Tíðindi úr Føroyum tann 19. okt Tíðindi til føroyingar uttanlanda stuðla av tí føroysku sjómanskirkjuni.

Transkript

1 Tíðindi úr Føroyum tann 19. okt Tíðindi til føroyingar uttanlanda stuðla av tí føroysku sjómanskirkjuni. Áheitan til føroysk sjófólk við føroyskum sjóvinnubrøvum Nýggj krøv til sjóvinnubrøv sambært STCW sáttmálanum kemur í gildi tann 1. januar Eftir 1. januar 2017 skulu øll sjófólk, bæði brúgvayvirmenn og maskinyvirmenn, hava eitt STCW áteknað sjóvinnubræv eftir STCW Manila 2010 sáttmálanum. Í hesum sambandi heitir Sjóvinnustýrið á sjófólk, sum hava føroysk sjóvinnubrøv sambært STCW 95 sáttmálanum um at kunna seg um treytirnar í samband við tey krøv, sum verða sett til sjóvinnubrøvini frá 1. januar Sí meira kunning á Krøvini eru tó ikki til brúgvayvirmenn við fiskiskipum. Sjóvinnubrøvini til brúgvayvirmenn við fiskiskipum verða útskrivað sambært STCW-F sáttmálanum. Av tí at talan er um nógv føroysk sjófólk og nógv sjóvinnubrøv, sum fara úr gildi tann 31. desember 2016, verður heitt á sjófólk um at søkja um sjóvinnubræv sambært STCW 2010 sum skjótast. Verða skeiðskrøv sett til sjóvinnubrævið, verður heitt á sjófólk um seta seg í samband við skeiðsveitara, sum skjótast fyri at fáa hesi viðurskifti í rættlag. Sjóvinnustýrið er nú á fyrsta sinni farið at útskriva sjóvinnubrøv til skipselektrikarar og førleikaprógv til skipselektrikarar, fulltiknar dekkarar, skipsatstøðarar og fulltiknar motormenn. Sjóvinnustýrið heitir á sjófólk um at søkja um hesi sjóvinnbrøv ella førleikaprógv í góðari tí, tá ávís bíðitíð kann væntast. Viðgerðartíðin á Sjóvinnustýrinum er skiftandi. Sjófólk hava møguleika at kunna seg um longdina á viðgerðartíðini á heimasíðuni hjá Sjóvinnustýrinum Sjóvinnustýrið Danjal av Rana (08:54) Regn og meiri vindur Eitt hátrýst við Skotland viknar sum frá líður. Eitt veikt brúgvalag við regni fer fram við Føroyum mánadagin. Týsdagin fer eitt djúpt lágtrýst móti Íslandi og Norðhavinum úr einum útsynningi, og tilhoyrandi brúgvaløg við regni og vindi fara framvið Føroyum úr vestri týskvøldið. Komandi dagarnar fara fleiri lágtrýst og brúgvaløg framvið oyggjunum úr vestri.

2 Mánadagin verður gul til stívt andøvsgul av útsynningi og suðri, 5 til 10 metrar um sekundið. Mest skýggjað og regn av og á. Út á dagin verður gul til stívt andøvsgul av vestri, 5 til 10 metrar um sekundið. Tað klárar í, tó at okkurt æli verður. Hitin um 10 stig, um náttina millum 5 og 8 stig. Týsdagin verður gul til stívt andøvsgul av vestri, 5 til 10 metrar um sekundið, sum snarar í ein sunnan og út á kvøldið øtlar upp í hvassan vind, 13 til 18 metrar um sekundið. Sól, men sum út líður á seinnapartin regn av vestri. Um náttina upp í hvassan vind av vestri, 15 til 20 metrar um sekundið. Samdrigið og ælaveður. Hitin alt døgnið millum 7 og 10 stig Mikudagin verðir strúkur í vindi upp í skrið av vestri, seinni útnyrðingi, 15 til 20 metrar um sekundið, um kvøldið makar hann tó vindin niður í gul til