ULVIK HERAD SAKSPAPIR

Transkript

1 ULVIK HERAD SAKSPAPIR SAKSGANG Utval Møtedato Utvalssak Formannskap /19 Sakshandsamar Præstiin, Lars Arkiv: K2-M10 Arkivsaknr 14/417-9 Regional plan for vassforvaltning Høyring og offentleg ettersyn av planprogram og hovudutfordringar for og Handlingsprogram for Vedlegg: Høyringsbrev for Regional plan for vassforvaltning for og Handlingsprogram for (1) Saksutgreiing: Gjeldande vassforvaltningsplan for skal reviderast. Ny plan vil gjelde for Vassregionane Sogn og Fjordane og Hordaland vert slegne saman til Vestland vassregion frå 1.januar Den reviderte vassforvaltningsplanen for Vestland vassregion med tilhøyrande tiltaksprogram kjem på høyring hausten Vassforvaltningsplanen vert utarbeidd i tråd med Forskrift om rammer for vannforvaltningen (vassforskrifta). Forskrifta er ei implementering av vassdirektivet til EU. Planen vert vedteke som ein regional plan etter plan- og bygningslova 8-4 med dei særreglar som følgjer av vassforskrifta. Planen fastset miljømål og viser korleis vi ynskjer å forvalte vassmiljøet og vassressursane i eit langsiktig perspektiv. Det generelle miljømålet er minimum god miljøtilstand for vassførekomstane. Det er no meldt oppstart på planarbeidet. Fylkeskommunane har vedteke å leggje planprogram og hovudutfordringar for planperiode og Handlingsprogram for ut på høyring og offentleg ettersyn. Høyringsfristen er 30. juni. Dokumenta ligg på Planprogrammet er felles for Hordaland og Sogn og Fjordane, dvs. nye Vestland vassregion. Hovudutfordringsdokumenta er utarbeid for dei eksisterande vassregionane. Dokumentet gjev ei oversikt over kunnskapsgrunnlaget til planen og hovudutfordringar i vassregionen.

2 Kunnskapsgrunnlaget er henta frå databasen Vann-nett ( Det er her mogleg å ta ut rapportar frå vassregionen, vassområda, eller kvar enkelt vassførekomst m.m. Det er og utarbeidd eit høyringsutkast til oppdatert handlingsprogram for for gjeldande vassforvaltningsplan for Hordaland. Alle dokumenta ligg på Vannportalen.no. (Det vert arrangert høyringsmøte på fylkeshuset i Bergen måndag 3. juni 10:00-14:00 med video overføring via media.hfk.no). Vurdering: Handlingsprogram : I høve til Plan- og bygningslova 8-1, skal alle regionale planar ha eit handlingsprogram. Fylkestinget vedtek handlingsprogrammet som ein del av den regionale planen. Fylkestinget har òg ansvar for å rullere handlingsprogrammet. Ved rullering av handlingsprogrammet vert inngåtte avtalar med andre regionale og kommunale aktørar om gjennomføringa av planen, fornya. Handlingsprogrammet koordinerer prosessen med å nå miljømåla i planen. Programmet viser kva for oppfølging planen krev og peikar ut ansvarleg organ og samarbeidspartnarar for å få gjennomført planen. Handlingsprogrammet er avgrensa til sjølve planprosessen for å sikre framdrift og samhandling og inkluderer ikkje tiltak etter det regionale tiltaksprogrammet. Det er ingen som får tildelt nye roller eller oppgåver i oppdatert handlingsprogram Alle sektorstyresmaktar må sette av tid og resursar innanfor respektive ansvarsområde og kople dette mot eigne budsjett og økonomiplanar. Handlingsprogrammet er mest ei skjematisk framstilling av dei einskilde sektorstyresmaktane sine ansvarsområde etter vassforskrifta og anna lovverk. Planprogrammet: Gjeldande regional vassforvaltingsplan og tiltaksprogram blei utarbeidde i 2015, godkjend i 2016 og gjeld til utgangen av Fram mot utgangen av 2021 skal planen oppdaterast. Ein skal no gå gjennom korleis det står til med vatnet, og justere planane for korleis vi best kan ta vare på vatnet vårt framover. Planprogrammet skildrar prosessen, forslag til organisering av arbeidet, kva utgreiingar dei føreslår å gjennomføre og behov for konsekvensutgreiing. Programmet syner og forventingar til styresmakter som skal delta, og høvet for andre interessentar til å medverke med kunnskapen sin og synspunkta sine. Formålet med dokumentet og høyringa er å klargjere kva som skal gjerast når, og av kven. Her fylgjar ein skjematisk plan for deltaking og medverknad i prosessen:

