SPELEMIDLAR IDRETTSANLEGG. Informasjon om søknadsprosessen

Transkript

1 SPELEMIDLAR IDRETTSANLEGG Informasjon om søknadsprosessen NB: Det er mindre eller større endringar kvart år, les derfor føresegnene som ligg på for å få med oppdateringane

2 Innhold 1. Kvar finn vi meir informasjon? Kva kan ein søkje spelemidlar til? Kven kan søkje om spelemidlar? Kostar det noko å søke? Kor mykje spelemidlar kan vi søkje om? Kvar kan vi søkje om spelemidlar, og kva er fristen? Når får vi svar på søknaden? Kva krav er det til søknaden? Obligatoriske vedlegg som må følgje søknaden Er det krav til drift av anlegg som mottar tilskot? Vi har fått spelemiddelsøknaden godkjend tidlegare, men ikkje fått tildelt midlar fornying av søknad Kan vi starte byggjearbeidet før vi veit om vi får spelemidlar? Kan vi søkje om spelemidlar på eit anlegg som er ferdigbygd eller rehabilitert? Kva gjer vi når anlegget er ferdig? Kan laget vårt søkje om momskompensasjon?

3 1. Kvar finn vi meir informasjon? Kulturdepartementet gjev kvart år ut føresegner om tilskot til anlegg for idrett og fysisk aktivitet. Her finn ein all informasjon om type anlegg, satsar på tilskotet, spesielle krav og unntak og krav til dei ulike delane av søknaden. Det er ein føresetnad for å kunne søkje om spelemidlar at tiltaket må vere vedteken i kommunalt handlingsprogram, tiltaket må ha idrettsfunksjonell førehandsgodkjenning og anleggsnummer. Sjå meir informasjon om dette under «Kva krav er det til søknaden?» Både kommunen og kulturavdelinga på fylkeskommunen gjev råd og rettleiing til søkjarar. Føresegner om tilskot til anlegg for idrett og fysisk aktivitet finn du på Kommunedelplan for idrett, fysisk aktivitet og friluftsliv finn du på Regional plan for fysisk aktivitet, idrett og friluftsliv finn du på Informasjon om momskompensasjon finn du på momskompensasjon-generell-ordning/ Ein kan finne eit oversyn over fleire aktuelle publikasjonar på nettstaden Mange av sær-forbunda har eigne anleggskonsulentar som og kan gje god hjelp, og det er publisert ei rekkje rettleiingshefte om ulike typar anlegg. Sjå sær-forbunda sine eigne nettsider. Vi oppmodar dykk til å ta kontakt med kommunen tidleg i prosessen når de har planar om nybygg eller rehabilitering. Kva Kven Kontaktinformasjon Idrettsfunksjonell førehandsgodkjenning Odd Harald Heggen odd-harald.heggen@eid.kommune.no Plan og bygningslova, byggjeløyve Roar Sætre roar.setre@eid.kommune.no Spelemiddelsøknader og kommunedelplan for idrett, friluftsliv og fysisk aktivitet Anna Karete Bjørlo anna.karete.bjorlo@eid.kommune.no 2. Kva kan ein søkje spelemidlar til? Spelemidlar skal medverke til at ein større del av innbyggjarane våre får høve til å drive idrett og fysisk aktivitet. Tilskot kan gjevast til bygging og/eller rehabilitering av idrettsanlegg som er opne for allmenn idrettsleg verksemd (idrett og fysisk aktivitet for alle) Det kan søkjast tilskot frå spelemidlane til: Ordinære anlegg for idrett og fysisk aktivitet. Nærmiljøanlegg. Løypetiltak og overnattingshytter i fjellet, ved kysten og i låglandet. Meir informasjon om kva dei ulike anleggstypane er finn du i kap. 2, 3 og 4 i føresegnene om tilskot til anlegg for idrett og fysisk aktivitet i 2

