Tíðindi úr Føroyum tann 26. august Tíðindi frá Kringvarpi Føroya samansett av Føroysku Sjómanskirkjuna/bjg

Transkript

1 Tíðindi úr Føroyum tann 26. august 2013 Tíðindi frá Kringvarpi Føroya samansett av Føroysku Sjómanskirkjuna/bjg Kroppurin slatrar :23 Kroppurin hevur eitt minnið og minnist sorg, ferðsluóhapp, hjúnarskilna, yvirgang, happing og kynsligan ágang. Henryette Demant, kropsterapeutur, fer í vikuni at halda fyrilestur um kropstilvitan. Fyrilesturin verður bæði í Stephanssonshúsi í Havn og á Seglhúsloftinum á Tvøroyri Tíðindaskriv, 25. august 2013 Upplivingar, ið vit hava verði úti fyri fyrr ávirka okkum alt lívið, og kunnu forða okkum í at møta framtíðini við áliti og forvitni. Hevur tú verið útsett fyri kynsligum ágangi sum barn, so vil kroppurin eisini altíð minnast tað, og tað setur síni spor, sjálvt um tú ikki vilt. Lær at lurta eftir tínum kroppi og fá tín besta vin fyri lívið: Henryette Demant fer at greiða frá, hvussu kroppurin minnist alt, sjálv tað, sum vit sjálvi hava gloymt. Hon fer eisini at greiða frá, um hvussu umráðandi tað er at lurta eftir sínum egna kroppi. Seglhúsloftið: Fyrilesturin verður týsdagin 27. august kl. 20:00 á Seglhúsloftinum á Tvøroyri. Tiltakið er ókeypis og tilmelding er ikki neyðug. Stephanssonshús: Mikudagin 28. august kl. 19:00 verður fyrilesturin í Stephanssonshúsi í Havn. Tiltakið er ókeypis, men tilmelding er neyðug. Tekna til við at senda SMS á fartelefon Sandoyartunnilin er alneyðugur fyri Sandoynna :52 Bill Justinussen, úr Miðflokkinum, ferð at atkvøða fyri uppskotinum hjá landsstýrinum um ein privatan Skálafjarðartunnil og orsøkin er at Sandoyartunnilin er alneyðugur um ikki Sandoyggin skal doyggja út. Ein almenn loysn krevur at vit binda landskassan til eina íløgu sum er omanfyri tvær milliardir við einari løgtingslóg og tað er neyvan skilagott. Tí er heldur ikki meiriluti í løgtinginum fyri aðrari loysn enn tí sum landsstýrið mælir til. Í samband við ætlanirnar hjá landsstýrinum at loyva privatum at byggja Skálafjarðartunnil og samstundis fara í holt við at byggja ein almennan Sandoyartunnil er harðligt orðaskifti í og uttan fyri løgtingið um hvør er besta loysnin. Formaðurin í Miðflokkinum sigur seg fara at atkvøða ímóti ætlanum hjá Landsstýrinum, men Bill Justinussen sigur at hann stuðlar uppskotinum hjá Landsstýrinum. --Tá vit tosað landsbúskaparliga er eingin ivi um at besta loysnin hevði verið at tað almenna bygdi og rindaði fyri ein Skálafjarðartunnil og ikki bygdi ein Sandoyartunnil. Tá hevði prísurin fyri at koyra ígjøgnum Skálafjarðartunnil verði einar krónur, men skal tað almenna eisini byggja Sandoyartunnli verður prísurin at koyra ígjøgnum Skálafjarðartunnilin omanfyri 100 krónur og fyrimunurin við einari almennari loysn burtur. Poul Michelsen hevur lagt eitt uppskot fyri løgtingið sum eg haldi verða einasta uppskotið sum eg kundi atkvøtt fyri. Hann mælir til at ein almennur Skálafjarðatunnil verður bygdur uttan ein Sandoyartunnil.Men eg má undirstrika at hetta er at gera Sandoyingum órætt tí verður Sandoyartunnilin ikki bygdur doyr Sandoyggin út. Meiriluti í løgtinginum Kaj Leo hevur í samrøðu við Norðlýsið gjørt greitt at tað verður ikki við honum sum løgmanni at landskassin skal veðhalda fyri at byggja tvær so stórar verkætlanir sum Skálafjarðartunnilin og Sandoyartunnilin og sum skilst eru flestu tinglimir samdir um at skulu báðir tunlarnir byggjast er einki alternativ til uppskotið hjá Landsstýrinum.