3 Planprogrammet gjeld for vassregion Vestland. Det vert 43 kommunar i nye Vestland. Om alle kommunane skal sitje i vassregionutvalet slik som i førre planperiode med 1-2 personar frå kvar kommune vert det mange deltakarar i vassregionutvalet (VRU). Den geografiske avstanden frå nord til sør, på kryss og tvers, er stor med lang reisetid. Av den grunn er det føreslått å redusere tal kommunar i vassregionutvalet til at politisk leiar av vassområdeutvalet (VOU) representerer kommunane i vassregionutvalet. Det betyr at tal representantar frå kommunane i vassregionutvalet vert redusert til 9 (ein frå kvart vassområde). Ulvik høyrar til Hardanger vassområde. Dersom ein går inn for ein slik modell er det viktig å styrke arbeidet i vassområda. Dette er spesielt viktig i samband med revidering av vassforvaltningsplanen. Vassregionmyndigheitas framlegget til deltakarar i vassregionutvalet for Vestland er: - Vassregionstyresmakta (leiar) - Kommunar representert med leiar av vassområdeutvala (politisk representant) - Statlege etatar (aktuelle etatar: Fylkesmenn, NVE, Fiskeridirektoratet, Mattilsynet, Kystverket, Miljødirektoratet, Statens vegvesen, Jernbandedirektoratet, Forsvarsbygg og ev. Direktoratet for mineralforvalting) - Fylkeskommunar med areal i vassregionen Vassområdekoordinatorar. Framlegget til endring i samansetning av vassområdeutvalt er etter alt å døme det mest skjelsettande i planprogrammet. Sakshandsamar vurderer dette som føremålstenleg, under

4 føresetnad av at alle kommunar får referat frå møta. Planprogrammet er utarbeid etter retningslinene i plan- og bygningslova og KU-forskrifta m.v. Hovudutfordringar: Samtidig med planprogrammet er også dokumentet om hovudutfordringar ute på høyring. Dokumentet inneheld ei oppdatert oversikt over miljøtilstand, påverknader og status for gjennomføring av tiltak og er derfor viktig i prosessen fram mot oppdatert vassforvaltingsplan og tiltaksprogram. Ei felles forståing av kva som er dei viktigaste utfordringane og prioriteringane vil gi eit godt grunnlag for vidare samarbeid om forvaltingsplanen og tiltaksprogrammet. Hovudfordringar for dei einskilde vassområde inngår i dette dokument. Dokumentet gir ei oversikt over kva som er dei viktigaste menneskeskapte påverknadene i regionen. Miljøtilstand, oversikt over miljømåloppnåing og status for gjennomføring av tiltak er viktige moment. Til saman skal dette gi grunnlag for gode prioriteringar i den kommande planperioden. Datagrunnlaget er henta frå databasen Vann-nett.no der all informasjon om tilstand, påverknadar, miljømål og tiltak er samla. Databasen vert fortløpande oppdatert med ny kunnskap. I høyringa ynskjer vassregionmyndigheita særleg svar på fylgjande spørsmål: Kunnskapsgrunnlaget i Vann-nett er ikkje perfekt, men førebles det beste me har. For Hardanger er dei største påverknadsgruppene vasskraft, sur nedbør (langtransportert forureining), ukjent kjelde, jordbruk og industri i prioritert rekkefylgje. De kan lese meir om dette i vedleggs dokumentet Hovudutfordringar i Hardanger vassområde. Hardangerrådet og Ulvik herad har spelt inn ynskje om forbetring av kunnskapsgrunnlaget i høve til bestandsutviklinga for fisk i fjorden. Lokale fiskarar meiner bestandane av spesielt torskefiskane har minka betydeleg dei siste tiåra. Ein ynskjer dokumentasjon og forklaring på årsaken til dette. Arbeidet med vassforvaltningsplanen skal sikre at det vert oppnådd minimum god økologisk tilstand i vassførekomstane. Fisketettleiken i fjorden bør vera ein viktig tilstandsindikator. Lakselus og kosthaldsråd for Hardangerfjorden er andre spesielle problemstillingar i Hardanger. Grunna eige engasjement i arbeidet med hovudutfordringsdokumentet er sakshandsamar dessverre ugild til nærmare å kommenterer spørsmåla ovanfor. Økonomiske konsekvensar: Økonomiske konsekvensar må vurderast når tiltaksprogrammet kjem på høyring i neste runde. Rådmannen sitt framlegg: Ulvik herad stettar plandokumenta slik dei ligg føre, og vurderer framlegget til endra

5 samansetjinga av vassregionutvalet som føremålstenleg. Det siste under føresetnad av at alle kommunar får referat frå møta. Ulvik herad vil komme med meir konkrete innspel i neste høyringsrunde, når tiltaksprogrammet kjem på høyring Formannskap FSK- 045/19 Vedtak: Samrøystes vedtak: Ulvik herad stettar plandokumenta slik dei ligg føre, og vurderer framlegget til endra samansetjinga av vassregionutvalet som føremålstenleg. Det siste under føresetnad av at alle kommunar får referat frå møta. Ulvik herad vil komme med meir konkrete innspel i neste høyringsrunde, når tiltaksprogrammet kjem på høyring.