4 3. Kven kan søkje om spelemidlar? Det er berre eigar av anlegget som kan søkje om tilskot frå spelemidlar. I heilt spesielle tilfelle kan departementet, etter skriftleg søknad, gi dispensasjon frå dette kravet. Alle ikkje-kommersielle aktørar kan søkje om tilskot til anlegg for idrett og friluftsliv: Kommunar/fylkeskommunar Idrettslag/organisasjonsledd i Norges Idrettsforbund Samanslutningar organisert under Norges Jeger- og fiskarforbund, Den Norske Turistforeining, Norges Bilsportforbund eller Det Frivillige Skyttarvesenet Aksjeselskap/allmennaksjeselskap Stiftingar Andre organisasjonar som t.d burettslag og velforeiningar. Sjå meir i kapittel i føresegnene om tilskot til anlegg for idrett og fysisk aktivitet Kostar det noko å søke? Nei. Registrering av søknad på og handsaming av kommune/fylkeskommune er gratis. Kostnaden vil vere knytt til sjølve anlegget, tinglysing av avtalar o.l. 5. Kor mykje spelemidlar kan vi søkje om? Ordinære anlegg For å kunne søkje om spelemidlar må tiltaket ha ein godkjend total kostnad over kr (kr for kart). Ein kan få spelemidlar for inntil 1/3 av godkjend kostnad. For mange anleggstypar er det sett eigne maksimale tilskotssummar. Oversikt over desse finn de i Føresegner frå Kulturdepartementet som blir gitt ut kvart år. Sjå meir i kap.2 i føresegnene om tilskot til anlegg for idrett og fysisk aktivitet Nærmiljøanlegg For å kunne søkje om spelemidlar må godkjend kostnad vere over kr , øvre grense er kr Ein kan få spelemidlar for inntil 50 % av godkjend kostnad. Maksimalt tilskot per anleggseining er kr Sjå meir i kap. 3 i føresegnene om tilskot til anlegg for idrett og fysisk aktivitet Løypetiltak i fjellet og overnattingshytter Til sikringshytter og løypetiltak - inntil 50% av godkjent kostnad. Maksimalt tilskotsbeløp er kr

5 Til overnattingshytter - inntil 1/3 av godkjent kostnad. Maksimalt tilskotsbeløp er kr Nedre grense for godkjent kostnad er kr for overnattings- og sikringshytter og kr per løypetiltak. Sjå meir i kap.4 i føresegnene om tilskot til anlegg for idrett og fysisk aktivitet Kvar kan vi søkje om spelemidlar, og kva er fristen? Ordinære anlegg og nærmiljøanlegg Du søkjer elektronisk her: Frist 10.oktober Når søknaden er fullstendig utfylt, inkludert alle vedlegg, skal søknaden sendast til den kommunen anlegget ligg i. Dette gjer ein ved å fylle inn den aktuelle kommunen i sjølve søknadsskjemaet. Saksgangen vidare: o Søknadane kjem inn til kommunen via og blir gjennomgått av sakshandsamar for spelemidlar. o Når det er fleire søknadar i ei kommune, blir saken førebudd til oppvekst- og kulturutvalet som gjer eit politisk vedtak med prioritering av søknadane. o Kommunen sender søknadane med status «i orden» eller «ikkje i orden» og prioriteringsvedtaket vidare til fylkeskommunen innan 15.januar. Les meir i kap. 1.3 i føresegnene om tilskot til anlegg for idrett og fysisk aktivitet Løypetiltak i fjellet og overnattingshytter Du søkjer elektronisk her: Frist 1.november Saksgangen vidare: o Søknadane vert sendt elektronisk til DNT og DNT behandlar søknadane. o Prioritering av søknadane blir gjort av DNT, men med innspel frå Friluftsrådenes Landsforbund og Norsk friluftsliv. o DNT overfører søknadane og sender brev med prioritering av søknadane til departementet innan 15.februar. Les meir i kap. 1.3 i føresegnene om tilskot til anlegg for idrett og fysisk aktivitet Når får vi svar på søknaden? Ordinære anlegg og nærmiljøanlegg Sogn og Fjordane fylkeskommune sender svar til søkjarane i juni påfølgjande år. Løypetiltak i fjellet og overnattingshytter Departementet gjer endeleg vedtak innan 15.mai påfølgjande år. 4

