Idrettsfunksjonell førehandsgodkjenning

Transkript

1 Kulturdepartementet Rettleiar Idrettsfunksjonell førehandsgodkjenning Rettleiar for kommunale saksbehandlarar, oppdatert 10/2016

2 INNLEIING... 5 SØKNADSPROSESSEN... 7 Kven kan søke om spelemidlar til anlegg?... 7 Kven kan ikkje søke om tilskot frå spelemidlane?... 7 Søknadsfrist... 8 Kort om søknadsprosessen... 8 Anleggsnummer... 9 Kommunal plan... 9 Forhold som gjeld eigedom... 9 IDRETTSFUNKSJONELL FØREHANDSGODKJENNING Kva er ei idrettsfunksjonell førehandsgodkjenning? Vurdering om kommunen eller departementet skal gje idrettsfunksjonell førehandsgodkjenning Kommune/saksbehandlar sine oppgåver Generelle vedlegg Spesielle vedlegg Kva gjer du dersom vedlegga ikkje er tilfredsstillande? Kva gjer ein dersom anlegget ikkje er omtalt i kommunal plan eller planen ikkje gjeld lenger? Endringar i planane og/eller søknad om fornya idrettsfunksjonell førehandsgodkjenning FØRESETNADER FOR VURDERING AV ULIKE TYPAR ANLEGG Ordinære anlegg Nærmiljøanlegg REHABILITERING UNIVERSELL UTFORMING KRAV TIL UTFORMING AV GODKJENNINGSBREV SJEKKLISTE DØME PÅ GODKJENNINGSSTEMPEL... 33

3

4 INNLEIING Denne rettleiaren er utarbeidd for å vere eit hjelpemiddel til saksbehandlarar i kommunane som skal behandle søknader om idrettsfunksjonell førehandsgodkjenning i samband med søknader om spelemidlar i kommunane. Rettleiaren er eitt tillegg til "Føresegner om tilskot til anlegg for idrett og fysisk aktivitet 2016" (føresegnene) og revidert utgåve vil bli gjeve ut årleg. Oktober 2016 Kulturdepartementet, avdeling for sivilsamfunn og idrett 5

5 6

6 SØKNADSPROSESSEN Det er krav til kven som kan vere søkar, sjå føresegnene pkt Andre enn dei som er nemnde i dette punktet kan ikkje søke om tilskot. Kven kan søke om spelemidlar til anlegg? For søknad om tilskot til ordinære anlegg og nærmiljøanlegg, sjå pkt (sjå faktaboks). For søknad om tilskot til løypetiltak i fjellet og overnattingshytter, sjå pkt. 4.2 i føresegnene. Det er kun eigaren av anlegget som kan søke om tilskot frå spelemidlane. I heilt spesielle tilfelle kan departementet, etter føregåande skriftleg søknad, gi dispensasjon frå dette kravet. For ein del samanslutningar må ein sende søknad om førehandsgodkjenning av vedtekter til departementet (sjå faktaboks). Godkjenninga skal følge spelemidelsøknaden. Kven kan ikkje søke om tilskot frå spelemidlane? Under følger døme på søkarar som ikkje når opp til krava i føresegnene: foreiningar utan idrettsleg føremål privatpersonar private, fortenestebaserte selskap FAU private skular Krav til søkar Søkarar om tilskot til anlegg for idrett og fysisk aktivitet kan vere a) kommunar/fylkeskommunar, samt kommunale/fylkeskommunale føretak b) idrettslag/organisasjonsledd i Norges idrettsforbund og olympiske og paralympiske komité (NIF) c) idrettslag organisert under Samenes Idrettsforbund-Norge (Sámiid Valáštallanlihttu- Norga) d) studentsamskipnader e) samanslutningar organiserte under Norges Jeger- og Fiskerforbund, Den Norske Turistforening (DNT), Norges Bilsportforbund eller Det frivillige Skyttervesen Følgande samanslutningar må søke departementet om førehandsgodkjenning av sine vedtekter for å kunne søke om tilskot til anlegg for idrett og fysisk aktivitet: f) aksjeselskap/allmennaksjeselskap g) stiftingar h) samvirkeføretak i) andre samanslutningar Følgande samanslutningar kan søke om tilskot til særlege anlegg: j) samanslutningar organiserte under Friluftsrådenes Landsforbund, samt Oslofjordens Friluftsråd, og Norsk Friluftsliv kan søke om tilskot til friluftslivsanlegg slik desse er definert i pkt og til nærmiljøanlegg, jf. kap. 3 k) Samisk Reinkappkjører-forbund (Sámi Heargevuodjin-lihttu), og samanslutningar organiserte under forbundet, kan søke om tilskot til anlegg for reinkappkjøring og lassokasting, jf. pkt l) samanslutningar organisert under Norsk Kennel Klub kan søke om tilskot til anlegg for hundesport, jf. pkt Det er kun eigar av anlegget som kan søke om tilskot frå spelemidlane. I heilt spesielle tilfelle kan departementet, etter føregåande skriftleg søknad, gi dispensasjon frå dette kravet. Søkar under bokstavane f-i skal søke departementet om førehandsgodkjenning av samanslutninga sine vedtekter (sjå vedlegg 3-7). 7

7 Krav som må vere oppfylte ved søknad om spelemidlar: Søkar må opprette kontakt med kommunen anlegget skal ligge i. Kommunen må registrere anlegget i idrettsanleggsregisteret før ein kan søke om tilskot til anlegget. Anlegget ein søker om midlar til, må vere en del av ein vedteken kommunal plan som omfattar idrett og fysisk aktivitet. Planane for anlegget ein søkar om tilskot til, må på førehand vere idrettsfunksjonelt godkjende av departementet eller den departementet har gitt myndigheit til (kommunen kor anlegget skal ligge). Idrettsfunksjonell førehandsgodkjenning må ligge føre før ein set i gang med byggearbeida. Sjå pkt og for nærare informasjon. For søknader om tilskot til bygging og rehabilitering av ordinære anlegg for idrett og fysisk aktivitet, gjeld føresegnene i kap. 2, samt 5-7. Tilsvarande gjeld for nærmiljøanlegg der ikkje anna er bestemt, sjå nærare kap. 3, og for løypetiltak i fjellet og overnattingshytter, sjå nærare kap. 4. For søknader frå samanslutningar, som skal søke om førehandsgodkjenning av vedtektene sine av departementet, er det ein føresetnad at vedtektene på førehand er godkjende for at søknaden om tilskot skal kunne godkjennast. Søknadsfrist Kommunane må ha teke imot søknadene i god tid før fristen for oversending til fylket 15. januar, slik at kommunane skal kunne behandla søknadene før denne fristen (sjå pkt i føresegnene). Kort om søknadsprosessen 1. Kommunen må registrere anlegget i anleggsregisteret, når søkar ber om dette, slik at det blir oppretta eit anleggsnummer og navn på anlegget. Ein må oppgi nummeret vidare i søknader. 2. Før søkar kan gå vidare med søknaden om tilskot frå spelemidlane, må det ligge føre ei godkjend idrettsfunksjonell førehandsgodkjenning som skal følge søknaden om spelemidlar. Ein skal sende søknad om idrettsfunksjonell førehandsgodkjenning til kommunen, og søknaden skal behandlast der (med nokre få unntak som til dømes svømmeanlegg og kunstisanlegg, sjå òg pkt i føresegnene). Departementet kan gi råd og rettleiing i samband med behandling av søknadene. Kommunen kan òg avtala med fylkeskommunen at dei kan sende søknaden om førehandsgodkjenning til fylkeskommunen for ei fråsegn. Dersom kommunen sjølv ikkje har kompetanse til å behandle søknaden, kan kommunen velje å sende søknaden til departementet for behandling (sjå òg eige kapittel om idrettsfunksjonell førehandsgodkjenning). Godkjenningsbrev og stempla teikningar skal følge spelemidelsøknaden. 3. For søkarar som må søke departementet om førehandsgodkjenning av sine vedtekter, må ein gjere dette før ein kan sende inn spelemidelsøknaden. Godkjenninga skal følge som eit vedlegg til spelemidelsøknaden. 4. Søkar sender søknad om spelemidlar gjennom søknadsportalen på Kommunen gjennomgår alle søknadene og sjekker at alle vedlegg er med og at søknaden er i formell orden. 5. Fylket tek imot søknadene frå kommunane innan 15. januar og skal sende oversikt over godkjende søknader til departementet innan 15. mars. 8

