Partabrævakonta. Nordea, Danske Bank, SEB og DnBNOR

Transkript

1 Partabrævakonta Nordea, Danske Bank, SEB og DnBNOR

2 Partabrævakonta Nordea, Danske Bank, SEB og DnBNOR Partabrævakonta Partabrævakonta er ein øðrvísi møguleiki at gera íløgur í partabrøv. Rentan av innistandandi á partabrævakontuni er tengd at gongdini í fýra norðurlendskum bankapartabrøvum, Nordea, Danske Bank, SEB og DnBNOR. Verður kursurin á hesum partabrøvum um 2 ár bara hægri enn í dag, so verður rentan 16,50 prosent*. Verður kursurin lægri á einum ella fleiri av partabrøvunum, er íløgan tryggjað, og rentan verður 0 prosent. Mynd 1: Kursgongdin á Nordea, Danske Bank, SEB og DnBNOR síðan seinasta summar. 160 Eik Banki bjóðar nú kundum at seta pening á Partabrævakontu, har rentan á kontuni er tengd at gongdini í fýra norðurlendskum bankapartabrøvum: Nordea, Danske Bank, SEB og DnBNOR. Partabrævakontan er ein øðrvísi innlánskonta, sum gevur tær møguleika at fáa eina væl hægri rentu enn á vanligum innlánskontum. Samstundis er váðin kendur frammanundan við tað, at íløgan ikki kann missast Seinastu mánaðirnir hava verið nógv merktir av órógv á altjóða fíggjarmarknaðunum, har trupulleikar á amerikanska subprimemarknaðinum hava ment seg til eina altjóða kreditkreppu. Kreppan hevur serliga rakt bankar, ið hava gjørt íløgur í subprime-marknaðin, og hesir hava verið noyddir at átikið sær stór tap. Av tí sama eru kursirnir á bankapartabrøvum sum heild lækkaðir nógv, hóast nógvir bankar roknskaparliga hava staðið seg væl í 2007, og hóast nógvir bankar hava havt minni tilknýti til subprime-marknaðin enn áður mett Danske Bank Nordea SEB DnBNOR Eik Banki ger vart við, at søgulig kursgongd ikki kann nýtast sum ein álítandi kelda fyri framtíðar kursgongd. Kelda: Bloomberg Norðurlendskir bankar hava ikki verið eins hart raktir av kreditkreppuni og aðrir bankar, og tí hava teir heldur ikki mist nógvan pening í samband við kreppuna. Norðurlendsku bankapartabrøvini hava tó verið rakt av sama neiliga ráki, ið hevur rakt bankapartabrøv altjóða, og kursirnir eru lækkaðir nógv síðan seinasta summar, sí mynd 1. Av tí sama metir Eik fleiri norðurlendskar bankar at vera góðar íløgur, serliga tá hugt verður at kursunum í mun til inntøkurnar hjá bankunum. Amerikanski tjóðbankin hevur tikið kreppuna á altjóða fíggjarmarknaðunum í størsta álvara og framt fleiri rentulækkingar og kapitalinnspræningar í eini roynd at tryggja støðufesti á altjóða fíggjarmarknaðunum og forða fyri eini stórari gjaldføriskreppu.

