Merk deg møtestad. Møtet blir eit «sammøte» med rådet for menneske med nedsett funksjonsevne.

Transkript

1 GLOPPEN KOMMUNE ELDRERÅDET MØTEINNKALLING Møtedato: Møtestad: Grandane, møterom 2. etasje Møtetid: Kl. 10:00 Merk deg møtestad. Møtet blir eit «sammøte» med rådet for menneske med nedsett funksjonsevne. Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 7. september 2016 Olav Moritsgård leiar Beate O. Kornberg sekretær

2 SAKLISTE: Sak nr. Sakstittel 020/16 Godkjenning av møtebok, innkalling og sakliste 021/16 Referat og orienteringssaker 022/16 Sluttrapport prosjekt velferdsteknologi 023/16 Kommunal planstrategi sluttbehandling

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Eldrerådet /16 Avgjerd av: Eldrerådet Saksbehandlar: Jan Kåre Fure Arkiv: 033 Objekt: Arkivsaknr.: 16/ Godkjenning av møtebok, innkalling og sakliste Møteboka frå eldrerådet sitt møte den 30. mai i år blir lagt fram til godkjenning. Samstundes ber leiaren i rådet om godkjenning av innkallinga og saklista til dette møtet. LEIAREN SI TILRÅDING: 1. Eldrerådet godkjenner møteboka frå sitt møte den 30. mai Eldrerådet godkjenner innkallinga og saklista til møtet den 12. september 2016.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Eldrerådet /16 vgjerd av: Eldrerådet Saksbehandlar: Beate O. Kornberg Referat og orienteringssaker Arkiv: 033 Objekt: Arkivsaknr.: 16/1058 Refererte skriv og meldingar: Det er så langt ingen referat eller orienteringssaker. Ordet fritt RÅDMANNEN SI TILRÅDING: Rådmannen legg ikkje fram tilråding i saka.

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet /16 Rådet for menneske med nedsett funksjonsevne /16 Helse- og omsorgsutvalet Avgjerd av: Helse- og omsorgsutvalet Saksbehandlar: Anita Lothe Objekt: Arkiv: 233 F00 Arkivsaknr.: 14/ Sluttrapport prosjekt velferdsteknologi Vedlegg: Dok.nr Tittel på vedlegg Sluttrapport - prosjekt Velferdsteknologi Bakgrunn for saka: I 2014 fekk Gloppen kommune tildelt fornyingsmidlar frå Fylkesmannen i Sogn og Fjordane til arbeid med velferdsteknologi i Gloppen kommune. Helse- og omsorgssjef søkte hausten 2014 om å få overføre kr til Søknaden vart innvilga og prosjektet har vore gjennomført som planlagt. I tillegg er også Gloppen kommune med i det fylkesdekkande prosjektet «Velferdsteknologi for kommunane i Sogn og Fjordane». Aktivitetane i prosjektet har vore: Oversikt over aktuelle hjelpemiddel/utstyr og teknologiske løysingar som er aktuelt å prøve ut. Kompetanse på velferdsteknologi blant kommunen sine tilsette. 17 tilsette i kommunen har gjennomført pilot på ABC-opplæring i velferdsteknologi, det er gjennomført internundervisning lokalt i aktuelle einingar og har vore arrangert fagdag i Gloppen med tema velferdsteknologi. Det har vore arbeidt med å ta i bruk nettbrett i heimetenestene. Vi ser no ein større bruk av nettbrett i fleire einingar i helse og omsorg. Presentasjon av hjelpemiddel og teknologiske løysingar som er tilgjengelege i kommunen for innbyggjarar og brukarar. Vi har invitert oss inn til ulike lag og organisasjonar, delteke på førebyggande heimebesøk, arrangert opne møter om ein god alderdom i Gloppen kommune for alle over 60 år, fått omtale i lokalavisa, laga informasjon på dei kommunale informasjonsskjermane og brosjyre. Utprøving av elektroniske medisineringsdosettar. Dette har gjeve oss verdifull erfaring og vi vil fortsette å ta i bruk og prøve ut elektronisk medisineringsdosett i «småskala» i tenestene framover. Kjøpt inn Motiview - trimsykkel med tilhøyrande film på Oreteigen. Motiview er eit motivasjonsverktøy som stimulerer eldre og andre til økt fysisk aktivitet. Ved hjelp av ein «tilrettelagt stasjonær sykkel», levande bilde og lyd kan pasientane reise på sykkeltur i kjende omgjevnader. Deltaking i fylkesprosjektet «Velferdsteknologi i kommunane i Sogn og Fjordane». Samarbeid med lokale bedrifter og eksterne samarbeidspartar. Aktuelle lokale bedrifter er kjende med vår satsing og vi har fått god innsikt i kva dei kan tilby, slik at vi kan formidle kontakt når vi ser det er aktuelt. Fleire av bedriftene har delteke på