2 --Tað eru 16 samgongulimir sum stuðla uppskotinum hjá Landsstýrinum og tað er nóg mikið til at fella øll onnur uppskot og tá so atkvøðast skal um uppskotið hjá landsstýrinum verður vantandi stórur meiriluti fyri, sigur Bill Justinussen at enda. Eftirspæl vantandi Verður uppskotið hjá Landsstýrinum ikki samtykt er rættiliga sannlíkt at Kári P. Højgaard leggur frá sær sum landsstýrismaður. Men um uppskotið hjá Landsstýrinum verður samtykt við einans 16 samgongulimum og fýra andstøðulimum so verður vantandi eitt eftirspæl í samgonguni og serliga í Sambandsflokkinum har sjálvur fíggjarnevndarformaður flokksins er ímóti og vantandi ferð at atkvøða í móti uppskotinum hjá Landsstýrinum í løgtinginum. Eingin náti at síggja :43 Hóast tað ljóðar frá serfrøði at havhestastovnurin hevur tað gott, so sæst lítið til náta á sjónum. Tveir bátar fingu millum 12 og 15 havhestaungar í part mikudagin norðanfyri, men teir bátar sum vóru norðan- og eystanfyri leygardagin fingu lítið og einki. Hetta skuldi verið góð tíð men nú sigur hann frískan vind í nakrar dagar so tá verður trupult at veiða. Eins og undanfarin á eru fremmandir bátar at síggja í Hvannasundi sum vænta sær ein góðan bita og tað skuldi verið løgið um tað ikki eisini "drippar á degnin". Sandoyartingmaðurin vil ikki lata seg binda av hóttanum frá Aksel V. Jóhannesen :23 Ikki er hann breiður um herðarnar, men tað verður rúmsátt hjá Aksel V. Jóhannesen í Javnaðaflokkinum um hann skal føra somu linju í øðrum málum sum hann hevur valt at gera í tunnilsmálinum, sigur Gerhard Lognberg sum í 2001 fekk áheitan frá toppinum í Javnaðarflokkinum at stilla upp til løgtingið júst tí at hann segði seg vilja stríðast fyri Sandoyartunlinum. Eftir flokksleiðslufund í Javnaðarflokkinum hevur formaður flokksins, Aksel V. Jóhannesen, fingið undirtøku fyri at geva eitt ultimatum til Sandoyartingmannin Gerhard Lognberg. - Atkvøður hann saman við samgonguni um eina privata loysn á Skálafjarðartunnlinum, verður hann koyrdur úr Javnaðarflokkinum. Bakkar ikki fyri hóttanum. - Tá eg sum borgarstjóri í Skopunar Kommunu helt vælkomstrøðu á bryggjuni fyri Teistanum í 2001, segði eg at Teistin var eitt framstig men at eg fór at gera alt fyri at fáa fast samband til Sandoynna. - Eftir røðuna fekk eg áheitan frá fyrrverandi formanninum í Javnaðarflokkinum Atla Dam og Vilhelm Jóhannesen um at stilla upp fyri Javnaðarflokkin til løgtingið. Hetta hevur altíð verið mítt hjartamál og tá Sandoyggin var eitt valdømi var eg tann politikarin í Javnaðarflokkin sum prosentvís hevði størstu undirtøkuna millum veljararnar. Á seinasta løgtingsvalinum var eg einasti valdi løgtingslimurin hjá Javnaðaflokkinum sum bleiv afturvaldur. - At formaður flokksins seinastu tíðina hevur brúkt hóttanir at fáa meg til at skifta meining er óskiljandi tí um hendan linjan skal brúkast í framtíðini í Javnaðaflokkinum ja so verður rúmsátt hjá Akseli. Í næstum ferð Rigmor Dam at leggja fram uppskot um skrásett parlag hóast flokkurin ikki er samdur og sjálvur arbeiður Aksel saman við Høgna Hoydal um at leggja uppskot um tilfeingisbúð fyri løgtingið. Alt hetta uttan at flokkurin er samdur og eg eri spentur at síggja um tey sum hava aðra hugsan enn flokksformaðurin eisini í hesum málum verða tveitt úr flokkinum. - Mín støða til Sandoyartunnilin hevur alla tíðina verið púra greið eg farið at gera alt fyri at fáa ein tunnil til Sandoyar og í aktuella málinum er bert meiriluti fyri uppskotinum hjá Landsstýrinum.