6 8. Kva krav er det til søknaden? Ein søknad om spelemidlar må stette dei formelle krava som kulturdepartementet (KUD) til ei kvar tid set. Under er det gjort kort greie for generelle krav som søknaden skal oppfylle. 1) Anlegget må vere innarbeidd i Eid kommune sin kommunedelplan for fysisk aktivitet, idrett og friluftsliv. Om de har planar om anlegg som ikkje er nemnt der er det viktig å gje innspel til kommunen om det, slik at tiltaket kan bli tatt med i rullering eller revisjon av denne kommunedelplana. Kommunen annonserer og sender ut informasjonsbrev i mai kvart år der vi ber om innspel på nye anlegg. Frist for innspel er 1.august Sjå meir i kap. 6.1 i føresegnene om tilskot til anlegg for idrett og fysisk aktivitet ) Fylkeskommunen sin Regional plan for fysisk aktivitet, idrett og friluftsliv. Større anlegg som m.a. symjehall, kunstgrasbane (100x64) må og vere prioritert i fylkeskommunen sin Regional plan for fysisk aktivitet, idrett og friluftsliv. Planar om slike anlegg melder de og til kommunen og fylkeskommunen. Fylkeskommunen har eigne prosessar for rullering. Sjå meir i kap. 6.2 i føresegnene om tilskot til anlegg for idrett og fysisk aktivitet ) Idrettsfunksjonell førehandsgodkjenning Planar for anlegg med rett til tilskot må på førehand ha fått ei idrettsfunksjonell førehandsgodkjenning. Søknad om idrettsfunksjonell førehandsgodkjenning skal sendast Eid kommune. Søknaden må vere heilskapleg og ha fullstendig teikningsgrunnlag. Ein må hugse at det er krav om at anlegg har behovsrette og gode idrettsfunksjonelle løysingar, universell utforming og at estetiske og at miljømessige tilhøve vert ivaretekne. Les meir om kva vedlegg som må vere med søknaden i kap. 2.5 i føresegnene om tilskot til anlegg for idrett og fysisk aktivitet Denne godkjenninga er gyldig i 2 år og må fornyast viss byggjearbeidet ikkje har starta innan utløpsdatoen. Dersom de startar byggjearbeidet før de har fått idrettsfunksjonell førehandsgodkjenning, er det i seg sjølv grunn til avslag på spelemiddelsøknaden. Ved endring av planar må de søkje om ny godkjenning før byggjearbeidet blir starta. Hugs at idrettsfunksjonell førehandsgodkjenning ikkje erstattar kommunen si byggjesakshandsaming etter plan- og bygningslova. Les meir i kapittel 2.5 i føresegnene om tilskot til anlegg for idrett og fysisk aktivitet ) Krav til universell utforming Det er eit krav at idrettsanlegg skal tilfredstille krava til universell utforming. Les meir i kap i føresegnene om tilskot til anlegg for idrett og fysisk aktivitet ) Idrettsanleggsregisteret Nye anlegg som ein ikkje har søkt spelemidlar til, må registrerast ii idrettsanleggsregisteret av Eid kommune før søknad kan sendast inn. Ta kontakt med kommunen for å få registert anlegget. 5

7 6) Kommunal garanti Dette gjeld når du får eit samla tilskot til anlegget på over kr til nybygg og/eller rehabilitering av store anleggstyper som alle typar hallar, motorsport anlegg, rideanlegg, m.m. Når andre enn kommunen står som søkjar, må kommunen eventuell fylkeskommune, garantere for at spelemidlane blir tilbakebetalt av tilskotsmottakar ved eventuelt misleghald. Les meir i kap i føresegnene. 9. Obligatoriske vedlegg som må følgje søknaden Vedlegg 1: Idrettsfunksjonell førehandsgodkjenning av planane. Godkjenningsbrev frå godkjenningsinstans (kommunen eller departementet) datert før 15.januar inkludert planar/teikningar. Vedlegg 2: Detaljert kostnadsoverslag Kostnadsoverslaget skal vere sett opp på ein slik måte at det let seg kontrollere. Mengder oppgjevne i m/m2/m3 skal refererast til dei planane som ligg føre og skal kunne kontrollerast mot desse. Arbeida som skal utførast som dugnad, skal spesifiserast. Ein må opplyse om totalkostnad og fordelt på kostnader med og utan rett til tilskot Administrasjonskostnadar, medrekna utgifter til revisjon, kan maksimalt utgjere 5 % av godkjent kostnadsoverslag. Bruk mal på kostnadsoverslag som de finn på under «søknad og rekneskapsskjema». Vedlegg 3: Finansieringsplan og dokumentasjon av dei ulike delane i planen. Finansieringsplanen skal gjere greie for og dokumentere finansiering av dei samla kostnadane for anlegget. Dokumentasjon som må ligge ved finansieringsplanen: Eigenkapital skal stadfestast med kontoutskrift frå bank eller liknande som viser at summen er bunden til bygginga av anlegget. Det er eit krav at anleggsprosjektet skal ha ein eigen prosjektkonto. Aksjekapital skal dokumenterast. Pengegåver skal dokumenterast. Dugnad Dugnadsarbeid skal setjast opp i eit eige dugnadsoversyn som er utarbeidd med utgangspunkt i dei arbeida som etter kostnadsoverslaget skal utførast på dugnad. Verdien av dugnadsarbeidet skal reknast ut av ein kvalifisert fagperson. Ein skal ikkje ta med meirverdiavgift på dugnad. Lån stadfesta med kopi av lånetilsegn Kommunalt og/eller fylkeskommunalt tilskot må vere stadfesta med kopi av vedtaket. Kommunal eller fylkeskommunal garanti må vere stadfesta med kopi av vedtaket. Vedlegg 4: Plan for forvaltning, drift og vedlikehald av anlegget. Planen skal gjere greie for planlagd drift av anlegget, og skal minimum innehalde følgjande opplysningar: Plan for forvaltning og bruk, som inneheld opplysningar om forvaltar av anlegget, planlagd lengd på sesong og tal på brukstimar (t.d. per veke) i sesongen. 6