6 opne møter for alle over 60 år. Eksterne samarbeidsparter har vore fylkesprosjektet, Utviklingssenteret for sjukeheim og heimetenester i Sogn og Fjordane og Fylkesmannen. Korleis arbeider vi med velferdsteknologi framover? I kvardagsrehabilitering skal velferdsteknologi vurderast i tverrfaglege team. Vi har på plass ressurspersonar i einingane. Vi skal fortsatt informere innbyggarane om velferdsteknologi og oppfordre dei til å ta i bruk teknologiske løysingar på eige initiativ. Bodskapen er å ta i bruk teknologi så tidleg som mogleg. Det er laga rutinar og retningslinjer som ligg i dei aktuelle einingane for korleis ein brukar elektronisk medsineringsdosett. Det skal gjerast ei tverrfagleg kartlegging av alle nye søkjarar til tenester i heimetenestene. Velferdsteknologi er eit av fleire tiltak som skal vurderast. Legane brukar det tilvisingsverktøyet dei allereie har (elektronisk melding) og tilviser til tverrfagleg kartlegging. Helse- og omsorgssjef har ansvar for at velferdsteknologi vert sett på dagsorden i leiargruppa si og i organisasjonen i åra framover. Aktuelt er også kompetansehevande tiltak som temadagar, internundervisning, kurs m.m. Vi er fortsatt med i Fylkesprosjektet i Sogn og Fjordane. Konklusjon og oppsummering sett opp mot formål og mål med prosjektet Vi ser ei heilt klar endring i fokus på velferdsteknologi både blant tilsette og innbyggarane generelt i kommunen. I møte med innbyggarane opplever vi interesse for velferdsteknologi, samt at dei ser kor viktig det er å ta det i bruk tidleg. Mange eldre ynskjer å lære å bruke data og andre løysingar. Dette håpar vi kan førebygge behovet for helse- og omsorgstenester på sikt. Vi ser også at det er viktig at alle tilsette i alle ledd har fokus på dette framover. Velferdsteknologi er ein del av vurderinga ved tildeling av tenester og som oppfølging av vaksne med funksjonssvikt. Det kan synast som fleire av innbyggarane er interessert i å lære å bruke velferdsteknologi. Vi opplever at det er ei haldningsendring blant innbyggarane, brukarane, pårørande, tilsette og leiing rundt behovet vårt for å ha ansvar for eige liv og å ta i bruk teknologi. Det er vanskeleg å seie sikkert om ein når målet om å utsette behovet for tradisjonelle, langvarige og kostnadskrevjande helse- og omsorgstenester. Men vi ser heilt klart ei endring, og det gjev håp om langsiktig gevinst i form av redusert vekst i helse og omsorg samt rett og effektiv bruk av ressursar. Vi opplever at velferdsteknologi no er eit meir kjent omgrep enn tidlegare både blant tilsette og innbyggarane ute. Det er ei felles oppfatning i organisasjonen at satsinga på velferdsteknologi er viktig. RÅDMANNEN SI TILRÅDING: Helse- og omsorgsutvalet tek saka og sluttrapporten om velferdsteknologiprosjektet til orientering.