3 Enn pláss á mansleguni :51 Nøkur pláss eru eftir á mansleguni, sum verður í Leguhúsinum í Nesvík frá 6. til 8. september. Legan, sum í ár hevur temaið modernaði maðurin, hevur verið sera væl umtókt seinastu árini. Á mansleguni verða evni tikin upp, sum eru viðkomandi fyri menn í dag. Tríggir fyrilestrar eru á skránni, og evnini í teimum eru ávikavist virðing, raðfesting og ábyrgd. Eisini eru aðrir aktivitetir: fótbóltur, tónleikur, gongutúrur, góður matur og annað. Tekningarfreistin er í dag, men tikið verður ímóti tilmeldingum, so leingi pláss eru eftir. Stóra danska byggifelagið E. Pihl & Søn á húsagang :04 Í dag kunngjørdi stóra danska byggifelagið, sum m.a. hevur havt nógv arbeiði í Føroyum har eitt tað nýggjasta var útbyggingin av Landssjúkrahúsinum, at felagið var farið á húsagang: "Bestyrelsen i E. Pihl & Søn A.S. har i dag været nødt til at træffe den smertefulde beslutning at indgive konkursbegæring for selskabet, da det ikke er lykkedes at finde en finansiel løsning, der kan sikre virksomhedens fortsatte drift," Í seinasta roknskapinum stendur at umleið 2300 starvsfólk vóru í starvið og umsetningurin var góðar 5,5 mia. Kr. Í Les meira á Oljuprísurin fer at falla Norska stjórnin væntar lægri oljuprís tey komandi árini. Oljan verður bíligari tey komandi árini, metir tann norska stjórnin, sum í síni seinastu meting væntar lægri miðalprís. Í 2014 fer ein tunna av olju at kosta 600 norskar krónur sambært metingunum. Herfyri varð roknað við einum miðalprísi á 625 kr. fyri tunnuna í Í 2015 lækkar prísurin væntandi til 535 norskar krónur. Hetta svarar til eina lækking á 15%. Jens Stoltenberg, forsætisráðharri, vísir á, at gongdin í tveimum teimum størstu oljubúskapunum er orsøkin til metingar um ein lægri oljuprís. Óvissan um oljuprísin er vaksandi. USA framleiðir meira, og økir tað um útboðið. Prísurin verður tí trýstir niður. Harumframt keypir Kina minni av olju, greiðir Stoltenberg frá í NRK. Kelda: Vinnuhúsið Antares.fo Eysturoyartunnilin: Landið vil hava vinningsbýtið 26. august 2013 Danski statskassin, ikki føroyski landskassin, fær skattin av vinninginum hjá felagnum, sum skal gera Eysturoyartunnilin. Tað ger norðurlendska dupultskattaavtalan, sum Føroyar eru við í. Landsstýrið umhugsar at fáa broytt dupultskattaavtalurnar við hini Norðurlondini, so landskassin fær vinningsbýtið hjá danska íleggjaranum, sum skal gera og eiga Eysturoyartunnilin. Tað sigur Jørgen Niclasen, landsstýrismaður í fíggjarmálum, sum hevur svarað spurningum frá Kristinu Háfoss, løgtingskvinnu, um tunnilsmálið. Statskassin fær vinningsbýtið Danski statskassin, ikki føroyski landskassin, fær skattin av vinninginum hjá felagnum, sum skal gera Eysturoyartunnilin. Tað ger norðurlendska dupultskattaavtalan, sum Føroyar eru við í. Eigur ein norðurlendskur íleggjari meira enn tíggju prosent í einum føroyskum partafelagi, verður skatturin av vinningsbýtinum ikki goldin í Føroyum. Bara 20 prosent av felagnum, sum bíðar eftir at fáa einkarrættin til Eysturoyartunnilin, eru føroysk. Umhugsa broyting