stívta andøvsgul, 5 til 10 metrar um sekundið. Ælaveður, men eisini sól. Um náttina fyrst eitt lítið lot av ymsum ættum, undir 6 metrar um sekundið, seinni gul til stívt andøvsgul av eystri, 5 til 10 metrar um sekundið, skýggjað og stundum regn. Hitin millum 7 og 10 stig. Hósdagin verður gul til stívt andøvsgul av eystri, í støðum upp í strúk í vindi, 5 til 13 metrar um sekundið, sum snarar í ein norðan og spakuliga minkar. Fyrst skýggjað og regn, seinni klárar í, men tó okkurt æli. Um kvøldið verður lítið lot av ymsum ættum, undir 6 metrar um sekundið, men um náttina andøvsgul upp í ein strúk av suðri, 8 til 13 metrar um sekundið, og regn av vestri. Hitin millum 5 og 8 stig. Fríggjadagin verður stívt andøvsgul upp í hvassan vind av útsynningi og suðri, 10 til 15 metrar um sekundið. Skýggjað og regn. Um náttina úr útsynningi, 8 til 13 metrar um sekundið. Tað klárar í, men eisini ælaveður. Hitin millum 7 og 10 stig. Leygardagin verður gul til stívt andøvsgul, 5 til 10 metrar um sekundið, av útsynningi og suðri, í støðum upp í strúk í vindi, 12 metrar um sekundið. Samdrigið og ælaveður. Hitin millum 7 og 10 stig. Bárður og Magni innstillaðir til formansskapin í Sambandsflokkinum :38 - Jóanis Nielsen Innstilling til val av nýggjum formansskapi í Sambandsflokkinum Sambandsflokkurin fer á eyka Landsfundi tann 24. oktober 2015 at velja nýggjan formann og næstformann. Í hesum sambandi eru innstillaðir Bárður S. Nielsen til formann og Magni Laksáfoss til næstformann. Kelda: Sambandsflokkurin. Jn.fo Nógvir línubátar selja á Fiskamarknaðinum vinna :44 - Jóanis Nielsen Nógvir av smærru línubátunum selja í morgun á Fiskamarknaðinum. KELDAN - ( FD1261 ) TOFTA , ,00 HVÍTABERG - ( FD 464 ) TOFTA , ,00 SVANUR - ( TG 576 ) VÁGS , ,00 LÍÐHAMAR - ( KG 602 ) KLAKSVíKAR , ,00 GUSTI - ( FD 60 ) LEIRVÍKAR , ,00 SKÝLISKLETTUR - ( KG 706 ) KLAKSVíKAR , ,00 LUTTUR - ( FD1171 ) EIÐIS , ,00 LUTTUR - ( FD1171 ) EIÐIS , ,00 LUTTUR - ( FD1171 ) EIÐIS , ,00 NORÐSØKI - ( KG 538 ) KLAKSVíKAR , ,50

3 GUSTI - ( FD 60 ) LEIRVÍKAR , ,00 OCEAN - ( TG 42 ) EIÐIS , ,00 GORDRÚGVIN - ( FD 359 ) EIÐIS , ,00 LÍÐHAMAR - ( KG 602 ) KLAKSVíKAR , ,00 BRAGD - ( KG 642 ) KLAKSVíKAR , ,00 NORÐSØKI - ( KG 538 ) KLAKSVíKAR , ,50 Jn.fo Toppskjúttarnir í hondbólti ítróttur :19 - Ásbjørn Nielsson Nattestad FTZ-deildin Navn Eftirnavn Lið Mál Mál uppá brotskøst Nicklas Selvig KÍF 36 5 David Edvardsen Kyndil 36 2 Hans Eli Sigurbjørnsson KÍF 35 5 Áki Egilsnes VÍF 33 4 Filip Jojic VÍF 28 5 Peter Krogh H71 25 Hjalti Mohr Jacobsen Kyndil 23 7 Rói Berg Hansen Neistin 23 5 Jónas Gunnarson Djurhuus H Jens Pauli Martin Mohr Team Klaksvík 22 1 Hanus Norðberg Team Klaksvík 22 5 Mark Laursen Marcher H71 20 Tommy Fletcher Neistin 20 Pætur Johansen StÍF 20 Sámal á Tjaldrafløtti Olsen Team Klaksvík 19 1 Høgni Klein-Olsen Kyndil 18 2 Allan Norðberg StÍF 18 Hanus Christophersen VÍF 18 1 Niels Viggo Niclasen Team Klaksvík 16 Frank Brynleifsson Askildsen Kyndil 15 