7 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Eldrerådet /16 Rådet for menneske med nedsett funksjonsevne /16 Helse- og omsorgsutvalet Oppvekstutvalet MULTEK-utvalet Formannskapet Kommunestyret Avgjerd av: Kommunestyret Saksbehandlar: Beate O. Kornberg Objekt: Arkiv: 140 Arkivsaknr.: 15/ Kommunal planstrategi sluttbehandling Vedlegg: Dok.nr Tittel på vedlegg Planstrategi Gloppen kommune - Høyringsutkast 20 juni 2016 Frå tidlegare behandling av saka: Bakgrunn for saka: Plan og bygningslova 10-1: «Kommunestyret skal minst éin gang i kvar valperiode, og seinast innan eit år etter konstituering, utarbeide og vedta ein kommunal planstrategi. Planstrategien bør omfatte ei drøfting av kommunen sine strategiske val knytt til samfunnsutvikling, her under langsiktig arealbruk, miljø utfordringar, sektorane si verksemd og ei vurdering av kommunen sitt planbehov i valperioden. Kommunen skal i arbeidet med kommunal planstrategi innhente synspunkt frå statlege og regionale organ og nabokommunar. Kommunen bør også legge opp til brei medverknad og allmenn debatt som grunnlag for behandlinga. Forslag til vedtak i kommunestyret skal gjerast offentleg minst 30 dagar før kommunestyret si behandling. Ved behandlinga skal kommunestyret ta stilling til om gjeldande kommuneplan eller delar av denne skal reviderast, eller om planen skal vidareførast utan endringar. Kommunestyret kan herunder ta stilling til om det er behov for å setje i gang arbeid med nye arealplanar i valperioden, eller om gjeldande planar bør reviderast eller opphevast. Utarbeiding og behandling av kommunal planstrategi kan slåast saman med og vere del av oppstart av arbeidet med kommuneplanen, jf. kapittel 11» Folkehelseloven 5: «Kommunen skal ha nødvendig oversikt over helsetilstanden i befolkninga og de positive og negative faktorar som kan virke inn på denne».

8 6: «Oversikten etter 5 andre ledd skal inngå som grunnlag for arbeidet med kommunen sin planstrategi. Ei drøfting av kommunen sine folkehelseutfordringer bør inngå i strategien, jf. plan- og bygningsloven Saksutgreiing: Kommunal planstrategi er eit relativt nytt verkty i den nye plan og bygningslova (2008). Planstrategien er først og fremst meint å vere eit sterkare styringsreiskap for politikarane, med vekt på dei satsingane dei ønskjer å prioritere. Det er viktig å merke seg at planstrategien skal leggast til grunn for alt vidare planarbeid i perioden, som kommuneplan (både samfunnsdel og arealdel), delplanar, temaplanar, sektorplanar og sist men ikkje minst økonomiplan. Formålet er å drøfte kommunen sitt utviklingspotensial både som samfunn og organisasjon, klargjere kva for planoppgåver kommunen bør starte opp eller vidareføre i komande 4-års periode, for å legge til rette for ei ønska utvikling i kommunen. Planstrategien erstattar kravet som låg i den gamle plan- og bygningslova om rullering av kommuneplanen, og har fokus på at planlegginga skal vere behovsstyrt og ikkje gjerast meir omfattande enn naudsynt. I følgje miljødepartementet sin rettleiar, er planstrategien også eit egna verkty for å vurdere kommunen sitt plansystem, planressursar og samla planbehov i kommunestyreperioden. Folkehelselova som kom i 2012 legg og klare føringar for eit tverretatleg oversiktsarbeid rundt faktorar som påverkar befolkninga si helsetilstand, og at denne oversikta skal inngå som grunnlag for kommunen sitt arbeid med planstrategien. Dette bidrog til at rådmannen hausten 2015 etablerte ei tverr-sektoriell fokusgruppe, som på vegne av sektorane har bidrege sterkt i utarbeiding av det vi har kalla «Utfordringsdokument 2015». Fokusgruppa er i ferd med å ferdigstille dette dokumentet, som vil bli lagt fram politisk i løpet av februar Økonomiske konsekvensar for kommunen: Ingen direkte økonomiske konsekvensar. Rådmannen si vurdering: Lova legg i liten grad føringar for korleis planstrategiprosessen skal gjennomførast, utover at det i lovteksten står at kommunestyret skal bidra både i å utarbeide og vedta planstrategien. Nokre kommunar har likevel vald å køyrt reine administrative prosessar for utarbeiding, men sjølvsagt med politisk vedtak. I andre kommunar er politikarane sterkare involvert i sjølve utarbeidinga og drøftingane av ønska utvikling og viktige prioriteringar for å oppnå denne. Det sistnemnde løysinga vert i KS sitt inspirasjonshefte nemnt som ein suksessfaktor for at politikarane i større grad får eit sterkare eigarskap til planstrategien. Vidare anbefaler KS å ikkje køyre ein brei medverknadsprosess ut imot innbyggarane i denne fasen, dersom den ikkje vert del av oppstarten av ein større kommuneplanprosess. Då kommunen i 2012 starta arbeidet med utarbeiding av kommunen sin første planstrategi, hadde kommunen ingen erfaring med korleis ein best kunne gjennomføre ein slik prosess, i tillegg til særs avgrensa ressursar til arbeidet. Utarbeiding vart difor hovudsakleg utarbeida administrativt, med minimal medverknad frå politikarar og sektor- og einingsleiarar, sjølv om det vart gjort forsøk på dette. Planstrategien vart