8 Driftsbudsjett med inntekter og utgifter, inkludert finansutgifter For større anlegg( som t.d. idretts- og svømmehallar) skal det i tillegg leggast ved plan for vedlikehald og utvikling av anlegget. Bruk mal på «plan for drift» som de finn på under «søknad og rekneskapsskjema. Vedlegg 5: Dokumentasjon på rett til bruk av grunn Dokumentasjon på rett til bruk av grunn i minimum 20 år for nærmiljøanlegg og 30 år for ordinære anlegg må ligge ved søknaden. Dette kan f.eks. vere: Tinglyst skøyte som dokumenterer eigarskapen Tinglyst leigeavtale på grunn 10. Er det krav til drift av anlegg som mottar tilskot? Ja, dersom eit eller fleire krav blir misleghaldt, kan departementet krevje tidlegare utbetalt tilskot tilbakebetalt. Anleggseigar pliktar å halde anlegget i god stand og passe på at gjeldande tryggingsforskrifter blir følgt. Anlegget skal vedlikehaldas slik at det ikkje forfell meir ein det som følgjer av normal slitasje. Rettslege disposisjonar som overdraging, sal, deling, samanslåing og faktiske disposisjonar som flytting, nedlegging og bruksendring av anlegget krev skriftleg samtykke frå departementet. Det er eit grunnleggjande prinsipp at spelemidlar ikkje skal om til forteneste for private. Har du mottatt spelemidlar vil det derfor bli avgrensingar på retten til å bruke anlegget. De må føre ein eigen anleggsrekneskap for det aktuelle idrettsanlegget. Tilskotsmottakarar utanom kommunen og fylkeskommunen bør nytte ein eigen bank- eller postgirokonto for alle utbetalingar/innbetalingar som gjeld anleggsinvesteringa. Ordinært anlegg: Anleggseigar pliktar å halde anlegget ope for allmenn idrettslig verksemd i 30 år frå ferdigstilling. Nærmiljøanlegg: Anleggseigar pliktar å halde anlegget ope for eigenorganisert idrettslig/fysisk aktivitet i 20 år frå ferdigstilling. Løypetiltak i fjellet og overnattingshytter: Anleggseigar pliktar å halde anlegget ope for eigenorganisert idrettslig/fysisk aktivitet i 30 år frå ferdigstilling. Les meir under punkt 2.3 i føresegnene om tilskot til anlegg for idrett og fysisk aktivitet Vi har fått spelemiddelsøknaden godkjend tidlegare, men ikkje fått tildelt midlar fornying av søknad At ein søknad blir godkjend betyr ikkje at ein får tildelt midlar det året ein søkjer. I Sogn og Fjordane er det kvart år fleire søknader som fyller krava enn det er midlar til. Nokre anlegg må difor vente i eitt eller fleire år før dei får spelemidlar. Du må fornye spelemiddelsøknaden din kvart år for å behalde godkjent søknad. Oppdatert kostnadsoverslag må sendast inn som vedlegg til fornya søknad. Ein må gjere greie for framdrift ved anlegget og for eventuelle avvik/endringar frå tidlegare innsendt søknad. 7