8 6. Departementet går gjennom søknadslister frå fylkene og tek stikkprøvekontroll. 7. Departementet fastset dei beløpa fylkeskommunane kan få til fordeling og gjev melding til fylkeskommunane om storleiken på beløpa normalt innan 1. mai. Anleggsnummer I idrettsanleggsregisteret får anlegget eit unikt nummer. For å kunne søke om tilskot må det planlagte anlegget vere registrert og ha fått tildelt anleggsnummer. Alle saksbehandlarar har tilgang til registeret og søknader gjennom saksbehandlersystemet. Oversikten over anlegg og tildelingar kan ein sjå i publikumsportalen "Idrettsanleggsregisteret" på Kommunal plan For å kunne søke om tilskot frå spelemidlane, må anlegget vere ein del av ein vedteken kommunal plan. Det tyder at anlegget er vurdert og planlagt gjennom ein prosess i kommunane, og at planane er vedtekne i kommunestyret. Departementet har gitt ut ein rettleiar om dette temaet, "Kommunal planlegging for idrett og fysisk aktivitet" revidert utgave Forhold som gjeld eigedom Søkar må ha rett til bruk av grunnen der anlegget ligg/skal ligge. Ved søknad om spelemidlar skal denne retten dokumenterast (sjå pkt i føresegnene). Retten til grunn skal dokumenterast og ha heimel i eitt av følgande forhold: tinglyst eigedomsrett skal dokumenterast med stadfesta utskrift av grunnboka tinglyst feste-/leigerett av minimum 30 års varigheit skal dokumenterast med stadfesta kopi av avtalen avtale om bruk av grunnen av minimum 30 års varigheit med kommune/fylkeskommune/staten (kommunal, fylkeskommunal eller statleg grunn) skal dokumenterast med kopi av avtale avtale av minimum 30 års varigheit med grunneigarar om bruk av grunnen når det gjeld turvegar, turløyper og turstiar skal dokumenterast med kopi av avtalen For nærmiljøanlegg gjeld 20 års varigheit. 9

9 IDRETTSFUNKSJONELL FØREHANDSGODKJENNING Kva er ei idrettsfunksjonell førehandsgodkjenning? Førehandsgodkjenning skal gjennomførast for å sikre løysingar som stettar dei behova som er knytt til anlegget og som gjev gode idrettsfunksjonelle løysingar. Dette skal gjerast for at anlegga skal fylle dei krava som dei ulike idrettane stiller til sine anlegg, som til dømes storleik på baner og sikringssoner, for å sikre gode, funksjonelle idrettsanlegg og at estetiske og miljømessige forhold vert teke omsyn til på ein god måte. Ein må ikkje forveksla førehandsgodkjenning med den saksbehandlinga som føregår i byggesaksavdelinga i kommunen eller tilsvarande i samband med behandling av byggesaka Idrettsfunksjonell førehandsgodkjenning av planer For idrettsfunksjonell førehandsgodkjenning av planar for idrettsanlegg, sjå pkt. 2.5 [ ]. Kommunane har fullmakt til å førehandsgodkjenne planar for dei fleste typar anlegg. Dette medfører at kommunane sjølve må sørge for den naudsynte kompetansen for å kunne gjere dette. Det vert anbefalt å ta kontakt med kommunen si avdeling for byggesak og/eller eigedom for å gi vurderingar i samband med førehandsgodkjenningar og kostnadsoverslag. Søknaden om idrettsfunksjonell førehandsgodkjenning skal vere heilskapleg og ha fullstendig teikningsgrunnlag. Ved godkjenning vert det skrive eit godkjenningsbrev og planane skal påførast dato, stempel og underskrift. Dette skal leggast ved som dokumentasjon på kva det vert søkt om tilskot til. Teikningane/planane kan stemplast og sendast elektronisk. Eitt sett planar skal kommunen behalde, eitt sett skal følge søknad om spelemidlar og eitt sett skal anleggseigaren behalde. Dersom teikningane/planane vert godkjende på papir, må ein levere tre sett. Kommunen fastset frist for innsending av søknader/planar som kommunen skal gje idrettsfunksjonell førehandsgodkjenning til. Søknader/planer for anleggstypar som krev førehandsgodkjenning av departementet, skal sendast departementet for førehandsgodkjenning. Departementet har to månaders behandlingstid. Det vil seie at søknad om førehandgodkjenning bør sendast til departementet innan 15. november Det er ein føresetnad for å kunne søke om spelemidlar at planane for anlegget har fått ei idrettsfunksjonell førehandsgodkjenning. Det vil seie at kommunen eller departementet har gått gjennom dei tekniske planane for anlegget og etter dette har gjeve si fråsegn/godkjenning i eit eige brev 1, samt at teikningane har fått eit godkjenningsstempel 2. Dette brevet, saman med dei stempla teikningane, skal ein legge ved søknaden om spelemidlar. Idrettsfunksjonell førehandsgodkjenning skal vere gjeven før ein startar byggearbeida. Dersom ein har starta byggearbeida, og etter dette søker om idrettsfunksjonell førehandsgodkjenning, får ein ikkje ei slik godkjenning. Utan idrettsfunksjonell førehandsgodkjenning vil ein òg få avslag på spelemidelsøknaden, og ein vil miste sjansen til å få tildelt spelemidlar frå ordninga. Kulturdepartementet gjeve kommunane fullmakt til å foreta idrettsfunksjonell førehandsgodkjenning av planar for ordinære anlegg. 1 Sjå døme i vedlegg s Sjå vedlegg s. 33 for korleis ein går fram for å lage dette. 10