4 Men landsstýrið umhugsar at fáa dupultskattaavtaluna broytta, so skatturin av vinningsbýtinum partvíst ella heilt verður goldin í landinum, har sum felagið vinnur pengarnar. Ein slík broyting hevði eisini í øðrum førum verið ein fyrimunur hjá Føroyum, heldur landsstýrið. Gevast at senda ferðafólk til Egyptalands 26. august ferðafólk hjá Star Tour og Spies sleppa ikki til Egyptalands í hesum árinum Ófriðurin í Egyptalandi hevur við sær, at donsku ferðaskrivstovurnar, Star Tour og Spies,hava avlýst allar ferðir til Egyptalands, tað sum er eftir av árinum, skrivar Ritzau. Tað ber í sær, at ferðafólk, sum høvdu ætlað sær til Egyptalands við Star Tour, og við Spies, noyðast at setast aftur. Til tess at tryggja viðskiftafólkunum, at tey kortini sleppa at ferðast, fer Star Tour í staðin at bjóða teimum at fara til Tenerife hetta til januar, sigur sølustjórin, Stig Elling. Danska uttanríkisráðið hevur ikki broytt vegleiðingina fyri at ferðast í Egyptalandi, har nógvur ófriður hevur verið seinastu vikurnar, og fleiri enn 1000 fólk hava latið lív. Mubarak fyri rættin 14. September 26. august ára gamli fyrrverandi einaræðisharrin er fluttur úr fongslinum, og situr nú í húsavarðhaldi Sakarmálið móti fyrrverandi egyptiska forsetanum, Hosni Mubarak, er útsett til 14. september. Tað hevur ein dómstólur í Kairo gjørt av. Sakarmálið móti synum hjá Mubarak er eisini útsett. Samsekur Hosni Mubarak er ákærdur fyri at vera samsekur, tá fleiri hundrað mótmælisfólk doyðu undir uppreistrinum í 2011, sum endaði við, at Mubarak varð rikin frá valdinum. 85 ára gamli fyrrverandi einaræðisharrin varð hósdagin fluttur úr einum fongsli í húsavarðhald. Hann varð staddur í rættinum í gjár, tá rættarmálið enn einaferð varð útsett. Mubarak varð í juni í fjør dømdur lívlanga fongsulsrevsing, men dómurin varð kærdur. Tí verður rættarmálið viðgjørt av nýggjum. ES-nevndin heldur fast við tiltøkini móti Føroyum 26. august 2013 Áheitanin frá Villy Søvndal, uttanríkisráðharra, um at fara aftur til samráðingarborðið fær ikki ESfiskivinnukommisserin at broyta støðu Seinasta royndin hjá Villy Søvndal, uttanríkisráðharra, at sannføra ES-nevndina um, at hon eigur ikki at seta tiltøk í verk móti Føroyum, rínur ikki við. Tað skrivar Politiken. Sostatt bendir alt á, at tiltøkini verða sett í verk mikudagin sum ætlað. Bræv til Damanaki Í síðstu viku sendi Villy Søvndal eitt bræv til ES-fiskivinnukommisserin, Mariu Damanaki, har hann enn einaferð heitti á hana um ikki at seta tiltøk í verk, men at taka samráðingarnar uppaftur. Í brævinum vísti Søvndal m.a. á, at Føroyar hava biðið um, at settur verður ein gerðarrættur undir SThavrættarsáttmálanum, og at búskaparlig tiltøk fara bert at herða stríðið millum ES og Føroyar. Keldur í ES-nevndini vátta fyri Politiken, at ES-nevndin hevur fingið brævið frá donsku stjórnini, men áheitanin frá Villy Søvndal fær ongan týdning. Tiltøk samsvara við fólkarættin