3 Faktaboks 1: Samansetingin av Partabrævakontuni Rentan á Partabrævakontuni er tengd at eini samanseting við fýra norðurlendskum bankapartabrøvum, Nordea, Danske Bank, SEB og DnBNor. Hesir bankar hava allir eina sterka støðu á norðurlendska marknaðinum, og allir bankarnir hava eina breiða samanseting av bankavirksemi, umframt ein stóran kundaskara bæði við privatkundum og vinnulívskundum. Eik hevur valt eina samanseting av hesum bankum, tí mett verður, at júst hesir bankar mynda ein góðan íløgumøguleika komandi tíðina. Nordea er, við einum marknaðarvirði uppá uml. 225 mia kr. og einum starvsfólkahópi uppá , størsti banki í Norðurlondum. Nordea hevur uml. 10 mió. privatkundar og virknar vinnulívskundar. Í farna árið var rentingin av eginognini 19,1 prosent. Danske Bank er næststørsti banki í Norðurlondum. Marknaðarvirðið er uml. 137 mia. kr. Í Danske Bank starvast fólk. Farna ár var rentingin av eginognini 15,1 prosent. SEB er somuleiðis ein av stóru norðurlendsku bankunum. Marknaðarvirðið á SEB er uml. 88 mia. Í SEB starvast fólk. Størsti parturin av virkseminum er í Svøríki. SEB hevur 5 mió. privatkundar, umframt umleið vinnulívskundar. Í farna ári var rentingin av eginognini 19,3 prosent. Partabrævakontan er ætlað tær við einum íløgutíðarskeiðið upp á 2 ár, ið hava somu áskoðan sum Eik, sum metir útlitini hjá hesum fýra bankapartabrøvunum verða góð. Sí faktaboksina mynd 1. Hvussu verður rentan roknað? Partabrævakonta gevur tær møguleika at fáa eina væl hægri rentu enn á vanligum innlánskontum. Les niðanfyri, hvussu rentan verður roknað út. Ert tú áhugaur, ert tú vælkomin at seta teg í samband við kundaráðgevar, um ivamál eru. Rentan á Partabrævakontuni verður roknað út frá gongdini í teimum fýra norðurlendsku bankapartabrøvunum, Nordea, Danske Bank, SEB og DnBNOR. Á byrjunardegnum, 29. apríl 2008, verða kursirnir á hesum fýra bankapartabrøvunum skrásettir, og hesir kursir verða nýttir sum byrjunarkursir. Á endadegnum, 19. apríl 2010, verða kursirnir á hesum fýra bankapartabrøvunum aftur skrásettir, og hesir kursir verða nýttir sum endakursir. Um kursirnir á øllum fýra bankapartabrøvunum, Nordea, Danske Bank, SEB og DnBNOR liggja hægri á endadegnum enn á byrjunardegnum, er rentan á Partabrævakontuni 16,50 prosent*. Um kursurin á einum ella fleiri bankapartabrøvum er lækkaður, (endakursurin er lægri enn byrjunarkursurin), er rentan á Partabrævakontuni 0 prosent. Rentan á Partabrævakontuni verður sett 28. apríl DnBNOR (Den Norske Bank) hevur eina sterka marknaðarstøðu á norska heimamarknaðinum við uml. 2,3 mió. privatkundum og uml vinnulívskundum. Marknaðarvirðið á DnBNOR er uml. 104 mia. kr., og talið av starvsfólkum liggur um Farna ár var rentingin av eginognini 22,0 prosent. Kelda: Ársroknskapirnir 2007 hjá Danske Bank, Nordea, SEB og DnBNOR. * Rentan á 16,50% er roknað við støði í galdandi marknaðartreytum og verður endaliga ásett við støði í marknaðarviðurskiftunum 29. apríl Um tað tá ikki er møgulig at fáa eina rentu upp á minst 14%, verður útboðið av partabrævakontuni avlýst.

4 Talva 1: Avkast byrjanarkursur Dømi 1 Dømi 2 Dømi 3 Dømi 4 Dømi 5 Partabræv Endakursir Nordea (4%) 104 (7%) 102 (5%) 110 (13%) 120 (24%) Danske Bank (2%) 161 (-10%) 188 (5%) 200 (12%) 258 (44%) SEB (-5%) 165 (3%) 168 (5%) 174 (9%) 208 (30%) DnBNOR (9%) 79 (1%) 82 (5%) 86 (10%) 98 (25%) Endalig renta - 0,00% 0,00% 16,50% 16,50% 16,50% Árlig renta - 0,00% 0,00% 7,94% 7,94% 7,94% Eik Banki ger vart við, at framtíðarmetingar ikki eiga at verða nýttar sum ein álítandi kelda fyri framtíðar gongd. Tølini í klombrum eru dømi um møguligar kursbroytingar í einstøku partabrøvunum Kelda: Egnar útrokningar Talva 1 vísir nøkur dømi um, hvussu rentan á Partabrævakontuni er tengd at kursgongdini á teimum fýra norðurlendsku bankapartabrøvunum. Niðasta rað vísir árligu rentuna. Sum víst í talvuni í dømi 1 og 2 er rentan á Partabrævakontuni 0 prosent, tí kursurin á einum ella fleiri av partabrøvunum er lægri endadagin enn byrjunardagin. Í dømi 3, 4 og 5 er rentan á Partabrævakontuni 16,50 prosent*, tí kursirnir á øllum bankapartabrøvunum liggja hægri endadagin enn byrjunardagin. Henda renta er 16,50 prosent* uttan mun til, hvussu stórar kurshækkingarnar hava verið. T.e. uttan mun til um miðal kurshækkingin er td. 5, 11 ella 30 prosent. Váði Avkastváði Lækkar kursurin á einum ella fleiri av teimum fýra norðurlendsku bankapartabrøvunum, verður rentan á Partabrævakontuni 0 prosent. Niðanfyri eru mest týðandi viðurskiftini lýst, sum kunnu ávirka tey fýra norðurlendsku bankapartabrøvini fram til endan av apríl Óvissa og váði Komandi árið er spennandi við nógvum spurningum viðv. møguligum slakka í búskapinum, støðuni á amerikanska bústaðarmarknaðium, altjóða kreditkreppuni umframt spentu gjaldførisstøðuni á altjóða fíggjarmarknaðunum. Hesi eru øll mál við óvissu og kunnu minka um váðafýsni hjá íleggjarum og sum heild senda partabrævakursirnar enn longur niður. Verður búskaparliga afturgongdin í USA víðfevnd, kann hon fáa ávirkan á búskaparliga vøksturin í øðrum londum. Tað kann bera í sær minkandi virksemi innan bankavinnuna og harvið lægri inntøkur. Mett verður, at ein álvarslig búskaparlig kreppa í USA kann hava stóra ávirkan á bankapartabrøv og harvið rentuna á Partabrævakontuni. Harumframt er váði tengdur at eini møguligari versnan av kreditkreppuni og gjaldførisstøðuni á altjóða fíggjarmarknaðunum og tískil framhald av órógvinum í bankavinnuni. Endaliga rentan á Partabrævakontuni er ikki tengd beinleiðis at kursgongdini á teimum fýra norðurlendsku bankapartabrøvunum, og tí fáa íleggjarar ikki sama avkast, sum íleggjarar kunnu fáa við at keypa partabrøv beinleiðis í teimum fýra norðurlendsku bankapartabrøvunum. Gjaldførisváði Partabrævakontan er eitt tvey ára innlán og ikki eitt frítt umsetiligt virðisbræv. Partabrævakontan er bundin í tvey ár fram til 28. apríl 2010 og kann ikki uppsigast í ótíð.