10 Vurdering om kommunen eller departementet skal gje idrettsfunksjonell førehandsgodkjenning Kommunane har fullmakt til å førehandsgodkjenne planar for dei fleste typar anlegg (sjå pkt i føresegnene). Det tyder at ein må ha tilgang til kompetanse i kommunen for å gjere denne jobben. Ikkje alle idrettskonsulentar har slik teknisk kompetanse. Ein anbefaler derfor å trekke inn andre einingar (fyrst og fremst kommunen si avdeling for byggesaker og/eller eigedom) i kommunen for å gje vurderingar i samband med førehandsgodkjenning og kostnadsoverslag. Plan- og byggesakseininga kan gje informasjon om gjeldande føresegner i kommune- og reguleringsplanar og kva desse har å seie for byggeprosjektet. Desse kan òg gje informasjon om krava til universell utforming og eventuelle andre bygningstekniske krav. Eigedomseininga har gjerne oversikt over kostnader i byggemarknaden. Kommunen kan òg avtale med fylkeskommunen at kommunen sender søknad om førehandsgodkjenning til fylkeskommunen for å få ei fråsegn. Kommune/saksbehandlar sine oppgåver Kommunen/saksbehandlar skal sørge for å registrere nye anlegg i anleggsregisteret, samt vedlikehalde data i systemet sjå til at søknadene er fullstendige og at nødvendige vedlegg ligg føre godkjenne kostnadsoverslaget vurdere drifts- og likviditetsbudsjettet prioritere søknadene gjennom politisk fatta vedtak og i samsvar med kommunen sin plan for idrett og fysisk aktivitet sørge for at søknad om idrettsfunksjonell førehandsgodkjenning vert vurdert og behandla av nokon med kompetanse på området. (Kommunen er ansvarleg for dei godkjenningane dei gjer og eventuelle feil i desse godkjenningane.) avslå søknader om idrettsfunksjonell førehandsgodkjenning som ikkje er tilfredsstillande Kva kan kommunen ikkje gjere? Kommunen kan ikkje gje dispensasjon. Søknader som krev dispensasjon må derfor alltid sendast til departementet for behandling. Kommunen kan ikkje behandle søknader om godkjenning av vedtekter. Desse skal alltid til departementet. Kommunen kan ikkje avslå søknader om spelemidlar. Alle spelemidelsøknader skal sendast til fylkeskommunen. Unnataket er søknader som vert trekt av søkar. Desse skal ikkje sendast til fylkeskommunen. 11

11 2.5.3 Kommunal behandling av idrettsfunksjonell førehandsgodkjenning Ein tilrår at teknisk etat eller tilsvarande avdeling i kommunen vert trekt inn for å gi vurderingar i samband med idrettsfunksjonell førehandsgodkjenning og kostnadsoverslag. Ein gjer merksam på at prosjekta i dei fleste tilfella må leggast fram til ordinær byggesaksbehandling i den einskilde kommunen, men vurdering av idrettsfunksjonelle forhold vil normalt ikkje inngå i behandlinga av ei byggesak. Det er derfor eit vilkår for å kunne søke om tilskot at idrettsfunksjonelle forhold vert vurderte spesielt, og at det blir utferda ei eiga godkjenning dokumentert som meldt i pkt Når det gjeld universell utforming syner ein til departementet sin rettleiar Universell utforming av idretts- og nærmiljøanlegg (V-0511) og Forskrift om tekniske krav til byggverk TEK10 (Byggteknisk forskrift), NS :2009 Universell utforming av byggverk Del 1: Arbeids- og publikumsbygninger. For nokre anlegg skal søknad om idrettsfunksjonell førehandsgodkjenning sendast til departementet (sjå pkt i føresegnene). Dette gjeld både for nybygg og rehabilitering. Dette gjeld: symjeanlegg kunstisanlegg, utandørs og innandørs anlegg som av departementet har fått status som nasjonalanlegg Kommunen kan òg sende andre søknader om idrettsfunksjonell førehandsgodkjenning til departementet dersom dei ikkje sjølve har nok kompetanse til å behandle søknadene, eller dei kan ta kontakt med departementet for rettleiing og råd i behandlinga. 12

12 Vedlegg til søknad om idrettsfunksjonell førehandsgodkjenning: Generelle vedlegg Søknaden om idrettsfunksjonell førehandsgodkjenning skal innehalde (dette gjeld alle søknader uansett anleggstype, sjå pkt i føresegnene) 1. fullstendig teikningsgrunnlag som viser kva som faktisk skal byggast (endringar i prosjektet må ha oppdatert førehandsgodkjenning) Situasjonsplan som viser korleis anlegget er plassert på eigedomen og i forhold til andre bygg eller anlegg. Eventuelle byggetrinn skal gå fram av planen. Det skal òg gå fram av planen om det er råd for seinare utvidingar dersom dette er aktuelt/mogleg. Eventuelle parkeringsplassar og tilkomstvegar skal òg vere teikna inn. Planteikningar som viser alle etasjar, slagretning på alle dører, samt innreiing i garderobar, plassering av dusjhovud, handtak og klappsete, benker og anna innreiing i garderobar. På WC skal ein vise plassering av toalett og vask, samt liknande utstyr. Fasadeteikningar som òg viser bygget/anlegget si tilpassing til nabobygningar. Snitteikningar som viser fri høgd der det er spesielle krav til høgder, samt stigningar og siktlinjer der dette er aktuelt (til dømes tribuner og tilkomstvegar). 2. utgreiing om/skildring av universell utforming Det skal kome fram av skildringa korleis ein skal utstyre til dømes garderobar/dusjer (klappsete, dusjar som ein held sjølve, handtak, benkar, plassering av knaggar/speglar osb.), skildring av løysingar for personar med nedsett synsevne (til dørmes føringsliner, fargeval/kontrastar, skilt, lys osb.), skildring av løysingar for personar med nedsett høyrsle (til dømes akustikk, teleslynge, alarmlys etc.) SJEKK: Meir informasjon kan ein finne i rettleiar om universell utforming, plan- og bygningslova sine føresegner om universell utforming og standard for universell utforming av arbeids- og publikumsbygningar. 3. skildring av/utgreiing om forhold som gjeld arkitektur og estetikk, og miljøforhold. Grunnlaget for kva som skal skildrast finst i vedlegg 9 og 10 i føresegnene. Det skal følge med eigne dokument der dei ulike punkta i desse vedlegga er skildra. SJEKK: Er vedlegga lagt ved og inneheld desse skildringar/utgreiingar som omtalt? 4. opplysningar om anlegget sin plass i kommunal plan for idrett og fysisk aktivitet Når søknaden vert sendt til departementet, må kommunen sørge for at denne dokumentasjonen følger søknaden. Dette kan gjerast anten ved at ein legg ved ein kopi av planen eller at ein viser til planen. Når kommunen sjølve gjer idrettsfunksjonell førehandsgodkjenning, må ein i godkjenningsbrevet opplyse om anlegget sin plass i den kommunale planen. Dersom det er planlagt å vedta at eit anlegg skal med i ein komande plan, skal ein i godkjenningsbrevet (idrettsfunksjonell førehandsgodkjenning) ta atterhald om at anlegget må kome inn i planen før ein sender inn søknad om spelemidlar. Ein må då stadfeste/dokumentere i spelemidelsøknaden at dette er vedteke i kommunen. SJEKK: Er anlegget omtalt i planen (og eventuelt prioritert)? Er det planlagt at det skal gjerast vedtak om å ta anlegget inn i planen i eit kommunestyremøte som finn stad før ein fremmar ein spelemidelsøknad? 13