5 ES-nevndin sigur í einari skrivligari viðmerking til Politiken, at føroyska umbønin um at seta ein gerðarrætt broytir ikki ætlanina um at seta tiltøkini í verk. Tiltøkini hava til endamáls at verja og varðveita sildastovnin, og tey eru í fullum samsvari við fólkarættin, sigur ES-nevndin. - Føroyar verða noyddar at umhugsa støðu sína og verða til reiðar at viðgera ein kvotu, sum ger, at stovnurin verður burðardyggur. Hvørki tiltøkini, ella tað at ein gerðarrættur verður settur at viðgera málið, forða fyri, at samráðingarnar millum strandalondini kunnu halda fram í september, skrivar ESnevndin í svarinum til Villy Søvndal. Danski uttanríkisráðharrin er í hesum døgum á vitjan í Føroyum. Millum málini, sum eru á skránni, eru ES-tiltøkini. Marjun í Kálvalíð prestur í Vestmanna 26. august 2013 Nýggi presturin í Norðstreymoyar og Vága prestagjaldi verður prestvígd 15. september Á felags kirkjuráðsfundi í gjár innstillaðu kirkjuráðini Marjuna í Kálvalíð til kallið sum sóknarprestur við sæti í Vestmanna. Landsstýrismaðurin í kirkjumálum staðfestir innstillingina, tá formligu viðurskiftini eru greidd. Á heimasíðuni hjá Fólkakirkjuni skrivar Jógvan Fríðriksson, bispur, at eftir ætlan verður Marjun í Kálvalíð prestvígd í Dómkirkjuni sunnudagin 15. september. Mikkjalsmessudag, 29. september, verður hon skipað í kallið sum sóknarprestur í Norðstreymoyar og Vága prestagjaldi við gudstænastuna í Vestmanna kirkju. Atlantsflog flýgur framvegis til Egyptalands 26. august 2013 Hóast bæði Star Tour og Spies hava avlýst allar ferðir í ár, væntar felagið, sum Atlantsflog flýgur fyri, at støðan í Egyptalandi fer at batna Tvær stórar, danskar ferðaskrivstovur hava avlýst allar ferðir til Egyptalands, tað sum eftir er av árinum. Men ferðaskrivstovan, Atlantis Rejser, sum Atlantic Airways flýgur fyri, hevur ikki gjørt nakrar broytingar ferðafólk Tað eru ferðaskrivstovurnar, Star Tour og Spies,sum hava avlýst allar ferðir til Egyptalands, tað sum er eftir av árinum, skrivar Ritzau. Tað ber í sær, at ferðafólk, sum høvdu ætlað sær til Egyptalands við Star Tour, og við Spies, noyðast at setast aftur. Til tess at tryggja viðskiftafólkunum, at tey kortini sleppa at ferðast, fer Star Tour í staðin at bjóða teimum at fara til Tenerife hetta til januar, sigur sølustjórin, Stig Elling. Danska uttanríkisráðið hevur ikki broytt vegleiðingina fyri at ferðast í Egyptalandi, har nógvur ófriður hevur verið seinastu vikurnar, og fleiri enn 1000 fólk hava latið lív. Hava einki færtt um broytingar Atlantic Airways flýgur ikki fyri tær báðar ferðaskrivstovurnar, sum nú hava avlýst allar ferðir til Egyptalands. Atlantic Airways flýgur fyri ferðaskrivstovuna, Atlantis Rejser, og fyribils hevur tann skrivstovan ikki gjørt nakrar broytingar. - Vit hava einki frætt frá Atlantis Rejser um nakrar