9 først vedteken juni 2014, og har difor i liten grad vert tydeleg førande for kva planar som skulle prioriterast i perioden. Rådmannen meiner difor at det i starten på inneverande periode er viktig å køyre ein prosess som i større grad gir eigarskap til planstrategien, og ønskjer difor å gjennomføre ein «planstrategiverkstad» der både administrative leiarar og politikarar får høve til å delta aktivt. Leiarane si oppgåve vert å bidra med si kompetanse inn imot ei ønskja utvikling av kommunen, mens politikarane si oppgåve vert å ivareta det folkelege engasjementet for kva slags planer ein bør utarbeide/revidere i valperioden. I forkant av denne «verkstaden» er det, slik rådmannen vurderer det, viktig at utfordringsdokument og planstrategi vert sett på agendaen i leiargruppene og utvala, der ein drøftar ønskja utvikling for kommunen som samfunn og tenesteleverandør, men og utifrå sektorane og dei politiske utvala sine ansvarsområde. Rådmannen har difor forslag til ein framdriftsplan slik vedlegget til saksdokumentet beskriv. RÅDMANNEN SI TILRÅDING: Gloppen kommunestyre vedtek oppstart av arbeid med planstrategi i samsvar med plan- og bygningslova Kommunestyret slutter seg til arbeidsopplegg og framdriftsplan som er skissert i saksutgreiinga og vedlegget i saka FORMANNSKAPET 007/16 VEDTAK: Rådmannen si tilråding vart samrøystes innstilt KOMMUNESTYRET 005/16 VEDTAK: Gloppen kommunestyre vedtek oppstart av arbeid med planstrategi i samsvar med plan- og bygningslova Kommunestyret slutter seg til arbeidsopplegg og framdriftsplan som er skissert i saksutgreiinga og vedlegget i saka. Vedtaket var samrøystes. Vidare behandling: I tråd med vedtaket i kommunestyret , vart det 25. april i år gjennomført ein planstrategiverkstad i forkant av utarbeiding av «Planstrategi for Gloppen kommune ». Hensikta var å kome fram til ei ønskja retning for kommunen si samfunnsutvikling og skape eigarskap til kommunen sin planstrategi og planar gjennom drøftingar på tvers av administrasjon og politikk.