13 5. behovsoppgåve Her skal ein gjere greie for den kartlegginga av behov som er gjort og resultatet av denne. Det skal særleg gjerast greie for born og ungdom sine behov. Behovet skal vurderast mot eksisterande tilbod, og dette skal vere grunnlaget for innhald og dimensjonering av det nye, planlagte anlegget. SJEKK: Er det gjort greie for at det er behov for dette anlegget og at det er dette anlegget som bør få spelemidlar for å verte realisert? 6. enkelt kostnadsoverslag Dette skal vise kva det kostar å bygge anlegget. SJEKK: Ser kostnadene realistiske ut? 7. foreløpig plan for finansiering og drift Her skal ein vise korleis ein har tenkt å finansiere bygginga av anlegget og korleis ein skal finansiere drifta vidare. Planen skal vere reell. SJEKK: Er finansieringa realistisk? Spesielle vedlegg I tillegg til dei generelle vedlegga i ein søknad, må det for nokre anlegg følge med vedlegg som er spesielle for denne type anlegg. Dette gjeld: o idrettshallar o o utrekningar som gjeld lys dokumentasjon på idrettsdekket sine eigenskapar SJEKK: Er utrekningar som gjeld lys og/eller prosjektering gjort av eit kompetent firma? Stemmer dette med idretten sine krav? Spør eventuelt fagfolk. Er testrapport for idrettsdekket lagt ved? o o garderobebygg/klubbhus o viktig: dokumentasjon på universell utforming SJEKK: Går det fram av teikningar og skildring/utgreiing korleis ein vil sørge for at anlegget vert universelt utforma? rideanlegg o løyve frå Mattilsynet (gjeld stallar) SJEKK: Ligg det føre eit godkjent løyve? o skyteanlegg (utandørs/innandørs) o godkjenning frå politiet (jf. Forskrift om anlegg av, kontroll med og godkjenning av sivile skytebaner) o krav i forhold til støy SJEKK: Ligg det føre løyve frå politiet, samt ei vurdering av støy, som syner at støynivået er innanfor fastsette krav? 14

14 o alpinanlegg skiheis o løyve frå Statens Jernbanetilsyn SJEKK: Ligg det føre eit løyve? o orienteringskart o I staden for idrettsfunksjonell førehandsgodkjenning skal det ligge føre terrengfordelingsbekreftelse frå den o-krinsen som kartet ligg i, og kontrollør skal vere valt. o Skjemaet som vert nytta i samband med melding av kartarbeid, "Anmelding av kartarbeid", finn ein på Norges Orienteringsforbund sin nettstad. o symjehallar o utrekningar som gjeld lys o utrekningar som gjeld akustikk o teikningar av stupetårn 15

15 Kva gjer du dersom vedlegga ikkje er tilfredsstillande? o o o o Spør etter vedlegg. Dersom det mangler nokre vedlegg, eller vedlegga ikkje er gode nok, må ein spørre etter desse før ein kan behandle og eventuelt godkjenne søknaden. Skriv merknader i godkjenningsbrevet. Dersom det er detaljar som i seg sjølve ikkje vil vere grunn for avslag, eller dersom ein ønsker å understreke noko, skriv ein dette som merknader i brevet. Skriv føresetnader i godkjenningsbrevet. I godkjenningsbrevet kan ein skrive inn føresetnader for at godkjenninga er gjeldande. Dette gjeld til dømes dersom anlegget skal inn i kommunal plan og vedtak om dette ennå ikkje er fatta. Det vil då vere ein føresetnad for godkjenninga at dokumentasjon på dette ligg føre saman med spelemidelsøknaden. Avslår søknad om idrettsfunksjonell førehandsgodkjenning. Dersom søknaden ikkje fyller krava for å verte godkjend, skal kommunen avslå søknaden. Kva gjer ein dersom anlegget ikkje er omtalt i kommunal plan eller planen ikkje gjeld lenger? Ein har planlagt å ta inn anlegget i planen i komande kommunestyremøte. o Ein kan gje idrettsfunksjonell førehandsgodkjenning under føresetnad av at dokumentasjon på at anlegget er med i kommunal plan ligg føre før ein sender inn spelemidelsøknaden. Dersom denne dokumentasjonen ikkje følger med spelemidelsøknaden, vil ikkje førehandsgodkjenninga vere gyldig, og ein vil ikkje kunne få tilskot frå spelemidlane. Dette gjeld tilfelle der det er planlagt å ta anlegget inn i planen og vedtak vert gjort i eit kommunestyremøte som vert halde i tidsrommet mellom idrettsfunksjonell førehandsgodkjenning og innsending av spelemidelsøknaden. Anlegget er omtalt i ein plan som er "utgått på dato". o Dersom anlegget er omtalt i ein tidlegare plan og planperioden er passert, vil det vere naturleg å vedta at den tidlegare planen skal gjelde fram til ny plan vert vedteken. Anlegget er ikkje nemnd i gjeldande kommunal plan. o Ein skal avslå søknaden. Det ligg ikkje føre nokon kommunal plan som er vedteken i kommunen. o Ein skal avslå søknaden. 16

16 Endringar i planane og/eller søknad om fornya idrettsfunksjonell førehandsgodkjenning Nokre gongar vert det gjort endringar i planane etter at ein har fått godkjenning. Dersom desse endringane medfører endringar som får konsekvens for dei delane av anlegget ein har moglegheit for å søke om spelemidlar til, til dømes universell utforming eller andre krav i føresegnene, må ein søke om fornya godkjenning av planane. Idrettsfunksjonell førehandsgodkjenning er gyldig i 2 år frå den datoen som står på brevet. Dersom planane ikkje er endra og byggearbeida IKKJE er sette i gang, men tidsrommet førehandsgodkjenninga er gyldig for (2 år) er i ferd med å gå ut, må ein søke om fornya idrettsfunksjonell førehandsgodkjenning. Denne gjeld då for nye 2 år. Dersom ein startar byggearbeida utan godkjend forlenging, vil dette føre til at ein ikkje får tilskot frå spelemidelordninga. Det må visast til tidlegare godkjenning og godkjende planar/teikningar. Dersom planane er endra for dei delane av anlegget ein har rett til å søke om tilskot til og ein startar byggearbeida utan at det er søkt om godkjenning (og godkjenning er gjeven) for endringane, vil ein ikkje få tilskot frå spelemidelordninga. Forlenging/fornying av idrettsfunksjonell førehandsgodkjenning som har gått ut på dato (2 års gyldigheit) eller er i ferd med å gå ut Førehandsgodkjenningar som kommunen har gjeve, og der det ikkje er endringar i planane, kan forlengast av kommunen. Søknad skal sendast til kommunen og kommunen skriv godkjenningsbrev (nye to år) der ein syner til tidlegare godkjenning og godkjende teikningar. Førehandsgodkjenningar, som tidlegare er gjevne av Kulturdepartementet og som kommunane no har fullmakt til å godkjenne, der planane ikkje er endra Her gjeld det same som i førre punkt. Endra planar som tidlegare har fått idrettsfunksjonell førehandsgodkjenning Her må ein sende inn dei endra planane for å få ny idrettsfunksjonell førehandsgodkjenning. o Dersom det er mindre enn 2 år sidan den førre godkjenninga vart gjeven, bør førehandsgodkjenning av endra planar behandlast der den opprinnelege førehandsgodkjenninga vart behandla. o Dersom det er meir enn 2 år sidan førehandsgodkjenninga vart gjeven, skal søknad om idrettsfunksjonell førehandsgodkjenning av endra planar behandlast på same måte som for nye søknader. 17