Kjartan Johansen StÍF 15 1 Hvonn-deildin Navn Eftirnavn Lið Mál Mál uppá brotskøst Marianna Geirsdóttir Eystberg Kyndil Turið Arge Samuelsen Kyndil 27 Fríðrún Danielsen StÍF 20 7 Liljan Djurhuus VÍF 20 9 Marianna Holm Jacobsen VÍF 19 3 Durita Thomsen Stjørnan Agnas Olsen VÍF 16 Marta Beljic Stjørnan 15 Anna Armgarðsdóttir Brimnes Kyndil 14 4 Bjarta Osberg Johansen Kyndil 14 Eir Martinsdóttir Berg Neistin 14 1 Rebekka Justinussen StÍF 14 3 Randi Skylvsdóttir Wardum Kyndil 13 Marjun Falkvard Danberg Neistin 13 Guðrið Poulsen StÍF 13

4 Birna Tummasardóttir StÍF 13 Ivana Jakelja VB 12 Gurið Krosslá Mortensen VB 12 5 Eilin Súsanna Hansen VÍF 12 Ása Dam á Neystabø Neistin 11 Rannvá Johannesen VB 11 Danijela Mistric VB 11 Jn.fo Danjal av Rana (07:48) Skuldu havt sláturhús í Suðuroynni Flettingin er í gongd og so er eisini í Suðuroy. Á Drelnesi stendur ein av slóðbrótarunum innan føroyskt ullvirki, Árni Brattaberg, og tekur ímóti skinnum. Seinnapartin leygardagin hevði hann tikið ímóti fleiri enn hundrað skinnum, tá in.fo kom framvið um trýtíðina. Skinnini verða saltaði og síðani send í bingju, fyrst til Havnar og síðani til eysturevropa. - Hesi skinnini vera neyvan at síggja aftur í Føroyum, sigur Árni Brattaberg. Hann stendur ikki fyri arbeiðinum sjálvur, men tekur einans ímóti skinnunum úr Suðuroynni. - Komin til Havnar skulu skinni skiljast. Her úr Suðuroynni eru lutfalsliga fleiri veðraskinn, og verða tey lagd fyri seg í bingjuni, greiðir hann frá. Hann væntar at taka ímóti skinnum úr Suðuroynni. Árni Brattaberg harmast um, at alt hetta verður sent av landinum óvirkað. Hann heldur, at onkur burdi tikið stig til at opna eitt sláturvirki í Suðuroynni, soleiðis at enn fleiri skinn kundu verið fingin til høldar. - Tað átti at borið til at fingið eitt sláturvirki at borið seg her í oynni, sigur hann. Hann hevur hoyrt, at Krás keypir sveita og tálg úr Íslandi, og heldur tað vera spell, alla tað tíð, flestu føroyingar koyra sveitan burtur. - Heldur enn at fólk hvør í sínum lagi tveita hvítanýrur, nýrur, sveita og seyðarhøvd burtur, kundi eitt sláturvirki syrgt fyri, at alt hetta kom til høldar. Vit hava enntá egnaði høli í oynni, sigur Árni Brattaberg. Hallur av Rana (13:40) - Óneyðugt oyðsl Á býráðsfundi klokkan 17 í kvøld, skal Tórshavnar býráð umrøða ætlanirnar hjá kommununi at byggja ein nýggjan býráðssal í saltsiluni á Vestara Bryggju. Byggingin hevur longu vakt ans og elvt til kjak, og ein teirra, ið er sterkt móti uppskotinum, er varaborgarstjórin í Tórshavnar kommunu og býráðslimur fyri Tjóðveldi, Jógvan Arge. Í lesarabrævi sent fjølmiðlunum í dag, ger Jógvan Arge púra greitt, at núverandi býráðssalur er ivaleyst góður. - Toppurin er, at meirilutin í álvara tosar um at gera býráðssal ovast í saltsiluni á Vestaru bryggju fyri um 20 mió kr. Fyri hesar pengar skal víðkast so mikið um toppin á siluni, at býráðslimir á fundum kunnu skoða út yvir allan býin gjøgnum vindeygu runt um alla hæddina.