broytingar í teirra ferðum, sigur Magni Arge, stjóri í Atlantic Airways. Kunningarstjórin hjá Atlantis Rejser, Pernille Ammitzbøll, sigur við Jyllandspostin, at tey hava ongar ætlanir um at avlýsa ferðirnar til Egyptalands. Hon kennir seg sannførda um, at viðurskiftini í Egyptalandi fara at batna aftur. - Seinastu vikuna hevur eingin ófriður verið, og tí er tað bert ein spurningur um tíð, til viðurskiftini eru fingin í rættlag, sigur hon við blaðið. Kann ávirka ársúrslitið

6 Tá Atlantic Airways í farnu viku almannakunngjørdi úrslitið fyri fyrra hálvár, boðaði leiðslan frá, at ótryggu viðurskiftini í Egyptalandi kunnu ávirka úrslitið hjá felagnum í ár. - Heldur ótrygga støðan í Egyptalandi fram eftir 1.oktober, tá meiri flúgving verður til Egyptalands, kann tað ávirka ársúrslitið hjá føroyska flogfelagnum, varð sagt í fráboðanini frá Atlantic Airways. Vil stytta tíðina hjá Kaj Leo sum løgmaður Rannvá G. Fossaberg (13:16) Henrik Old, løgtingsmaður hjá Javnaðarflokkinum, er nú komin hartil, at hann er til reiðar at senda sína atkvøðu har, sum hon ger sum størst skaða fyri løgmann og samgonguna. Eftir floksleiðslufundin í Javnaðarflokkinum fríggjakvøldið sigur Henrik Old seg fara at atkvøða fyri tunnilsuppskotinum hjá Javnaðarflokkinum, hóast hann ivast í, um tað er rætt, at tað almenna ger Eysturoyartunnilin nú. - Eg eri komin hartil, at eg atkvøði fyri øllum, ið kann stytta um livitíðina hjá Kaj Leo Holm Johannesen sum løgmanni í Føroyum, sigur Henrik Old. In.fo Fara at kanna Kára P. Højgaard mánadagin Eirikur Lindenskov (17:56) Rættarnevnin hjá løgtinginum fer á fundi mánadagin at viðgera Kára P. Højgaard og embætisførslu hansara í sambandi við Skálafjarðartunnilin. Sirið Stenberg segði við in.fo leygardagin, at hon hevði biðið tí biðið skrivaran kalla nevndina saman, og tað hevur hon gjørt. Fundurin er ásettur at vera mánadagin komandi. Á skránni til fundin stendur»støðutakan til at taka mál upp av egnum ávum«og»kunning«. Tá ið Kári P. Højgaard skuldi svara einum skrivligum fyrispurningi frá Løgtingslimum um Eysturoyartunnilin, útihýsti hann tí partinum av svarinum, sum Landsverk hevði latið honum, og sum ikki var til fyrimuns fyri einum privatum Eysturoyartunli. Sirið Stenberg segði við in.fo leygardagin, at hetta er at dylja týðandi upplýsingum fyri Løgtinginum. Og hon heldur, at hetta er so mikið álvarsligt, at landsstýrismálanevndin eigur at taka málið upp. Á fundinum mánadagin skal nevndin taka støðu til, um hetta er eitt mál, sum skal takast upp. Eg bæði vænti og vóni, at undirtøka verður í nevndini fyri at taka málið upp, tí tað er álvarsmál at fjala upplýsingar fyri Løgtinginum, sigur Sirið Stenberg. In.fo Nýggjasta: Grindin gongur norðuryvir Løgreglan sigur í tíðindaskrivi klokkan í kvøld, at ein grind er funnin ein fjórðing eystur úr Froðbiarnípu. - Hetta er ein hampiliga stór grind. Løgreglan leggur aftrat, at tað er báturin Søkin, sum einsamallur