17 Ombygging, tilbygg og endringar av eksisterande anlegg (til dømes bygging av klatrevegg), som tidlegare har fått idrettsfunksjonell førehandsgodkjenning o Det må gjennomførast ei idrettsfunksjonell førehandsgodkjenning av endringane av anlegget og konsekvensar endringane har for det eksisterande anlegget. o Førehandsgodkjenninga vert utført av den einskilde kommune for dei søknadene som kommunen har fått fullmakt til å foreta idrettsfunksjonell førehandsgodkjenning for. Dette gjeld òg for idrettsanlegg som har ei førehandsgodkjenning som er gjeven av Kulturdepartementet. Dersom det er ønskeleg, kan kommunen oversende ein søknad om idrettsfunksjonell førehandsgodkjenning til departementet for behandling. Fylkeskommunen kan anbefale at kommunen sender einskildsaker til departementet til idrettsfunksjonell førehandsgodkjenning. 18

18 FØRESETNADER FOR VURDERING AV ULIKE TYPAR ANLEGG I dette kapitlet vert det vist til følgande rettleiarar: "Idrettshaller" V (idrettshallar) "Målbok for idrettsanlegg" V /2015 (målboka) "Universell utforming av idretts- og nærmiljøanlegg" V (universell utforming) "Idrettsbelysning" fra Lyskultur "Klatreanlegg" V "Kunstgressboka" V (kunstgrasboka) "Tilrettelegging av turveier, løyper og stier" V (tilrettelegging av turvegar, løyper og stiar) Ordinære anlegg Idrettshallar For idrettshallar generelt, sjå rettleiaren som gjeld idrettshallar For krav til idrettslege mål, sjå målboka og føresegnene Der finn ein o krav til storleik på banen o krav til sikringssoner o krav til fri takhøgd (Det er òg mogleg å ta kontakt med aktuelt særforbund.) Kommunen kan ikkje gje dispensasjon frå desse krava i samband med idrettsfunksjonell førehandsgodkjenning. Kontakt eventuelt Kulturdepartementet. Det vert normalt ikkje gjeve dispensasjon frå desse krava. Krav til belysning o Idrettsbelysning skal tilfredsstille krav i NS-EN 12193:2007 Idrettsbelysning, minimum klasse 2. I tillegg til standarden bør ein konferere med rettleiaren som gjeld idrettsbelysning Idrettsdekke o Idrettsdekke skal tilfredsstille krav som står nemnde i punkt i rettleiaren som gjeld idrettsbelysning o Når det gjeld oppmerking, må det merkast etter forventa fleirbruk (ulike idrettar) av hallen. Sjå døme i rettleiaren Universell utforming o For nye idrettsanlegg kan ein ikkje gje idrettsfunksjonell førehandsgodkjenning dersom ikkje heile anlegget er universelt utforma. Sjå rettleiaren som gjeld universell utforming o Minimum eitt sett med garderobar og minimum ein trenar-/dommargarderobe skal vere universelt utforma. Det er ønskeleg at alle garderobane er universelt utforma. 19

19 o Alle idretts- og tilskodarareal skal vere tilgjengeleg for alle. Garderobar o I pkt i føresegnene finn ein kor mange garderobar det er ein føresetnad at ein idrettshall skal ha. Vert anlegget bygd med færre garderobar enn det som er føresetnaden, vil dette føre til reduksjon i tilskotet frå spelemidlane. Lager o For liten lagerplass i idrettshallar er ei kjend problemstilling. I føresegnene har ein sett opp kva som er minimum storleik for lager for idrettsmateriell for ein del hallstorleikar. Vert idrettshallen bygd med mindre lagerplass, vil dette føre til at hallen får redusert tilskot, eller at det vert gjeve avslag på søknad om idrettsfunksjonell førehandsgodkjenning. Styrketreningsrom o Det er ikkje krav om at ein idrettshall skal ha styrketreningsrom, men dersom ein bygger styrketreningsrom (minimum 60 m 2 ) gjev dette moglegheiter for å søke om ytterlegare tilskot. Tilleggselement til idrettshall Tilskot til desse anleggselementa skal baserast på kostnader knytt til kvar einskild eining. o o o Klatrevegg Klatreveggen må plasserast utanfor sikringssona og kan ikkje strekke seg inn over aktivitetsflata på ein slik måte at krava til fri takhøgd ikkje lenger er tilfredsstilte. Klatreveggen bør ha tilstrekkeleg med areal rundt seg slik at klatring og ballaktivitetar kan føregå samstundes. Sjå rettleiaren som gjeld klatreanlegg Nedfelt hoppegrop Det er mogleg å søke om tilskot til hydrauliske hoppegroper nedfelt i idrettsdekke eller til hoppegroper i anneks med tilløp i idrettshallen. Aktivitetssal Med aktivitetssal meiner ein aktivitetsrom for idrettar som ikkje treng like store takhøgder som i ein idrettshall. Ein aktivitetssal må ha eit idrettsdekke som tilfredsstiller krav frå dei idrettane som skal bruke salen, minimum 4 meter takhøgd og storleik på minimum 150 m 2. Døme på idrettar vil vere kampsport, bordtennis, dans, aerobic, fekting osb. Det vert òg stilt krav til idrettsbelysning, ref. standard NS-EN 12193:2007 Idrettsbelysning. (Sjå side 28 i føresegnene for satsar ved storleikar over 250 m 2 ). 20

20 o o Sosialt rom Sosialt rom for idrettsleg bruk skal vere eit eige avgrensa rom og kan ikkje vere kafé eller gang- og myldreareal. Krav til areal er minimum 100 m 2. Rommet kan delast opp med skyve-/foldeveggar. Det vert anbefalt å nytte fleksible løysingar. Klubblokale som tilleggselement i hallen Ein idrettshall kan kombinerast med areal avsett til klubbdrift for ein eller fleire klubbar. Klubblokala kan innehalde kontor, lager, møterom osb. som er nødvendig for klubbdrift og idrettsarrangement. Idrettshus Idrettshus er bygg for ein eller fleire av følgande funksjonar: o klubblokale o garderobar o lager for vedlikehalds-, drifts og idrettsmateriell I tillegg kan det ha styrketreningsrom, aktivitetssal osb. Kunstgrasbane Sjå målboka (om krav til speleflate og sikringssoner) og kunstgressboka for meir informasjon. Utanfor sikringssona skal ein sette av plass til lagring av fotballmål som ikkje er i bruk (jf. målboka). Kunstgraset skal tilfredsstille gjeldande funksjonskrav fra NFF. Det er krav om felttest av kunstgrasdekket sine målbare eigenskapar. Det kan ikkje utbetalast spelemidlar utan godkjend felttest. Testen skal utførast på staden etter legging av kunstgrasdekket. Dette kravet skal skrivast i svarbrev på søknad om idrettsfunksjonell førehandsgodkjenning. Fotballhall Sjå målboka, føresegnene og kunstgressboka. Utanfor sikringssona skal ein sette av plass til lagring av fotballmål som ikkje er i bruk (jf. målboka). Det er ein føresetnad at fotballhallen er isolert, men den kan vere uoppvarma. Ein kan ikkje gje idrettsfunksjonell førehandsgodkjenning til overtrykkshallar for fotball. Dersom ein bygger hallen utan garderobar, vil det føre til ein reduksjon i tilskotssum som tilsvarar to sett garderobar. Ein bør utstyre fotballhallen med toalett. Kunstgraset skal tilfredsstille gjeldande funksjonskrav fra NFF. Det er krav om felttest av kunstgrasdekket sine målbare eigenskapar. Det kan ikkje utbetalast spelemidlar utan godkjend felttest. Testen skal utførast på staden etter legging av kunstgrasdekket. Dette kravet skal skrivast i svarbrev på søknad om idrettsfunksjonell førehandsgodkjenning. 21