5 - Hetta tykir okkum vera óneyðugt oyðsl. Vit brúka býráðssalin á Vaglinum kanska fimm tímar um mánaðin. Gamaní er hann eitt eldri hús, men har er væl verandi nakrar tímar um mánaðin. At leggja 20 milliónir frá kommununi aftrat teimum meir enn 100 milliónunum, sum Sjóvinnuhúsið longu hevur kostað Tórshavnar havn, eru ólíkindi. Í lesarabrævinum letur Jógvan Arge eisini illa at ætlanunum, um at flyta umsitingina hjá kommununi inn í nýggja Sjóvinuhúsið. Serliga aftaná, at kommunan hevur rindað tíggjutals milliónir fyri bygningarnar hjá BankNordik. - Handilin við Bank Nordik var fyri góðar 90 milliónir krónur, 50 fyri bankan í miðbýnum og góðar 40 fyri bankan í Húsagøtu. Húsagøta varð eftir øllum sólarmerkjum bara keypt upp á hvamsvís fyri at fáa bankan í miðbýnum. - Flytir umsitingin nú øll úr miðbýnum, fara 150 fólk aftrat at hvørva haðani í einum høggi. Tað rímar illa saman við tí áhaldandi reypinum um meiri lív í miðbýin. Varaborgarstjórin undrast at enda á, um tað yvirhøvur ber til at hava álit á, at upplýsingarnir hjá kommununi eru rættir, og eftirlýsir eini betri viðgerð av málunum. - Soleiðis, sum ætlanirnar at hýsa umsitingini eru broyttar aftur og fram og hoyggjaðar til í hesum býráðsskeiðnum, ber ikki til at hava álit á tí, sum nú kemur undan kavi. Hvat fer hetta alt kosta kommununi, býnum og borgarunum, tá samanumkemur? - Tað átti ikki at borið til at koma so illa fyri, sum Tórshavnar kommuna og Tórshavnar havn eru komin í hesum báðum málum. Tí er annar spurningur, um býráðið ikki hevur skyldu til at fáa greiðu á, um viðgerðin av málunum hevur verið nóg dygg. Hallur av Rana (15:44) Skal kunna føroyingar um stuðulsmøguleikar 9. og 10. november fær Granskingarráðið vitjan av Anne Haglund-Morissey, ráðgeva í Directorate- General for Research and Innovation. Anne Haglund-Morissey kemur til Føroyar at kunna fyritøkur um, hvussu tey kunnu søkja um stuðul úr Horizon 2020 til menningar- og vakstrarætlanir. Granskingarráðið upplýsir á teirra heimasíðu, at umframt kunningarfundir verður vitjað í Mentamálaráðnum og á Fróðskaparsetrinum. Í starvi sínum fæst Anne Haglund-Morissey við Horizon 2020 úr einum breiðum sjónarhorni. Á almennu kunningarfundunum fer hon at greiða frá og greina møguleikarnar hjá føroyskum vinnulívi og stovnum at luttaka í Horizon 2020 umsókn. Anne-Haglund Morissey luttekur á tveimum fundum. Báðir verða 9. november, tann fyrri klokkan 10 í Vinnuhúsinum og seinni klokkan í Bókasavninum við Løkin. Áki Bertholdsen (17:00)

6 Býráðið í Havn brúkar 20 milliónir upp á seg sjálvt Tórshavnar býráð treingir til at fáa virðiligar umstøður til býráðsarbeiðið. Tað heldur meirilutin í býráðnum og tí skal býráðið nú taka støðu til, um øll umsitingin hjá Tórshavnar Býráð, skal flyta í nýggja Sjóvinnuhúsið á Vestaruvág. Men samstundis er ætlanina at sjálvt býráðið eisini skal fáa nýggjan býráðssal ovast upp í Sjóvinnuhúsinum. Annars var ætlanin at flyta alla umsitingina í gamla høvuðssætið hjá BankNordic í miðbýnum, men nú hevur meirilutin slept tí ætlanini. Tað er ein stórur fyrimunur fyri tað politiska arbeiðið, at býráðssalur og umsiting eru í sama bygningin í Sjóvinnuhúsinum, sigur býráðið. Men umframt sjálvan býráðssalin, kann salurin eisini brúkast til framløgur, størri politiskar fundir, ráðstevnur, og annað, sum ongar umstøður eru til á Vaglinum. Afturfyri skulu fyrrverandi bygningarnir hjá BankNordik, Gamla Posthúsið, og