Hjarteleg til lykke med leiromn!

Transkript

1 Hjarteleg til lykke med leiromn! Vi håpar du får riktig mange gode timar i selskap med denne fine og unike omnen! Transport og emballasje Vi leverer leiromnen i eit lite pallebur; tilpassa omnen. Han står på eit støytabsorberande underlag og er polstra på sidene. La derfor omnen bli ståande der heilt til fram til den endelege mottakaren. Omnen kan transporterast siste vegstubben fram til terrassen på ei kraftig trillebor eller sekkevogn. Har ein ingen av delane, må ein få tak i fire par sterke armar! Med to solide lekter stukke igjennom opningane som er berekna til gaflane på palleløftaren, vil fire mann kunne bere dei minste omnane mellom seg som ein berestol. På den endelege plasseringsstaden skal du sage av dei fire vertikale stoplane i palleburet heilt nede ved det støytabsorberande materialet. Slik kan ein løfte av toppen på palleburet utan å skade omnen. 1

2 No trengst det minst tre par sterke armar for å løfte omnen opp frå puta og over til fundamentet der omnen skal stå. Bikuben 60 veg 180 kg. Kuplen 65 veg 230 kg. Bruk dei store musklane (lår og overarmar) og pass på ryggen! Er de fire til å løfte, kan ein skyve 2 lekter under omnen og bruke berestolsprinsippet igjen. Men det må løftast samstundes og strengt koordinert! Til dei større omnane (Kuplen 80, 85, 100 og 105) skal det brukast godkjent løftemateriell. Dei større omnane har ein krok i kvart hjørne av fundamentet til omnen. Gjennom desse krokane kan det trekkjast trekk- og løfteband av av polyester, godkjende til slikt bruk. Kuplen 80 & 85 veg 300 kg, Kuplen 100 & 105 veg 360 kg. Vi tilrår at du kontaktar ein lastebil/traktor eigar som har kran eller liknande løfteutstyr for å få hjelp til dette løftet! Skal omnen stå på ein av våre vogner el. understell (Bikuben 40 eller 60), kan ein gå fram på følgjande måte: Ein monterer ikkje vognringen, men legg han i staden ved sida av pallen med omnen på. Legg 3 vanlege murstein på høgkant mellom dei flatjerna som dannar botnen av ringen. Løft så omnen frå pallen over på mursteinane og ringen med omnen i blir løfta opp til dei fire beina på vogna. Legg merk til at vognringen er utstyrt med nokre krokar til omnsverktøy. Krokane er plassert på framsida av vogna. Baksida på omnen blir altså sett ned tvers overfor desse krokane. Leiromnar toler ikkje slag og støyt! Sjølv om omnen er tung, må ein gå varsamt fram! Slik kjem du i gang Ved levering vil det vere att mykje fukt og væte i omnen (det kan vere heilt opp til 20 liter). For å fortrengje væta utan å skape større svinnrevner i leirmaterialet, må omnen brennast inn. Dette vil seie at opptenninga dei første dagane må vere svært forsiktige og kontrollerte. Brug 3-4 hardt pressa ballar av avispapir og 5-6 2