21 Motorsport Søknad om idrettsfunksjonell førehandsgodkjenning skal innehalde dokumentasjon i form av kart og teikningar som dokumenterer anlegget sin storleik, utforming og oppbygging (profilar). For motorsportanlegg bør ein be om ei fråsegn frå aktuelt særforbund om anlegget tilfredsstiller gjeldande krav til sikkerheit og utforming. Ein kan kombinere motorsportanlegg med andre anleggselement som til dømes idrettshus og lysanlegg, i tillegg til element nemnde under pkt i føresegnene. For større motorsportsanlegg og visse anleggselement må moglege søknadssummar fastsettast særskilt av departementet. Det bør ligge føre støyvurdering for planar om motorsportanlegg. Skyteanlegg For skyteanlegg skal ein legge ved løyve frå politiet. Ein kan òg gjerne be om ei fråsegn frå skyttarforbundet og/eller Det frivillige skyttervesen. Ein kan kombinere skyttaranlegg med andre anleggselement som til dømes idrettshus, i tillegg til element nemnde under pkt i føresegnene. På lik linje med andre idrettsanlegg, skal skyteanlegg vere universelt utforma. Det bør ligge føre støyvurdering for planar om skyteanlegg. Rideanlegg For stallar skal ein legge ved løyve frå Mattilsynet. Ein kan kombinere ridehallar med idrettshus med areal for klubbdrift og arrangement. Har idrettshuset fleire etasjar, fører dette til krav om installasjon av heis eller løfteplattform for å gje tilgang til heile anlegget. Ridehallar skal utstyrast med rampe for rørslehemma. Lysanlegg Ein kan søke om tilskot til lysanlegg for alle utandørsanlegg. Søknad om idrettsfunksjonell førehandsgodkjenning skal innehalde dokumentasjon av eigenskapar og at lysanlegget tilfredsstiller krav i standard NS-EN 12193:2007 Idrettsbelysning. Anlegg for friluftsliv Døme på dokumentasjon som skal følge søknader om tilskot til anlegg for friluftsliv Turvegar/-stiar/-løyper Sjå vedlegg 13 i føresegnene og rettleiar som gjeld tilrettelegging av turvegar, løyper og stiar for meir informasjon. kart som viser trasé detaljteikningar av arbeida som skal gjerast 22

22 Turkart og sjøsportkart kart/oversikt over området Dagsturhytter kart og situasjonsplan fullstendig teikningsgrunnlag Sanitæranlegg kart/situasjonsplan teikningar eventuell godkjenning for anlegget (utsleppsløyve eller liknande) Nærmiljøanlegg Ein skal alltid dokumentere nærmiljøanlegg med generelle vedlegg og anlegget skal tilfredsstille krava til universell utforming. Det vert ikkje stilt krav til belysning for nærmiljøanlegg, men for å sikre god brukskvalitet bør det likevel vere belysning. Det kan ytast tilskot til lysanlegg. Døme på dokumentasjon som skal følge søknader om tilskot til nærmiljøanlegg: (Døme på anlegg som høyrer til dei ulike kategoriane som er nemnde under, finn ein i pkt i føresegnene). Ballaktivitetar teikningar situasjonsplan eller kart med plassering og eventuelt profilar dokumentasjon frå leverandør Fleirbruksanlegg dokumentasjon på idrettsdekke situasjonsplan skildring av området/anlegget Lysanlegg situasjonsplan dokumentasjon på lys (NS-EN 12193:2007 Idrettsbelysning) Ballaktivitet/diverse anlegg dokumentasjon på dekke teikningar, dokumentasjon på utforming eller dokumentasjon frå leverandør på dei ulike elementa situasjonsplan Friluftsliv kart som viser trasé profilar oversikt over området for kartet 23

23 Vinteraktivitet situasjonsplan fullstendig teikningsgrunnlag/profilar dokumentasjon frå leverandør 24

24 REHABILITERING Sjå òg rettleiar om "Rehabilitering/ombygging av eldre idrettsanlegg" (V-0977-rev. 2016). Følgande vilkår gjeld for å kunne søke om tilskot av spelemidlane til rehabilitering av anlegg for idrett og fysisk aktivitet: Rehabilitering av anlegget skal inngå i ein vedteken kommunal plan som omfattar idrett og fysisk aktivitet. Det er eit vilkår at heile anlegget skal vere universelt utforma etter rehabilitering. Planene for rehabilitering skal bygge på ein fagleg kvalifisert og heilskapleg tilstandsrapport som gjer greie for tekniske, økonomiske og funksjonelle tilhøve i heile anlegget. Vurdering av tilstand og utarbeiding av tilstandsrapport skal utførast av personar med relevant fagkompetanse. Tilstandsanalysen kan utførast etter NS 3424:2012. Det skal ligge føre komplette planar og kostnadsberekningar for heile arbeidet. Arbeida kan likevel delast i formålstenlege etappar eller byggetrinn, og ein kan søke om tilskot til den einskilde etappen eller det einskilde byggetrinn. Grunnlag for å gje tilskot til rehabilitering av eit anlegg skal vere utilfredsstillande teknisk/økonomisk drift, utilfredsstillande bruksfunksjonar og/eller stor bruksslitasje som ikkje kan rettast opp ved normalt vedlikehald. Ein gjev ikkje tilskot til rehabilitering av eit anlegg som er yngre enn 20 år. Unnatak gjeld for idrettsgolv, idrettsdekke, snøproduksjonsanlegg og kart der ein kan søke om tilskot til rehabilitering etter 10 års bruk. Idrettsfunksjonell førehandsgodkjenning av planar skal ligge føre før ein startar arbeida og før ein kan søke om tilskot. Idrettsfunksjonell førehandsgodkjenning skal gjerast etter same reglar som for nye anlegg. Førehandsgodkjenninga skal gjerast på bakgrunn av tilstandsrapporten og planen for rehabiliteringa. Forhold som følger av feil ved planlegging, utføring eller manglande vedlikehald fra anleggeier si side, gjev ikkje grunnlag for tilskot. Kostnadsoverslag og finansieringsplan I samband med idrettsfunksjonell førehandsgodkjenning av planar skal det utarbeidast eit enkelt kostnadsoverslag og ein foreløpig finansieringsplan for heile rehabiliteringsarbeidet. Gjennomføring av arbeida kan delast opp i formålstenlege etappar eller byggetrinn. Søknad om tilskot av spelemidlar kan omfatte heile arbeidet eller separate etappar eller byggetrinn. Den einskilde søknaden skal dokumenterast med spesifisert kostnadsoverslag for dei arbeida som er omfatta av søknaden, inkludert eventuelle kostnader som ikkje har rett til tilskot. På tilsvarande måte skal ein dokumentere kvar av postane for finansiering av arbeida som er omfatta av søknaden. Dette inkluderer òg eventuelle kostnader som ikkje har rett til tilskot (med unnatak av søknadssummen). 25