Meiaríið, og Káta Hornið, seljast. Men tað fer at kosta einar 20 milliónir at gera ovastu hæddirnar á Sjóvinnuhúsinum, sum er gamla saltsilan, til býráðssal. Harafturat skal Tórshavnar býráð so eisini rinda Tórshavnar Havn 2,7 milliónir í leigu um árið. Men afturfyri fáa havnarfólk, og býráðspolitikarar so ein virðiligan sal við nútímans tøkni- og arbeiðsmøguleikum, sum tikið verður til. Og útsýnið verður heldur onki at klaga um, tí tað verður frítt útsýnið runt allan sjónarringin bæði inni og úti. - Tórshavn er ein havnabýur og eisini høvuðsstaður, og sostatt eisini umsitingarliga háborgin hjá føroysku tjóðini. - Tað leggur upp til eina virðiliga støðutakan til fólkaræðið ø eisini í byggilistini, sigur býráðið. - Verður søguligi silobygningurin gjørdur til býráðssal verður ein fólkaræðiligur viti í norðuratlantshøvum, sigur býráðið. Býráðið sigur, at verður ætlanin samtykt nú, verður nýggi, stórfingni býráðssalurin liðugur á ólavsøku, sigur meirilutin í býráðnum. Vilmund Jacobsen (19:23) Sálarheilsa og sálarsjúk á Oyrarbakka Í samband við virksemið hjá Økispsykiatriini í Norðstreymoy, fer Psykiatriski Depilin næstu mánaðirnar at skipa fyri eini røð av fyrilestrum í Felagsskúlanum á Oyrarbakka. Ætlanin er at hava fimm fyrilestrar, har fokus verður sett á sálarheilsu og sálarsjúk, hvørji eyðkennini eru, hvar fólk kunnu venda sær, og hvør hjálp er at heinta. Fyrsti almenni fyrilesturin í røðini verður í Felagsskúlanum á Oyrarbakka hóskvøldið 22. oktober klokkan 19. Tað verður Tormóður Stórá, leiðandi yvirlækni og serlækni innan psykiatri á Psykiatriska Deplinum, sum fer at røða um evnið. Høvið verður eisini at seta spurningar. - Eins og við øðrum sjúkum er umráðandi at fáa staðfest so tíðliga sum gjørligt, um talan er um sálarsjúku, so viðkomandi kann fáa skjóta og rætta viðgerð, sigur leiðandi yvirlæknin og serlæknin innan psykiatri, Tormóður Stórá.

7 Pætur Albinus (19:51) Gilli var við í sigri Gilli Rólantsson var við í byrjunaruppstillingini, tá ið AaB í kvøld var á vitjan hjá Esbjerg í donsku Superliguni. Hetta vóru fyrstu Superliga-minuttirnir hjá Gilla í ár, sum røkti plássið á vinstra bakki, har hann avloysti skadda Jakob Ahlmann. Esbjerg var meiri á bóltinum fyrstu løtuna og kom eisini á odda í 20. minutti, tá ið AaB-málverjin, Nicolai Larsen, boksaði hornasparksinnlegg í egið mál til 1-0 til Esbjerg. Fýra minuttir fyri hálvleikssteðgin eydnaðist tað Kasper Risgård at javna til 1-1 eftir tilvildarligt spæl í málteiginum. Gilli var eyðsýndur á vinstra bakki kanska serliga í fyrra hálvleiki, tá ið hann kom langt fram á vøllin og legði fleiri innlegg innfyri málið. Hann var eisini við í uppspælinum til 2-1-sigursmálið í 77. minutti, tá hann spældi til Nicolaj Thomsen, sum so aftur sendi Lukas Spalvis leysan avstað. Við teimum trimum stigunum í kvøld hevur AaB nú spælt seg upp á triðja pláss, har teir eru saman við Randers FC, sum tó hevur verri málmun. 