10 Planstrategiverkstaden involverte heile kommunestyret, rådmann, sektorleiarar og einingsleiarar, som vart sette saman i 10 grupper på tvers av sektorar, utval og parti. Deltakarane fekk i forkant tilsendt eit diskusjonsnotat med ei oppsummering av viktige dokument som skal ligge til grunn for drøftingane. Diskusjonsnotatet tok utgangspunkt i nasjonale føringar, regional planstrategi, gjeldande kommuneplan / planstrategi og «Utfordringsdokument 2015». I verkstaden vart det jobba med å skape ei felles forståing av kva som er kommunen sine største utfordringar. Dei 5 viktigaste satsingsområda vart valde ut og kva for samfunnsutvikling kommunen ønskjer i tida framover, vart omtala (målbilete). Oppsummeringa av utfordringane, satsingsområde og målbilete frå planstrategiverkstaden utgjer grunnlaget for rådmannen v/kommunalt planforum* sitt arbeid med satsingsområde i planstrategien, og forslag til planar for kommunestyreperioden. Vi har òg sett særskilt på om planstrategien svarer på nasjonale og regionale føringar. Kommunalt planforum har i etterkant utarbeida forslag til strategiar for å nå måla. * Kommunalt planforum er ei administrativ arbeidsgruppe som er sett saman av dei vitigaste planleggarane i administrasjonen. Planoversikta i slutten av planstrategidokumentet inneheld både planar som er under utarbeiding og ikkje er vedteke så langt, og forslag til nye planar. Forslaget til planoversikt i slutten av planstrategidokumentet er ikkje endeleg og ferdig fordi rådmannen ikkje ønskjer å legge for sterke føringar på politikarane sine val. Når det gjeld vurdering av nye planbehov, må det leggast vekt på at dei står i samanheng med satsingsområda som er valt for perioden. Rådmannen si vurdering: Rådmannen har ved fleire høve gjort dei folkevalde merksame på at kommunen ikkje har stor planleggings- og utgreiingskapasitet. Når rådmannen i planstrategien legg opp til å revidere kommuneplanen i 2017 og 2018, vil mykje av kapasiteten på overordna planlegging vere disponert. Rådmannen ber derfor om måtehald i ønskja om utarbeiding av planar dei to første åra. Det er svært viktig å få gjort ferdig bustadpolitisk handsplan. Denne vil vere retningsgjevande for fleire område og eit viktig verkemiddel for å nå målet om Gloppen som tilflyttingskommune nr 1 i Nordfjord. --- Etter tidlegare vedteken framdriftsplan er høyringsperioden for utkastet til planstrategi 4. august til 4. september i år. RÅDMANNEN SI TILRÅDING: Formannskapet legg rådmannen sitt framlegg til kommunal planstrategi for perioden ut til gjennomsyn med høyringsfrist 4. september 2016.

11 FORMANNSKAPET Framlegg frå Svein-Ottar Sandal (KrF): Samtidig med at den kommunale planstrategien vert lagt ut til gjennomsyn, ber formannskapet rådmannen legge fram ei vurdering på planleggingskapasiteten i kommunen. Framlegget vart vedteke mot to røyster. Framlegg frå Bernt Reed (Sp): Barnehage- og skulebruksplanen skal vere klar i løpet av hausten 2017, med oppstart vinteren 2016/2017. Planperioden skal vere Framlegget vart samrøystes vedteke. Framlegg frå Hege Lothe (SV) og Bjarte Gangeskar (V): Integrering skal inn som tema i alle planane, og det blir ikkje laga ein eigen plan for dette. Framlegget vart samrøystes vedteke. 090/16 VEDTAK: 1. Formannskapet legg rådmannen sitt framlegg til kommunal planstrategi for perioden ut til gjennomsyn med høyringsfrist 4. september 2016 med desse tillegga/endringane: Barnehage- og skulebruksplanen skal vere klar i løpet av hausten 2017, med oppstart vinteren 2016/2017. Planperioden skal vere Integrering skal inn som tema i alle planane, og det blir ikkje laga ein eigen plan for dette Beredskapsplanen skal reviderast i løpet av Samtidig med at den kommunale planstrategien vert lagt ut til gjennomsyn, ber formannskapet rådmannen legge fram ei vurdering på planleggingskapasiteten i kommunen. Pkt 1 vart samrøystes vedteke. Pkt 2 vart vedteke mot to røyster. Sluttbehandling: Kommunen sin planstrategi for vart lagt ut på høyring 22. juli, med høyringsfrist 4. september. Det har innan fristen ikkje kome inn nokon innspel til planstrategien, men i samband med varsling av oppstart av arbeidet med kommunen sin planstrategi, kom det inn to høyringsinnspel. Eitt frå Fylkesmannen og eitt frå Søreide fjellsameige. Saksutgreiing: Hovudtrekk i Fylkesmannen si høyringsuttale:

