SAKSFRAMLEGG. Sakshandsamar: Arne Abrahamsen Arkiv: 141 Arkivsaksnr.: 14/361

Transkript

1 SAKSFRAMLEGG Sakshandsamar: Arne Abrahamsen Arkiv: 141 Arkivsaksnr.: 14/361 Kommuneplan for Balestrand kommune, samfunnsdel og arealdel - vedtak av planprogram Vedlegg: Planprogram, revisjon av kommuneplan for Balestrand kommune, mai 2014 Uttaler: Statens vegvesen, Sogn og Fjordane fylkeskommune, plan- og samfunnsavd, Sogn og Fjordane fylkeskommune, kulturavd, Fylkesmannen, NVE, region vest, Fiskeridirektoratet, Kystverket, Direktoratet for mineralforvaltning, Balestrand næringsforum, Kunstbygda Balestrand AS, Sigurd Kvikne m.fl. - reislivsaktørar, Bakgrunn: Planstrategi for Balestrand kommune, Kommuneplan for Balestrand kommune, samfunnsdelen, Kommuneplan for Balestrand kommune, arealdelen, Lovheimel: Plan og bygningslova SAKSOPPLYSNINGAR Saksgang og handsaming Balestrand kommunestyre har i Planstrategi for Balestrand kommune, vedteke i kommunestyret fastsett at kommuneplanen skal reviderast i Formannskapet gjorde i sak 43/14 vedtak om oppstart av planarbeidet og la «Planprogram for revisjon av kommuneplan for Balestrand kommune, mai 2014» ut til offentleg ettersyn/høyring fram til Planprogrammet vert vedteke i medhald av Plan og bygningslova (utdrag): Planprogrammet fastsettes av kommunestyret. Kommunestyret kan delegere myndigheten i samsvar med kommunelovens regler. Etter gjeldande arbeids- og delegeringsreglement har formannskapet mynde til å vedta planprogrammet, jf. utdrag frå gjeldande reglement: I tilknyting til dei oppgåvene som er nemnt under 4.1 ovanfor har formannskapet det myndet som etter plan- og bygningslova kan delegerast frå kommunestyret og som ikkje er delegert til rådmannen.

2 Formannskapet kan, som alltid ved delegert mynde, velje å la kommunestyret gjere vedtak i saka for å forankre føresetnadene for det vidare planarbeidet her. Planprogrammet rammer for vidare planarbeid Revisjonen av kommuneplanen omfattar både kommuneplanen sin samfunnsdel og arealdel. I tillegg er det lagt opp til å ivareta Forskrift om kommunal beredskapsplikt 3 sitt krav til heilskapleg beredskapsplanlegging, med å innarbeide tema beredskap som eit eige del av Kommuneplanen, samfunnsdelen. Dette arbeidet skal ta utgangspunkt i «Overordna ROS-analyse for Balestrand kommune» vedteke av kommunestyret Det er vidare føresett at det skal utarbeidast eit handlingsprogram til kommuneplanen, som i sin tur vert kopla opp til kommunen sitt økonomiplan og budsjettarbeid Det vert vist til vedlagt planprogram. Innkomne uttaler I perioden med offentleg ettersyn/høyring er det kome inn 11 uttaler. Det vert vist til desse som vedlagde dokument. Uttalene er kort gjengjeve og vurdert nedanfor. VURDERING Uttaler og vurdering av desse: Statens vegvesen Påpeikar at det i utgangspunktet vil vere krav om reguleringsplan for nye bustadområde for å få godkjent avkjørsler og bygging nærare enn 50m frå fylkesveg. Er i gjeldande plan sett plankrav til alle byggeområde for bustader, fritidsbustader og erverv(næring). Det er i utgangspunktet ikkje lagt opp til å endre på dette. For bygging i LNF-område der spreidd bygging er tillatt, er det ikkje krav om reguleringsplan for inntil 3 nye bustader direkte i medhald av kommuneplanen, men føresett at mellom anna avkjørsle/byggegrense vert avklart med vegvesenet. Dersom Statens vegvesen i konkret sak likevel krev de, må plan likevel utarbeidast. Dette momentet vil vere ein naturleg del av arbeida med utbyggingsområde arealdelen, og treng slik ein vurderer det ikkje bli teke særskild inn i planprogrammet. Sogn