9 Dersom informasjonen i vedlegga framleis er gyldig, er det nok å vise til godkjende vedlegg som er sende inn tidlegare. Du fornyar søknaden din på der du legg inn referansenummer frå tidlegare søknad. Les meir i kap i føresegnene om tilskot til anlegg for idrett og fysisk aktivitet Kan vi starte byggjearbeidet før vi veit om vi får spelemidlar? Ja, dersom de har fått idrettsfunksjonell førehandsgodkjenning. Om de starta å byggje må de kunne forskottere bygginga, og ta høgde for at det kan ta fleire år før tilskotet frå spelemidlane kjem. Dersom de startar å byggje før de har fått idrettsfunksjonell førehandsgodkjenning mister de retten til spelemidlar til anlegget. 13. Kan vi søkje om spelemidlar på eit anlegg som er ferdigbygd eller rehabilitert? Ja, seinast siste kalenderåret etter ferdigstilling av anlegget. NB: idrettsfunksjonell førehandsgodkjenning må vere på plass før byggjearbeidet blei starta. Dersom idrettsfunksjonell førehandsgodkjenning ikkje var på plass før byggestart, mister de retten til spelemidlar til anlegget. 14. Kva gjer vi når anlegget er ferdig? Godkjenning av ferdig anlegg: Anleggseigar må gje melding til kommunen med ein gong anlegget er ferdig. Kommunen skal då gjennomføre endeleg synfaring og attestere at anlegget er fullført i samsvar med godkjende planar. Rekneskapsplikt: Alle som tek imot tilskot til anlegg for idrett og fysisk aktivitet, pliktar å levere eigen anleggsrekneskap. Rekneskapen skal vere ført slik at han kan samanliknast med godkjend kostnadsoverslag og finansieringsplan frå spelemidelsøknaden. Revisorattest: Avslutta rekneskap, rekneskapsbøker, vedlegg og kontoutskrifter skal utan oppmoding overleverast til revisor for kontroll. Kommunen sin revisor skal gjennomgå og kontrollere rekneskapen. For anlegg med tilskot under kr kan rekneskapen kontrollerast av annan revisor. Revisor lagar revisorattest som skal leggjast ved rekneskapen. 8

10 Utbetalingsoppmodning Ordinære anlegg og nærmiljøanlegg o Tilskotsmottakarane skal sende utbetalingsoppmoding vedlagt utfylt rekneskapsskjema og aktuelle vedlegg til fylkeskommunen. Utbetaling frå fylkeskommunen skal baserast på kontrollert rekneskap. o Sluttutbetaling kan først skje etter at fylkeskommunen har godkjent revisorkontrollert sluttrekneskap. Løypetiltak i fjellet og overnattingshytter o Tilskotsmottakarane skal sende utbetalingsoppmoding vedlagt utfylt rekneskapsskjema og aktuelle vedlegg til departementet. o Utbetaling frå fylkeskommunen skal baserast på kontrollert rekneskap. Sjå meir i kapittel 4.11 i føresegnene. Les meir i kapittel 5, rekneskap og kontroll, i føresegnene om tilskot til anlegg for idrett og fysisk aktivitet Kan laget vårt søkje om momskompensasjon? De kan søkje om kompensasjon for meirverdiavgift ved bygging av idrettsanlegg. Det er Lotteri- og stiftelsestilsynet som forvaltar denne ordninga og som kan hjelpe deg om de har spørsmål rundt dette. Ordninga gjeld idrettsanlegg der byggjearbeidet er sett i gang etter 1.januar 2010 og omfattar alle som oppfyller vilkåra for å få spelemidlar. Ein godkjend spelemiddelsøknad er eit vilkår for å søkje om kompensasjon for meirverdiavgift. Ordninga vert årleg kunngjort av Kulturdepartementet og søknadsfristen er 1. mars. NB! Ordninga er rammestyrt, noko som inneber at godkjente søkjarar får ei prosentvis lik avkorting dersom dei godkjente søknadsbeløpa er større enn ramma. Difor er usikkert kor mye ein vil få i kompensasjon, og det gjer at frivillige lag og organisasjonar ikkje kan legge inn momskompensasjon som ein del av finansieringsplana i ein spelemiddelsøknad. Her må ein legge inn alternativ finansiering, og så søkje momskompensasjon må søkje om i etterkant. Meir informasjon om ordninga finn du på 9