25 Avgrensing Tiltak som vert definert som vedlikehald eller tiltak som er nødvendige på grunn av prosjekteringsfeil, feil utføring i byggefasen, feil som følge av korleis ein driftar eller vedlikeheld anlegget, er ikkje omfatta av tilskotsordninga. Søknad om idrettsfunksjonell førehandsgodkjenning av rehabiliteringsprosjekt skal innehalde følgande vedlegg: heilskapleg tilstandsanalyse utført av fagkunnig plan- og snitteikningar utgreiing om universell utforming med eventuell tiltaksplan kostnadsoverslag foreløpig finansieringsplan dokumentasjon på anlegget sin plass i kommunal plan for idrett og fysisk aktivitet 26

26 UNIVERSELL UTFORMING Når det gjeld universell utforming, sjå departementet sin rettleiar som gjeld universell utforming, samt "Forskrift om tekniske krav til byggverk TEK10 (Byggteknisk forskrift) og NS :2009 Universell utforming av byggverk Del 1: Arbeids- og publikumsbygninger". I føresegnene er det eit krav at alle anlegg som vert tildelt spelemidlar skal vere universelt utforma slik at dei er tilgjengelege for personar med funksjonsnedsetting. Dette gjeld både som utøvarar, publikum, trenarar, dommarar og arrangementsteknisk personell. I så stor grad som mogleg skal ein nå kravet om tilgjenge gjennom anlegget si hovedløysing, utan behov for tilpassingar, særløysingar eller tilleggsløysingar. Idrettsfunksjonell førehandsgodkjenning har som føresetnad at anlegget fyller krava til universell utforming i plan- og bygningslova og diskriminerings- og tilgjengelighetslova. Dokumentasjon på universell utforming skal ligge føre som vedlegg til søknad om idrettsfunksjonell førehandsgodkjenning, både for nye anlegg og ved søknader om rehabilitering av eksisterande anlegg. Ein kan alltid finne dei gjeldande krava på Direktoratet for byggkvalitet sin nettstad, under rettleiing til TEK10. Tenk på at i utgangspunktet ønsker alle å kunne klare seg sjølve at eit idrettsanlegg skal kunne brukast av alle, inkludert utøvarar, publikum, trenarar og personar i andre roller som til dømes speaker eller banepersonell at alle skal ha adgang til alle aktivitetsflater, klubblokale, møterom, publikums- og serviceområde at det er viktig å skape eit oversiktleg idrettsanlegg som det er lett å finne fram i at god planlegging gjev lågare kostnader til universell utforming at evakuering og rømminsveg gjeld for alle brukarar at eit idrettsanlegg skal fungere like godt for alle både i trening og konkurranse, som tilskodar eller utøvar, og som ein møtestad før og etter trening at sjølv om det ikkje er personar med nedsatt funksjonsevne blant brukarane i dag så kan det vere at det er det i morgon 27

27 KRAV TIL UTFORMING AV GODKJENNINGSBREV - idrettsfunksjonell førehandsgodkjenning Alle søknader om spelemidlar skal ha eit vedlegg i form av ei idrettsfunksjonell førehandsgodkjenning. Ein skal dokumentere alle idrettsfunksjonelle førehandsgodkjenningar med brev får den som har godkjent planane. Døme på brev (med kommentarar) (sjå brev neste side) 1. Dato 2. Kva vert det søkt om? Dato, søknad, anleggsnr. 3. Merknader, føresetnader 4. Elementa som godkjenninga er gjeven for 5. Element som ikkje er godkjende 6. Kontaktinformasjon 7. Her kan ein nevne eventuelle særskilte tilskuddssatsar (sjå pkt i føresegnene) 8. Kopi av godkjende og stempla planar skal leggast ved brevet 9. Gyldigheit, byggestart 10. Saksbehandlar/ansvarleg 11. Kopistar: fylkeskommunen + eventuelle andre 28

28 DØME MED KOMMENTARAR - IDRETTSFUNKSJONELL FØREHANDSGODKJENNING Sprettball IL Postboks 123, Postkontoret Dalen Dykkar ref. Vår ref. Saksbehandlar Dato Kari Trestakk Idrettsfunksjonell førehandsgodkjenning - Oppilia idrettshall (anleggsnr: ) Kommunen mottok den 2. februar 2016 søknad om idrettsfunksjonell førehandsgodkjenning av planane for idrettshall med innandørs skytebane og klatrevegg på Oppilia. Kommunal plan og behovsvurdering Det er eit stort behov for fleire idrettshallar i kommunen. Oppilia idrettshall er derfor ein del av kommuneplanen for perioden Det er vedteke at hallen skal realiserast i Eigedomsrett Oppilia idrettshall skal byggast på kommunal eigedom, gnr 123 bnr 4. Kostnadsoverslag og foreløpig plan for finansiering og drift av anlegget Dokumentasjonen er gjennomgått Planane er vurderte og godkjende med følgande føresetnader: Idrettsdekket skal tilfredsstille funksjonskrav for golv i idrettsbygg og det skal leverast felttest av dekket ved overlevering. (Manglande godkjend felttest vil føre til at spelemidlar ikkje vert utbetalte.) Vald belysning i idrettsareala skal tilfredsstille krav i samsvar med NS-EN 12193:2007 Idrettsbelysning, klasse 2. Anlegget skal vere universelt utforma, og ein skal utstyre garderobar, dusjrom, toalett osb. i samsvar med rettleiaren "Universell utforming av idretts- og nærmiljøanlegg" (V ). Godkjenninga gjeld følgande element: idrettshall med aktivitetsflate 25 x 45 m, to sett garderobar og minimum 100 m 2 lager for idrettsmateriell innandørs skytebane 15 m, baner styrketreningsrom 100 m 2 aktivitetssal 260 m