og Fjordane fylkeskommune, plan- og samfunnsavd Går gjennom formelle sider ved planutarbeiding, mellom anna krav til ein handlingsdel for samfunnsdelen, og knyter kommentarar og gjev råd til kommunen sine skisserte satsingsområde i planprogrammet. Det er vist til døme og korleis fylkeskommunen kan bidra. Legg også ved viktig statistikk for folketal, arbeids og næringsliv. Viser til den varsla kommunereforma og trong for avklaringar på dette området. Innhald og tema er i all hovudsak dekka i planprogrammet. Dei meir detaljerte innspel/råda frå fylkeskommunen vert teke med i det vidare planarbeidet. Når det gjeld kommunereforma kan resultat av denne endre på mange av føresetnadene og visjonane ein har for utvikling av Balestrand som stad. Det er derimot eit faktum at det vil skje eit utgreiingsarbeid på dette området som vil gå parallelt med kommuneplanprosessen. Førebels er det ikkje lagt opp til føringar for at dette skal vere ein del av kommuneplanprosessen. Sjølv om det går fram av lova direkte, tilrår ein at det vert det teke inn i planprogrammet at det vert utarbeida handlingsdel for samfunnsdelen.

3 Sogn og Fjordane fylkeskommune, kulturavd Viser til fylkeskommunen si satsing på lokale kulturminneplanar og at Balestrand kommune har sett i gang dette arbeidet. Ser det som positivt at kulturtilbod er med under strategi 6. Meiner samfunnsdelen bør ha med arbeidet med kulturminneplanen og vidare ei breiare satsing på kulturfeltet. Kulturminneplanen er nedfelt i kommunal planstrategi, og vedteke utarbeida som ein kommunedelplan. Arbeidet vil gå parallelt med arbeidet med kommuneplanen sin samfunnsdel og arealdel. Ein finn det difor ikkje naudsynt å ha dette som ein overordna strategi også i kommuneplanen, samfunnsdelen, sjølv om temaet og delplanen kan bli forankra i denne. Når det gjeld breiare fokus på kulturverkemiddel vert vist til vurdering av innspel frå Kunstbygda Balestrand AS. Fylkesmannen Finn det positivt at kommunen set i gang arbeidet med kommuneplan og viser innleiingsvis til fylkesmannen si heimeside der ein kan finne ulik informasjon og rettleiing om planarbeidet. Har i resten av uttalen ein relativt grundig gjennomgang av ulike tema fylkesmannen har ansvar for. Mellom anna vert det vist til eit 30-tals ulike lover, føresegner, retningsliner, rettleiarar, databasar m.v, som skal hjelpe oss til å utarbeide planen formelt og ut i frå nasjonale krav og forventningar. Viser til at utredingskrav i medhald av KU-forskrifta bør synleggjerast i planprogrammet. Når det gjeld arealdelen, er det er det som det går fram av planprogrammet, i utgangspunktet ikkje lagt opp til ein omfattande utlegging av nye utbyggingsområde. Dette ut i frå at det vart avsett fleire nye utbyggingsområde i samband med vedtak av kommuneplanen i Eventuelle nye område vil bli vurdert med omsyn til behov for nye areal, og konsekvensvurdert med omsyn på samfunn og natur/miljø etter om lag same mal som for førre kommuneplan. Det er også opna for at område som ligg i faresoner, eller av annan grunn ikkje er aktuelle å bygge ut, kan gå ut. Det vert ikkje føreslege konkrete endringar, men at dei meir detaljerte innspel/råda frå fylkesmannen innanfor dei ulike fagområda vert teke med i det vidare planarbeidet. NVE, region vest Viser til krav i Plan- og bygningslova og teknisk forskrift (TEK 10) til tryggleik for byggverk ved byggesøknader, og at faresonevurderingane som er gjennomført i Balestrand kan leggast inn som omsynssoner i arealdelen. For område og skredtypar som ikkje er dekka av desse kartleggingane kan generelle aktsemdskart