3 mindre trestykke (2-3 cm i diameter) og hald elden i gang i minst 6 timar den første dagen. Gjenta dette, men hald elden i gang så lenge du har tid, likevel minst 6 timar den neste dagen. Temperaturen den første dagen må ikkje overstige 80 C grader og må haldast under 150 C den neste dagen. Du skal halde godt auge med det indre av kuppelen. Det må ikkje på noko tidspunkt begynne å brenne i sotet som blir avsett når ein fyrar ved låg temperatur. Kuplen skal med andre ord halde seg heilt svart dei første to dagane. Flammene frå det vesle bålet i omnen må ikkje nå opp til omnskuppelen. Den tredje dagen er du klar til ganske langsomt - å varme opp omnen heilt igjennom. Bruk 4-5 timar på det den første gongen! Skulle du ha ein propanbrennar eller takpappbrennar, kan du gjerne bruke den til innbrenninga. Det er lettare å halde styr på temperaturen i slike brennarar. Men som sagt, flamma må ikkje på noko tidspunkt komme i nærleiken av omnsgolv eller kuppel. Start alltid varsamt og auk mengda av brennetilfang og dermed temperaturen langsomt. Når omnen kjennest behageleg varm på utsida (ca. 50 grader) og den innvendige kuppelen er fri for sot og er terrakottafarga igjen, er omnen klar. Bruk aldri sprittablettar, tennvæske eller andre kjemiske opptenningsmiddel, då desse kan etterlate restar i terrakottaen som kan smitte over på matvarene dine. Derimot kan ein gjerne bruke opptenningsmiddel som er framstilt av trefiber og som er tilsett rein bio-olje. Alle slag tørt og reint lauvtre kan brukast. Bruk aldri furu! Furu kan etterlate restar av harpiks på botnen av omnen. Dessutan er det vanskeleg å få furu til å brenne langsamt og kontrollert. På botnen av omnen kan det sitje igjen restar av måling som omnen er behandla med for å halde ute væte. Desse restane er det lettast å fjerne ved å brenne dei bort. Ta ein hardt samanpressa ball av avispapir og litt oske frå siste opptenning og bruk oska som eit lett skuremiddel på botnen av omnen. Heretter er det berre å fyre opp. Det kan ta 4-6 opptenningar før omnsbotnen er heilt rein. Når botnen er rein er blank og djupraud. 3

4 Vedlikehald Sjølv om omnen din er brent inn på rett vis, sjå ovanfor, vil det etter ei tids bruk oppstå mindre revner eller sprekker i veggene på omnen. Detter er ein naturleg følge av at terrakottaen tørkar og at terrakottaen har evna til å tilpasse seg dei ekstreme temperaturskifta. Desse revnene vil ikkje på noko vis påverke funksjonen til omnen, så ein skal ikkje bry seg om dei, men sjå på dei som eit sunnheitsteikn! Ønskjer ein å setje ein annan farge på omnen, kan ein bruke diffusjonsopen fasademåling. Ei utandørs diffusjonsopen struktur-/fasademåling vil likeeins kunne brukast. Slik måling vil ofte kunne tette dei ovanfor nemnde mindre revnene i ytterveggen på omnen meir effektivt enn vanleg spartelmasse. I vinterhalvåret tilrår vi å dekke til den tørre omnen med eit isolerande og vasstett teppe. Dette av omsyn til risikoen for frostsprenging. Ei mindre presenning som er lagt dobbelt kan også greie seg. For å unngå større kondenssamlingar på omnen tilrår vi å leggje eit par lekter eller liknande oppå omnen før han blir dekka til. Dersom det kan komme luft til omnen nedanfrå, vil det ikkje kunne oppstå kondens (fukt) på omnen. Omnsdøra, som utvendig består av hardt tre (Bikuben 60), bør frå tid til annan leggjast i eit spann med vatn for at treet kan trekkje til seg litt væte. Forbetringar Leiromnane våre er bygde til å fungere utan ytterlegare isolering. Men dei termiske eigenskapane til omnen kan forbetrast dersom omnen blir plassert på eit isolerande underlag som t.d. gassbetong eller leca. Dette kan redusere varmetap nedantil. 4

5 Ver versam Ein leiromn kan bli svært varm. Sjølv om det berre er ved ekstrem fyring at utsida på omnen kjem over 60 grader, så er det god grunn til å vere varsam når ein har med omnen å gjere - innvendig er det typisk 350 til 400 grader, under oppfyring heilt opp til 550 grader. Bruk alltid varmebestandig hanske med høg krage, f.eks. ein sveisehanske når du skal flytte skåler eller grillmat. Hald barn vekk frå omnsmunninga, strålevarmen like utanfor omnen kan vere opp til 350 grader. Eit sett omnsreiskap i aluminium og med høveleg skaftlengde kostar ca 1100 kr! Trereiskap tørkar fort ut og kan lett ta fyr. Dei skålene og fata som du vanlegvis brukar i den elektriske komfyren, er lite eigna til bruk i ein vedfyra leiromn. Omnfast er ikkje det same som eldfast. Bruk derfor ikkje skåler og fat du er redd for og ikkje vil miste. I vår nettbutikk finn du eit utvalg med tilbehør 5