12 dystir eru spældir og átta stig eru upp til oddaliðið, FC Midtjylland. Vilmund Jacobsen (19:56) Errin av mentanarviku og Faroexpo Mentanarvikan Skýming, sum verður hildin í Runavíkarøkinum í hesum døgum, er hin ellivta í røðini. Tiltakið verður hildið saman við vinnustevnuni, Faroexpo. Borgarstjórin í Runavíkar kommunu, Magnus Rasmussen, fegnast um hesi bæði tiltøk og heldur, at tey hava ment seg nógv síðan byrjan. - Taka vit mentanarvikuna, varð í sínari tíð byrjað varisliga, men við árunum hevur tiltakið ment seg, soleiðis at tað í dag er ein veruligur mentanarligur varði, ið kommunan er errin av. Magnus Rasmussen vísir til skránna og sigur, at mentanarvikan ongantíð áður hevur verið so áhugaverd, spennandi, forvitnislig og fjølbroytt sum í ár. - Karmarnir um mentanarviku og Faroexpo eru vorðnir nógv betri, síðan Løkshøll varð bygd, og kommunan eisini fekk nýggja fimleikarhøll, sum saman við dagførdu ítróttarhøllini mynda Bylgjuna. Borgarstjórin vísir á, at nýggju karmarnir eisini hava ført við sær, at Faroexpo í ár hevur ment vinnustevnuna við almenna og fyri tey vitjandi ókeypis tiltakinum - Føroysk Framleiðsla - sum verður í fimleikarhøllini, meðan Faroexpo er. - Neyðugt er, at tiltøk broytast og mennast. Um slík tiltøk verða tey somu ár undan ári og einki broytist, er væntandi, at undirtøkan sum frá líður minkar. Soleiðis er tað bara. Hann heldur, at tey, sum standa aftanfyri mentanarvikuna og vinnustevnuna, hava havt hegni og dugnaskap til at menna hesi tiltøk, soleiðis at tey á hvørjum ári eru áhugaverd og forvitnislig. - Runavíkar kommuna hevur ríkt vinnulív og mentanarlív, og tí eru tiltøk sum hesi ein náttúrligur partur av tí vinnuliga-og mentanarliga virksemi, sum økið hevur at bjóða. Magnus Rasmussen sigur, at sum árini eru gingin, er meira og meira dygd og breidd komin í tiltøkini, og kommunan er sera errin av at eiga fólk, ið hava dirvi og hegni at taka so stór tøk í felag. Onnur hvør arbeiðsvanlukka verður ikki fráboðað :32 Umleið 50 prosent av øllum arbeiðsvanlukkum í Føroyum verða ikki fráboðaðar. Tað er ikki óhugsandi, at talið er enn hægri

8 Í hinum norðurlondunum er eisini umleið onnur hvør arbeiðsvanlukka, ið ikki verður fráboðað, men hugsast kann at talið er hægri í Føroyum, tí sera fáar psykiskar arbeiðsvanlukkur verða fráboðaðar í Føroyum Lutfalsliga nógvar arbeiðsvanlukkur verða fráboðaðar innan ávís øki, sigur Leivur Persson, leiðari á Arbeiðseftirlitinum. Høgtølini hjá Arbeiðseftirlitinum vísa, at innan heilsu og røkt vóru 72 arbeiðsvanlukkur fráboðaðar í Men innan byggi- og timburídnaðin, har nógvir menn vanliga arbeiða, vóru bert 14 arbeiðsvanlukkur fráboðaðar í Leivur Persson sigur, at tær stóru fyritøkurnar innan byggi- og timburíðnaðin vanliga duga væl at boða frá arbeiðsvanlukkum, men hugsast kann, at lutfalsliga fáar arbeiðsvanlukkur verða fráboðaðar á teimum smáu fyritøkunum. Kvf.fo Fleiri løntakarar í Føroyum Størsti vøksturin í prosentum er í byggivinnuni. Í fiskivinnuni er at kalla eingin broyting og heldur ikki í alivinnuni Í eitt ár, frá 1. juli í fjør til 1. juli í ár, komu 616 løntakarar afturat í Føroyum. Vøksturin er hálvt triðja prosent, upplýsir Hagstovan. Størsti vøksturin í prosentum er í byggivinnuni, 4,4 prosent. Í tali er størsti vøksturin í almennum tænastum, 257 fólk. Í fiskivinnuni er at kalla eingin broyting og heldur ikki í alivinnuni. Stívliga fólk eru á føroyska arbeiðsmarknaðinum. Kvf.fo Fólk í túsundatali missa arbeiðið í oljuvinnuni Tvey av teimum stóru oljufeløgunum í Norðsjónum fara at siga fólkum úr starvi í næstum. Feløgini siga, uppsagnirnar kunnu gerast enn fleiri Tvey tey stórstu oljufeløgini, ið framleiða olju bretska partinum av Norðsjónum, EnQuest og Premier Oil, boða nú frá, at um fólk afturat væntandi mugu sigast úr starvi komandi tíðina. Orsøkin er, at oljuprísurin væntandi fer at verða verðandi eins lágur og hann er í løtuni í langa tíð. Í fjør