nyttast i saman med føresegner. Viser elles til korleis vassdrag og energianlegg vert vist i planen. Tilrår, slik som det er i gjeldande kommuneplan for Balestrand kommune, ei byggegrense frå vassdrag Er meir formelle innspel som vert lagt til grunn og følgt opp i arbeidet med arealdelen. Fiskeridirektoratet Viser til at ny Plan- og bygningslov 11-7 gjev gode høve for høve for planlegging av sjøområde med omsyn på fiske og akvakulturområde. Viser til at det er viktige låssettingsplassar for brisling i Balestrand som må takast vare på. Desse ligg inne i gjeldande arealdel Alle tema i arealdelen vert naturleg vurdert ved revisjon av planen. I samband med arealdelen, jf. også kommunedelplan for Esefjorden, vil det kunne vere ynskjeleg å sjå på omfang og lokalisering av desse låssettingsplassane. I dag er det 3 låssettingsplassar i området Balestrand/Esefjorden der 2 av desse strekker seg inn langs heile Esefjorden på kvar side av fjorden. Djupne for desse plassane er meter, og etter opplysning frå fiskeridirektoratet har desse plassane sist vore i bruk i 2008 og Det kan vere aktuelt å sjå på alternative lokalitetar. Kystverket Går gjennom Kystverket sine ansvarsområde som også kan vere tema i kommuneplanen sin arealdel. Område er farleier, navigasjonsinnretningar, ankringsområde, opplagsområde, naudhamner og særskilde område for akvakultur.

4 Det vert vist til konkrete anlegg og registreringar av farleier og område til oppankring/opplag og naudhamn i Balstrand kommune etter Havne- og farvannsloven, som må/bør takast med i arealdelen for sjøområde. Er konkrete og detaljerte innspel til arealbruk i sjø. Dette temaet vil bli gjennomgått ved revisjonen av arealdelen, og momenta vil då bli vurderte. Innspela vil følgje planarbeidet sjølv om det ikkje vert gjort konkrete framlegg til endringar i planprogrammet. Direktoratet for mineralforvaltning Viser til at mineralressursar er forventa synleggjort og ivaretekne, slik at framtidig uttak kan skje. Er ein eigen arealkategori i Plan- og bygningslova. Det er avsett områder til dette i gjeldande kommuneplan og temaet vil naturleg bli vurdert i samanheng ved rullering av arealdelen. Balestrand næringsforum Ber om at det vert sett opp eit samla «kommunalt planhierarki» som viser samanheng mellom alle kommunale planar som nytt pkt. 1.2 i planprogrammet. Ber elles om at det vert skipa til ein «plandag» der ulike aktørar vert inviterte undervegs i prosessen for å få ein god prosess. Ynskjer at planverket til slutt vert kortfatta, konkret og presist. Dette er gode innspel! Punkt om «planhierarki» og «plandag» vert tilrådd teke inn i planprogrammet. Når det gjeld å lage eit kortfatta, konkret og presist planverk må det vere ei klår målsetting om plandokumentet skal bli eit strategisk styringsdokument i ettertid. Dette krev også prioritering i kva tema som vert omtalt og kva grad dei får fokus i planverket. Dette gjev eit visst spenningsfelt i høve alle faginstansar, som gjev uttale til mellom anna dette planprogrammet, og som framhevar sine fagområde som særskild viktige. Kunstbygda Balestrand AS Meiner kommuneplan en bør ta utgangspunkt i kommunen si særeigne kunsthistorie, knytte saman kunst og næringsliv/reiseliv, og nytte dette særtrekket i Balestrand for å satse strategisk på auka attraktivitet. Ynskjer ei satsing på verdiane knytt til: Utøvande kunst, design og kunsthandverk, ev. andre kunstformer som t.d. forteljarkunst og musikk. Kulturarv, kunst- og bygningshistorie / arkitektur Naturbaserte opplevingar, aktivitetar som røff vandring / ekstremsport