29 DØME MED KOMMENTARAR - IDRETTSFUNKSJONELL FØREHANDSGODKJENNING Følgande element er ikkje godkjende: sosialt rom 90 m 2 minste storleik for å få tilskot er 100 m 2 klatrevegg det er ikkje lagt ved dokumentasjon for klatreveggen 8 Eventuell særskilt tilskuddssats kjem i tillegg til ordinært tilskot. Godkjende, stempla teikningar er lagt ved dette brevet. Godkjenninga gjeld for to år, og ein må sette i gang byggearbeida innan desse to åra. Dersom ein ikkje gjer dette, må ein søke om forlenging. (Dersom byggearbeida er sett i gang før idrettsfunksjonell førehandsgodkjenning er gjeven, fell moglegheita for å kunne søke om spelemidlar vekk). Vert planane for anlegget endra, må ein sende nye, oppdaterte planar inn til ny idrettsfunksjonell førehandsgodkjenning. 9 Idrettsfunksjonell førehandsgodkjenning gjev ikkje garanti for tilskot frå spelemidlane, men skal følge som vedlegg til spelemidelsøknaden. Med helsing Ole Nordmann sjef Kari Trestakk saksbehandlar 10 Kopi til: Fjellskrent fylkeskommune, postboks 321, DER 11 30

30 Sjekkliste for kommunal idrettsfunksjonell førehandsgodkjenning Sjekklista kan danne grunnlaget for godkjenningsbrevet, men den er IKKJE sjølve godkjenninga. Anleggsnr: Anlegg: Dato: Søkar: Planlagd byggestart: Aktuell rettleiing/referanse: Er anlegget del av ein vedteken kommunal plan som "Føresegnene pkt " omfattar idrett og fysisk aktivitet? Tilfredsstiller søkaren krava til søkarar? "Føresegnene pkt " Er det dokumentert eigedomsrett eller feste /leigerett "Føresegnene pkt " til grunn? JA NEI Generelle vedlegg Utgreiing universell utforming (sjå vidare eige pkt) Behovsvurdering Enkelt kostnadsoverslag "Universell utforming av idretts- og nærmiljøanlegg" Foreløpig plan for finansiering og drift av anlegget Utgreiing vedrørande arkitektur "V-0914 B" Utgreiing vedrørande miljø "V-0915 B" Teikningar Planteikningar av alle etasjar Snitteikningar som viser fri takhøgd, stigning på evt. tribunar og liknande Fasadeteikningar Situasjonsplan Dokumentasjon av anlegget si tilpassing til nabobygg Krav til idrettslege mål, sikkerheit og funksjon Tilfredsstiller anlegget gjeldande krav til idrettslege mål "Målboka", idretten sitt særforbund osb. og krav til sikkerheit? Er sikringssonene fri for hindringar og installasjonar? (Ein kan ikkje gje dispensasjon frå krava til sikkerheit) Tilfredsstiller idrettsdekket gjeldande funksjonskrav? "Idrettshaller" Er det lagt ved dokumentasjon på at vald idrettsdekke tilfredsstiller funksjonskrava? Viser utrekningar som gjeld lys at vald løysing "Idrettsbelysning" tilfredsstiller krava (jf. NS EN 12193, klasse 2)? Samsvarer kravet til fri takhøgd (til dømes min. 7 m for "Føresegnene", "Idrettshaller" idrettshallar) med takhøgda i det aktuelle anlegget? (Er det særkrav om større takhøgd?) 31

31 Sjekkliste for kommunal idrettsfunksjonell førehandsgodkjenning Er tilkomsten mellom aktivitetsflate og naudsynte rom (til dømes garderobar, toalett, sentral for reinhald, styrkerom osb.) godt eigna? Tilskodarplassar: Er det tilstrekkeleg med tilskodarplassar? Er siktlinjene fri for søyler, utstyr som heng frå taket osb.? Vil dei valde løysingane fungere like godt til trening som konkurranse? Har lager for idrettsmateriell direkte utgang til hallen? Har lagera tilstrekkeleg storleik i følge arealkrav? Har hallen køyreport for inn /uttransportering av utstyr og liknande? JA NEI Har sentralen for reinhald direkte utgang til hallen? Rehabilitering (alle) Er det lagt ved ein fullstendig tilstandsanalyse utført av fagfolk? "Føresegnene", "Rehabilitering/ombygging av eldre idrettsanlegg" Andre vedlegg/spesielle vedlegg: Skyteanlegg løyve frå politiet Stall løyve frå Mattilsynet Skiheis/skitrekk løyve frå Jernbanetilsynet Universell utforming Er anlegget tilgjengeleg for alle både som utøvar, publikum, trenar, dommar og arangementteknisk personell? Er minimum eitt sett garderobar universelt utforma? Er minimum ein trenar /dommar /fleksigarderobe universelt utforma? Er plassane på tribune/galleri der rullestolbrukarar kan sitje saman med "gjengen" sentralt plassert? (Eller må ein sitje i eit hjørne?) * "Universell utforming av idretts- og nærmiljøanlegg" * TEK10 * "Diskriminerings- og tilgjengelighetsloven" * NS :2009 "Universell utforming av byggverk Del 1: Arbeids- og publikumsbygninger" Er tilkomsten til tribune/galleri utan trapp/trinn osb.? Har ein like god sikt til banen dersom ein sit på ein "rullestolplass"? Har ein teke omsyn til synshemma i planlegginga? Er det planlagd teleslynge eller anna utstyr for høyrslehemma? Er talet på HC parkeringsplassar nær inngangen til anlegget tilstrekkeleg? Merknader/notat: Dato og underskrift: 32

32 Elektronisk stempel for idrettsfunksjonell førehandsgodkjenning av teikningar Ein må fyrst lage eit "stempel" i til dømes Photoshop. Dette lagrar ein som.jpg eller.png. "Stempelet" bør bestå av fast tekst "Idrettsfunksjonell førehandsgodkjenning" og "Godkjend med/utan merknader" og ein logo som til dømes kommunevåpen. Ein lagar gjerne "stempelet" i to versjonar, eit MED og eit UTAN merknader. Ramma rundt bør vere slik at ein klart ser at den er påført (som eit skilt eller liknande). "Stempelet" skal ikkje vere gjennomsiktig fordi ein skal kunne legge på tekst som saksbehandlar, dato, saksnummer osv. "Stempelet" bør ha stor grad av oppløysing for å få eit best mogleg resultat når ein "stemplar". Døme på stempel: Idrettsfunksjonell førehandsgodkjenning Idrettsfunksjonell førehandsgodkjenning Godkjend med merknader Godkjend utan merknader ABC 12/ sak nr: 16/12345 Anleggsnr: ABC 12/ sak nr: 16/12345 Anleggsnr: Når ein har laga eit eller fleire stempel, legg ein desse inn i Adobe Acrobat XI pro: Opne pdf i Adobe acrobat XI pro. Opne Kommentar i høgre hjørne. Opne symbolet for stempel. eigendefinert stempel opprett eigendefinert stempel søk opp fil (vel og trykk) ok gje navn til ny kategori (legg til et navn på stempelgruppa, til dømes førehandsgodkjenning ) og til sjølve stempelet (til dømes utan merknader / med merknader ) ok No kan ein opne teikningar som ein har motteke i Adobe Acrobat XI pro og stemple desse med stempelet ein har lagt inn. Å legge til stempel på pdf/teikning Vel fila du vil stemple og dra den ut på skrivebordet på skjermen. (Om fila ikkje allereie er ein pdf, kan det vere lurt å gjere den om fyrst. Høgreklikk på fila og vel konverter til adobe pdf). 33