5 Skattur Velur tú at hava pening standandi í Eik eftir hesum leisti, skulu gjalda 35 prosent í skatti av møguliga vinninginum. Eik rindar TAKS skattin vegnað teg. Skatturin verður rindaður burtur av tilskrivaðu rentuni. Feløg, grunnar v.m., sum velja at seta pening á Gjaldoyrakontu, skulu rokna rentuinntøkuna við í uppgerðina av skattskyldugu inntøkuni eftir skattalógini. Er talan pening, sum hoyrir til eina eftirlønarskipan, á Gjaldoyrakontu, verður eingin skattur goldin av rentuinntøkunum, so leingi peningurin ikki er tikin út. Verður eftirlønin tikin út, skal skattur gjaldast, annaðhvørt eftir reglunum í rentutryggingarlógini ella eftir reglunum í skattalógini. Eftir rentutryggingarlógini er talan um eitt avgjald á 35 prosent av kapitalpensjón, um so er, at 60 ára aldur er rokkin. Er talan um útgjald innan 60-ára aldur, er avgjaldið 55 prosent tá ið tey taka eftirlønina út, verður hon skattað við 55 prosentum í avgjaldi. Innistandandi av eftirlønini á Gjaldoyrakontu er ikki partur av 20 prosent-regluni um einstakar útbjóðarar, og tí er einki ovara mark fyri, hvussu nógv kann setast inn. Eik ger vart við, at skattaviðgerðin altíð vil vera bundin av teimum umstøðum, tú ella felagið eru í. Eisini er vert at legga til merkis, at bæði lóggáva og umstøður kunnu broytast í framtíðini. Eik mælir tí til, at viðskiftafólk søkja sær ráðgeving hjá grannskoðara e.ø. ella venda sær til TAKS at fáa nágreiniliga vitan um síni skattaviðurskifti. Faktaboks 1: Yvirlit Innskotstíðarskeið Til og við 28. apríl 2008 (Tú kanst áðrenn 28. apríl taka innskotið aftur og harvið er innlánsavtalan ikki longur galdandi) Minsta innskot kr. Rentutilskriving 28. apríl 2010 Minsta renta 0% um árið Hægsta renta 16,50%* (indikativt) eftir 2 árum (svarandi til 7,94% p.a.) Rentan er tengd at Gongdini í fýra norðurlendskum bankapartabrøvum Uppsøgn áðrenn 2 ár eru farin Kontan er bundin fram til 28. apríl 2010

6 Tilvising vm.: Tú kanst lesa meira um Partabrævakontuna á okkara heimasíðu Tú ert eisini vælkomin at seta teg í samband við kundaráðgevarar á deildunum hjá Eik. Eik Banki P/F Yviri við Strond 2 FO-100 Tórshavn Tel: eik@eik.fo