inkl. ski, dykking, fiske, fjordturar, paling Mat, matopplevingar, kunnskap, etikk, økologi Planprogrammet har så langt ikkje lagt opp til at kommunen sin kunsthistorie og kunst skal ha eit særskild eller overordna fokus i næringsutvikling/ reiselivsutvikling, eller som grunnlag for strategisk satsing for auka attraktivitet. Gjeldande kommuneplan, samfunnsdelen har heller ikkje nedfelte strategiar med slik vinkling. I arealdelen er det særskilde føresetnader om byggeskikk og krav om reguleringsplan for vidare detaljer ing. Næringsplanen har tiltak om kulturbasert næringsutvikling, heilskapleg reisemålsutviklingsamt utvikling og marknadsføring av buattraktivitet. Mange av momenta i uttalen frå Kunstbygda Balestrand går att, sjølv om dei ikkje er sett inn i ein samla «kunststrategi». I næringsplanen er omtalt ei studie om lokalsamfunn og reisemålsutvikling der Balestrand kommune var med utført av Telemarksforsking i Eit av «funna» var at «det må vere kunnskap og respekt for særpreget til staden. Dette krev både interesse- og kunnskap om fagfeltet». For Balestrand er kunst og særprega arkitektur ein del av stadens historie. Slik sett vil den alltid vere eit grunnlag for kva som vert gjort vidare. Å spisse ei satsing med kunst som ein meir overordna strategi og profil også gjennom kommunen sine planverk, kan vere spennande! Dette kan gjerast ved å ta inn eit nytt punkt Kunst i planprogrammet, jf. Rådmannen si tilråding. Sigurd Kvikne m.fl. reislivsaktørar Har ein innhalds messig relativt lik uttale som Kunstbygda Balestrand AS. Ynskjer å bidra aktivt til å få dette til.

5 Vert vist til vurdering av uttalen til Kunstbygda Balestrand AS, samt tilråding til nytt punkt i planprogrammet i den samanheng. Rådmannen si tilråding Balestrand kommune vedtek i medhald av plan og bygningslova «Planprogram, revisjon av kommuneplan for Balestrand kommune, mai 2014» med følgjande endringar: Nytt punkt vert teke inn under innleiing til pkt 1.2. Det skal utarbeidast eit oversyn over alle kommunale planar i eit «planhierarki» som eit eige innleiande kapittel til samfunnsdelen. Nytt punkt vert teke inn: Kunst Utgangspunkt Balestrand kommune har ei særeiga kunsthistorie som viser igjen i form av kunstverk, arkitektur og ein naturleg del av næringsliv/reiseliv. Kommunen har også eit aktivt kunstmiljø, med utøvande kunstnarar, kunstlag og Kunstbygda Balestrand AS. Strategi Kunst skal nyttast aktivt å satse strategisk på næringsutvikling/reiselivsutvikling og for auka attraktivitet som buplass og stad. Aktuelle satsingar er: Utøvande kunst, design og kunsthandverk, ev andre kunstformer som t.d. forteljarkunst og musikk. Kulturarv, kunst- og bygningshistorie / arkitektur Standard på det fysiske sentrumsmiljøet. Fokus på vidare utvikling og løpande drift/vedlikehald. Naturbaserte opplevingar, aktivitetar som røff vandring / ekstremsport inkl. ski, dykking, fiske, fjordturar, padling Mat, matopplevingar, kunnskap, etikk, økologi Nytt vert teke inn: 1.4 Handlingsdel til samfunnsdelen Det vert utarbeida handlingsdel for samfunnsdelen som vert kopla til økonomiplanen. Det skal her framgå kva kommunen kan gjennomføre sjølv, og kva oppgåver kommunen treng hjelp til frå stat og fylket for å sikre ei god utvikling. Nytt avsnitt vert teke inn under pkt. 2.3 Det vert skipa til ein «plandag» undervegs i prosessen der ulike aktørar vert inviterte til å delta. Meir detaljerte og spesifikke råd og innspel til gjennomføring av utgreiingar/planarbeid frå dei ulike faginstansane vert ikkje teke eksplisitt inn i planprogrammet, men vert teke med i det vidare planarbeidet.