liggur hjá grindini. Meiri verður at frætta seinni. Nýggjasta: Tað nýggjasta, sum in.fo veit, er, at grindin gongur norður yvir, og tá vit fyri løtu síðan tosaðu við grindaformann í Suðuroy, var grindin einar 2,7 fjórðingar úr Froðbiarnípu. - Einir 3-4 bátar vóru hjá grindini, tá eg kikaði, og skuldi tað hent seg, at hon kemur til lands í kvøld, verður tað helst á Hvalba. Hann heldur kortini, at útlitini eru einki serlig, nú tað er vorðið myrkt. - Kavar grindin, kann tað gerast trupult at finna hana aftur í myrkrinum, leggur grindaformaðurin aftrat. In.fo

7 Meting um tilfeingið vika 35 Friday, 23 August 2013 Samandráttur: Línuskip: Tvey línuskip er á Flemish Kap, fýra eru undir Íslandi og trý eru undir Føroyum. Skipini á Flemish Kap fiska tosk, men landa neyvan í vikuni. Skipini undir Íslandi fiska mest brosmu og longu, men koma nokk eisini at fiska nakað av toski og hýsu. Tey undir Føroyum fiska á djúpum vatni og fáa mest av brosmu og longu. Eitt línuskip landar mánadagin og seinni í vikuni koma eini 2-3 skip at landa. Nøkur línuskip fara út um vikuskiftið. Útróður. Streymurin verður góður og veðurvánirnar eru eisini góðar, so vit vantað nakað av útróðri. Bátarnir fáa ein blanding av toski og hýsu. Onkur er eisini, sum roynir eftir kalva. Djúpvatnstrolarar: Ein fiskar svartkalva og upsa. Hann skal landa mánadagin. Restin av djúpvatnstrolarunum fiska makrel. Partrolarar: Tað eru bara trý pør sum fiska á landgrunninum, fáa mest upsa, men fáa tó nakað av longu, tosk, kongafisk og svartkalva sum hjáveiðu. 3 pør fiska gulllaks og 5 pør fiska makrel. Vit vantað at eitt par við upsa landar mánadagin og so verða hinir seinni í vikuni Trolbátar: Tveir fara út um vikuskiftið, fara at partrola eftir upsa. 3 eru norðanfyri og fiska mest tosk og hýsu, landa síðst í vikuni. Tveir fara á landleiðina um vikuskiftið og koma helst at landa síðst í vikuni. Garnaskip: Eitt garnaskip kemur at landa svartkalva mánadagin, fiskarí er vánaligt. Tvey onnur garnaskip fiska eisini svartkalva. Tey frysta umborð. Fmf.fo Valutanavn Nationalbankens middelkurs Australske dollar 502,94 Bulgarske leva 381,38 Brasilianske real 235,95 Canadiske dollar 530,37 Schweizerfranc 603,88 Kinesiske renminbi.yuan 91,18 Tjekkiske koruna 29,110 Euro 745,91 Britiske pund 868,85

8 Hong Kong dollar 71,99 Kroatiske kuna 98,77 Ungarske forint 2,5040 Israelske new shekel 154,75 Indiske rupees 8,6600 Japanske yen 5,6620 Litauiske litas 216,03 Lettiske lat 1061,94 Norske kroner 92,28 Newzealandske dollar 436,84 Polske zloty 176,40 Russiske rubel 16,910 Svenske kroner 85,46 Singapore dollar 436,28 Thailandske baht 17,480 Tyrkiske lira 279,39 US dollar 558,27 Sydafrikanske rand 54,490 Danskebank.dk Andlát Hans Kristoffur Thomassen, Tórshavn, fyrrverandi løgtingsskrivstovustjóri, andaðist mikudagin, 82 ára gamal. Kristina Mikkelsen, fødd Johannessen, av Sandi, andaðist á Landssjúkrahúsinum sunnumorgunin, 67 ára gomul.