12 Dei fleste momenta i Fylkesmannen si uttale er teken omsyn til i utarbeidinga av kommunen sin planstrategi. I tillegg er følgjande påpeika: Vi ser det som viktig at dei viktigaste miljøutfordringane i kommunen vert konkretiserte. Kommunen har ei sentral rolle i arbeidet med å redusere klimagassutslepp og tilpasse lokalsamfunnet til eit klima i endring. Arealpolitikken skal legge til rette for reduserte utslepp av klimagassar. Dette bør reflekterast i planstrategien. Det er ei viktig oppgåve i planlegginga å ta vare på god matjord, samtidig som ein balanserer jordvernet mot behovet til storsamfunnet. Det er eit nasjonalt mål å legge til rette for auka verdiskaping knytt til jord- og skogressursane, mellom anna gjennom satsing på grønt reiseliv, lokal matproduksjon og utnytting av bioenergi. Hovudmoment i Søreide Fjellsameige si høyringsuttale: Søreide Fjellsameige minner om kva fylkesmannen i Hordaland seier når det gjeld bilveg til støylsområda i Gloppen kommune i høve ei ankesak: Bilveg til stølsområde må vurderast ved neste rullering av kommuneplanen. Søreide Fjellsameige vonar kommunen no kan få omdefinert støylsområda til område for fritidsføremål. Alle støylane i kommunen vert no i hovudsak nytta til rekreasjon. Rekreasjon og naturopplevingar der veg er ein føresetnad for at rørslehemma også skal kunne få delta ( eldre, sjuke og andre som ikkje kjem seg fram i noko ulent terreng). Derfor må det kunne leggjast til rette for veg for dei som ynskjer veg. For dei som endå driv med landbruk har veg store fordeler med tilsyn og stell av buskap i tillegg til uttak av skog/ved. Det ligg inne på kommune si heimeide linkar med referansar til utleige av stølshus. Å kunne utnytte ressursane som ligg i stølsområde i endå større grad, ved for eksempel å tilby utleige og naturopplevingar, er ikkje berre vere positivt for kommunen, men kan også gje ei kjærkomen inntekt til dei som skal forvalte landskap og naturverdiar. Skal ein drive med utleige er det ein føresetnad at det eksisterer hensiktsmessig tilkomst for både leigetakarane og dei som skal sjå etter hytte/område. Rådmannen si vurdering: Planstrategien legg som kjent opp til ei revidering av kommuneplan, både samfunnsdel og arealdel i inneverande planperiode. Rådmannen ser det som særs viktig at kommunen sitt arbeid med kommunedelplanar som skal utarbeidast i same tidsperiode, vert koordinert og sett i samanheng med kommuneplanprosessen. Dette gjeld særskilt bustadpolitisk handlingsplan, barnehage- og skulebruksplan og områdeplan for Sandane sentrum. Denne vil vere retningsgjevande for fleire område og eit viktig verkemiddel for å nå målet om Gloppen som tilflyttingskommune nr 1 i Nordfjord. Til pkt 2 i formannskapet sitt vedtak i sak 90/16: Samtidig med at den kommunale planstrategien vert lagt ut til gjennomsyn, ber formannskapet rådmannen legge fram ei vurdering på planleggingskapasiteten i kommunen Rådmannen har ved fleire høve seinast i presentasjonen av «0-alternativet» i arbeidet med kommunereforma påpeika at vi har for liten kapasitet på rådgjeving- og utgreiingsarbeid. Dette fører til at både rådmannen sjølv, og særleg sektorleiarane for dei store sektorane (oppvekst og helse og omsorg) i alt for stor grad brukar tida si på driftsoppgåver og rein administrasjon. Driftsoppgåvene til kommunen har auka mykje dei siste 5-10 åra, og

13 samstundes med dette har vi bygd ned administrasjonen når det gjeld utgreiingskapasitet og - kompetanse. Dette lir sjølvsagt også planarbeidet under. Rådmannen meiner at vi på relativt kort sikt må få på plass 2-3 rådgjevar- og saksbehandlarstillingar i administrasjonen viss vi skal handtere dei utviklingsoppgåvene vi ser føre oss, og som de folkevalde er opptekne av. Noko av denne kapasiteten kan kanskje skaffast ved anna organisering og stillingsendringar, men neppe alt. Rådmannen vil i sitt framlegg til 2017-budsjett prøve å kome med konkrete tiltak. Det er sjølvsagt ikkje noko å legge skjul på at brannen i heradshuset ikkje har vore til hjelp RÅDMANNEN SI TILRÅDING: Kommunestyret vedtek formannskapet sitt forslag til kommunal planstrategi for Gloppen kommune slik dette følgjer av f-sak 90/16.

14 side 1