landet. RÅDMANNEN SI TILRÅDING:.. tar saka til orientering.

8 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Rådet for funksjonshemma /15 Oppvekstutvalet Helse- og omsorgsutvalet Avgjerd av: Fleire utval Saksbehandlar: Anita Lothe Objekt: Arkiv: F40 Arkivsaknr.: 15/48-5 Plan- og tenesteutvikling av kommunale tenester til barn og unge menneske med nedsett funksjonsevne i Gloppen kommune Ingen vedlegg. Bakgrunn for saka: Gloppen kommune har mange barn og unge mennesker som har nedsett funksjonsevne av ulike årsaker. Vi har fått innspel frå fleire hald om behovet for å ha ein plan for tenestetilbodet til denne gruppa innbyggarar i Gloppen kommune. Politisk er temaet tidlegare omtala i følgjande dokument og prosessar: 1. Allereie i handlingsplan for helse og omsorgs-tenestene er tenester til born og unge gitt stor plass og utfordringane brei omtala. Det vart gjort politisk vedtak om å sette ned ei arbeidsgruppe hausten 2007 som skulle jobbe fram ein delplan for tenester til barn og unge men den vart ikkje politisk handsama 2. I gjeldane kommuneplan (samfunnsdelen) er behovet for betre koordinering og samarbeid mellom ulik tenester til born og unge nemnt, både på systemnivå og individnivå 3. I kommunen sin planstrategi for (vedteke ) ligg det inne eit behov for utarbeiding av temaplan «Born og unge i Gloppen», utan at det er spesifisert kva område den skal omfatte. Saksutgreiing: Som beskrive over er dette bakgrunnen for eit arbeid som er sett i gang i januar Ein hadde då eit fyrste møte med leiarane for dei einingane som har ansvar for deler av tenestetilbodet til barn og unge i Gloppen. Skule og barnehage var representert ved oppvekstsjef. Det er stor einigheit om at det er behov for å lage ein samla plan for dette arbeidet i kommunen. Det er mykje som er bra i dag, men det er også områder der det er forbetringspotensiale. Det er ynskjeleg at kommunen lagar ein plan for dette arbeidet som er framtidsretta. Dette for å nytte ressursane på ein slik måte at det gjev best mogleg tenester til denne gruppa. Ein ynskjer også å skape forutsigbarheit for innbyggarane som anten har behov for tenester eller er pårørande. Det kan gjere det lettare å planlegge framtida, samt skape tryggleik i ein elles utfordrande livssituasjon.

9 I dette arbeidet ser vi at det viktig å tenke både på førebyggande tiltak, vidareføring og formalisering av gode, eksisterande tiltak og tenestetilbod, men og på utvikling av tenestene i tråd med nye føringar og endra behov. Førebygging i tidleg fase av livet kan bidra til at fleire får ein god oppvekst og betre helse på sikt. Vi må samstundes ha ein strategi for å yte tenester fortløpande og tenkje heilheit og system kring tilboda og sikre gode overgangar. I arbeidsgruppa som er oppretta har ein peika ut viktige områder som ein ser det er viktig å ha fokus på og ha ein plan for i framtida: Koordinering: God koordinering er avgjerande for gode tenester og oppleving av samanheng Barnehage/Skuleløp: Viktig med eit godt planlagt og tilrettelagt barnehage og skuleløp, med fokus på tidleg planlegging av gode overgangar Arbeid og aktivitetar: Gjev meining og innhald i livet Gode rutinar for samarbeid med og ivaretaking av familien Avlastning: Ein del foreldre og pårørande med tyngande og omfattande omsorgsoppgåver har behov for periodevis avlastning Bustader og oppfølging i bustad: Det er behov for både private og kommunale bustader som er tilpassa dei ulike funksjonsnivåa og behov til den enkelte Kompetanse/Rekruttering/Fagmiljø: For å kunne yte gode tenester er ein avhengige av tenesteytarar med god og rett kompetanse. Det er ei utfordring å rekruttere, behalde og skape gode fagmiljø kring desse brukarane. Organisering kan ha betydning for dette Strategi/plan for langsiktig arbeid: Å ha ein plan for samla teneste-yting til denne gruppa innbyggarar er viktig for å ha ei rettesnor for framtidsretta arbeid og utvikling av tenestene. I dette arbeidet ynskjer vi å involvere brukarorganisasjonar, brukarar, tillitsvalde, fagpersonar i kommunen, rådgjevande organ og politikarar. Det er viktig at ein legg opp til ein strukturert og god prosess. Økonomiske konsekvensar for kommunen: Ikkje aktuelt no. Rådmannen si vurdering: Dette er eit viktig arbeid. RÅDMANNEN SI TILRÅDING: Rådmannen legg ikkje fram tilråding i saka, men ber om innspel til det vidare arbeidet.

10 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Rådet for funksjonshemma /15 Avgjerd av: Rådet for funksjonshemma Saksbehandlar: Anita Lothe Objekt: Arkiv: 033 Arkivsaknr.: 11/ Evaluering av dagens ordning - rådet for funksjonshemma i Gloppen kommune Vedlegg: Dok.nr Tittel på vedlegg Kommunen og fylkeskommunen sitt ansvar og oppgåver for Rådet for personer med nedsatt funksjonsevne Ansvar og oppgaver for RPNF Reglement for rådet for funksjonshemma Bakgrunn for saka: Hausten 2015 er det kommuneval og i den forbindelse ynskjer ein ei evaluering av det noverande rådet for funksjonshemma si organisering og funksjon. Saksutgreiing: I forbindelse med kommuneval 2015 vil ein evaluere noverande politiske organisering og ordninga med rådgjevande organ. Med bakgrunn i erfaringar frå den siste perioden, ynskjer rådmannen tilbakemelding og innspel. Kva har fungert godt og dårleg og innspel til forbetringar. Vedlagt ligg informasjonsskriv frå barne-, ungdoms- og familiedirektoratet om: Kommunens og fylkeskommunens ansvar og oppgåver for rådet for personer med nedsett funksjonsevne Oppnemning av nye råd for personar med nedsett funksjonsevne hausten Økonomiske konsekvensar for kommunen: Ikkje aktuelt. Rådmannen si vurdering: Rådmannen ynskjer tilbakemelding og innspel til noverande og framtidig organisering, ordning og funksjon. Rådmannen ber rådet for funksjonshemma uttale seg om ei eventuell samanslåing av rådet og eldrerådet. Dette er det høve til å gjere både etter eldrerådslova og etter lova som pålegg kommunane å ha eit råd eller ei anna representasjonsordning for menneske med nedsett funksjonsevne. Framlegg som har vore oppe tidlegare og spørsmålet vil bli stilt på nytt.

11 RÅDMANNEN SI TILRÅDING: Rådmannen kjem ikkje med tilråding, men ber om tilbakemelding og innspel til noverande og framtidig organisering, ordning og funksjon.

12 Side 1 av12