vóru 5500 fólk søgd úr starvi í Norðsjónum, 15 prosent av øllum størvunum í økinum. Nú boða feløgini frá, at talið kann gerast trífalt so stórt. Stjórin í Premier Oil, Tony Durrant, sigur við Financial Times, at vinna hevur ikki dugað nóg væl, at tillaga seg, og tí verður støðan væntandi enn verri. Bretski parturin av Norðsjónum er eitt av dýrastu staðunum á knøttinum at framleiða olju, tí lønirnar eru lutfalsliga høgar og oljugoymslurnar smáar. Tí noyðast feløgini at nýta lutfalsliga nógvar pengar at bora eftir tí oljuni, sum er eftir í økinum. Kvf.fo - Hann fer at leggja eina meira liberala kós :34 Komandi formaðurin í Sambandsflokkinum fer at leggja eina meira liberala kós tá tað kemur til fiskivinnuna og uppboðssølu, heldur viðmerkjari Bárður á Steig Nielsen, fer at leggja eina meira liberala kós, tá tað kemur til fiskivinnuna og uppboðssølu, heldur Árni Gregersen, politiskur viðmerkjari. Fleiri møguleikar vóru, tá Sambandsflokkurin skuldi velja nýggjan formann. Tað er eingin loyna at komandi formaðurin Bárður á Steig Nielsen, hevur havt mótstøðu í flokkinum. Men hví fall valið á Bárð Nielsen og hvat merkir tað fyri politisku kósina hjá Sambandsflokkinum? Hoyr samrøðuna við Árna Gregersen, politiskan viðmerkjara. Kvf.fo Meting um tilfeingið fyri viku

9 Friday, 16 October 2015 Samandráttur: Línuskip: Eitt línuskip er við Eysturgrønland, frystur umborð. Tvey frystulínuskip eru undir Føroyum. Tey fiska mest longu og brosmu. Eitt línuskip er við Ísland, teir landa mánadagin. Tvey línuskip eru á Íslandsrygginum, mest toskur, svartkalvi og so nakað av blálongu og lira. Tey koma at landa fyrst ella miðskeiðis í vikuni. Tvey línuskip er á landgrunninum. Tey fáa mest tosk, longu og hýsu. Eitt landar mánadagin og eitt miðskeiðis í vikuni. Vantandi fara fleiri línuskip út um vikuskiftið. Útróður. Streymurin verður góður, men veðri verður ikki av tí besta. Vit vantað nakað av útróðri fyrst í vikuni, meðan tað seinni í vikuni helst ikki verður nógv av útróðri. Bátarnir fáa so at siga bara tosk og hýsu. Djúpvatnstrolarar: Trýggjir fiska upsa. Tveir landa vantandi mánadagin, meðan tann triðji landar síðst í vikuni. Ein fiskar blálongu og tríggjir fiska makrel. Ein fiskar svartkalva og frystur umborð. Partrolarar: Teir nógvu fiska upsa í løtuni, vænti teir koma at landa sum vikan líður, fiskarí er ójavnt. Fáa nakað av blálongu sum hjáveiðu. Nøkur pør eru á beding og onkur fiskar makrel. Trolbátar: Seks fiska makrel, restin liggur við bryggju. Garnaskip: Tvey eru á svartkalvaveiðu og eitt fiskar havtasku. Teir sum fiska svartkalva, landa síðst í vikuni, meðan tað sum fiskar havtasku, selur alt beinleiðis. Fiskaríið er smáligur eftir svartkalva og havtasku. Fmf.fo Valutanavn Nationalbankens middelkurs Australske dollar 478,74 Bulgarske leva 381,39 Brasilianske real 168,82 Canadiske dollar 508,43 Schweizerfranc 688,50 Kinesiske renminbi.yuan 103,48 Tjekkiske koruna 27,540 Euro 745,92 Britiske pund 1019,43 Hong Kong dollar 84,93 Kuna 97,81 Ungarske forint 2,4100 Israelske new shekel 171,04 Indiske rupees 10,160 Japanske yen 5,5135 Mexicanske peso 40,030 Norske kroner 81,21

10 Newzealandske dollar 447,52 Polske zloty 176,06 Russiske rubel 10,600 Svenske kroner 79,40 Singapore dollar 475,56 Thailandske baht 18,610 Tyrkiske lira 227,08 US dollar 658,18 Sydafrikanske rand 49,890 Danskebank.dk Andlát Anders Larsen, Esbjerg, andaðist 18. oktobur 65 ára gamal.